انجیل لوقا 17
17
بخشش، ایمان، وَظیفَه
1عیسی اِشتَن شاگردِنِش واتَه: «اِم وَسوَسَه کن اینسان گناخ بکَرِ حَتما بومَیَه، ولی برامِه اَ کَسی حالیرا کن وَسوَسَه چَی واسطَنَه با. 2چَیرا بِیتَربَه کن آستاوَ سِه ایی چَی ملیکا ویرَرزِن و دَیراکا ویرَفَنِن تا اِمکن ایلَه اِم گِچه اون گِناخ کَردِ باعیث ببو. 3حواسرون بَشتَنکا ببو. اَگَم اِشتِه برا گِناخ بکَر، اَی تَشَر بِژَن و اَگَم توبَه کردِشَه، بَی بِبَخش. 4اَگَم ایی روجی دِلَکا هَف کَرَ بَه تِه گِناخ بکَرِ و هَف کَرَاِشته وَرآگَردِ و بواجِه: ”توبهَ بَکَمَه،“ تِه پی اَی بِبَخشی.»
5رَسولِن، خداوَند عیساشون واتَه: «چَمَه ایمانی وِر آکَه!» 6خداوند عیسی جواب داشَه: «اَگَم خَردَلَه دونَه اَندازَ ایمان بداریرون، اَشایرون اِم توندَ داری بواجَه: ”ریشه کا بِرِن بِ و دَیراکا آنِش“، و اَ شمکا فِرمون اَ بَریه.
7«کیه شمه کا کن ایلَه پاسَری بِدارِ چَی پاسَری زَمینی گیت بکَرِ یا پَسون بچارنِه و وقتی زَمینی سَریکا کَرا ویگَردِ و بَی بواجَه؛ ”زو بِه و سِفرَ سَر بِنِش“؟ 8مَگَم اِم گَفی عَوَض بَی نیَوات: ”چمن سوری حاضیر آکَه و اِشتَن مینی دَبَست و بَمن خیدمَت بِکَه تا اَز بَرم و بِنجم، چَی بَه دوملَه تِه بَردیشَه و بِنتیشَه“؟ 9مَگَم اَ پاسَریکا اِمی خونِه کن چَی دَستورون، اَنجوم دوعَش بَه تشکور بَکَیَه؟ 10شِمَه نی هِنتَرَکِه هر موقه گِردِ دَستورِنی کن بَشِمَه آدوعَشونَه اَنجوم آدارون، بواجَه: ” اَمه بی مِنَّتَه پاسَری اِنی هِستیمون و فقط اِشتَن وَظیفَه اَنجوم دوعَمونَه.“»
عیسی دَ گِلَه جِذانی شفا بدای
11عیسی هَتَه کن شهراورشلیمی طرف اَشیَه، راه دِلَکا، جِگایی ایکا دَیوَریه کن منطقَه اِ سامِرَ و ولَتِه جلیلی مرز بَه. 12پس وَقتی کن کایبَه ایلَه آوادیی دِلَه دَشِه، دَ گِلَه جذانی بَی گِنِستین. اَ جِذانییِن دوریکا مَند بینَه 13و تَتَّه لَسَّه نَه سَس اَدَرینَه و اَواجینَه: «عیسی، اِستا، چَمَه سَر رَحم اَکَن.» 14وَقتی عیسی اَیِنِش ویندَ، واتِش: «بشَه و بَشتن کاهینونرا کن مَعبَدی عالِمینَه آمونَه.» و اَیِن هِنتَه کن کایبین شِه شفا گَتِشون. 15ایله اَوونکا وَقتی ویندِشَه کن شفا گَتَشَه، هَتَه کن تَتَه لَسَّه نَه خدا ستایش اَکَریَه، ویگَردِستَه 16و اِشتَنِش عیسی لنگون سَردِرِ بَرَفندِش و اَیکا تَشکور کَردِشَه. اَ مِرد سامری بَه. 17عیسی واتِش: «مَگم اَیِنی کن شفا گَتِشون دَ نَفَر نِبین؟ پس، اَ نَه نَفر کِرم جگاکانَه؟ 18غَیرِ اِم خَلک، هیچ کَسی پَیدا آنِبَه تا آگَردِ و خدا ستایش بکَرِ؟» 19چَی بَه دوملَه عیسی اَ مِردی واتِشه: «پِب و بِشن، اِشتِه ایمان بَتِه َشفا آدوعَشه.»
خدا پادیشاهی آمِه
20عیسی، فَریسیون جَوابیکا کن دَپَرسِستَ بینَه خدا پادیشاهی کَینی بومَیَه، واتِش: «خدا پادیشاهی جوری نیام کن ببو اَی ویندِ، 21و نِه کَسی باتیَه، ”دَیَس اِم جگا کارَ“ یا ”اَجگاکارَ“، اِمی خونه کن خِداپادیشاهی شمَه دلَکارَ.»
22چَی بَه دوملَه عیسی شاگردِنِش واتَه: «روجِنی بومَیَه کن شِمَه طَمارزو بَکَرون اینسانی زوعَه ایلَه روجون بوینَه و نینَّویند. 23بَشِمَه باتینَه: ”دَیَس اَ اِم جگاکارَ،“ یا ”دَیَس اَ اَجگاکارَ.“ شِمَه مَشَه، یا چَوون دوملَه، را دَنِگِنَه. 24چون هَته کن گِرّ شَپَق بَژَی و آستامونی ایی سَریکا تا اَسَر رِشون آرَکَرد، اینسانی زوعَه نی اِشتَن روجیکا اِنتَرَ بَبیَه. 25اَمّا اوَلیکا اَ پی وِر رنج بکَشِه و اِم اودومی آدَمون طَرَفیکا رَد آبو. 26اینسانی زوعَه زمونَه، هِنتَه نوحِ پَیغَمبَری زمونَه شیوار بَبیَه. 27تا اَ روجی کن نوح کَشتیکا دَنِشتَه، مردوم هَرینَه و هِنجینَه، ژِن اَگِرینَه و شو اَشینَه. اَموقه لَیس آمَه و اَوون گِردی نیفیت آکَردِش. 28ابراهیمِه پَیغَمبَری بِروَرَزا لُطی زَمونَکا نی اِنتَرَ بَه. مردوم هَردِ و هِنتهِ و خِریهِ و خِرَته و کَشتِه و کَه سِی آکَردِ کا مَشغول بین. 29ولی روجی کن لُط شهر سُدومیکا بِرن آمَه، آرا و گوگرد آستامونیکا اَواریَه و اَوون گردی نیفیت آکردشَ. 30اَ روجی کن اینسانی زوعَه ظهور بَکَی نی، اِنتَر آرَبن. 31اَروجیکا، کَسی کن اِشتَن کهَ بونی سَریکا پِرِ و چَی اَساسِن کَه دلکارَ، چَوون پِگَتِه خونه بِنیرا مَعا. وهر کَم کَشتو کاری خونه زَمینی سربِبو کَرا آمَگَردِ. 32لُطی ژنی یاد آرَفَنه! 33هر کم اِمی دوملَه ببو کن اِشتَن جانی غَم بَرِ، اَی از دست آرَدا، ولی هر کم اِشتَن جانیکا بِگذِرِ، اَی غَم بَردیه. 34بَه شِمَه باتیمَه، اَ شَوی دِلَکا دِ نفریکا کن ایله جِگاکا خِتین، ایله بَبَردینَه و اَیلَه بَمَندیَه. 35و دِ ژِنی دِلَکا کن یَندِنَه آستاو بَژَن، ایله بَبَردینَه و اَیلَه بَمَندیَه. 36هَتَرکه دِ مِردی دِلَکا کن کاینَه زَمین سَردِرِ کَشتو کار کَردِ، ایلَه بَبَردینَه و اَیلَه بَمَندیَه.
37اَیِن عیسی کا دَپرسستین: «کِرَم جگارا بَبَنَه چَمَه سَروَر؟» جواب داشه: «هر‌جگاکا، کن لاشه ایی ببو، لاشخورِن اَجگاکا جَم آنَّب.»
Currently Selected:
انجیل لوقا 17: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
