GENESIS 11
11
1Anegookookummegaug dush uhkee kepazhigwun inwawin, kuhya nahsaub keëzhekekedoom.
2Kepuhgummeähyahmahgud dush, magwah uhnepemoosawaud wahbunoong keöonjebahwaud, oogemekahnahwah mushkooda emuh Shinar duhzhe uhkeeng; me dush emuh keduhnuhkewaud.
3Pazhig dush enene oo‐oo oogeënaun enewh weejeduhnuhkewamahgunun, Umba oozhetoodahnin miskwuhsineen, kuhya wahweenga shahbwahbekezindahnin. Kuhya ahsineeng oogenahbujjetoonahwah miskwuhsineen, kuhya shegwahbeketang oogeënahbujjetoonahwah pegewh.
4Oo‐oo dush keëkedoowug, Umba oozhetahmahdezoodah keche‐oodanah kuhya kache‐ishpaug wahkahegun, ishpeming katabahquahquuhmook; oozhetuhmahdezoodah dush ezhenekahzoowin, cheöonjesuhswashkahsewung emuh anegookookummegaug uhkeeng.
5Jehovah dush ishpeming kepeöonjeëzhah chewahbundung ewh keche‐oodanah kuhya wahkahegun, kahoozhetoonid enene oonejahnesun.
6Oo‐oo dush keëkedoo Jehovah, Benuh, pazhigwunene azheweenzoowaud oogoo ahnishenahbag, kuhya pazhigwunene oodinwawinewah; oogemahje‐ahnooketahnahwah dush oo‐oo ahnookeewin; kah suh dush gagoo oogahpwahnuhwetoosenahwah, menik ananduhmoowaud cheëzhechegawaud.
7Umba, uhkeeng ezhahdah chenishwuhnauzinwaüngwah, chenesittootahdesigwah.
8Me dush Jehovah kahezhesuhswashkahwaud ewede oonje emuh anegookookummegaug uhkeeng: oogepoonetoonahwah dush oozhetoowahpun keche‐oodanah.
9Mesuh Babel wanjeëzhekahdag; me mah emuh Jehovah kahnishwuhnahzinwaäud kuhkenuh enewh abeetuhmenejin uhkee, Mesuh kuhya ewede Jehovah kahoonjesuhswashkahwaud emah anegookookummegaug uhkee.
10¶ Mesuh oo‐oo kahezheähneka‐bemahdezenid oonejahnesun owh Shem: keningoodwauk duhsoo pepoon‐uhgeze Shem, kuhya oogeöogwissenun Arphaxadun nauzhoopepoonuhguk kahishquah‐mooshkuhung uhkee;
11Shem dush kebemahdeze kahoondahdezenid Arphaxadun naunwauk duhsoo pepoon, oogeähyahwaun oogwissun kuhya oodahnissun.
12Arphaxad dush kenesemeduhnuh‐dussoo‐pepoon‐uhgeze ahshe nahnun, oogeöogwissenun dush Salahun.
13Arphaxad dush kebemahdeze kahoondahdezenid Salahun newauk duhsoo‐pepoon ahshe neswe, oogeähyahwaun dush oogwissun kuhya oodahnissun.
14Salah dush kenesemeduhnuh dussoo pepoon‐uhgeze, kuhya oogeöogwissenun Eberun.
15Salah dush kebemahdeze kahoondahdezenid Eberun newauk duhsoo pepoon ahshe neswe, oogeähyahwaun dush oogwissun kuhya oodahnissun.
16Eber dush kenesemeduhnuh duhsoo‐pepoon‐uhgeze ahshe newin, kuhya oogeöogwissenun Pelegun:
17Eber dush kebemahdeze kahoondahdezenid Pelegun newauk duhsoo‐pepoon ahshe nesemeduhnuh, oogeähyahwaun dush oogwissun kuhya oodahnissun.
18Peleg dush kenesemeduhnuh‐duhsoo‐pepoon‐uhgeze, kuhya oogeöogwissenun Reuün:
19Peleg dush kebemahdeze kahoondahdezenid Reuün neezhwauk duhsoo‐pepoon ahshe shaungusswe, oogeähyahwaun dush oogwissun kuhya oodahnissun.
20Reu dush kenesemeduhnuh dussoo pepoon‐uhgeze ahshe neezh, kuhya oogeöogwissenun Serugun:
21Reu dush kebemahdeze kahoondahdezenid Serugun neezhwauk duhsoo pepoon ahshe neezhwahswe, kuhya oogeähyahwaun oogwissun kuhya oodahnissun.
22Serug dush kenesemeduhnuh‐duhsoo‐pepoon‐uhgeze, kuhya oogeöogwissenun Nahorun:
23Serug dush kebemahdeze kahoondahdezenid Nahorun neezhwauk‐duhsoo‐pepoon, oogeähyahwaun dush oogwissun kuhya oodahnissun.
24Nahor dush keneezhtuhnuh‐duhsoo‐pepoon‐uhgeze ahshe shaungusswe, kuhya oogeöogwissenun Terahun:
25Nahor dush kebemahdeze kahoondahzenid Terahun ningoodwauk‐duhsoo‐pepoon ahshe metauswe ahshe shaungusswe, oogeähyahwaun dush oogwissun kuhya oodahnissun.
26Terah dush keneezhwahsemeduhnuh‐duhsoo‐pepoon‐uhgeze, kuhya oogeöogwissenun Abramun, kuhya Nahorun, kuhya Haranun.
27¶ Mesuh oo‐oo kahezheähneka‐bemahdezenid Terah oonejahnesun: Terah oogeöogwissenun Abramun, kuhya Nahorun, kuhya Haranun; kuhya Haran oogeöogwissenun Lotun.
28Haran dush keneboo chepwah neboonid oosun Terah emuh uhkeeng kahoondahdezenid, keduhpena suh Uring egewh Chaldeeüg ooduhkeemewah.
29Abram dush kuhya Nahor oogeöodahpenahwaun equawun: Sarai keëzhenekahzoowun Abram oowedegamahgunun; kuhya Milcah keëezhenekahzoowun Nahor oowedegahmahgunun, oodahnun owh Haran, oosun ewh Milcah, kuhya oosun owh Iscah.
30Kah dush kenetahnegeëwase Sarai; kah ween keöonejahnesese.
31Terah dush oogeöodahpenaun enewh oogwissun Abramun, kuhya Lotun oozheshayun, kuhya Sarai oosemeen, oogwissun Abram oowedegamahgunene; kesahguhumoog dush emuh Uring ewh Chaldeeüg ooduhkemewah Canaaning duhzhe uhkeeng weëzhahwaud, kepeëzhahwug dush ewede Haraning, keduhnuhkeewug dush emuh.
32Kuhkenuh dush ookezhegudoomun owh Terah menik kahbemahdezid mesuh neezhwauk duhsoopepoon ahshe nahnun; emuh dush Haraning keduhpena Terah.
Currently Selected:
GENESIS 11: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
GENESIS 11
11
1Anegookookummegaug dush uhkee kepazhigwun inwawin, kuhya nahsaub keëzhekekedoom.
2Kepuhgummeähyahmahgud dush, magwah uhnepemoosawaud wahbunoong keöonjebahwaud, oogemekahnahwah mushkooda emuh Shinar duhzhe uhkeeng; me dush emuh keduhnuhkewaud.
3Pazhig dush enene oo‐oo oogeënaun enewh weejeduhnuhkewamahgunun, Umba oozhetoodahnin miskwuhsineen, kuhya wahweenga shahbwahbekezindahnin. Kuhya ahsineeng oogenahbujjetoonahwah miskwuhsineen, kuhya shegwahbeketang oogeënahbujjetoonahwah pegewh.
4Oo‐oo dush keëkedoowug, Umba oozhetahmahdezoodah keche‐oodanah kuhya kache‐ishpaug wahkahegun, ishpeming katabahquahquuhmook; oozhetuhmahdezoodah dush ezhenekahzoowin, cheöonjesuhswashkahsewung emuh anegookookummegaug uhkeeng.
5Jehovah dush ishpeming kepeöonjeëzhah chewahbundung ewh keche‐oodanah kuhya wahkahegun, kahoozhetoonid enene oonejahnesun.
6Oo‐oo dush keëkedoo Jehovah, Benuh, pazhigwunene azheweenzoowaud oogoo ahnishenahbag, kuhya pazhigwunene oodinwawinewah; oogemahje‐ahnooketahnahwah dush oo‐oo ahnookeewin; kah suh dush gagoo oogahpwahnuhwetoosenahwah, menik ananduhmoowaud cheëzhechegawaud.
7Umba, uhkeeng ezhahdah chenishwuhnauzinwaüngwah, chenesittootahdesigwah.
8Me dush Jehovah kahezhesuhswashkahwaud ewede oonje emuh anegookookummegaug uhkeeng: oogepoonetoonahwah dush oozhetoowahpun keche‐oodanah.
9Mesuh Babel wanjeëzhekahdag; me mah emuh Jehovah kahnishwuhnahzinwaäud kuhkenuh enewh abeetuhmenejin uhkee, Mesuh kuhya ewede Jehovah kahoonjesuhswashkahwaud emah anegookookummegaug uhkee.
10¶ Mesuh oo‐oo kahezheähneka‐bemahdezenid oonejahnesun owh Shem: keningoodwauk duhsoo pepoon‐uhgeze Shem, kuhya oogeöogwissenun Arphaxadun nauzhoopepoonuhguk kahishquah‐mooshkuhung uhkee;
11Shem dush kebemahdeze kahoondahdezenid Arphaxadun naunwauk duhsoo pepoon, oogeähyahwaun oogwissun kuhya oodahnissun.
12Arphaxad dush kenesemeduhnuh‐dussoo‐pepoon‐uhgeze ahshe nahnun, oogeöogwissenun dush Salahun.
13Arphaxad dush kebemahdeze kahoondahdezenid Salahun newauk duhsoo‐pepoon ahshe neswe, oogeähyahwaun dush oogwissun kuhya oodahnissun.
14Salah dush kenesemeduhnuh dussoo pepoon‐uhgeze, kuhya oogeöogwissenun Eberun.
15Salah dush kebemahdeze kahoondahdezenid Eberun newauk duhsoo pepoon ahshe neswe, oogeähyahwaun dush oogwissun kuhya oodahnissun.
16Eber dush kenesemeduhnuh duhsoo‐pepoon‐uhgeze ahshe newin, kuhya oogeöogwissenun Pelegun:
17Eber dush kebemahdeze kahoondahdezenid Pelegun newauk duhsoo‐pepoon ahshe nesemeduhnuh, oogeähyahwaun dush oogwissun kuhya oodahnissun.
18Peleg dush kenesemeduhnuh‐duhsoo‐pepoon‐uhgeze, kuhya oogeöogwissenun Reuün:
19Peleg dush kebemahdeze kahoondahdezenid Reuün neezhwauk duhsoo‐pepoon ahshe shaungusswe, oogeähyahwaun dush oogwissun kuhya oodahnissun.
20Reu dush kenesemeduhnuh dussoo pepoon‐uhgeze ahshe neezh, kuhya oogeöogwissenun Serugun:
21Reu dush kebemahdeze kahoondahdezenid Serugun neezhwauk duhsoo pepoon ahshe neezhwahswe, kuhya oogeähyahwaun oogwissun kuhya oodahnissun.
22Serug dush kenesemeduhnuh‐duhsoo‐pepoon‐uhgeze, kuhya oogeöogwissenun Nahorun:
23Serug dush kebemahdeze kahoondahdezenid Nahorun neezhwauk‐duhsoo‐pepoon, oogeähyahwaun dush oogwissun kuhya oodahnissun.
24Nahor dush keneezhtuhnuh‐duhsoo‐pepoon‐uhgeze ahshe shaungusswe, kuhya oogeöogwissenun Terahun:
25Nahor dush kebemahdeze kahoondahzenid Terahun ningoodwauk‐duhsoo‐pepoon ahshe metauswe ahshe shaungusswe, oogeähyahwaun dush oogwissun kuhya oodahnissun.
26Terah dush keneezhwahsemeduhnuh‐duhsoo‐pepoon‐uhgeze, kuhya oogeöogwissenun Abramun, kuhya Nahorun, kuhya Haranun.
27¶ Mesuh oo‐oo kahezheähneka‐bemahdezenid Terah oonejahnesun: Terah oogeöogwissenun Abramun, kuhya Nahorun, kuhya Haranun; kuhya Haran oogeöogwissenun Lotun.
28Haran dush keneboo chepwah neboonid oosun Terah emuh uhkeeng kahoondahdezenid, keduhpena suh Uring egewh Chaldeeüg ooduhkeemewah.
29Abram dush kuhya Nahor oogeöodahpenahwaun equawun: Sarai keëzhenekahzoowun Abram oowedegamahgunun; kuhya Milcah keëezhenekahzoowun Nahor oowedegahmahgunun, oodahnun owh Haran, oosun ewh Milcah, kuhya oosun owh Iscah.
30Kah dush kenetahnegeëwase Sarai; kah ween keöonejahnesese.
31Terah dush oogeöodahpenaun enewh oogwissun Abramun, kuhya Lotun oozheshayun, kuhya Sarai oosemeen, oogwissun Abram oowedegamahgunene; kesahguhumoog dush emuh Uring ewh Chaldeeüg ooduhkemewah Canaaning duhzhe uhkeeng weëzhahwaud, kepeëzhahwug dush ewede Haraning, keduhnuhkeewug dush emuh.
32Kuhkenuh dush ookezhegudoomun owh Terah menik kahbemahdezid mesuh neezhwauk duhsoopepoon ahshe nahnun; emuh dush Haraning keduhpena Terah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.