Maatoosa 5
5
Yesuusa derella afa tamaarsside timirtte
1Gaama worzha shiiqidanno Yesuusa bi7i derella afa kezii bettida. E tamaaruntsi eego shiiqin, 2Hyannii gaar yaga7i tamaarssida:
Turii ufayssi
(Luqa. 6:2-23)
3«Fa ayyaantte daha maaqqiduntsi anjjinttiduntsana,
salo ka7itumo unttis.
4Yeekizuntsi anjjinttiduntsana,
un mintsitse denggoda.
5Wozina aaduntsi anjjinttiduntsana,#Isa. 61:2
un sa7a laattoda.
6Xillotitsi oochchodes naydhdhizuntsin bardhdhizuntsi anjjinttiduntsana,#Maz. 37:11
un mishshada.
7Maarizuntsi anjjinttiduntsana,#Isa. 55:1
un maarotitsi denggoda.
8Wozina geeshshuntsi anjjinttiduntsana,
un Xoozii be7ada.
9Giigizuntsi anjjinttiduntsana,
un Xooz na7a ga7intti xeeginttoda. #Maz. 24:3
10Xillotitsi oochchize gisho ga7i,
bay7inttizuntsi anjjinttiduntsana,
salo ka7itumo unttis.
11«Asuntsi yinttana ta gisho ga7i cazhize wode bay7ize woden yinttalla afa iita baz ubba worddora ohize wode yin anjjinttiduntsana. #1 Phex. 3:14 12Yin anjjita salo damma maaqqide gisho ufayttote, loytsii ufayttote. Yinttappa tiino yezide nabuntsana yinnii gaar bay7ida.#1 Phex. 4:14
Soogen foo7o
13«Yin sa7as sooge; sooge fa mal77itumtto ashshiko, wayzi mahi denggode? Bale dhogiko asara yedhinttanep attin akkosin maaddoos.
14«Yin sa7as foo7o; derella afa yeze katamita aachinttodes dandda7oos.#Mar. 9:50; Luqa. 14:34-35 15Xomppe aytsii keetstsa yeze asuntsi ubbuntsis foo7ode gaar dhoqqa bessa gaddanep attin gabate gidda gaddize baaya.#Waha. 8:12; 9:5 16Yinnii gaar asuntsi yin lo77o oochito bi7i, salo yeze yin adaya bonchchode gaar yin foo7ita as tiino foo7o.#1 Phex. 2:12
Muse higge
17«Taanii Muse higgiton nabunts qaala shaarodes yi7ida yinttis aazippe. Taanii, un ohidanna turo maaqqidanno qonccissades yi7idap attin shaarodes yi7ikaaya. 18Ta yinttis turo ohine; salon sa7a aadhode wontsis higge ubba folinttodep attin higgitifa fettii qaala woy fidaale aadhoos. 19Yinnii gisho, hyanna kiititippa eerize fettii kiitan mentsize ooden mahi melluntsana yinnii gaar oochchode gaar tamaarssize ooden salo ka7itumo ubbuntsappa eeratsi maaqqada. Yezin hyanna kiitto folizen melluntsanan folode gaar tamaarssize salo ka7itumo damma maaqqada. 20Ta yinttis ohine; yin xillotitsita Farisaawunts xillotitsappan higge asttamaarunts xillotitsappa aadhanxiko, salo ka7itumo geloos.
Wodhe baz
21«Yin mayzuntsis, ‹Wodhippete; shemppo wodhide ooden firdinttoda› ga7inttidanno si7ida. 22Yezin ta yinttis ohine; fa ishaya cazhize ooden firdinttoda. Fa ishaya cazhize ooden daynna tiino firddas shiiqoda. Fa ishego, ‹Eeyay› gaaze ooden mahi gaanname tamite firdinttoda.#Keze 20:13; Mahe 5:17
23«Yinnii gisho, ne ne zharsho zharshize wode ne ishaya qohide baz nees tiirnttiko, 24Ne zharshito iza besite ashshii ashshii qito; tiino hyanggi ne ishayra giigo; yeyzi maaqqii, ne zharshito Xoozis zharsho.
25«Nena mootizera firdda keetstsa hyanggitera ogella eera giigo. Yinna atto gayko E nena daynna tiino kanggoda. Daynnize nena accizes aatsii inggoda; E nena woyne oloda. 26Ta turo ohine; neella afa firddinttide acito fettii santtime attikaayzin ciggii hyaasode wontsis achi keetstsappa mulon kezaama.
Olale baz
27«Hyannippa zaga, ‹Olale hyanttippete› ga7inttidanno si7ida. 28Yezin ta yinttis ohine, maacho bi7i, amudhdhide ubba fa wozintte iira olalida.#Keze 20:14; Mahe 5:18 29Ne mizaqi aafize nees nagaras mikinaate maaqqiko, kessii olo. Ne galtta kumutsita gaanname tama wodhdhodannippa ne gallitippa fetay dhabiko nees lo77o. 30Ne mizaqi kushize nees nagaras mikinaate maaqqiko, eza gachchii olo. Ne galtta kumutsita gaanname tama wodhdhodannippa ne gallitippa fetay dhabiko, nees lo77o.#Maato. 18:8; Mar. 9:43
Machchin azini bilintte baz
(Maato. 19:9; Mar. 10:11-12; Luqa. 16:18)
31«‹Fa machchito dakkize ooden dafo warqqate inggo› ga7inttida. 32Yezin ta yinttis ohine; fa machchito olalikaayzin billize ooden iza olalode gaar oochchane. Yinnii gaaran, dakinttide machchito ekkize ubba olalida.#Maato. 19:9; Mar. 10:11-12; Luqa. 16:18; 1 Qoro. 7:10-11
Caaqo baz
33«Yin mayzuntsago, ‹Worddo caaqqippete; yin Xoozze tiino caaqqidanno folote› ga7inttidanno si7ida. 34Yezin ta yinttis ohine; mulon caaqqippete. Xoozii bettize oyda maaqqide gisho salora caaqqippete.#Leewe 19:12; Faydo 30:2; Mahe 23:21 35E tohita yedhdhize bessi maaqqide gisho sa7ara caaqqippete. Damma kaat katama maaqqide gisho Yerusaalaameran caaqippete. 36Yin ommitippa fetaya bootsi woy kartsi mahodes dandda7oosse gisho yin yin ommite caaqqippete. 37Yinnii gisho, yin qaaltta, ‹Yee› woy ‹Ade› maaqqo. Yinnippa bale kezize xalaheppa ye7ine.
Qime ayppades beezoos
38« ‹Aafe gisho aafe; achchi gisho achchi› ga7inttidanno si7ida. 39Yezin ta yinttis ohine; yinttalla afa iita baz oochchize atstsa ixxippete. Ooden ne mizaqi dhookiza baqqiko ne workkita dhookizan beezo. 40Fettii asi ne shaamiza wolqqara ekkodes nena mootiko, ne kootizan gujjii inggo. 41Fettii asi nena wolqqara fa baz toossii fettii saate oge faara hyanggode gaar nena un7itsiko, eera lam77i saate oge hyanggo. 42Woossize oodesin inggo; neeppa tal77odes koyko oonan kayippe.
Ne morkkuntsana siiqo
(Luqa. 6:27-36)
43«‹Nena kadhiza kadho; nena ixxizaya ixxo› ga7inttidanno si7ida. 44Yezin ta yinttis ohine; yin morkkuntsana kadhote; yinttana qohizuntsis woossote. 45Yinnii gaar yin oochchiko, salo yeze yin adays yin na7untsana maaqqada. E iituntsisin lo77untsis awa kassane; xilluntsisin nagaranchchuntsisin fa ira bukkizane. 46Yinttana kadhize asuntsana xalaala yin kadhiko, yinttis akko tirfe yeze? Melle atto yezin, gabe qaraxe gachchizuntsin yinno oochchane. 47Yin, yin ishuntsana xalaala saritsiko, melluntsappa akko aadhizebaz oochchidote? Melle atto yezin, Xooz ammanoose asuntsi yinno oochchane. 48Yikke, salo yeze yin aday folo maaqqidanni fana yinttin folo maaqqote.
Currently Selected:
Maatoosa 5: OydaNTL
Highlight
Share
Copy
Want to have your highlights saved across all your devices? Sign up or sign in
The word for the World Ethiopia
