Sealm 70
70
Sealm 69
1Wes, Drihten God, deore fultum;
beheald, Drihten, me, and me hraðe syþþan
gefultuma æt feorhþearfe.
2Þonne beoð gescende and scame dreogað,
þa þe mine fynd fæcne wæron
and mine sawle sohton mid niðe.
Hi on hinderlincg hweorfað and cyrrað;
ealle hiora scamien, þe me yfel hogedon.
3And heora æfstu eac ealle sceamien,
þe me word cwædon: “Weg la, weg la!”
4Habban þa mid wynne weorðe blisse,
þa þe secean symble Drihten,
and symble cweðen: “Sy þin miht, Drihten!”
and þine hælu holde lufigean.
5Ic eom wædla and worldþearfa;
gefultuma me, god, frea ælmihtig.
Þu me fultum eart fæste, Drihten,
eart alysend min; ne lata þu awiht.
Currently Selected:
Sealm 70: ASPsa
Highlight
Share
Compare
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.