انجیل لوقا 18
18
سیمیجَه ویوَه‌ژِنی مثَل
1عیسی اِشتَن شاگردونرا مَثَلی وَردِشه تا اَوون آمونِه کن پی اوزون دِوا بکَرن و هرگز دلسرد آمَبون. 2عیسی واتشَه: «شهریکا قاضی‌ایی بَه کن نِه خِداکا اَترسیَه نِه مَردومی اَهَمیَت اَدَریَه. 3هَه شهریکا ویوَ ژِنی بَه کن یَژَن چَی وَر آی و اَواجی: ”چمن حقی چمن غَنیمیکا ویگِه.“ 4قاضی هَنه وَقتی بَی ایتنا نِکَردِشهَ. اَمّا آخیر بَسَر بَشتَنَه واتش: ”هر چَنه نِه خدا کا بَتَرسستیم و نِه مَردومی اَهَمیَت بَدام، 5ولی اِمی خاطر کن اِم ویوَ ژِن دِ بَمنِش بَرکَردَیَه، چَی حقی ویمَگَت تا اِشتَن اِم یَژَن اومِه نَه بَمن زَمَتیکا دَمَفَنِه!“» 6اَموقه خداوند عیسی واتش: «دَرستِرون اِم بی اینصافَه قاضی چِش واتَه؟ 7ایسَه خدا اَ آدَمِنی کن اِشتَن اینتخاب کَردَشَه، چَوون داد آنیَرَست، اَیِنی کن شَوانَه روج بَی خِلِه بَکَنَه؟ چَوونرا آرَستِه عَری دَرَفند؟ 8به شمَه باتیمَه کن خَیلی زو چَوون داد آرَرَست. اَمّا وَقتی اینسانی زوعَه با، زَمینی سَردِرِ کَسی پَیدا بَکَیَه کن ایمان بِدارِ؟»
فَریسی و خراجَ ویرَگِر
9عیسی اِم مَثَلی نی بعضیونرا کن اِشتَن صالح بِه کا مطمئین بینَه و دیَرَ آدَمون گَچ اَکَرینَه، وَردِشَه: 10«دِ نفر دِواکَردِرا معبد شین، ایلَه اَوونکا فَریسون فرقه عالیمونکا به، اَیلَه نی خراج ویرَگِر بَه. 11اَ فَریسی، پامَندَ و اِشتنَّه اِنتَرَ دِوا کَردِشَه: ”خدایا، به تِه شکر بَکَم کن هِنتَه دییَر آدَمون شیوار، پتارچی و بی اینصاف و زیناکار نیمهَ و نِه حتی اِم خَراج ویگِری شیواریم. 12هَفتهَ ایی دِ کَرَ روجَه بَگَتیم و تورارتی حِکم دَه یَک آدوعِه، هَرچیی خونه کن بدست بوعَردیم اَنجوم بدام.“ 13ولی اَ خراج ویگِر دوریکا پامَندَ و نَپیشبَه حتی اِشتَن چَمون آستامونی طَرَف راست آکر، بَلکَم اِشتَن سینه سَر اَکووی و اَواجیهَ: ”خدایا، بَمِنِه گِناخکار رحم اَکَن.“ 14شِمَه باتیمَه کن اِم خَراج ویگِر صالح بَحیساب آمَه و کَرا شه، نِه اَ فَریسی، اِمی خاطرکن هر کم اِشتَن یال آکَرِ، گچ آرَب و هر کم اِشتَن گچ آکَرِ یال آرَبن.»
عیسی خِردَنون بَرَکَت دَرِ
15مردوم حتی تَرَ خردَنون عیسی وَراَورینهَ تا عیسی اِشتَن بالی چَوون سَریکا بِنَرِ. شاگردن اَموقه کن اِمی ویندِشون، مردومی تَشَر ژِشونَه. 16اَمّا عیسی اَیِنِش اِشتَن وَر خِلِه کَردِشَه و واتِش: «بَرزَ خردَنن چمن وَر بان؛ چَوون ناری مَگِرَ، اِمی خاطر کن خدا پادیشاهی اِنتَرَ کسون شِنهَ. 17حَقیقَتَا بَه شمَه باتیم، هَرکَم خدا پادیشاهی هِنتَه خِردَنی شیوار قِبول نِکَر هرگز چَی دِلَه دَنیش.»
ثیروتمندَ رَئیس
18قام یَهودی ایلَه رئیسونکا عیسی کا دَپرسستَه: «چاکَ اِستا، پی چبکَرم تا زَیرونَه زندَگی اِرث بِبَرم؟» 19عیسی بَی واتِش: «چیرا بَمن چاک خِلِه بَکَش؟ هیچ‌کم چاک نیَه غَیراَز خدا. 20حِکمون بَموستیشَه: زینا مَکَ، آدَم مَکِش، مَپِتار، دِروعَه شَهادَت مَدَ، اِشتَن دَدَ و نَنَه ایحترام بِنَه.» 21اَ مِرد واتشَه: «اِمون گِردی جوان گیریکا اَنجوم دوعَمَه.» 22عیسی وَقتی اِمش دَرسته، اَش واتَه: «هَنوزَنی ایله چی کمِرهِستَه؛ هَر چیی هِستِرَ بِخرَش و دَس دَریسون دِلَه رَسَت اَکَن، کن آستامونیکا گنج بَداشتیشَه. اَموقه بِ و بَمنکا پیروی اَکَن.» 23ولی اَ مِرد وَقتی اِم گَفِنِش دَرَستَه، بَرک بَرضَخ آبه اِمی خاطر کن وِرَ ثیروت داری. 24عیسی وقتی ویندِشَه کن اَ مِرد بَرضَخ آبَه واتِش: «چَنَه چَتینَه کن ثیروَتمندِن خدا پادیشاهیکا دِلَه دَشون! 25شِتِری دَیوَردِ دَرزَنَه خِلیکا راحَت تَرَ تا ایلَه ثیروَتمَندی دِلَه دَشه خدا پادیشاهیکا.»
26کسِنی کن اِم گَفِشون دَرَستَه، دَپرسستین: «پس کی بَشایَه نیجات گَتِه؟» 27ولی عیسی واتِش: «اَچیی کن اینسانیرا غَیرمُمکینَه، خِدارا مُمکنَه.» 28پِطروس واتِشَه: «دَیس اَمه اِشتَن کَه آهَشتِمون و اِشتِه دوملَه آمیمون!» 29عیسی اِینِش واتَه: «حَقیقَتَا به شمَه باتیم کن هیچ کَس نییَه کن خدا پادیشاهی خونه اِشتَن کَه یا ژِن یا برا اون یا دَدَ نَنه یا اِشتَن خردَنون آهَشتَش ببو و 30اِم دِنیا کا چند برابر به دَست وَردَش مَبو و اَ دِنیا کا نی زَیرونه زندَگی چَی نَصیب مَبو.»
عیسی سوُمین کَرَ اِشتَن مَردِ پیشگویی بَکَی
31عیسی اَ دانزَ شاگِردی قِرَقیرا بردشَه و اَیِنِش واتَه: «دَیسَه اَمه شهر اورشلیمیرا بَشیمون. اَجگاکا گِردِ چییِنی کن پَیغَمبَرن اینسانی زوعَه خونه نوشتَشونهَ اَنجوم بَبیَه. 32اِمی خونه کن اینسانی زوعَه غَیر یَهودیون دَست آنَّدا. اَیِن اَی دَسپَر بَگَتینه و بَینَه بد رفتاری بَکَن وچَی سَریکا توو وینَّفند 33و چَی شَلاق ژِ بَ دوملَه و بَی بَکِشتینَه و اَ سوُّمَه روجیکا زندَ آرَبن.» 34ولی شاگردن هیچ کِرَم اِم گَفونکا سَر آنِگِنینَه. اِم گَفی مَعنی اَوونکا نون آبَه بَه و سَر آنِه گِنینَه کن عیسی چه خونه اَوونَّه گَف اَژَنیَه.
عیسی ناوینا اَ گیدَلیی ایی شفا دَرِ
35اَموقه کن عیسی شَهر اَریحا نِزک آرَستَه، ناوینا اَ مِردی بَه کن را قِرَقیکا نشت بَ وگَدایی اَکَریَه. 36وقتی جمعیتی سَس کن اَجگا کایبین دَیوردِ دَرَستِش، دَپرسستَه کن چه خَبَرَ؟ 37واتِشونَه: «عیسای ناصری کا دَیوردِ.» 38اَ ناوینا اَ مِرد لَسَه ژِشَه: «عیسی، اَی داوودِ پادیشا زوعَه، بَمن رَحم اَکَن!» 39کسِنی کن جَمعیتی نَ کا اَشینه، بَی تَشَر ژِشونَه وبَی واتِشون کن ساکیت آبو. ولی اَ ویشتر لَسَه ژِشَه و واتش: «اَی داوود پادیشا زوعَه، بَمن رَحم اَکَن!» 40عیسی پابِیِند آبه و اَمر کَردِشَه تا اَ ناوینا اَ مِردی چَی وَر بوعَرن. وَقتی اَ مِرد نِزک آمَه، عیسی اَیکا دَپرسسته: 41«بَپیرَ تِرا چِبکَرم؟» اَ مِرد واتِش: «چمن سرور اَپیمَه چمن چَمِن هَنی بِوینِن.» 42عیسی بَی واتِشَه: «اِشتِه چَمِن بِوینِن! اِشتِه ایمان بَتِه شفا آدوعَشَه.» 43جَخت چَی چَمِن هَنی آج آبینَه وهَتَه کن اَ، خدا شکر اَکَریَه عیسی دوملَه رَونَه بَه. وقتی مردوم اِمِشون ویندَ گِرد خِداشون ستایش کَردَ.
Currently Selected:
انجیل لوقا 18: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 18
18
سیمیجَه ویوَه‌ژِنی مثَل
1عیسی اِشتَن شاگردونرا مَثَلی وَردِشه تا اَوون آمونِه کن پی اوزون دِوا بکَرن و هرگز دلسرد آمَبون. 2عیسی واتشَه: «شهریکا قاضی‌ایی بَه کن نِه خِداکا اَترسیَه نِه مَردومی اَهَمیَت اَدَریَه. 3هَه شهریکا ویوَ ژِنی بَه کن یَژَن چَی وَر آی و اَواجی: ”چمن حقی چمن غَنیمیکا ویگِه.“ 4قاضی هَنه وَقتی بَی ایتنا نِکَردِشهَ. اَمّا آخیر بَسَر بَشتَنَه واتش: ”هر چَنه نِه خدا کا بَتَرسستیم و نِه مَردومی اَهَمیَت بَدام، 5ولی اِمی خاطر کن اِم ویوَ ژِن دِ بَمنِش بَرکَردَیَه، چَی حقی ویمَگَت تا اِشتَن اِم یَژَن اومِه نَه بَمن زَمَتیکا دَمَفَنِه!“» 6اَموقه خداوند عیسی واتش: «دَرستِرون اِم بی اینصافَه قاضی چِش واتَه؟ 7ایسَه خدا اَ آدَمِنی کن اِشتَن اینتخاب کَردَشَه، چَوون داد آنیَرَست، اَیِنی کن شَوانَه روج بَی خِلِه بَکَنَه؟ چَوونرا آرَستِه عَری دَرَفند؟ 8به شمَه باتیمَه کن خَیلی زو چَوون داد آرَرَست. اَمّا وَقتی اینسانی زوعَه با، زَمینی سَردِرِ کَسی پَیدا بَکَیَه کن ایمان بِدارِ؟»
فَریسی و خراجَ ویرَگِر
9عیسی اِم مَثَلی نی بعضیونرا کن اِشتَن صالح بِه کا مطمئین بینَه و دیَرَ آدَمون گَچ اَکَرینَه، وَردِشَه: 10«دِ نفر دِواکَردِرا معبد شین، ایلَه اَوونکا فَریسون فرقه عالیمونکا به، اَیلَه نی خراج ویرَگِر بَه. 11اَ فَریسی، پامَندَ و اِشتنَّه اِنتَرَ دِوا کَردِشَه: ”خدایا، به تِه شکر بَکَم کن هِنتَه دییَر آدَمون شیوار، پتارچی و بی اینصاف و زیناکار نیمهَ و نِه حتی اِم خَراج ویگِری شیواریم. 12هَفتهَ ایی دِ کَرَ روجَه بَگَتیم و تورارتی حِکم دَه یَک آدوعِه، هَرچیی خونه کن بدست بوعَردیم اَنجوم بدام.“ 13ولی اَ خراج ویگِر دوریکا پامَندَ و نَپیشبَه حتی اِشتَن چَمون آستامونی طَرَف راست آکر، بَلکَم اِشتَن سینه سَر اَکووی و اَواجیهَ: ”خدایا، بَمِنِه گِناخکار رحم اَکَن.“ 14شِمَه باتیمَه کن اِم خَراج ویگِر صالح بَحیساب آمَه و کَرا شه، نِه اَ فَریسی، اِمی خاطرکن هر کم اِشتَن یال آکَرِ، گچ آرَب و هر کم اِشتَن گچ آکَرِ یال آرَبن.»
عیسی خِردَنون بَرَکَت دَرِ
15مردوم حتی تَرَ خردَنون عیسی وَراَورینهَ تا عیسی اِشتَن بالی چَوون سَریکا بِنَرِ. شاگردن اَموقه کن اِمی ویندِشون، مردومی تَشَر ژِشونَه. 16اَمّا عیسی اَیِنِش اِشتَن وَر خِلِه کَردِشَه و واتِش: «بَرزَ خردَنن چمن وَر بان؛ چَوون ناری مَگِرَ، اِمی خاطر کن خدا پادیشاهی اِنتَرَ کسون شِنهَ. 17حَقیقَتَا بَه شمَه باتیم، هَرکَم خدا پادیشاهی هِنتَه خِردَنی شیوار قِبول نِکَر هرگز چَی دِلَه دَنیش.»
ثیروتمندَ رَئیس
18قام یَهودی ایلَه رئیسونکا عیسی کا دَپرسستَه: «چاکَ اِستا، پی چبکَرم تا زَیرونَه زندَگی اِرث بِبَرم؟» 19عیسی بَی واتِش: «چیرا بَمن چاک خِلِه بَکَش؟ هیچ‌کم چاک نیَه غَیراَز خدا. 20حِکمون بَموستیشَه: زینا مَکَ، آدَم مَکِش، مَپِتار، دِروعَه شَهادَت مَدَ، اِشتَن دَدَ و نَنَه ایحترام بِنَه.» 21اَ مِرد واتشَه: «اِمون گِردی جوان گیریکا اَنجوم دوعَمَه.» 22عیسی وَقتی اِمش دَرسته، اَش واتَه: «هَنوزَنی ایله چی کمِرهِستَه؛ هَر چیی هِستِرَ بِخرَش و دَس دَریسون دِلَه رَسَت اَکَن، کن آستامونیکا گنج بَداشتیشَه. اَموقه بِ و بَمنکا پیروی اَکَن.» 23ولی اَ مِرد وَقتی اِم گَفِنِش دَرَستَه، بَرک بَرضَخ آبه اِمی خاطر کن وِرَ ثیروت داری. 24عیسی وقتی ویندِشَه کن اَ مِرد بَرضَخ آبَه واتِش: «چَنَه چَتینَه کن ثیروَتمندِن خدا پادیشاهیکا دِلَه دَشون! 25شِتِری دَیوَردِ دَرزَنَه خِلیکا راحَت تَرَ تا ایلَه ثیروَتمَندی دِلَه دَشه خدا پادیشاهیکا.»
26کسِنی کن اِم گَفِشون دَرَستَه، دَپرسستین: «پس کی بَشایَه نیجات گَتِه؟» 27ولی عیسی واتِش: «اَچیی کن اینسانیرا غَیرمُمکینَه، خِدارا مُمکنَه.» 28پِطروس واتِشَه: «دَیس اَمه اِشتَن کَه آهَشتِمون و اِشتِه دوملَه آمیمون!» 29عیسی اِینِش واتَه: «حَقیقَتَا به شمَه باتیم کن هیچ کَس نییَه کن خدا پادیشاهی خونه اِشتَن کَه یا ژِن یا برا اون یا دَدَ نَنه یا اِشتَن خردَنون آهَشتَش ببو و 30اِم دِنیا کا چند برابر به دَست وَردَش مَبو و اَ دِنیا کا نی زَیرونه زندَگی چَی نَصیب مَبو.»
عیسی سوُمین کَرَ اِشتَن مَردِ پیشگویی بَکَی
31عیسی اَ دانزَ شاگِردی قِرَقیرا بردشَه و اَیِنِش واتَه: «دَیسَه اَمه شهر اورشلیمیرا بَشیمون. اَجگاکا گِردِ چییِنی کن پَیغَمبَرن اینسانی زوعَه خونه نوشتَشونهَ اَنجوم بَبیَه. 32اِمی خونه کن اینسانی زوعَه غَیر یَهودیون دَست آنَّدا. اَیِن اَی دَسپَر بَگَتینه و بَینَه بد رفتاری بَکَن وچَی سَریکا توو وینَّفند 33و چَی شَلاق ژِ بَ دوملَه و بَی بَکِشتینَه و اَ سوُّمَه روجیکا زندَ آرَبن.» 34ولی شاگردن هیچ کِرَم اِم گَفونکا سَر آنِگِنینَه. اِم گَفی مَعنی اَوونکا نون آبَه بَه و سَر آنِه گِنینَه کن عیسی چه خونه اَوونَّه گَف اَژَنیَه.
عیسی ناوینا اَ گیدَلیی ایی شفا دَرِ
35اَموقه کن عیسی شَهر اَریحا نِزک آرَستَه، ناوینا اَ مِردی بَه کن را قِرَقیکا نشت بَ وگَدایی اَکَریَه. 36وقتی جمعیتی سَس کن اَجگا کایبین دَیوردِ دَرَستِش، دَپرسستَه کن چه خَبَرَ؟ 37واتِشونَه: «عیسای ناصری کا دَیوردِ.» 38اَ ناوینا اَ مِرد لَسَه ژِشَه: «عیسی، اَی داوودِ پادیشا زوعَه، بَمن رَحم اَکَن!» 39کسِنی کن جَمعیتی نَ کا اَشینه، بَی تَشَر ژِشونَه وبَی واتِشون کن ساکیت آبو. ولی اَ ویشتر لَسَه ژِشَه و واتش: «اَی داوود پادیشا زوعَه، بَمن رَحم اَکَن!» 40عیسی پابِیِند آبه و اَمر کَردِشَه تا اَ ناوینا اَ مِردی چَی وَر بوعَرن. وَقتی اَ مِرد نِزک آمَه، عیسی اَیکا دَپرسسته: 41«بَپیرَ تِرا چِبکَرم؟» اَ مِرد واتِش: «چمن سرور اَپیمَه چمن چَمِن هَنی بِوینِن.» 42عیسی بَی واتِشَه: «اِشتِه چَمِن بِوینِن! اِشتِه ایمان بَتِه شفا آدوعَشَه.» 43جَخت چَی چَمِن هَنی آج آبینَه وهَتَه کن اَ، خدا شکر اَکَریَه عیسی دوملَه رَونَه بَه. وقتی مردوم اِمِشون ویندَ گِرد خِداشون ستایش کَردَ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company