Lūk 20
20
Isuo a Ningneina Ruia Ankelna
Mt 21:23-27; Mk 11:27-33
1 #
Mt 26:55
Nikhat chu tempula mī a manchū na, thangahui a ril lāitak han, chāizūng ulian ngāi lē dānmīnchūpū ngāi, Zehudi pātar ngāi bila senkhat chu a kōm a hong u na, 2#Zn 2:18; Kui 4:7a kōma, “Hong ningneina le mo hiva ngāi hi nei thō chachak? Tū mo hiva ningneina hi a nā pēk? Na ril ro,” a ti u na. 3Amā'n a masang a, a kōm u na, “Koi um chongbāi khat na rakel u ka ting, na masang u ro. 4#Mk 1:4Zohan a baptisma ha vānram ātā mo ole miring ātā mo?” 5Amāni lē amāni ankel ansiat u na, “Koinī'n, ‘Vānram ātā,’ na ti ten, amā'n, ‘Hanle ichanga mo ama chu nei iam u nōk?’ na tī'n ti. 6#Mt 11:9Tenchu koinī'n, ‘Miring ātā,’ na ti ten, mī dōrā'n lung le na dēng u'n ti. Asik chu amānī'n Zohan chu deari khat tīna ei iam u a ni.” 7Hava ha hon tiang ātā mo riat mak mē, tīna a masang u na. 8Isuo'n a kōm u na, “Koi um hong ningneina le hiva ngāi hi kei thō mo, na ril u nō ning,” a tī na.
Theirapompū Salui le han Ankhīna
Mt 21:33-46; Mk 12:1-12
9 #
Isa 5:1-7; Mt 25:14 Hatuka mipui kōma hiva ankhīna-chong hi a ril a, “Mī khatin theirapom rahuon khat a sin a, hava ha theirapompū ngāi kuta a betōk a, nikhuo sōtpā ranga ram alapāna a sē na. 10A marā kham hun a hong āsuok le han amānī'n theirapom rahuona a marā senkhat chu a kōma āpēk ranga, a suok khat chu theirapompū kōma a tīr a. Tenchu theirapompū ngāiin ama chu a zēm u na, kut koronga a mansē u na. 11Suok atei a tīr rēt a, amā'm a lei zēm rēt u na. Māimōk a lei sak u na, kut koronga a mansē u na. 12Anthumna a tīr rēt a, Amā'm a manliam u na, apanga a pei u na. 13#Mt 3:17Hatuka theirapom rahuon pumā'n, ‘Hong mo kei thō rang a ni zei? Ka nāipasal madit chu tīr ka ting. Ama chu a mū u le lalchi lei thō u bō ni,’ a tī na. 14Tenchu theirapompū ngāiin a lei mū na, amāni lē amāni chu anril u na, ‘Hiva nāi hi dōngluopū rang chu a ni. Dōngluo chu koini tā ei changna rang, hong u ro, ama chu that u rei,’ a ti u na. 15Ama chu theirapom rahuon ātā a masuok u na, a that u. Hanle theirapom rahuon pumā'n amāni chu hong mo thō ni? 16Ama chu honga, theirapompū ngāi chu hong masiat zit in tia, theirapom rahuon chu mītei kōma pēk in ti.” Amānī'n hava ha a riat u na, “Ni thak thei mak,” a ti u na. 17#Sām 118:22; Kui 4:11Hatuka Isuo'n amāni chu a en a, “Hiva ānziak hi hong mo?
“ ‘Āsinpū ngāiin lung ei heng u ha,
Killung ānāng khīt a hong āchang a,’ (Sām 118:22)
ti ha. 18#Isa 8:14-15Tūkareng hava lung chunga āchul tak chu kiak in ti, hava lungin ei dēng tak chu mazōi nek in ti,” a tī na.
Kāisar Kōma Siachōi a Pēk Rui
Mt 22:15-22; Mk 12:13-17
19 #
Mk 11:18
Hava lāitak han chāizūng ulian ngāi lē dānmīnchūpū ngāiin ama chunga kut anlek ranga a ravān u na. Tenchu amānī'n mipui ā chi u na. Asik chu hiva ankhīna-chong hi amāni aduia ei ril kēng tīna a riat u na.
20 #
Mt 12:10; 27:2 Isuo chu a thīr u na, a chongkam ngāi ātā ei sūr u na, ramoppū kōma ei betōk thei una ranga, midik anga ānpēm mīsīpū ngāi chu a tīr u na. 21#Zn 3:2Hatuka amānī'n ama chu a rakel u na, “Mīnchūpū, nangin adik taka chong nei ril lē nei manchū chachak, na mimandang om mak, tenchu ataka Pathian lampui nei manchū ti koinī'n na riat. 22Kāisar kōma siachōi a pēk hi koini ranga dān a ni mo ni mak mo?” 23Tenchu Isuo'n a huonghian una a riat a, a kōm u na, “Ichang mo nei na thia u? 24Denari khat na manmu u ta. Tū ramīl lē raming mo ā chuong?” a tī na. Amānī'n a masang u na, a kōma, “Kāisar,” a ti u na. 25#Rōm 13:7Amā'n a kōm u na, “Kāisar a neinun ngāi chu Kāisar kōma pēk u ro. Pathian a neinun ngāi chu Pathian pēk u ro,” a tī na. 26Tenchu amānī'n mipui makunga a chongkama han sūr thei u mak a. Amā'n ei masangna chu a boi a dong u na, a dāirek u na.
Anthuirētna Hun Tika Inneina Rui
Mt 22:23-33; Mk 12:18-27
27 #
Kui 4:1; 23:8; 1Ko 15:12 Hatuka Sadukāi ngāi bila senkhat, anthuirētna a om tīna iamlui ngāi chu a kōma a hong u na, a rakel u na, 28#Dān 25:5“Mīnchūpū, pasal khat a paruol a thī na, a thāinū a māk a, ama chu nāi dōnluia a thi ten, amā'n a paruolpā thāinū chu lāk in tia, a paruol ranga chī ei neipui rang a ni, tīna Mōsī'n a na maziakpē na. 29Paruol sari a om a. Ulian khītin nungāk a lāk a, ama chu nāi dōnluia a thī na. 30Anninā'n hava nupang chu a nungāka a lāk a, nāi dōnluia a thī na. 31Anthumnā'n hava nupang chu a lāk a. Hantin dēn han sari ngāi um nāi dōnluia a thi kiar u na. 32Ahek khīta chu hava nupang um a thī na. 33Hantin han, anthuirētna nikhuona hava nupang chu tū thāinū mo ei chang rang? Asik chu sari ngāiin ei lāk kiar u a ni,” a ti u na.
34Isuo'n a masang a, a kōm u na, “Atun taka maniapūra mi ngāi chu nungāk ruothar anlāk a, in annei u na. 35#Mt 12:32Tenchu hun alā hong rang tika chu āthī nātā anthuirētna āluo ranga āting ngāi chu nungāk ruothar anlāk a, in annei lāi nō ni. 36#Zn 1:12Amāni chu thi thei u lāi nō ni. Asik chu anthuirētna nāi ei ni u anga, amāni chu vānpalāi ngāi le anruol kēng a ni u zei lē Pathian nāi kēng a ni u zei. 37#Ant 3:6, 15Āthi ngāi chu anthuirēt u tī chu Mōsī'n um tūk akānga a lei manlang a. Amā'n Puma chu, ‘Abraham a Pathian, Isak a Pathian lē Zakob a Pathian,’ (Ant 3:6) tīna a pāi a. 38Ama chu āthi ngāi Pathian ni mak, ādam ngāi Pathian kēng, asik chu mī dōra hi ama ranga ādam kēng,” a tī na. 39Hatuka dānmīnchūpū ngāi senkhatin, “Mīnchūpū, nei ti ngāi chu adik,” tīna, a masang u na. 40#Mt 22:46; Mk 12:34Hava suona, amāni'n ītē rakel ngam u lāi mak a.
Khristā hi Tū Nāipasal mo?
Mt 22:41-46; Mk 12:35-37
41 #
Mt 1:1
Amā'n a kōm u na, “Hontin mo mī'n Khristā hi David a Nāipasal ei ti u? 42Asik chu David lenin Sām ziaka,
“ ‘Pumā'n ka Puma kōma,
“Ka chang tiang ansut ro,
43 #
Sām 110:1; Mt 22:44 Na rāldui ngāi chu pātalunga ka sin māseng,” a tī na.’ (Sām 110:1)
44Hasikhan, David-in ama chu, Puma tīna a pāi a. Hanle hontin mo a nāipasal ei ni thei rang?” a tī na.
Dānmīnchūpū ngāi ātā Anrēngna
45Hatuka mī dōrā riata a zolāi ngāi kōma, 46“Dānmīnchūpū ngāi ātā anrēng u ro. Amāni chu kultāi anchuol ansila āchei a zōt u na, anchunzōla mī'n chubai ei thō, sinagog ngāia sutmun asa khīt lē bukhalāi pānta ngāia sutmun ahui ā dit u na. 47Amānī'n arōng ngāi in ā vol u na. Mi huongna rang khopa āseipā ngāi zār a zong u chachak a. Amāni siatanlōna chu aliaktēna adāsā na in ti,” a tī na.
Currently Selected:
Lūk 20: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Lūk 20
20
Isuo a Ningneina Ruia Ankelna
Mt 21:23-27; Mk 11:27-33
1 #
Mt 26:55
Nikhat chu tempula mī a manchū na, thangahui a ril lāitak han, chāizūng ulian ngāi lē dānmīnchūpū ngāi, Zehudi pātar ngāi bila senkhat chu a kōm a hong u na, 2#Zn 2:18; Kui 4:7a kōma, “Hong ningneina le mo hiva ngāi hi nei thō chachak? Tū mo hiva ningneina hi a nā pēk? Na ril ro,” a ti u na. 3Amā'n a masang a, a kōm u na, “Koi um chongbāi khat na rakel u ka ting, na masang u ro. 4#Mk 1:4Zohan a baptisma ha vānram ātā mo ole miring ātā mo?” 5Amāni lē amāni ankel ansiat u na, “Koinī'n, ‘Vānram ātā,’ na ti ten, amā'n, ‘Hanle ichanga mo ama chu nei iam u nōk?’ na tī'n ti. 6#Mt 11:9Tenchu koinī'n, ‘Miring ātā,’ na ti ten, mī dōrā'n lung le na dēng u'n ti. Asik chu amānī'n Zohan chu deari khat tīna ei iam u a ni.” 7Hava ha hon tiang ātā mo riat mak mē, tīna a masang u na. 8Isuo'n a kōm u na, “Koi um hong ningneina le hiva ngāi hi kei thō mo, na ril u nō ning,” a tī na.
Theirapompū Salui le han Ankhīna
Mt 21:33-46; Mk 12:1-12
9 #
Isa 5:1-7; Mt 25:14 Hatuka mipui kōma hiva ankhīna-chong hi a ril a, “Mī khatin theirapom rahuon khat a sin a, hava ha theirapompū ngāi kuta a betōk a, nikhuo sōtpā ranga ram alapāna a sē na. 10A marā kham hun a hong āsuok le han amānī'n theirapom rahuona a marā senkhat chu a kōma āpēk ranga, a suok khat chu theirapompū kōma a tīr a. Tenchu theirapompū ngāiin ama chu a zēm u na, kut koronga a mansē u na. 11Suok atei a tīr rēt a, amā'm a lei zēm rēt u na. Māimōk a lei sak u na, kut koronga a mansē u na. 12Anthumna a tīr rēt a, Amā'm a manliam u na, apanga a pei u na. 13#Mt 3:17Hatuka theirapom rahuon pumā'n, ‘Hong mo kei thō rang a ni zei? Ka nāipasal madit chu tīr ka ting. Ama chu a mū u le lalchi lei thō u bō ni,’ a tī na. 14Tenchu theirapompū ngāiin a lei mū na, amāni lē amāni chu anril u na, ‘Hiva nāi hi dōngluopū rang chu a ni. Dōngluo chu koini tā ei changna rang, hong u ro, ama chu that u rei,’ a ti u na. 15Ama chu theirapom rahuon ātā a masuok u na, a that u. Hanle theirapom rahuon pumā'n amāni chu hong mo thō ni? 16Ama chu honga, theirapompū ngāi chu hong masiat zit in tia, theirapom rahuon chu mītei kōma pēk in ti.” Amānī'n hava ha a riat u na, “Ni thak thei mak,” a ti u na. 17#Sām 118:22; Kui 4:11Hatuka Isuo'n amāni chu a en a, “Hiva ānziak hi hong mo?
“ ‘Āsinpū ngāiin lung ei heng u ha,
Killung ānāng khīt a hong āchang a,’ (Sām 118:22)
ti ha. 18#Isa 8:14-15Tūkareng hava lung chunga āchul tak chu kiak in ti, hava lungin ei dēng tak chu mazōi nek in ti,” a tī na.
Kāisar Kōma Siachōi a Pēk Rui
Mt 22:15-22; Mk 12:13-17
19 #
Mk 11:18
Hava lāitak han chāizūng ulian ngāi lē dānmīnchūpū ngāiin ama chunga kut anlek ranga a ravān u na. Tenchu amānī'n mipui ā chi u na. Asik chu hiva ankhīna-chong hi amāni aduia ei ril kēng tīna a riat u na.
20 #
Mt 12:10; 27:2 Isuo chu a thīr u na, a chongkam ngāi ātā ei sūr u na, ramoppū kōma ei betōk thei una ranga, midik anga ānpēm mīsīpū ngāi chu a tīr u na. 21#Zn 3:2Hatuka amānī'n ama chu a rakel u na, “Mīnchūpū, nangin adik taka chong nei ril lē nei manchū chachak, na mimandang om mak, tenchu ataka Pathian lampui nei manchū ti koinī'n na riat. 22Kāisar kōma siachōi a pēk hi koini ranga dān a ni mo ni mak mo?” 23Tenchu Isuo'n a huonghian una a riat a, a kōm u na, “Ichang mo nei na thia u? 24Denari khat na manmu u ta. Tū ramīl lē raming mo ā chuong?” a tī na. Amānī'n a masang u na, a kōma, “Kāisar,” a ti u na. 25#Rōm 13:7Amā'n a kōm u na, “Kāisar a neinun ngāi chu Kāisar kōma pēk u ro. Pathian a neinun ngāi chu Pathian pēk u ro,” a tī na. 26Tenchu amānī'n mipui makunga a chongkama han sūr thei u mak a. Amā'n ei masangna chu a boi a dong u na, a dāirek u na.
Anthuirētna Hun Tika Inneina Rui
Mt 22:23-33; Mk 12:18-27
27 #
Kui 4:1; 23:8; 1Ko 15:12 Hatuka Sadukāi ngāi bila senkhat, anthuirētna a om tīna iamlui ngāi chu a kōma a hong u na, a rakel u na, 28#Dān 25:5“Mīnchūpū, pasal khat a paruol a thī na, a thāinū a māk a, ama chu nāi dōnluia a thi ten, amā'n a paruolpā thāinū chu lāk in tia, a paruol ranga chī ei neipui rang a ni, tīna Mōsī'n a na maziakpē na. 29Paruol sari a om a. Ulian khītin nungāk a lāk a, ama chu nāi dōnluia a thī na. 30Anninā'n hava nupang chu a nungāka a lāk a, nāi dōnluia a thī na. 31Anthumnā'n hava nupang chu a lāk a. Hantin dēn han sari ngāi um nāi dōnluia a thi kiar u na. 32Ahek khīta chu hava nupang um a thī na. 33Hantin han, anthuirētna nikhuona hava nupang chu tū thāinū mo ei chang rang? Asik chu sari ngāiin ei lāk kiar u a ni,” a ti u na.
34Isuo'n a masang a, a kōm u na, “Atun taka maniapūra mi ngāi chu nungāk ruothar anlāk a, in annei u na. 35#Mt 12:32Tenchu hun alā hong rang tika chu āthī nātā anthuirētna āluo ranga āting ngāi chu nungāk ruothar anlāk a, in annei lāi nō ni. 36#Zn 1:12Amāni chu thi thei u lāi nō ni. Asik chu anthuirētna nāi ei ni u anga, amāni chu vānpalāi ngāi le anruol kēng a ni u zei lē Pathian nāi kēng a ni u zei. 37#Ant 3:6, 15Āthi ngāi chu anthuirēt u tī chu Mōsī'n um tūk akānga a lei manlang a. Amā'n Puma chu, ‘Abraham a Pathian, Isak a Pathian lē Zakob a Pathian,’ (Ant 3:6) tīna a pāi a. 38Ama chu āthi ngāi Pathian ni mak, ādam ngāi Pathian kēng, asik chu mī dōra hi ama ranga ādam kēng,” a tī na. 39Hatuka dānmīnchūpū ngāi senkhatin, “Mīnchūpū, nei ti ngāi chu adik,” tīna, a masang u na. 40#Mt 22:46; Mk 12:34Hava suona, amāni'n ītē rakel ngam u lāi mak a.
Khristā hi Tū Nāipasal mo?
Mt 22:41-46; Mk 12:35-37
41 #
Mt 1:1
Amā'n a kōm u na, “Hontin mo mī'n Khristā hi David a Nāipasal ei ti u? 42Asik chu David lenin Sām ziaka,
“ ‘Pumā'n ka Puma kōma,
“Ka chang tiang ansut ro,
43 #
Sām 110:1; Mt 22:44 Na rāldui ngāi chu pātalunga ka sin māseng,” a tī na.’ (Sām 110:1)
44Hasikhan, David-in ama chu, Puma tīna a pāi a. Hanle hontin mo a nāipasal ei ni thei rang?” a tī na.
Dānmīnchūpū ngāi ātā Anrēngna
45Hatuka mī dōrā riata a zolāi ngāi kōma, 46“Dānmīnchūpū ngāi ātā anrēng u ro. Amāni chu kultāi anchuol ansila āchei a zōt u na, anchunzōla mī'n chubai ei thō, sinagog ngāia sutmun asa khīt lē bukhalāi pānta ngāia sutmun ahui ā dit u na. 47Amānī'n arōng ngāi in ā vol u na. Mi huongna rang khopa āseipā ngāi zār a zong u chachak a. Amāni siatanlōna chu aliaktēna adāsā na in ti,” a tī na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.