Lūk 14
14
Sabat Nikhuona Mī Āndam
1 #
Mt 12:10
Hintin hin a ni na, Isuo chu Sabat nikhuona Farisāi ngāi ulian khat ina nēksāk āthō ranga a sē na. Ama chu a lei en teren u na. 2Entā, hava han a makunga ānthing khat a om a. 3#Mt 22:35Isuo'n dānpu ngāi lē Farisāi ngāi a kōma, “Sabat nikhuona mī āndam hi dān a ni mo?” a tī na. 4Tenchu amāni chu adāireka a om u na. Ama chu a sūr a, a mandam a, a mansē na. 5Hatuka a kōm u na, “Na kār una tū mo sakuorpar#14:5 sakuorpar: Ole, “nāipasal” mo ole sarāttang adōna, khura chul sela, Sabat nikhuona han rūt len nō ni mo?” a tī na. 6Amānī'n hiva ruia hin ama chu masang thei u mak a.
Omannuoina Ruia Anchūna
7A mi thēmpāi ngāiin sutmun asa khīt ngāi ei āthang u chachak zia ngāi a mū na, amā'n ankhīna-chong khat chu a kōm una a ril a, 8“Mī'n inneina pāntāna a na thēmpāi u le, sutmun asa khīta ansut u nō ro. Nang na nēka lalchiruoi a lei thēmpāi ving u thei ke ha. 9Hatuka nang lē ama anā thēmpāipū a hong le, na kōma, ‘Ama chu na sutmun pēk ro,’ na hong tī'n ti. Hatuka sutmun annuoi khīt avā pan ranga anzak in na ti. 10Hasikhan nang chu thēmpāia nā om tika, sutmun annuoi khīta ansut ro. Hankēng anā thēmpāipū a hong le, na kōma, ‘Ka mal, sutmun ansānga ansut ro,’ na tī'n ti. Hatuka nei nēkpui ngāi makunga aliana om na ti. 11#Mt 23:12Asik chu tūkareng a ninga ansāng chu annuoia om in ti. Hatuka tūkareng a ninga annuoi chu ansānga om in ti.”
12Hatuka Isuo'n ama ānthēmpāipū kōma um, “Khuluibū mo ole zānbū mo na mansūk le, na mal ngāi, na paruol ngāi, na ūnāi ngāi, na inkōlmī ānei ngāi kui nō ro. Amānī'n um a na thēmpāia, a na thuon u'nle. 13Tenchu nēsāk pāntā na mansūk le, ānriang, bāngansam, ākhor lē āchō ngāi chu thēmpāi ro. 14#Kui 24:15Hantin han bōrsāng tung na ti. Asik chu amānī'n na thuon thei u nō ni. Midik ngāi anthuirētna tika anthuona om na ti,” a tī na.
Nēksākna Pāntā Lianpā le han Ankhīna
Mt 22:1-14
15 #
Isa 25:6; Mt 3:2; 26:29; Anl 19:9 Isuo'n bukhalāi ei kāipui ngāi bila angkhatin hava chong ngāi a riat a, amā'n Isuo kōma, “Pathian rēngrama bukhalāi akāi rang chu rāvān asa kēng,” a tī na. 16Isuo'n a kōma, “Mī khatin bukhalāi pāntā ālianpā khat a mansūk a, mī tampā a thēmpāi a. 17Bunēkna hun taka ānthēmpāi ngāi kōma, ‘Hong u ro, aloma ansūk chīt zei,’ āti ranga a suok a mansē na. 18Tenchu alom una anruola nōntāk a pēk chip u na. Mānsapū'n, ‘Ram ka rachōk lak a, kei sēna, kei va en ngēt rang a nāng. Lungkhama, na maduol zām ro.’ 19Atei rētin, ‘Sarāttang rabo rangā ka rachōk a, hava ngāi āthia ranga sē ka ting. Lungkhama na maduol zām ro.’ 20Hanūk angkhat rētin, ‘Nungāk ka lāk a, hasikhan hong thei mak ung,’ a tī na. 21Hankēng hava suok chu a hong ākīr a, a pū kōma hiva rui ngāi chu a hong mantung a. In puma chu a tak asī na, a suok kōma, ‘Anrarapa suok tānla, khopui lamlian ngāi lē lamte ngāia, ānriang, bāngansam, ākhor lē āchō ngāi chu hiva hin hong ruoi ro,’ a tī na. 22Suokin a pū kōma, ‘Ka pū, chong nei na pēk anga anthō suo zei, hanum ni sela, mun a lā om,’ a tī na. 23A pumā'n suok kōma, ‘Lamlian ngāi lē lamkochep ngāia sē tānla, ka in ei bitna ranga, mi ngāi chu va mathor tānla hong manlūt ro. 24#Mt 21:43; Kui 13:46Asik chu kei na tī a ni u zei, hava ānthēmpāi ngāi chu angkhat ngal ka bukhalāi pānta mansūk ātem rang om mak,’ a tī na.”
Khristā Zī ranga Anchān Kiar
Mt 10:37-39
25Ama bila mipui ātampā a sē u na. Isuo'n amāni tiang anhoi a, 26#Mt 10:37; Zn 12:25“Tūkareng ka kōma āhong tak chu a pā, a nū, a thāinū, a nāi ngāi, a paruol, a sarzuor ngāi, hanūk chu ama ei damna len um a mūmāk nōk ten, ka zolāi ni thei mak. 27#Mt 10:38Tūkareng a khrōs anputa, ka nūk zī lui chu ka zolāi ni thei mak. 28Na kār una tū khatin mo insāng āsin rang nuom sela, ama chu mānsāna ansut bak a, ei zui theina rang ei hun lē ei hun nōk rang tīna hisāp thō bak nō ni mo? 29Bulsutna a phun suona, nukhōna a zui thei nōk ten, hava āmū dōrā'n maniērō thō u'n ti, 30‘Hiva mī'n āsin ranga a phut a, tenchu suo thei lāi mak,’ ti u'n ti. 31Ole tū rēng khat mo, atei rēng khat le rāl ankāppui ranga asuok rang ti sela, ama chu mānsāna ansut bak a, 20,000 le ama ādui ranga āhong chu 10,000 le han lei dui thei ni mo ole dui thei nō ni mo tīna mandon bak nō ni mo? 32Hanōkten, rēng atei ha ālāpāna a lā om lāi han, anngoina chong ānkel ranga palāi a lei tīr rang a ni. 33#Fil 3:7-8Havan tin ang han, na kār una tūkarengin ei dōn dōra a māk nōk ten, ka zolāi ni thei nō ni.
34 #
Mk 9:50
“Machī hi a sā, tenchu ei alna ha anpei ten, hontin mo athara ei al rēt thei rang? 35#Mt 5:13; 11:15Hava chu phil ranga lē chīmū vūrna ranga sa lāi mak, tenchu mī'n apanga ei pei kēng. ‘Anngāina kuor ādōnin rangāi rase,’ ” a tī na.
Currently Selected:
Lūk 14: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Lūk 14
14
Sabat Nikhuona Mī Āndam
1 #
Mt 12:10
Hintin hin a ni na, Isuo chu Sabat nikhuona Farisāi ngāi ulian khat ina nēksāk āthō ranga a sē na. Ama chu a lei en teren u na. 2Entā, hava han a makunga ānthing khat a om a. 3#Mt 22:35Isuo'n dānpu ngāi lē Farisāi ngāi a kōma, “Sabat nikhuona mī āndam hi dān a ni mo?” a tī na. 4Tenchu amāni chu adāireka a om u na. Ama chu a sūr a, a mandam a, a mansē na. 5Hatuka a kōm u na, “Na kār una tū mo sakuorpar#14:5 sakuorpar: Ole, “nāipasal” mo ole sarāttang adōna, khura chul sela, Sabat nikhuona han rūt len nō ni mo?” a tī na. 6Amānī'n hiva ruia hin ama chu masang thei u mak a.
Omannuoina Ruia Anchūna
7A mi thēmpāi ngāiin sutmun asa khīt ngāi ei āthang u chachak zia ngāi a mū na, amā'n ankhīna-chong khat chu a kōm una a ril a, 8“Mī'n inneina pāntāna a na thēmpāi u le, sutmun asa khīta ansut u nō ro. Nang na nēka lalchiruoi a lei thēmpāi ving u thei ke ha. 9Hatuka nang lē ama anā thēmpāipū a hong le, na kōma, ‘Ama chu na sutmun pēk ro,’ na hong tī'n ti. Hatuka sutmun annuoi khīt avā pan ranga anzak in na ti. 10Hasikhan nang chu thēmpāia nā om tika, sutmun annuoi khīta ansut ro. Hankēng anā thēmpāipū a hong le, na kōma, ‘Ka mal, sutmun ansānga ansut ro,’ na tī'n ti. Hatuka nei nēkpui ngāi makunga aliana om na ti. 11#Mt 23:12Asik chu tūkareng a ninga ansāng chu annuoia om in ti. Hatuka tūkareng a ninga annuoi chu ansānga om in ti.”
12Hatuka Isuo'n ama ānthēmpāipū kōma um, “Khuluibū mo ole zānbū mo na mansūk le, na mal ngāi, na paruol ngāi, na ūnāi ngāi, na inkōlmī ānei ngāi kui nō ro. Amānī'n um a na thēmpāia, a na thuon u'nle. 13Tenchu nēsāk pāntā na mansūk le, ānriang, bāngansam, ākhor lē āchō ngāi chu thēmpāi ro. 14#Kui 24:15Hantin han bōrsāng tung na ti. Asik chu amānī'n na thuon thei u nō ni. Midik ngāi anthuirētna tika anthuona om na ti,” a tī na.
Nēksākna Pāntā Lianpā le han Ankhīna
Mt 22:1-14
15 #
Isa 25:6; Mt 3:2; 26:29; Anl 19:9 Isuo'n bukhalāi ei kāipui ngāi bila angkhatin hava chong ngāi a riat a, amā'n Isuo kōma, “Pathian rēngrama bukhalāi akāi rang chu rāvān asa kēng,” a tī na. 16Isuo'n a kōma, “Mī khatin bukhalāi pāntā ālianpā khat a mansūk a, mī tampā a thēmpāi a. 17Bunēkna hun taka ānthēmpāi ngāi kōma, ‘Hong u ro, aloma ansūk chīt zei,’ āti ranga a suok a mansē na. 18Tenchu alom una anruola nōntāk a pēk chip u na. Mānsapū'n, ‘Ram ka rachōk lak a, kei sēna, kei va en ngēt rang a nāng. Lungkhama, na maduol zām ro.’ 19Atei rētin, ‘Sarāttang rabo rangā ka rachōk a, hava ngāi āthia ranga sē ka ting. Lungkhama na maduol zām ro.’ 20Hanūk angkhat rētin, ‘Nungāk ka lāk a, hasikhan hong thei mak ung,’ a tī na. 21Hankēng hava suok chu a hong ākīr a, a pū kōma hiva rui ngāi chu a hong mantung a. In puma chu a tak asī na, a suok kōma, ‘Anrarapa suok tānla, khopui lamlian ngāi lē lamte ngāia, ānriang, bāngansam, ākhor lē āchō ngāi chu hiva hin hong ruoi ro,’ a tī na. 22Suokin a pū kōma, ‘Ka pū, chong nei na pēk anga anthō suo zei, hanum ni sela, mun a lā om,’ a tī na. 23A pumā'n suok kōma, ‘Lamlian ngāi lē lamkochep ngāia sē tānla, ka in ei bitna ranga, mi ngāi chu va mathor tānla hong manlūt ro. 24#Mt 21:43; Kui 13:46Asik chu kei na tī a ni u zei, hava ānthēmpāi ngāi chu angkhat ngal ka bukhalāi pānta mansūk ātem rang om mak,’ a tī na.”
Khristā Zī ranga Anchān Kiar
Mt 10:37-39
25Ama bila mipui ātampā a sē u na. Isuo'n amāni tiang anhoi a, 26#Mt 10:37; Zn 12:25“Tūkareng ka kōma āhong tak chu a pā, a nū, a thāinū, a nāi ngāi, a paruol, a sarzuor ngāi, hanūk chu ama ei damna len um a mūmāk nōk ten, ka zolāi ni thei mak. 27#Mt 10:38Tūkareng a khrōs anputa, ka nūk zī lui chu ka zolāi ni thei mak. 28Na kār una tū khatin mo insāng āsin rang nuom sela, ama chu mānsāna ansut bak a, ei zui theina rang ei hun lē ei hun nōk rang tīna hisāp thō bak nō ni mo? 29Bulsutna a phun suona, nukhōna a zui thei nōk ten, hava āmū dōrā'n maniērō thō u'n ti, 30‘Hiva mī'n āsin ranga a phut a, tenchu suo thei lāi mak,’ ti u'n ti. 31Ole tū rēng khat mo, atei rēng khat le rāl ankāppui ranga asuok rang ti sela, ama chu mānsāna ansut bak a, 20,000 le ama ādui ranga āhong chu 10,000 le han lei dui thei ni mo ole dui thei nō ni mo tīna mandon bak nō ni mo? 32Hanōkten, rēng atei ha ālāpāna a lā om lāi han, anngoina chong ānkel ranga palāi a lei tīr rang a ni. 33#Fil 3:7-8Havan tin ang han, na kār una tūkarengin ei dōn dōra a māk nōk ten, ka zolāi ni thei nō ni.
34 #
Mk 9:50
“Machī hi a sā, tenchu ei alna ha anpei ten, hontin mo athara ei al rēt thei rang? 35#Mt 5:13; 11:15Hava chu phil ranga lē chīmū vūrna ranga sa lāi mak, tenchu mī'n apanga ei pei kēng. ‘Anngāina kuor ādōnin rangāi rase,’ ” a tī na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.