ST. LUKE 15
15
1Oogepenaunzekahgoon dush kuhkenuh enewh mahwunjechega‐wenenewun kuhya majeëzhewabezenejin chebezindahgood.
2Egewh dush Phariseeg kuhya egewh oozhebeëga‐wenenewug kenahnahpuhgahzetahgoozewug oo‐oo keëkedoowaud, Mahbah enene oodoodahpenaun majeëzhewabezenejin kuhya oowedoopuhmaun.
3Oo‐oo dush keëzheähwajega oo‐oo keëkedood,
4Ahwanan kenuhwah auduhcheyag ahyahwaud ningoodwauk mahnishtahneshun, kishpin wuhneäud pazhik, kah nuh ween oogahnuhguhnahseen enewh shaungusswe‐meduhnuh‐ahshe‐shaungusswe emuh puhgwuhduhkuhmig, ahwenundoonawaud dush enewh kahwuhneähjin nahnauzh mekahwaud?
5Uhpe dush kahmekahwaud, oopemenegahnaun, wahwezhandung.
6Uhpe dush tagwishing emuh wegewauming oomahwunzoomaun enewh oowejekewaün kuhya ooweejduhnuhkeewamahgunun, oo‐oo dush enaud, Weejmoojegezetuhweshig; ningemekahwah muh nemahnishtahnisheem kahwuhnishingebun.
7Kedenenim edush, mesuh oo‐oo ahwahshema keëzhemoojegezewaud keche‐kezhegoong ayahjig uhpe pazhik majeëzhewabezid ahyaunwanindezoojin, dush ween shaungusswe‐meduhnuh‐ahshe‐shaungusswe manoo‐ezhewabezejig nanduhwandahgoozesegoog cheäunwanindezoowahpun.
8Gamuh ahwanan owh equa metaus‐wahbik shooneyaun ayahwaud, kishpin pazhik‐wahbik wuhneäud, sakuhunsig ewh wahsuhkoonanjegun kuhya cheguhduhung ewh wegewaum, wawane chenunduhwahbunjegad, peenish egoo mekahwaud.
9Uhpe dush kahmekahwaud, oomahwunzoomaun oodaungwaün kuhya ooweej‐duhnuhkeewamahgunun, oo‐oo dush oodenaun, Weejmoojegezetuhweshig ningemekahwah muh owh shooneyah kahwuhneüg.
10Me nahsaub enenuhgoog moojeguhkummegudemuh anduhzhe‐ahyahnid Kesha‐Muhnedoo oodangemun, uhpe pazhik maje‐ezhewabezid ahyaunwanindezoojin.
11Oo‐oo dush keëkedoo, Pazhik enene keneezhewun oogwissun:
12Owh dush ooshemaëmah oogeënaun enewh oosun, Noosa, meezheshin ewh menik neen kadebanduhmaun keduhyeem. Oogemahduhoonaun dush enewh oogwissun kuhkenuh ewh ootebenuhwawezewin.
13Kahween dush nebewah keduhsoogoonuhguhsenoon, uhpe owh ooshemaëmah kemahwundoonung ahnooj gagoo, kemahjaud dush, emuh wahsuh uhkeeng keëzhaud; ewede dush oogebahnahjetoon ooduhyeemun emuh kuhkebahdezewining keëzhebemahdezid.
14Uhpe dush kahchahgenung kuhkenuh ootebenuhwawezewinun, kemahje‐puhkuhdawenahgud emuh uhkeeng, kuhya dush ween kemahje‐ketemahgeze.
15Keëzhah dush ahwewedookahwaud pazhik anduhnuhkeejin ewede uhkeeng, oogeëzhenahzhahoogoon dush emuh ooketegauning cheähshummaud enewh kookooshun.
16Kenunduhwandum dush chemooshkenuhtood oomesud enewh ookunahkwun kookooshun kahmeejenid: kah dush ahweyah enenewun oogemeenegooseen.
17Uhpe dush kahmahje‐nebwahkaud, oo‐oo keëkedoo, Ahneen anduhchenid noos oobuhmeetahgunun tabesenenid buhquazhegun, neen dush ween oomah newenib apeech puhkuhdayaun!
18Ningahpuhsegwe, kuhya ningahezhahnun noos, oo‐oo dush ningahenah, Noosa, ningemujje‐doodahwah owh keche‐kezhegoong ayaud, kuhya emuh enahsuhmuhbeyun,
19Kah dush kayahbe nindaähpetandahgoozese ningwis cheëzheyunbun: enahkooneshin azheähyahwaud egewh kebuhmeetahgunug anoonindjig, nahsaub cheëzheähyahyaun neen.
20Kepuhsegwe dush keëzhaud enewh oosun. Kayahbe dush wahsuh aneduhnezid, oogewahbuhmegoon enewh oosun, kuhya oogeketemahganemegoon, kuhya kepemahje‐buttoonid, kuhya dush keoodahpequanegood, keöojeemegood edush.
21Owh dush wagwissemind oo‐oo oogeënaun, Noosa, ningemujje‐doodahwah owh keche‐kezhegoong ayaud, kuhya anahsuhmuhbeyun, kah dush kayahbe nintaähpetandahgoozese ningwis cheëzheyunbun.
22Owh dush wagwissid oogeënaun enewh oobuhmeetahgunun, Nahteyook ewh kache‐ahpeetandahgwuk puhpesekahwahgun pesekoonik edush, meenik dush ewh tuhteebeneenjeebezoon emuh ooneenjeeng, kuhya mukkis-senun emuh oosittaung:
23Kuhya nahnik owh pezhekeense kache‐weenenood, nesik edush; umba wesenedah kuhya moojegezedah:
24Benuh, mahbuh ningwis kahneboopun nayaub bemahdeze, kewuhneshenoobun, kemekahwah dush. Kemahje‐oonahnegwanduhmoog dush.
25Ahyahnegoobunan dush sasekezenejin oogwissun emuh ketegauning: pahkewanid dush: uhpe pashoo uhneduhnezid wegewauming, oogenoodaun ewh nuhguhmoowin kuhya nemeëdewin.
26Uhpe dush kahnundoomaud pazhik enewh buhmeetahgun, oogegahgwajemaun, wagoonanedoog maunduh.
27Oo‐oo dush oogeëgood, Keshema ketuhgwishin; koos edush oogenesaun enewh kache‐weenenoonejin pezhekeensun, keöodahpenaud enewh oogwissun menoo‐bemahdezenid.
28Kenishkahdeze dush, kah dush keënanduhse wepeendegad; oosun dush kesahgahumoon, kepahgoosanemegood dush.
29Oogenuhquatuhwaun enewh oosun oo‐oo keënaud, Benuh, nebewah duhsoo pepoon kebuhmetoon, kah dush wekah ningepegoobetooseen ewh kedekedoowin, kah dush wekah kegemeezhese mesahboozoonsun chewekoomugwahbun egewh suhyahgeügig.
30Uhpe dush tagwishing mahbuh kegwis kahbahnahjetood ewh ketebenuhwawezewin kepezhegwahdezid, kegenetumuhwah enewh pezhekeensun kache‐wenenoonejin.
31Oo‐oo dush oogeënaun, Ningwissa keen kahgenig keweejewh, kuhkenuh dush nintebenuhwawezewinun kedebandaunun.
32Kenundahwandahgwud chemoojegezeyungoobun kuhya cheoonahnegoozeyungoobun, neboopun muh mahbuh keshema, nayaub dush bemahdeze; kewuneshenoobun, kemekahwah dush.
Currently Selected:
ST. LUKE 15: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ST. LUKE 15
15
1Oogepenaunzekahgoon dush kuhkenuh enewh mahwunjechega‐wenenewun kuhya majeëzhewabezenejin chebezindahgood.
2Egewh dush Phariseeg kuhya egewh oozhebeëga‐wenenewug kenahnahpuhgahzetahgoozewug oo‐oo keëkedoowaud, Mahbah enene oodoodahpenaun majeëzhewabezenejin kuhya oowedoopuhmaun.
3Oo‐oo dush keëzheähwajega oo‐oo keëkedood,
4Ahwanan kenuhwah auduhcheyag ahyahwaud ningoodwauk mahnishtahneshun, kishpin wuhneäud pazhik, kah nuh ween oogahnuhguhnahseen enewh shaungusswe‐meduhnuh‐ahshe‐shaungusswe emuh puhgwuhduhkuhmig, ahwenundoonawaud dush enewh kahwuhneähjin nahnauzh mekahwaud?
5Uhpe dush kahmekahwaud, oopemenegahnaun, wahwezhandung.
6Uhpe dush tagwishing emuh wegewauming oomahwunzoomaun enewh oowejekewaün kuhya ooweejduhnuhkeewamahgunun, oo‐oo dush enaud, Weejmoojegezetuhweshig; ningemekahwah muh nemahnishtahnisheem kahwuhnishingebun.
7Kedenenim edush, mesuh oo‐oo ahwahshema keëzhemoojegezewaud keche‐kezhegoong ayahjig uhpe pazhik majeëzhewabezid ahyaunwanindezoojin, dush ween shaungusswe‐meduhnuh‐ahshe‐shaungusswe manoo‐ezhewabezejig nanduhwandahgoozesegoog cheäunwanindezoowahpun.
8Gamuh ahwanan owh equa metaus‐wahbik shooneyaun ayahwaud, kishpin pazhik‐wahbik wuhneäud, sakuhunsig ewh wahsuhkoonanjegun kuhya cheguhduhung ewh wegewaum, wawane chenunduhwahbunjegad, peenish egoo mekahwaud.
9Uhpe dush kahmekahwaud, oomahwunzoomaun oodaungwaün kuhya ooweej‐duhnuhkeewamahgunun, oo‐oo dush oodenaun, Weejmoojegezetuhweshig ningemekahwah muh owh shooneyah kahwuhneüg.
10Me nahsaub enenuhgoog moojeguhkummegudemuh anduhzhe‐ahyahnid Kesha‐Muhnedoo oodangemun, uhpe pazhik maje‐ezhewabezid ahyaunwanindezoojin.
11Oo‐oo dush keëkedoo, Pazhik enene keneezhewun oogwissun:
12Owh dush ooshemaëmah oogeënaun enewh oosun, Noosa, meezheshin ewh menik neen kadebanduhmaun keduhyeem. Oogemahduhoonaun dush enewh oogwissun kuhkenuh ewh ootebenuhwawezewin.
13Kahween dush nebewah keduhsoogoonuhguhsenoon, uhpe owh ooshemaëmah kemahwundoonung ahnooj gagoo, kemahjaud dush, emuh wahsuh uhkeeng keëzhaud; ewede dush oogebahnahjetoon ooduhyeemun emuh kuhkebahdezewining keëzhebemahdezid.
14Uhpe dush kahchahgenung kuhkenuh ootebenuhwawezewinun, kemahje‐puhkuhdawenahgud emuh uhkeeng, kuhya dush ween kemahje‐ketemahgeze.
15Keëzhah dush ahwewedookahwaud pazhik anduhnuhkeejin ewede uhkeeng, oogeëzhenahzhahoogoon dush emuh ooketegauning cheähshummaud enewh kookooshun.
16Kenunduhwandum dush chemooshkenuhtood oomesud enewh ookunahkwun kookooshun kahmeejenid: kah dush ahweyah enenewun oogemeenegooseen.
17Uhpe dush kahmahje‐nebwahkaud, oo‐oo keëkedoo, Ahneen anduhchenid noos oobuhmeetahgunun tabesenenid buhquazhegun, neen dush ween oomah newenib apeech puhkuhdayaun!
18Ningahpuhsegwe, kuhya ningahezhahnun noos, oo‐oo dush ningahenah, Noosa, ningemujje‐doodahwah owh keche‐kezhegoong ayaud, kuhya emuh enahsuhmuhbeyun,
19Kah dush kayahbe nindaähpetandahgoozese ningwis cheëzheyunbun: enahkooneshin azheähyahwaud egewh kebuhmeetahgunug anoonindjig, nahsaub cheëzheähyahyaun neen.
20Kepuhsegwe dush keëzhaud enewh oosun. Kayahbe dush wahsuh aneduhnezid, oogewahbuhmegoon enewh oosun, kuhya oogeketemahganemegoon, kuhya kepemahje‐buttoonid, kuhya dush keoodahpequanegood, keöojeemegood edush.
21Owh dush wagwissemind oo‐oo oogeënaun, Noosa, ningemujje‐doodahwah owh keche‐kezhegoong ayaud, kuhya anahsuhmuhbeyun, kah dush kayahbe nintaähpetandahgoozese ningwis cheëzheyunbun.
22Owh dush wagwissid oogeënaun enewh oobuhmeetahgunun, Nahteyook ewh kache‐ahpeetandahgwuk puhpesekahwahgun pesekoonik edush, meenik dush ewh tuhteebeneenjeebezoon emuh ooneenjeeng, kuhya mukkis-senun emuh oosittaung:
23Kuhya nahnik owh pezhekeense kache‐weenenood, nesik edush; umba wesenedah kuhya moojegezedah:
24Benuh, mahbuh ningwis kahneboopun nayaub bemahdeze, kewuhneshenoobun, kemekahwah dush. Kemahje‐oonahnegwanduhmoog dush.
25Ahyahnegoobunan dush sasekezenejin oogwissun emuh ketegauning: pahkewanid dush: uhpe pashoo uhneduhnezid wegewauming, oogenoodaun ewh nuhguhmoowin kuhya nemeëdewin.
26Uhpe dush kahnundoomaud pazhik enewh buhmeetahgun, oogegahgwajemaun, wagoonanedoog maunduh.
27Oo‐oo dush oogeëgood, Keshema ketuhgwishin; koos edush oogenesaun enewh kache‐weenenoonejin pezhekeensun, keöodahpenaud enewh oogwissun menoo‐bemahdezenid.
28Kenishkahdeze dush, kah dush keënanduhse wepeendegad; oosun dush kesahgahumoon, kepahgoosanemegood dush.
29Oogenuhquatuhwaun enewh oosun oo‐oo keënaud, Benuh, nebewah duhsoo pepoon kebuhmetoon, kah dush wekah ningepegoobetooseen ewh kedekedoowin, kah dush wekah kegemeezhese mesahboozoonsun chewekoomugwahbun egewh suhyahgeügig.
30Uhpe dush tagwishing mahbuh kegwis kahbahnahjetood ewh ketebenuhwawezewin kepezhegwahdezid, kegenetumuhwah enewh pezhekeensun kache‐wenenoonejin.
31Oo‐oo dush oogeënaun, Ningwissa keen kahgenig keweejewh, kuhkenuh dush nintebenuhwawezewinun kedebandaunun.
32Kenundahwandahgwud chemoojegezeyungoobun kuhya cheoonahnegoozeyungoobun, neboopun muh mahbuh keshema, nayaub dush bemahdeze; kewuneshenoobun, kemekahwah dush.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.