มาระโก 3
3
เยซู ปือบือลา ซือมียา ตางัน กาแป
(มัดทัย 12.9-14; ลูกา 6.6-11)
1กะฆีเตอ_ เยซู มาโซะ ปี ปูลัก_ กะ ดาลับ รูมัฮ บือมุน. ปัจ อีตู_ อาดา ซือมียา ซืออูรัก_ นู อาดา ตางัน กาแป. 2อาดา ลูมอฮ ซือมียา_ นู ซารี ลาฆู นะ อาดู เยซู เตอ_ กูญา นาตี ลีฮัจ จะ_ เยซู ญา นะ ปือบือลา ซือมียา อีตู_ เดะ อารี บราดู กรือฌา เฆอ เตด.
3กะฆีเตอ_ เยซู ญา มือเลา กะ ซือมียา ตางัน กาแป จะ_ “มาแรฮ บือดีรี โซะ ฮือลด เลอ.”
4กะฆีเตอ_ เยซู มือเลา กะ ลูมอฮ ซือมียา ซีงี จะ_ “ปือมือเลา ฮูโกบ เตอ_ นะ บรี ซือมียา บูวัจ ลาฆู นามา_ เดะ อารี บราดู กรือฌา? นะ บูวัจ ลาฆู นู บาฌิ_ เฆอ จะ_ นะ บูวัจ ลาฆู ฌาฮัจ? นะ ตูโลก ซือมียา บรี ฮีโดะ_ เฆอ จะ_ นะ บูนอฮ ซือมียา? นู ดีฮา บาฌิ เลอ?”
ตาปี โกะ ลูมอฮ ซือมียา อีตู_ ดูโดะ ซืองะ_ เตด มือเลา นามา โปด. 5กะฆีเตอ_ เยซู ตีญุง กือลีลิก_ ลีฮัจ โกะ ซือมียา อีตู_ ญา รีเซา ฮาตี_ บราซา ซูซัฮ ฮาตี โตระ_ นู กูญา ฮาตี กรัซ กะฆีเตอ. ญา มือเลา กะ ซือมียา ตางัน กาแป อีตู จะ_ “ลือฌัก ตางัน นะ เกา เลอ.”
กะฆีเตอ_ ซือมียา อีตู ญา ลือฌัก ตางัน ดัฮ. ตางัน อีตู โปด_ ลือฆา บาฌิ ดัฮ. 6ดัดดัด อีตู_ ลูมอฮ ฟาริซี กูญา ตรือเบะ ปี_ บือกีรา บือซามา ฌางัน โกะ ลูมอฮ นู ตูโรจ ราฌา เฮโรด จะ_ นะ บูวัจ กะฮามี_ บีดา นะ บือเลฮ บูนอฮ เยซู.
เยซู ปือบือลา ซือมียา บาญะๆ_ เดะ บีดิก ลาโวจ
(มัดทัย 4.24-25; ลูกา 6.17-19)
7ตาปี เยซู_ ฌางัน โกะ ลูมอฮ มูเระ นะ ญา เตอ_ กูญา ตรือเบะ ปี_ เดะ ตูโปะ อีตู_ ปี กะ บีดิก ลาโวจ ฆาลิลี. อาดา ซือมียา บาญะ_ ตูโรจ เยซู ปี ฌูฆา. อาดา ซือมียา ดาตัก เดะ นังฆรี ฆาลิลี เตอ_ ซือมียา เดะ นังฆรี ยูเดีย_ 8นังฆรี เยรูซาเลม_ นังฆรี อีดูเมีย เตอ_ ซือมียา เดะ นังฆรี นู โซะ ซรือบัก ซูงัย จอแดน_ ฌางัน ซือมียา เดะ โกะ ตูโปะ ดาปิก นังฆรี ทัยระ_ ฌางัน นังฆรี ซัยดอน เตอ_ โกะ ซือมียา บาญะ อีตู_ กูญา ดืองัยํ ดัฮ จะ_ เยซู บูวัจ กะฮามี ดัฮ. กะฆีเตอ_ กูญา มาแรฮ ซารี ญา.
9กะฆีเตอ_ เยซู มือเลา ฌางัน โกะ มูเระ นะ ญา_ บรี กูญา ซียะ ปราฮู ซือบูวัฮ_ ตาโกจ จะ_ โกะ ซือมียา นู บาญะ อีตู_ นะ ปือแปะ ญา ฌู กรือจัจ. 10อาดา บาญะ ซือมียา นู เยซู ปือบือลา_ บรี ซือนัง บาฌิ ซือมูฮา ดัฮ. กะฆีเตอ_ ซือมียา ปือญาเกะ_ บาญะ อูรัก เตอ_ มาแรฮ ซารี เยซู_ ฌู กรือจัจ_ บีดา นะ กือนา ญาวา นะ ญา. 11โซะ โกะ ฮาตู ตะอารัฮ_ นู ดูโดะ เดะ ญาวา โกะ ซือมียา เตอ_ ตานา กูญา ลีฮัจ เยซู ดัฮ_ กูญา มือนูโนะ มือญือมัฮ โซะ ฮือลด ญา_ บือซูระ จะ_ “เกา เลอ_ นานะ นะ ตูฮัด เดะ อาตัซ เลอ.” 12ตาปี เยซู บลารัก ลูมอฮ ฮาตู อีตู กือมัซๆ_ ตีเมา บรี มือญาเระ ลาฆู นะ ญา_ กะ ซาปา โปด.
เยซู ตืองะ ปือญูโรฮ นะ ญา_ 12 อูรัก
(มัดทัย 10.1-4; ลูกา 6.12-16)
13กะฆีเตอ_ เยซู ปี ญาแญะ กะ อาตัซ บูเกะ. ญา บลาโลก ซือมียา นู ญา ปีเลฮ ดัฮ_ กะฆีเตอ กูญา อีตู ปาคัจ มาแรฮ ดาปัจ ญา. 14อาดา ดูวา บือลัซ อูรัก เตอ_ เยซู ตืองะ ดัฮ_ นะ บรี กูญา ดูโดะ บือซามา ฌางัน ญา_ นะ ซูโรฮ กูญา ปี มือญาเระ ลาฆู นะ ญา_ 15นะ บรี กูญา มือฆัฮ_ บือเลฮ โปรฮ โกะ ฮาตู_ บรี ตรือเบะ เดะ ญาวา นะ ซือมียา.
16ดูวา บือลัซ อูรัก อีตู_ อาดา กะฆีนี. อาดา ซีโมน_ นู เยซู บรี ปือนามา จะ_ เปโตร เตอ. 17อาดา ยากอบ_ นานะ นะ เซเบดี_ ฌางัน โยฮัน_ อาดี เดะ ญา เตอ. เยซู บรี กูญา ดูวา อูรัก ปือนามา จะ_ โบอานือเฆ_ ฌาดี จะ_ ซือมียา นู ซือรูปา ฆูโตยํ เตอ. 18อาดา อันดรู_ ฟีลิบ_ บาโทโลมัย_ มัดทัย_ โทมัด เตอ. อาดา ยากอบ_ นานะ นะ อันเฟอัด เตอ. อาดา ทาดัย_ อาดา ซีโมน_ ซือมียา นังฆรี คานาอัน เตอ. 19อาดา ฌูฆา_ ยูดา อิดคารีโยด_ นู บูวัจ กือบลากัก กะ เยซู เตอ. ลูมอฮ อีนี ซือมูฮา เตอ_ เยซู ตืองะ ฌาดี ปือญูโรฮ นะ ญา.
เยซู ฌือนัฮ เดะ ฮาตู ซีตัด
(มัดทัย 12.22-32; ลูกา 11.14-23; 12.10)
20กะฆีเตอ_ เยซู ปี มาโซะ กะ รูมัฮ_ ซือรูมัฮ. อาดา ซือมียา บาญะ_ ปาคัจ มาแรฮ ซารี ญา_ ฌู เยซู ฌางัน ลูมอฮ มูเระ นะ ญา_ ฮอย วะตู นะ มากัด. 21กาลา ลูมอฮ ดีบราดี นะ เยซู ดืองัยํ ลาฆู อีนี ดัฮ_ กูญา ตรือเบะ ปี_ นะ ซือกัจ เยซู_ ซาเบะ โกะ ซือมียา อาดา มือเลา จะ_ ญา ฆีลา ดัฮ.
22อาดา ฌูฆา_ โกะ ซือมียา อาฌัยํ ลาฆู ปือมือซัด นะ ตูฮัด นู มาแรฮ เดะ นังฆรี เยรูซาเลม ดัฮ เตอ_ กูญา มือเลา จะ_ “เยซู กือนา ฌิด เบเอนซือบุน มาโซะ ราโซะ ดัฮ. กรานา ปือมือฆัฮ นะ กือปาลา ฮาตู ซีตัด อีตู เลอ_ นู ญา โปรฮ ฮาตู ตรือเบะ บือเลฮ.”
23กะฆีเตอ_ เยซู บลาโลก ลูมอฮ ซือมียา บาญะ อีตู มาแรฮ_ ญา อาฌัยํ กะ ลูมอฮ อีตู_ ฌาดี ลาฆู จรือตา อาฌัยํ_ มือเลา จะ_ “ฮาตู ซีตัด นะ โปรฮ ฮาตู ซีตัด บรี ตรือเบะ ปี_ บือเลฮ กะฮามี? 24นังฆรี ดีฮา_ นู ปือจัฮ บือลัฮ ดัฮ_ ฌาดี ซอกซา ปาโซะ เตอ_ นังฆรี อีตู นะ ดูโดะ กือฌะ_ เตด บือเลฮ ดัฮ. 25กะฆีเตอ ฌูฆา_ โกะ ซือมียา ซือรูมัฮ ดีฮา_ นู ปือจัฮ บือลัฮ_ ฌาดี ซอกซา ปาโซะ ดัฮ เตอ_ รูมัฮ อีตู_ นะ ดูโดะ กือฌะ_ เตด บือเลฮ เลอ. 26กะฆีเตอ_ ดัฮ กือปาลา ฮาตู ซีตัด นะ บือลาวัด ฌางัน ญาวา ตะอาซิก_ ญา นะ บือดีรี กือฌะ_ เตด บือเลฮ. ญา นะ ฮาบิฮ ซูโงฮ ดัฮ.”_ ญา จะ.
27เยซู มือเลา ปูลัก จะ “กะฆีเตอ ฌูฆา_ ฮอย ซือมียา ดีฮา_ นู นะ มาโซะ ปี ซามุน โกะ ซือบารัก_ เดะ รูมัฮ นะ ซือมียา ตือฆัยํ อูรัจ_ บือเลฮ. กือนา ปี รีฆะ ซือมียา ตือฆัยํ อูรัจ อีตู_ อีกัจ บรี กือฌะ กือมัซ ดูลู. อีกัจ ดัฮ_ บารู นะ ซามุน โกะ ซือบารัก เดะ รูมัฮ อีตู บือเลฮ. 28กู มือเลา ฌางัน กาเญา_ ลาฆู นู ซูโงฮ จะ_ ซือมียา นู บูวัจ ดูซา กะฮามี โปด_ ตูฮัด นะ อาเกะ บรี. มีเซ จะ_ ซือมียา มือเลา ตะอารัฮ กะ ตูฮัด เดะ อาตัซ โปด_ ดูซา อีตู_ ตูฮัด นะ อาเกะ ฌูฆา. 29ตาปี กะ ซือมียา มือเลา ตะอารัฮ_ กะ ซือมืองัจ นะ ตูฮัด_ ดูซา นะ ซือมียา อีตู โปด_ อาเกะ เตด บือเลฮ ลาลู. ลาฆู ดูซา นะ ญา_ เตด ซือลือซัย ซือลาลู ปี ดัฮ.” ญา จะ.
30เยซู มือเลา กะฆีนี_ กรานา ลูมอฮ อีตู บือเลฮ มือเลา จะ_ “อาดา ฮาตู ตะอารัฮ ราโซะ เดะ ญาวา นะ เยซู ดัฮ.”
มะ เดะ เยซู ฌางัน ลูมอฮ อาดี เดะ ญา
(มัดทัย 12.46-50; ลูกา 8.19-21)
31วะตู อีตู_ มะ เดะ เยซู_ ฌางัน โกะ อาดี เดะ ญา_ มาแรฮ รอจ ดัฮ. กูญา บือดีรี โซะ ลามัน รูมัฮ อีตู_ ซูโรฮ ซือมียา มาโซะ ปี บลาโลก เยซู. 32อาดา ซือมียา บาญะ_ ดูโดะ ฌางัน เยซู. กูญา มือญาเระ กะ เยซู จะ_ “ลีฮัจ เลอ_ โกะ มะ_ โกะ อาดีๆ เดะ เกา_ อาดา นาตี โซะ ลามัน_ มาแรฮ ซารี เกา ดัฮ.”
33ตาปี เยซู ตีกัฮ จะ_ “ซาปา เลอ_ นู ฌาดี มะ เดะ กู? ซาปา ซือตืองัฮ_ นู ฌาดี อาดี บราดี เดะ กู?” 34กะฆีเตอ_ เยซู ลีฮัจ กือลีลิก กะ ลูมอฮ ซือมียา_ นู ดูโดะ บือซามา ฌางัน ญา_ มือเลา จะ_ “นี เลอ_ มะ เดะ กู. นี เลอ_ โกะ อาดี บราดี เดะ กู. 35กรานา ซือมียา ดีฮา_ นู บูวัจ ตูโรจ กะ ฮาตี นะ ตูฮัด เดะ อาตัซ_ ซือมียา อีตู เลอ_ นู ฌาดี อาดี บราดี_ กีลากี นีบีนี_ เดะ กู เลอ_ นู ฌาดี มะ เดะ กู ฌูฆา.” ญา จะ.
Currently Selected:
มาระโก 3: ULBIBLE
Highlight
Share
Copy
Want to have your highlights saved across all your devices? Sign up or sign in
มาระโก 3
3
เยซู ปือบือลา ซือมียา ตางัน กาแป
(มัดทัย 12.9-14; ลูกา 6.6-11)
1กะฆีเตอ_ เยซู มาโซะ ปี ปูลัก_ กะ ดาลับ รูมัฮ บือมุน. ปัจ อีตู_ อาดา ซือมียา ซืออูรัก_ นู อาดา ตางัน กาแป. 2อาดา ลูมอฮ ซือมียา_ นู ซารี ลาฆู นะ อาดู เยซู เตอ_ กูญา นาตี ลีฮัจ จะ_ เยซู ญา นะ ปือบือลา ซือมียา อีตู_ เดะ อารี บราดู กรือฌา เฆอ เตด.
3กะฆีเตอ_ เยซู ญา มือเลา กะ ซือมียา ตางัน กาแป จะ_ “มาแรฮ บือดีรี โซะ ฮือลด เลอ.”
4กะฆีเตอ_ เยซู มือเลา กะ ลูมอฮ ซือมียา ซีงี จะ_ “ปือมือเลา ฮูโกบ เตอ_ นะ บรี ซือมียา บูวัจ ลาฆู นามา_ เดะ อารี บราดู กรือฌา? นะ บูวัจ ลาฆู นู บาฌิ_ เฆอ จะ_ นะ บูวัจ ลาฆู ฌาฮัจ? นะ ตูโลก ซือมียา บรี ฮีโดะ_ เฆอ จะ_ นะ บูนอฮ ซือมียา? นู ดีฮา บาฌิ เลอ?”
ตาปี โกะ ลูมอฮ ซือมียา อีตู_ ดูโดะ ซืองะ_ เตด มือเลา นามา โปด. 5กะฆีเตอ_ เยซู ตีญุง กือลีลิก_ ลีฮัจ โกะ ซือมียา อีตู_ ญา รีเซา ฮาตี_ บราซา ซูซัฮ ฮาตี โตระ_ นู กูญา ฮาตี กรัซ กะฆีเตอ. ญา มือเลา กะ ซือมียา ตางัน กาแป อีตู จะ_ “ลือฌัก ตางัน นะ เกา เลอ.”
กะฆีเตอ_ ซือมียา อีตู ญา ลือฌัก ตางัน ดัฮ. ตางัน อีตู โปด_ ลือฆา บาฌิ ดัฮ. 6ดัดดัด อีตู_ ลูมอฮ ฟาริซี กูญา ตรือเบะ ปี_ บือกีรา บือซามา ฌางัน โกะ ลูมอฮ นู ตูโรจ ราฌา เฮโรด จะ_ นะ บูวัจ กะฮามี_ บีดา นะ บือเลฮ บูนอฮ เยซู.
เยซู ปือบือลา ซือมียา บาญะๆ_ เดะ บีดิก ลาโวจ
(มัดทัย 4.24-25; ลูกา 6.17-19)
7ตาปี เยซู_ ฌางัน โกะ ลูมอฮ มูเระ นะ ญา เตอ_ กูญา ตรือเบะ ปี_ เดะ ตูโปะ อีตู_ ปี กะ บีดิก ลาโวจ ฆาลิลี. อาดา ซือมียา บาญะ_ ตูโรจ เยซู ปี ฌูฆา. อาดา ซือมียา ดาตัก เดะ นังฆรี ฆาลิลี เตอ_ ซือมียา เดะ นังฆรี ยูเดีย_ 8นังฆรี เยรูซาเลม_ นังฆรี อีดูเมีย เตอ_ ซือมียา เดะ นังฆรี นู โซะ ซรือบัก ซูงัย จอแดน_ ฌางัน ซือมียา เดะ โกะ ตูโปะ ดาปิก นังฆรี ทัยระ_ ฌางัน นังฆรี ซัยดอน เตอ_ โกะ ซือมียา บาญะ อีตู_ กูญา ดืองัยํ ดัฮ จะ_ เยซู บูวัจ กะฮามี ดัฮ. กะฆีเตอ_ กูญา มาแรฮ ซารี ญา.
9กะฆีเตอ_ เยซู มือเลา ฌางัน โกะ มูเระ นะ ญา_ บรี กูญา ซียะ ปราฮู ซือบูวัฮ_ ตาโกจ จะ_ โกะ ซือมียา นู บาญะ อีตู_ นะ ปือแปะ ญา ฌู กรือจัจ. 10อาดา บาญะ ซือมียา นู เยซู ปือบือลา_ บรี ซือนัง บาฌิ ซือมูฮา ดัฮ. กะฆีเตอ_ ซือมียา ปือญาเกะ_ บาญะ อูรัก เตอ_ มาแรฮ ซารี เยซู_ ฌู กรือจัจ_ บีดา นะ กือนา ญาวา นะ ญา. 11โซะ โกะ ฮาตู ตะอารัฮ_ นู ดูโดะ เดะ ญาวา โกะ ซือมียา เตอ_ ตานา กูญา ลีฮัจ เยซู ดัฮ_ กูญา มือนูโนะ มือญือมัฮ โซะ ฮือลด ญา_ บือซูระ จะ_ “เกา เลอ_ นานะ นะ ตูฮัด เดะ อาตัซ เลอ.” 12ตาปี เยซู บลารัก ลูมอฮ ฮาตู อีตู กือมัซๆ_ ตีเมา บรี มือญาเระ ลาฆู นะ ญา_ กะ ซาปา โปด.
เยซู ตืองะ ปือญูโรฮ นะ ญา_ 12 อูรัก
(มัดทัย 10.1-4; ลูกา 6.12-16)
13กะฆีเตอ_ เยซู ปี ญาแญะ กะ อาตัซ บูเกะ. ญา บลาโลก ซือมียา นู ญา ปีเลฮ ดัฮ_ กะฆีเตอ กูญา อีตู ปาคัจ มาแรฮ ดาปัจ ญา. 14อาดา ดูวา บือลัซ อูรัก เตอ_ เยซู ตืองะ ดัฮ_ นะ บรี กูญา ดูโดะ บือซามา ฌางัน ญา_ นะ ซูโรฮ กูญา ปี มือญาเระ ลาฆู นะ ญา_ 15นะ บรี กูญา มือฆัฮ_ บือเลฮ โปรฮ โกะ ฮาตู_ บรี ตรือเบะ เดะ ญาวา นะ ซือมียา.
16ดูวา บือลัซ อูรัก อีตู_ อาดา กะฆีนี. อาดา ซีโมน_ นู เยซู บรี ปือนามา จะ_ เปโตร เตอ. 17อาดา ยากอบ_ นานะ นะ เซเบดี_ ฌางัน โยฮัน_ อาดี เดะ ญา เตอ. เยซู บรี กูญา ดูวา อูรัก ปือนามา จะ_ โบอานือเฆ_ ฌาดี จะ_ ซือมียา นู ซือรูปา ฆูโตยํ เตอ. 18อาดา อันดรู_ ฟีลิบ_ บาโทโลมัย_ มัดทัย_ โทมัด เตอ. อาดา ยากอบ_ นานะ นะ อันเฟอัด เตอ. อาดา ทาดัย_ อาดา ซีโมน_ ซือมียา นังฆรี คานาอัน เตอ. 19อาดา ฌูฆา_ ยูดา อิดคารีโยด_ นู บูวัจ กือบลากัก กะ เยซู เตอ. ลูมอฮ อีนี ซือมูฮา เตอ_ เยซู ตืองะ ฌาดี ปือญูโรฮ นะ ญา.
เยซู ฌือนัฮ เดะ ฮาตู ซีตัด
(มัดทัย 12.22-32; ลูกา 11.14-23; 12.10)
20กะฆีเตอ_ เยซู ปี มาโซะ กะ รูมัฮ_ ซือรูมัฮ. อาดา ซือมียา บาญะ_ ปาคัจ มาแรฮ ซารี ญา_ ฌู เยซู ฌางัน ลูมอฮ มูเระ นะ ญา_ ฮอย วะตู นะ มากัด. 21กาลา ลูมอฮ ดีบราดี นะ เยซู ดืองัยํ ลาฆู อีนี ดัฮ_ กูญา ตรือเบะ ปี_ นะ ซือกัจ เยซู_ ซาเบะ โกะ ซือมียา อาดา มือเลา จะ_ ญา ฆีลา ดัฮ.
22อาดา ฌูฆา_ โกะ ซือมียา อาฌัยํ ลาฆู ปือมือซัด นะ ตูฮัด นู มาแรฮ เดะ นังฆรี เยรูซาเลม ดัฮ เตอ_ กูญา มือเลา จะ_ “เยซู กือนา ฌิด เบเอนซือบุน มาโซะ ราโซะ ดัฮ. กรานา ปือมือฆัฮ นะ กือปาลา ฮาตู ซีตัด อีตู เลอ_ นู ญา โปรฮ ฮาตู ตรือเบะ บือเลฮ.”
23กะฆีเตอ_ เยซู บลาโลก ลูมอฮ ซือมียา บาญะ อีตู มาแรฮ_ ญา อาฌัยํ กะ ลูมอฮ อีตู_ ฌาดี ลาฆู จรือตา อาฌัยํ_ มือเลา จะ_ “ฮาตู ซีตัด นะ โปรฮ ฮาตู ซีตัด บรี ตรือเบะ ปี_ บือเลฮ กะฮามี? 24นังฆรี ดีฮา_ นู ปือจัฮ บือลัฮ ดัฮ_ ฌาดี ซอกซา ปาโซะ เตอ_ นังฆรี อีตู นะ ดูโดะ กือฌะ_ เตด บือเลฮ ดัฮ. 25กะฆีเตอ ฌูฆา_ โกะ ซือมียา ซือรูมัฮ ดีฮา_ นู ปือจัฮ บือลัฮ_ ฌาดี ซอกซา ปาโซะ ดัฮ เตอ_ รูมัฮ อีตู_ นะ ดูโดะ กือฌะ_ เตด บือเลฮ เลอ. 26กะฆีเตอ_ ดัฮ กือปาลา ฮาตู ซีตัด นะ บือลาวัด ฌางัน ญาวา ตะอาซิก_ ญา นะ บือดีรี กือฌะ_ เตด บือเลฮ. ญา นะ ฮาบิฮ ซูโงฮ ดัฮ.”_ ญา จะ.
27เยซู มือเลา ปูลัก จะ “กะฆีเตอ ฌูฆา_ ฮอย ซือมียา ดีฮา_ นู นะ มาโซะ ปี ซามุน โกะ ซือบารัก_ เดะ รูมัฮ นะ ซือมียา ตือฆัยํ อูรัจ_ บือเลฮ. กือนา ปี รีฆะ ซือมียา ตือฆัยํ อูรัจ อีตู_ อีกัจ บรี กือฌะ กือมัซ ดูลู. อีกัจ ดัฮ_ บารู นะ ซามุน โกะ ซือบารัก เดะ รูมัฮ อีตู บือเลฮ. 28กู มือเลา ฌางัน กาเญา_ ลาฆู นู ซูโงฮ จะ_ ซือมียา นู บูวัจ ดูซา กะฮามี โปด_ ตูฮัด นะ อาเกะ บรี. มีเซ จะ_ ซือมียา มือเลา ตะอารัฮ กะ ตูฮัด เดะ อาตัซ โปด_ ดูซา อีตู_ ตูฮัด นะ อาเกะ ฌูฆา. 29ตาปี กะ ซือมียา มือเลา ตะอารัฮ_ กะ ซือมืองัจ นะ ตูฮัด_ ดูซา นะ ซือมียา อีตู โปด_ อาเกะ เตด บือเลฮ ลาลู. ลาฆู ดูซา นะ ญา_ เตด ซือลือซัย ซือลาลู ปี ดัฮ.” ญา จะ.
30เยซู มือเลา กะฆีนี_ กรานา ลูมอฮ อีตู บือเลฮ มือเลา จะ_ “อาดา ฮาตู ตะอารัฮ ราโซะ เดะ ญาวา นะ เยซู ดัฮ.”
มะ เดะ เยซู ฌางัน ลูมอฮ อาดี เดะ ญา
(มัดทัย 12.46-50; ลูกา 8.19-21)
31วะตู อีตู_ มะ เดะ เยซู_ ฌางัน โกะ อาดี เดะ ญา_ มาแรฮ รอจ ดัฮ. กูญา บือดีรี โซะ ลามัน รูมัฮ อีตู_ ซูโรฮ ซือมียา มาโซะ ปี บลาโลก เยซู. 32อาดา ซือมียา บาญะ_ ดูโดะ ฌางัน เยซู. กูญา มือญาเระ กะ เยซู จะ_ “ลีฮัจ เลอ_ โกะ มะ_ โกะ อาดีๆ เดะ เกา_ อาดา นาตี โซะ ลามัน_ มาแรฮ ซารี เกา ดัฮ.”
33ตาปี เยซู ตีกัฮ จะ_ “ซาปา เลอ_ นู ฌาดี มะ เดะ กู? ซาปา ซือตืองัฮ_ นู ฌาดี อาดี บราดี เดะ กู?” 34กะฆีเตอ_ เยซู ลีฮัจ กือลีลิก กะ ลูมอฮ ซือมียา_ นู ดูโดะ บือซามา ฌางัน ญา_ มือเลา จะ_ “นี เลอ_ มะ เดะ กู. นี เลอ_ โกะ อาดี บราดี เดะ กู. 35กรานา ซือมียา ดีฮา_ นู บูวัจ ตูโรจ กะ ฮาตี นะ ตูฮัด เดะ อาตัซ_ ซือมียา อีตู เลอ_ นู ฌาดี อาดี บราดี_ กีลากี นีบีนี_ เดะ กู เลอ_ นู ฌาดี มะ เดะ กู ฌูฆา.” ญา จะ.
Currently Selected:
:
Highlight
Share
Copy
Want to have your highlights saved across all your devices? Sign up or sign in