Aphutna 22
22
Pathianin Abraham a Thia
1 #
Dān 8:2, 16; Rui 2:22; 1Sa 3:4, 6, 8; 2Kh 32:31; Sām 66:10; Isa 6:8; Heb 11:17; Zak 1:12-14 Hivā ngāi suona, hintin hin a hong ānī na, Pathianin Abraham chu a mansin a, a kōma, “Abraham!” a tī na,
Amā'n, “Hiva hin kā om,” a tī na.
2 #
2Kh 3:1; Zn 3:16; Heb 11:17; 1Zn 4:9 Hatuka amā'n, “Na nāipasal, na nāipasal nei selep Isak, nei maditpū ruoi tānla, Moria#22:2 Moria: “Zehova muolpui” tīna a ni. rama son sē ro, sovā son kei na rilna rang muolpui ngāi angkhat peia son, hālbiang dāli anga va dar ro,” a tī na. 3#Zos 8:10Hankēng Abraham chu ārkhuona anthui a, sakuorpar chunga āmbārei a bāng a, a suok ruothar anni lē a nāipasal Isak chu a bila a ruoi a. Hālbiang dāli ranga thing a sīr a, hatuka anthui a, Pathianin ei rilna muna, a sē na. 4Hatuka ni anthumnāna Abraham chu a tang a, alapā nātā hā mun chu a mū na. 5#Ant 34:14Abraham-in ruothar ngāi kōma, “Hiva hin sakuorpar le lei om u ro. Koi lē pasaltē chu sovā son sēna, vā mōk in ti. Hatuka na kōm una hong kīr rēt in ti,” a tī na.
6 #
Rui 19:29; Zn 19:17 Hankēng Abraham-in hālbiang dāli ranga thing a lāk a, a nāipasal Isak a manput a, amā'n a kuta moi lē chemtē a chōi a, anīn u chu lōkōna a sē u na. 7#Ant 29:38-42; Lev 1:10; Zn 1:29, 36; Anl 13:8Tenchu Isak-in a pā Abraham kōma a chongpui a, “Pāpā!” a tī na.
Abraham-in, “Hiva hin kā om, ka nāipasal,” a tī na. Isak-in, “Entā, moi lē thing chu a om a, tenchu hālbiang dāli ranga beratē hon mo ei om?” a tī na.
8 #
Zn 1:29
Abraham-in, “Ka nāipasal, Pathianin hālbiang dāli ranga beratē chu a ninga rang anzon in ti,” a tī na. Hankēng anīn u chu lōkōna a sē u na.
9 #
Ant 18:21; Lev 1:7; 1Sa 15:22; 1Rē 18:33; Zōb 1:1; Chn 8:13; Zn 3:16; Heb 11:17-19; Zak 2:21-22; 1Zn 4:9 Hatuka Pathianin ei rilna mun chu a vā suok u na. Abraham-in hava han māichām a sin a, thing chu a mankam a. A nāipasal Isak chu a khit a, māichāma thing chunga a manzāl a. 10Abraham-in chemtē a lāk a, a nāipasal āthat ranga a kut chu ā lāng a. 11Tenchu Zehova Vānpalāiin anvān ātā a hong pāi a, “Abraham, Abraham!” a tī na. Hankēng amā'n, “Hiva hin kā om,” a tī na. 12Amā'n, “Nāipasaltē chunga na kut ā lek nō ro, a chunga ītē thō nō ro. Atun chu Pathian nei āchī tī ka riat zei, na nāipasal, nei dōn selep ka ranga nei manar nōk sika,” a tī na. 13#Rōm 8:32Hatuka Abraham chu a tang a, a en a, entā, anūk tianga beratang khat a raki achūl kāra ān-ōk chu a mū na, hankēng Abraham chu a sē na, beratang chu a va lāk a, a nāipasal rathūla hālbiang dālīna a va dar a. 14#Ant 17:15; Rui 6:24Abraham-in hava mun raming chu, Zehova'n Na Zon In Ti#22:14 Zehova'n Na Zon In Ti: Hebrāi chonga, “Jehovah Jireh.”, tīna a phuo na. Hava sika han avian tenpei, “Zehova muola anzon in ti,” antī na.
15Hatuka Zehova Vānpalāiin voi annina Abraham chu anvān ātā a hong pāi rēt a. 16#Zer 22:5; Am 6:8; Lk 1:73; Heb 6:13Amā'n, “Ka raming len achina chong ka tin a, koi, Zehova'n ka ti, hivā sin nei thō sika lē na nāipasal nei selep ngal nei manar nōk sika, 17#Ant 32:13; Dān 7:7; Heb 6:14bōr na pēk ngēt ka ting, na khūk chu anvāna ārsī anga lē tipuikama siatsāi anga maphung ka ting, hanūk chu na khūk ngāiin a rāldui ngāi rapalsuokkhār chu la luo u'n ti. 18#Sām 105:9; Kui 3:25; Gal 3:8Ka hē nei tel sika, nang na chī nāta phila nam dōra chu bōrsāng tung u'n ti,” a tī na. 19Hankēng Abraham chu a suok ruothar ngāi kōma a kīr a. Amāni chu anthui una lōkōna Beērseba-na a sē u na. Abraham chu Beērseba-na ommun a khuor a.
Nahor a Insūngkuo
20Hivā ngāi dōra a theng suona hintin hin a nī na, Abraham a kōma, “Ataktaka, Milka'n um na paruolpā Nahor a rang nāi a neipē na. 21#Zōb 32:2; Zer 25:23A nāirapā Uz, a paruol Buz, Aram a pā Kemuel. 22Kesed, Hazo, Pildas, Zidlap lē Bethuel a ni u na.” 23Bethuel-in Rebeka a nei a. Hivā āriat ngāi hi Milka'n Abraham a paruol Nahor ranga ei neipē a ni. 24#Rui 8:31; 2Sa 3:7; 1Kh 1:32; Sol 6:8A thāinukep a raming Reuma'n um Teba, Gaham, Thahas lē Maāka a nei a.
Currently Selected:
Aphutna 22: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Aphutna 22
22
Pathianin Abraham a Thia
1 #
Dān 8:2, 16; Rui 2:22; 1Sa 3:4, 6, 8; 2Kh 32:31; Sām 66:10; Isa 6:8; Heb 11:17; Zak 1:12-14 Hivā ngāi suona, hintin hin a hong ānī na, Pathianin Abraham chu a mansin a, a kōma, “Abraham!” a tī na,
Amā'n, “Hiva hin kā om,” a tī na.
2 #
2Kh 3:1; Zn 3:16; Heb 11:17; 1Zn 4:9 Hatuka amā'n, “Na nāipasal, na nāipasal nei selep Isak, nei maditpū ruoi tānla, Moria#22:2 Moria: “Zehova muolpui” tīna a ni. rama son sē ro, sovā son kei na rilna rang muolpui ngāi angkhat peia son, hālbiang dāli anga va dar ro,” a tī na. 3#Zos 8:10Hankēng Abraham chu ārkhuona anthui a, sakuorpar chunga āmbārei a bāng a, a suok ruothar anni lē a nāipasal Isak chu a bila a ruoi a. Hālbiang dāli ranga thing a sīr a, hatuka anthui a, Pathianin ei rilna muna, a sē na. 4Hatuka ni anthumnāna Abraham chu a tang a, alapā nātā hā mun chu a mū na. 5#Ant 34:14Abraham-in ruothar ngāi kōma, “Hiva hin sakuorpar le lei om u ro. Koi lē pasaltē chu sovā son sēna, vā mōk in ti. Hatuka na kōm una hong kīr rēt in ti,” a tī na.
6 #
Rui 19:29; Zn 19:17 Hankēng Abraham-in hālbiang dāli ranga thing a lāk a, a nāipasal Isak a manput a, amā'n a kuta moi lē chemtē a chōi a, anīn u chu lōkōna a sē u na. 7#Ant 29:38-42; Lev 1:10; Zn 1:29, 36; Anl 13:8Tenchu Isak-in a pā Abraham kōma a chongpui a, “Pāpā!” a tī na.
Abraham-in, “Hiva hin kā om, ka nāipasal,” a tī na. Isak-in, “Entā, moi lē thing chu a om a, tenchu hālbiang dāli ranga beratē hon mo ei om?” a tī na.
8 #
Zn 1:29
Abraham-in, “Ka nāipasal, Pathianin hālbiang dāli ranga beratē chu a ninga rang anzon in ti,” a tī na. Hankēng anīn u chu lōkōna a sē u na.
9 #
Ant 18:21; Lev 1:7; 1Sa 15:22; 1Rē 18:33; Zōb 1:1; Chn 8:13; Zn 3:16; Heb 11:17-19; Zak 2:21-22; 1Zn 4:9 Hatuka Pathianin ei rilna mun chu a vā suok u na. Abraham-in hava han māichām a sin a, thing chu a mankam a. A nāipasal Isak chu a khit a, māichāma thing chunga a manzāl a. 10Abraham-in chemtē a lāk a, a nāipasal āthat ranga a kut chu ā lāng a. 11Tenchu Zehova Vānpalāiin anvān ātā a hong pāi a, “Abraham, Abraham!” a tī na. Hankēng amā'n, “Hiva hin kā om,” a tī na. 12Amā'n, “Nāipasaltē chunga na kut ā lek nō ro, a chunga ītē thō nō ro. Atun chu Pathian nei āchī tī ka riat zei, na nāipasal, nei dōn selep ka ranga nei manar nōk sika,” a tī na. 13#Rōm 8:32Hatuka Abraham chu a tang a, a en a, entā, anūk tianga beratang khat a raki achūl kāra ān-ōk chu a mū na, hankēng Abraham chu a sē na, beratang chu a va lāk a, a nāipasal rathūla hālbiang dālīna a va dar a. 14#Ant 17:15; Rui 6:24Abraham-in hava mun raming chu, Zehova'n Na Zon In Ti#22:14 Zehova'n Na Zon In Ti: Hebrāi chonga, “Jehovah Jireh.”, tīna a phuo na. Hava sika han avian tenpei, “Zehova muola anzon in ti,” antī na.
15Hatuka Zehova Vānpalāiin voi annina Abraham chu anvān ātā a hong pāi rēt a. 16#Zer 22:5; Am 6:8; Lk 1:73; Heb 6:13Amā'n, “Ka raming len achina chong ka tin a, koi, Zehova'n ka ti, hivā sin nei thō sika lē na nāipasal nei selep ngal nei manar nōk sika, 17#Ant 32:13; Dān 7:7; Heb 6:14bōr na pēk ngēt ka ting, na khūk chu anvāna ārsī anga lē tipuikama siatsāi anga maphung ka ting, hanūk chu na khūk ngāiin a rāldui ngāi rapalsuokkhār chu la luo u'n ti. 18#Sām 105:9; Kui 3:25; Gal 3:8Ka hē nei tel sika, nang na chī nāta phila nam dōra chu bōrsāng tung u'n ti,” a tī na. 19Hankēng Abraham chu a suok ruothar ngāi kōma a kīr a. Amāni chu anthui una lōkōna Beērseba-na a sē u na. Abraham chu Beērseba-na ommun a khuor a.
Nahor a Insūngkuo
20Hivā ngāi dōra a theng suona hintin hin a nī na, Abraham a kōma, “Ataktaka, Milka'n um na paruolpā Nahor a rang nāi a neipē na. 21#Zōb 32:2; Zer 25:23A nāirapā Uz, a paruol Buz, Aram a pā Kemuel. 22Kesed, Hazo, Pildas, Zidlap lē Bethuel a ni u na.” 23Bethuel-in Rebeka a nei a. Hivā āriat ngāi hi Milka'n Abraham a paruol Nahor ranga ei neipē a ni. 24#Rui 8:31; 2Sa 3:7; 1Kh 1:32; Sol 6:8A thāinukep a raming Reuma'n um Teba, Gaham, Thahas lē Maāka a nei a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.