Maatoosa 3

Xammaqize Wahannisa timirttito

(Mar. 1:1-8; Luqa. 3:1-17; Waha. 1:19-28)

1-2Ye wode Xammaqize Wahannisa, «Xoozze ka7itumo ukkide gisho yin nagarappa maaqqote» yaga7i sabbakitera Yihuda akko baayze ganasa qitida. 3Nabe Isayaasa Wahannisa baz ohidanni fana,#Maato. 4:17; Mar. 1:15; Isa. 40:3

«Akko baayze ganasa,

fetay fa qaaltto dhoqi yiizi,

‹Laatstse ogito giigizote.

E worogito luulizote› gayda»

yaga7inttidanna eesi yagayda.

4Wahannisa gimale isintseppa oochinttide afula ma77ane. Fa qazintten dafe saqqe danccane. E mu7ize katsitan boolen dekera shida. 5Asuntsi ye wode Yerusalaame katamappa, Yihuda sa7a ubbappa Yorddaanosa borkka kaleppa eego ye7ine.#2 Kat. 1:8 6Fa nagartto buuxi Yorddaanosa borkka Wahannisa kushe xammaqinttida.

7Wahannisa, gaama Farisaawuntsin saduqaawuntsi xammaqinttodes faago yi7izuntsana bi7i, unttago, «Hyantsi iita shooshuntso, yo7ode Xoozze kachchappa attode fana yinttana oode zoride? 8Yikke, Yin, yin nagarttippa maaqqidanno beezze oocha oochchote.#Maato. 12:34; 23:33 9Yin, yin wozintte, ‹Abrahama, nu aday yene› yaga7i qoppipete. Loytsii si7ote! Xoozii hyanna shuchchitippa Abrahamas na7a kessodes dandda7ane. 10Gandde minxiti xaphite giigii yene; lo77o aafe aafoosse minxa ubba gachchii tama olinttoda.#Waha. 8:33

11«Yin, yin nagarttippa maaqqidanno ersodes ta yinttana hyaatsa xammaqane. Yezin taappa suubara ye7ize yinttana Geeshi ayyaanaran tamara xammaqoda. E taappa gaama wolqqara yene; ta melle atto yezin E caammito tukkodesin beezoos.#Maato. 7:19 12Katstsa geeshize fitsita E kushite yene. Katsito loytsii geeshane; zargito fa fachite gussoda, yezin fugito dhaboosse tama michchoda» yagayda.

Yesuusa xammaqintto

(Mar. 1:9-11; Luqa. 3:21-22)

13Ye wode Yesuusa Wahannisa kushe xammaqinttodes Galilappa Yorddaanosa borkka hyanggida. 14Yezin Wahannisa eza kayodes koyi «Taanii neera xammaqinttodes beezzin ne taago ye7ine?» yagayda. 15Yezin Yesuusa mahi, «Xoozii nuuppa koyze baz ubba nu folodes beezze gisho hyatte taas ero ga7o» yagayda. Wahannisa ees yee7e yagayda. 16Yesuusa xammaqinttide fana hyaatsitippa kezida. Iira salo bugunttin Xoozze Ayyaana wolle fana ye7oderan mahi faalla afa wodhdhodera bi7ida. 17Ye wode «Hyaychche ta kadhize, E tana ufaysize ta na7ay hyaya» yagaaze qaala saloppa yi7ida.

Currently Selected:

Maatoosa 3: OydaNTL

Highlight

Copy