Zohan 5
5
Bethesda Tīndila Āna Khat Isuo'n ei Mandamna
1Hiva suona Zehudi ngāi pāntā khat a om a, Isuo chu Zerusalem-a a sē na.
2 #
Neh 3:1; Kui 21:40 Zerusalem-a han Bera Rapalsuokkhār kōla tīndīl khat a om. Hebrāi chonga Bethesda a ti u na. Hava han dāmsāl rangā a dōn a. 3Hiva ngāia hin āna ngāi, mitchō, ākhor lē āzeng ngāi chu tīnsok anruonga āzāl mī tampā a om u na. 4Hova hun khata mo vānpalāi khat chu hiva tīndila ei va chum a, tī ei va sok chachak a ni. Hatuka tīnsok suona āchum mānsa tak ha, a rikhuo angkhat pei ātā ei dam chachak a ni. 5Hava muna han mī khat kum 38 ānā a om a. 6Isuo'n hava han ei zāl a mū na, nikhuo sōtpā hava dingmuna a lei om suo ha a riat a, amā'n a kōma, “Ādam rang nā zōt mo?” a tī na. 7Ānapū'n a kōma, “Ka pū, tīnsok le hin tīndila anā'n sum rang mī dōn mak ung a. Kā sē kakār, ka māna mī a lei chum chachak a,” a tī na. 8#Mt 9:5-6Isuo'n a kōma, “Anthui tānla, na zāmun luok tānla, kal chōi ro,” a tī na. 9#Mt 12:1-14Hava mī chu a dam len a, a zāmun a luok a, kal a chōi a.
Hava nikhuo ha Sabat a ni. 10#Neh 13:15-22; Zer 17:21; Mt 12:2Hasikhan Zehudi ngāiin ādampū kōma, “Avian hin Sabat a ni. Na zāmun nei diang rang hi nang ranga dān ni mak,” a ti u na. 11Tenchu amā'n a kōm una a, “A nā'n dampū'n ka kōma, ‘Na zālmun lāk tānla, kal chōi ro,’ ei na ti,” a tī na. 12Amānī'n ama chu, “Hova mī mo na kōma, ‘Na zālmun lāk tānla, kal chōi ro,’ a nā tī?” tīna a rakel u na. 13Tenchu ādampū hān ama chu tū mo tīna riat mak a. Hava muna han mī tampā ei om sika, Isuo chu a lei ānkhāi a. 14#Mk 2:5Hava suona han ama chu Isuo'n tempula a mū na, a kōma, “Entā, ādam kēng nā ni zei, āsia thō lāi nō ro. Hanōkten hiva nēka āsiat chu na chunga tung in ti,” a tipē na. 15Hava miring chu a sē na, Zehudi ngāi kōma ama āndampū chu Isuo kēng tīna a va ril a.
Nāipasal lē Pathian Lalchi Thō Ro
16 Sabat nikhuona hiva ngāi hi ei thō sika, Zehudi ngāiin Isuo chu a sinsak u na, āthat rang a val u na. 17#Lk 2:49Tenchu Isuo'n a kōm una a masang a, “Atun tenpeia ka Pā chu sin a la thō chian a, koi um sin kei la thō chian kēng.” 18#Mt 12:14Hasikhan Zehudi ngāiin āthat ranga a val riam u na. Asik chu Sabat rong ni lāi mak ei masiat, tenchu Pathian ha kēng a Pā ei la ti rēt a, a ninga Pathian le ei ānruol.
19Isuo'n a kōm u na, “Ataktaka, kei na ril a ni u zei, Nāipasalin a ninga ītē ei thō thei om mak, tenchu Pā'n ei thō ei mū ha kēng ei thō. Pā'n ei thō tak kēng, Nāipasalin um ei thō. 20Pā'n Nāipasal ei madit, a sinthō dōra chu Nāipasal ei manmū. Na boi ei dong una ranga, amā'n Nāipasal chu hiva nēka sin alian manmu in ti. 21#Rōm 4:17; 2Ko 1:9; Heb 11:19Pā'n āthi ngāi ei mathuia damna ei pēk anga, Nāipasalin um ei zōt tak kōma damna ei pēk a ni. 22#Aph 18:25; Rui 11:27; Kui 10:42Pā'n tūtē rui ril mak, tenchu ruirilna dōra chu Nāipasal kōma a betōk a. 23#Lk 10:16; 1Zn 2:23Pā lalchi ei thō u anga, mī dōrā'n Nāipasal lalchi ei thō u rang a ni. Nāipasal lalchi thōlui tak chu, ama ātīrpū Pā chu lalchi thō u lui a ni.
Miring Nāipasal Ningneina
24 #
Mt 10:40; 25:46; 1Zn 3:14 “Ataktaka, kei na ril a ni u zei, tūkareng ka chong anngāia, koi anā tīrpū āiam tak chu tāituon damna a man zei. Ruirilnāna hong nō ni, tenchu thīna ankāna damnāna ālūt kēng a ni zei. 25Ataktaka, kei na ril a ni u zei, hun a hong rang a ni zei, atun āhong kēng a ni zei, āthi ngāiin Pathian Nāipasal rōl chu riat u'n tia, āriat ngāi chu dam u'n ti. 26#Dān 30:20; Zōb 10:12; Sām 36:9Pā'n amāna damna ei dōn anga, Nāipasal um amāna damna ādōn ranga a pēk a. 27Miring Nāipasal ei ni sika, a kōma ruirilna ningneina a pēk a. 28Hiva hin na boi mandong u nō ro, asik chu ahun hong āsuok rang a ni zei, hava tika chu thāna om ngāi dōrā'n a rōl riat u'n ti. 29#Mt 25:46Hong suok u'n tia, āsā thō ngāi chu damnā'n anthuirēt u'n tia, āsia thō ngāi chu āsia ānlōna anthuirēt u'n ti. 30#Isa 28:6; Mt 26:39Ka ninga ītē kei thō om mak, kuora kei riat anga rui kei ril. Ka ruirilna chu ādik a ni, asik chu kei zōt ni mak kei ārok, tenchu anā tīrpū Pā ei zōtdān kēng kei ārok,” a tī na.
Isuo Ruia Āriatpuipū ngāi
31“Ka ninga rui hi kei riatpui a ni ten, kei riatpuina chu ādik ni mak. 32Mītei khat ka ruia āriatpui a om a. Ka ruia ei na riatpuina, hava riatpuina chu ādik kēng. 33Nangnī'n Zohan a kōma mī na tīr u na, amā'n atak ruia ānriatpū a chang a. 34#Kui 16:30-31; Efe 2:8; Tit 3:5; 1Zn 5:9Tenchu koiin miring ātā riatpuina man mak ung a, tenchu nei zōk thei una rang hiva chong ngāi hi kei ril a ni. 35#Dnl 12:3; 2Pe 1:19Am chu lēm achuong lē āēl ha a ni, ama raānga hun alaktē rāi ansān rang nei zōt u a ni. 36#1Zn 5:9Tenchu Zohan nēka riatpuina ālian kā dōn. Pā'n sin āzui ranga ei na pēk ngāi, hava sin ngāi chu kei thō a ni. Hava ngāiin Pā'n ei na tīr tīna anā riatpui a ni. 37#Dān 4:12; 1Ti 1:17Pā, anā tīrpū lenin ka rui a nā'n riatpui a ni. Nangnī'n chu a rōl la riat u ngāi mak chē na, a mēl um la mu u ngāi mak chē na. 38#Isa 26:10; 1Zn 1:10Ama a hong ātīrpū nei iam u nōk sika, ama a chong chu nangnīna om mak a. 39#Mt 25:46; Lk 24:27, 44; Kui 13:27; Rōm 2:17-18Pathian chong ngāia na ravān u chachak a, hava ngāia han tāituon damna āman rang nei iam u. Hiva ngāi hi ka rui anriatpui pū a ni. 40Tenchu damna nei manthei una ranga ka kōma hong zōt u mak chē na. 41Miring ātā anpākna pom mak ung. 42Tenchu na sūng una Pathian anditna dōn u mak chē tī ka na riat u na. 43Ka Pā raminga kei hong a ni, nangnī'n na lei pom u mak chē na. Mītei khat ama a ninga raminga hong sela chu pom u na ti. 44#Rōm 2:29Nangni lē nangni nei ānpāk u chachak a hin, hontin mo nei iam u rang? Pathian rong ātā āsuok alianna chu ārok u mak chē na. 45#Rōm 2:17Koiin Pā kōma āsia na mantung u ka ting tī mandon u nō ro, āsia a nā'n tung u rang angkhat chu a om, nei ānngampui u Mōsi chu a ni. 46#Aph 3:15; Lk 24:27, 44; Kui 26:22Mōsi na iam u ten, koi um nei na iam u rang a ni. Asik chu amā'n koi ka rui a maziak a. 47#Mt 13:17; Lk 16:29, 31Tenchu ama ei maziak ngāi na iam u nōk ten, hontin mo ka chong ngāi nei iam u rang?”
Currently Selected:
Zohan 5: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Zohan 5
5
Bethesda Tīndila Āna Khat Isuo'n ei Mandamna
1Hiva suona Zehudi ngāi pāntā khat a om a, Isuo chu Zerusalem-a a sē na.
2 #
Neh 3:1; Kui 21:40 Zerusalem-a han Bera Rapalsuokkhār kōla tīndīl khat a om. Hebrāi chonga Bethesda a ti u na. Hava han dāmsāl rangā a dōn a. 3Hiva ngāia hin āna ngāi, mitchō, ākhor lē āzeng ngāi chu tīnsok anruonga āzāl mī tampā a om u na. 4Hova hun khata mo vānpalāi khat chu hiva tīndila ei va chum a, tī ei va sok chachak a ni. Hatuka tīnsok suona āchum mānsa tak ha, a rikhuo angkhat pei ātā ei dam chachak a ni. 5Hava muna han mī khat kum 38 ānā a om a. 6Isuo'n hava han ei zāl a mū na, nikhuo sōtpā hava dingmuna a lei om suo ha a riat a, amā'n a kōma, “Ādam rang nā zōt mo?” a tī na. 7Ānapū'n a kōma, “Ka pū, tīnsok le hin tīndila anā'n sum rang mī dōn mak ung a. Kā sē kakār, ka māna mī a lei chum chachak a,” a tī na. 8#Mt 9:5-6Isuo'n a kōma, “Anthui tānla, na zāmun luok tānla, kal chōi ro,” a tī na. 9#Mt 12:1-14Hava mī chu a dam len a, a zāmun a luok a, kal a chōi a.
Hava nikhuo ha Sabat a ni. 10#Neh 13:15-22; Zer 17:21; Mt 12:2Hasikhan Zehudi ngāiin ādampū kōma, “Avian hin Sabat a ni. Na zāmun nei diang rang hi nang ranga dān ni mak,” a ti u na. 11Tenchu amā'n a kōm una a, “A nā'n dampū'n ka kōma, ‘Na zālmun lāk tānla, kal chōi ro,’ ei na ti,” a tī na. 12Amānī'n ama chu, “Hova mī mo na kōma, ‘Na zālmun lāk tānla, kal chōi ro,’ a nā tī?” tīna a rakel u na. 13Tenchu ādampū hān ama chu tū mo tīna riat mak a. Hava muna han mī tampā ei om sika, Isuo chu a lei ānkhāi a. 14#Mk 2:5Hava suona han ama chu Isuo'n tempula a mū na, a kōma, “Entā, ādam kēng nā ni zei, āsia thō lāi nō ro. Hanōkten hiva nēka āsiat chu na chunga tung in ti,” a tipē na. 15Hava miring chu a sē na, Zehudi ngāi kōma ama āndampū chu Isuo kēng tīna a va ril a.
Nāipasal lē Pathian Lalchi Thō Ro
16 Sabat nikhuona hiva ngāi hi ei thō sika, Zehudi ngāiin Isuo chu a sinsak u na, āthat rang a val u na. 17#Lk 2:49Tenchu Isuo'n a kōm una a masang a, “Atun tenpeia ka Pā chu sin a la thō chian a, koi um sin kei la thō chian kēng.” 18#Mt 12:14Hasikhan Zehudi ngāiin āthat ranga a val riam u na. Asik chu Sabat rong ni lāi mak ei masiat, tenchu Pathian ha kēng a Pā ei la ti rēt a, a ninga Pathian le ei ānruol.
19Isuo'n a kōm u na, “Ataktaka, kei na ril a ni u zei, Nāipasalin a ninga ītē ei thō thei om mak, tenchu Pā'n ei thō ei mū ha kēng ei thō. Pā'n ei thō tak kēng, Nāipasalin um ei thō. 20Pā'n Nāipasal ei madit, a sinthō dōra chu Nāipasal ei manmū. Na boi ei dong una ranga, amā'n Nāipasal chu hiva nēka sin alian manmu in ti. 21#Rōm 4:17; 2Ko 1:9; Heb 11:19Pā'n āthi ngāi ei mathuia damna ei pēk anga, Nāipasalin um ei zōt tak kōma damna ei pēk a ni. 22#Aph 18:25; Rui 11:27; Kui 10:42Pā'n tūtē rui ril mak, tenchu ruirilna dōra chu Nāipasal kōma a betōk a. 23#Lk 10:16; 1Zn 2:23Pā lalchi ei thō u anga, mī dōrā'n Nāipasal lalchi ei thō u rang a ni. Nāipasal lalchi thōlui tak chu, ama ātīrpū Pā chu lalchi thō u lui a ni.
Miring Nāipasal Ningneina
24 #
Mt 10:40; 25:46; 1Zn 3:14 “Ataktaka, kei na ril a ni u zei, tūkareng ka chong anngāia, koi anā tīrpū āiam tak chu tāituon damna a man zei. Ruirilnāna hong nō ni, tenchu thīna ankāna damnāna ālūt kēng a ni zei. 25Ataktaka, kei na ril a ni u zei, hun a hong rang a ni zei, atun āhong kēng a ni zei, āthi ngāiin Pathian Nāipasal rōl chu riat u'n tia, āriat ngāi chu dam u'n ti. 26#Dān 30:20; Zōb 10:12; Sām 36:9Pā'n amāna damna ei dōn anga, Nāipasal um amāna damna ādōn ranga a pēk a. 27Miring Nāipasal ei ni sika, a kōma ruirilna ningneina a pēk a. 28Hiva hin na boi mandong u nō ro, asik chu ahun hong āsuok rang a ni zei, hava tika chu thāna om ngāi dōrā'n a rōl riat u'n ti. 29#Mt 25:46Hong suok u'n tia, āsā thō ngāi chu damnā'n anthuirēt u'n tia, āsia thō ngāi chu āsia ānlōna anthuirēt u'n ti. 30#Isa 28:6; Mt 26:39Ka ninga ītē kei thō om mak, kuora kei riat anga rui kei ril. Ka ruirilna chu ādik a ni, asik chu kei zōt ni mak kei ārok, tenchu anā tīrpū Pā ei zōtdān kēng kei ārok,” a tī na.
Isuo Ruia Āriatpuipū ngāi
31“Ka ninga rui hi kei riatpui a ni ten, kei riatpuina chu ādik ni mak. 32Mītei khat ka ruia āriatpui a om a. Ka ruia ei na riatpuina, hava riatpuina chu ādik kēng. 33Nangnī'n Zohan a kōma mī na tīr u na, amā'n atak ruia ānriatpū a chang a. 34#Kui 16:30-31; Efe 2:8; Tit 3:5; 1Zn 5:9Tenchu koiin miring ātā riatpuina man mak ung a, tenchu nei zōk thei una rang hiva chong ngāi hi kei ril a ni. 35#Dnl 12:3; 2Pe 1:19Am chu lēm achuong lē āēl ha a ni, ama raānga hun alaktē rāi ansān rang nei zōt u a ni. 36#1Zn 5:9Tenchu Zohan nēka riatpuina ālian kā dōn. Pā'n sin āzui ranga ei na pēk ngāi, hava sin ngāi chu kei thō a ni. Hava ngāiin Pā'n ei na tīr tīna anā riatpui a ni. 37#Dān 4:12; 1Ti 1:17Pā, anā tīrpū lenin ka rui a nā'n riatpui a ni. Nangnī'n chu a rōl la riat u ngāi mak chē na, a mēl um la mu u ngāi mak chē na. 38#Isa 26:10; 1Zn 1:10Ama a hong ātīrpū nei iam u nōk sika, ama a chong chu nangnīna om mak a. 39#Mt 25:46; Lk 24:27, 44; Kui 13:27; Rōm 2:17-18Pathian chong ngāia na ravān u chachak a, hava ngāia han tāituon damna āman rang nei iam u. Hiva ngāi hi ka rui anriatpui pū a ni. 40Tenchu damna nei manthei una ranga ka kōma hong zōt u mak chē na. 41Miring ātā anpākna pom mak ung. 42Tenchu na sūng una Pathian anditna dōn u mak chē tī ka na riat u na. 43Ka Pā raminga kei hong a ni, nangnī'n na lei pom u mak chē na. Mītei khat ama a ninga raminga hong sela chu pom u na ti. 44#Rōm 2:29Nangni lē nangni nei ānpāk u chachak a hin, hontin mo nei iam u rang? Pathian rong ātā āsuok alianna chu ārok u mak chē na. 45#Rōm 2:17Koiin Pā kōma āsia na mantung u ka ting tī mandon u nō ro, āsia a nā'n tung u rang angkhat chu a om, nei ānngampui u Mōsi chu a ni. 46#Aph 3:15; Lk 24:27, 44; Kui 26:22Mōsi na iam u ten, koi um nei na iam u rang a ni. Asik chu amā'n koi ka rui a maziak a. 47#Mt 13:17; Lk 16:29, 31Tenchu ama ei maziak ngāi na iam u nōk ten, hontin mo ka chong ngāi nei iam u rang?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.