Mateo 14
14
Akala ni Herodes Antipas a ti Jesus ay ti Juan a Mágbautismo a Nabiyag a Huway
(Markos 6:14-29; Lukas 9:7-9)
1Nadid, tu panahun a itona ay nabaheta ni Hari Herodes Antipas a puno nu lugar a Galilea u ginimet ni Jesus. 2Kinagi na tu tagapayo na hide “Siya ti Juan a mágbawtismo a nabiyag a huway kanya makagimet siya ti ibaiba a himala.” 3Dipo ti Herodes u nángpepireso sakay nangpabuno ni Juan bilang pabor na tu kabanga na a ti Herodias. Ti Herodias ay dati a kabanga nu kapatkákka ni Herodes a ti Felipe. 4Bagu ti Juan a nepireso ay palagi na a pagkagiyan ti hare Herodes a “Awan ayun tu kautusan nu Diyos a kinabanga mo u kabanga nu kapatkákka mo#14:4 Basaan u Levitico 18:16, 20:21 sakay Deuteronomio 25:5-6..” 5Maski gusto ni Herodes a ipabuno ti Juan ay awan na itod magimet dipo manteng siya tu katolayan. Dipo propeta u pangileng nu katolayan ni Juan. Kanya impepireso dálla ni Herodes ti Juan.
6Pero nikuna nagkasayaan hide tu kákkeenak ni Herodes ay nagpalabas ti sayaw u anak a madiket ni Herodias. Nasayaan a tahod ti Herodes tu palabas. 7Kanya nagpananto ti Herodes tu madiket a iyatád ni Herodes maski ánya man u agidán na. 8Dipo tu utus nu ina na ay kinagi nu madiket ni Herodes a “Mahal a hare, gustu ko a iyatád mo nikán u ulo ni Juan a mágbawtismo a nakadátton tu dakál a penggan.” 9Nikuna a nasaneg iye ni Herodes ay nalungkut siya pero awan siya ti magimet dipo nakapananto siya tu atubang nu makpal a bisita. Kanya inyutus na tu sundalo na a iyatád u inaged nu madiket. 10Kanya naputulan ti Juan tu piresuwan. 11Sakay indátton de tu dakál a penggan u ulo na sakay inyatád de tu madiket. Káttapos ay inyatád nu madiket tu ina na. 12Sakay dummemát u disepulus hide ni Juan, inalap de u bangkay na sakay inlábbang de. Káttapos ay angay de inbaheta ni Jesus u nangyari ni Juan.
U Himala tu Págpakan ni Jesus tu Limma a Libu a Tolay
(Markos 6:30-44; Lukas 9:10-17; Juan 6:1-14)
13Nadid nikuna nasaneg iye ni Jesus ay sinumakay siya sakay u disepulus na hide tu essa a dakál a abang sakay inumangay tu essa a tahimik a lugar. Pero nikuna natukuyan iye nu tolay hide ay tinagubet de ti Jesus. Namaybay hide. 14Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide. 15Nikuna pággapon dán ay immadene ni Jesus u disepulus na hide. Kinagi de nikuna “Panginoon, madiham dán sakay atoy kitam tu tahimik a lugar a adeyo. Palakadán mu dán i tolayáy hide para mamali hide ti kanán de tu adene a babaryo.” 16Timmábbeg ti Jesus “Awan hide kailangan a lumakad. Hikam u mangatád nide ti makan.” 17Pero timmábbeg hide “Kodya mi hide a pakanán? Te limma kami la a tinapay sakay duwwa a ikan a sinahab.” 18“Dah, iyatád moy nikán,” tábbeg ni Jesus. 19Káttapos ay pinaetnod ni Jesus u katolayan hide tu kalamonan. Inalap na u limma a tinapay sakay duwwa a ikan sakay tummangngad ti langet. Nagpasalamat siya tu Diyos sakay tináppeng-táppeng na u tinapay. Kimmakpal u makan. Sakay intád na tu disepulus na hide sakay intagtag be nu disepulus na hide tu katolayan. 20Kimman u atanan sakay nabássog. Sakay inipun nu disepulus ni Jesus u nabuhay a pagkain a duwwa pulo a balulang. 21U atanan a kimman ay limma a libo a lállake bukod pa tu bábbey hide sakay tu anak hide.
Naglakad ti Jesus tu dibbew nu Dinom
(Markos 6:45-52; Juan 6:15-21)
22Káttapos ay pagdaka a pinasakay ni Jesus u disepulus na hide tu abang. Pinadipalongo na hide tu lugar a hod tu dibilew nu minalno alay na a pasoliyán u tolay hide tu bilabilay de. 23Káttapos na iye a ginimet ay inumangay siya tu essa a buked para manalangin. Inabut hod siya ni gibi. 24Alay a hod ni Jesus tu buked ay hod dán ti ditaw nu minalno u disepulus na hide. Nagkaproblema hide dipo dinemáttan hide ni mabegsák a dahugase sakay dummáddakkál u tagmák a tamo nide. 25Nikuna tamu dán a magamulaldew ay inumangay ti Jesus tu disepulus na hide. Linakad na u dibbew nu dinum tu minalno. 26Pero nikuna netan siya nu disepulus na hide a naglakad tu dibbew nu dinom ay nanteng hide a tahod. Pinumákhaw hide dipo tu ánteng de a “Multuwád ina.” 27Pero kinagi ni Jesus nide a pagdaka “Dyan kam manteng, hikán iye ti Jesus.” 28Sakay tinumábbeg ti Pedro, “Ni hiko ina Panginoon ay paangayánnák mo hina a maglakad tu dibbew nu dinom.” 29Timmábbeg ti Jesus “Sigi, angay ka he.” Kanya inumogsad ti Pedro sakay naglakad tu dibbew nu dinum a patamo ni Jesus. 30Pero nikuna a netan na u tagmák ay nanteng siya a tahod sakay utay-utay siya a ummállád. Pinumákhaw ti Pedro “Iligtasák mo Panginoon.” 31Pagdaka a ginewat ni Jesus u kamát na sakay kinagi na nikuna “Bakin a nagalangan ka Pedro? Badit a tahod u pánniwala mu nikán.” 32Nikuna sinumakay dán hide a duwwa tu abang ay immimang be u dahugase. 33Sinamba siya nu disepulus na hide, kinagi de “Talaga a hiko ngane u Anak nu Diyos.”
Pinagpiyya ni Jesus u Makpal a Tolay
(Markos 6:53-56)
34Nadid nikuna naahabes di dán u minalno ay dimmung hide tu lugar a Genesaret. 35Pákkatengge nu tolay hide ni Jesus ay imbaheta de tu atanan a banubanuwan hod a dummemát ti Jesus. Kanya iyangay nu tolay hide u atanan a te saket nikuna. 36Nákkekagbi u te saket hide a ni maari de a kahapán maski u garayan la nu damit na. U atanan a kumahap ay nagpiyya.
Currently Selected:
Mateo 14: MBJC
Highlight
Share
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
Mateo 14
14
Akala ni Herodes Antipas a ti Jesus ay ti Juan a Mágbautismo a Nabiyag a Huway
(Markos 6:14-29; Lukas 9:7-9)
1Nadid, tu panahun a itona ay nabaheta ni Hari Herodes Antipas a puno nu lugar a Galilea u ginimet ni Jesus. 2Kinagi na tu tagapayo na hide “Siya ti Juan a mágbawtismo a nabiyag a huway kanya makagimet siya ti ibaiba a himala.” 3Dipo ti Herodes u nángpepireso sakay nangpabuno ni Juan bilang pabor na tu kabanga na a ti Herodias. Ti Herodias ay dati a kabanga nu kapatkákka ni Herodes a ti Felipe. 4Bagu ti Juan a nepireso ay palagi na a pagkagiyan ti hare Herodes a “Awan ayun tu kautusan nu Diyos a kinabanga mo u kabanga nu kapatkákka mo#14:4 Basaan u Levitico 18:16, 20:21 sakay Deuteronomio 25:5-6..” 5Maski gusto ni Herodes a ipabuno ti Juan ay awan na itod magimet dipo manteng siya tu katolayan. Dipo propeta u pangileng nu katolayan ni Juan. Kanya impepireso dálla ni Herodes ti Juan.
6Pero nikuna nagkasayaan hide tu kákkeenak ni Herodes ay nagpalabas ti sayaw u anak a madiket ni Herodias. Nasayaan a tahod ti Herodes tu palabas. 7Kanya nagpananto ti Herodes tu madiket a iyatád ni Herodes maski ánya man u agidán na. 8Dipo tu utus nu ina na ay kinagi nu madiket ni Herodes a “Mahal a hare, gustu ko a iyatád mo nikán u ulo ni Juan a mágbawtismo a nakadátton tu dakál a penggan.” 9Nikuna a nasaneg iye ni Herodes ay nalungkut siya pero awan siya ti magimet dipo nakapananto siya tu atubang nu makpal a bisita. Kanya inyutus na tu sundalo na a iyatád u inaged nu madiket. 10Kanya naputulan ti Juan tu piresuwan. 11Sakay indátton de tu dakál a penggan u ulo na sakay inyatád de tu madiket. Káttapos ay inyatád nu madiket tu ina na. 12Sakay dummemát u disepulus hide ni Juan, inalap de u bangkay na sakay inlábbang de. Káttapos ay angay de inbaheta ni Jesus u nangyari ni Juan.
U Himala tu Págpakan ni Jesus tu Limma a Libu a Tolay
(Markos 6:30-44; Lukas 9:10-17; Juan 6:1-14)
13Nadid nikuna nasaneg iye ni Jesus ay sinumakay siya sakay u disepulus na hide tu essa a dakál a abang sakay inumangay tu essa a tahimik a lugar. Pero nikuna natukuyan iye nu tolay hide ay tinagubet de ti Jesus. Namaybay hide. 14Nikuna inumawas ti Jesus ay hod dán hod u makpal a tolay a naguhay nikuna. Nikuna netan na u makpal a tolay ay kinagbiyan na hide. Sakay pinagpiyya na u te saket nide. 15Nikuna pággapon dán ay immadene ni Jesus u disepulus na hide. Kinagi de nikuna “Panginoon, madiham dán sakay atoy kitam tu tahimik a lugar a adeyo. Palakadán mu dán i tolayáy hide para mamali hide ti kanán de tu adene a babaryo.” 16Timmábbeg ti Jesus “Awan hide kailangan a lumakad. Hikam u mangatád nide ti makan.” 17Pero timmábbeg hide “Kodya mi hide a pakanán? Te limma kami la a tinapay sakay duwwa a ikan a sinahab.” 18“Dah, iyatád moy nikán,” tábbeg ni Jesus. 19Káttapos ay pinaetnod ni Jesus u katolayan hide tu kalamonan. Inalap na u limma a tinapay sakay duwwa a ikan sakay tummangngad ti langet. Nagpasalamat siya tu Diyos sakay tináppeng-táppeng na u tinapay. Kimmakpal u makan. Sakay intád na tu disepulus na hide sakay intagtag be nu disepulus na hide tu katolayan. 20Kimman u atanan sakay nabássog. Sakay inipun nu disepulus ni Jesus u nabuhay a pagkain a duwwa pulo a balulang. 21U atanan a kimman ay limma a libo a lállake bukod pa tu bábbey hide sakay tu anak hide.
Naglakad ti Jesus tu dibbew nu Dinom
(Markos 6:45-52; Juan 6:15-21)
22Káttapos ay pagdaka a pinasakay ni Jesus u disepulus na hide tu abang. Pinadipalongo na hide tu lugar a hod tu dibilew nu minalno alay na a pasoliyán u tolay hide tu bilabilay de. 23Káttapos na iye a ginimet ay inumangay siya tu essa a buked para manalangin. Inabut hod siya ni gibi. 24Alay a hod ni Jesus tu buked ay hod dán ti ditaw nu minalno u disepulus na hide. Nagkaproblema hide dipo dinemáttan hide ni mabegsák a dahugase sakay dummáddakkál u tagmák a tamo nide. 25Nikuna tamu dán a magamulaldew ay inumangay ti Jesus tu disepulus na hide. Linakad na u dibbew nu dinum tu minalno. 26Pero nikuna netan siya nu disepulus na hide a naglakad tu dibbew nu dinom ay nanteng hide a tahod. Pinumákhaw hide dipo tu ánteng de a “Multuwád ina.” 27Pero kinagi ni Jesus nide a pagdaka “Dyan kam manteng, hikán iye ti Jesus.” 28Sakay tinumábbeg ti Pedro, “Ni hiko ina Panginoon ay paangayánnák mo hina a maglakad tu dibbew nu dinom.” 29Timmábbeg ti Jesus “Sigi, angay ka he.” Kanya inumogsad ti Pedro sakay naglakad tu dibbew nu dinum a patamo ni Jesus. 30Pero nikuna a netan na u tagmák ay nanteng siya a tahod sakay utay-utay siya a ummállád. Pinumákhaw ti Pedro “Iligtasák mo Panginoon.” 31Pagdaka a ginewat ni Jesus u kamát na sakay kinagi na nikuna “Bakin a nagalangan ka Pedro? Badit a tahod u pánniwala mu nikán.” 32Nikuna sinumakay dán hide a duwwa tu abang ay immimang be u dahugase. 33Sinamba siya nu disepulus na hide, kinagi de “Talaga a hiko ngane u Anak nu Diyos.”
Pinagpiyya ni Jesus u Makpal a Tolay
(Markos 6:53-56)
34Nadid nikuna naahabes di dán u minalno ay dimmung hide tu lugar a Genesaret. 35Pákkatengge nu tolay hide ni Jesus ay imbaheta de tu atanan a banubanuwan hod a dummemát ti Jesus. Kanya iyangay nu tolay hide u atanan a te saket nikuna. 36Nákkekagbi u te saket hide a ni maari de a kahapán maski u garayan la nu damit na. U atanan a kumahap ay nagpiyya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.