YA-SFADOCI MRKV 14
14
1Huwa yasi mahci nesuku-nvgiki vhdawi ini pamfrsiwawi lamvfkuh-qawa macimi ini buryr unadagi tvkuwhv : chena nihki ugi-mrwi mkvtaukulvyaki macimi nihki yr-ivwi-gacki u nvtunahr-nrwv wvhsi manvwvhga masanr-wrci nili nhi-lvwewa uci, macimi nfr-wrci nili : 2xvga nihki iwvki, Tagi ini Irqvsi wa-wihfancigagi, bela-baga gikvmoci ’n’tvsi wa vhdawi u tvtvwrngawa-nwv nihki lanvwaki.
3Chena haiahi Pafanagi vpici ini wegiwv ya-drci Svimvne inv wasgilhvga-magitv, yasi lamvtv-pici tvh wihfanigi, ’n’tvsi biali iqali u pami nemali alabastvwi wihfvkvkgo-fagi lumgowa nah-tvwvtwi nrde lvkuqa gisuwa-lama-qvtwi; macimi inv iqawv u puhgi-nrli nili wihfvkvkgo-fvli, chena welagi u tah feginv-mrgoli ini. 4Pvyaqv nrlatv vbeki ’n’tvsi ba-bonvgiki gisfadewa alagenv welvwv, Drniwa uci yomv wvlaskhudota ini lumgowa? 5Xvga yomv lumgowa manvwvhga naiahkv nfana-tabawa salani vlikv wihsi mahci myagipi, macimi melaqi inv gitamrfv, iwvki. Macimi nihki u pa-gihkvwr-wrli nili iqali. 6Pvyaqv, Welrni, gociwa ki patfvghrwv gelvwv? ni mahci inv pakvtanv-mrqv uwasi pakvtafe-wa neyrgi, iwv Jesise. 7Ki bonr-wrki xvga nihki gitamr-fvki mosvtvwi weci gelvwv, macimi goqa-lrqv-grci si taha-yaqa gelvwv kih kvtvwi uwas’ panvlr-wrki nihki : wakv nelv mvtv mosvtvwi ki boni-pwv. 8Mahci lvwi inv wvh kvtvwi-ilafici; u mahci lumgo-nrli neyr-nvli grsv wvhsi ini pami lakuno-fulici. 9Chena tapilo gi tala-pwv nelv, Goqa-tvsi-grci ini uwasi-biadrcimowa wah nvnvhi-mi-wapi mafhega ini ya-lakuqvh-kvmigigi, hini nahfrpi yrmv iqawv mviahci lvweci wa hrtudota wvhsi u mr-mkvwalamo-fowa-nici.
10Chena Jotvse Isgalade, inv nakuti nihki matvhfwi-gita-neswi, wapfa nihi ugimrwi mkvtaukulviahi hawv, wvhsi manvw-vhga nihi si masdru-hrci nili. 11Chena nihki iah notvmu-wrci ini, uwasi-labwrki, macimi u mahcimr-wrli wvhsi melr-wrci muni. Macimi inv u nvtunahv wvhsi manvwvhi nihi si lrgaci masdru-hrci nili.
12Chena ina wasgi grsagigi waci vhdagi buryr unadagi tvkuwhv, ia hvpana-wrci nihki ini pamfrsiwawa, u takuhi u kv-gahgimrfhi, Drniwa tvsi gi tas’ taha wi hr-yrga macimi husi-macfado-yrga wvhsi manvwvhga gelv meci-ivni ini pamfrsiwawa? 13Macimi u wrwenvhi neswi u kvgahgimrfhi, Nhrkuna ini udawa-nagi macimi ’n’tvsi gah nvxgr-kuwv ilani u pami nema vsisgi-wvkkugi napi : nakvlahku; 14chena goqa-grci-tvsi inv wah becfa, Inv Ga-gahgimiwa, Drniwa cahi ni nvuhade-wikv, wvh tvh meci-iv ini pamfrsiwawa gilagi ni kvgahgimr-fvki? iwv ilahku inv ini wegiwv uci mastala, u talvhi. 15Macimi inv nahvlwrkv gah wrpvtala-kuwv vkuci-puqvnafu msrwi yr-drgi dapfanwi vwocikv macimi macfanwi : chena initvsi husi-macfatvwi-nrga. 16Ma-cimi nihki kvgahgimr-fvki wapfaki, chena ini udawa-nagi si bia-ki, macimi u mgrnrwv yasi mahci makuwrci nili : chena u macfa-do-nrwv ini pamfrsiwawa.
17Chena ia hulrqe-figi biawv gilagi nihi matvhfwi-gita-neswi. 18Chena yasi lamvtvpi-wrci macimi pami wihfani-wrci, Jesise Tapilo gi tala-pwv nelv, Nakuti gelvwv nah masdru-haqv, datapilvhi inv wa-wihpumitv, iwv. 19Nihki vlami uqrwafeki mvci-labwrwa macimi mrsv nakuti, Hv nelv inv? u takuhi. 20Na-kuti inv nihki matvhfwi-gita-neswi, wa-weci inv pamgr-mitv ini ulrkv-nagi. 21Xvga inv u Qihfvli ilani datapilvhi hawv ini ya-lvwigrlo-fuci : pvyaqv mvci-labwrwani cahi inv ilani waci srpwi masdruho-fuci inv u Qihfvli ilani ! uwasrli ini waghi inv ilani bur naiahkv mahci lanvwa-wita u talvhi.
22Chena yasi wihfani-wrci, u tah mvma tvkuwhv, chena iah mahci gisrci-doci, u puskunv ini, macimi u melvhi nihi, chena Mvmuku : nelv neyrnv yomv, iwv. 23Chena u tah mvmrli taphi-kvnvli, chena iah mahci meli-waci niyrwa, u melvhi nihi : macimi jrivhki nihki nili uci manoki. 24Macimi Ni mskumi yomv ini mahdrcimowa uci, fa-feginvmv-wofuci maci wiyafv. 25Tapilo gi tala-pwv nelv, mvtv gidani nah mana ini mvwifowa ini tatapvhtaqi uci, brlu’ hina grsagigi manaiv ini wasgigi betiga ini ugimrwi-arkumi Mvnatu, u talvhi.
26Chena iah mahci nvkvmu-wrci ufapa-kvmowa, luhfaki, ini Vlifiwi maqvhgigi haki.
27Chena u talvhi Jesise, Jrivhki gelvwv gah gisfago-pwv : xvga mahtvwi-gapi ini, Nah gicitwhv inv gahcitvwv-hrtv magefhi, macimi nihki magefvki mafhega wah si lfwalgo-foki. 28Pvyaqv mahci unsgr-niga nelv, Galalegi gah si negrnihala-pwv, u talvhi. 29Pvyaqv Betv, Weginrqi jrivhki wah gisfaqeki, mvtv wakv nelv, u talrli. 30Tapilo gi tala nelv, yasi irmgi gesagigi, tapilvhi inugi tapahgiga, wihsi-bur nesana kvlhotvgi inv nrbaiv, nfana gah mahci gircimi, u talrli Jesise. 31Pvyaqv inv vnhiwawi we-sikuwa, Qelvhega weci nabo-malv, mvtv gelv gi tvh girci-mala, iwv. Macimi nahfrpi ini ivskv ya-iuwrci nihki jrivhki.
32Chena uwa nvhekv tvsi biaki Gafsamane ya-sidodagi : che-na Mrtvsi lamvtvpiku gelvwv iahaiahi mvmrtumaiv, u talvhi u kv-gah-gimrfhi. 33Macimi ud rmwa-lvhi Betvli chena Jamseli chena Jrneli, macimi ulrmi vlami qvqahdrni-taha, chena vhqi-patfvgi-taha. 34Macimi Ni mvyrwi-neiv vnhiwawi uqrwafi mvci-labwrwa datapilvhi nabowa-nagi : utvsi vpiku, macimi gcitvwr-piku, u talvhi nihi. 35Chena via wapfa takvwihi, chena ini vsisgegi si rgicfa, macimi mvmrtuma wvhsi, qahqi kvtvwi ini-iga, ini yr-tafvgi manvwvhga pamfrla-kuci. 36Macimi, Vpv, Ufimv, jrivhki wiahi kvtvwvtwi geyrgi gelv; neyrgi uci rtani yrmv taphikv : pvyaqv mvtv yasi ta-haiv nelv, yasi tahaivni gelv wakv, iwv. 37Chena biawv, macimi u mkvwvhi bami nabrlici nihi, macimi Svimvne, hv gi napv? hv mvtv gi kvtvwi gcitvwrpi nakuti yr-tafvgi? u talrli Betvli. 38Gcitvwr-piku chena mvmrtumaku, wvhsi bur uttv-maqa myrsi-vsha-dewa : svpkv’ hini ilafewa dapi-tahaiv, pvyaqv ini wivufi magih-kufeiv. 39Chena nuhgi via wapfa, macimi mvmrtuma, nileni ivskv kvlvwewanv iwv. 40Chena nuhgi biawv, macimi u mkvwvhi nihi bami nabrlici, xvga u sgesakuwv lvkuqa kufaqv-nili nihki; macimi mvtv u wrkudr-nrwv wv hrpvftvwr-wrci nili. 41Chena ini mvwi-nfana Irqv biawv, macimi Nabrku uwa, chena mvmaku vlwrkvhsewa : dapi uwa ini; ini yr-tafvgi uwa biaiv; wrpvmahku, inv u Qihfvli ilani nili u laciwv majelaficki si masdru-hofu u talvhi. 42Hunsgrku, wapfa-drku : wrpvmahku, inv wrsv masdru-hitv uwa mrlrqvhi.
43Macimi walanv, iahaiahi gawvgi kvlvwici, biawv Jotvse, nakuti nihki matvhfwi-gita-neswi, macimi weci mahsa-lalici gisg-hikv-nihi macimi cifhikvnv, nihi ugimrwi mkvtaukulviahi chena nihi yr-ivwigalici chena nihi gigi-lanihi umoki nihki. 44Huwa inv ma-masdru-hrtv nili u mahci melvhi giginolowa nihi, Goqa-nafv-grci nah pvckvmv, henv inv; masanahku, macimi rmwalahku wrpvnrci u talvhi. 45Macimi iah birci walanv udfrli nili, macimi Labrye, iwv; chena u pvckv-mrli. 46Macimi nihki u mvwinvchr-wrli u la-ciwv, chena u masanr-wrli. 47Pvyaqv nakuti nihi mrlrqvhi na-nepvwitv u luhfanv u gisghikv macimi u pigita-whrli nili ut vlo-lrkv-nvli inv mospi-makufewi mkvtaukulvia, chena u gisgahsat-whrli. 48Macimi rpvfsa Jesise, Hv ki biaci luhfr-pwv, brsi ki mvwina-whrwv jekuniwahfi, ki biaci gisghi-kvni-pwv chena cifhi-kvnv wvhsi mvwinvchi-yaqa? 49Tfana wrpvgi nit vpi weci gelvwv ini mvmrtumawi-kvmikugi ni pami kvgahgimiwa, mvtv ki masani-pwv : pv-yaqv wvhsi manvwvh nili tapilo awigrda-wvli uqrufado-daki uci yomv si lvwepi, u talvhi. 50Macimi jrivhki nihki usimoki chena u nvkvlr-wrli.
51Chena nr-nakuti mvyrni ’laneli u weci nakvla-goli, u pvh-nemali mvfrni-mutv vkholi, svhsrgidweli : macimi nihki u ma-sanr-wrli nili; 52pvyaqv inv u nvkvcitv ini mvfrni-mutv, macimi usimu svhsrgitwi, 53Chena nihki nili mospi-makufewi mkvtaukulvyali u tasi walr-wrli Jesiseli : macimi ’n’tvsi u biaci mrwvsgr-makuhi inv nihi jrivhki ugimrwi mkvtaukulviahi chena nihi gigi-lanihi chena nihi yr-ivwigalici. 54Chena Betv naiahkv paluwihi u tah nakv-lrli, tapiloga betiga ini yr-tvh tapuwalici nili mospi-makufewi mkvtaukulvyali; macimi bami wetvbe-mrci nihi wiahsi-makufe-wanhi, chena bami vwvfuci ini tvh dapvhkulagi skuta. 55Huwa nihki u-gimrwi mkvtaukulvyaki chena inv jrivhgi dapuwatv u nvtunahvmvwr-wrli Jesiseli dabwawa wvhsi nabowa-nagi si bonr-wrci; macimi u qelr-nrwv ini. 56Xvga maci myrsi dabwawa u pvhginv-mvwr-wrli, macimi ini u dabwawa-nwv mvtv mrwvtwi nakudwr-cimo-yrli. 57Chena ’n’tvsi nr-nakuti pami pvfaqi, macimi myrsi dabwawa u pvhgi-nvmv-wrli, 58Ni notvwrpa inv, Nah mvci-lutv yomv mvmrtumawi-kvmiqi ulaci-wvli waci macdo-dagi, macimi nfuku na hupvtanv kutvgi buryr ulaci-wvli uci macdo-dagi iwv, iwvli. 59Chena mvtv data-pilvhi yone si mrwvtwi nakudwr-cimo-yrli u dabwawa-nwv. 60Chena inv mospi-makufewi mkvtaukulvia pvfaqi ini alaghi, chena u nvtuhtv-wrli Jesiseli, Hv mvtv wiahi gid rpvfsa? nahiwa ini iuhkumv ki cvhf vwrci-magoki? u talrli. 61Pvyaqv ud ryetvtanv u nolawewa, macimi mvtv-wiahi rpvfsa. Nuhgi inv mospi-makufewi mkv-taukulvia u nvtuhtv-wrli, Hv geiv inv Klvisde, nili u Qihfvli inv Gisrciwafinv? u talrli. 62Macimi Jesise, Neiv inv : macimi gah nawrwv gelvwv inv u Qihfvli llani pami lamvtvpita ini u mvyr-wengigi Wrsikvgi, chena pami biaci wedatvga nili brfqvhki manqvtugi uci isiwa. 63Macimi inv mospi-makufewi mkvtau-kulvia u lalginrnv u betanikvnv, chena Nahiwa gawvgi ga huci skvtv la-lamrpa da-bwawanvki? 64Ki mahci nodr-nrwv ini pvhdrmowa : nahiwa ki tasi taha-pwv? isiwa. Macimi jrivhki nihki u mvtvhkuwrlr-wrli wvhsi nabowa-filici. 65Macimi nrlatv ut vlami fe-faqrlr-wrli, chena u gibeqawhr-wrli, chena u be-pqilacwhr-wrli, chena Mosigesqrci-mulu, u talr-wrli : chena nihki wiahsi-makufewa-nvki utvhpanr-wrii u wetvtwhr-wrli u laciwv.
66Chena yasi Betv sebrci vpici ini tvh-tapuwagi, ’n’tvsi biali nakuti nihi ut iqafamhi inv mospi-makufewi mkvtaukulvia; 67macimi inv u nawrli Betvli bami vwvfulici, u mamaginr-pvmrli, chena Gelv nahfrpi gi weciwi inv Nrsaleni-lani, Jesise, iwvli. 68Pvyaqv gircimu, Mvtv ni wrkutv nuhgi mvtv ni nanuhtv gelv ya-iuivni isiwa : chena luhfa ini tv spvhqigr-nigi hawv; macimi inv nrbaiv kvlhotvmwv. 69Chena nili iqafvli u nvugoli, macimi Yrmv inv nakuti nihki, ut vlami ilvhi inv nihi na-nepvwilici mrlrqvhi. 70Pvyaqv nuhgi gircimu ini. Chena palocihi nuhgi nihki na-nepv-wicki mrlrqvhi, Dabwawa gelv inv nakuti nihki; xvga Galalewi-lani gelv, u takuhi Betv. 71Pvyaqv vlami mvci kvlvwi, macimi mvdrmu, Mvtv ni wrkumv yrmv ilani yr-cimaqa, isiwa. 72Ma-cimi walanv ini mvwi-nesana inv nrbaiv kvlhotvmwv. Chena Betv u mkvwa-latv ini kvlvwewa, Wihsi-bur ini nesana kvlhotvgi inv nrbaiv nfana gah gir-cimi, ya-kuci Jesiseli. Macimi iah mamagina-latvgi ini, wihfvqa.
Currently Selected:
YA-SFADOCI MRKV 14: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
YA-SFADOCI MRKV 14
14
1Huwa yasi mahci nesuku-nvgiki vhdawi ini pamfrsiwawi lamvfkuh-qawa macimi ini buryr unadagi tvkuwhv : chena nihki ugi-mrwi mkvtaukulvyaki macimi nihki yr-ivwi-gacki u nvtunahr-nrwv wvhsi manvwvhga masanr-wrci nili nhi-lvwewa uci, macimi nfr-wrci nili : 2xvga nihki iwvki, Tagi ini Irqvsi wa-wihfancigagi, bela-baga gikvmoci ’n’tvsi wa vhdawi u tvtvwrngawa-nwv nihki lanvwaki.
3Chena haiahi Pafanagi vpici ini wegiwv ya-drci Svimvne inv wasgilhvga-magitv, yasi lamvtv-pici tvh wihfanigi, ’n’tvsi biali iqali u pami nemali alabastvwi wihfvkvkgo-fagi lumgowa nah-tvwvtwi nrde lvkuqa gisuwa-lama-qvtwi; macimi inv iqawv u puhgi-nrli nili wihfvkvkgo-fvli, chena welagi u tah feginv-mrgoli ini. 4Pvyaqv nrlatv vbeki ’n’tvsi ba-bonvgiki gisfadewa alagenv welvwv, Drniwa uci yomv wvlaskhudota ini lumgowa? 5Xvga yomv lumgowa manvwvhga naiahkv nfana-tabawa salani vlikv wihsi mahci myagipi, macimi melaqi inv gitamrfv, iwvki. Macimi nihki u pa-gihkvwr-wrli nili iqali. 6Pvyaqv, Welrni, gociwa ki patfvghrwv gelvwv? ni mahci inv pakvtanv-mrqv uwasi pakvtafe-wa neyrgi, iwv Jesise. 7Ki bonr-wrki xvga nihki gitamr-fvki mosvtvwi weci gelvwv, macimi goqa-lrqv-grci si taha-yaqa gelvwv kih kvtvwi uwas’ panvlr-wrki nihki : wakv nelv mvtv mosvtvwi ki boni-pwv. 8Mahci lvwi inv wvh kvtvwi-ilafici; u mahci lumgo-nrli neyr-nvli grsv wvhsi ini pami lakuno-fulici. 9Chena tapilo gi tala-pwv nelv, Goqa-tvsi-grci ini uwasi-biadrcimowa wah nvnvhi-mi-wapi mafhega ini ya-lakuqvh-kvmigigi, hini nahfrpi yrmv iqawv mviahci lvweci wa hrtudota wvhsi u mr-mkvwalamo-fowa-nici.
10Chena Jotvse Isgalade, inv nakuti nihki matvhfwi-gita-neswi, wapfa nihi ugimrwi mkvtaukulviahi hawv, wvhsi manvw-vhga nihi si masdru-hrci nili. 11Chena nihki iah notvmu-wrci ini, uwasi-labwrki, macimi u mahcimr-wrli wvhsi melr-wrci muni. Macimi inv u nvtunahv wvhsi manvwvhi nihi si lrgaci masdru-hrci nili.
12Chena ina wasgi grsagigi waci vhdagi buryr unadagi tvkuwhv, ia hvpana-wrci nihki ini pamfrsiwawa, u takuhi u kv-gahgimrfhi, Drniwa tvsi gi tas’ taha wi hr-yrga macimi husi-macfado-yrga wvhsi manvwvhga gelv meci-ivni ini pamfrsiwawa? 13Macimi u wrwenvhi neswi u kvgahgimrfhi, Nhrkuna ini udawa-nagi macimi ’n’tvsi gah nvxgr-kuwv ilani u pami nema vsisgi-wvkkugi napi : nakvlahku; 14chena goqa-grci-tvsi inv wah becfa, Inv Ga-gahgimiwa, Drniwa cahi ni nvuhade-wikv, wvh tvh meci-iv ini pamfrsiwawa gilagi ni kvgahgimr-fvki? iwv ilahku inv ini wegiwv uci mastala, u talvhi. 15Macimi inv nahvlwrkv gah wrpvtala-kuwv vkuci-puqvnafu msrwi yr-drgi dapfanwi vwocikv macimi macfanwi : chena initvsi husi-macfatvwi-nrga. 16Ma-cimi nihki kvgahgimr-fvki wapfaki, chena ini udawa-nagi si bia-ki, macimi u mgrnrwv yasi mahci makuwrci nili : chena u macfa-do-nrwv ini pamfrsiwawa.
17Chena ia hulrqe-figi biawv gilagi nihi matvhfwi-gita-neswi. 18Chena yasi lamvtvpi-wrci macimi pami wihfani-wrci, Jesise Tapilo gi tala-pwv nelv, Nakuti gelvwv nah masdru-haqv, datapilvhi inv wa-wihpumitv, iwv. 19Nihki vlami uqrwafeki mvci-labwrwa macimi mrsv nakuti, Hv nelv inv? u takuhi. 20Na-kuti inv nihki matvhfwi-gita-neswi, wa-weci inv pamgr-mitv ini ulrkv-nagi. 21Xvga inv u Qihfvli ilani datapilvhi hawv ini ya-lvwigrlo-fuci : pvyaqv mvci-labwrwani cahi inv ilani waci srpwi masdruho-fuci inv u Qihfvli ilani ! uwasrli ini waghi inv ilani bur naiahkv mahci lanvwa-wita u talvhi.
22Chena yasi wihfani-wrci, u tah mvma tvkuwhv, chena iah mahci gisrci-doci, u puskunv ini, macimi u melvhi nihi, chena Mvmuku : nelv neyrnv yomv, iwv. 23Chena u tah mvmrli taphi-kvnvli, chena iah mahci meli-waci niyrwa, u melvhi nihi : macimi jrivhki nihki nili uci manoki. 24Macimi Ni mskumi yomv ini mahdrcimowa uci, fa-feginvmv-wofuci maci wiyafv. 25Tapilo gi tala-pwv nelv, mvtv gidani nah mana ini mvwifowa ini tatapvhtaqi uci, brlu’ hina grsagigi manaiv ini wasgigi betiga ini ugimrwi-arkumi Mvnatu, u talvhi.
26Chena iah mahci nvkvmu-wrci ufapa-kvmowa, luhfaki, ini Vlifiwi maqvhgigi haki.
27Chena u talvhi Jesise, Jrivhki gelvwv gah gisfago-pwv : xvga mahtvwi-gapi ini, Nah gicitwhv inv gahcitvwv-hrtv magefhi, macimi nihki magefvki mafhega wah si lfwalgo-foki. 28Pvyaqv mahci unsgr-niga nelv, Galalegi gah si negrnihala-pwv, u talvhi. 29Pvyaqv Betv, Weginrqi jrivhki wah gisfaqeki, mvtv wakv nelv, u talrli. 30Tapilo gi tala nelv, yasi irmgi gesagigi, tapilvhi inugi tapahgiga, wihsi-bur nesana kvlhotvgi inv nrbaiv, nfana gah mahci gircimi, u talrli Jesise. 31Pvyaqv inv vnhiwawi we-sikuwa, Qelvhega weci nabo-malv, mvtv gelv gi tvh girci-mala, iwv. Macimi nahfrpi ini ivskv ya-iuwrci nihki jrivhki.
32Chena uwa nvhekv tvsi biaki Gafsamane ya-sidodagi : che-na Mrtvsi lamvtvpiku gelvwv iahaiahi mvmrtumaiv, u talvhi u kv-gah-gimrfhi. 33Macimi ud rmwa-lvhi Betvli chena Jamseli chena Jrneli, macimi ulrmi vlami qvqahdrni-taha, chena vhqi-patfvgi-taha. 34Macimi Ni mvyrwi-neiv vnhiwawi uqrwafi mvci-labwrwa datapilvhi nabowa-nagi : utvsi vpiku, macimi gcitvwr-piku, u talvhi nihi. 35Chena via wapfa takvwihi, chena ini vsisgegi si rgicfa, macimi mvmrtuma wvhsi, qahqi kvtvwi ini-iga, ini yr-tafvgi manvwvhga pamfrla-kuci. 36Macimi, Vpv, Ufimv, jrivhki wiahi kvtvwvtwi geyrgi gelv; neyrgi uci rtani yrmv taphikv : pvyaqv mvtv yasi ta-haiv nelv, yasi tahaivni gelv wakv, iwv. 37Chena biawv, macimi u mkvwvhi bami nabrlici nihi, macimi Svimvne, hv gi napv? hv mvtv gi kvtvwi gcitvwrpi nakuti yr-tafvgi? u talrli Betvli. 38Gcitvwr-piku chena mvmrtumaku, wvhsi bur uttv-maqa myrsi-vsha-dewa : svpkv’ hini ilafewa dapi-tahaiv, pvyaqv ini wivufi magih-kufeiv. 39Chena nuhgi via wapfa, macimi mvmrtuma, nileni ivskv kvlvwewanv iwv. 40Chena nuhgi biawv, macimi u mkvwvhi nihi bami nabrlici, xvga u sgesakuwv lvkuqa kufaqv-nili nihki; macimi mvtv u wrkudr-nrwv wv hrpvftvwr-wrci nili. 41Chena ini mvwi-nfana Irqv biawv, macimi Nabrku uwa, chena mvmaku vlwrkvhsewa : dapi uwa ini; ini yr-tafvgi uwa biaiv; wrpvmahku, inv u Qihfvli ilani nili u laciwv majelaficki si masdru-hofu u talvhi. 42Hunsgrku, wapfa-drku : wrpvmahku, inv wrsv masdru-hitv uwa mrlrqvhi.
43Macimi walanv, iahaiahi gawvgi kvlvwici, biawv Jotvse, nakuti nihki matvhfwi-gita-neswi, macimi weci mahsa-lalici gisg-hikv-nihi macimi cifhikvnv, nihi ugimrwi mkvtaukulviahi chena nihi yr-ivwigalici chena nihi gigi-lanihi umoki nihki. 44Huwa inv ma-masdru-hrtv nili u mahci melvhi giginolowa nihi, Goqa-nafv-grci nah pvckvmv, henv inv; masanahku, macimi rmwalahku wrpvnrci u talvhi. 45Macimi iah birci walanv udfrli nili, macimi Labrye, iwv; chena u pvckv-mrli. 46Macimi nihki u mvwinvchr-wrli u la-ciwv, chena u masanr-wrli. 47Pvyaqv nakuti nihi mrlrqvhi na-nepvwitv u luhfanv u gisghikv macimi u pigita-whrli nili ut vlo-lrkv-nvli inv mospi-makufewi mkvtaukulvia, chena u gisgahsat-whrli. 48Macimi rpvfsa Jesise, Hv ki biaci luhfr-pwv, brsi ki mvwina-whrwv jekuniwahfi, ki biaci gisghi-kvni-pwv chena cifhi-kvnv wvhsi mvwinvchi-yaqa? 49Tfana wrpvgi nit vpi weci gelvwv ini mvmrtumawi-kvmikugi ni pami kvgahgimiwa, mvtv ki masani-pwv : pv-yaqv wvhsi manvwvh nili tapilo awigrda-wvli uqrufado-daki uci yomv si lvwepi, u talvhi. 50Macimi jrivhki nihki usimoki chena u nvkvlr-wrli.
51Chena nr-nakuti mvyrni ’laneli u weci nakvla-goli, u pvh-nemali mvfrni-mutv vkholi, svhsrgidweli : macimi nihki u ma-sanr-wrli nili; 52pvyaqv inv u nvkvcitv ini mvfrni-mutv, macimi usimu svhsrgitwi, 53Chena nihki nili mospi-makufewi mkvtaukulvyali u tasi walr-wrli Jesiseli : macimi ’n’tvsi u biaci mrwvsgr-makuhi inv nihi jrivhki ugimrwi mkvtaukulviahi chena nihi gigi-lanihi chena nihi yr-ivwigalici. 54Chena Betv naiahkv paluwihi u tah nakv-lrli, tapiloga betiga ini yr-tvh tapuwalici nili mospi-makufewi mkvtaukulvyali; macimi bami wetvbe-mrci nihi wiahsi-makufe-wanhi, chena bami vwvfuci ini tvh dapvhkulagi skuta. 55Huwa nihki u-gimrwi mkvtaukulvyaki chena inv jrivhgi dapuwatv u nvtunahvmvwr-wrli Jesiseli dabwawa wvhsi nabowa-nagi si bonr-wrci; macimi u qelr-nrwv ini. 56Xvga maci myrsi dabwawa u pvhginv-mvwr-wrli, macimi ini u dabwawa-nwv mvtv mrwvtwi nakudwr-cimo-yrli. 57Chena ’n’tvsi nr-nakuti pami pvfaqi, macimi myrsi dabwawa u pvhgi-nvmv-wrli, 58Ni notvwrpa inv, Nah mvci-lutv yomv mvmrtumawi-kvmiqi ulaci-wvli waci macdo-dagi, macimi nfuku na hupvtanv kutvgi buryr ulaci-wvli uci macdo-dagi iwv, iwvli. 59Chena mvtv data-pilvhi yone si mrwvtwi nakudwr-cimo-yrli u dabwawa-nwv. 60Chena inv mospi-makufewi mkvtaukulvia pvfaqi ini alaghi, chena u nvtuhtv-wrli Jesiseli, Hv mvtv wiahi gid rpvfsa? nahiwa ini iuhkumv ki cvhf vwrci-magoki? u talrli. 61Pvyaqv ud ryetvtanv u nolawewa, macimi mvtv-wiahi rpvfsa. Nuhgi inv mospi-makufewi mkv-taukulvia u nvtuhtv-wrli, Hv geiv inv Klvisde, nili u Qihfvli inv Gisrciwafinv? u talrli. 62Macimi Jesise, Neiv inv : macimi gah nawrwv gelvwv inv u Qihfvli llani pami lamvtvpita ini u mvyr-wengigi Wrsikvgi, chena pami biaci wedatvga nili brfqvhki manqvtugi uci isiwa. 63Macimi inv mospi-makufewi mkvtau-kulvia u lalginrnv u betanikvnv, chena Nahiwa gawvgi ga huci skvtv la-lamrpa da-bwawanvki? 64Ki mahci nodr-nrwv ini pvhdrmowa : nahiwa ki tasi taha-pwv? isiwa. Macimi jrivhki nihki u mvtvhkuwrlr-wrli wvhsi nabowa-filici. 65Macimi nrlatv ut vlami fe-faqrlr-wrli, chena u gibeqawhr-wrli, chena u be-pqilacwhr-wrli, chena Mosigesqrci-mulu, u talr-wrli : chena nihki wiahsi-makufewa-nvki utvhpanr-wrii u wetvtwhr-wrli u laciwv.
66Chena yasi Betv sebrci vpici ini tvh-tapuwagi, ’n’tvsi biali nakuti nihi ut iqafamhi inv mospi-makufewi mkvtaukulvia; 67macimi inv u nawrli Betvli bami vwvfulici, u mamaginr-pvmrli, chena Gelv nahfrpi gi weciwi inv Nrsaleni-lani, Jesise, iwvli. 68Pvyaqv gircimu, Mvtv ni wrkutv nuhgi mvtv ni nanuhtv gelv ya-iuivni isiwa : chena luhfa ini tv spvhqigr-nigi hawv; macimi inv nrbaiv kvlhotvmwv. 69Chena nili iqafvli u nvugoli, macimi Yrmv inv nakuti nihki, ut vlami ilvhi inv nihi na-nepvwilici mrlrqvhi. 70Pvyaqv nuhgi gircimu ini. Chena palocihi nuhgi nihki na-nepv-wicki mrlrqvhi, Dabwawa gelv inv nakuti nihki; xvga Galalewi-lani gelv, u takuhi Betv. 71Pvyaqv vlami mvci kvlvwi, macimi mvdrmu, Mvtv ni wrkumv yrmv ilani yr-cimaqa, isiwa. 72Ma-cimi walanv ini mvwi-nesana inv nrbaiv kvlhotvmwv. Chena Betv u mkvwa-latv ini kvlvwewa, Wihsi-bur ini nesana kvlhotvgi inv nrbaiv nfana gah gir-cimi, ya-kuci Jesiseli. Macimi iah mamagina-latvgi ini, wihfvqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929