มาระโก 5
5
เยซู โปรฮ ฮาตู เดะ ญาวา ซือมียา
(มัดทัย 8.28-34; ลูกา 8.26-39)
1กะฆีเตอ_ เยซู ฌางัน ลูมอฮ มูเระ นะ ญา_ กูญา ฌรือมัก ลาโวจ_ ปี รอจ กะ นังฆรี นะ ลูมอฮ ฆือราซา#5.1 ซูรัจ ลามา ซือตืองัฮ อาดา ปือนามา จะ “ฆาดารา”_ บือกะ เดะ มท. 8.28 ดัฮ. 2ตานา เยซู ตูโรด เดะ ปราฮู เตอ_ อาดา ซือมียา ซืออูรัก_ ตรือเบะ เดะ ฆูฮา ตานัม บาดัด_ มาแรฮ ดาปัจ เยซู. ซือมียา อีตู กือนา ฮาตู ตะอารัฮ_ มาโซะ ราโซะ ดัฮ. 3ญา เตอ_ ดูโดะ เดะ ฆูฮา ตานัม บาดัด. ฮอย ซาปา รีฆะ อีกัจ ญา บือเลฮ. มีเซ จะ ราตัย โปด_ อีกัจ ญา เตด บือเลฮ ดัฮ เลอ. 4บาญะ กาลี ดัฮ_ กูญา บือเลฮ อาเมด ราตัย มาแรฮ_ นะ อีกัจ ตางัน_ อีกัจ กากี นะ ญา. ตาปี ญา รือฆัก_ บูวัจ บรี ราตัย เดะ ตางัน_ ปูตุซ ฮาบิฮ ดัฮ_ บรี ราตัย เดะ กากี โปด_ ตืออูฆัย ฮาบิฮ ฌูฆา. ฮอย ซาปา นู ตือฆัยํ อูรัจ_ นะ บูวัจ บรี ญา ดูโดะ งะซืองะ. 5ซียัก มาลับ เตอ_ ญา อาดา เดะ บูเกะ_ อาดา เดะ ฆูฮา ซือลาลู. ซัจ ญา บือซูระ_ ซัจ ญา อาเมด บาตู มาแรฮ_ กาเตาะ ญาวา ตะอาซิก_ บรี ลูกา.
6ตานา ซือมียา อีตู ลีฮัจ เยซู_ ตะเดะ ฌาโวฮ_ ญา บลารี มาแรฮ_ ตือมะ มือญือมัฮ กะ เยซู. 7ญา บือซูระ ซือวารา บือซัยํ จะ_ “เออ เยซู_ นานะ นะ ตูฮัด นู ตีงี เดะ อาตัซ_ บูวัจ นามา เกา มาแรฮ บือฆาโดฮ กู? กู มีตา กือมัซๆ_ เดะ ปือนามา นะ ตูฮัด_ ฌางัน บูวัจ บรี กู ฌาฮานัม เลอ.” ญา จะ. 8นู มือเลา กะฆีนี_ กรานา เยซู บือเลฮ มือเลา จะ_ “ฮาตู ตะอารัฮ เออ_ ตรือเบะ มาแรฮ_ เดะ ญาวา นะ ซือมียา อีนี เลอ.”
9กะฆีเตอ_ เยซู ตาญา ซือมียา อีตู จะ_ “เกา ปือนามา นามา?”
ซือมียา อีตู ตีกัฮ จะ_ “กู ปือนามา รีบู#5.9 ปือมือเลา บาซา ลามา ตูโญะ กะ กาวัด ตาฮัน_ ลีมา นัม รีบู อูรัก. ซาเบะ กามี อีนี_ อาดา บาญะ เลอ.” 10กะฆีเตอ_ ซือมียา อีตู_ มีตา เดะ เยซู กือมัซๆ จะ_ “ฌางัน ซูโรฮ ลูมอฮ กามี ตรือเบะ ปี_ เดะ นังฆรี อีนี เลอ.”
11โซะ บูเกะ อีตู_ อาดา กาวัด บาบี_ บาญะ อีโกยํ_ ตืองัฮ มียา มากัด. 12กะฆีเตอ_ ลูมอฮ ฮาตู อีตู_ มีตา เดะ เยซู จะ_ “บรี ลูมอฮ กามี ปี มาโซะ ดาลับ ลูมอฮ บาบี อีตู เลอ.”
13เยซู เตอ_ ญา บรี ดัฮ. กะฆีเตอ_ ลูมอฮ ฮาตู ตะอารัฮ_ ตรือเบะ เดะ ซือมียา อีตู_ ปี มาโซะ ดาลับ กาวัด บาบี. กะฆีเตอ_ กาวัด บาบี อีตู_ ปาคัจ บลารี_ ปี โซะ ลาเฮา นู ตีงี_ ฆูโฆยํ กะ ลาโวจ_ ลือมัซ มาตี เดะ ลาโวจ_ ฮาบิฮ ดัฮ. กาวัด บาบี อีตู กือมูฮา_ ดูวา รีบู อีโกยํ. 14โซะ ซือมียา ปือบือลา บาบี_ กูญา บลารี ปี มือญาเระ ลาฆู อีตู_ กะ ซือมียา ดูโดะ เดะ ตูโปะ_ ฌางัน ซือมียา ดูโดะ โซะ ลูวัยํ ฌูฆา. กะฆีเตอ_ โกะ ซือมียา อีตู_ กูญา ปาคัจ ตรือเบะ ปี_ ลีฮัจ ลาฆู นู บือฌาดี ดัฮ. 15ตานา มาแรฮ รอจ กะ เยซู ดัฮ_ กูญา ลีฮัจ_ ซือมียา อีตู_ นู กาลา ดูลู อาดา ฮาตู มาโซะ ราโซะ ดัฮ_ นู ปือนามา รีบู เตอ. ญา เตอ_ ดูโดะ ซือนัง บาฌิ ดัฮ_ ญา บือปากัย กาเยด บาซา บาฌิ ดัฮ. กะฆีเตอ_ กูญา อีตู_ ปาคัจ ตาโกจ โตระ. 16โซะ โกะ ซือมียา นู ลีฮัจ ดัฮ เตอ_ กูญา มือญาเระ ลาฆู นู บือฌาดี ดัฮ_ ปาซัน ซือมียา อาดา ฮาตู มาโซะ ราโซะ เตอ_ ฌางัน ลาฆู นะ กาวัด บาบี ฌูฆา. 17กะฆีเตอ_ ลูมอฮ ซือมียา อีตู_ ฮึนตะ นะ มีตา เดะ เยซู_ บรี ญา ปี บูวัก_ เดะ ตือกอซ นังฆรี นะ กูญา.
18วะตู เยซู ตืองัฮ ญาแญะ กะ ปราฮู เตอ_ ซือมียา อีตู_ นู กาลา ดูลู_ อาดา ฮาตู มาโซะ ราโซะ เตอ_ ญา มาแรฮ มีตา นะ ปี ซามา. 19ตาปี เยซู ตีเมา บรี ตูโรจ. ญา มือเลา กะ ซือมียา อีตู จะ_ “กือนา ปาเระ ปี กะ รูมัฮ นะ เกา เลอ_ มือญาเระ กะ ลูมอฮ กาวัด นะ เกา จะ_ ตูฮัด เดะ อาตัซ บือเลฮ ตือจีฮัด กะ เกา_ บือเลฮ ตูโลก เกา บาญะ ตารา ดีฮา เลอ.” ญา จะ.
20กะฆีเตอ_ ซือมียา อีตู ปาเระ ปี_ ฮึนตะ นะ มือญาเระ_ เดะ นังฆรี ทดบุรี ราตา จะ_ เยซู บือเลฮ ตูโลก ญา บาญะ กะฮามี ดัฮ. กะฆีเตอ_ ซือมียา ซือมูฮา_ บราซา ปือและ ฮาตี บาญะ.
นานะ มาตี ดัฮ_ เยซู บรี ฮีโดะ ปาเระ
(มัดทัย 9.18-26; ลูกา 8.40-56)
21กะฆีเตอ_ เยซู ญาแญะ ปราฮู_ ฌรือมัก ปี โซะ ซรือบัก. โซะ อีตู_ อาดา ซือมียา บาญะ_ ปาคัจ มาแรฮ ซารี ญา_ เดะ บีดิก ลาโวจ. 22อาดา กือปาลา รูมัฮ บือมุน ซืออูรัก_ ปือนามา ยัยรัด เตอ_ ญา มาแรฮ ซารี เยซู. ดาปัจ เยซู ดัฮ_ ญา ตือมะ มือญือมัฮ เดะ กากี นะ ญา. 23ญา ปูโฌะ เยซู_ มีตา จะ_ “นานะ นีบีนี นู ดือมิ นะ กู เตอ_ ญา ซาเกะ โตระ_ มาจับ นะ มาตี ดัฮ. มีตา มาแรฮ_ ปือเตาะ ตางัน เดะ ญาวา ญา_ บรี ญา นะ ซือนัง บาฌิ เลอ_ บรี ลือปัซ เดะ มาตี ดัฮ.” ญา จะ.
24กะฆีเตอ_ เยซู ญา ปี ฌางัน กือปาลา อีตู. อาดา โกะ ลูมอฮ ซือมียา บาญะ_ กูญา ตูโรจ ปี ซามา_ กูญา กือลีลิก เยซู ฌู กรือจัจ.
25อาดา นีบีนี ซืออูรัก_ นู ฌาดี ปือญาเกะ ตรือเบะ ดารัฮ เตด บราดู_ กือมูฮา ดูวา บือลัซ ตาโฮด ดัฮ. 26ญา ซูซัฮ โตระ_ ปี มียา บูมอยํ_ บาญะ อูรัก_ ตือดะ ดูเวะ นะ ญา ฮาบิฮ ดัฮ_ ตาปี ปือญาเกะ นะ ญา_ เตด ลือฆา ลาลู. ดรัซ ลามา_ ดรัซ ซาเกะ โตระ. 27นีบีนี อีตู_ ดืองัยํ ลาฆู นะ เยซู ดัฮ. กะฆีเตอ_ ญา มือฮือนะ มาแรฮ โซะ บลากัก_ เดะ ตืองัฮ ลูมอฮ ซือมียา บาญะ อีตู_ ญา ซูโรก ตางัน_ ปือเตาะ เดะ บาฌู นะ เยซู_ 28ซาเบะ ญา อีงัจ จะ_ “มีเซ จะ กู ปือเตาะ_ กือนา ซา เดะ บาฌู นะ ญา โปด_ ปือญาเกะ นะ กู นะ ลือฆา_ ซือนัง บาฌิ เลอ.”
29ดัดดัด อีตู_ ดารัฮ นู ตรือเบะ เตอ_ บราดู กริก ดัฮ. ญา บราซา จะ_ ปือญาเกะ เดะ ญาวา นะ ญา_ ลือฆา บาฌิ ดัฮ เลอ.
30ดัดดัด เยซู ญา บราซา ตาฮู จะ_ อาดา นู ปือมือฆัฮ ตรือเบะ เดะ ญาวา นะ ญา. กะฆีเตอ_ ญา อาเลฮ บลากัก_ เดะ ตืองัฮ ลูมอฮ ซือมียา บาญะ อีตู_ มือเลา จะ_ “ซาปา เลอ_ นู ปือเตาะ กาเยด นะ กู ดัฮ?”
31ลูมอฮ มูเระ นะ ญา มือเลา จะ_ “โบะ เกา ลีฮัจ อาดา ซือมียา บาญะ_ กรือจัจ กือลีลิก กะฆีนี. บูวัจ นามา_ เกา ตาญา จะ_ ซาปา ปือเตาะ กู?”
32ตาปี เยซู อาเลฮ ลีฮัจ โซะ กือลีลิก_ นะ ลีฮัจ จะ_ ซาปา นู บูวัจ ลาฆู อีตู ดัฮ. 33กะฆีเตอ_ นีบีนี อีตู เตอ_ ญา ตาฮู ลาฆู นู บือฌาดี_ เดะ ญาวา นะ ญา. ญา มาแรฮ_ ตาโกจ ฌู ญาวา กือตัยํ_ ญา ตือมะ มือญือมัฮ โซะ ฮือลด มูคา นะ เยซู_ มือญาเระ กะ เยซู_ ลาฆู นู บือฌาดี ดัฮ_ ซือมูฮา. 34กะฆีเตอ_ เยซู มือเลา กะ ญา จะ_ “อียา เออ_ ซาเบะ เกา ปือจายา เตอ_ กะฆีเตอ เกา ซือนัง บาฌิ ดัฮ. ปี ซือนัง ซือลามัจ เลอ. ปือญาเกะ นะ เกา ลือฆา ฮาบิฮ ดัฮ.” ญา จะ.
35วะตู เยซู ตืองัฮ มือเลา กะฆีนี_ อาดา โกะ ซือมียา มาแรฮ_ ดาตัก เดะ รูมัฮ นะ กือปาลา รูมัฮ บือมุน อีตู_ มือญาเระ จะ_ “นานะ นีบีนี นะ เกา_ ญา มาตี ดัฮ. บูวัจ นามา_ เกา บือฆาโดฮ เยซู ลาฆี?”
36ตาปี โซะ เยซู เตอ_ ญา ฮอย เตด ปือดูลี ปือมือเลา นะ กูญา. ญา มือเลา กะ กือปาลา อีตู จะ_ “ฌางัน นะ ตาโกจ. อาดู เกา ปือจายา เลอ.”_
37เยซู เตอ_ ญา ตีเมา บรี ซาปา ตูโรจ ปี ซามา. นู บือเลฮ ปี เตอ_ อาดา เปโตร_ ยากอบ_ ฌางัน โยฮัน_ อาดี เดะ ยากอบ ซามา. 38ตานา กูญา มาแรฮ รอจ กะ รูมัฮ นะ กือปาลา รูมัฮ บือมุน ดัฮ_ เยซู เตอ_ ญา ลีฮัจ จะ_ กูญา บือฆาโดฮ. อาดา ซือมียา ปาคัจ มือนาแงฮ_ บือปาโตด_ ซือวารา บือซัยํ. 39เยซู เตอ_ ญา มาโซะ ปี_ มือเลา ฌางัน กูญา จะ_ “กาเญา ซือมูฮา_ บูวัจ นามา ปะ_ กาเญา บือฆาโดฮ มือนาแงฮ กะฆีนี? นานะ อีนี เตอ_ ญา ฮอย เตด มาตี ดัฮ_ ฮาฌา ญา ตีโนะ ลีนา เลอ.” ญา จะ.
40ตาปี โกะ ซือมียา อีตู_ กูญา ปาคัจ อาฆัฮ ฆือละ กะ เยซู. กะฆีเตอ_ เยซู ญา โปรฮ กูญา ซือมูฮา_ บรี ตรือเบะ ปี กะ ลูวัยํ ดัฮ. อาดา ซา เอด อาโปก เดะ นานะ อีตู_ ฌางัน มูเระ นะ ญา_ นู มาแรฮ ซามา เตอ_ ญา บาวา มาโซะ ปี_ กะ ดาลับ รูวัก นานะ นีบีนี อีตู.
41กะฆีเตอ_ เยซู ญา ปือฆัก ตางัน นานะ นีบีนี อีตู_ มือเลา กะ ญา จะ_ “ทาลิทา คูมิ”_ ฌาดี จะ_ “อียา เออ. กู ซูโรฮ เกา บีกัซ เลอ.”
42ดัดดัด อีตู_ นานะ นีบีนี เตอ_ ญา บีกัซ บือดีรี_ บือฌาลัด ดัฮ. อูมอยํ นะ ญา_ ดูวา บือลัซ ตาโฮด เลอ. กะฆีเตอ_ ซือมียา ซือมูฮา_ ปาคัจ ปือและ ฮาตี ซูโงฮ. 43ตาปี เยซู เตอ_ ญา บลารัก กูญา อีตู กือมัซๆ จะ_ ตีเมา บรี ซาปาๆ ตาฮู ลาฆู อีนี. ญา ซูโรฮ กูญา อาเมด ซือบารัก มากัด_ บรี กะ นานะ นีบีนี อีตู มากัด เลอ.
Currently Selected:
มาระโก 5: ULBIBLE
Highlight
Share
Copy
Want to have your highlights saved across all your devices? Sign up or sign in
มาระโก 5
5
เยซู โปรฮ ฮาตู เดะ ญาวา ซือมียา
(มัดทัย 8.28-34; ลูกา 8.26-39)
1กะฆีเตอ_ เยซู ฌางัน ลูมอฮ มูเระ นะ ญา_ กูญา ฌรือมัก ลาโวจ_ ปี รอจ กะ นังฆรี นะ ลูมอฮ ฆือราซา#5.1 ซูรัจ ลามา ซือตืองัฮ อาดา ปือนามา จะ “ฆาดารา”_ บือกะ เดะ มท. 8.28 ดัฮ. 2ตานา เยซู ตูโรด เดะ ปราฮู เตอ_ อาดา ซือมียา ซืออูรัก_ ตรือเบะ เดะ ฆูฮา ตานัม บาดัด_ มาแรฮ ดาปัจ เยซู. ซือมียา อีตู กือนา ฮาตู ตะอารัฮ_ มาโซะ ราโซะ ดัฮ. 3ญา เตอ_ ดูโดะ เดะ ฆูฮา ตานัม บาดัด. ฮอย ซาปา รีฆะ อีกัจ ญา บือเลฮ. มีเซ จะ ราตัย โปด_ อีกัจ ญา เตด บือเลฮ ดัฮ เลอ. 4บาญะ กาลี ดัฮ_ กูญา บือเลฮ อาเมด ราตัย มาแรฮ_ นะ อีกัจ ตางัน_ อีกัจ กากี นะ ญา. ตาปี ญา รือฆัก_ บูวัจ บรี ราตัย เดะ ตางัน_ ปูตุซ ฮาบิฮ ดัฮ_ บรี ราตัย เดะ กากี โปด_ ตืออูฆัย ฮาบิฮ ฌูฆา. ฮอย ซาปา นู ตือฆัยํ อูรัจ_ นะ บูวัจ บรี ญา ดูโดะ งะซืองะ. 5ซียัก มาลับ เตอ_ ญา อาดา เดะ บูเกะ_ อาดา เดะ ฆูฮา ซือลาลู. ซัจ ญา บือซูระ_ ซัจ ญา อาเมด บาตู มาแรฮ_ กาเตาะ ญาวา ตะอาซิก_ บรี ลูกา.
6ตานา ซือมียา อีตู ลีฮัจ เยซู_ ตะเดะ ฌาโวฮ_ ญา บลารี มาแรฮ_ ตือมะ มือญือมัฮ กะ เยซู. 7ญา บือซูระ ซือวารา บือซัยํ จะ_ “เออ เยซู_ นานะ นะ ตูฮัด นู ตีงี เดะ อาตัซ_ บูวัจ นามา เกา มาแรฮ บือฆาโดฮ กู? กู มีตา กือมัซๆ_ เดะ ปือนามา นะ ตูฮัด_ ฌางัน บูวัจ บรี กู ฌาฮานัม เลอ.” ญา จะ. 8นู มือเลา กะฆีนี_ กรานา เยซู บือเลฮ มือเลา จะ_ “ฮาตู ตะอารัฮ เออ_ ตรือเบะ มาแรฮ_ เดะ ญาวา นะ ซือมียา อีนี เลอ.”
9กะฆีเตอ_ เยซู ตาญา ซือมียา อีตู จะ_ “เกา ปือนามา นามา?”
ซือมียา อีตู ตีกัฮ จะ_ “กู ปือนามา รีบู#5.9 ปือมือเลา บาซา ลามา ตูโญะ กะ กาวัด ตาฮัน_ ลีมา นัม รีบู อูรัก. ซาเบะ กามี อีนี_ อาดา บาญะ เลอ.” 10กะฆีเตอ_ ซือมียา อีตู_ มีตา เดะ เยซู กือมัซๆ จะ_ “ฌางัน ซูโรฮ ลูมอฮ กามี ตรือเบะ ปี_ เดะ นังฆรี อีนี เลอ.”
11โซะ บูเกะ อีตู_ อาดา กาวัด บาบี_ บาญะ อีโกยํ_ ตืองัฮ มียา มากัด. 12กะฆีเตอ_ ลูมอฮ ฮาตู อีตู_ มีตา เดะ เยซู จะ_ “บรี ลูมอฮ กามี ปี มาโซะ ดาลับ ลูมอฮ บาบี อีตู เลอ.”
13เยซู เตอ_ ญา บรี ดัฮ. กะฆีเตอ_ ลูมอฮ ฮาตู ตะอารัฮ_ ตรือเบะ เดะ ซือมียา อีตู_ ปี มาโซะ ดาลับ กาวัด บาบี. กะฆีเตอ_ กาวัด บาบี อีตู_ ปาคัจ บลารี_ ปี โซะ ลาเฮา นู ตีงี_ ฆูโฆยํ กะ ลาโวจ_ ลือมัซ มาตี เดะ ลาโวจ_ ฮาบิฮ ดัฮ. กาวัด บาบี อีตู กือมูฮา_ ดูวา รีบู อีโกยํ. 14โซะ ซือมียา ปือบือลา บาบี_ กูญา บลารี ปี มือญาเระ ลาฆู อีตู_ กะ ซือมียา ดูโดะ เดะ ตูโปะ_ ฌางัน ซือมียา ดูโดะ โซะ ลูวัยํ ฌูฆา. กะฆีเตอ_ โกะ ซือมียา อีตู_ กูญา ปาคัจ ตรือเบะ ปี_ ลีฮัจ ลาฆู นู บือฌาดี ดัฮ. 15ตานา มาแรฮ รอจ กะ เยซู ดัฮ_ กูญา ลีฮัจ_ ซือมียา อีตู_ นู กาลา ดูลู อาดา ฮาตู มาโซะ ราโซะ ดัฮ_ นู ปือนามา รีบู เตอ. ญา เตอ_ ดูโดะ ซือนัง บาฌิ ดัฮ_ ญา บือปากัย กาเยด บาซา บาฌิ ดัฮ. กะฆีเตอ_ กูญา อีตู_ ปาคัจ ตาโกจ โตระ. 16โซะ โกะ ซือมียา นู ลีฮัจ ดัฮ เตอ_ กูญา มือญาเระ ลาฆู นู บือฌาดี ดัฮ_ ปาซัน ซือมียา อาดา ฮาตู มาโซะ ราโซะ เตอ_ ฌางัน ลาฆู นะ กาวัด บาบี ฌูฆา. 17กะฆีเตอ_ ลูมอฮ ซือมียา อีตู_ ฮึนตะ นะ มีตา เดะ เยซู_ บรี ญา ปี บูวัก_ เดะ ตือกอซ นังฆรี นะ กูญา.
18วะตู เยซู ตืองัฮ ญาแญะ กะ ปราฮู เตอ_ ซือมียา อีตู_ นู กาลา ดูลู_ อาดา ฮาตู มาโซะ ราโซะ เตอ_ ญา มาแรฮ มีตา นะ ปี ซามา. 19ตาปี เยซู ตีเมา บรี ตูโรจ. ญา มือเลา กะ ซือมียา อีตู จะ_ “กือนา ปาเระ ปี กะ รูมัฮ นะ เกา เลอ_ มือญาเระ กะ ลูมอฮ กาวัด นะ เกา จะ_ ตูฮัด เดะ อาตัซ บือเลฮ ตือจีฮัด กะ เกา_ บือเลฮ ตูโลก เกา บาญะ ตารา ดีฮา เลอ.” ญา จะ.
20กะฆีเตอ_ ซือมียา อีตู ปาเระ ปี_ ฮึนตะ นะ มือญาเระ_ เดะ นังฆรี ทดบุรี ราตา จะ_ เยซู บือเลฮ ตูโลก ญา บาญะ กะฮามี ดัฮ. กะฆีเตอ_ ซือมียา ซือมูฮา_ บราซา ปือและ ฮาตี บาญะ.
นานะ มาตี ดัฮ_ เยซู บรี ฮีโดะ ปาเระ
(มัดทัย 9.18-26; ลูกา 8.40-56)
21กะฆีเตอ_ เยซู ญาแญะ ปราฮู_ ฌรือมัก ปี โซะ ซรือบัก. โซะ อีตู_ อาดา ซือมียา บาญะ_ ปาคัจ มาแรฮ ซารี ญา_ เดะ บีดิก ลาโวจ. 22อาดา กือปาลา รูมัฮ บือมุน ซืออูรัก_ ปือนามา ยัยรัด เตอ_ ญา มาแรฮ ซารี เยซู. ดาปัจ เยซู ดัฮ_ ญา ตือมะ มือญือมัฮ เดะ กากี นะ ญา. 23ญา ปูโฌะ เยซู_ มีตา จะ_ “นานะ นีบีนี นู ดือมิ นะ กู เตอ_ ญา ซาเกะ โตระ_ มาจับ นะ มาตี ดัฮ. มีตา มาแรฮ_ ปือเตาะ ตางัน เดะ ญาวา ญา_ บรี ญา นะ ซือนัง บาฌิ เลอ_ บรี ลือปัซ เดะ มาตี ดัฮ.” ญา จะ.
24กะฆีเตอ_ เยซู ญา ปี ฌางัน กือปาลา อีตู. อาดา โกะ ลูมอฮ ซือมียา บาญะ_ กูญา ตูโรจ ปี ซามา_ กูญา กือลีลิก เยซู ฌู กรือจัจ.
25อาดา นีบีนี ซืออูรัก_ นู ฌาดี ปือญาเกะ ตรือเบะ ดารัฮ เตด บราดู_ กือมูฮา ดูวา บือลัซ ตาโฮด ดัฮ. 26ญา ซูซัฮ โตระ_ ปี มียา บูมอยํ_ บาญะ อูรัก_ ตือดะ ดูเวะ นะ ญา ฮาบิฮ ดัฮ_ ตาปี ปือญาเกะ นะ ญา_ เตด ลือฆา ลาลู. ดรัซ ลามา_ ดรัซ ซาเกะ โตระ. 27นีบีนี อีตู_ ดืองัยํ ลาฆู นะ เยซู ดัฮ. กะฆีเตอ_ ญา มือฮือนะ มาแรฮ โซะ บลากัก_ เดะ ตืองัฮ ลูมอฮ ซือมียา บาญะ อีตู_ ญา ซูโรก ตางัน_ ปือเตาะ เดะ บาฌู นะ เยซู_ 28ซาเบะ ญา อีงัจ จะ_ “มีเซ จะ กู ปือเตาะ_ กือนา ซา เดะ บาฌู นะ ญา โปด_ ปือญาเกะ นะ กู นะ ลือฆา_ ซือนัง บาฌิ เลอ.”
29ดัดดัด อีตู_ ดารัฮ นู ตรือเบะ เตอ_ บราดู กริก ดัฮ. ญา บราซา จะ_ ปือญาเกะ เดะ ญาวา นะ ญา_ ลือฆา บาฌิ ดัฮ เลอ.
30ดัดดัด เยซู ญา บราซา ตาฮู จะ_ อาดา นู ปือมือฆัฮ ตรือเบะ เดะ ญาวา นะ ญา. กะฆีเตอ_ ญา อาเลฮ บลากัก_ เดะ ตืองัฮ ลูมอฮ ซือมียา บาญะ อีตู_ มือเลา จะ_ “ซาปา เลอ_ นู ปือเตาะ กาเยด นะ กู ดัฮ?”
31ลูมอฮ มูเระ นะ ญา มือเลา จะ_ “โบะ เกา ลีฮัจ อาดา ซือมียา บาญะ_ กรือจัจ กือลีลิก กะฆีนี. บูวัจ นามา_ เกา ตาญา จะ_ ซาปา ปือเตาะ กู?”
32ตาปี เยซู อาเลฮ ลีฮัจ โซะ กือลีลิก_ นะ ลีฮัจ จะ_ ซาปา นู บูวัจ ลาฆู อีตู ดัฮ. 33กะฆีเตอ_ นีบีนี อีตู เตอ_ ญา ตาฮู ลาฆู นู บือฌาดี_ เดะ ญาวา นะ ญา. ญา มาแรฮ_ ตาโกจ ฌู ญาวา กือตัยํ_ ญา ตือมะ มือญือมัฮ โซะ ฮือลด มูคา นะ เยซู_ มือญาเระ กะ เยซู_ ลาฆู นู บือฌาดี ดัฮ_ ซือมูฮา. 34กะฆีเตอ_ เยซู มือเลา กะ ญา จะ_ “อียา เออ_ ซาเบะ เกา ปือจายา เตอ_ กะฆีเตอ เกา ซือนัง บาฌิ ดัฮ. ปี ซือนัง ซือลามัจ เลอ. ปือญาเกะ นะ เกา ลือฆา ฮาบิฮ ดัฮ.” ญา จะ.
35วะตู เยซู ตืองัฮ มือเลา กะฆีนี_ อาดา โกะ ซือมียา มาแรฮ_ ดาตัก เดะ รูมัฮ นะ กือปาลา รูมัฮ บือมุน อีตู_ มือญาเระ จะ_ “นานะ นีบีนี นะ เกา_ ญา มาตี ดัฮ. บูวัจ นามา_ เกา บือฆาโดฮ เยซู ลาฆี?”
36ตาปี โซะ เยซู เตอ_ ญา ฮอย เตด ปือดูลี ปือมือเลา นะ กูญา. ญา มือเลา กะ กือปาลา อีตู จะ_ “ฌางัน นะ ตาโกจ. อาดู เกา ปือจายา เลอ.”_
37เยซู เตอ_ ญา ตีเมา บรี ซาปา ตูโรจ ปี ซามา. นู บือเลฮ ปี เตอ_ อาดา เปโตร_ ยากอบ_ ฌางัน โยฮัน_ อาดี เดะ ยากอบ ซามา. 38ตานา กูญา มาแรฮ รอจ กะ รูมัฮ นะ กือปาลา รูมัฮ บือมุน ดัฮ_ เยซู เตอ_ ญา ลีฮัจ จะ_ กูญา บือฆาโดฮ. อาดา ซือมียา ปาคัจ มือนาแงฮ_ บือปาโตด_ ซือวารา บือซัยํ. 39เยซู เตอ_ ญา มาโซะ ปี_ มือเลา ฌางัน กูญา จะ_ “กาเญา ซือมูฮา_ บูวัจ นามา ปะ_ กาเญา บือฆาโดฮ มือนาแงฮ กะฆีนี? นานะ อีนี เตอ_ ญา ฮอย เตด มาตี ดัฮ_ ฮาฌา ญา ตีโนะ ลีนา เลอ.” ญา จะ.
40ตาปี โกะ ซือมียา อีตู_ กูญา ปาคัจ อาฆัฮ ฆือละ กะ เยซู. กะฆีเตอ_ เยซู ญา โปรฮ กูญา ซือมูฮา_ บรี ตรือเบะ ปี กะ ลูวัยํ ดัฮ. อาดา ซา เอด อาโปก เดะ นานะ อีตู_ ฌางัน มูเระ นะ ญา_ นู มาแรฮ ซามา เตอ_ ญา บาวา มาโซะ ปี_ กะ ดาลับ รูวัก นานะ นีบีนี อีตู.
41กะฆีเตอ_ เยซู ญา ปือฆัก ตางัน นานะ นีบีนี อีตู_ มือเลา กะ ญา จะ_ “ทาลิทา คูมิ”_ ฌาดี จะ_ “อียา เออ. กู ซูโรฮ เกา บีกัซ เลอ.”
42ดัดดัด อีตู_ นานะ นีบีนี เตอ_ ญา บีกัซ บือดีรี_ บือฌาลัด ดัฮ. อูมอยํ นะ ญา_ ดูวา บือลัซ ตาโฮด เลอ. กะฆีเตอ_ ซือมียา ซือมูฮา_ ปาคัจ ปือและ ฮาตี ซูโงฮ. 43ตาปี เยซู เตอ_ ญา บลารัก กูญา อีตู กือมัซๆ จะ_ ตีเมา บรี ซาปาๆ ตาฮู ลาฆู อีนี. ญา ซูโรฮ กูญา อาเมด ซือบารัก มากัด_ บรี กะ นานะ นีบีนี อีตู มากัด เลอ.
Currently Selected:
:
Highlight
Share
Copy
Want to have your highlights saved across all your devices? Sign up or sign in