มาระโก 14
14
ลูมอฮ กือปาลา อีงัจ ฌาฮัจ กะ เยซู
(มัดทัย 26.1-5; ลูกา 22.1-2; โยฮัน 11.45-53)
1อาดา ดูวา อารี_ นะ รอจ อารี บรามัย ลือปัซ ปี ฌางัน ลาฆู บรามัย มากัด โรตี ฮอย ราฆี. กะฆีเตอ_ ลูมอฮ ซามี ซัยํบือซัยํ_ ฌางัน โกะ ซือมียา อาฌัยํ ลาฆู ปือมือซัด นะ ตูฮัด กูญา ซารี ปรือลอก_ นะ มือฮือนะ รีฆะ_ บูนอฮ เยซู. 2ตาปี กูญา มือเลา จะ_ “เดะ อารี บือซัยํ_ ฌางัน นะ บูวัจ นามา_ ตาโกจ จะ ลูมอฮ ซือมียา บาญะ_ นะ ปาคัจ ฆรูมง บือลาวัด ฌางัน กีตา”.
เยซู เดะ ตูโปะ เบดทานี
(มัดทัย 26.6-13; โยฮัน 12.1-8)
3วะตู เยซู อาดา เดะ ตูโปะ เบดทานี_ ดูโดะ มากัด เดะ รูมัฮ ซีโมน_ นู กาลา ดูลู ญา ฌาดี ซือมียา ปือญาเกะ ปูรู อาดา นีบีนี ซืออูรัก มาแรฮ. ญา อาดา ลีบูลี_ นู บูวัจ ฌางัน บาตู ปูเตฮ_ อาดา มีญะ บาวู เดะ ดาลับ. มีญะ บาวู อีตู_ ปือนามา นาระดา_ ฌาดี มีญะ นู บาฌิ_ รือฆา มาฮัน โตระ. ญา กาเตาะ มูโลจ ลีบูลี อีตู ปือจัฮ ดัฮ_ อูแร มีญะ บาวู อีตู_ เดะ อาตัซ ปาลา นะ เยซู. 4ตาปี อาดา ซือมียา ซือตืองัฮ_ กูญา รีเซา ฮาตี_ กูญา มือเลา ซามา กูญา จะ_ “บูวัจ นามา ปะ_ ญา บูวัจ บรี มีญะ มาฮัน อีนี_ เตด ฌาดี นามา? 5มีญะ อีนี_ ดัฮ ฌูวัน_ ฆามะ บือเลฮ รือฆา ตีฆา ราตุซ รีเงะ ลือเบฮ. กะฆีเตอ_ นะ ฮาฆิ กะ โกะ อูรัก ฮาฌะ โปด_ บือเลฮ.” กูญา อูจะ กะ นีบีนี อีตู กะฆีเตอ เลอ.
6ตาปี เยซู มือเลา ฌางัน กูญา จะ_ “ปือบียัยํ ญา เลอ. บูวัจ นามา_ กาเญา บือฆาโดฮ นีบีนี อีนี? ญา บูวัจ ลาฆู นู บาฌิ ซูโงฮ_ กะ กู ดัฮ. 7อาดา โกะ อูรัก ฮาฌะ ดูโดะ ดาปิก กาเญา ซือรูโลยํ. กาเญา นะ ตูโลก ลูมอฮ อีตู_ วะตู ดีฮา_ ตูโลก บือเลฮ เลอ. ตาปี โซะ กู นี_ กู นะ ดูโดะ ฌางัน กาเญา_ เตด บราปา ลามา ดัฮ เลอ. 8บือกะ ญา บูวัจ บือเลฮ_ ญา บูวัจ ดัฮ. กู เตด มาตี ลาฆี_ ตาปี ญา มาแรฮ อูแร มีญะ เดะ ญาวา นะ กู_ ซือรูปา ญา บือเลฮ ปือมานี บาดัด นะ กู ดูลู ดัฮ_ ซียะ นะ ตานัม เลอ. 9กู มือเลา ฌางัน กาเญา_ ลาฆู นู ซูโงฮ จะ_ ราตา ดือนียา_ ปัจ ดีฮา_ นู กูญา ปี มือญาเระ บรีตา นู บาฌิ อีนี_ ปัจ อีตู เลอ_ กูญา นะ มือเลา ลาฆู ปือบูวัจ นะ นีบีนี อีนี_ กูญา นะ ปาคัจ อีงัจ รอจ กะ ญา เลอ.” เยซู ญา จะ.
ยูดา นะ บูวัจ กือบลากัก กะ เยซู
(มัดทัย 26.14-16; ลูกา 22.3-6)
10กะฆีเตอ_ ยูดา อิดคารีโยด_ ซืออูรัก เดะ โกะ มูเระ ดูวา บือลัซ อูรัก อีตู เตอ_ ญา ปี ซารี ลูมอฮ ซามี ซัยํบือซัยํ_ ญา อีงัจ นะ ซรัฮ เยซู_ บรี กูญา รีฆะ. 11ตานา กูญา อีตู ดืองัยํ ดัฮ_ กูญา ซูกา ฮาตี. กูญา บือฌาญี นะ บรี ดูเวะ กะ ยูดา. กะฆีเตอ_ ยูดา เตอ_ ญา ซารี จือลัฮ_ นะ ซรัฮ เยซู_ กะ ลูมอฮ กูญา.
เยซู มากัด ลาฆู บรามัย ลือปัซ ปี_ ฌางัน โกะ มูเระ นะ ญา
(มัดทัย 26.17-25; ลูกา 22.7-14,21-23; โยฮัน 13.21-30)
12อารี ลามูลา นะ ลาฆู บรามัย มากัด โรตี ฮอย ราฆี_ นู ฌาดี อารี กูญา ลาดัจ บูนอฮ มือญือมัฮ อานะ กาเมก_ บีดา ลาฆู บรามัย ลือปัซ ปี อีตู เตอ_ โกะ มูเระ นะ เยซู_ ตาญา ญา จะ_ “เกา นะ บรี กามี_ ซียะ บูวัจ ซือบารัก มากัด_ ลาฆู บรามัย ลือปัซ ปี_ โซะ ดีฮา เลอ?”
13กะฆีเตอ_ เยซู ซูโรฮ มูเระ นะ ญา_ ดูวา อูรัก_ มือเลา ฌางัน กูญา จะ_ “ปี มาโซะ กะ นังฆรี เลอ. อาดา กีลากี ซืออูรัก_ ตาโงก อาเย เดะ ฆูรี_ ญา นะ มาแรฮ ดาปัจ กาเญา. กือนา ตูโรจ กะ กีลากี อีตู เลอ. 14ญา นะ มาโซะ กะ รูมัฮ ปัจ ดีฮา_ กาเญา กือนา มาโซะ_ มือเลา ฌางัน ตูฮัด รูมัฮ จะ_ ‘บูมอยํ นะ กามี ซูโรฮ ตาญา จะ_ อาดา รูวัก ปัจ ดีฮา_ นู ญา ฌางัน โกะ มูเระ นะ ญา_ นะ มากัด ลาฆู ลือปัซ ปี?’ 15ตูฮัด รูมัฮ อีตู นะ ตูโญะ กะ กาเญา จะ_ อาดา รูวัก บือซัยํ เดะ อาตัซ_ นู ปือตัด ซียะ ดัฮ. กือนา ซียะ ซือบารัก มากัด เดะ รูวัก อีตู เลอ.” ญา จะ.
16โกะ มูเระ ดูวา อูรัก อีตู_ กูญา ปี มาโซะ กะ นังฆรี. กูญา ดาปัจ รือมัก ดัฮ_ บือกะ เยซู บือเลฮ มือเลา เลอ. กะฆีเตอ_ กูญา ซียะ ซือบารัก มากัด_ ลาฆู บรามัย ลือปัซ ปี.
17รอจ วะตู ปะฮือญา_ เยซู ญา มาแรฮ_ ฌางัน โกะ มูเระ ดูวา บือลัซ อูรัก อีตู. 18ตานา กูญา อีตู ดูโดะ มากัด บือซามา_ เยซู มือเลา จะ_ “กู มือเลา ฌางัน กาเญา_ ลาฆู นู ซูโงฮ จะ_ อาดา ซือมียา ซืออูรัก เดะ ลูมอฮ กาเญา_ ซืออูรัก นู ตืองัฮ มากัด ฌางัน กู เตอ_ ญา เลอ_ นะ ซรัฮ กู บรี กือนา รีฆะ ดัฮ.” ญา จะ.
19กะฆีเตอ_ โกะ มูเระ นะ ญา เตอ_ กูญา ปาคัจ ซูซัฮ ฮาตี_ ตาญา เยซู_ ซือกาลี ซืออูรัก_ จะ_ “อีซี กู เฆอ?”
20เยซู มือเลา ฌางัน กูญา จะ_ “อาดา ซืออูรัก เดะ ลูมอฮ ดูวา บือลัซ อูรัก กาเญา อีนี. ญา เลอ_ ซืออูรัก อาเงา ตางัน_ อาเมด ตือโปก มาแรฮ_ ฌูโฌน ซือฌับ ฌางัน กู. 21กู นู นานะ นะ อูมัจ ซือมียา อีนี_ กู นะ ปี มาตี_ บือกะ อาดา ฆาแรฮ ดัฮ_ เดะ ซูรัจ ปือมือเลา นะ ตูฮัด_ ปาซัน ลาฆู นะ กู. ตาปี จือลากา เลอ_ ซือมียา นู ซรัฮ กู บรี กือนา รีฆะ. ดัฮ ซือมียา อีตู เตด บือฌาดี โปด_ บาฌิ เลอ.” ญา จะ.
เยซู ตืองะ ลาฆู ลือแปะ โรตี
(มัดทัย 26.26-30; ลูกา 22.14-20; 1 โกริน 11.23-25)
22กะฆีเตอ_ ตานา กูญา อีตู ตืองัฮ มากัด_ เยซู ญา อาเมด ตือโปก โรตี มาแรฮ_ บรี ซือลามัจ กะ ตูฮัด เดะ อาตัซ. ญา ลือแปะ ตือโปก โรตี อีตู_ อูโญะ บรี กะ กูญา. ญา มือเลา จะ_ “อาเมด เลอ. อีนี ฌาดี ญาวา นะ กู.”
23กะฆีเตอ_ เยซู อาเมด เจาะ อาระ อางุน มาแรฮ_ บรี ซือลามัจ กะ ตูฮัด. ญา บรี เจาะ อีตู กะ กูญา. กะฆีเตอ_ กูญา โปด_ โอะ ซือมูฮา. 24ญา มือเลา ฌางัน กูญา จะ_ “อีนี เลอ_ ฌาดี ดารัฮ นะ กู_ นู บรี ปือมือเลา บือปาคัจ นะ ตูฮัด_ ฌาดี ตือตู ดัฮ. ดารัฮ อีตู นะ มือนีแลฮ ตรือเบะ_ กรานา ซือมียา บาญะ เลอ. 25กู มือเลา ฌางัน กาเญา_ ลาฆู นู ซูโงฮ จะ_ อาเย บูวัฮ อางุน อีนี_ กู นะ เตด โอะ ปูลัก_ ตือดะ อารี อีตู_ นู กู นะ โอะ อาระ อางุน นู บารู_ เดะ ดือนียา บารู อีตู_ นู ตูฮัด ฌาดี ราฌา.” ญา จะ.
26ตานา กูญา มือญาญี ปูฌี กะ ตูฮัด ดัฮ_ กูญา ตรือเบะ ปี_ กะ บูเกะ กือดูโนด.
เยซู ตูโดฮ ลาฆู นะ เปโตร
(มัดทัย 26.31-35; ลูกา 22.31-34; โยฮัน 13.36-38)
27กะฆีเตอ_ เยซู มือเลา ฌางัน กูญา จะ_ “กาเญา ซือมูฮา_ นะ จือและ_ ตีงัน กู_ บือกะ ลาฆู นู ฆาแรฮ ดัฮ_ เดะ ซูรัจ ปือมือเลา นะ ตูฮัด_ จะ ‘กู นะ กาเตาะ ซือมียา ปือบือลา กาเมก_ บรี มาตี. กะฆีเตอ_ โกะ กาวัด กาเมก_ นะ ปือจัฮ บือลัฮ ปี_ ฮาบิฮ ดัฮ#ซคร 13.7.’ ญา จะ 28ตาปี ลือปัซ กู ฮีโดะ ปาเระ เดะ มาตี ดัฮ_ กู นะ ปี ดูลู เดะ กาเญา_ กะ นังฆรี ฆาลิลี.” เยซู ญา จะ.
29กะฆีเตอ_ เปโตร มือเลา ฌางัน ญา จะ_ “มีเซ จะ กูญา ซือมูฮา_ นะ ตีงัน เกา บูวัก_ ตาปี กู นี เลอ_ นะ ฮอย เตด ตีงัน เกา.”
30ตาปี เยซู มือเลา ฌางัน ญา จะ_ “กู มือเลา ฌางัน เกา_ ลาฆู นู ซูโงฮ จะ_ มาลับ อีนี เตอ_ ดูลู เดะ ฮายับ นะ มูเกาะ ดูวา กาลี_ เกา นะ มือเลา กีปัซ กู บูวัก_ ตีฆา กาลี เลอ.” ญา จะ.
31ตาปี เปโตร ญา มือเลา กือมัซๆ จะ_ “มีเซ กู ฆาโดฮ มาตี_ บือซามา ฌางัน เกา โปด_ กู นะ เตด มือเลา กีปัซ กะ เกา เลอ.”
กูญา ซือมูฮา มือเลา กะฆีเตอ ฌูฆา.
เยซู ปี บือซาโวจ เดะ เฆดเซมานี
(มัดทัย 26.36-46; ลูกา 22.39-46)
32กะฆีเตอ_ กูญา ปี กะ ตือปัจ ปือนามา จะ_ เฆดเซมานี. เยซู มือเลา ฌางัน โกะ มูเระ นะ ญา จะ_ “ดูโดะ เลอ_ ปัจ อีนี. กู นะ ปี บือซาโวจ.”
33ญา อาเมด เปโตร_ ยากอบ_ ฌางัน โยฮัน_ บือปี ซามา. กะฆีเตอ_ ญา บราซา ฆาโดฮ ฮาตี โตระ_ ฌาโวฮ ฮาตี บือตามัฮ บาญะ ซือรูโลยํ. 34ญา มือเลา ฌางัน กูญา จะ_ “ฮาตี กู บราซา ซูซัฮ โตระ เลอ_ มาจับ นะ มาตี. กาเญา นาตี ตูงู ฌาฆา โซะ อีนี เลอ.”
35กะฆีเตอ_ เยซู บือฌาลัด ปี ดีกิ_ ญา ตือมะ กะ ตานัฮ_ บือซาโวจ จะ_ “ดัฮ ฌาดี บือเลฮ_ มีตา บรี วะตู นู ซูซัฮ อีนี_ นะ ลือปัซ ปี เดะ กู เลอ.” 36ญา มือเลา จะ_ “อับบา_ โอ อาโปก เดะ กู_ บือนา ซือมูฮา_ อาโปก บูวัจ บือเลฮ ฮาปา. มีตา อาเมด ลาฆู ซูซัฮ อีนี_ นู ซือรูปา กะ เจาะ ปือนอฮ อาระ_ อูบัฮ ปี ฌาโวฮ เดะ กู เลอ. ตาปี ฌางัน บรี ฌาดี บือกะ ฮาตี นะ กู_ บรี ฌาดี บือกะ นู ฮาตี นะ อาโปก ซูกา เลอ.” ญา จะ.
37กะฆีเตอ_ เยซู มาแรฮ ดาปัจ ตีฆา อูรัก อีตู_ ตืองัฮ ตีโนะ ลีนา ดัฮ. ญา มือเลา ฌางัน เปโตร จะ_ “ซีโมน เออ_ เกา ลีนา ดัฮ เฆอ? เกา ตูงู ฌาฆา แนฮ ซือฌับ_ เตด บือเลฮ เฆอ? 38ฌาฆา เลอ_ บือซาโวจ เลอ_ ตีเมา บรี กือนา ลกลีฮัจ_ บรี บูวัจ ดูซา. โซะ ฮาตี กาเญา_ รือมา นะ ตูโรจ เตอ_ ตาปี อีซี ญาวา นะ กาเญา ลือมัฮ_ ฮอย อูรัจ เลอ.” ญา จะ.
39กะฆีเตอ_ เยซู ปี ปูลัก_ ญา บือซาโวจ_ บือกะ ลาฆู นู ดูลู. 40กาลา ญา ปาเระ มาแรฮ ปูลัก_ ลีฮัจ กูญา ตืองัฮ ลีนา_ กรานา กูญา มืองาโตะ ซูโงฮ. กะฆีเตอ กูญา โปด_ เตด ตาฮู นะ ตีกัฮ กะ ญา กะฮามี.
41กะฆีเตอ_ ญา มาแรฮ ฌู รอจ กะ ตีฆา กาลี_ มือเลา ฌางัน กูญา จะ_ “กาเญา นะ ตีโนะ ลีนา บรี ฮอย รือมัย ลาฆี เฆอ? ฌาดี ดัฮ เลอ. รอจ วะตู ดัฮ. กู_ นู นานะ นะ อูมัจ ซือมียา อีนี_ นะ กือนา ซรัฮ_ บรี กะ โกะ ซือมียา บือดูซา นะ รีฆะ. 42บีกัซ เลอ_ บรี กีตา ปี บือซามา. ลีฮัจ เลอ_ ซือมียา นู นะ ซรัฮ กู บรี กือนา รีฆะ_ ญา มาแรฮ ดาปิก ดัฮ.” ญา จะ.
เยซู กือนา รีฆะ ดัฮ
(มัดทัย 26.47-56; ลูกา 22.47-53; โยฮัน 18.3-12)
43ดัดดัด อีตู_ ตืองัฮ เยซู ญา มือเลา_ เตด ดัด ฮาบิฮ_ อาดา ยูดา_ นู ซืออูรัก เดะ ลูมอฮ มูเระ ดูวา บือลัซ อูรัก อีตู เตอ_ ญา มาแรฮ รอจ ดัฮ. อาดา ลูมอฮ ซือมียา บาญะ อูรัก_ มาแรฮ ซามา_ อาดา ฌางัน ปือดัก_ ฌางัน ตูกัจ. ลูมอฮ อีตู มาแรฮ ดาตัก เดะ โกะ ลูมอฮ ซามี ซัยํบือซัยํ_ โกะ ซือมียา อาฌัยํ ลาฆู ปือมือซัด นะ ตูฮัด ฌางัน โกะ อูรัก ตูฮา ซามา. 44ซือมียา นู นะ ซรัฮ เยซู เตอ_ ญา บือเลฮ บรี ปือนานา_ กะ โกะ ลูมอฮ ซือมียา บาญะ อีตู_ จะ_ “ดัฮ กู จีโยบ ซือมียา ดีฮา_ ฌาดี ซือมียา อีตู เลอ. บรี กาเญา รีฆะ ญา บรี กือมัซ_ บาวา บือปี เลอ.”
45ตานา ยูดา มาแรฮ ดัฮ_ ดัดดัด_ ญา ปี รอจ กะ เยซู_ มือเลา จะ_ “บูมอยํ เออ.” กะฆีเตอ_ ญา จีโยบ เยซู. 46กะฆีเตอ_ โกะ ซือมียา นู บาญะ อีตู_ กูญา มาแรฮ รีฆะ เยซู ฌู กือมัซ ดัฮ.
47ตาปี อาดา ซือมียา ซืออูรัก_ นู บือดีรี โซะ อีตู_ ญา ซีตะ ปือดัก_ บาโฮะ ปราโซฮ ซืออูรัก_ นะ กือปาลา ซามี_ กือนา เดะ ตือลีงา_ ฌู ปูตุซ ดัฮ.
48กะฆีเตอ_ เยซู มือเลา ฌางัน กูญา จะ_ “กาเญา ปือฆัก ปือดัก_ ปือฆัก ตูกัจ_ มาแรฮ รีฆะ กู_ ซือรูปา กู ฌาดี อูรัก ปือญามุน เฆอ? 49อารีๆ_ กู อาดา ฌางัน กาเญา_ อาดา อาฌัยํ เดะ รูมัฮ มือญือมัฮ ตูฮัด_ ตาปี กาเญา เตด มาแรฮ รีฆะ กู เลอ ตาปี ลาฆู นู ฆาแรฮ ดัฮ_ เดะ ซูรัจ ปือมือเลา นะ ตูฮัด_ ฆาโดฮ นะ ซุจ รือมัก ดัฮ.”
50กะฆีเตอ_ โกะ มูเระ กูญา ปาคัจ ตีงัน เยซู_ ลารี ปี ซือมูฮา ดัฮ. 51ตาปี อาดา อูรัก มูดา ซืออูรัก_ ญา บือซาโปจ ซา กาเยด นีปิฮ_ ตูโรจ กะ เยซู ปี. กะฆีเตอ_ โกะ ลูมอฮ ซือมียา บาญะ_ กูญา นะ รีฆะ อูรัก มูดา อีตู 52ตาปี ญา ปรือลอจ ตีงัน กาเยด อีตู_ ญา ลารี ปี_ ญักตือลาญัก เลอ.
เยซู ญา ปี กะ ซัน นะ ลูมอฮ ยิว
(มัดทัย 26.57-68; ลูกา 22.54-55,63-71; โยฮัน 18.13-14,19-24)
53กะฆีเตอ_ กูญา บาวา เยซู บือปี_ กะ กือปาลา ซามี. อาดา โกะ ลูมอฮ ซามี ซัยํบือซัยํ_ โกะ อูรัก ตูฮา_ โกะ ซือมียา อาฌัยํ ลาฆู ปือมือซัด นะ ตูฮัด กูญา บือมุน ดัฮ ซือมูฮา. 54ตาปี เปโตร เตอ_ ญา ตูโรจ เยซู ปี_ โวฮฌาโวฮ_ มาโซะ รอจ กะ ลามัน รูมัฮ นะ กือปาลา ซามี. ญา ดูโดะ บือดียัก เดะ อาปี_ ฌางัน ลูมอฮ ซือมียา ฌาฆา.
55ลูมอฮ ซามี ซัยํบือซัยํ_ ฌางัน โกะ ลูมอฮ บือมุน บือกีรา ซือมูฮา_ กูญา ซารี ซะซรี_ อาดู กะ เยซู_ บีดา นะ บรี ญา กือนา ฮูโกบ มาตี_ ตาปี ฮอย เตด ดาปัจ ลาลู. 56อาดา บาญะ ซือมียา มาแรฮ ฌาดี ซะซรี มืออูปัย_ อาดู กะ เยซู_ ตาปี ปือมือเลา นะ กูญา_ อาซิกๆ_ ฮอย เตด รือมัก. 57อาดา ซือตืองัฮ บือดีรี_ ฌาดี ซะซรี มืออูปัย_ อาดู เยซู จะ 58“โซะ กามี เลอ_ บือเลฮ ดืองัยํ ญา มือเลา จะ_ ‘กู นะ ปรูโตฮ บาลัย นะ ตูฮัด อีนี_ นู บูวัจ ฌางัน ตางัน ซือมียา ดัฮ. เดะ ดาลับ ตีฆา อารี_ กู นะ อาเกะ บาลัย นู อาซิก_ นู ฮอย เตด บูวัจ ฌางัน ตางัน ซือมียา.’ ” กูญา จะ. 59ตาปี มีเซ กะฆีนี_ โกะ ปือมือเลา ซะซรี เตด กือนา ลาฆู_ มือเลา ฮอย เตด ซือรูปา เลอ.
60กะฆีเตอ กือปาลา ซามี_ ญา บือดีรี เดะ โซะ ฮือลด_ ตาญา เยซู จะ_ “บูวัจ นามา_ เกา เตด ตีกัฮ นามา โปด? นู กูญา อาดู เกา ดัฮ_ ฌาดี กะฮามี เลอ?”
61ตาปี เยซู ซืองะ_ ฮอย เตด มือเลา นามา. กือปาลา ซามี ตาญา ญา ปูลัก จะ_ “เกา เลอ_ ฌาดี ราฌา นู บรี ซือลามัจ เฆอ?_ ฌาดี นานะ นะ ตูฮัด บือซัยํ เดะ อาตัซ เฆอ?”
62กะฆีเตอ_ เยซู มือเลา จะ_ “กู นี เลอ_ ฌาดี กะฆีเตอ. กะฆีเตอ_ กาเญา นะ ลีฮัจ กู_ นู นานะ นะ อูมัจ ซือมียา อีนี_ อาดา ดูโดะ เดะ โซะ กานัน_ นะ ตูฮัด นู มือฆัฮ ซูโงฮ. กาเญา นะ ลีฮัจ กู มาแรฮ เดะ อาตัซ กือมูวัง โซะ ลาแงะ เลอ.#ดนย 7.13-14” ญา จะ.
63กะฆีเตอ_ กือปาลา ซามี_ ญา จูลัด กาเยด บาฌู นะ ญา_ บรี จีแจะ_ มือเลา จะ_ “เตด ปายัฮ ซารี ซะซรี ลาฆี เลอ. 64กาเญา ดืองัยํ ดัฮ_ ญา มือเลา ตะอารัฮ กะ ตูฮัด บือซัยํ เดะ อาตัซ กะฆีนี. กาเญา ซือมูฮา นะ กีรา กะฮามี เลอ?” ญา จะ.
ซือมียา ซือมูฮา บรี มูโลจ จะ_ “ญา ฆาโดฮ กือนา ฮูโกบ รอจ กะ มาตี เลอ.”
65ซือมียา ซือตืองัฮ ปือทุย อาเย ลีโยยํ_ เดะ ญาวา นะ ญา. ซือตืองัฮ ตูโดก มูคา มาตา นะ ญา_ ตาปัยํ ญา. กูญา มือเลา จะ_ “ตูโดฮ เลอ_ ซาปา นู ตาปัยํ เกา?” โกะ ซือมียา ฌาฆา โปด_ อาเมด ตางัน กาเตาะ ญา ฌูฆา.
เปโตร มือเลา กีปัซ กะ เยซู
(มัดทัย 26.69-75; ลูกา 22.56-62; โยฮัน 18.13-14,19-24)
66กะฆีเตอ_ เปโตร ญา อาดา เดะ ลามัน โซะ บาวัฮ. อาดา นีบีนี มาแรฮ ซืออูรัก_ นู ฌาดี ปราโซฮ นะ กือปาลา ซามี. 67ตานา ญา บือฆารี เปโตร_ บือดียัก เดะ อาปี_ ญา ฌือเงาะ ลีฮัจ_ มือเลา จะ_ “เกา ฌูฆา เลอ_ ดูโดะ ฌางัน เยซู_ ซือมียา ตูโปะ นาซาเรด อีตู.”
68ตาปี เปโตร มือเลา กีปัซ_ ตีกัฮ จะ_ “นู เกา มือเลา เตอ_ กู เตด ตาฮู_ ฮอย เตด มาโซะ เดะ ฮาตี เลอ.” กะฆีเตอ_ ญา ตรือเบะ ปี_ ดูโดะ เดะ ปีตู ปาฆัยํ รูมัฮ. [ฮายับ โปด_ ญา มูเกาะ ดัฮ.]#14.68 ซูรัจ ลามา ซือตืองัฮ ฮอย ปือมือเลา อีนี.
69ตานา นีบีนี อีตู ลีฮัจ ญา ปูลัก_ ญา มือเลา ฌางัน ซือมียา นู บือดีรี โซะ อีตู จะ_ “อูรัก อีนี เลอ_ ฌาดี ซือมียา ลูมอฮ อีตู ฌูฆา.” 70ตาปี เปโตร มือเลา กีปัซ ปูลัก.
ซือฌูรุซ_ โกะ ซือมียา โซะ อีตู_ มือเลา ฌางัน เปโตร จะ_ “ซูโงฮ เลอ_ เกา ฌาดี ซือมียา ลูมอฮ อีตู. กรานา เกา ฌาดี ซือมียา ลูมอฮ ฆาลิลี เลอ.”
71ตาปี เปโตร อาเกะ มือเลา บือซูปัฮ จะ_ “ซูโงฮ เลอ_ ซือมียา นู กาเญา มือเลา เตอ_ กู เตด กราลา ลาลู.”
72ดัดดัด_ อาดา ฮายับ มูเกาะ มาโซะ กือดูวา กาลี. กะฆีเตอ_ เปโตร ญา โตะ ตืออีงัจ_ กะ ปือมือเลา นะ เยซู_ บือกะ นู เยซู บือเลฮ มือเลา ฌางัน ญา จะ_ “ดูลู เดะ ฮายับ มูเกาะ ดูวา กาลี_ เกา นะ มือเลา กีปัซ กู_ ตีฆา กาลี เลอ.” ตานา เปโตร บือเลฮ อีงัจ_ ญา มือนาแงฮ โตระ.
Currently Selected:
มาระโก 14: ULBIBLE
Highlight
Share
Copy
Want to have your highlights saved across all your devices? Sign up or sign in
มาระโก 14
14
ลูมอฮ กือปาลา อีงัจ ฌาฮัจ กะ เยซู
(มัดทัย 26.1-5; ลูกา 22.1-2; โยฮัน 11.45-53)
1อาดา ดูวา อารี_ นะ รอจ อารี บรามัย ลือปัซ ปี ฌางัน ลาฆู บรามัย มากัด โรตี ฮอย ราฆี. กะฆีเตอ_ ลูมอฮ ซามี ซัยํบือซัยํ_ ฌางัน โกะ ซือมียา อาฌัยํ ลาฆู ปือมือซัด นะ ตูฮัด กูญา ซารี ปรือลอก_ นะ มือฮือนะ รีฆะ_ บูนอฮ เยซู. 2ตาปี กูญา มือเลา จะ_ “เดะ อารี บือซัยํ_ ฌางัน นะ บูวัจ นามา_ ตาโกจ จะ ลูมอฮ ซือมียา บาญะ_ นะ ปาคัจ ฆรูมง บือลาวัด ฌางัน กีตา”.
เยซู เดะ ตูโปะ เบดทานี
(มัดทัย 26.6-13; โยฮัน 12.1-8)
3วะตู เยซู อาดา เดะ ตูโปะ เบดทานี_ ดูโดะ มากัด เดะ รูมัฮ ซีโมน_ นู กาลา ดูลู ญา ฌาดี ซือมียา ปือญาเกะ ปูรู อาดา นีบีนี ซืออูรัก มาแรฮ. ญา อาดา ลีบูลี_ นู บูวัจ ฌางัน บาตู ปูเตฮ_ อาดา มีญะ บาวู เดะ ดาลับ. มีญะ บาวู อีตู_ ปือนามา นาระดา_ ฌาดี มีญะ นู บาฌิ_ รือฆา มาฮัน โตระ. ญา กาเตาะ มูโลจ ลีบูลี อีตู ปือจัฮ ดัฮ_ อูแร มีญะ บาวู อีตู_ เดะ อาตัซ ปาลา นะ เยซู. 4ตาปี อาดา ซือมียา ซือตืองัฮ_ กูญา รีเซา ฮาตี_ กูญา มือเลา ซามา กูญา จะ_ “บูวัจ นามา ปะ_ ญา บูวัจ บรี มีญะ มาฮัน อีนี_ เตด ฌาดี นามา? 5มีญะ อีนี_ ดัฮ ฌูวัน_ ฆามะ บือเลฮ รือฆา ตีฆา ราตุซ รีเงะ ลือเบฮ. กะฆีเตอ_ นะ ฮาฆิ กะ โกะ อูรัก ฮาฌะ โปด_ บือเลฮ.” กูญา อูจะ กะ นีบีนี อีตู กะฆีเตอ เลอ.
6ตาปี เยซู มือเลา ฌางัน กูญา จะ_ “ปือบียัยํ ญา เลอ. บูวัจ นามา_ กาเญา บือฆาโดฮ นีบีนี อีนี? ญา บูวัจ ลาฆู นู บาฌิ ซูโงฮ_ กะ กู ดัฮ. 7อาดา โกะ อูรัก ฮาฌะ ดูโดะ ดาปิก กาเญา ซือรูโลยํ. กาเญา นะ ตูโลก ลูมอฮ อีตู_ วะตู ดีฮา_ ตูโลก บือเลฮ เลอ. ตาปี โซะ กู นี_ กู นะ ดูโดะ ฌางัน กาเญา_ เตด บราปา ลามา ดัฮ เลอ. 8บือกะ ญา บูวัจ บือเลฮ_ ญา บูวัจ ดัฮ. กู เตด มาตี ลาฆี_ ตาปี ญา มาแรฮ อูแร มีญะ เดะ ญาวา นะ กู_ ซือรูปา ญา บือเลฮ ปือมานี บาดัด นะ กู ดูลู ดัฮ_ ซียะ นะ ตานัม เลอ. 9กู มือเลา ฌางัน กาเญา_ ลาฆู นู ซูโงฮ จะ_ ราตา ดือนียา_ ปัจ ดีฮา_ นู กูญา ปี มือญาเระ บรีตา นู บาฌิ อีนี_ ปัจ อีตู เลอ_ กูญา นะ มือเลา ลาฆู ปือบูวัจ นะ นีบีนี อีนี_ กูญา นะ ปาคัจ อีงัจ รอจ กะ ญา เลอ.” เยซู ญา จะ.
ยูดา นะ บูวัจ กือบลากัก กะ เยซู
(มัดทัย 26.14-16; ลูกา 22.3-6)
10กะฆีเตอ_ ยูดา อิดคารีโยด_ ซืออูรัก เดะ โกะ มูเระ ดูวา บือลัซ อูรัก อีตู เตอ_ ญา ปี ซารี ลูมอฮ ซามี ซัยํบือซัยํ_ ญา อีงัจ นะ ซรัฮ เยซู_ บรี กูญา รีฆะ. 11ตานา กูญา อีตู ดืองัยํ ดัฮ_ กูญา ซูกา ฮาตี. กูญา บือฌาญี นะ บรี ดูเวะ กะ ยูดา. กะฆีเตอ_ ยูดา เตอ_ ญา ซารี จือลัฮ_ นะ ซรัฮ เยซู_ กะ ลูมอฮ กูญา.
เยซู มากัด ลาฆู บรามัย ลือปัซ ปี_ ฌางัน โกะ มูเระ นะ ญา
(มัดทัย 26.17-25; ลูกา 22.7-14,21-23; โยฮัน 13.21-30)
12อารี ลามูลา นะ ลาฆู บรามัย มากัด โรตี ฮอย ราฆี_ นู ฌาดี อารี กูญา ลาดัจ บูนอฮ มือญือมัฮ อานะ กาเมก_ บีดา ลาฆู บรามัย ลือปัซ ปี อีตู เตอ_ โกะ มูเระ นะ เยซู_ ตาญา ญา จะ_ “เกา นะ บรี กามี_ ซียะ บูวัจ ซือบารัก มากัด_ ลาฆู บรามัย ลือปัซ ปี_ โซะ ดีฮา เลอ?”
13กะฆีเตอ_ เยซู ซูโรฮ มูเระ นะ ญา_ ดูวา อูรัก_ มือเลา ฌางัน กูญา จะ_ “ปี มาโซะ กะ นังฆรี เลอ. อาดา กีลากี ซืออูรัก_ ตาโงก อาเย เดะ ฆูรี_ ญา นะ มาแรฮ ดาปัจ กาเญา. กือนา ตูโรจ กะ กีลากี อีตู เลอ. 14ญา นะ มาโซะ กะ รูมัฮ ปัจ ดีฮา_ กาเญา กือนา มาโซะ_ มือเลา ฌางัน ตูฮัด รูมัฮ จะ_ ‘บูมอยํ นะ กามี ซูโรฮ ตาญา จะ_ อาดา รูวัก ปัจ ดีฮา_ นู ญา ฌางัน โกะ มูเระ นะ ญา_ นะ มากัด ลาฆู ลือปัซ ปี?’ 15ตูฮัด รูมัฮ อีตู นะ ตูโญะ กะ กาเญา จะ_ อาดา รูวัก บือซัยํ เดะ อาตัซ_ นู ปือตัด ซียะ ดัฮ. กือนา ซียะ ซือบารัก มากัด เดะ รูวัก อีตู เลอ.” ญา จะ.
16โกะ มูเระ ดูวา อูรัก อีตู_ กูญา ปี มาโซะ กะ นังฆรี. กูญา ดาปัจ รือมัก ดัฮ_ บือกะ เยซู บือเลฮ มือเลา เลอ. กะฆีเตอ_ กูญา ซียะ ซือบารัก มากัด_ ลาฆู บรามัย ลือปัซ ปี.
17รอจ วะตู ปะฮือญา_ เยซู ญา มาแรฮ_ ฌางัน โกะ มูเระ ดูวา บือลัซ อูรัก อีตู. 18ตานา กูญา อีตู ดูโดะ มากัด บือซามา_ เยซู มือเลา จะ_ “กู มือเลา ฌางัน กาเญา_ ลาฆู นู ซูโงฮ จะ_ อาดา ซือมียา ซืออูรัก เดะ ลูมอฮ กาเญา_ ซืออูรัก นู ตืองัฮ มากัด ฌางัน กู เตอ_ ญา เลอ_ นะ ซรัฮ กู บรี กือนา รีฆะ ดัฮ.” ญา จะ.
19กะฆีเตอ_ โกะ มูเระ นะ ญา เตอ_ กูญา ปาคัจ ซูซัฮ ฮาตี_ ตาญา เยซู_ ซือกาลี ซืออูรัก_ จะ_ “อีซี กู เฆอ?”
20เยซู มือเลา ฌางัน กูญา จะ_ “อาดา ซืออูรัก เดะ ลูมอฮ ดูวา บือลัซ อูรัก กาเญา อีนี. ญา เลอ_ ซืออูรัก อาเงา ตางัน_ อาเมด ตือโปก มาแรฮ_ ฌูโฌน ซือฌับ ฌางัน กู. 21กู นู นานะ นะ อูมัจ ซือมียา อีนี_ กู นะ ปี มาตี_ บือกะ อาดา ฆาแรฮ ดัฮ_ เดะ ซูรัจ ปือมือเลา นะ ตูฮัด_ ปาซัน ลาฆู นะ กู. ตาปี จือลากา เลอ_ ซือมียา นู ซรัฮ กู บรี กือนา รีฆะ. ดัฮ ซือมียา อีตู เตด บือฌาดี โปด_ บาฌิ เลอ.” ญา จะ.
เยซู ตืองะ ลาฆู ลือแปะ โรตี
(มัดทัย 26.26-30; ลูกา 22.14-20; 1 โกริน 11.23-25)
22กะฆีเตอ_ ตานา กูญา อีตู ตืองัฮ มากัด_ เยซู ญา อาเมด ตือโปก โรตี มาแรฮ_ บรี ซือลามัจ กะ ตูฮัด เดะ อาตัซ. ญา ลือแปะ ตือโปก โรตี อีตู_ อูโญะ บรี กะ กูญา. ญา มือเลา จะ_ “อาเมด เลอ. อีนี ฌาดี ญาวา นะ กู.”
23กะฆีเตอ_ เยซู อาเมด เจาะ อาระ อางุน มาแรฮ_ บรี ซือลามัจ กะ ตูฮัด. ญา บรี เจาะ อีตู กะ กูญา. กะฆีเตอ_ กูญา โปด_ โอะ ซือมูฮา. 24ญา มือเลา ฌางัน กูญา จะ_ “อีนี เลอ_ ฌาดี ดารัฮ นะ กู_ นู บรี ปือมือเลา บือปาคัจ นะ ตูฮัด_ ฌาดี ตือตู ดัฮ. ดารัฮ อีตู นะ มือนีแลฮ ตรือเบะ_ กรานา ซือมียา บาญะ เลอ. 25กู มือเลา ฌางัน กาเญา_ ลาฆู นู ซูโงฮ จะ_ อาเย บูวัฮ อางุน อีนี_ กู นะ เตด โอะ ปูลัก_ ตือดะ อารี อีตู_ นู กู นะ โอะ อาระ อางุน นู บารู_ เดะ ดือนียา บารู อีตู_ นู ตูฮัด ฌาดี ราฌา.” ญา จะ.
26ตานา กูญา มือญาญี ปูฌี กะ ตูฮัด ดัฮ_ กูญา ตรือเบะ ปี_ กะ บูเกะ กือดูโนด.
เยซู ตูโดฮ ลาฆู นะ เปโตร
(มัดทัย 26.31-35; ลูกา 22.31-34; โยฮัน 13.36-38)
27กะฆีเตอ_ เยซู มือเลา ฌางัน กูญา จะ_ “กาเญา ซือมูฮา_ นะ จือและ_ ตีงัน กู_ บือกะ ลาฆู นู ฆาแรฮ ดัฮ_ เดะ ซูรัจ ปือมือเลา นะ ตูฮัด_ จะ ‘กู นะ กาเตาะ ซือมียา ปือบือลา กาเมก_ บรี มาตี. กะฆีเตอ_ โกะ กาวัด กาเมก_ นะ ปือจัฮ บือลัฮ ปี_ ฮาบิฮ ดัฮ#ซคร 13.7.’ ญา จะ 28ตาปี ลือปัซ กู ฮีโดะ ปาเระ เดะ มาตี ดัฮ_ กู นะ ปี ดูลู เดะ กาเญา_ กะ นังฆรี ฆาลิลี.” เยซู ญา จะ.
29กะฆีเตอ_ เปโตร มือเลา ฌางัน ญา จะ_ “มีเซ จะ กูญา ซือมูฮา_ นะ ตีงัน เกา บูวัก_ ตาปี กู นี เลอ_ นะ ฮอย เตด ตีงัน เกา.”
30ตาปี เยซู มือเลา ฌางัน ญา จะ_ “กู มือเลา ฌางัน เกา_ ลาฆู นู ซูโงฮ จะ_ มาลับ อีนี เตอ_ ดูลู เดะ ฮายับ นะ มูเกาะ ดูวา กาลี_ เกา นะ มือเลา กีปัซ กู บูวัก_ ตีฆา กาลี เลอ.” ญา จะ.
31ตาปี เปโตร ญา มือเลา กือมัซๆ จะ_ “มีเซ กู ฆาโดฮ มาตี_ บือซามา ฌางัน เกา โปด_ กู นะ เตด มือเลา กีปัซ กะ เกา เลอ.”
กูญา ซือมูฮา มือเลา กะฆีเตอ ฌูฆา.
เยซู ปี บือซาโวจ เดะ เฆดเซมานี
(มัดทัย 26.36-46; ลูกา 22.39-46)
32กะฆีเตอ_ กูญา ปี กะ ตือปัจ ปือนามา จะ_ เฆดเซมานี. เยซู มือเลา ฌางัน โกะ มูเระ นะ ญา จะ_ “ดูโดะ เลอ_ ปัจ อีนี. กู นะ ปี บือซาโวจ.”
33ญา อาเมด เปโตร_ ยากอบ_ ฌางัน โยฮัน_ บือปี ซามา. กะฆีเตอ_ ญา บราซา ฆาโดฮ ฮาตี โตระ_ ฌาโวฮ ฮาตี บือตามัฮ บาญะ ซือรูโลยํ. 34ญา มือเลา ฌางัน กูญา จะ_ “ฮาตี กู บราซา ซูซัฮ โตระ เลอ_ มาจับ นะ มาตี. กาเญา นาตี ตูงู ฌาฆา โซะ อีนี เลอ.”
35กะฆีเตอ_ เยซู บือฌาลัด ปี ดีกิ_ ญา ตือมะ กะ ตานัฮ_ บือซาโวจ จะ_ “ดัฮ ฌาดี บือเลฮ_ มีตา บรี วะตู นู ซูซัฮ อีนี_ นะ ลือปัซ ปี เดะ กู เลอ.” 36ญา มือเลา จะ_ “อับบา_ โอ อาโปก เดะ กู_ บือนา ซือมูฮา_ อาโปก บูวัจ บือเลฮ ฮาปา. มีตา อาเมด ลาฆู ซูซัฮ อีนี_ นู ซือรูปา กะ เจาะ ปือนอฮ อาระ_ อูบัฮ ปี ฌาโวฮ เดะ กู เลอ. ตาปี ฌางัน บรี ฌาดี บือกะ ฮาตี นะ กู_ บรี ฌาดี บือกะ นู ฮาตี นะ อาโปก ซูกา เลอ.” ญา จะ.
37กะฆีเตอ_ เยซู มาแรฮ ดาปัจ ตีฆา อูรัก อีตู_ ตืองัฮ ตีโนะ ลีนา ดัฮ. ญา มือเลา ฌางัน เปโตร จะ_ “ซีโมน เออ_ เกา ลีนา ดัฮ เฆอ? เกา ตูงู ฌาฆา แนฮ ซือฌับ_ เตด บือเลฮ เฆอ? 38ฌาฆา เลอ_ บือซาโวจ เลอ_ ตีเมา บรี กือนา ลกลีฮัจ_ บรี บูวัจ ดูซา. โซะ ฮาตี กาเญา_ รือมา นะ ตูโรจ เตอ_ ตาปี อีซี ญาวา นะ กาเญา ลือมัฮ_ ฮอย อูรัจ เลอ.” ญา จะ.
39กะฆีเตอ_ เยซู ปี ปูลัก_ ญา บือซาโวจ_ บือกะ ลาฆู นู ดูลู. 40กาลา ญา ปาเระ มาแรฮ ปูลัก_ ลีฮัจ กูญา ตืองัฮ ลีนา_ กรานา กูญา มืองาโตะ ซูโงฮ. กะฆีเตอ กูญา โปด_ เตด ตาฮู นะ ตีกัฮ กะ ญา กะฮามี.
41กะฆีเตอ_ ญา มาแรฮ ฌู รอจ กะ ตีฆา กาลี_ มือเลา ฌางัน กูญา จะ_ “กาเญา นะ ตีโนะ ลีนา บรี ฮอย รือมัย ลาฆี เฆอ? ฌาดี ดัฮ เลอ. รอจ วะตู ดัฮ. กู_ นู นานะ นะ อูมัจ ซือมียา อีนี_ นะ กือนา ซรัฮ_ บรี กะ โกะ ซือมียา บือดูซา นะ รีฆะ. 42บีกัซ เลอ_ บรี กีตา ปี บือซามา. ลีฮัจ เลอ_ ซือมียา นู นะ ซรัฮ กู บรี กือนา รีฆะ_ ญา มาแรฮ ดาปิก ดัฮ.” ญา จะ.
เยซู กือนา รีฆะ ดัฮ
(มัดทัย 26.47-56; ลูกา 22.47-53; โยฮัน 18.3-12)
43ดัดดัด อีตู_ ตืองัฮ เยซู ญา มือเลา_ เตด ดัด ฮาบิฮ_ อาดา ยูดา_ นู ซืออูรัก เดะ ลูมอฮ มูเระ ดูวา บือลัซ อูรัก อีตู เตอ_ ญา มาแรฮ รอจ ดัฮ. อาดา ลูมอฮ ซือมียา บาญะ อูรัก_ มาแรฮ ซามา_ อาดา ฌางัน ปือดัก_ ฌางัน ตูกัจ. ลูมอฮ อีตู มาแรฮ ดาตัก เดะ โกะ ลูมอฮ ซามี ซัยํบือซัยํ_ โกะ ซือมียา อาฌัยํ ลาฆู ปือมือซัด นะ ตูฮัด ฌางัน โกะ อูรัก ตูฮา ซามา. 44ซือมียา นู นะ ซรัฮ เยซู เตอ_ ญา บือเลฮ บรี ปือนานา_ กะ โกะ ลูมอฮ ซือมียา บาญะ อีตู_ จะ_ “ดัฮ กู จีโยบ ซือมียา ดีฮา_ ฌาดี ซือมียา อีตู เลอ. บรี กาเญา รีฆะ ญา บรี กือมัซ_ บาวา บือปี เลอ.”
45ตานา ยูดา มาแรฮ ดัฮ_ ดัดดัด_ ญา ปี รอจ กะ เยซู_ มือเลา จะ_ “บูมอยํ เออ.” กะฆีเตอ_ ญา จีโยบ เยซู. 46กะฆีเตอ_ โกะ ซือมียา นู บาญะ อีตู_ กูญา มาแรฮ รีฆะ เยซู ฌู กือมัซ ดัฮ.
47ตาปี อาดา ซือมียา ซืออูรัก_ นู บือดีรี โซะ อีตู_ ญา ซีตะ ปือดัก_ บาโฮะ ปราโซฮ ซืออูรัก_ นะ กือปาลา ซามี_ กือนา เดะ ตือลีงา_ ฌู ปูตุซ ดัฮ.
48กะฆีเตอ_ เยซู มือเลา ฌางัน กูญา จะ_ “กาเญา ปือฆัก ปือดัก_ ปือฆัก ตูกัจ_ มาแรฮ รีฆะ กู_ ซือรูปา กู ฌาดี อูรัก ปือญามุน เฆอ? 49อารีๆ_ กู อาดา ฌางัน กาเญา_ อาดา อาฌัยํ เดะ รูมัฮ มือญือมัฮ ตูฮัด_ ตาปี กาเญา เตด มาแรฮ รีฆะ กู เลอ ตาปี ลาฆู นู ฆาแรฮ ดัฮ_ เดะ ซูรัจ ปือมือเลา นะ ตูฮัด_ ฆาโดฮ นะ ซุจ รือมัก ดัฮ.”
50กะฆีเตอ_ โกะ มูเระ กูญา ปาคัจ ตีงัน เยซู_ ลารี ปี ซือมูฮา ดัฮ. 51ตาปี อาดา อูรัก มูดา ซืออูรัก_ ญา บือซาโปจ ซา กาเยด นีปิฮ_ ตูโรจ กะ เยซู ปี. กะฆีเตอ_ โกะ ลูมอฮ ซือมียา บาญะ_ กูญา นะ รีฆะ อูรัก มูดา อีตู 52ตาปี ญา ปรือลอจ ตีงัน กาเยด อีตู_ ญา ลารี ปี_ ญักตือลาญัก เลอ.
เยซู ญา ปี กะ ซัน นะ ลูมอฮ ยิว
(มัดทัย 26.57-68; ลูกา 22.54-55,63-71; โยฮัน 18.13-14,19-24)
53กะฆีเตอ_ กูญา บาวา เยซู บือปี_ กะ กือปาลา ซามี. อาดา โกะ ลูมอฮ ซามี ซัยํบือซัยํ_ โกะ อูรัก ตูฮา_ โกะ ซือมียา อาฌัยํ ลาฆู ปือมือซัด นะ ตูฮัด กูญา บือมุน ดัฮ ซือมูฮา. 54ตาปี เปโตร เตอ_ ญา ตูโรจ เยซู ปี_ โวฮฌาโวฮ_ มาโซะ รอจ กะ ลามัน รูมัฮ นะ กือปาลา ซามี. ญา ดูโดะ บือดียัก เดะ อาปี_ ฌางัน ลูมอฮ ซือมียา ฌาฆา.
55ลูมอฮ ซามี ซัยํบือซัยํ_ ฌางัน โกะ ลูมอฮ บือมุน บือกีรา ซือมูฮา_ กูญา ซารี ซะซรี_ อาดู กะ เยซู_ บีดา นะ บรี ญา กือนา ฮูโกบ มาตี_ ตาปี ฮอย เตด ดาปัจ ลาลู. 56อาดา บาญะ ซือมียา มาแรฮ ฌาดี ซะซรี มืออูปัย_ อาดู กะ เยซู_ ตาปี ปือมือเลา นะ กูญา_ อาซิกๆ_ ฮอย เตด รือมัก. 57อาดา ซือตืองัฮ บือดีรี_ ฌาดี ซะซรี มืออูปัย_ อาดู เยซู จะ 58“โซะ กามี เลอ_ บือเลฮ ดืองัยํ ญา มือเลา จะ_ ‘กู นะ ปรูโตฮ บาลัย นะ ตูฮัด อีนี_ นู บูวัจ ฌางัน ตางัน ซือมียา ดัฮ. เดะ ดาลับ ตีฆา อารี_ กู นะ อาเกะ บาลัย นู อาซิก_ นู ฮอย เตด บูวัจ ฌางัน ตางัน ซือมียา.’ ” กูญา จะ. 59ตาปี มีเซ กะฆีนี_ โกะ ปือมือเลา ซะซรี เตด กือนา ลาฆู_ มือเลา ฮอย เตด ซือรูปา เลอ.
60กะฆีเตอ กือปาลา ซามี_ ญา บือดีรี เดะ โซะ ฮือลด_ ตาญา เยซู จะ_ “บูวัจ นามา_ เกา เตด ตีกัฮ นามา โปด? นู กูญา อาดู เกา ดัฮ_ ฌาดี กะฮามี เลอ?”
61ตาปี เยซู ซืองะ_ ฮอย เตด มือเลา นามา. กือปาลา ซามี ตาญา ญา ปูลัก จะ_ “เกา เลอ_ ฌาดี ราฌา นู บรี ซือลามัจ เฆอ?_ ฌาดี นานะ นะ ตูฮัด บือซัยํ เดะ อาตัซ เฆอ?”
62กะฆีเตอ_ เยซู มือเลา จะ_ “กู นี เลอ_ ฌาดี กะฆีเตอ. กะฆีเตอ_ กาเญา นะ ลีฮัจ กู_ นู นานะ นะ อูมัจ ซือมียา อีนี_ อาดา ดูโดะ เดะ โซะ กานัน_ นะ ตูฮัด นู มือฆัฮ ซูโงฮ. กาเญา นะ ลีฮัจ กู มาแรฮ เดะ อาตัซ กือมูวัง โซะ ลาแงะ เลอ.#ดนย 7.13-14” ญา จะ.
63กะฆีเตอ_ กือปาลา ซามี_ ญา จูลัด กาเยด บาฌู นะ ญา_ บรี จีแจะ_ มือเลา จะ_ “เตด ปายัฮ ซารี ซะซรี ลาฆี เลอ. 64กาเญา ดืองัยํ ดัฮ_ ญา มือเลา ตะอารัฮ กะ ตูฮัด บือซัยํ เดะ อาตัซ กะฆีนี. กาเญา ซือมูฮา นะ กีรา กะฮามี เลอ?” ญา จะ.
ซือมียา ซือมูฮา บรี มูโลจ จะ_ “ญา ฆาโดฮ กือนา ฮูโกบ รอจ กะ มาตี เลอ.”
65ซือมียา ซือตืองัฮ ปือทุย อาเย ลีโยยํ_ เดะ ญาวา นะ ญา. ซือตืองัฮ ตูโดก มูคา มาตา นะ ญา_ ตาปัยํ ญา. กูญา มือเลา จะ_ “ตูโดฮ เลอ_ ซาปา นู ตาปัยํ เกา?” โกะ ซือมียา ฌาฆา โปด_ อาเมด ตางัน กาเตาะ ญา ฌูฆา.
เปโตร มือเลา กีปัซ กะ เยซู
(มัดทัย 26.69-75; ลูกา 22.56-62; โยฮัน 18.13-14,19-24)
66กะฆีเตอ_ เปโตร ญา อาดา เดะ ลามัน โซะ บาวัฮ. อาดา นีบีนี มาแรฮ ซืออูรัก_ นู ฌาดี ปราโซฮ นะ กือปาลา ซามี. 67ตานา ญา บือฆารี เปโตร_ บือดียัก เดะ อาปี_ ญา ฌือเงาะ ลีฮัจ_ มือเลา จะ_ “เกา ฌูฆา เลอ_ ดูโดะ ฌางัน เยซู_ ซือมียา ตูโปะ นาซาเรด อีตู.”
68ตาปี เปโตร มือเลา กีปัซ_ ตีกัฮ จะ_ “นู เกา มือเลา เตอ_ กู เตด ตาฮู_ ฮอย เตด มาโซะ เดะ ฮาตี เลอ.” กะฆีเตอ_ ญา ตรือเบะ ปี_ ดูโดะ เดะ ปีตู ปาฆัยํ รูมัฮ. [ฮายับ โปด_ ญา มูเกาะ ดัฮ.]#14.68 ซูรัจ ลามา ซือตืองัฮ ฮอย ปือมือเลา อีนี.
69ตานา นีบีนี อีตู ลีฮัจ ญา ปูลัก_ ญา มือเลา ฌางัน ซือมียา นู บือดีรี โซะ อีตู จะ_ “อูรัก อีนี เลอ_ ฌาดี ซือมียา ลูมอฮ อีตู ฌูฆา.” 70ตาปี เปโตร มือเลา กีปัซ ปูลัก.
ซือฌูรุซ_ โกะ ซือมียา โซะ อีตู_ มือเลา ฌางัน เปโตร จะ_ “ซูโงฮ เลอ_ เกา ฌาดี ซือมียา ลูมอฮ อีตู. กรานา เกา ฌาดี ซือมียา ลูมอฮ ฆาลิลี เลอ.”
71ตาปี เปโตร อาเกะ มือเลา บือซูปัฮ จะ_ “ซูโงฮ เลอ_ ซือมียา นู กาเญา มือเลา เตอ_ กู เตด กราลา ลาลู.”
72ดัดดัด_ อาดา ฮายับ มูเกาะ มาโซะ กือดูวา กาลี. กะฆีเตอ_ เปโตร ญา โตะ ตืออีงัจ_ กะ ปือมือเลา นะ เยซู_ บือกะ นู เยซู บือเลฮ มือเลา ฌางัน ญา จะ_ “ดูลู เดะ ฮายับ มูเกาะ ดูวา กาลี_ เกา นะ มือเลา กีปัซ กู_ ตีฆา กาลี เลอ.” ตานา เปโตร บือเลฮ อีงัจ_ ญา มือนาแงฮ โตระ.
Currently Selected:
:
Highlight
Share
Copy
Want to have your highlights saved across all your devices? Sign up or sign in