HINI UWASI-BIADRCIMOWA ya-sfadoci MAFIYO 16
16
1Chena nihki Palaseki chena Satuseki biaki, macimi u pami wesv kutvh-kuwrlr-wrli u kucimr-wrli wvhsi wrpv-talaku-wrci gigi-nolowa wafapvh-kvmigigi uci. 2Pvyaqv ud rpvftv-wvhi, macimi, Ini ia hulrqefigi, Wa huwasi gesagi inugi; xvga ini msqrwi man-qvtwi, ki dr-iupwv u talvhi. 3Chena ini iah kulvh-whrpvgi, Wah mvci-gesagi inugi; xvga ini msqrwi manqvtwi macimi gipvku-qvtwi. Ki wrkudr-nrwv gelvwv wvhsi nanufi-yaqa ya-lrba-yrgi manqvtwi; pvyakv kid rlwi kvtvwi nanufi-pwv nili giginolowanv ini bami lrqvh-kvmigigi, 4Mvtafefi macimi wrpvsiphi-gawafi sqewanv u nvtunahv giginolowa; macimi wah me-lrwv mvtv giginolowa, wakv ini Jonv u giginolowa, isiwa. Chena u nvkv-lvhi, macimi ’n’uci wapfa.
5Chena nihki kvgahgimrfvki biaki ini vsuwa wiyatvhqa macimi u wvnihgrdr-nrwv wvhsi mvmu-wrci tvkuwhv. 6Chena Jesise, Gcitvwr-feku macimi mvhgani ini unvlascikv-nwv nihki Palaseki chena Satuseki, u talvhi. 7Chena nihki mamagini-tahaki alagenv welvwv, Mvtv ki mvmapa tvkuwhv, iwvki. 8Macimi Jesise u pami mola-latvmv-wvhi ini, 0cvgi dapwahsa-fvki gelvwv, gociwa ki ma-magini-tahapwv alagenv gelvwv, xvga mvtv ki bonr-nrwv tvkuwhv? u talvhi. 9Hv gawvgi gelvwv mvtv ki mosi-tahapwv walr mvtv ki mkvwaladr-nrwv nili nyrlvnwi u wapsqada-mwv nihki nyrlvna-matvh-fana-tabawa, macimi gahfwi sosoni-wvli ki mvma-nrwv? 10Hv mvtv nuhgi nili neswvhfwi u wapsqada-mwv nihki nyawana-matvhfana-tabawa, macimi gahfwi sosoni-wvli ki mvma-nrwv? 11Nahiwa ini ki tasi bur gelvwv molaladr-nrwv yasi bur rtutvmo-lvku tvkuwhv? Pvyaqv mvhgani ini unvlascikv-nwv nihki Palaseki chena Satuseki. 12Hina uwa nihki nanuh-saki yasi bur inv mvhgani ilrci ini tv-kuwhrni unvlascikv, wakv ini u kvgahgimiwawa-nwv nihki Palaseki chena Satuseki.
13Huwa ini Sisvlia Filibri iah si birci Jesise, u nvtuhtv-wvhi u kvgahgimrfhi, Nafvliwa inv iwvki ilaneki nili u Qihfvli ilani? u talvhi. 14Chena nihki, Nrlatv Jrne nv Fvfvhqi-ulal-hiwanv, iwvki; nrlatv, Elvicv; chena kutvkvki, Calimriv, walr nakuti nihki mrmosigesqacki, iwvki, u talr-wrli. 15Wakv nafvwa nelv ki taiupwv gelvwv? u talvhi. 16Macimi Svimvn’ Betv rpvf-sa, Inv Klvisde gelv, nili u Qihfli inv ya-pitv Mvnatu, u talrli. 17Chena Jesise rpvfsa, Gi gisrtafi gelv, Svimvn’ Br-Jonv : xvga mvtv wivufi macimi msqi gi mahci pvhginv-mrku ini, n’Uhfv wakv ya-pitv wafapvh-kvnigigi. 18Macimi nelv nahfrpi gi tala, yasi Betv-wivni gelv, chena usgici yrmv sekunv na hupvtanv ni mv-mrtuma-wikv; macimi mvtv nili vhqi-nvmowi sqrda-wvli wa huci kvtvwvh-kunota ini. 19Gah me-lala nili tvwanahi-kvnv ini wafapvh-kvmigigi ugimrwi-drmqa uci : macimi goqa-nahi-grci ga gijepila usgi-drmqa wa gijepita betiga wafapvh-kvmigigi; chena goqa-nahigrci gah palhv usgi-drmqa wah palhota betiga wafapvh-kvmigigi, u talrli. 20Hina uwa u tapinvlaqi-mvhi nihi kvgahgimrfhi wvhsi bur nihki wetvmvwr-wrci ilaneli yasi inv-wici nili Klvisdeli.
21Hina lrqv uci ut vlami wrpvta-lvhi Jesise u kvgahgimrfhi, wvhsi qelvhi Culosalame hrci, macimi vhqi-nvgi maci wiahi nihi uci gigi-lanihi chena ugimrwi mkvtaukulviahi chena yr-ivwi-galici, macimi wvhsi nfaqici, chena ini nfwi grsagigi unsgrno-fuci. 22Chena u tah fogi-nrli Betv, macimi ut vlami gilhvmv-wrli, Paluwr-mvtwi cahi ini geiv uci, Dabalamiwatv : mvtv yomv wa hinwi geyrgi, isiwa. 23Pvyaqv mrsi kugewv inv, macimi, Udrnrgi nelv hrlu, Satane : pami utvgikvh-sinowa gelv neyrgi : xvga mvtv gimamagina-ladrnv nili u wiahe-mv Mvnatu, nili wakv u wiahe-mwv ilaneki, u talrli Betvli. 24Hina uwa Jesise u talvhi u kvgahgimrfhi, Qahqi wiyafv ilani nib wesv nakvlaqv, welrni inv girda-latvga weiv, chena u mvma ud rsitahfage-mi, macimi ni nakvlaqv. 25Xvga goqa-nafv-grci wih wesv wrpvnastu u ta lanvwawewa wa wvntu ini : chena goqa-nafv-grci wa wvntu u ta lanvwawewa xvga nelv uci wa mkv ini. 26Nahiwa xvga wa mkvhfu ilani qahqi kvtvwih-kvga malsga ini ya-lakuqvh-kvmigigi, macimi pvgida-nvga u ta lanvwawewa? walr nahiwa wah me-liwa ilani rsonvga u ta lanvwawewa? 27Xvga inv u Qihfvli ilani wah biawv ini u wvhfrci-makufewa-nilici u’Fvli gilagi lit ancvle-mhi; macimi ina uwa wah tapvsvwi me-lrli jrgi si ilaneli yasi Ivwewa-nilici. 28Tapilo gi tala-pwv nelv, Hvbeki nihki nrlatv na-nepv-wicki utvsi, nihgeni mvtv wah wiahi si ku-tvdr-nrwv nabowa, brluhi nihki wah nawr-wrli nili u Qihfvli ilani pami biawv ini u gimrwewa-nagi.
Currently Selected:
HINI UWASI-BIADRCIMOWA ya-sfadoci MAFIYO 16: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
HINI UWASI-BIADRCIMOWA ya-sfadoci MAFIYO 16
16
1Chena nihki Palaseki chena Satuseki biaki, macimi u pami wesv kutvh-kuwrlr-wrli u kucimr-wrli wvhsi wrpv-talaku-wrci gigi-nolowa wafapvh-kvmigigi uci. 2Pvyaqv ud rpvftv-wvhi, macimi, Ini ia hulrqefigi, Wa huwasi gesagi inugi; xvga ini msqrwi man-qvtwi, ki dr-iupwv u talvhi. 3Chena ini iah kulvh-whrpvgi, Wah mvci-gesagi inugi; xvga ini msqrwi manqvtwi macimi gipvku-qvtwi. Ki wrkudr-nrwv gelvwv wvhsi nanufi-yaqa ya-lrba-yrgi manqvtwi; pvyakv kid rlwi kvtvwi nanufi-pwv nili giginolowanv ini bami lrqvh-kvmigigi, 4Mvtafefi macimi wrpvsiphi-gawafi sqewanv u nvtunahv giginolowa; macimi wah me-lrwv mvtv giginolowa, wakv ini Jonv u giginolowa, isiwa. Chena u nvkv-lvhi, macimi ’n’uci wapfa.
5Chena nihki kvgahgimrfvki biaki ini vsuwa wiyatvhqa macimi u wvnihgrdr-nrwv wvhsi mvmu-wrci tvkuwhv. 6Chena Jesise, Gcitvwr-feku macimi mvhgani ini unvlascikv-nwv nihki Palaseki chena Satuseki, u talvhi. 7Chena nihki mamagini-tahaki alagenv welvwv, Mvtv ki mvmapa tvkuwhv, iwvki. 8Macimi Jesise u pami mola-latvmv-wvhi ini, 0cvgi dapwahsa-fvki gelvwv, gociwa ki ma-magini-tahapwv alagenv gelvwv, xvga mvtv ki bonr-nrwv tvkuwhv? u talvhi. 9Hv gawvgi gelvwv mvtv ki mosi-tahapwv walr mvtv ki mkvwaladr-nrwv nili nyrlvnwi u wapsqada-mwv nihki nyrlvna-matvh-fana-tabawa, macimi gahfwi sosoni-wvli ki mvma-nrwv? 10Hv mvtv nuhgi nili neswvhfwi u wapsqada-mwv nihki nyawana-matvhfana-tabawa, macimi gahfwi sosoni-wvli ki mvma-nrwv? 11Nahiwa ini ki tasi bur gelvwv molaladr-nrwv yasi bur rtutvmo-lvku tvkuwhv? Pvyaqv mvhgani ini unvlascikv-nwv nihki Palaseki chena Satuseki. 12Hina uwa nihki nanuh-saki yasi bur inv mvhgani ilrci ini tv-kuwhrni unvlascikv, wakv ini u kvgahgimiwawa-nwv nihki Palaseki chena Satuseki.
13Huwa ini Sisvlia Filibri iah si birci Jesise, u nvtuhtv-wvhi u kvgahgimrfhi, Nafvliwa inv iwvki ilaneki nili u Qihfvli ilani? u talvhi. 14Chena nihki, Nrlatv Jrne nv Fvfvhqi-ulal-hiwanv, iwvki; nrlatv, Elvicv; chena kutvkvki, Calimriv, walr nakuti nihki mrmosigesqacki, iwvki, u talr-wrli. 15Wakv nafvwa nelv ki taiupwv gelvwv? u talvhi. 16Macimi Svimvn’ Betv rpvf-sa, Inv Klvisde gelv, nili u Qihfli inv ya-pitv Mvnatu, u talrli. 17Chena Jesise rpvfsa, Gi gisrtafi gelv, Svimvn’ Br-Jonv : xvga mvtv wivufi macimi msqi gi mahci pvhginv-mrku ini, n’Uhfv wakv ya-pitv wafapvh-kvnigigi. 18Macimi nelv nahfrpi gi tala, yasi Betv-wivni gelv, chena usgici yrmv sekunv na hupvtanv ni mv-mrtuma-wikv; macimi mvtv nili vhqi-nvmowi sqrda-wvli wa huci kvtvwvh-kunota ini. 19Gah me-lala nili tvwanahi-kvnv ini wafapvh-kvmigigi ugimrwi-drmqa uci : macimi goqa-nahi-grci ga gijepila usgi-drmqa wa gijepita betiga wafapvh-kvmigigi; chena goqa-nahigrci gah palhv usgi-drmqa wah palhota betiga wafapvh-kvmigigi, u talrli. 20Hina uwa u tapinvlaqi-mvhi nihi kvgahgimrfhi wvhsi bur nihki wetvmvwr-wrci ilaneli yasi inv-wici nili Klvisdeli.
21Hina lrqv uci ut vlami wrpvta-lvhi Jesise u kvgahgimrfhi, wvhsi qelvhi Culosalame hrci, macimi vhqi-nvgi maci wiahi nihi uci gigi-lanihi chena ugimrwi mkvtaukulviahi chena yr-ivwi-galici, macimi wvhsi nfaqici, chena ini nfwi grsagigi unsgrno-fuci. 22Chena u tah fogi-nrli Betv, macimi ut vlami gilhvmv-wrli, Paluwr-mvtwi cahi ini geiv uci, Dabalamiwatv : mvtv yomv wa hinwi geyrgi, isiwa. 23Pvyaqv mrsi kugewv inv, macimi, Udrnrgi nelv hrlu, Satane : pami utvgikvh-sinowa gelv neyrgi : xvga mvtv gimamagina-ladrnv nili u wiahe-mv Mvnatu, nili wakv u wiahe-mwv ilaneki, u talrli Betvli. 24Hina uwa Jesise u talvhi u kvgahgimrfhi, Qahqi wiyafv ilani nib wesv nakvlaqv, welrni inv girda-latvga weiv, chena u mvma ud rsitahfage-mi, macimi ni nakvlaqv. 25Xvga goqa-nafv-grci wih wesv wrpvnastu u ta lanvwawewa wa wvntu ini : chena goqa-nafv-grci wa wvntu u ta lanvwawewa xvga nelv uci wa mkv ini. 26Nahiwa xvga wa mkvhfu ilani qahqi kvtvwih-kvga malsga ini ya-lakuqvh-kvmigigi, macimi pvgida-nvga u ta lanvwawewa? walr nahiwa wah me-liwa ilani rsonvga u ta lanvwawewa? 27Xvga inv u Qihfvli ilani wah biawv ini u wvhfrci-makufewa-nilici u’Fvli gilagi lit ancvle-mhi; macimi ina uwa wah tapvsvwi me-lrli jrgi si ilaneli yasi Ivwewa-nilici. 28Tapilo gi tala-pwv nelv, Hvbeki nihki nrlatv na-nepv-wicki utvsi, nihgeni mvtv wah wiahi si ku-tvdr-nrwv nabowa, brluhi nihki wah nawr-wrli nili u Qihfvli ilani pami biawv ini u gimrwewa-nagi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929