Jenɛɛsë ‑Pɔɔkʋa 'mlɩa wii
‑Pɔɔkʋa 'mlɩa wii
Jenɛɛsëa ‑gbaa bä «'käkolofa»: 'sɩrɩ diili kä fɩɔ bäa' cɛa 'mlɩ nyra ‑tʋtʋ ‑gälɩ nröröa', nyüüa sɔrɔfa, 'sɩrɩ ‑balʋ nyra ‑sʋɩ paa' 'pläa 'mlɩ nyra 'sɩrɩ Nyɔsʋa 'kplaaa' nyüü. Jenɛɛsëa ‑pɔɔkʋ 'mrɛɛ u sɔrɔ 'wʋ 'sɔɔwʋ: (A) 'Pläa nrörö 'a nyra nyüüa 'papawiia cɛtɛfa. 'Ii bä Adaan nyra Ɛvëa wii, Kaɛɛn nyra Abɛɛlëa wii, Noee nyra 'nʋ kpakulu da käa' 'ua wii, nyra Babilɔɔnëa 'wlitʋŋlɔ nyukulu nyüü 'daaa' 'ümä 'papa 'umä cɛ 'ku (1.1–11.26). (B) Israɛɛlënyüüa ‑kätɩnyüüa wii. Abraamë bä ‑kätɩ ‑kätɩa nyɔɔ. 'Ɔa nyɔsʋaplɛ nyra Nyɔsʋaa 'lɩträäräkʋa ‑gʋ, Nyɔsʋa nya 'pa 'ɔmɩ 'nɩ. 'Pɩrɩgälɩ nɩ, 'ɔa nyɩbɛjʋ Isaakëa wii, 'ɔa 'jʋa 'jʋa Jakɔɔbëa wii ('ɔɔ 'ü 'dara bɩa Israɛɛlë) nyra Jakɔɔbëa 'jü ‑pʋ ‑bɛ 'sɔɔa wii. 'A 'jülü 'üü 'pa Israɛɛlëa ‑glügbü ‑pʋ ‑bɛ 'sɔɔ. ‑Pɔɔkʋlʋ 'paa 'ɔa 'jüa ‑tɔrʋpɩɔa 'jʋ 'dooa ‑gä ‑gböösa, 'ɔɔ 'ü 'dara Josɛɛfë. 'Ii bä bɩa wiili faa' Jakɔɔbë nyra 'ɔa nyɩbɛjü ‑mölöö nyra 'üa ‑gbüüü ‑bɛ 'ü mia' Ejiipëtë (11.27–50.26).
Nyüüa ‑gä ‑taa ‑pɔɔkʋlʋ 'paa ‑tɛɛ, ‑maa wiili Nyɔsʋa nʋa' 'ia ‑pɔɔkʋ 'u bä ‑kätɩ. 'Cɩcasalä 'u koloa' ‑gälɩ 'kä 'ii bä Nyɔsʋa, 'ɔɔ nʋ diia 'fɩɔ, 'kä 'u 'wlara 'sɩrɩ Nyɔsʋa ‑ka 'paaa' 'ɔa 'pläa nyüüa ‑gä ‑gälɩ. Nyɔsʋaa ‑gä 'ää 'si ‑taa ‑pɔɔkʋlʋa 'mlɩ, 'ɔɔ ‑tʋʋä ‑gä, 'ɔɔ 'pɔnɩ nyüülü nöa' ‑balʋ, 'ɔɔ 'tiere 'ɔa ‑glügbö 'kä 'ɔ jö 'ään ‑gba, 'kä 'ɔ 'cici 'äa wii. ‑Taa ‑pɔɔkʋlʋ kʋa' ‑pɩ ‑jɩjra 'ümä ‑glügbölä toroa' Nyɔsʋa plɛ, 'üa Nyɔsʋaplɛtorokʋ ‑wälɩ tʋ, ‑bɛ 'umä Nyɔsʋa plɛtorokʋa 'nyʋfɔ srara, ‑bɛ 'ümä nyɔɔlɔ Nyɔsʋa 'daaa' 'ɔmäa' ja 'jä 'ɔɔ mäa' 'lɩ nyɔɔ mlɩba, 'ɔmäa' trɔɔa 'wli 'käsusro. 'Umä 'ia 'fɩɔlɔ ‑wälɩtʋ (3.15).
‑Jäsɩ ‑pɔɔkʋlʋa wii 'totroa' 'klɩ:
A. Nyɔsʋa nʋ 'plä 'mʋfasa, ‑maa nyɔɔ fa 'Ɔɔn tou 1.1–11.26
Nyɔsʋa nʋa' cɛ nyra ‑tʋtʋ 1.1–4.26
Adaan a wii 5.1–6.8
Noeea wii 6.9–9.29
Noeea 'jüa 'jüa wii 10.1–11.9
Sɛmëa wii 11.10-26
B. Nyɔsʋa nyra Abramë 'palɩ kuö, 'ɔmä 'ɔɔn kälɩ ‑srörö 'ɔmä ‑glügbüa 'fɩɔ 'nɩpa (11.27–50.26)
Tɛraa 'jüa 'jüa wii 11.27–25.11
Isëmaɛlëa 'jüa 'jüa wii 25.12-18
Isaakëa 'jüa 'jüa wii 25.19–35.29
Esaua 'jüa 'jüa wii 36.1–37.1
Jakɔɔbëa wii 37.2–50.26
Currently Selected:
Jenɛɛsë ‑Pɔɔkʋa 'mlɩa wii: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.