Jenɛɛsë 6
6
Nyɔsʋaa nyɩbɛjü ‑bɛ nyüüa 'ŋlëkayerü
1Nyüü cɛtɛa' ‑gälɩpaplakʋ ‑tʋtʋ ‑gälɩ nɩ, ‑bɛ 'ü ‑gua' 'ŋlëkayerü nɩ, 2Nyɔsʋaa nyɩbɛjü#6.2 Nyɔsʋaa nyɩbɛjü: ‑Beeredɛɛ Sɛɛtëa 'jüa 'jü, nyra Kaɛɛn a nü totrowli. 'Aiɛ 'aanjëlü Nyɔsʋa prɛa'. Tɛ Judë 6-7. 'jäa' 'sɩrɩ nyüüa 'ŋlëkayerü 'naa' nɩ, 'ünya 'ba 'üa ‑tɔrʋpɩɔ 'ŋlëkayerü ‑mölöö 'ünya bä 'üa 'ŋlëgë. 3Yawe ‑nëma: «'Na ‑fʋflʋlʋ ‑nyɛɛa' 'klä ‑nëmä nyɔɔ 'lɩ ‑a ‑tɩɔrɔ, 'be 'jajɛ nyɔɔ bä. 'Ɔnya ‑sɩa ‑glʋɩuundoo (120) ‑tʋtʋ ‑gälɩ ‑sia.» 4'Ia 'taɩn 'lɩ nyüü 'tëtëë#6.4 nyüü 'tëtëë: Ebrööwiilɩ 'ü nö Nefelimë. ‑Beere 'ia ‑gbaa bä: nyüülü ‑göa' cɛlɩ ü blöa' 'aiɛ nyüü 'tëtëë. ma bä ‑tʋtʋ ‑gälɩ, 'nɩmɩ 'taɩnlɩ ‑sia' 'ü bä kä 'lɩ. 'Üü bä tafunyüü ‑Kätɩsaa, 'üa 'nyrɩ ma mö. 'A 'taɩn 'lɩ Nyɔsʋaa 'jü jrea' nyüüa 'ŋlëkayerü nɩ, 'a ‑plɩɩ 'ü ‑glooro#6.4 'Nɔɔbrë 13.33..
Nyɔsʋa 'baa' 'lɩ Noe mlɩ
5Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ, 6'Ɔa plɛ nya ‑taaralɩ. 'Inya pala 'ɔɔn ‑sɩɔ dɛɛlɛ kä ‑gʋ 'ɔ nʋa' nyɔɔ ‑tʋtʋ ‑gälɩ. 7Yawe ‑nëma: «Nyɔɔlɔ 'n nʋa', 'nyaa 'ɔɔn ‑tʋtʋ ‑gälɩ 'baa, kolo 'ɔɔn ‑gälɩ 'kä ‑a ‑tɔɔ mlaa ‑gälɩ, ‑a ‑tɔɔ ‑pɛrɛdii nyra nyisie ‑gälɩ. 'I pa 'mɩ ‑gba dɛɛlɛ kä ‑gʋ 'n nʋa' 'üün.»
8‑Maa Noeelɔ nɩ, 'ɔa wii ma kä Yawe 'tʋ#6.5-8 Matiö 24.37; Lukë 17.26; 1 Piɛɛrë 3.20..
NOEEA WII
6.9–9.29
9‑Jäsɩ Noea 'jüa 'jüa wii nʋa' ‑sisidɛɛ. Noea 'taɩn 'lɩa nyüüa ‑tɔrʋpɩɔ nɩ, 'ɔɔ bäa' Noe 'ɔɔ bä kä 'klɩgänyɔɔ, 'ɔɔ ma bä 'cɩcanyɔɔ. 'Ɔɔ nyra Nyɔsʋa ma 'nyɛɛ#6.9 2 Piɛɛrë 2.5.. 10Noe ‑gu 'nyɩbɛjü tää: Sɛmë, Samë nyra Jafɛtë. 11‑Maa ‑tʋtʋ ‑gälɩa nyüüa nʋnʋgbi bʋbɔ Nyɔsʋaa 'klɩ, 'klü ma 'si ‑tʋtʋ ‑gälɩ. 12Nyɔsʋa tɛa' ‑tʋtʋ ‑gälɩ nɩ, nyüüa bʋbɔgbi nya 'uun bʋblɔa; 'be nyüüa 'fɩɔa nʋnʋgbi bʋbɔ ‑tʋtʋ ‑gälɩ.
13'A 'ia ‑gʋ Nyɔsʋa nya ‑gbala Noe: «Nyüüa 'fɩɔa bʋblɔtaɩn 'a 'lɩjrä, 'ü 'sie ‑tʋtʋ bʋbɔgbi 'klɩ. 'Üü ‑bɛ ‑tʋtʋ kɔsɔ 'nyaa 'üün ‑gblooa. 14Ko gofeetuua 'mɩɩ kpaki. ‑Tätä 'lɩmlɩ 'crʋgbë, 'kä ‑paaa 'lɩmlɩ nyra 'lɩ ‑gba 'kɔlëtaa. 15‑Jäsɩ ‑nëmäa' 'ɛa kokodɛɛ nʋ: 'Ɛa tʋŋlɔdɛɛ nya 'mɛtrʋa#6.15 'mɛtrʋ: Ebrööwii 'lɩ, 'ü nö: Kudee. Kudee 'dee bä santimɛɛtrëa ‑glʋɩsɔɔ ‑bɛ ‑gbööa 'samadɛɛ (45). ‑glʋɩuunsɔɔ ‑bɛ ‑pʋ (150) bäa; 'ɛa 'wʋflɛrɛdɛɛ nya 'mɛtrʋa ‑glʋ ‑bɛ ‑gböö bäa; 'kä 'ɛa 'wlitʋŋlɔdɛɛ nya 'mɛtrʋ ‑pʋ ‑bɛ ‑gböö bäa. 16Kpa 'mɩɩa cɛlɩ 'klɩ, i ‑bɛ 'mɩɩa kotüa ‑tɔrʋpɩɔa 'wli tʋŋlɔdɛɛ bä santimɛɛtrëa ‑glʋɩsɔɔ ‑bɛ ‑gböö. ‑Tʋ bɩa 'mɩɩa 'pɛ ‑mɩdee ‑gälɩ tatu, 'kä ‑paaa bɩa 'mɩɩlɛa 'mlɩ ‑gälɩpeprekʋfë tää. 17'Mɔɔlɔ ‑o, 'nyaa 'nʋŋlʋkpaku ‑tʋtʋ ‑gälɩ jaa, 'mä diili kä 'fɩɔ fioa' ‑bɛ i bäa' cɛa ‑wälɩ ‑gblooro. Diili kä 'fɩɔ bäa' ‑tʋtʋ ‑gälɩ nya jäjäa. 18‑Maa 'nyaa ‑mɔ ‑bɛ 'mɔɔa ‑tɔrʋpɩɔ kuö 'paa. ‑Nya 'mɩɩ 'lɩ paa, ‑nyra ‑na nyɩbɛjü kɔsɔ, ‑na 'ŋlʋʋ nyra ‑na nyɩbɛjüa 'ŋlëgë. 19'Dɩdiia 'fɩɔa ‑tɔrʋpɩɔ nɩ, ‑kä ‑mä 'ia 'sɔrɔ 'sɔɔ 'mɩɩ 'lɩ 'jrara; nyɩbɛrʋ ‑bɛ 'ɛa 'ŋlʋʋa nɛ, 'ü nyra ‑mɔ 'mä 'lɩmlɩwʋ. 20Nyisie ‑bɛ 'ia ‑glügbü, mlaa ‑bɛ 'üa ‑glügbü, nyra diili kä 'fɩɔ bäa' ‑tʋtʋ ‑gälɩ i ‑pɛrɛa' 'ia ‑glügbü; 'ia 'sɔrɔ 'sɔɔ nya ‑na 'pɛlɩ jia 'imä 'lɩmlɩwʋ. 21‑Maa ‑mɔlɔ nɩ, dɔrɔ diili kä 'fɩɔ bäa' jijidii 'wʋ, pla 'iin 'mɩɩ 'lɩ, 'imä ‑na jijrɛ nyra 'ia jijrɛ bä.»
22Noe nya nʋ wiilia 'fɩɔ Nyɔsʋa ‑gbala 'ɔɔn. 'A 'i 'ɔ nʋ#6.22 Ebröönyüü 11.7..
Currently Selected:
Jenɛɛsë 6: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
