ปือบูวัจ 8
8
1นู กูญา บูนอฮ ซือตีเฟน เตอ_ เซาโล ญา ลีฮัจ จะ_ บาฌิ ฌูฆา เลอ.
ลูมอฮ ปือจายา กือนา ซูซัฮ โตระ
ตะเดะ อารี อีตู เลอ_ ลูมอฮ นะ ตูฮัด เดะ นังฆรี เยรูซาเลม_ กูญา กือนา ลาฆู ปรือกัด ซูซัฮ โตระ_ บูวัจ บรี กูญา ลารี จัฮบือลัฮ_ ปี กะ นังฆรี ยูเดีย_ นังฆรี ซะมาเรีย_ ราตา. ตาปี โกะ ปือญูโรฮ กูญา เตด ลารี. 2อาดา ซือมียา นู ตูเฮะ กะ ตูฮัด_ กูญา บาวา บาดัด นะ ซือตีเฟน ปี ตานัม. กูญา มือนาแงฮ บือปาโตด_ ซือวารา บือซัยํ.
3ตาปี โซะ เซาโล_ ญา ซูกา บรี ลูมอฮ นะ ตูฮัด บือนาซา ฮาบิฮ. ญา ปี มาโซะ รูมัฮ อีนี_ รูมัฮ อีตู_ รีฆะ โกะ กีลากี_ โกะ นีบีนี_ อีเระ บาวา บือปี_ บอฮ เดะ ปือฌารา.
บรีตา นู บาฌิ รอจ กะ นังฆรี ซะมาเรีย
4โกะ ซือมียา นู จัฮบือลัฮ ดัฮ เตอ_ กูญา ปี ราตา_ มือญาเระ ปือมือเลา นะ ตูฮัด.
5โซะ ฟีลิบ เตอ_ ญา ปี รอจ กะ นังฆรี ซะมาเรีย บรี กะ กูญา ตาฮู จะ_ เยซู ฌาดี ราฌา นู บรี ซือลามัจ. 6ตานา โกะ ซือมียา บาญะ ดืองัยํ ปือมือเลา นะ ฟีลิบ_ ลีฮัจ ปือนานา ซีดี นู ญา บูวัจ ดัฮ_ กูญา ปาคัจ ซูกา นะ มือนีงัย กะ ญา. 7ซือมียา บาญะ นู อาดา ฮาตู ตะอารัฮ_ บูวัจ บรี กูญา ราโซะ เตอ_ โกะ ฮาตู อีตู ตรือเบะ ฮาบิฮ ดัฮ_ บือซูระ ซือวารา บือซัยํ. ซือมียา บาญะ นู ฮอย อูรัจ_ นู จาเปะ เตอ_ ฟีลิบ ปือบือลา บรี ลือฆา บาฌิ ดัฮ. 8กะฆีเตอ ลูมอฮ ซือมียา เดะ นังฆรี อีตู_ กูญา ซูกา ฮาตี บาญะ.
9ตาปี เดะ นังฆรี อีตู_ อาดา ซือมียา ซืออูรัก_ ปือนามา จะ ซีโมน. ลามา ดัฮ_ ญา บือฆูรู อาเย ลือมู_ มืองากู จะ_ อีซี ญา ฌาดี ซือมียา ซัยํบือซัยํ. ญา บูวัจ บรี โกะ ลูมอฮ ซะมาเรีย ปือและ ฮาตี. 10กูญา ซือมูฮา มือนีงัย กะ ญา_ ตะเดะ ซือมียา ฮาฌะ_ รอจ กะ ซือมียา กายา. กูญา ปาคัจ มือเลา จะ_ “ซือมียา อีนี_ ญา ฌาดี ซือมียา ซีดี เลอ. ญา อาดา ฆูรู นู กรัซ ซูโงฮ.” 11ลามา ดัฮ_ ญา บือฆูรู อาเย ลือมู กะฆีเตอ_ บรี กูญา ปือและ ฮาตี ซูโงฮ. กะฆีเตอ_ ลูมอฮ กูญา มือนีงัย ตูโรจ กะ ญา.
12ฟีลิบ ญา มือญาเระ บรีตา นู บาฌิ_ ปาซัน ลาฆู นู ตูฮัด เดะ อาตัซ นะ ปือบือลา_ ฌาดี ราฌา นะ อูมัจ ซือมียา ปาซัน ลาฆู นะ เยซู_ ราฌา นู บรี ซือลามัจ อีตู. กะฆีเตอ_ อาดา บาญะ ซือมียา ปือจายา_ ซาโมจ ลาฆู ซือลับ เดะ อาเย. อาดา ฌางัน โกะ กีลากี_ ฌางัน โกะ นีบีนี ซามา. 13ซีโมน ฌูฆา_ ญา ปือจายา_ ซาโมจ ลาฆู ซือลับ เดะ อาเย ดัฮ. ญา อาดา ดาปิก ฌางัน ฟีลิบ. ตานา ญา ลีฮัจ ฟีลิบ บูวัจ ปือนานา ซีดี นู มือฆัฮ_ ญา โปด ปือและ ฮาตี ซูโงฮ เลอ.
14กาลา โกะ ปือญูโรฮ เดะ นังฆรี เยรูซาเลม ดืองัยํ ดัฮ_ นู ลูมอฮ บักซา ซะมาเรีย ซาโมจ ปือมือเลา นะ ตูฮัด ดัฮ_ กูญา ซูโรฮ เปโตร ฌางัน โยฮัน_ ปี กะ ลูมอฮ กูญา. 15ตานา กูญา ดูวา อูรัก รอจ ดัฮ_ กูญา บือซาโวจ_ บรี ลูมอฮ ซือมียา นะ ซาโมจ ซือมืองัจ นะ ตูฮัด. 16ลูมอฮ กูญา บือเลฮ ซาโมจ ลาฆู ซือลับ เดะ อาเย ดัฮ_ เดะ ปือนามา นะ ตูฮัด เยซู_ ตาปี ซือมืองัจ นะ ตูฮัด เตด บือเลฮ ตูโรด มาแรฮ กะ กูญา ลาฆี. 17กะฆีเตอ โกะ ปือญูโรฮ ดูวา อูรัก_ กูญา ตืองะ ตางัน เดะ ญาวา นะ โกะ ซือมียา_ บูวัจ บรี กูญา ซาโมจ ซือมืองัจ นะ ตูฮัด.
18โซะ ซีโมน ญา ลีฮัจ จะ_ นู โกะ ปือญูโรฮ ตืองะ ตางัน เดะ ลูมอฮ ซือมียา_ บูวัจ บรี กูญา ซาโมจ ซือมืองัจ นะ ตูฮัด. กะฆีเตอ_ ญา อาเมด ดูเวะ มาแรฮ_ นะ บรี กะ โกะ ปือญูโรฮ_ 19มือเลา จะ_ “มีตา บรี กู นะ บือเลฮ บูวัจ ลาฆู อีนี. บรี กู ตืองะ ตางัน เดะ ซือมียา ดีฮา_ ญา นะ ซาโมจ ซือมืองัจ นะ ตูฮัด.” ญา จะ.
20ตาปี เปโตร มือเลา ฌางัน ซีโมน จะ_ “บรี เกา นะ ฌาฮานัม_ ฌางัน ดูเวะ นะ เกา ซามา. เกา อีงัจ นะ ซูโรฮ ดูเวะ_ บรี เกา บือเลฮ บูวัจ ลาฆู อีนี. ตาปี ลาฆู อีนี เตอ_ ตูฮัด เลอ_ นู ฮาลัย บรี. 21เกา ฮอย บาฮาเฆด เดะ ลาฆู อีนี เลอ. ฮาตี นะ เกา_ เตด รือมัก ฌางัน ตูฮัด เลอ. 22บราเลฮ ฮาตี เลอ_ ตีงัน ลาฆู ฌาฮัจ นะ เกา นู อีนี. มีตา เลอ_ เดะ ตูฮัด_ บรี ญา อาเกะ ดูซา_ นู เกา อีงัจ เดะ ฮาตี ดัฮ. 23กามี ลีฮัจ จะ_ เกา ซาเกะ ฮาตี_ ดือกี กะ กาวัด เลอ. ดูซา นะ เกา_ บูวัจ บรี เกา ซือรูปา ลือกัจ เดะ ปือฌารา ดัฮ.” เปโตร ญา จะ.
24กะฆีเตอ ซีโมน ตีกัฮ กะ กูญา ดูวา อูรัก จะ_ “มีตา บือซาโวจ กะ ตูฮัด บือซัยํ บีดา กู เลอ_ บรี กู เตด กือนา ลาฆู นู เกา มือเลา ดัฮ.” ญา จะ.
25กาลา กูญา ดูวา อูรัก บือเลฮ มือเลา ฌาดี ซะซรี_ มือญาเระ ปือมือเลา นะ ตูฮัด ดัฮ_ กูญา บาลิ ปี_ กะ นังฆรี เยรูซาเลม. เดะ ตืองัฮ ฌาลัด_ กูญา มือญาเระ บรีตา นู บาฌิ_ เดะ ตูโปะ บักซา ซะมาเรีย_ บาญะ ตือปัจ.
ฟีลิบ ฌางัน ฮูลู บาลัก นะ ราฌา
26อาดา ฮูลู บาลัก นะ ตูฮัด มือเลา กะ ฟีลิบ จะ_ “ตรือเบะ ปี เลอ_ โซะ บารัจ ดายา_ รอจ กะ ฌาลัด_ นู มาแรฮ เดะ นังฆรี เยรูซาเลม_ ปี กะ นังฆรี ฆาซา.” ญา จะ. ฌาลัด อีตู เตอ_ ฮอย ซาปา ซูโรฮ ดัฮ.
27กะฆีเตอ ฟีลิบ ตรือเบะ ปี โซะ อีตู. นี เลอ_ เดะ ฌาลัด อีตู_ อาดา ซือมียา บักซา เอทีโอเปีย_ ซืออูรัก. ญา เตอ_ ฮูลู บาลัก นะ ราฌา กันดาซี_ นู ฌาดี ราฌา นีบีนี นะ นังฆรี อีตู. ฮูลู บาลัก อีตู_ ญา ปือบือลา โกะ ซือบารัก บรือฆา ซือมูฮา นะ ราฌา. ญา ซูดัฮ ปี มือญือมัฮ กะ ตูฮัด_ เดะ นังฆรี เยรูซาเลม ดัฮ. 28ญา ตืองัฮ ปาเระ กะ นังฆรี นะ ญา. ญา ดูโดะ เดะ ซือตรี กูดา_ บาจา ซูรัจ นะ อิซายา_ ซือมียา ตูโดฮ ลาฆู นะ ตูฮัด. 29กะฆีเตอ ซือมืองัจ นะ ตูฮัด มือเลา กะ ฟีลิบ จะ_ “ปี ญาเปะ ซือตรี กูดา อีตู เลอ.”
30กะฆีเตอ_ ฟีลิบ บลารี ปี กะ ซือตรี_ ดืองัยํ ซือมียา อีตู ตืองัฮ บาจา ซูรัจ นะ อิซายา. กะฆีเตอ ฟีลิบ ตาญา จะ_ “นู เกา บาจา เตอ_ บือเลฮ มาโซะ เดะ ฮาตี เฆอ?”
31ฮูลู บาลัก อีตู ตีกัฮ จะ_ “นะ มาโซะ เดะ ฮาตี บือเลฮ กะฮามี? ฮอย ซือมียา ตูโลก มือญาเระ บรี กะ กู.”
กะฆีเตอ ญา บืออาฌะ ฟีลิบ ญาแญะ ซือตรี นะ ญา_ ดูโดะ บือซามา. 32นี เลอ_ ญา ตืองัฮ บาจา ซูรัจ ปือมือเลา นะ ตูฮัด นู จะ
“ญา เลอ_ ญา ซือรูปา กะ กาเมก_
นู อูรัก บาวา ปี บูนอฮ.
ญา เลอ_ ซือรูปา กะ อานะ กาเมก
บือดีรี ซืองะ_
โซะ ฮือลด อูรัก ฆูติก บูลู นะ ญา.
ญา โปด_ เตด บือเลฮ มือเลา มานามา กะฆีเตอ ฌูฆา.
33 ญา เตอ_ กือนา กาจะ บรี รือนัฮ
กือนา กรัจ ฮูโกบ_ เตด กือนา ลาฆู.
ฮอย ซาปา นู บือเลฮ มือญาเระ
ลาฆู อานะ กือมอน นะ ญา
กรานา ญา กือนา กรัจ ตรือเบะ_
ตีเมา บรี อาดา ฮีโดะ เดะ ดือนียา ลาฆี #
อซย 53.7-8
.”
34กะฆีเตอ ฮูลู บาลัก อีตู ตาญา ฟีลิบ จะ_ “ซือมียา ตูโดฮ ลาฆู นะ ตูฮัด อีนี_ มือเลา ปาซัน ลาฆู นะ ซาปา? ลาฆู ญาวา ตะอาซิก เฆอ? ลาฆู ซือมียา อาซิก เฆอ?”
35กะฆีเตอ ฟีลิบ ญา ฮึนตะ เดะ ตือนอซ อีตู เตอ_ มือญาเระ บรีตา นู บาฌิ นะ เยซู_ กะ ฮูลู บาลัก. 36-37ตานา บือฌาลัด ปี_ กูญา รอจ กะ ตือปัจ อาดา อาเย. ฮูลู บาลัก อีตู มือเลา จะ_ “ลีฮัจ เลอ_ อาดา อาเย. กู นะ ซาโมจ ลาฆู ซือลับ เดะ อาเย. อาดา นามา นะ กือตัก เฆอ?”#8.36-37 ซูรัจ ลามา ซือตืองัฮ ตามัฮ ปือมือเลา กะฆีนี “กะฆีเตอ ฟีลิบ มือเลา จะ_ ‘ดัฮ เกา ปือจายา ปือนอฮ เดะ ฮาตี_ เกา ซาโมจ บือเลฮ.’ ฮูลู บาลัก อีตู ตีกัฮ จะ_ ‘กู ปือจายา จะ_ เยซู คริด เตอ_ ญา เลอ_ ฌาดี นานะ นะ ตูฮัด เดะ อาตัซ.’_ ”
38กะฆีเตอ ญา ซูโรฮ ซือตรี บราดู. กูญา ดูวา อูรัก ตูโรด บรือเมา เดะ อาเย. กะฆีเตอ ฟีลิบ เตอ_ ญา บูวัจ บรี ฮูลู บาลัก อีตู_ ซือลับ เดะ อาเย ดัฮ.
39ตานา กูญา ญาแญะ เดะ อาเย_ ซือมืองัจ นะ ตูฮัด บาวา ฟีลิบ บือปี. ฮูลู บาลัก อีตู เตด บือฆารี ญา ดัฮ. กะฆีเตอ ฮูลู บาลัก อีตู_ ญาแญะ ซือตรี ปี. ญา ซูกา ฮาตี บาญะ เลอ.
40ตาปี ฟีลิบ มาแรฮ รอจ กะ นังฆรี อาโซโต. ญา ปี ลาลู นังฆรี อีตู_ มือญาเระ บรีตา นู บาฌิ นะ ตูฮัด เดะ ตูโปะ ราตาๆ_ ฌู รอจ กะ นังฆรี ซีซาเรีย.
Currently Selected:
ปือบูวัจ 8: ULBIBLE
Highlight
Share
Copy
Want to have your highlights saved across all your devices? Sign up or sign in
ปือบูวัจ 8
8
1นู กูญา บูนอฮ ซือตีเฟน เตอ_ เซาโล ญา ลีฮัจ จะ_ บาฌิ ฌูฆา เลอ.
ลูมอฮ ปือจายา กือนา ซูซัฮ โตระ
ตะเดะ อารี อีตู เลอ_ ลูมอฮ นะ ตูฮัด เดะ นังฆรี เยรูซาเลม_ กูญา กือนา ลาฆู ปรือกัด ซูซัฮ โตระ_ บูวัจ บรี กูญา ลารี จัฮบือลัฮ_ ปี กะ นังฆรี ยูเดีย_ นังฆรี ซะมาเรีย_ ราตา. ตาปี โกะ ปือญูโรฮ กูญา เตด ลารี. 2อาดา ซือมียา นู ตูเฮะ กะ ตูฮัด_ กูญา บาวา บาดัด นะ ซือตีเฟน ปี ตานัม. กูญา มือนาแงฮ บือปาโตด_ ซือวารา บือซัยํ.
3ตาปี โซะ เซาโล_ ญา ซูกา บรี ลูมอฮ นะ ตูฮัด บือนาซา ฮาบิฮ. ญา ปี มาโซะ รูมัฮ อีนี_ รูมัฮ อีตู_ รีฆะ โกะ กีลากี_ โกะ นีบีนี_ อีเระ บาวา บือปี_ บอฮ เดะ ปือฌารา.
บรีตา นู บาฌิ รอจ กะ นังฆรี ซะมาเรีย
4โกะ ซือมียา นู จัฮบือลัฮ ดัฮ เตอ_ กูญา ปี ราตา_ มือญาเระ ปือมือเลา นะ ตูฮัด.
5โซะ ฟีลิบ เตอ_ ญา ปี รอจ กะ นังฆรี ซะมาเรีย บรี กะ กูญา ตาฮู จะ_ เยซู ฌาดี ราฌา นู บรี ซือลามัจ. 6ตานา โกะ ซือมียา บาญะ ดืองัยํ ปือมือเลา นะ ฟีลิบ_ ลีฮัจ ปือนานา ซีดี นู ญา บูวัจ ดัฮ_ กูญา ปาคัจ ซูกา นะ มือนีงัย กะ ญา. 7ซือมียา บาญะ นู อาดา ฮาตู ตะอารัฮ_ บูวัจ บรี กูญา ราโซะ เตอ_ โกะ ฮาตู อีตู ตรือเบะ ฮาบิฮ ดัฮ_ บือซูระ ซือวารา บือซัยํ. ซือมียา บาญะ นู ฮอย อูรัจ_ นู จาเปะ เตอ_ ฟีลิบ ปือบือลา บรี ลือฆา บาฌิ ดัฮ. 8กะฆีเตอ ลูมอฮ ซือมียา เดะ นังฆรี อีตู_ กูญา ซูกา ฮาตี บาญะ.
9ตาปี เดะ นังฆรี อีตู_ อาดา ซือมียา ซืออูรัก_ ปือนามา จะ ซีโมน. ลามา ดัฮ_ ญา บือฆูรู อาเย ลือมู_ มืองากู จะ_ อีซี ญา ฌาดี ซือมียา ซัยํบือซัยํ. ญา บูวัจ บรี โกะ ลูมอฮ ซะมาเรีย ปือและ ฮาตี. 10กูญา ซือมูฮา มือนีงัย กะ ญา_ ตะเดะ ซือมียา ฮาฌะ_ รอจ กะ ซือมียา กายา. กูญา ปาคัจ มือเลา จะ_ “ซือมียา อีนี_ ญา ฌาดี ซือมียา ซีดี เลอ. ญา อาดา ฆูรู นู กรัซ ซูโงฮ.” 11ลามา ดัฮ_ ญา บือฆูรู อาเย ลือมู กะฆีเตอ_ บรี กูญา ปือและ ฮาตี ซูโงฮ. กะฆีเตอ_ ลูมอฮ กูญา มือนีงัย ตูโรจ กะ ญา.
12ฟีลิบ ญา มือญาเระ บรีตา นู บาฌิ_ ปาซัน ลาฆู นู ตูฮัด เดะ อาตัซ นะ ปือบือลา_ ฌาดี ราฌา นะ อูมัจ ซือมียา ปาซัน ลาฆู นะ เยซู_ ราฌา นู บรี ซือลามัจ อีตู. กะฆีเตอ_ อาดา บาญะ ซือมียา ปือจายา_ ซาโมจ ลาฆู ซือลับ เดะ อาเย. อาดา ฌางัน โกะ กีลากี_ ฌางัน โกะ นีบีนี ซามา. 13ซีโมน ฌูฆา_ ญา ปือจายา_ ซาโมจ ลาฆู ซือลับ เดะ อาเย ดัฮ. ญา อาดา ดาปิก ฌางัน ฟีลิบ. ตานา ญา ลีฮัจ ฟีลิบ บูวัจ ปือนานา ซีดี นู มือฆัฮ_ ญา โปด ปือและ ฮาตี ซูโงฮ เลอ.
14กาลา โกะ ปือญูโรฮ เดะ นังฆรี เยรูซาเลม ดืองัยํ ดัฮ_ นู ลูมอฮ บักซา ซะมาเรีย ซาโมจ ปือมือเลา นะ ตูฮัด ดัฮ_ กูญา ซูโรฮ เปโตร ฌางัน โยฮัน_ ปี กะ ลูมอฮ กูญา. 15ตานา กูญา ดูวา อูรัก รอจ ดัฮ_ กูญา บือซาโวจ_ บรี ลูมอฮ ซือมียา นะ ซาโมจ ซือมืองัจ นะ ตูฮัด. 16ลูมอฮ กูญา บือเลฮ ซาโมจ ลาฆู ซือลับ เดะ อาเย ดัฮ_ เดะ ปือนามา นะ ตูฮัด เยซู_ ตาปี ซือมืองัจ นะ ตูฮัด เตด บือเลฮ ตูโรด มาแรฮ กะ กูญา ลาฆี. 17กะฆีเตอ โกะ ปือญูโรฮ ดูวา อูรัก_ กูญา ตืองะ ตางัน เดะ ญาวา นะ โกะ ซือมียา_ บูวัจ บรี กูญา ซาโมจ ซือมืองัจ นะ ตูฮัด.
18โซะ ซีโมน ญา ลีฮัจ จะ_ นู โกะ ปือญูโรฮ ตืองะ ตางัน เดะ ลูมอฮ ซือมียา_ บูวัจ บรี กูญา ซาโมจ ซือมืองัจ นะ ตูฮัด. กะฆีเตอ_ ญา อาเมด ดูเวะ มาแรฮ_ นะ บรี กะ โกะ ปือญูโรฮ_ 19มือเลา จะ_ “มีตา บรี กู นะ บือเลฮ บูวัจ ลาฆู อีนี. บรี กู ตืองะ ตางัน เดะ ซือมียา ดีฮา_ ญา นะ ซาโมจ ซือมืองัจ นะ ตูฮัด.” ญา จะ.
20ตาปี เปโตร มือเลา ฌางัน ซีโมน จะ_ “บรี เกา นะ ฌาฮานัม_ ฌางัน ดูเวะ นะ เกา ซามา. เกา อีงัจ นะ ซูโรฮ ดูเวะ_ บรี เกา บือเลฮ บูวัจ ลาฆู อีนี. ตาปี ลาฆู อีนี เตอ_ ตูฮัด เลอ_ นู ฮาลัย บรี. 21เกา ฮอย บาฮาเฆด เดะ ลาฆู อีนี เลอ. ฮาตี นะ เกา_ เตด รือมัก ฌางัน ตูฮัด เลอ. 22บราเลฮ ฮาตี เลอ_ ตีงัน ลาฆู ฌาฮัจ นะ เกา นู อีนี. มีตา เลอ_ เดะ ตูฮัด_ บรี ญา อาเกะ ดูซา_ นู เกา อีงัจ เดะ ฮาตี ดัฮ. 23กามี ลีฮัจ จะ_ เกา ซาเกะ ฮาตี_ ดือกี กะ กาวัด เลอ. ดูซา นะ เกา_ บูวัจ บรี เกา ซือรูปา ลือกัจ เดะ ปือฌารา ดัฮ.” เปโตร ญา จะ.
24กะฆีเตอ ซีโมน ตีกัฮ กะ กูญา ดูวา อูรัก จะ_ “มีตา บือซาโวจ กะ ตูฮัด บือซัยํ บีดา กู เลอ_ บรี กู เตด กือนา ลาฆู นู เกา มือเลา ดัฮ.” ญา จะ.
25กาลา กูญา ดูวา อูรัก บือเลฮ มือเลา ฌาดี ซะซรี_ มือญาเระ ปือมือเลา นะ ตูฮัด ดัฮ_ กูญา บาลิ ปี_ กะ นังฆรี เยรูซาเลม. เดะ ตืองัฮ ฌาลัด_ กูญา มือญาเระ บรีตา นู บาฌิ_ เดะ ตูโปะ บักซา ซะมาเรีย_ บาญะ ตือปัจ.
ฟีลิบ ฌางัน ฮูลู บาลัก นะ ราฌา
26อาดา ฮูลู บาลัก นะ ตูฮัด มือเลา กะ ฟีลิบ จะ_ “ตรือเบะ ปี เลอ_ โซะ บารัจ ดายา_ รอจ กะ ฌาลัด_ นู มาแรฮ เดะ นังฆรี เยรูซาเลม_ ปี กะ นังฆรี ฆาซา.” ญา จะ. ฌาลัด อีตู เตอ_ ฮอย ซาปา ซูโรฮ ดัฮ.
27กะฆีเตอ ฟีลิบ ตรือเบะ ปี โซะ อีตู. นี เลอ_ เดะ ฌาลัด อีตู_ อาดา ซือมียา บักซา เอทีโอเปีย_ ซืออูรัก. ญา เตอ_ ฮูลู บาลัก นะ ราฌา กันดาซี_ นู ฌาดี ราฌา นีบีนี นะ นังฆรี อีตู. ฮูลู บาลัก อีตู_ ญา ปือบือลา โกะ ซือบารัก บรือฆา ซือมูฮา นะ ราฌา. ญา ซูดัฮ ปี มือญือมัฮ กะ ตูฮัด_ เดะ นังฆรี เยรูซาเลม ดัฮ. 28ญา ตืองัฮ ปาเระ กะ นังฆรี นะ ญา. ญา ดูโดะ เดะ ซือตรี กูดา_ บาจา ซูรัจ นะ อิซายา_ ซือมียา ตูโดฮ ลาฆู นะ ตูฮัด. 29กะฆีเตอ ซือมืองัจ นะ ตูฮัด มือเลา กะ ฟีลิบ จะ_ “ปี ญาเปะ ซือตรี กูดา อีตู เลอ.”
30กะฆีเตอ_ ฟีลิบ บลารี ปี กะ ซือตรี_ ดืองัยํ ซือมียา อีตู ตืองัฮ บาจา ซูรัจ นะ อิซายา. กะฆีเตอ ฟีลิบ ตาญา จะ_ “นู เกา บาจา เตอ_ บือเลฮ มาโซะ เดะ ฮาตี เฆอ?”
31ฮูลู บาลัก อีตู ตีกัฮ จะ_ “นะ มาโซะ เดะ ฮาตี บือเลฮ กะฮามี? ฮอย ซือมียา ตูโลก มือญาเระ บรี กะ กู.”
กะฆีเตอ ญา บืออาฌะ ฟีลิบ ญาแญะ ซือตรี นะ ญา_ ดูโดะ บือซามา. 32นี เลอ_ ญา ตืองัฮ บาจา ซูรัจ ปือมือเลา นะ ตูฮัด นู จะ
“ญา เลอ_ ญา ซือรูปา กะ กาเมก_
นู อูรัก บาวา ปี บูนอฮ.
ญา เลอ_ ซือรูปา กะ อานะ กาเมก
บือดีรี ซืองะ_
โซะ ฮือลด อูรัก ฆูติก บูลู นะ ญา.
ญา โปด_ เตด บือเลฮ มือเลา มานามา กะฆีเตอ ฌูฆา.
33 ญา เตอ_ กือนา กาจะ บรี รือนัฮ
กือนา กรัจ ฮูโกบ_ เตด กือนา ลาฆู.
ฮอย ซาปา นู บือเลฮ มือญาเระ
ลาฆู อานะ กือมอน นะ ญา
กรานา ญา กือนา กรัจ ตรือเบะ_
ตีเมา บรี อาดา ฮีโดะ เดะ ดือนียา ลาฆี #
อซย 53.7-8
.”
34กะฆีเตอ ฮูลู บาลัก อีตู ตาญา ฟีลิบ จะ_ “ซือมียา ตูโดฮ ลาฆู นะ ตูฮัด อีนี_ มือเลา ปาซัน ลาฆู นะ ซาปา? ลาฆู ญาวา ตะอาซิก เฆอ? ลาฆู ซือมียา อาซิก เฆอ?”
35กะฆีเตอ ฟีลิบ ญา ฮึนตะ เดะ ตือนอซ อีตู เตอ_ มือญาเระ บรีตา นู บาฌิ นะ เยซู_ กะ ฮูลู บาลัก. 36-37ตานา บือฌาลัด ปี_ กูญา รอจ กะ ตือปัจ อาดา อาเย. ฮูลู บาลัก อีตู มือเลา จะ_ “ลีฮัจ เลอ_ อาดา อาเย. กู นะ ซาโมจ ลาฆู ซือลับ เดะ อาเย. อาดา นามา นะ กือตัก เฆอ?”#8.36-37 ซูรัจ ลามา ซือตืองัฮ ตามัฮ ปือมือเลา กะฆีนี “กะฆีเตอ ฟีลิบ มือเลา จะ_ ‘ดัฮ เกา ปือจายา ปือนอฮ เดะ ฮาตี_ เกา ซาโมจ บือเลฮ.’ ฮูลู บาลัก อีตู ตีกัฮ จะ_ ‘กู ปือจายา จะ_ เยซู คริด เตอ_ ญา เลอ_ ฌาดี นานะ นะ ตูฮัด เดะ อาตัซ.’_ ”
38กะฆีเตอ ญา ซูโรฮ ซือตรี บราดู. กูญา ดูวา อูรัก ตูโรด บรือเมา เดะ อาเย. กะฆีเตอ ฟีลิบ เตอ_ ญา บูวัจ บรี ฮูลู บาลัก อีตู_ ซือลับ เดะ อาเย ดัฮ.
39ตานา กูญา ญาแญะ เดะ อาเย_ ซือมืองัจ นะ ตูฮัด บาวา ฟีลิบ บือปี. ฮูลู บาลัก อีตู เตด บือฆารี ญา ดัฮ. กะฆีเตอ ฮูลู บาลัก อีตู_ ญาแญะ ซือตรี ปี. ญา ซูกา ฮาตี บาญะ เลอ.
40ตาปี ฟีลิบ มาแรฮ รอจ กะ นังฆรี อาโซโต. ญา ปี ลาลู นังฆรี อีตู_ มือญาเระ บรีตา นู บาฌิ นะ ตูฮัด เดะ ตูโปะ ราตาๆ_ ฌู รอจ กะ นังฆรี ซีซาเรีย.
Currently Selected:
:
Highlight
Share
Copy
Want to have your highlights saved across all your devices? Sign up or sign in