Jaan 16
16
1«'A ‑pɩ Nyɔsʋaa 'nyʋfɔwʋ 'wʋ 'a 'ia ‑gʋ 'n ‑gbala 'amɩ 'iin. 2'Ünya 'amɩ juifëa 'sraaplanyëka ‑wälɩ prɛa. ‑Bɛ 'sɔɔwʋ, 'taɩn jö, 'üü 'mä 'amɩ 'babla. 'Ümäa' 'iin nʋ nɩ, 'üa plɛ nɩnɩa Nyɔsʋaa 'jrʋpa 'ü ‑fɛɛɛ. 3'Be 'ünyɩ 'mɔɔ ‑bɛ Tʋ ‑a jre, 'ia ‑gʋ 'ümä 'iin nʋ. 4'N ‑gbala 'amɩ 'iin dotro 'ia 'taɩn ma jrä ‑srɩɩ 'wli, 'amä plɛpa 'sɩrɩ 'n ‑gbala käa' 'amɩ 'iin. 'N ‑ka bä kä 'ana ‑tɔrʋpɩɔ 'a 'ia ‑gʋ 'n ‑kaapɩɔ 'amɩ 'iin ‑gbala 'bala 'käkolofa 'wʋ.
5«'Köklesaplɩɩ ɔ nɩ, nyɔɔlɔ blɔa' 'mɩ, 'ɔa ‑nyɛɛ 'n mö. 'Ana ‑tɔrʋpɩɔa nyɔɔ 'doo 'nyɩ 'mɩ ‑a 'bete ‑plɩɩlɩ 'n möa'. 6'A wiili 'n ‑gbalaa' 'amɩ, 'ia ‑gʋ 'a 'kpɔɔ! 7‑Bɛ 'cɩcasa 'n ‑gbala 'amɩ, ama mi nɩ, 'i 'na 'ana ‑gʋ. Ama 'nyɩ mi ‑a mi ‑Gbajisusulu ‑ka ‑nëmä ji ‑a ji, ‑maa ama mi nɩ, 'nyaa 'amɩ 'uun jaa. 8Uma ji nɩ, 'uu nëmä 'pläa 'mlɩa nyüü ‑fälɩ be, dɛɛlɛ bäa' ‑balʋ, ɛ bäa' 'klɩgägäkʋ ‑bɛ dɛɛlɛ bäa' ‑gätʋtʋkʋ. 9Dɛɛlɛ bäa' ‑balʋ nɩ: 'pläa 'mlɩ nyüü 'nyɩ toro 'mɩ plɛ ‑a, 10dɛɛlɛ bäa' 'klɩgägäkʋ#16.10 'klɩgägäkʋ: Nyɔsʋa nɩnɩa nyɔɔa 'klɩgägäkʋ ‑beere ‑frepakotu; tɛ Esaii 64.5. nɩ: Tʋa ‑nyɛɛ 'n mö ‑bɛ 'a ‑ka ‑nëmä 'mɩ ‑a 'jä#16.10 Juifëa plɛ nɩnɩa üma ‑träärälɩ 'ua ‑dɔ nɩ, 'a ‑plɩɩ Nyɔsʋa 'mä 'üa ‑balʋ cere, 'be 'ü ‑träärälɩ 'üa ‑dɔ. ‑Maa Nyɔsʋa ‑Susu nya srara 'üün 'sɩrɩ 'üa ‑dɔ 'nyɩa' ‑tɔɔ kä, 'cɩcasa 'nyɩa' 'lɩbä. Nyüülü toroa' Jesu plɛ ‑bɛ 'ü 'daraa' 'ɔɔn 'üa 'lɩmlɩbanyɔɔ, 'üü Nyɔsʋa 'nyiereklɩ (Rɔmënyüü 1.17; 3.21-22). 'Taɩn 'lɩ Jesu 'mäa' Tʋa ‑nyɛɛ mi nɩ, Nyɔsʋaa ‑Susu nëmä 'üün ‑gälɩ ‑glaara, 'uu nëmä nyüüa plɛgälɩ flɛrɛ 'sɩrɩ Jesu bäa' 'kasa Nyɔsʋaa 'Jʋ.. 11Dɛɛlɛ bäa' ‑gätʋtʋkʋ nɩ: nyɔɔlɔ käa' 'plälä kʋa' ‑pɩ, 'ɔa ‑gä 'a ‑träärä.
12«'Kɔkɔmlɛ ‑ka bälɩ 'mä 'amɩ ‑gbala, ‑maa 'anyɩ 'iin mlɩ ‑a bɩa 'köklesaplɩɩ. 13'Taɩn 'lɩ ‑Susulu sraraa' 'cɩcasa 'mäa' ji nɩ, 'unya 'amɩ 'cɩcasaa 'fɩɔ sraraa. ‑Mää 'ua 'mʋgbɛa 'nyrɩklɩ 'u ‑nëmä wii 'pala, ‑maa wiili kä 'fɩɔ 'u 'nua' 'wli nɩ, 'ii 'umä 'amɩ ‑gbala, 'kä 'unya bɩa 'amɩ wiili bäa' dɛrɩ i jöa' ‑gbala. 14'Uu nëmä 'mɩ 'bʋala, 'be 'i kä 'fɩɔ 'umäa' 'amɩ srara, 'mɔɔ kälɩ 'i sɔ. 15Diili kä 'fɩɔ Tʋ käa', 'mɔɔ kä 'iin. 'A 'ia ‑gʋ 'n 'daa ‑maa 'i kä 'fɩɔ 'umäa' 'amɩ srara nɩ, 'mɔɔ kälɩ 'i sɔ.»
Jesua mimitaɩn
16«'A ‑ka ‑nëmä 'mɩ ‑a 'jä 'taɩn jiea 'mlɩ, ‑bɛ 'taɩn jie ‑a 'mlɩ 'anya 'mɩ 'jäa, 'be Tʋa ‑nyɛɛ 'n mö#16.16 'be Tʋa ‑nyɛɛ 'n mö: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..» 17'Ɔa 'wʋnyɛrɛnyüüa ‑tɔrʋpɩɔa nyüü 'doorodoo 'betre 'lɩ: «Wii 'plɛɛ 'ɔ ‑gbala amɩ i bäsaa le: ‹'A ‑ka ‑nëmä 'mɩ ‑a 'jä 'taɩn jiea 'mlɩ.› ‑Bɛ ‹'Taɩn jie ‑a 'mlɩ 'anya 'mɩ 'jäa, 'be Tʋa ‑nyɛɛ 'n mö?› » 18'Ü ‑nëma 'sɔɔwʋ: «'Ɔ nɩnɩa dɛplɛɛ bälɩ ‹'taɩn jiea 'mlɩ› le? Anyɩ 'nu 'ɔɔn 'wli ‑a!» 19‑Maa Jesu jre 'iin 'sɩrɩ 'ü 'bataa' 'ɔa 'betekʋ, 'ɔnya ‑gbala 'üün: «'A wiili 'n 'paa' ‑bɛ 'n 'daaa': ‹'A ‑ka ‑nëmä 'mɩ ‑a 'jä 'taɩn jiea 'mlɩ, ‑bɛ 'taɩn jie ‑a 'mlɩ 'anya 'mɩ 'jäa›, 'i 'a 'betre 'ana nyüfë 'lɩ? 20'Tasɩrɩa 'cɩcasa 'n ‑gbala 'amɩ, 'anya 'wua, 'anya ‑sɩsraa, ‑bɛ dɔrʋ nya 'plä 'blaa. 'Anya 'kpɔɔa, ‑maa 'ana 'kpɔkpɔɔkʋ nya dɔrʋ 'lɩ ‑sröröa. 21'Ŋlʋʋ 'a 'jäa' 'wʋ nɩ, ɔma nëmä ‑gu, 'ɔa plɛfie, 'a 'ɔa 'taɩn jrälɩ. ‑Maa ɔma nyaa' 'jʋlɔ ‑gu nɩ, 'ɔ ‑trɔɔɔ ‑sʋɩa 'fɩɔ. Dɔrʋ 'blaa 'ɔɔn, 'be 'ɔ 'a 'jʋ ‑fälɩ ja. 22'Ii känyrɩ 'ana 'mʋgbɛ, 'köklesa 'ana plɛfie, ‑maa 'nyaa 'sɔɔwʋ 'amɩ 'jäa, 'kä dɔrʋ nya 'amɩ 'bla. 'Ia dɔrʋlʋ nɩ, nyɔɔ ‑nëmä 'amɩ 'uun plɛklɩ ‑a 'ba.
23«'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa. 24'A ‑kaapɩɔ 'na 'nyrɩklɩ dɛɛ ‑a ‑sɛɛrɛ. 'Ba ‑sɛ 'ɛɛn, 'anya 'ɛɛn 'jäa, ‑bɛ ana dɔrʋ 'mä 'wlisie.
25«Wiili kä 'fɩɔ 'n ‑gbalaa' 'amɩ nɩ, 'klɩpaplawii bäsaa. ‑Maa 'inya 'taɩn käa, 'n ‑ka ‑nëmä 'saa wii ‑a 'pa; 'sɩrɩ 'amäa' 'nu dotro, 'asɩ 'mä 'amɩ Tʋa ‑gä 'lɩsara. 26'Ia 'taɩnlɩa 'mlɩ nɩ, 'na 'nyrɩklɩ 'amä dii 'betre, 'nyɩ bɩa 'daa 'nyaa Tʋ bibiea 'ana ‑gʋ. 27Tʋa 'mʋgbɛ ‑wa 'amɩ, 'be 'a ‑wa 'mɩ, ‑bɛ 'sɩrɩ 'n sɔa' Nyɔsʋaa ‑nyɛɛ 'anya 'dara 'iin wii. 28Tʋa ‑nyɛɛ 'n sɔ, 'nyaa ji 'pläa 'mlɩ; 'köklesaplɩɩ ɔ nɩ, 'pläa 'mlɩ 'n sɔ ‑bɛ 'n mö Tʋa ‑nyɛɛ.»
29'Iibäa' 'ɔa 'wʋnyɛrɛnyüü nɩ: «‑Jää ‑mɔ ‑ka 'pa ɩa' wii 'cɩcasa la, ‑kanyɩ wii 'klɩ ‑a 'papla. 30'Abɩa amɔ ‑ka jre ɩa' 'saa jre wiia 'fɩɔ, ‑nyɩ ‑glaaa ‑gla ‑a nyɔɔ 'mä ‑mɩ 'bete. 'A 'ia ‑gʋ a jresaa Nyɔsʋaa ‑nyɛɛ ‑sɔ.» 31'Iibäa' Jesu nɩ: «'Amɔ 'a ‑ka toro ɩa' plɛ? 32‑A ‑gbala 'amɩ, 'taɩn jö, ‑bɛ 'i 'a 'lɩjrä, 'anya ‑plɩɩ 'na 'doo 'kägbaa, ‑mɔ ma bälɩ 'ɔa ‑pɩɔ 'ɔmä fa. ‑Maa 'nëmä 'doo ‑a bä, 'be Tʋ bä 'na ‑gba. 33Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»
Currently Selected:
Jaan 16: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Jaan 16
16
1«'A ‑pɩ Nyɔsʋaa 'nyʋfɔwʋ 'wʋ 'a 'ia ‑gʋ 'n ‑gbala 'amɩ 'iin. 2'Ünya 'amɩ juifëa 'sraaplanyëka ‑wälɩ prɛa. ‑Bɛ 'sɔɔwʋ, 'taɩn jö, 'üü 'mä 'amɩ 'babla. 'Ümäa' 'iin nʋ nɩ, 'üa plɛ nɩnɩa Nyɔsʋaa 'jrʋpa 'ü ‑fɛɛɛ. 3'Be 'ünyɩ 'mɔɔ ‑bɛ Tʋ ‑a jre, 'ia ‑gʋ 'ümä 'iin nʋ. 4'N ‑gbala 'amɩ 'iin dotro 'ia 'taɩn ma jrä ‑srɩɩ 'wli, 'amä plɛpa 'sɩrɩ 'n ‑gbala käa' 'amɩ 'iin. 'N ‑ka bä kä 'ana ‑tɔrʋpɩɔ 'a 'ia ‑gʋ 'n ‑kaapɩɔ 'amɩ 'iin ‑gbala 'bala 'käkolofa 'wʋ.
5«'Köklesaplɩɩ ɔ nɩ, nyɔɔlɔ blɔa' 'mɩ, 'ɔa ‑nyɛɛ 'n mö. 'Ana ‑tɔrʋpɩɔa nyɔɔ 'doo 'nyɩ 'mɩ ‑a 'bete ‑plɩɩlɩ 'n möa'. 6'A wiili 'n ‑gbalaa' 'amɩ, 'ia ‑gʋ 'a 'kpɔɔ! 7‑Bɛ 'cɩcasa 'n ‑gbala 'amɩ, ama mi nɩ, 'i 'na 'ana ‑gʋ. Ama 'nyɩ mi ‑a mi ‑Gbajisusulu ‑ka ‑nëmä ji ‑a ji, ‑maa ama mi nɩ, 'nyaa 'amɩ 'uun jaa. 8Uma ji nɩ, 'uu nëmä 'pläa 'mlɩa nyüü ‑fälɩ be, dɛɛlɛ bäa' ‑balʋ, ɛ bäa' 'klɩgägäkʋ ‑bɛ dɛɛlɛ bäa' ‑gätʋtʋkʋ. 9Dɛɛlɛ bäa' ‑balʋ nɩ: 'pläa 'mlɩ nyüü 'nyɩ toro 'mɩ plɛ ‑a, 10dɛɛlɛ bäa' 'klɩgägäkʋ#16.10 'klɩgägäkʋ: Nyɔsʋa nɩnɩa nyɔɔa 'klɩgägäkʋ ‑beere ‑frepakotu; tɛ Esaii 64.5. nɩ: Tʋa ‑nyɛɛ 'n mö ‑bɛ 'a ‑ka ‑nëmä 'mɩ ‑a 'jä#16.10 Juifëa plɛ nɩnɩa üma ‑träärälɩ 'ua ‑dɔ nɩ, 'a ‑plɩɩ Nyɔsʋa 'mä 'üa ‑balʋ cere, 'be 'ü ‑träärälɩ 'üa ‑dɔ. ‑Maa Nyɔsʋa ‑Susu nya srara 'üün 'sɩrɩ 'üa ‑dɔ 'nyɩa' ‑tɔɔ kä, 'cɩcasa 'nyɩa' 'lɩbä. Nyüülü toroa' Jesu plɛ ‑bɛ 'ü 'daraa' 'ɔɔn 'üa 'lɩmlɩbanyɔɔ, 'üü Nyɔsʋa 'nyiereklɩ (Rɔmënyüü 1.17; 3.21-22). 'Taɩn 'lɩ Jesu 'mäa' Tʋa ‑nyɛɛ mi nɩ, Nyɔsʋaa ‑Susu nëmä 'üün ‑gälɩ ‑glaara, 'uu nëmä nyüüa plɛgälɩ flɛrɛ 'sɩrɩ Jesu bäa' 'kasa Nyɔsʋaa 'Jʋ.. 11Dɛɛlɛ bäa' ‑gätʋtʋkʋ nɩ: nyɔɔlɔ käa' 'plälä kʋa' ‑pɩ, 'ɔa ‑gä 'a ‑träärä.
12«'Kɔkɔmlɛ ‑ka bälɩ 'mä 'amɩ ‑gbala, ‑maa 'anyɩ 'iin mlɩ ‑a bɩa 'köklesaplɩɩ. 13'Taɩn 'lɩ ‑Susulu sraraa' 'cɩcasa 'mäa' ji nɩ, 'unya 'amɩ 'cɩcasaa 'fɩɔ sraraa. ‑Mää 'ua 'mʋgbɛa 'nyrɩklɩ 'u ‑nëmä wii 'pala, ‑maa wiili kä 'fɩɔ 'u 'nua' 'wli nɩ, 'ii 'umä 'amɩ ‑gbala, 'kä 'unya bɩa 'amɩ wiili bäa' dɛrɩ i jöa' ‑gbala. 14'Uu nëmä 'mɩ 'bʋala, 'be 'i kä 'fɩɔ 'umäa' 'amɩ srara, 'mɔɔ kälɩ 'i sɔ. 15Diili kä 'fɩɔ Tʋ käa', 'mɔɔ kä 'iin. 'A 'ia ‑gʋ 'n 'daa ‑maa 'i kä 'fɩɔ 'umäa' 'amɩ srara nɩ, 'mɔɔ kälɩ 'i sɔ.»
Jesua mimitaɩn
16«'A ‑ka ‑nëmä 'mɩ ‑a 'jä 'taɩn jiea 'mlɩ, ‑bɛ 'taɩn jie ‑a 'mlɩ 'anya 'mɩ 'jäa, 'be Tʋa ‑nyɛɛ 'n mö#16.16 'be Tʋa ‑nyɛɛ 'n mö: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..» 17'Ɔa 'wʋnyɛrɛnyüüa ‑tɔrʋpɩɔa nyüü 'doorodoo 'betre 'lɩ: «Wii 'plɛɛ 'ɔ ‑gbala amɩ i bäsaa le: ‹'A ‑ka ‑nëmä 'mɩ ‑a 'jä 'taɩn jiea 'mlɩ.› ‑Bɛ ‹'Taɩn jie ‑a 'mlɩ 'anya 'mɩ 'jäa, 'be Tʋa ‑nyɛɛ 'n mö?› » 18'Ü ‑nëma 'sɔɔwʋ: «'Ɔ nɩnɩa dɛplɛɛ bälɩ ‹'taɩn jiea 'mlɩ› le? Anyɩ 'nu 'ɔɔn 'wli ‑a!» 19‑Maa Jesu jre 'iin 'sɩrɩ 'ü 'bataa' 'ɔa 'betekʋ, 'ɔnya ‑gbala 'üün: «'A wiili 'n 'paa' ‑bɛ 'n 'daaa': ‹'A ‑ka ‑nëmä 'mɩ ‑a 'jä 'taɩn jiea 'mlɩ, ‑bɛ 'taɩn jie ‑a 'mlɩ 'anya 'mɩ 'jäa›, 'i 'a 'betre 'ana nyüfë 'lɩ? 20'Tasɩrɩa 'cɩcasa 'n ‑gbala 'amɩ, 'anya 'wua, 'anya ‑sɩsraa, ‑bɛ dɔrʋ nya 'plä 'blaa. 'Anya 'kpɔɔa, ‑maa 'ana 'kpɔkpɔɔkʋ nya dɔrʋ 'lɩ ‑sröröa. 21'Ŋlʋʋ 'a 'jäa' 'wʋ nɩ, ɔma nëmä ‑gu, 'ɔa plɛfie, 'a 'ɔa 'taɩn jrälɩ. ‑Maa ɔma nyaa' 'jʋlɔ ‑gu nɩ, 'ɔ ‑trɔɔɔ ‑sʋɩa 'fɩɔ. Dɔrʋ 'blaa 'ɔɔn, 'be 'ɔ 'a 'jʋ ‑fälɩ ja. 22'Ii känyrɩ 'ana 'mʋgbɛ, 'köklesa 'ana plɛfie, ‑maa 'nyaa 'sɔɔwʋ 'amɩ 'jäa, 'kä dɔrʋ nya 'amɩ 'bla. 'Ia dɔrʋlʋ nɩ, nyɔɔ ‑nëmä 'amɩ 'uun plɛklɩ ‑a 'ba.
23«'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa. 24'A ‑kaapɩɔ 'na 'nyrɩklɩ dɛɛ ‑a ‑sɛɛrɛ. 'Ba ‑sɛ 'ɛɛn, 'anya 'ɛɛn 'jäa, ‑bɛ ana dɔrʋ 'mä 'wlisie.
25«Wiili kä 'fɩɔ 'n ‑gbalaa' 'amɩ nɩ, 'klɩpaplawii bäsaa. ‑Maa 'inya 'taɩn käa, 'n ‑ka ‑nëmä 'saa wii ‑a 'pa; 'sɩrɩ 'amäa' 'nu dotro, 'asɩ 'mä 'amɩ Tʋa ‑gä 'lɩsara. 26'Ia 'taɩnlɩa 'mlɩ nɩ, 'na 'nyrɩklɩ 'amä dii 'betre, 'nyɩ bɩa 'daa 'nyaa Tʋ bibiea 'ana ‑gʋ. 27Tʋa 'mʋgbɛ ‑wa 'amɩ, 'be 'a ‑wa 'mɩ, ‑bɛ 'sɩrɩ 'n sɔa' Nyɔsʋaa ‑nyɛɛ 'anya 'dara 'iin wii. 28Tʋa ‑nyɛɛ 'n sɔ, 'nyaa ji 'pläa 'mlɩ; 'köklesaplɩɩ ɔ nɩ, 'pläa 'mlɩ 'n sɔ ‑bɛ 'n mö Tʋa ‑nyɛɛ.»
29'Iibäa' 'ɔa 'wʋnyɛrɛnyüü nɩ: «‑Jää ‑mɔ ‑ka 'pa ɩa' wii 'cɩcasa la, ‑kanyɩ wii 'klɩ ‑a 'papla. 30'Abɩa amɔ ‑ka jre ɩa' 'saa jre wiia 'fɩɔ, ‑nyɩ ‑glaaa ‑gla ‑a nyɔɔ 'mä ‑mɩ 'bete. 'A 'ia ‑gʋ a jresaa Nyɔsʋaa ‑nyɛɛ ‑sɔ.» 31'Iibäa' Jesu nɩ: «'Amɔ 'a ‑ka toro ɩa' plɛ? 32‑A ‑gbala 'amɩ, 'taɩn jö, ‑bɛ 'i 'a 'lɩjrä, 'anya ‑plɩɩ 'na 'doo 'kägbaa, ‑mɔ ma bälɩ 'ɔa ‑pɩɔ 'ɔmä fa. ‑Maa 'nëmä 'doo ‑a bä, 'be Tʋ bä 'na ‑gba. 33Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.