บราเกะ ลารี 8
8
ลาฆู ฌาฮานัม นู ดูวา: ฌาดี กาวัด บือฆาตะ
1ตูฮัด บือซัยํ เดะ อาตัซ มือเลา ฌางัน มูซา จะ_ “ปี บือดาปัจ ฌางัน ราฌา ฟาโร_ มือญาเระ กะ ญา จะ_ ‘ตูฮัด บือซัยํ เดะ อาตัซ_ ญา มือเลา กะฆีนี จะ_ “กือนา ปือลือปัซ ลูมอฮ ซือมียา นะ กู_ บรี กูญา ปี มือญือมัฮ กะ กู. 2ดัฮ เกา ตีเมา บูวัจ ตูโรจ_ กู นะ ปือลือปัซ กาวัด บือฆาตะ_ มาแรฮ บือฆาโดฮ เดะ นังฆรี นะ เกา ราตา เลอ. 3โกะ กาวัด บือฆาตะ นะ ปือนอฮ เดะ ซูงัย นัยละ_ นะ ญาแญะ ปี กะ รูมัฮ นะ ราฌา_ มาโซะ รอจ กะ ดาลับ รูวัก_ ญาแญะ เดะ ตือปัจ ตีโนะ นะ เกา_ เดะ รูมัฮ นะ โกะ ซือมียา ซัยํบือซัยํ_ ฌางัน โกะ ซือมียา ซือมูฮา_ เดะ ตูกู ซาลัย ตือโปก_ เดะ กาวัฮ กือปิ ตือโปก นะ เกา ฌูฆา. 4โกะ กาวัด บือฆาตะ อีตู_ นะ ญาแญะ เดะ อาตัซ ญาวา นะ ราฌา_ ฌางัน โกะ ซือมียา ราตา_ ฌางัน โกะ ซือมียา ซัยํบือซัยํ นะ เกา เลอ.” ’ ” 5กะฆีเตอ_ ตูฮัด บือซัยํ เดะ อาตัซ ญา มือเลา ฌางัน มูซา จะ_ “กือนา มือเลา ฌางัน อาโรน จะ_ ‘อาเงา ตางัน นู ปือฆัก ตูกัจ_ เดะ อาตัซ โกะ ซูงัย_ โกะ ลูนัก_ โกะ กูบัก อาเย_ บรี กาวัด บือฆาตะ นะ ญาแญะ มาแรฮ กะ อาตัซ นังฆรี อียิบ.’ ” 6กะฆีเตอ อาโรน_ ญา อาเกะ ตางัน นะ ญา_ เดะ อาตัซ โกะ อาเย ซือมูฮา นะ นังฆรี อียิบ_ กาวัด บือฆาตะ โปด_ ญาแญะ ปือนอฮ เดะ นังฆรี อีตู. 7ตาปี โกะ ซือมียา บือฆูรู โปด_ บูวัจ ตูโรจ ลาฆู ปือและ นะ กูญา_ บรี อาดา กาวัด บือฆาตะ ญาแญะ มาแรฮ เดะ อาตัซ นังฆรี อียิบ ฌูฆา.
8ราฌา ฟาโร ญา บลาโลก มูซา ฌางัน อาโรน_ มือเลา จะ_ “กาเญา ดูวา อูรัก_ กือนา ปูโฌะ มีตา เดะ ตูฮัด บือซัยํ เดะ อาตัซ_ บูวัจ บรี โกะ กาวัด บือฆาตะ ปี ฌาโวฮ เดะ กู ฌางัน ลูมอฮ ซือมียา นะ กู. กะฆีเตอ_ กู นะ ปือลือปัซ โกะ ซือมียา อีนี_ ปี อาเกะ บือนาตัก มือญือมัฮ กะ ตูฮัด บือซัยํ เดะ อาตัซ.”
9มูซา เตอ_ ญา มือเลา ฌางัน ราฌา ฟาโร จะ_ “ฮาฌา มีตา เดะ ราฌา จะ_ วะตู ดีฮา ราฌา บือคานะ นะ บรี กู มีตา เดะ ตูฮัด บือซัยํ เดะ อาตัซ_ บีดา เกา_ ฌางัน โกะ ซือมียา ซัยํบือซัยํ นะ เกา_ ฌางัน โกะ ลูมอฮ ซือมียา นะ เกา ซือมูฮา_ บรี โปรฮ โกะ กาวัด บือฆาตะ_ ตรือเบะ ปี เดะ กาเญา ฌางัน โกะ รูมัฮ นะ กาเญา_ บรี ญา ปี ดูโดะ ซา เดะ ซูงัย นัยละ. เกา ซูโรฮ กู เลอ_ กู นะ บูวัจ ตูโรจ.”
10ราฌา ฟาโร ตีกัฮ จะ_ “มัฮปาฆี เลอ.”
กะฆีเตอ มูซา ญา มือเลา จะ_ “นะ ฌาดี บือกะ นู เกา มือเลา. บีดา เกา นะ ตาฮู จะ_ ฮอย ซาปา ซือรูปา บือกะ ตูฮัด บือซัยํ เดะ อาตัซ_ ตูฮัด นะ ลูมอฮ กามี เตอ_ 11กาวัด บือฆาตะ นะ ปี ดัฮ เดะ เกา_ นะ ลารี เดะ โกะ รูมัฮ นะ เกา_ เดะ โกะ ซือมียา ซัยํบือซัยํ นะ เกา_ ฌางัน ลูมอฮ ซือมียา นะ เกา. อาดา ลือเบฮ ซา เดะ ซูงัย นัยละ เลอ.” 12มูซา ฌางัน อาโรน_ กูญา ตีงัน ฟาโร ปี ดัฮ. กะฆีเตอ มูซา บือซูระ มีตา เดะ ตูฮัด บือซัยํ เดะ อาตัซ_ ปาซัน กาวัด บือฆาตะ_ นู ตูฮัด ซูโรฮ มาแรฮ บือฆาโดฮ ราฌา ฟาโร เตอ. 13กะฆีเตอ_ ตูฮัด บือซัยํ เดะ อาตัซ_ ญา บูวัจ บือกะ ปือมือเลา นะ มูซา. โกะ กาวัด บือฆาตะ อีตู_ ญา ปี มาตี เดะ โกะ รูมัฮ_ เดะ โกะ ลามัน_ เดะ โกะ บือนัก ฌูฆา. 14กูญา ปาคัจ ปูงอจ บือฆาตะ นู มาตี_ ตาโรฮ ซือลูโงะๆ_ บูวัจ บรี กะ นังฆรี อีตู บือบาวู บูโซะ ฮาบิฮ. 15ตาปี ตานา ราฌา ฟาโร ญา ตาฮู จะ_ ลาฆู ซูซัฮ ปายัฮ อาดา เตด บราปา บาญะ ดัฮ_ ญา โปด_ กรัซ ฮาตี ปาเระ_ ตีเมา นะ มือนีงัย กะ มูซา ฌางัน อาโรน_ ซูโงฮ บือกะ นู ตูฮัด บือซัยํ เดะ อาตัซ บือเลฮ มือเลา ดัฮ.
ลาฆู ฌาฮานัม นู ตีฆา: กาวัด บียุก รีบารี
16กะฆีเตอ_ ตูฮัด บือซัยํ เดะ อาตัซ_ ญา มือเลา ฌางัน มูซา จะ_ “มือญาเระ กะ อาโรน จะ_ ‘บรี เกา อาเมด ตูกัจ_ กาเตาะ ฮาบู ตานัฮ_ บรี ฌาดี กาวัด บียุก รีบารี_ ตรือบัก ปือนอฮ เดะ นังฆรี อียิบ.’ ” 17กูญา ดูวา อูรัก โปด_ บูวัจ ตูโรจ. กะฆีเตอ อาโรน_ ญา อาเงา ตางัน ปือฆัก ตูกัจ_ กาเตาะ ฮาบู ตานัฮ_ บูวัจ บรี อาดา บียุก รีบารี_ มาแรฮ ฆีเฆะ โกะ ซือมียา ฌางัน โกะ บือนาตัก. ฮาบู ซือมูฮา เตอ_ ฌาดี บียุก รีบารี ปือนอฮ เดะ นังฆรี อียิบ. 18โซะ โกะ ซือมียา บือฆูรู_ กูญา บูวัจ ลาฆู นู ปือและ นะ กูญา_ บีดา บูวัจ บียุก รีบารี_ ตาปี กูญา บูวัจ เตด บือเลฮ. บียุก อีตู_ ญา มาแรฮ ฆีเฆะ โกะ ซือมียา ฌางัน โกะ บือนาตัก เลอ. 19กะฆีเตอ_ โกะ ซือมียา บือฆูรู_ กูญา มือญาเระ กะ ราฌา ฟาโร จะ_ “อีนี ฌาดี ลาฆู บือกรือฌา ดาตัก เดะ ตางัน นะ ตูฮัด เลอ.” ตาปี ราฌา ฟาโร ญา กรัซ ฮาตี_ ตีเมา นะ มือนีงัย กะ กูญา_ ซูโงฮ บือกะ ตูฮัด บือซัยํ เดะ อาตัซ บือเลฮ มือเลา ดัฮ เลอ.
ลาฆู ฌาฮานัม นู ปัจ: กาวัด ญาเมาะ กาโปยํ
20กะฆีเตอ_ ตูฮัด ญา มือเลา ฌางัน มูซา จะ_ “บีกัซ เดะ วะตู ฆีปาฆี_ ปี ซารี ราฌา ฟาโร_ ตานา ญา นะ ปี กะ ซูงัย_ มือญาเระ กะ ญา จะ_ ‘ตูฮัด บือซัยํ เดะ อาตัซ มือเลา กะฆีนี จะ_ “กือนา ปลือปัซ โกะ ลูมอฮ ซือมียา นะ กู_ บรี กูญา ปี มือญือมัฮ กะ กู เลอ. 21ดัฮ ฮอย เตด ปลือปัซ_ โกะ ลูมอฮ ซือมียา นะ กู ปี_ กู นะ ซูโรฮ กาวัด ญาเมาะ กาโปยํ_ มาแรฮ ฆีเฆะ ญาวา นะ เกา_ ฆีเฆะ โกะ ซือมียา ซัยํบือซัยํ นะ เกา_ ฌางัน โกะ ลูมอฮ ซือมียา นะ เกา_ นะ มาโซะ กะ ดาลับ โกะ รูมัฮ นะ เกา. โกะ รูมัฮ นะ ลูมอฮ ซือมียา อียิบ_ เดะ ตือปัจ ตานัฮ นู กูญา ดูโดะ เตอ_ นะ ปือนอฮ ฌางัน โกะ กาวัด ญาเมาะ เลอ. 22ตาปี เดะ อารี อีตู_ กู นะ บูวัจ บรี กะ นังฆรี โกเชน_ ญา บือปือจัฮ_ เดะ ตือปัจ โกะ ลูมอฮ ซือมียา นะ กู ดูโดะ เตอ_ ตีเมา บรี อาดา โกะ กาวัด ญาเมาะ กาโปยํ เลอ_ บีดา เกา นะ บือเลฮ ตาฮู จะ_ กู ฌาดี ตูฮัด บือซัยํ เดะ อาตัซ_ นู อาดา ดูโดะ เดะ ซามา ตืองัฮ นังฆรี อีนี เลอ. 23กู นะ ปือฮาฆิ_ ลูมอฮ ซือมียา นะ กาเญา ฌางัน ลูมอฮ ซือมียา นะ กู. ปือนานา อีนี นะ บือฌาดี มัฮปาฆี เลอ.” ’ ” 24กะฆีเตอ_ ตูฮัด บือซัยํ เดะ อาตัซ บูวัจ ดัฮ_ บรี อาดา กาวัด ญาเมาะ กาโปยํ_ กาวัด บือซัยํ โตระ_ ตรือบัก มาโซะ กะ รูมัฮ นะ ราฌา ฟาโร_ กะ รูมัฮ นะ โกะ ซือมียา ซัยํบือซัยํ นะ ญา. ราตา เดะ นังฆรี อียิบ เตอ_ นังฆรี ญา ฌาฮานัม ฮาบิฮ ดัฮ_ กรานา กาวัด ญาเมาะ กาโปยํ.
25ราฌา ฟาโร_ ญา บลาโลก มูซา ฌางัน อาโรน มาแรฮ_ ปือซัด จะ_ “กือนา ปี อาเมด บือนาตัก_ มือญือมัฮ มือนืองะ กะ ตูฮัด นะ กาเญา_ เดะ ตือกอซ นังฆรี อีนี เลอ.” 26ตาปี มูซา มือเลา จะ_ “ลาฆู ปือบูวัจ กะฆีเตอ_ เตด บือฆูนา เลอ_ กรานา นู กามี บูนอฮ บือนาตัก_ อาเกะ มือญือมัฮ กะ ตูฮัด บือซัยํ เดะ อาตัซ_ ตูฮัด นะ กามี เตอ_ ฌาดี ลาฆู นู ลูมอฮ อียิบ กูญา บือชี. ลีฮัจ เลอ_ ดัฮ กามี อาเกะ บือนาตัก มือญือมัฮ_ โซะ ฮือลด มูคา นะ ลูมอฮ อียิบ_ ฌาดี ลาฆู นู กูญา บือชี_ กูญา นะ เตด อาเมด บาตู ลีปัยํ กามี ซือมูฮา เฆอ? 27กามี ฆาโดฮ นะ บือฌาลัด ปี เดะ ตือปัจ ตานัฮ ตูโฮยํ นู ลือฆา_ แนฮ ตีฆา อารี_ บีดา นะ บือเลฮ อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ ตูฮัด นะ กามี_ ตูโรจ กะ ปือมือเลา นู ตูฮัด บือเลฮ ซูโรฮ กามี ดัฮ.”
28กะฆีเตอ ราฌา ฟาโร_ ญา มือเลา จะ_ “กู นะ ปลือปัซ ลูมอฮ กาเญา ปี เลอ_ บีดา นะ อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ ตูฮัด นะ กาเญา_ เดะ ตือปัจ ตานัฮ ตูโฮยํ นู ลือฆา. ตาปี กาเญา ฌางัน ปี ฌาโวฮ. กือนา บือซาโวจ มีตา บีดา กู ฌูฆา เลอ.”
29มูซา ญา มือเลา จะ_ “กาลา กู ตีงัน เกา ดัฮ_ กู นะ บือซาโวจ กะ ตูฮัด บือซัยํ เดะ อาตัซ_ มีตา บรี กาวัด ญาเมาะ กาโปยํ ปี ฌาโวฮ เดะ ราฌา ฟาโร_ ปี ฌาโวฮ เดะ โกะ ซือมียา ซัยํบือซัยํ_ ฌางัน โกะ ลูมอฮ ซือมียา นะ ญา ซือมูฮา_ เดะ วะตู ฆีปาฆี. ตาปี เกา ฌางัน นะ กาเลฮ ปือมือเลา ปูลัก_ ตีเมา นะ บรี โกะ ลูมอฮ ซือมียา ปี_ อาเกะ บือนาตัก มือญือมัฮ กะ ตูฮัด บือซัยํ เดะ อาตัซ.”
30มูซา ญา ตรือเบะ ปี_ เดะ ราฌา ฟาโร ดัฮ_ ญา บือซาโวจ กะ ตูฮัด บือซัยํ เดะ อาตัซ. 31ตูฮัด โปด_ บูวัจ ตูโรจ กะ ปือมือเลา บือซาโวจ มีตา นะ มูซา_ ญา บูวัจ บรี กาวัด ญาเมาะ ปี ฌาโวฮ เดะ ราฌา ฟาโร_ ปี ฌาโวฮ เดะ โกะ ซือมียา ซัยํบือซัยํ ฌางัน ลูมอฮ ซือมียา นะ ญา ซือมูฮา_ ซา อีโกยํ โปด ตีเมา บรี อาดา เดะ นังฆรี. 32โซะ ราฌา ฟาโร ญา บราเลฮ ฮาตี_ บรี กรัซ ฮาตี เดะ วะตู อีนี ปูลัก_ ตีเมา นะ ปือลือปัซ โกะ ลูมอฮ อิซราเอน ปี เลอ.
Currently Selected:
บราเกะ ลารี 8: ULBIBLE
Highlight
Copy
Compare
Share
Want to have your highlights saved across all your devices? Sign up or sign in
บราเกะ ลารี 8
8
ลาฆู ฌาฮานัม นู ดูวา: ฌาดี กาวัด บือฆาตะ
1ตูฮัด บือซัยํ เดะ อาตัซ มือเลา ฌางัน มูซา จะ_ “ปี บือดาปัจ ฌางัน ราฌา ฟาโร_ มือญาเระ กะ ญา จะ_ ‘ตูฮัด บือซัยํ เดะ อาตัซ_ ญา มือเลา กะฆีนี จะ_ “กือนา ปือลือปัซ ลูมอฮ ซือมียา นะ กู_ บรี กูญา ปี มือญือมัฮ กะ กู. 2ดัฮ เกา ตีเมา บูวัจ ตูโรจ_ กู นะ ปือลือปัซ กาวัด บือฆาตะ_ มาแรฮ บือฆาโดฮ เดะ นังฆรี นะ เกา ราตา เลอ. 3โกะ กาวัด บือฆาตะ นะ ปือนอฮ เดะ ซูงัย นัยละ_ นะ ญาแญะ ปี กะ รูมัฮ นะ ราฌา_ มาโซะ รอจ กะ ดาลับ รูวัก_ ญาแญะ เดะ ตือปัจ ตีโนะ นะ เกา_ เดะ รูมัฮ นะ โกะ ซือมียา ซัยํบือซัยํ_ ฌางัน โกะ ซือมียา ซือมูฮา_ เดะ ตูกู ซาลัย ตือโปก_ เดะ กาวัฮ กือปิ ตือโปก นะ เกา ฌูฆา. 4โกะ กาวัด บือฆาตะ อีตู_ นะ ญาแญะ เดะ อาตัซ ญาวา นะ ราฌา_ ฌางัน โกะ ซือมียา ราตา_ ฌางัน โกะ ซือมียา ซัยํบือซัยํ นะ เกา เลอ.” ’ ” 5กะฆีเตอ_ ตูฮัด บือซัยํ เดะ อาตัซ ญา มือเลา ฌางัน มูซา จะ_ “กือนา มือเลา ฌางัน อาโรน จะ_ ‘อาเงา ตางัน นู ปือฆัก ตูกัจ_ เดะ อาตัซ โกะ ซูงัย_ โกะ ลูนัก_ โกะ กูบัก อาเย_ บรี กาวัด บือฆาตะ นะ ญาแญะ มาแรฮ กะ อาตัซ นังฆรี อียิบ.’ ” 6กะฆีเตอ อาโรน_ ญา อาเกะ ตางัน นะ ญา_ เดะ อาตัซ โกะ อาเย ซือมูฮา นะ นังฆรี อียิบ_ กาวัด บือฆาตะ โปด_ ญาแญะ ปือนอฮ เดะ นังฆรี อีตู. 7ตาปี โกะ ซือมียา บือฆูรู โปด_ บูวัจ ตูโรจ ลาฆู ปือและ นะ กูญา_ บรี อาดา กาวัด บือฆาตะ ญาแญะ มาแรฮ เดะ อาตัซ นังฆรี อียิบ ฌูฆา.
8ราฌา ฟาโร ญา บลาโลก มูซา ฌางัน อาโรน_ มือเลา จะ_ “กาเญา ดูวา อูรัก_ กือนา ปูโฌะ มีตา เดะ ตูฮัด บือซัยํ เดะ อาตัซ_ บูวัจ บรี โกะ กาวัด บือฆาตะ ปี ฌาโวฮ เดะ กู ฌางัน ลูมอฮ ซือมียา นะ กู. กะฆีเตอ_ กู นะ ปือลือปัซ โกะ ซือมียา อีนี_ ปี อาเกะ บือนาตัก มือญือมัฮ กะ ตูฮัด บือซัยํ เดะ อาตัซ.”
9มูซา เตอ_ ญา มือเลา ฌางัน ราฌา ฟาโร จะ_ “ฮาฌา มีตา เดะ ราฌา จะ_ วะตู ดีฮา ราฌา บือคานะ นะ บรี กู มีตา เดะ ตูฮัด บือซัยํ เดะ อาตัซ_ บีดา เกา_ ฌางัน โกะ ซือมียา ซัยํบือซัยํ นะ เกา_ ฌางัน โกะ ลูมอฮ ซือมียา นะ เกา ซือมูฮา_ บรี โปรฮ โกะ กาวัด บือฆาตะ_ ตรือเบะ ปี เดะ กาเญา ฌางัน โกะ รูมัฮ นะ กาเญา_ บรี ญา ปี ดูโดะ ซา เดะ ซูงัย นัยละ. เกา ซูโรฮ กู เลอ_ กู นะ บูวัจ ตูโรจ.”
10ราฌา ฟาโร ตีกัฮ จะ_ “มัฮปาฆี เลอ.”
กะฆีเตอ มูซา ญา มือเลา จะ_ “นะ ฌาดี บือกะ นู เกา มือเลา. บีดา เกา นะ ตาฮู จะ_ ฮอย ซาปา ซือรูปา บือกะ ตูฮัด บือซัยํ เดะ อาตัซ_ ตูฮัด นะ ลูมอฮ กามี เตอ_ 11กาวัด บือฆาตะ นะ ปี ดัฮ เดะ เกา_ นะ ลารี เดะ โกะ รูมัฮ นะ เกา_ เดะ โกะ ซือมียา ซัยํบือซัยํ นะ เกา_ ฌางัน ลูมอฮ ซือมียา นะ เกา. อาดา ลือเบฮ ซา เดะ ซูงัย นัยละ เลอ.” 12มูซา ฌางัน อาโรน_ กูญา ตีงัน ฟาโร ปี ดัฮ. กะฆีเตอ มูซา บือซูระ มีตา เดะ ตูฮัด บือซัยํ เดะ อาตัซ_ ปาซัน กาวัด บือฆาตะ_ นู ตูฮัด ซูโรฮ มาแรฮ บือฆาโดฮ ราฌา ฟาโร เตอ. 13กะฆีเตอ_ ตูฮัด บือซัยํ เดะ อาตัซ_ ญา บูวัจ บือกะ ปือมือเลา นะ มูซา. โกะ กาวัด บือฆาตะ อีตู_ ญา ปี มาตี เดะ โกะ รูมัฮ_ เดะ โกะ ลามัน_ เดะ โกะ บือนัก ฌูฆา. 14กูญา ปาคัจ ปูงอจ บือฆาตะ นู มาตี_ ตาโรฮ ซือลูโงะๆ_ บูวัจ บรี กะ นังฆรี อีตู บือบาวู บูโซะ ฮาบิฮ. 15ตาปี ตานา ราฌา ฟาโร ญา ตาฮู จะ_ ลาฆู ซูซัฮ ปายัฮ อาดา เตด บราปา บาญะ ดัฮ_ ญา โปด_ กรัซ ฮาตี ปาเระ_ ตีเมา นะ มือนีงัย กะ มูซา ฌางัน อาโรน_ ซูโงฮ บือกะ นู ตูฮัด บือซัยํ เดะ อาตัซ บือเลฮ มือเลา ดัฮ.
ลาฆู ฌาฮานัม นู ตีฆา: กาวัด บียุก รีบารี
16กะฆีเตอ_ ตูฮัด บือซัยํ เดะ อาตัซ_ ญา มือเลา ฌางัน มูซา จะ_ “มือญาเระ กะ อาโรน จะ_ ‘บรี เกา อาเมด ตูกัจ_ กาเตาะ ฮาบู ตานัฮ_ บรี ฌาดี กาวัด บียุก รีบารี_ ตรือบัก ปือนอฮ เดะ นังฆรี อียิบ.’ ” 17กูญา ดูวา อูรัก โปด_ บูวัจ ตูโรจ. กะฆีเตอ อาโรน_ ญา อาเงา ตางัน ปือฆัก ตูกัจ_ กาเตาะ ฮาบู ตานัฮ_ บูวัจ บรี อาดา บียุก รีบารี_ มาแรฮ ฆีเฆะ โกะ ซือมียา ฌางัน โกะ บือนาตัก. ฮาบู ซือมูฮา เตอ_ ฌาดี บียุก รีบารี ปือนอฮ เดะ นังฆรี อียิบ. 18โซะ โกะ ซือมียา บือฆูรู_ กูญา บูวัจ ลาฆู นู ปือและ นะ กูญา_ บีดา บูวัจ บียุก รีบารี_ ตาปี กูญา บูวัจ เตด บือเลฮ. บียุก อีตู_ ญา มาแรฮ ฆีเฆะ โกะ ซือมียา ฌางัน โกะ บือนาตัก เลอ. 19กะฆีเตอ_ โกะ ซือมียา บือฆูรู_ กูญา มือญาเระ กะ ราฌา ฟาโร จะ_ “อีนี ฌาดี ลาฆู บือกรือฌา ดาตัก เดะ ตางัน นะ ตูฮัด เลอ.” ตาปี ราฌา ฟาโร ญา กรัซ ฮาตี_ ตีเมา นะ มือนีงัย กะ กูญา_ ซูโงฮ บือกะ ตูฮัด บือซัยํ เดะ อาตัซ บือเลฮ มือเลา ดัฮ เลอ.
ลาฆู ฌาฮานัม นู ปัจ: กาวัด ญาเมาะ กาโปยํ
20กะฆีเตอ_ ตูฮัด ญา มือเลา ฌางัน มูซา จะ_ “บีกัซ เดะ วะตู ฆีปาฆี_ ปี ซารี ราฌา ฟาโร_ ตานา ญา นะ ปี กะ ซูงัย_ มือญาเระ กะ ญา จะ_ ‘ตูฮัด บือซัยํ เดะ อาตัซ มือเลา กะฆีนี จะ_ “กือนา ปลือปัซ โกะ ลูมอฮ ซือมียา นะ กู_ บรี กูญา ปี มือญือมัฮ กะ กู เลอ. 21ดัฮ ฮอย เตด ปลือปัซ_ โกะ ลูมอฮ ซือมียา นะ กู ปี_ กู นะ ซูโรฮ กาวัด ญาเมาะ กาโปยํ_ มาแรฮ ฆีเฆะ ญาวา นะ เกา_ ฆีเฆะ โกะ ซือมียา ซัยํบือซัยํ นะ เกา_ ฌางัน โกะ ลูมอฮ ซือมียา นะ เกา_ นะ มาโซะ กะ ดาลับ โกะ รูมัฮ นะ เกา. โกะ รูมัฮ นะ ลูมอฮ ซือมียา อียิบ_ เดะ ตือปัจ ตานัฮ นู กูญา ดูโดะ เตอ_ นะ ปือนอฮ ฌางัน โกะ กาวัด ญาเมาะ เลอ. 22ตาปี เดะ อารี อีตู_ กู นะ บูวัจ บรี กะ นังฆรี โกเชน_ ญา บือปือจัฮ_ เดะ ตือปัจ โกะ ลูมอฮ ซือมียา นะ กู ดูโดะ เตอ_ ตีเมา บรี อาดา โกะ กาวัด ญาเมาะ กาโปยํ เลอ_ บีดา เกา นะ บือเลฮ ตาฮู จะ_ กู ฌาดี ตูฮัด บือซัยํ เดะ อาตัซ_ นู อาดา ดูโดะ เดะ ซามา ตืองัฮ นังฆรี อีนี เลอ. 23กู นะ ปือฮาฆิ_ ลูมอฮ ซือมียา นะ กาเญา ฌางัน ลูมอฮ ซือมียา นะ กู. ปือนานา อีนี นะ บือฌาดี มัฮปาฆี เลอ.” ’ ” 24กะฆีเตอ_ ตูฮัด บือซัยํ เดะ อาตัซ บูวัจ ดัฮ_ บรี อาดา กาวัด ญาเมาะ กาโปยํ_ กาวัด บือซัยํ โตระ_ ตรือบัก มาโซะ กะ รูมัฮ นะ ราฌา ฟาโร_ กะ รูมัฮ นะ โกะ ซือมียา ซัยํบือซัยํ นะ ญา. ราตา เดะ นังฆรี อียิบ เตอ_ นังฆรี ญา ฌาฮานัม ฮาบิฮ ดัฮ_ กรานา กาวัด ญาเมาะ กาโปยํ.
25ราฌา ฟาโร_ ญา บลาโลก มูซา ฌางัน อาโรน มาแรฮ_ ปือซัด จะ_ “กือนา ปี อาเมด บือนาตัก_ มือญือมัฮ มือนืองะ กะ ตูฮัด นะ กาเญา_ เดะ ตือกอซ นังฆรี อีนี เลอ.” 26ตาปี มูซา มือเลา จะ_ “ลาฆู ปือบูวัจ กะฆีเตอ_ เตด บือฆูนา เลอ_ กรานา นู กามี บูนอฮ บือนาตัก_ อาเกะ มือญือมัฮ กะ ตูฮัด บือซัยํ เดะ อาตัซ_ ตูฮัด นะ กามี เตอ_ ฌาดี ลาฆู นู ลูมอฮ อียิบ กูญา บือชี. ลีฮัจ เลอ_ ดัฮ กามี อาเกะ บือนาตัก มือญือมัฮ_ โซะ ฮือลด มูคา นะ ลูมอฮ อียิบ_ ฌาดี ลาฆู นู กูญา บือชี_ กูญา นะ เตด อาเมด บาตู ลีปัยํ กามี ซือมูฮา เฆอ? 27กามี ฆาโดฮ นะ บือฌาลัด ปี เดะ ตือปัจ ตานัฮ ตูโฮยํ นู ลือฆา_ แนฮ ตีฆา อารี_ บีดา นะ บือเลฮ อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ ตูฮัด นะ กามี_ ตูโรจ กะ ปือมือเลา นู ตูฮัด บือเลฮ ซูโรฮ กามี ดัฮ.”
28กะฆีเตอ ราฌา ฟาโร_ ญา มือเลา จะ_ “กู นะ ปลือปัซ ลูมอฮ กาเญา ปี เลอ_ บีดา นะ อาเกะ บือนาตัก มือญือมัฮ กะ ตูฮัด บือซัยํ เดะ อาตัซ_ ตูฮัด นะ กาเญา_ เดะ ตือปัจ ตานัฮ ตูโฮยํ นู ลือฆา. ตาปี กาเญา ฌางัน ปี ฌาโวฮ. กือนา บือซาโวจ มีตา บีดา กู ฌูฆา เลอ.”
29มูซา ญา มือเลา จะ_ “กาลา กู ตีงัน เกา ดัฮ_ กู นะ บือซาโวจ กะ ตูฮัด บือซัยํ เดะ อาตัซ_ มีตา บรี กาวัด ญาเมาะ กาโปยํ ปี ฌาโวฮ เดะ ราฌา ฟาโร_ ปี ฌาโวฮ เดะ โกะ ซือมียา ซัยํบือซัยํ_ ฌางัน โกะ ลูมอฮ ซือมียา นะ ญา ซือมูฮา_ เดะ วะตู ฆีปาฆี. ตาปี เกา ฌางัน นะ กาเลฮ ปือมือเลา ปูลัก_ ตีเมา นะ บรี โกะ ลูมอฮ ซือมียา ปี_ อาเกะ บือนาตัก มือญือมัฮ กะ ตูฮัด บือซัยํ เดะ อาตัซ.”
30มูซา ญา ตรือเบะ ปี_ เดะ ราฌา ฟาโร ดัฮ_ ญา บือซาโวจ กะ ตูฮัด บือซัยํ เดะ อาตัซ. 31ตูฮัด โปด_ บูวัจ ตูโรจ กะ ปือมือเลา บือซาโวจ มีตา นะ มูซา_ ญา บูวัจ บรี กาวัด ญาเมาะ ปี ฌาโวฮ เดะ ราฌา ฟาโร_ ปี ฌาโวฮ เดะ โกะ ซือมียา ซัยํบือซัยํ ฌางัน ลูมอฮ ซือมียา นะ ญา ซือมูฮา_ ซา อีโกยํ โปด ตีเมา บรี อาดา เดะ นังฆรี. 32โซะ ราฌา ฟาโร ญา บราเลฮ ฮาตี_ บรี กรัซ ฮาตี เดะ วะตู อีนี ปูลัก_ ตีเมา นะ ปือลือปัซ โกะ ลูมอฮ อิซราเอน ปี เลอ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in