Luke 5
5
1Soðlice wæs geworðen þa þa manege him to comen þæt hyo godes word gehyrden. he stod wið þane mere genesareth. 2⁊he geseah twa scipe standende wið þanne mere. Ða fixeres eoden ⁊wexon heore nett. 3He þa astigende on an scyp; þæt wæs symones. bed hine þæt he hit lithwan fram lande tuugen ⁊on þam scype sittende he lærde þa manega. 4Ða he spræcen geswac he cwæð to symone. Teoh hit on deopan ⁊læteð eowre nett on þanne fiscwær. 5Ða cwæd symon him andswerede. Ela bebended (sic) ealle niht swikende we naht ne fengen. Soðlice on þinum worde ich min nett utlæte. 6⁊þa hyo þæt dydon. hyo betugen mycele maniga fixsca; ⁊heore nett wæs tobroken. 7⁊hyo becneden heore geferen; þe on oðren scypen wæren. þt hyo comen ⁊heom felsten. Ða comen hyo ⁊gefelden baða þa scype swa þæt hyo neh wæren gesencten. 8Þa petrus þæt geseah he feoll to þas hælendes cneowen; ⁊cwæð. Drihten gewit fram me for þam ich em sinful man 9⁊he wundrede ⁊ealle þa þe mid hym wæren on þam wære þare fixsca þe hyo gefengen. 10Gelice Iacobum ⁊Iohannem Zebedeis sunes. þa wæren symones geferan. Þa cwæð se hælend to symone. ne ondræd þu þe. Heonen forð þu byst menn feonde. 11⁊hyo tugen hyre scyp to lande ⁊forlæten hyo ⁊folgedon þam hælende. 12Þa he wæs on anre ceastre þa wæs þær an hreofla ⁊þa he geseah þanne hælend þa astrahte he hine ⁊bæd ⁊þus cwæð. Drihten gif þu wilt. þu miht me geclænsien. 13Ænd he æthran hine his handa aþenede ⁊cwæð. Ic wille; syo þu geclænsed. Ænd sone se hreofla hym fram ferde. 14⁊he bed him þt he hit nanen men ne saigde. ac ga ⁊atewe þe þam sacerde. ænd bring for þinre claensinge swa moyses bebead heom on gewitnysse. 15Witodlice þas þe ma seo spræc be him ferde ⁊mycele menega comen þæt hyo gehyrdon ⁊wurðen gehælede fram heora untrumnesse. 16He þa ferde on westen ⁊hine gebæd. 17Þa wæs anen daige geworðen þæt he sæt ⁊hyo lærde ⁊þa wæren þa farisei sittende ⁊þare lagelareowwæs. þa comen of ælche castelle galilee ⁊Iudee ⁊ierusalem ⁊drihten magen wæs hyo to gehælene. 18Ænd þa bæren men on anen bedde enne man; se wæs lame. 19⁊hyo ne mihten hine inbringen ⁊aleggen beforan hym; for þare maniga þe mid þam hælende wæs. Ða astigen hyo up on þanne rof ⁊þurh þa watelas hine mid þam bedde asende beforan þam halende. 20Ða he geseah heora geleafe. he cwæð. La man þe synd þine sinne forgefene. 21Ða agunnen þencen þa bokeres ⁊farisei ⁊cwæðen. hwæt is þes þe her sprecd woffunga. hwa maig senna forgefen buton god ane. 22Ða seo hælend gecneow heora geþances; he andsweriende cwæð to heom. Hwæt þence ge on eowre heorten 23hwæðer is eþere to cweðene þe synt þine senne forgefene; hwaðer to cweðene aris ⁊ga. 24þæt ge witen þæt mannes sune on eordan anweald hafð synne to forgefena. Ænd he sægde þam lamen. þe ich segge aris; nym þin bed ⁊ga on þin hus. 25⁊he sone beforen heom aras; ⁊nam þæt he on læig ⁊to his huse eode ⁊god wuldrede. 26⁊hyo ealle wundredon ⁊god mærsedon ⁊wæren mid eige gefylde ⁊cwæðen soðes we todaig wundre geseagen. 27Þa æfter þan he uteode ⁊geseah publicanum þe wæs oðer name leuj gehaten. æt cheapscamele sittende ⁊he cwæð to hym felge me. 28⁊he hym þa felgede ⁊ealle hys þing forlet. 29Ænd leuj dyde him michele gebeorscipe on his huse ⁊þær wæs mycele manege manfulra ⁊oðre þe mid him sæton. 30Þa murcneden þa farisei ⁊þa bokeres ⁊cwæðen to his leorningcnihten. hwi æte ge ⁊drinkeð mid manfullen ⁊senfullen. 31Ða andswerede se hælend ⁊cwæð to heom. Ne beþurfen læches þa þe hale synde. ac þa þe unhæle hæbbeð. 32Ne com ich rihtwise to clepian. ac synfulle on deadbote. 33Ða cwæðen hyo to hym. hwi fæsted iohannes leorningcnihtes gelomlice ⁊halsunge doð ⁊eal swa fariseen ⁊þine æteð ⁊drinceð; 34Þa cwæð he. cwedst þu magen þas bredgumen bearn fæsten. swa lange swa se bredgume mid heom ys. 35Soðlice þa dages cumeð þanne se bredgume heom beoð aferred. þanne fæsted hyo on þan dagen. 36Ða sæde he heom an bispell. Ne asende nan man scyp on neowan reafe. on eald reaf elles þæt neowe slyt ⁊se neowe scyp ne helpd þan ealden. 37Ne nan man ne synt niwe win on ealde butta elles þæt neowa win breceð þa butta ⁊þæt win beoð agoten ⁊þa butta forwurðed. 38Ac neowe win is to asendenne on neowe butta þanne beoð þa butte gehealdenne. 39⁊ne drincð nan man eald win ⁊wille sona þæt neowe he cweð þæt ealde is betere.
Currently Selected:
Luke 5: ASxG
Highlight
Share
Copy
Want to have your highlights saved across all your devices? Sign up or sign in
The Four Gospels in AngloSaxon (Old English) were translated from Latin by Abbot Ælfric of Eynsham, probably some time within the period 990 – 1010.
Luke 5
5
1Soðlice wæs geworðen þa þa manege him to comen þæt hyo godes word gehyrden. he stod wið þane mere genesareth. 2⁊he geseah twa scipe standende wið þanne mere. Ða fixeres eoden ⁊wexon heore nett. 3He þa astigende on an scyp; þæt wæs symones. bed hine þæt he hit lithwan fram lande tuugen ⁊on þam scype sittende he lærde þa manega. 4Ða he spræcen geswac he cwæð to symone. Teoh hit on deopan ⁊læteð eowre nett on þanne fiscwær. 5Ða cwæd symon him andswerede. Ela bebended (sic) ealle niht swikende we naht ne fengen. Soðlice on þinum worde ich min nett utlæte. 6⁊þa hyo þæt dydon. hyo betugen mycele maniga fixsca; ⁊heore nett wæs tobroken. 7⁊hyo becneden heore geferen; þe on oðren scypen wæren. þt hyo comen ⁊heom felsten. Ða comen hyo ⁊gefelden baða þa scype swa þæt hyo neh wæren gesencten. 8Þa petrus þæt geseah he feoll to þas hælendes cneowen; ⁊cwæð. Drihten gewit fram me for þam ich em sinful man 9⁊he wundrede ⁊ealle þa þe mid hym wæren on þam wære þare fixsca þe hyo gefengen. 10Gelice Iacobum ⁊Iohannem Zebedeis sunes. þa wæren symones geferan. Þa cwæð se hælend to symone. ne ondræd þu þe. Heonen forð þu byst menn feonde. 11⁊hyo tugen hyre scyp to lande ⁊forlæten hyo ⁊folgedon þam hælende. 12Þa he wæs on anre ceastre þa wæs þær an hreofla ⁊þa he geseah þanne hælend þa astrahte he hine ⁊bæd ⁊þus cwæð. Drihten gif þu wilt. þu miht me geclænsien. 13Ænd he æthran hine his handa aþenede ⁊cwæð. Ic wille; syo þu geclænsed. Ænd sone se hreofla hym fram ferde. 14⁊he bed him þt he hit nanen men ne saigde. ac ga ⁊atewe þe þam sacerde. ænd bring for þinre claensinge swa moyses bebead heom on gewitnysse. 15Witodlice þas þe ma seo spræc be him ferde ⁊mycele menega comen þæt hyo gehyrdon ⁊wurðen gehælede fram heora untrumnesse. 16He þa ferde on westen ⁊hine gebæd. 17Þa wæs anen daige geworðen þæt he sæt ⁊hyo lærde ⁊þa wæren þa farisei sittende ⁊þare lagelareowwæs. þa comen of ælche castelle galilee ⁊Iudee ⁊ierusalem ⁊drihten magen wæs hyo to gehælene. 18Ænd þa bæren men on anen bedde enne man; se wæs lame. 19⁊hyo ne mihten hine inbringen ⁊aleggen beforan hym; for þare maniga þe mid þam hælende wæs. Ða astigen hyo up on þanne rof ⁊þurh þa watelas hine mid þam bedde asende beforan þam halende. 20Ða he geseah heora geleafe. he cwæð. La man þe synd þine sinne forgefene. 21Ða agunnen þencen þa bokeres ⁊farisei ⁊cwæðen. hwæt is þes þe her sprecd woffunga. hwa maig senna forgefen buton god ane. 22Ða seo hælend gecneow heora geþances; he andsweriende cwæð to heom. Hwæt þence ge on eowre heorten 23hwæðer is eþere to cweðene þe synt þine senne forgefene; hwaðer to cweðene aris ⁊ga. 24þæt ge witen þæt mannes sune on eordan anweald hafð synne to forgefena. Ænd he sægde þam lamen. þe ich segge aris; nym þin bed ⁊ga on þin hus. 25⁊he sone beforen heom aras; ⁊nam þæt he on læig ⁊to his huse eode ⁊god wuldrede. 26⁊hyo ealle wundredon ⁊god mærsedon ⁊wæren mid eige gefylde ⁊cwæðen soðes we todaig wundre geseagen. 27Þa æfter þan he uteode ⁊geseah publicanum þe wæs oðer name leuj gehaten. æt cheapscamele sittende ⁊he cwæð to hym felge me. 28⁊he hym þa felgede ⁊ealle hys þing forlet. 29Ænd leuj dyde him michele gebeorscipe on his huse ⁊þær wæs mycele manege manfulra ⁊oðre þe mid him sæton. 30Þa murcneden þa farisei ⁊þa bokeres ⁊cwæðen to his leorningcnihten. hwi æte ge ⁊drinkeð mid manfullen ⁊senfullen. 31Ða andswerede se hælend ⁊cwæð to heom. Ne beþurfen læches þa þe hale synde. ac þa þe unhæle hæbbeð. 32Ne com ich rihtwise to clepian. ac synfulle on deadbote. 33Ða cwæðen hyo to hym. hwi fæsted iohannes leorningcnihtes gelomlice ⁊halsunge doð ⁊eal swa fariseen ⁊þine æteð ⁊drinceð; 34Þa cwæð he. cwedst þu magen þas bredgumen bearn fæsten. swa lange swa se bredgume mid heom ys. 35Soðlice þa dages cumeð þanne se bredgume heom beoð aferred. þanne fæsted hyo on þan dagen. 36Ða sæde he heom an bispell. Ne asende nan man scyp on neowan reafe. on eald reaf elles þæt neowe slyt ⁊se neowe scyp ne helpd þan ealden. 37Ne nan man ne synt niwe win on ealde butta elles þæt neowa win breceð þa butta ⁊þæt win beoð agoten ⁊þa butta forwurðed. 38Ac neowe win is to asendenne on neowe butta þanne beoð þa butte gehealdenne. 39⁊ne drincð nan man eald win ⁊wille sona þæt neowe he cweð þæt ealde is betere.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Four Gospels in AngloSaxon (Old English) were translated from Latin by Abbot Ælfric of Eynsham, probably some time within the period 990 – 1010.