Sealm 16
16
Sealm XV (16)
Þone fifteoðan sealm Dauid sang be his earfoðum, ægðer ge modes ge lichaman; and eft swa ilce Ezechias hine sang be his mettrumnesse, wilnode him to Gode sumre frofre; and swa deð ælc rihtwis mann þe hine singð on his earfoðum; and swa dyde Crist þa he hine sang.
1Gehealde me, Drihten, for Ăľam ic hopige to Ă°e.
2Hu, ne sæde ic þe, Drihten, þæt þu eart min God,
for þam þu me eall þa good sealdest þe ic hæbbe,
and Ăľe heora nan nydĂľerf nis eft on me to nimene.
3Drihten gefylde ealne minne willan
and me forgeaf þæt ic moste ofercuman
þa þeoda þe me ungeðwære wæron,
and heora hergas toweorpan
æfter minum agnum willan.
4Heora unmiht and heora untrymĂ° is swiĂ°e gemanifealdod;
nu swyĂ°e hraĂ°e hi forwurĂ°aĂ°.
Ne gaderie ic nan folc to unrihtum gewinne,
swa swa hi doĂ°,
ne ic ne clypige to heora godum,
ne to heargum ne gebidde mid mine muĂ°e,
5for þam þu, Drihten, eart se dæl mines yrfes
and se calic minre blisse,
and Ăľu eart se Ăľe me geedniwodest min rice.
6Þu gedydest þæt we mætan ure land mid rapum,
and min hlyt gefeoll ofer þæt betste;
for þam is min land nu foremære and me swyðe unbleo.
7Ic bletsige Ăľone Drihten Ăľe me sealde andgit.
Ac Ăľeah he me Ăľara uterrena gewinna gefreode,
þeah winnað wið me þa inran unrihtlustas dæges and nihtes,
þæt ic ne eom, þeah, eallunga orsorh.
8Ic ongite Drihten, and he byĂ° symle
beforan þære ansyne mines modes.
For þæm he bið symle on minum fultume,
þæt ic ne beo eallunga oferswiðed.
9For þæm þingum min mod is gelustfullod
and ic cyĂ°e Ăľa blisse on minre tungan,
and on þæm tohopan ic me syððan gereste,
10for þæm þu ne forlætst mine sawle ne min mod to helle,
ne þinne gehalgodan ne lætst forrotian ne forweorðan.
11Ăžu me gedydest lifes wegas cuĂ°e,
and gefylst me mid gefean beforan Ăľinre ansyne;
for ælc riht lustbærnes cymð þurh þinne fultum
þæm þe heo cimð on ecnesse.
Currently Selected:
Sealm 16: ASPsa
Highlight
Share
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
