Jaan 19

1'Ü ‑gbaa' 'saa nɩ, Pilatë nya ‑gbala 'sʋgɩa ü ja Jesu ü ‑gba 'ɔɔn dii ‑gälɩ. 2'Sʋgɩalë nya da nänë 'kɩɩ ‑tapa 'wlugböa 'sa 'ünya ‑tʋ 'ään 'ɔmɩ 'wli. 'Ünya 'pa 'ɔɔn ‑fɔflɔɔ 'kotu kpaku ‑gälɩ ‑beere 'kɩɩ. 3Üma jijrö 'ɔɔn ‑gba 'kä 'ü nö: «Juifënyüüa 'kɩɩ ‑ayoo!» 'Kä 'ü 'papa 'ɔa ‑glagbi ‑gba 'kpë.

4Pilatë nya 'cie 'sɔɔwʋ 'ɔnya ‑gbala 'üün: «'Ba ‑jää 'ɔɔn! 'Ɔɔ 'n ja 'amɩ ‑fälɩ 'amä 'saa jre ‑balʋlʋ 'ɔ nʋa', 'nyɩ 'jä 'uun 'wʋ ‑a.» 5'Ünya 'cie Jesulɔ, 'ɔa 'wlia nänäa 'wlugbö, 'ɔa ‑gälɩa ‑fɔflɔɔ 'kotu kpaku. Pilatë nya ‑gbala 'üün: «'Ba ‑jää nyɔɔlɔ!»

6 ‑Gbɔsapɛrɩnyüü kpakü nyra 'üa 'sʋgɩa 'jäa' 'ɔɔn dotro nɩ, nyüüa 'fɩɔ nya 'klerewʋ: «Kolo 'ɔɔn krʋa ‑gälɩ! Kolo 'ɔɔn krʋa ‑gälɩ!» Pilatë nya ‑gbala 'üün: «'Ana 'mʋgbɛ 'ba fa 'ɔɔn 'amä 'ɔɔn ko#19.6 'Ana 'mʋgbɛ 'ba fa 'ɔɔn 'amä 'ɔɔn ko: Srörö Pilatë srörö 'üün; 'ɔ jre 'iin 'sɩrɩ Rɔmënyüü 'nyɩ 'paa' nyɔɔ 'blablajie 'lɩ.; ‑balʋlʋ 'ɔ nʋa', 'mɔɔlɔ nɩ, 'nyɩ 'jä 'uun 'wʋ ‑a.» 7'Iibäa' juifë nɩ: «A kä ‑dɔ. Ana ‑dɔ nɩnɩa 'ɔ kä 'ɔmä jä, dɛɛlɛ kä ‑gʋ 'ɔ 'daraa' 'ɔa nyufa Nyɔsʋaa 'Jʋ#19.7 Levitiikë 24.16..»

8Pilatë 'nua' 'iin 'wli nɩ, ŋalɛ nya 'bla 'ɔɔn ‑gböösa. 9'Ɔnya pa 'sɔɔwʋ ‑gbööli, 'ɔnya 'bete Jesu: «‑A 'plɛɛa nyɔɔ bä le?» Jesu 'nyɩ 'ɔɔn ‑gälɩ ‑a 'sa. 10'Iibäa' Pilatë nɩ: «'Mɔɔ ‑kaa? ‑Nyɩ 'saa ‑a jre 'sɩrɩ 'mɔɔ käa' 'klü 'mäa' ‑mɩ tuu ‑gälɩ kolo, ‑bɛ 'sɩrɩ 'n käa' bɩa 'klü 'mäa' ‑mɩ ‑wälɩ 'cɛrɛ?» 11Jesu ‑nëma nɩ: «‑Na 'klü ma 'nyɩ ɩ cɛlɩ ‑a sɔ nɩ, ‑nëmä ɩ 'mɩ 'klü ‑gälɩ ‑a kälä. 'A 'ia ‑gʋ nyɔɔlɔ 'saraa' 'mɩ ‑mɩ kälɩ nɩ, 'ɔa ‑balʋ ‑si ‑na nu 'wʋ.»

12'Bala ‑plɩɩ nɩ, 'sɩrɩ Pilatë 'mäa' nʋ ‑bɛ 'ɔmä 'ɔɔn ‑wälɩ 'cɛrɛ, 'ii 'ɔ 'bata. ‑Maa juifë 'paa wii: «‑Ama 'cɛrɛ 'ɔɔn ‑wälɩ, ‑nyɩ 'kɩɩ kpakö Sesaa ‑bei ‑a bä#19.12 ‑nyɩ 'kɩɩ kpakö Sesaa ‑bei ‑a bä: Nyɔɔlɔ kä wii Sesaa ‑waa' 'ɔɔ 'ü 'dara 'saa. 'Iibä 'lɩträäräkʋ. Pilatë ma 'cɛrɛ Jesulɔ 'daraa' 'ɔa nyufa 'kɩɩ nɩ, juifë nya Sesaa ‑gbalaa, ‑beeredɛ Sesaa nya Pilatë ‑jie 'lɩ 'paa. 'Ɔ ‑ka ‑nëmä 'ɔa ‑bei ‑a bä.. Nyɔɔ o nyɔɔ 'daraa' 'ɔa nyufa 'kɩɩ nɩ, Sesaa ‑gbakäklɛnyɔɔ 'ɔ bä.» 13Pilatë 'nua' wiili 'ü 'paaa' 'wli nɩ, 'ɔnya 'cere Jesu ‑fälɩ 'ɔnya kʋ ‑gätʋkpata 'wʋ. 'Ii 'ü 'dara 'Täkä ‑Gälɩ#19.13 'Täkä ‑Gälɩ: 'A ‑nyɛɛ Pilatë 'saara ‑gogü kpakü.. Ebrööwii 'lɩ 'ü nö Gabataa. 14'Ia ‑srɩlɩ bä kä 'Paakëa ‑ëlere ‑srɩ, 'a 'ia ‑sopuwlaa#19.14 ‑sopuwlaa: Grɛɛkëwii 'lɩ nɩ, 'iibä: «‑uundooa në ‑gliii». Pilatë ‑gbala juifë: «'Ba ‑jää 'ana 'kɩɩ.» 15‑Maa 'ünyɩ 'nyie ‑a 'nyie. 'Ünya 'klerewʋ: «'Bla 'ɔɔn! 'Bla 'ɔɔn! Kolo 'ɔɔn krʋa ‑gälɩ!» Pilatë nya ‑gbala 'üün: «‑A kolo 'ana 'kɩɩ krʋa ‑gälɩ?» 'Iibäa' ‑gbɔsapɛrɩnyüü kpakü nɩ: «'Kɩɩlɔ kä 'doo a käa' 'ɔɔ bä Sesaa!#19.15 Juifë 'nyɩ 'bata 'bata ‑a nyɔɔlɔ 'nyɩa' Nyɔsʋa jre 'mä 'üa 'kɩɩ bä. Üma 'pawii nɩ, 'ünyɩ 'saalɩ 'cɩcasa.» 16'Ü nʋa' 'saa 'ü 'paa wii, Pilatë nya 'sa Jesu 'ümä 'ɔɔn krʋa ‑gälɩ kolo. 'Ünya fa 'ɔɔn.

Jesulɔ 'ü koloa' krʋa ‑gälɩ

Matiö 27.32-50; Marëkë 15.21-37; Lukë 23.26-46; Jaan 1.29

17Jesu ‑gbötö krʋalä#19.17 Rɔmënyüü ‑dɔ 'lɩ nɩ, nyɔɔlɔ 'nyɩa' ‑gä kä nɩ, ‑gbalɛfulu kä 'mäklɩ bäa' detu sʋsʋ, 'uu 'ü bɔtrɔ 'ɔɔn. Üma bɩa 'ɔɔn bɔtɔkʋ nɩ, tiili kä ‑gälɩ 'ümäa' kolo nɩ, 'kä 'ü 'pie 'ɔmɩ 'iin ‑plɩ ‑gälɩ, 'kä 'ü nyra 'ɔɔn mö ‑tɛ 'lɩ 'ümäa' 'ɔɔn kolo. kä ‑gälɩ 'ümäa' 'ɔɔn kolo, 'ünya 'cie bätä, 'ünya mi ‑plɩɩlɩ 'ü 'daraa' 'Wukapɛa ‑gba; 'ii 'ü 'dara Gɔlëgotaa Ebrööwii 'lɩ. 18'A ‑nyɛɛ 'ü kolo 'ɔɔn, 'ɔɔ ‑bɛ nyüü 'sɔɔ ‑mölöö. Jesu kʋ 'üa ‑tɔrʋpɩɔ. 19Wiili Pilatë ‑jɩjraa', 'ünya kolo 'iin 'ɔa krʋa 'wli. ‑Jää 'sɩ wiili 'ɔ ‑jɩjraa' ‑gbaa': «Nasarɛɛtënyɔɔ Jesu, juifënyüüa 'Kɩɩ.» 20Juifënyüü 'kɔkɔmlɛ ‑täsä 'imɩ. 'Be ‑plɩɩlɩ 'ü koloa' Jesu, 'inyɩ 'lɩ bätä dɛrɩ ‑a tʋŋlɔ, ‑bɛ 'sɔɔwʋ nɩ, 'i ‑jɩjra Ebrööwii 'lɩ, grɛɛkëwii 'lɩ nyra latɛɛnwii 'lɩ. 21'A 'ia ‑gʋ juifëa ‑gbɔsapɛrɩnyüü kpakü mi Pilatë 'jä, 'iibä nɩ: «‑Nyɩ ‑jɩjra: ‹Juifënyüüa 'Kɩɩ›, ‑maa ‑jɩjra 'ɔ nɩnɩa: ‹'Mɔɔ bä juifënyüüa 'Kɩɩ.› » 22'Iibäa' Pilatë nɩ: «Wiili 'nyaaa' ‑jɩjra nɩ, 'nyaa 'iin ‑jɩjra.»

23'Sʋgɩalë bɩaa' Jesu krʋa ‑gälɩ kolokʋ nɩ, 'ünya ‑päälä 'ɔa 'koti mlɔɔ 'wʋ ‑moloo ‑bɛ 'ɔa nu#19.23 Rɔmënyüü 'sʋgɩa ma nëmä nyɔɔlɔ 'nyɩa' ‑gä kä 'bla nɩ, 'ü 'baa 'ɔɔn 'koti ‑gba., 'ünya dɔrɔ bɩa 'ɔa ‑gälɩpakotu 'wʋ. 'Kotulu 'nyɩ 'kplara ‑a 'kplara; sɔ 'ua bei ‑wälɩ ‑a ‑tɔɔ 'ua 'wlugba nɩ, dapɛ 'dee 'ü nʋ 'ünya da 'uun. 24'Iibäa' 'sʋgɩalë nɩ: «Anyɩ 'ŋlara 'uun, ‑maa a 'pala 'uun ‑tɔɔo ‑gälɩ ‑mɔlɔ 'mäa' 'uun fa amä 'ɔɔn 'jä.» 'A wiili ‑jɩjraa' nyɔsʋapɔɔkʋ 'lɩ, 'ii nrörö:

'Ü ‑päälä 'na 'koti 'lɩ,

'ünya 'pala 'na ‑gälɩpakotu ‑tɔɔo ‑gälɩ # 19.24 'Lɩbrɛrɛpɔɔkʋ 22.19 ..

‑Jää wii 'sʋgɩa nʋa'.

25'Ia 'taɩn 'lɩ nɩ, Jesua 'yio, 'ɔa 'yioa ‑wladia, nyra Klopasëa 'ŋlʋʋlɔ 'ü 'daraa' Marii, ‑bɛ Magëdalayria Marii, 'ü 'nyüglö Jesua krʋa ‑gba. 26Jesu 'järäa' 'ɔa 'yioa ‑gba 'ɔa 'wʋnyɛrɛnyɔɔlɔ 'ɔ ‑waa' nɩ, 'ɔnya ‑gbala 'ɔa 'yio: «'Ŋlʋʋ o, ‑jää ‑na 'jʋ.» 27'Ɔnya ‑gbala bɩa 'ɔa 'wʋnyɛrɛnyɔɔlɔ: «‑Jää ‑na 'yio.» 'Bala ‑plɩɩ 'ɔa ‑nyɛɛ 'ɔ fa 'ɔɔn.

Jesua jäjäkʋ

28'Ia 'fɩɔ ‑sia', Jesu jrea' 'saa 'ɔa 'jrʋpa 'a 'wlara, ‑bɛ wiili ‑jɩjraa' nyɔsʋapɔɔkʋ 'lɩ 'mäa' nrörö nɩ, 'ɔ ‑nëma: «'Mamlatʋ 'blaa 'mɩ#19.28 'Lɩbrɛrɛpɔɔkʋ 69.22b.!» 29‑Bɛ 'ia ‑plɩɩlɩ nɩ, ‑pööö 'döö bä 'lɩ 'ä 'si ‑wöserili 'ü 'daraa' viinɛgrë 'klɩ. 'Sʋgɩa nya dɔrɔ dapɛ#19.29 dapɛ: ‑Mää dapɛ ‑mede a jrea' ‑a, ‑maa 'tanie 'lɩa dɛɛ ‑medee bäsaa, 'ɛ 'nyɔnyɔ 'nɩ 'kɔkɔmlɛ. 'wʋ, 'ünya kpasra 'ɛɛn isɔɔpë#19.29 isɔɔpë: Tuu ‑gö jɔ bäsaa 'täkë 'lɩ 'i ‑gaala. ‑Srɩ ‑mɩdoo 'lɩ 'i ‑gaala nyëka ‑gba (2 'Kɩɩ 4.33). 'Ii 'ü nö 'kä 'ü 'baa 'üa 'bisa nyüü ‑fre 'lɩ (Levitiikë 14.4; Nɔɔbrë 19.18). 'mäklɩ. 'Ünya pla dapɛlɛ viinɛgrë dɛrɩ, 'ünya fa 'ɛɛn 'ɔa 'mäklɩ. 30Jesu 'mlaa' viinɛgrëlë nɩ, 'ɔ ‑nëma: «'Ia 'fɩɔ 'a 'wlara.» 'Ɔ ‑ŋäa' 'wli 'kä, 'ɔnya 'balɩ ‑fʋflʋ.

31'Ia ‑srɩ ma pa kä nɩ, 'i bä ‑fʋflʋpasrɩ ‑bɛ juifënyüü 'nyɩ 'bata 'bata ‑a 'ia ‑srɩ 'lɩ 'mä nyüülü tii ‑gälɩjrä#19.31 Tɛ plɛlɩsasrawiili ‑jɩjraa' Matiö 27.58.. 'Ia ‑srɩ 'lɩ nɩ, ‑fʋflʋpasrɩ kpakia ‑srɩ, juifë nya mi Pilatë 'jä 'ümä 'üa bei 'kata#19.31 Nyüülü 'ü koloa' tuu ‑gälɩ nɩ, ‑fʋflʋ kakla 'üün 'klɩ 'kä 'ü jä. ‑Fʋflʋ ‑pɩa' ‑gʋ 'üün 'klɩkakla nɩ, 'ü ‑tʋʋä 'üa bei ‑wälɩtuuklöö, 'üa bei 'mä 'lɩkoklo jie. 'Ia 'taɩn 'lɩ nɩ, nyüülü fio, ünyɩ jäjä ‑a sɔsɔ. ‑Maa 'ü ma 'kata 'üa bei nɩ, 'ü ‑kanyɩ 'lɩ ‑a bɩa, ü 'kʋɛɛ 'üa ‑gbaa dɛɛ, 'kä 'ü jä sɔsɔ., ‑bɛ 'ümä 'üün tii ‑gälɩ 'ba. 32'Sʋgɩa jia' nɩ, nyüülü ‑bɛ Jesu 'ü kolo käa' ‑pɩɔ 'doo 'wʋ nɩ, 'üa 'dooa bei ‑kätɩ 'ü 'kata, 'ü 'wlaraa' 'ünya 'kata 'sɔɔa nɔa bei. 33'Ümä Jesu ‑gba 'tɔkalɩ mi nɩ, 'ɔ 'a ɩ jä. 'Ü ‑kanyɩ 'ɔa bei ‑a 'kata. 34‑Maa 'sʋgɩanyɔɔ 'doo nʋ 'ɔa 'die 'ɔnya 'floo Jesua ‑gbatu 'pɛ 'dee, 'a ‑plɩɩ ‑toru nyra 'nɩ kʋ 'inya 'cie#19.34 'Nɩlɩ nyra ‑torulu 'cerea' Jesua ‑gbatu ‑gälɩ nɩ, 'iibä ana ‑fre 'lɩwʋwʋkʋ nyra ana ‑balʋa 'fɩɔa kpëträkʋa ‑tagbɩɩ. 'Ɔ jäa' ‑torulu ‑gblɔɔa' 'kä, 'sɩrɩ nyɔɔ 'saa' ‑gbɔ nɩ, 'uu bä nyɔsʋaanyɔɔa 'klälä 'nyɩa' blöröfa kä, 'äa ‑toko (Jaan 6.53-54); 'ɔa ‑toru, 'uu kpëtä ana ‑balʋa 'fɩɔ (1 Jaan 1.7). 'Nɩ bä ana kpëtäkʋa ‑tagbɩɩ (Jaan 3.5), 'klä (Jaan 4.14) nyra Nyɔsʋaa ‑Susu (Jaan 7.38-39).. 35Nyɔɔlɔ 'saalɩ wiili nɩ, 'ɔ 'jä 'imɩ; wiili 'ɔ 'saalɩ nɩ, 'cɩcasa bäsaa, 'ana 'mʋgbɛ 'amä 'iin wii 'dara. 36Wiili jräa' 'lɩ nɩ, 'a wiili ‑jɩjraa' nyɔsʋapɔɔkʋ 'lɩ, 'ii nrörö: «'Ɔa 'kɔʋ 'doo 'nyɩ 'katra ‑a 'katra#19.36 Ɛgësɔɔdë 12.46; Nɔɔbrë 9.12. 'Asɩ 'Paakë jräa' ‑sʋa 'mlɩ nɩ, 'asɩ Israɛɛlëa 'jü 'bre. 'Ü sɔ käa' Ejiipëtëa 'bre ‑geeidɛɛ 'lɩ. 'Ia ‑glɩsɩglɩsɩlɛa 'mlɩ nɩ, ‑bablëëjʋ 'ü 'blaa, 'ɔɔ 'ü 'sara ‑gbɔ 'lɩ 'üa ‑balʋa ‑gʋ. 'Ünyɩ kä ‑a kä 'ümä 'ɔa 'kɔʋ wa. 'Asɩ Nyɔsʋa 'nyɩ bɩa 'nyie 'ümä Jesua ‑gbaa dɛɛ 'kata. Jesu 'ɔɔ 'prɛrɛ ‑bablëëjʋlɔa ‑pi 'lɩ..» 37Nyɔsʋapɔɔkʋ ‑nëma 'sɔɔwʋ: «Nyɔɔlɔ 'ü 'flooa', 'ünya 'ɔa 'pɛlɩ kälɩ ‑siea'#19.37 Sakarii 12.10..»

Jesua ‑tʋtʋkʋ

Matiö 27.57-61; Marëkë 15.42-47; Lukë 23.50-56

38'Ia 'fɩɔ ‑sia' nɩ, Arimatëbätäa nyɔɔlɔ 'ü 'daraa' Josɛɛfë, 'ɔa 'mʋgbɛ bä Jesua 'wʋnyɛrɛnyɔɔ. ‑Maa juifëa ‑gʋ, 'ɔnyɩ 'ɔa nyufa ‑a srara. 'Ɔɔ mi Pilatë 'jäkalɩ 'ɔmä 'ɔɔn Jesua jäjäa nɔ ‑nyɩ#19.38 Tɛ plɛlɩsasrawiili ‑jɩjraa' Matiö 27.58.. Pilatë nya 'nyie. 'Ɔnya ji, 'ɔnya fa Jesua jäjäa nɔ. 39Nikodɛɛmëlɔ mi käa' ‑gbia 'dööa 'mlɩ Jesu 'jäkalɩ nɩ, 'ɔa 'mʋgbɛ nya ji. 'Ɔ ja 'nɔnʋpafʋfʋʋ 'ü 'daraa' 'miirë nyra ‑mɩlɩ 'ü 'daraa' aloɛsë#19.39 'miirë nyra ‑mɩlɩ 'ü 'daraa' aloɛsë: 'Üa 'brea ‑daŋlʋɩnɩ 'ü nʋa' 'klʋa 'napɩ 'ü nʋa'. 'Ii 'ü ma 'paa dɔʋlʋ ‑fifraa' jäjänyɔɔa 'mlɩ, 'ɔ ‑pɩ ‑fɛ sɔsɔ. Jaan 19.40., 'i 'wʋɛ kiloo ‑glʋ ‑bɛ ‑pʋ#19.39 Ima 'daa grɛɛkëwii 'lɩ nɩ, 'iibä 'üa nyakadɛɛa ‑glʋɩgböö; 'i ‑si kiloo ‑glʋ ‑bɛ ‑pʋ ‑gba jie.. 40'Ünya dɔrɔ Jesua jäjäa nɔ 'wʋ, 'ünya ‑fifra 'ɔɔn dɔʋ, 'ünya 'pa 'ɔɔn 'nɔnʋpakpɩlɩ, 'sɩrɩ 'ü ‑tʋʋäa' nyüü juifënyüüa 'bre. 41‑Plɩɩlɩ 'ü koloa' Jesu nɩ, putujɔ 'doo bä ‑plɩɩ. 'Kuyu 'doo bä ɩ 'ua 'mlɩ, 'ü ‑kaapɩɔ 'kuyulua 'mlɩ nyɔɔ ‑träärä. 42'Kuyulu 'nyɩa' 'lɩdɛrɩtʋŋlɔ, ‑bɛ juifëa ‑fʋflʋpasrɩ jöa' nɩ, 'ia ‑gʋ 'ü 'pie 'lɩ 'ɔɔn 'mlɩ.

Currently Selected:

Jaan 19: Bakwé

Highlight

Copy