يُوحَنَّا 17
17
صَلاة يَسُوع قُبّال موتو
1و لَمّا يَسُوع إتكَلَّم الكَلام دا، رَفَع عُيونو لِلسَّما و قال: ”يا أبوي، السّاعَه جات. مَجِّد إبنَك عَشان إبنَك يَمَجِّدَك كَمان. 2عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو. 3و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو. 4أنا مَجَّدتَك عَلى الأرض، و أنا تَميت العَمَل الأدّيتو لَي عَشان أعمِلو. 5و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.
6أنا وَرّيت إسمَك لِلنّاس الأدّيتُم لَي مِن الدُّنيا. هُم كانو ليك، و إنتَ أدّيتُم لَي، و هُم حَفَظو كَلامَك. 7و هَسَّع، هُم عِرِفو إن كُل الأدّيتو لَي، هو جاي مِنَّك. 8عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني. 9أنا بَصَلّي فِشانُم. و أنا ما بَصَلّي فِشان خاطِر الدُّنيا. لَكِن بَصَلّي فِشان ديل الأدّيتُم لَي مِن الدُّنيا، عَشان هُم ليك. 10و كُل العِندي، هو ليك. و كُل العِندَك، هو لَي. و أنا عِندي مَجد فِشانُم. 11أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد. 12لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب. 13لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي. 14أنا أدّيتُم كَلامَك. و ناس الدُّنيا كِرهوهُم، عَشان هُم ما مِن الدُّنيا، زي ما أنا ما مِن الدُّنيا. 15أنا ما بَسأل عَشان تاخُدُم مِن الدُّنيا، لَكِن عَشان تَحفَظُم مِن الشَّر. 16هُم مُش مِن الدُّنيا، زي ما أنا مُش مِن الدُّنيا. 17قَدِّسُم في حَقَّك. كَلامَك هو الحَق. 18زي ما رَسَّلتَني لِلدُّنيا، أنا رَسَّلتَهُم لِلدُّنيا كَمان. 19و أنا بَقَدِّس نَفسي عَشانُم، فِشان هُم يَكونو مُقَدَّسين في الحَق كَمان.
20أنا ما بَصَلّي عَشان ديل بَس، لَكِن كَمان عَشان البِآمِنو بي بِكَلامُم. 21أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني. 22و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد. 23أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني. 24يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا. 25يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني. 26و أنا وَرّيت ليهُم إسمَك، و أنا بَوَرّيهُم. و أنا بَسَوّي دا عَشان المَحَبَّه الأنتَ حَبّيتني بيهو بِكون فيهُم، و أنا أكون فيهُم.“
Currently Selected:
يُوحَنَّا 17: APD2024
Highlight
Share
Copy
Want to have your highlights saved across all your devices? Sign up or sign in
© 1978 SIM, adapted in 2024 by Pioneer Bible Translators
يُوحَنَّا 17
17
صَلاة يَسُوع قُبّال موتو
1و لَمّا يَسُوع إتكَلَّم الكَلام دا، رَفَع عُيونو لِلسَّما و قال: ”يا أبوي، السّاعَه جات. مَجِّد إبنَك عَشان إبنَك يَمَجِّدَك كَمان. 2عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو. 3و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو. 4أنا مَجَّدتَك عَلى الأرض، و أنا تَميت العَمَل الأدّيتو لَي عَشان أعمِلو. 5و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.
6أنا وَرّيت إسمَك لِلنّاس الأدّيتُم لَي مِن الدُّنيا. هُم كانو ليك، و إنتَ أدّيتُم لَي، و هُم حَفَظو كَلامَك. 7و هَسَّع، هُم عِرِفو إن كُل الأدّيتو لَي، هو جاي مِنَّك. 8عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني. 9أنا بَصَلّي فِشانُم. و أنا ما بَصَلّي فِشان خاطِر الدُّنيا. لَكِن بَصَلّي فِشان ديل الأدّيتُم لَي مِن الدُّنيا، عَشان هُم ليك. 10و كُل العِندي، هو ليك. و كُل العِندَك، هو لَي. و أنا عِندي مَجد فِشانُم. 11أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد. 12لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب. 13لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي. 14أنا أدّيتُم كَلامَك. و ناس الدُّنيا كِرهوهُم، عَشان هُم ما مِن الدُّنيا، زي ما أنا ما مِن الدُّنيا. 15أنا ما بَسأل عَشان تاخُدُم مِن الدُّنيا، لَكِن عَشان تَحفَظُم مِن الشَّر. 16هُم مُش مِن الدُّنيا، زي ما أنا مُش مِن الدُّنيا. 17قَدِّسُم في حَقَّك. كَلامَك هو الحَق. 18زي ما رَسَّلتَني لِلدُّنيا، أنا رَسَّلتَهُم لِلدُّنيا كَمان. 19و أنا بَقَدِّس نَفسي عَشانُم، فِشان هُم يَكونو مُقَدَّسين في الحَق كَمان.
20أنا ما بَصَلّي عَشان ديل بَس، لَكِن كَمان عَشان البِآمِنو بي بِكَلامُم. 21أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني. 22و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد. 23أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني. 24يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا. 25يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني. 26و أنا وَرّيت ليهُم إسمَك، و أنا بَوَرّيهُم. و أنا بَسَوّي دا عَشان المَحَبَّه الأنتَ حَبّيتني بيهو بِكون فيهُم، و أنا أكون فيهُم.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1978 SIM, adapted in 2024 by Pioneer Bible Translators