Jenɛɛsë 2
2
1'Asɩ Nyɔsʋa nʋ 'ɔnya 'wlara cɛɩɩ nyra ‑tʋtʋ, nyra diia 'fɩɔa nʋnʋkʋ. 2Jrüü ‑uunsɔɔa ‑srɩ 'lɩ Nyɔsʋa 'wlara 'ɔa 'jrʋpa. Jrüü ‑uunsɔɔa ‑srɩ 'lɩ Nyɔsʋa 'nyüglö 'ɔa 'jrʋpa 'ɔnya 'pa ‑fʋflʋ#2.2 Ebröönyüü 4.4,10.. 3Nyɔsʋa nya 'pa 'uunsɔɔa nü jrüü 'nɩ 'ɔnya bere 'uun 'klɩ. 'Be 'a 'ia jrüülüa 'mlɩ 'ɔ 'nyüglö 'ɔa 'jrʋpaa 'fɩɔ 'ɔnya 'pa ‑fʋflʋ#2.2-3 Ɛgësɔɔdë 20.11.. 4a‑Jäsɩ cɛɩɩ nyra ‑tʋtʋ nröröa'.
‑Putulu bäa' Edɛɛnë
4b'Taɩn 'lɩ Yawe#2.4b Yawe: Ebrööwii 'lɩ 'ia ‑gbaa bä: 'Pläwʋtɩɔrɔnyɔɔ. Nyɔsʋa nʋa' ‑tʋtʋ nyra cɛɩɩ, 5'klʋɛɛa tiia dɛɛjɔ 'doo ‑kaaŋlʋ ‑tʋtʋ ‑gälɩa bä. 'Be Yawe Nyɔsʋa ‑kaaŋlʋ 'nʋŋlʋ ja 'umä ‑tʋtʋ ‑gälɩ 'ciere, ‑bɛ nyɔɔ ‑kaaŋlʋ 'lɩbä 'ɔmä pla. 6‑Maa 'nɩ sɔ ‑fli 'kä 'u ma papla ‑tʋtʋa 'fɩɔ 'nɩ. 7Yawe Nyɔsʋa nya nʋ ‑tʋtʋa 'mlʋ 'ɔnya nʋ nyɔɔ, 'ɔnya 'pa 'ɔa 'mrʋ 'lɩ ‑fʋflʋlɔ ‑nyɛɛa' 'klä. Nyɔɔ nya bä 'lɩbänyɔɔ#2.7 1 Korɛɛntënyüü 15.45.. 8Yawe Nyɔsʋa nya pla ‑putu 'doo Edɛɛnëa 'blɩ ‑gälɩ, 'pɛlɛ kä ‑gälɩ 'jrʋ sɔrɔa' 'wʋ. 'Ɔnya ‑tʋ 'lɩ nyɔɔlɔ 'ɔ nʋa'. 9Yawe Nyɔsʋa nya ‑gaaala putua ‑tʋtʋ ‑gälɩ 'nanatiia 'kaɩnkaɩn, 'ia 'bö nya 'na jijikʋa ‑gʋ. 'Ɔnya pla putulua ‑tɔrʋpɩɔ tuulu ‑nyɛɛa' 'klä, nyra bɩa tuulu ‑nyɛɛa' 'cɩcagbia jejrekʋ nyra ‑balʋa jejrekʋ#2.9 'Nyügälɩjawii 2.7; 22.2,14.. 10'Nie 'dee ma sɔ Edɛɛnëa 'blɩ ‑gälɩ 'kä 'ɛ ma papla putulua ‑tʋtʋ 'nɩ. Ɛ ma ‑si ‑plɩɩ nɩ, 'ɛ sɔrɔ 'wʋ mlɔɔ 'wʋ. 11'Ɛa 'klɩsa bɔʋa 'nyrɩ bä Pisɔɔn; 'ɛɛ trara Avilaa 'blɩ 'klɩ. ‑Sika bä 'ia 'blɩlɩa 'mlɩ. 12'Ia ‑sika bä 'tasɩrɩa ‑sika. Bɛdɛliumë nyra 'täkëlë 'ü 'daraa' onikësë nya bä bɩa 'lɩ. 13'Ɛa 'sɔɔa nu bɔʋa 'nyrɩ bä Gisɔn; 'ɛɛ trara Kusëa 'blɩ#2.13 Kusëa 'blɩ: 'Ii bä 'saarɩ Sudaan a 'blɩ 'aiɛ Etiopia 'blɩ. Gisɔn: 'Nielɩ 'ü 'daraa' 'saarɩ Nilë Ejiipëtëa 'blɩ. 'klɩ. 14Tääa nu bɔʋa 'nyrɩ bä Tiglisë. 'Ɛɛlɛ nɩ, Asiriia 'pɛlɛ kä ‑gälɩ 'jrʋ sɔrɔa' 'wʋ, 'ii ɛ fala. Mlɔɔa nua 'nyrɩ bä Eflatë.
15Yawe Nyɔsʋa nya ‑tʋ nyɔɔ putulu bäa' Edɛɛnëa bätäa 'mlɩ, 'ɔmä pla ‑bɛ 'ɔmä putulu 'nyügbatʋ. 16Yawe Nyɔsʋa nya ‑nyɩ nyɔɔlɔ ‑dɔlʋ kʋa' ‑pɩ: «‑Mrɛɛɛ ‑a ‑ji tiili kä 'fɩɔ bäa' putulua 'mlɩa tʋtʋdiia 'fɩɔ, 17‑maa tuulu ‑nyɛɛa' 'cɩcagbia jejrekʋ nyra ‑balʋa jejrekʋ nɩ, ‑nyɩ ji 'ua 'bö! ‑Maa ‑srɩlɩ ‑nëmäa' 'ua 'bö ji 'tasɩrɩ ‑nya jäa.» 18Yawe Nyɔsʋa nya 'daa: «'Inyɩ 'na ‑a 'na nyɔɔ 'mä 'doo bä; ‑a nʋ 'ɔa ‑gbajia nʋ, ɔ 'ɔ nyra 'ɔɔn bäa' dɛɛ 'dee.» 19‑Tʋtʋ Yawe Nyɔsʋa nʋ 'ɔnya nʋ 'klʋɛɛa mlaa 'fɩɔ nyra cɛlɩa nyisiea 'fɩɔ. 'Ɔnya ja 'üün nyɔɔ 'ɔmä 'ɔɔn 'jä 'sɩrɩ 'ɔmäa' 'üün were. 'A 'nyrɩlɩ nyɔɔ ‑nyɩa' ‑mɛdee 'ii tɩɔrɔ 'ɛa 'nyrɩ. 20Nyɔɔ ‑nyɩ mlaa 'fɩɔ 'nyrɩ, 'palɩ cɛlɩa nyisiea 'fɩɔ nyra 'klʋɛɛa mlaaa 'fɩɔ. ‑Maa nyɔɔ 'nyɩ 'ɔa ‑gbajia nʋlɔ 'ɔ nyra 'ɔɔn bäa' dɛɛ 'dee ‑a kä. 21'Ii känyrɩ Yawe Nyɔsʋa nya 'pa 'ɔɔn 'mʋmʋ kpaku 'lɩ. 'A 'mʋmʋ 'lɩ 'ɔ bä, 'ɔnya 'balɩ 'ɔa ‑gbatii 'dee, 'ɔnya nʋ 'jajɛ 'ɔnya kala 'ia ‑plɩɩlɩ. 22Yawe Nyɔsʋa nya nʋ ‑gbatiilɛ 'ɔ 'baa' nyɔɔ 'lɩ 'ɔnya nʋ 'ŋlʋʋ; 'ɔnya ja 'ɔɔn nyɔɔ. 23Nyɔɔ nya 'daa:
«‑Wooi! ‑Jää ‑mɔlɔ bäa' 'na 'koia 'kɔʋ,
nyra 'na 'jajɛa 'jajɛ#2.23 'na 'jajɛa 'jajɛ: 'Ia ‑gbaa bä: ‑mɔ bä 'na 'mlɔɔa ‑toru. ;
'Ɔɔlɔ nɩ, 'ɔa 'nyrɩ bä 'Ŋlʋʋ,
'be nyɔɔ 'lɩ 'ɔ sɔ.»
24'Ia ‑gʋ nyɔɔ nya 'ɔa tʋ nyra 'ɔa 'yio ‑gbasɔa, 'kä 'ɔ nyra 'ɔa 'ŋlʋʋ 'mä ‑ma, 'kä 'üa 'sɔɔ nya 'jajɛ 'dee bä#2.24 Matiö 19.5; Marëkë 10.7-8; 1 Korɛɛntënyüü 6.16; Ɛfɛsënyüü 5.31..
25‑Gbagbapolu nyɔɔlɔ ‑bɛ 'ŋlʋʋlɔ 'pa kä, ‑maa 'i ma 'nyɩ 'üün 'nyüsü 'wʋ ‑a kä.
Currently Selected:
Jenɛɛsë 2: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
