ลามูลา 28
28
1กะฆีเตอ_ อีซัก บลาโลก ยาโกบ มาแรฮ_ บรี ซือลามัจ กะ ญา_ ปือซัด กือมัซๆ กะ ญา จะ_ “ฌางัน บรี เกา บือนีกัฮ_ ฌางัน นีบีนี เดะ นังฆรี คานาอัน อีนี เลอ. 2ตาปี บรี เกา บีกัซ ปี_ กะ นังฆรี ปาดัน-อารัม_ ปี กะ รูมัฮ นะ เบทูเอน_ แจ เดะ เกา. บรี เกา ซารี ลาบัน_ กากา นะ มะ เดะ เกา_ อาเมด เลอ_ นานะ นีบีนี นะ ลาบัน ซืออูรัก_ บรี ฌาดี บีนี นะ เกา.
3“มีตา เดะ ตูฮัด นู มือฆัฮ
บรี ญา บรี ซือลามัจ กะ เกา
นะ บรี เกา อาดา นานะ บาญะ
นะ บรี เกา ฌาดี_ ลูมอฮ ซือมียา นู บือซัยํ เลอ.
4บรี ญา บรี ซือลามัจ กะ เกา
ซือรูปา ญา บรี ซือลามัจ กะ อับราฮัม ดัฮ
นะ บรี ซือลามัจ กะ บือแนฮ นะ เกา ฌูฆา.
บูวัจ บรี เกา นะ ซาโมจ ตือปัจ ตานัฮ นู เกา มือนูปัก ดูโดะ อีนี_ ฌาดี ปือซากา
ฌาดี ตือปัจ ตานัฮ นู ตูฮัด อาเกะ บรี กะ อับราฮัม ดัฮ” อีซัก ญา จะ.
5กะฆีเตอ อีซัก_ ญา ซูโรฮ ยาโกบ ปี. ยาโกบ ญา ปี กะ นังฆรี ปาดัน-อารัม_ ปี ซารี ลาบัน_ นู นานะ นะ เบทูเอน_ ซือมียา นังฆรี อารัม เตอ_ นู ฌาดี กากา นะ เรเบคา_ มะ เดะ ยาโกบ ฌางัน เอซาว.
เอซาว บือนีกัฮ ฌางัน นานะ ราดารา นะ อิซมาเอน
6โซะ เอซาว ญา ลีฮัจ จะ_ อีซัก บรี ซือลามัจ กะ ยาโกบ ดัฮ_ ซูโรฮ ญา ปี กะ นังฆรี ปาดัน-อารัม_ บรี อาเมด บีนี เดะ โซะ อีตู. ตานา ญา บรี ซือลามัจ กะ ยาโกบ_ ญา ปือซัด กะ ญา จะ_ “ฌางัน บรี เกา อาเมด นีบีนี นะ นังฆรี คานาอัน_ บรี ฌาดี บีนี นะ เกา เลอ.” 7เอซาว ญา ลีฮัจ ดัฮ จะ_ ยาโกบ ญา มือนีงัย กะ ปะ มะ เดะ ญา_ ญา ปี กะ นังฆรี ปาดัน-อารัม ดัฮ. 8กาลา เอซาว ลีฮัจ ดัฮ จะ_ อีซัก ปะ เดะ ญา_ เตด ซูกา กะ โกะ นีบีนี นะ นังฆรี คานาอัน 9ญา โปด_ ปี กะ อิซมาเอน_ อาเมด มาฮาลัด_ นู ฌาดี นานะ นีบีนี นะ อิซมาเอน_ นานะ นะ อับราฮัม_ มาแรฮ ฌาดี บีนี นะ ญา_ ลือเบฮ เดะ โกะ บีนี นู ญา อาดา ดัฮ. (โซะ มาฮาลัด เตอ_ ฌาดี อาดี เดะ เนบาโยด.)
ยาโกบ ญา อาดา ลาฆู มีปี เดะ เบดเอน
10กะฆีเตอ_ ยาโกบ ตรือเบะ_ เดะ ตูโปะ เบเออ-เซบา_ นะ บือฌาลัด ปี_ กะ นังฆรี ฮาราน. 11ญา มาแรฮ รอจ กะ ซา ตือปัจ_ บราดู โซะ อีตู ซา มาลับ_ ซาเบะ มาตา อารี มาโซะ ดัฮ. ญา อาเมด บาตู มาแรฮ_ ซา กือโตน_ บูวัจ ฌาดี บาตัน นะ ญา_ ตีโนะ ฌู ลีนา_ โซะ อีตู.
12ญา มีปี ลีฮัจ_ อาดา ตางา_ นู ปรือดู นะ ญา ตืองะ เดะ ดือนียา ดัฮ_ ตาปี ฮูโฌก รอจ กะ ลาแงะ โซะ อาตัซ. อาดา ลูมอฮ ฮูลู บาลัก นะ ตูฮัด_ ญาแญะ ตูโรด ปี มาแรฮ_ เดะ ตางา อีตู. 13นี เลอ_ อาดา ตูฮัด บือซัยํ เดะ อาตัซ_ ญา บือดีรี โซะ อาตัซ ตางา อีตู_ มือเลา จะ_ “กู เตอ_ ฌาดี ตูฮัด บือซัยํ เดะ อาตัซ เลอ_ ฌาดี ตูฮัด นะ อับราฮัม_ แจ เดะ เกา เตอ_ ฌาดี ตูฮัด นะ อีซัก ฌูฆา. ตือปัจ ตานัฮ นู เกา ตีโนะ อีนี_ กู นะ บรี กะ เกา_ กะ ลูมอฮ บือแนฮ นะ เกา ฌูฆา. 14บือแนฮ นะ เกา_ นะ พรัด บาญะ_ ซือรูปา ฮาบู ตานัฮ เดะ ดือนียา_ นะ กรือจัย ปี ราตา_ เดะ โซะ บารัจ_ โซะ ตีมอยํ_ เดะ โซะ ตารา_ โซะ บารัจ ดายา โปด. กรานา เกา_ ฌางัน บือแนฮ นะ เกา_ กู นะ บรี ซือลามัจ_ กะ ลูมอฮ บักซา_ เดะ ดือนียา ราตา. 15นี เลอ_ กู นะ ดูโดะ บือซามา ฌางัน เกา. เกา นะ ปี ปัจ ดีฮา โปด_ กู นะ ปือบือลา เกา_ นะ บาวา เกา ปาเระ มาแรฮ_ กะ นังฆรี อีนี. กู เตด ตีงัน เกา_ ตือดะ กู บูวัจ ลาฆู ซือมูฮา ดัฮ_ บือกะ กู บือฌาญี_ ฌางัน เกา เตอ”_ ตูฮัด ญา จะ.
16กะฆีเตอ_ ยาโกบ ญา ดาฮานี_ ตีโนะ เตด ลีนา ดัฮ._ มือเลา จะ_ “ซูโงฮ เลอ_ ตูฮัด บือซัยํ เดะ อาตัซ_ อาดา เดะ ตือปัจ อีนี ดัฮ_ ตาปี กู เตด ตาฮู เลอ.” 17ญา ตาโกจ โตระ_ มือเลา จะ_ “ตือปัจ อีนี_ ฌาดี ตือปัจ นู ซีดี โตระ. อีนี เลอ_ ฌาดี รูมัฮ นะ ตูฮัด. อีนี เลอ_ ฌาดี ปีตู นะ ลาแงะ”_ ญา จะ.
18กะฆีเตอ ยาโกบ_ ญา บีกัซ วะตู กัยํมูกัยํ_ อาเมด บาตู นู ญา บูวัจ ฌาดี บาตัน นะ ญา มาแรฮ_ ตืองะ บรี ฌาดี จาวัก นู ซีดี. ญา อูแร มีญะ_ เดะ อาตัซ บาตู อีตู. 19ญา ตืองะ ปือนามา_ กะ ตูโปะ อีตู จะ_ เบดเอน.#28.19 ปือนามา “เบดเอน”_ ฌาดี จะ_ “รูมัฮ นะ ตูฮัด.” ตาปี ดูลู_ ตูโปะ อีตู_ อาดา ปือนามา จะ_ ตูโปะ ลูด.
20กะฆีเตอ ยาโกบ_ ญา บือฌาญี ฌางัน ตูฮัด_ มือเลา จะ_ “ดัฮ ตูฮัด อาดา บือซามา ฌางัน กู_ นะ ฌาฆา กู เดะ ฌาลัด นู นะ ปี โปด_ นะ บรี กู อาดา บารัก มากัด_ อาดา กาเยด บือปากัย_ 21นะ บรี กู ปาเระ มาแรฮ_ กะ รูมัฮ นะ ปะ เดะ กู_ ซือนัง บาฌิ เลอ_ กะฆีเตอ_ ตูฮัด บือซัยํ เดะ อาตัซ_ นะ ฌาดี ตูฮัด นะ กู_ 22บาตู อีนี_ นู กู ตืองะ ดัฮ_ บรี ฌาดี จาวัก นู ซีดี_ นะ ฌาดี ตือปัจ ดูโดะ นะ ตูฮัด. ซือบารัก ซือมูฮา_ นู ตูฮัด นะ บรี กะ กู_ ซา ฮาบด เดะ ดาลับ ซือปูโลฮ ฮาบด_ กู นะ อาเกะ มือญือมัฮ กะ ตูฮัด”_ ญา จะ.
Currently Selected:
ลามูลา 28: ULBIBLE
Highlight
Share
Copy
Want to have your highlights saved across all your devices? Sign up or sign in
ลามูลา 28
28
1กะฆีเตอ_ อีซัก บลาโลก ยาโกบ มาแรฮ_ บรี ซือลามัจ กะ ญา_ ปือซัด กือมัซๆ กะ ญา จะ_ “ฌางัน บรี เกา บือนีกัฮ_ ฌางัน นีบีนี เดะ นังฆรี คานาอัน อีนี เลอ. 2ตาปี บรี เกา บีกัซ ปี_ กะ นังฆรี ปาดัน-อารัม_ ปี กะ รูมัฮ นะ เบทูเอน_ แจ เดะ เกา. บรี เกา ซารี ลาบัน_ กากา นะ มะ เดะ เกา_ อาเมด เลอ_ นานะ นีบีนี นะ ลาบัน ซืออูรัก_ บรี ฌาดี บีนี นะ เกา.
3“มีตา เดะ ตูฮัด นู มือฆัฮ
บรี ญา บรี ซือลามัจ กะ เกา
นะ บรี เกา อาดา นานะ บาญะ
นะ บรี เกา ฌาดี_ ลูมอฮ ซือมียา นู บือซัยํ เลอ.
4บรี ญา บรี ซือลามัจ กะ เกา
ซือรูปา ญา บรี ซือลามัจ กะ อับราฮัม ดัฮ
นะ บรี ซือลามัจ กะ บือแนฮ นะ เกา ฌูฆา.
บูวัจ บรี เกา นะ ซาโมจ ตือปัจ ตานัฮ นู เกา มือนูปัก ดูโดะ อีนี_ ฌาดี ปือซากา
ฌาดี ตือปัจ ตานัฮ นู ตูฮัด อาเกะ บรี กะ อับราฮัม ดัฮ” อีซัก ญา จะ.
5กะฆีเตอ อีซัก_ ญา ซูโรฮ ยาโกบ ปี. ยาโกบ ญา ปี กะ นังฆรี ปาดัน-อารัม_ ปี ซารี ลาบัน_ นู นานะ นะ เบทูเอน_ ซือมียา นังฆรี อารัม เตอ_ นู ฌาดี กากา นะ เรเบคา_ มะ เดะ ยาโกบ ฌางัน เอซาว.
เอซาว บือนีกัฮ ฌางัน นานะ ราดารา นะ อิซมาเอน
6โซะ เอซาว ญา ลีฮัจ จะ_ อีซัก บรี ซือลามัจ กะ ยาโกบ ดัฮ_ ซูโรฮ ญา ปี กะ นังฆรี ปาดัน-อารัม_ บรี อาเมด บีนี เดะ โซะ อีตู. ตานา ญา บรี ซือลามัจ กะ ยาโกบ_ ญา ปือซัด กะ ญา จะ_ “ฌางัน บรี เกา อาเมด นีบีนี นะ นังฆรี คานาอัน_ บรี ฌาดี บีนี นะ เกา เลอ.” 7เอซาว ญา ลีฮัจ ดัฮ จะ_ ยาโกบ ญา มือนีงัย กะ ปะ มะ เดะ ญา_ ญา ปี กะ นังฆรี ปาดัน-อารัม ดัฮ. 8กาลา เอซาว ลีฮัจ ดัฮ จะ_ อีซัก ปะ เดะ ญา_ เตด ซูกา กะ โกะ นีบีนี นะ นังฆรี คานาอัน 9ญา โปด_ ปี กะ อิซมาเอน_ อาเมด มาฮาลัด_ นู ฌาดี นานะ นีบีนี นะ อิซมาเอน_ นานะ นะ อับราฮัม_ มาแรฮ ฌาดี บีนี นะ ญา_ ลือเบฮ เดะ โกะ บีนี นู ญา อาดา ดัฮ. (โซะ มาฮาลัด เตอ_ ฌาดี อาดี เดะ เนบาโยด.)
ยาโกบ ญา อาดา ลาฆู มีปี เดะ เบดเอน
10กะฆีเตอ_ ยาโกบ ตรือเบะ_ เดะ ตูโปะ เบเออ-เซบา_ นะ บือฌาลัด ปี_ กะ นังฆรี ฮาราน. 11ญา มาแรฮ รอจ กะ ซา ตือปัจ_ บราดู โซะ อีตู ซา มาลับ_ ซาเบะ มาตา อารี มาโซะ ดัฮ. ญา อาเมด บาตู มาแรฮ_ ซา กือโตน_ บูวัจ ฌาดี บาตัน นะ ญา_ ตีโนะ ฌู ลีนา_ โซะ อีตู.
12ญา มีปี ลีฮัจ_ อาดา ตางา_ นู ปรือดู นะ ญา ตืองะ เดะ ดือนียา ดัฮ_ ตาปี ฮูโฌก รอจ กะ ลาแงะ โซะ อาตัซ. อาดา ลูมอฮ ฮูลู บาลัก นะ ตูฮัด_ ญาแญะ ตูโรด ปี มาแรฮ_ เดะ ตางา อีตู. 13นี เลอ_ อาดา ตูฮัด บือซัยํ เดะ อาตัซ_ ญา บือดีรี โซะ อาตัซ ตางา อีตู_ มือเลา จะ_ “กู เตอ_ ฌาดี ตูฮัด บือซัยํ เดะ อาตัซ เลอ_ ฌาดี ตูฮัด นะ อับราฮัม_ แจ เดะ เกา เตอ_ ฌาดี ตูฮัด นะ อีซัก ฌูฆา. ตือปัจ ตานัฮ นู เกา ตีโนะ อีนี_ กู นะ บรี กะ เกา_ กะ ลูมอฮ บือแนฮ นะ เกา ฌูฆา. 14บือแนฮ นะ เกา_ นะ พรัด บาญะ_ ซือรูปา ฮาบู ตานัฮ เดะ ดือนียา_ นะ กรือจัย ปี ราตา_ เดะ โซะ บารัจ_ โซะ ตีมอยํ_ เดะ โซะ ตารา_ โซะ บารัจ ดายา โปด. กรานา เกา_ ฌางัน บือแนฮ นะ เกา_ กู นะ บรี ซือลามัจ_ กะ ลูมอฮ บักซา_ เดะ ดือนียา ราตา. 15นี เลอ_ กู นะ ดูโดะ บือซามา ฌางัน เกา. เกา นะ ปี ปัจ ดีฮา โปด_ กู นะ ปือบือลา เกา_ นะ บาวา เกา ปาเระ มาแรฮ_ กะ นังฆรี อีนี. กู เตด ตีงัน เกา_ ตือดะ กู บูวัจ ลาฆู ซือมูฮา ดัฮ_ บือกะ กู บือฌาญี_ ฌางัน เกา เตอ”_ ตูฮัด ญา จะ.
16กะฆีเตอ_ ยาโกบ ญา ดาฮานี_ ตีโนะ เตด ลีนา ดัฮ._ มือเลา จะ_ “ซูโงฮ เลอ_ ตูฮัด บือซัยํ เดะ อาตัซ_ อาดา เดะ ตือปัจ อีนี ดัฮ_ ตาปี กู เตด ตาฮู เลอ.” 17ญา ตาโกจ โตระ_ มือเลา จะ_ “ตือปัจ อีนี_ ฌาดี ตือปัจ นู ซีดี โตระ. อีนี เลอ_ ฌาดี รูมัฮ นะ ตูฮัด. อีนี เลอ_ ฌาดี ปีตู นะ ลาแงะ”_ ญา จะ.
18กะฆีเตอ ยาโกบ_ ญา บีกัซ วะตู กัยํมูกัยํ_ อาเมด บาตู นู ญา บูวัจ ฌาดี บาตัน นะ ญา มาแรฮ_ ตืองะ บรี ฌาดี จาวัก นู ซีดี. ญา อูแร มีญะ_ เดะ อาตัซ บาตู อีตู. 19ญา ตืองะ ปือนามา_ กะ ตูโปะ อีตู จะ_ เบดเอน.#28.19 ปือนามา “เบดเอน”_ ฌาดี จะ_ “รูมัฮ นะ ตูฮัด.” ตาปี ดูลู_ ตูโปะ อีตู_ อาดา ปือนามา จะ_ ตูโปะ ลูด.
20กะฆีเตอ ยาโกบ_ ญา บือฌาญี ฌางัน ตูฮัด_ มือเลา จะ_ “ดัฮ ตูฮัด อาดา บือซามา ฌางัน กู_ นะ ฌาฆา กู เดะ ฌาลัด นู นะ ปี โปด_ นะ บรี กู อาดา บารัก มากัด_ อาดา กาเยด บือปากัย_ 21นะ บรี กู ปาเระ มาแรฮ_ กะ รูมัฮ นะ ปะ เดะ กู_ ซือนัง บาฌิ เลอ_ กะฆีเตอ_ ตูฮัด บือซัยํ เดะ อาตัซ_ นะ ฌาดี ตูฮัด นะ กู_ 22บาตู อีนี_ นู กู ตืองะ ดัฮ_ บรี ฌาดี จาวัก นู ซีดี_ นะ ฌาดี ตือปัจ ดูโดะ นะ ตูฮัด. ซือบารัก ซือมูฮา_ นู ตูฮัด นะ บรี กะ กู_ ซา ฮาบด เดะ ดาลับ ซือปูโลฮ ฮาบด_ กู นะ อาเกะ มือญือมัฮ กะ ตูฮัด”_ ญา จะ.
Currently Selected:
:
Highlight
Share
Copy
Want to have your highlights saved across all your devices? Sign up or sign in