YAHYA 10
10
Pakalahaki toje'
10:1-21
1”Sitoje'na Nakke appau mange ri kaui: Inai antama' lalang ri bara jimbala nagele babaang lapa'lalangi, mingka ngambi'i ripa'lalangang maraeng, ia injo se'rei palukka' na se'rei parampo'; 2mingka inai antama' na babaang lapamolongi, ia intu pakalahaki jimbala. 3Pajaga injo lapambungkarangi babaang na sikonjo jimbala laisse'i sa'ranna na ia lakeo' tasse're-se'rei jimbala'na assituru' arenna na laerangi ansulukang. 4Ampa sikonjo jimbala'na maeng laerang ngase'mu ansulukang, ia a'lingkai rioloanganna na sikonjo jimbala'na minahangi ri ia, saba' iyai laisse'i sa'ranna. 5Mingka tau bungasa injo mange tantumu gelena minahangi, mingka allari ngase'i battu ri tau injo, saba' sa'ranna tau maraeng injo gele laisseki.”
6Isa lapaui pakkalebarang inni mange ri iyai, mingka iyai gele lapahang apa battuanganna Ia appau appakonjo mange ri iyai.
7Kanara injomo Isa appaui pole, ”Sitoje'na Nakke appau ri kaui, Nakkemo babaang pamolongang risikuanna jimbala injo. 8Sikuanna tau rie' rigeleKupa rie', iamo palukka' na parampo', na jimbala injo gele lapilangngeri sa'rannai. 9Nakkemo babaang; inai jua antama' a'molong ri Nakke, ripasalama' na ia lansulu' antama'i surang lanrumpa'i parang ruku' pa'bikukkukang. 10Palukka' intu rie'i laa'lukka' na lamunoi surang laappakala'busui; Nakke rie', solanna iangase'na nguppa tallasa, na rilauppana rie'i lalang rikasungguang.
11Nakkemo pakalahaki toje'. Pakalahaki toje' intu lapassareangi nyahana mange risikonjo jimbala'na; 12mingka se're intu tau pasaha'-sahala gele pakalahaki, na gele todo' ia opuna jimbala, rihattu rie'na asu borong lajanjang, labokoi ngase' jimbala'na ampai allari, jari asu borong injo lajakkalai na lapasia'-siarai jimbala lohe injo. 13Ia allari saba' ia se're juai pasahala na gele lapariati sikonjo jimbala'na. 14Nakkemo pakalahaki toje' na Kuisse'i sikonjo jimbala'Ku na sikonjo jimbala'Ku ngisse'i ri Nakke 15#Mat. 11:27; Luk. 10:22; Yah. 3:35assimpole Amma ngisse'i ri Nakke na Nakke ngisse' ri Amma, na Nakke a'ra'i Kupassareang nyahaKu mange risikonjo jimbala'Ku. 16Mingka rie' todo' jimbala maraeng nugele battu ri bara inni; jimbala injo parallu todo'i Kuerang na iyai lapilangngeri todo'i sa'rangKu na iyai injo laa'jari se're bakkalang bakka' na se'rejua pakalahakinna. 17Amma ngamaseang ri Nakke, rikanara Nakke a'ra'i Kupa'bisonaang nyahaKu solanna Kutarimai muliang. 18Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”
19Jari ammumbamu pole passisala pahangang ritangngana tau Yahudi lohe injo rikanara pau injo. Lohe ri iyai appau, 20”Ia latamai setang na pongoro; ngura mupilangngeri?” 21Rie' pole tau maraeng appau, ”Injo gele pau tau latamai setang; makala akkulle setang inni appakanjanjang tau buta?”
Isa ritolla' ri tau Yahudi
10:22-39
22Gele sallo maenna injo larapi'mu hattunna allo passua'-suarang laappakatangkasa Sapo Allataala ri Yerusalem; rihattu injo dingingi. 23Isa a'lingka-lingkai mange ri Sapo Allataala, ri tambing Suleman. 24Jari lohemo tau Yahudi lapiappui Isa na appaui mange ri Ia, ”Sikurapa sallona Ditte tuli rilappasangkang tallasa lalang rikabata-bataang? Ampa Dittemo Almase, paui silambusu'na mae ri kambe.” 25Isa lapihalii pakkuta'nannai, ”Maemmu Kupau mange ri kaui, mingka geleko tappa'; jama-jamaang Kugeokang injo lalang arenNa AmmangKu, iamo injo assare passa'bi mae ri Nakke, 26mingka geleiko tappa', saba' geleimmu antama' ribakkalanna jimbala'Ku. 27Sikuanna jimbala'Ku lapilangngeri sa'rangKu na Kuisse' ngase'i na minahang ngase'i ri Nakke, 28na Nakkemo assare tallasa mannannungang mange ri iyai na iyai injo tantumu gelena lamate situlusu'na na manna se're tau gele rie' akkulle laalle battu ri limangKu. 29AmmangKu, lapassareang ngase'i mae ri Nakke, la'bi bakkakang battu ri inai jua, na manna se're tau gele rie' akkulle laalle battu ri limanNa Amma. 30Nakke na Amma nuse're.”
31Ngalleimu isse' batu tau Yahudi injo ampai labunduki Isa. 32Appaui Isa mange ri iyai, ”Lohe jama-jamaang baji' assala'na battu ri AmmangKu maeng Kupappijanjangang mange ri kaui; makala jama-jamaang anteeang kale rinuleho injo lapassabakiko a'ra' ambunduki batu mae ri Nakke?” 33#Im. 24:16Pappihalinna tau Yahudi injo, ”Gele kanara se're jama-jamaang baji' na a'ra'i tabundu'ko batu, passangadinna kanara Kau assalla ri Allataala na kanara Kau, tau samara jua, mingka mupassinrapangi kalemMu Allataala.” 34#Mzm. 82:6Lakuamo Isa mange ri iyai, ”Gelejua rie' ta'ukiri lalang ri kitta' Tora'mu: Nakke maeng appau: Kau intu tau-tau sombaang? 35Ampa iyai, mange ri nai pau injo ripabattu, riare' tau-tau sombaang – na Kitta' Tangkasa inni gele akkulle ripassala –, 36makala laappaui juapako mange ri Ia turitangkasi injo ri Amma na ri tumaeng lasuro injo antama' mae ri lino inni: Kau attua-tua ri Allataala! Kanara Nakke maeng appau: Nakke Ana' Allataala? 37Ampa Nakke gele anggeokang jama-jamaanna AmmangKu, akomo tappa' mae ri Nakke, 38mingka ampa Nakke anggeokang na geleiko a'ra' tappa' mae ri Nakke, tappa'moko rijama-jamaang injo, solanna akkulle muisse' na mupahang ma'nassana Amma lalang ri Nakke na Nakke lalang ri Amma.”
39Sikalipa pole iyai lasobai lajakkala Isa, mingka Ia lappasai battu ri limannai.
Isa riha'leanna Balang Yordan
10:40-42
40 #
Yah. 1:28
Maeng injo a'lampai pole Isa anta'leang Balang Yordan, mange ri tampa'na Yahya anrio tau riolo, na ammarii ri injo. 41Lohemo tau a'rurung-rurung battu mange ri Ia na appaui, ”Toje'i Yahya gele minang a'bua' tanra nugele samara manna se're, mingka sikuanna numaeng injo lapau Yahya ripassala'na tau inni nabai.” 42Jari tau lohe rie' ri injo tappa' ngase'i mange ri Isa.
Currently Selected:
YAHYA 10: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
YAHYA 10
10
Pakalahaki toje'
10:1-21
1”Sitoje'na Nakke appau mange ri kaui: Inai antama' lalang ri bara jimbala nagele babaang lapa'lalangi, mingka ngambi'i ripa'lalangang maraeng, ia injo se'rei palukka' na se'rei parampo'; 2mingka inai antama' na babaang lapamolongi, ia intu pakalahaki jimbala. 3Pajaga injo lapambungkarangi babaang na sikonjo jimbala laisse'i sa'ranna na ia lakeo' tasse're-se'rei jimbala'na assituru' arenna na laerangi ansulukang. 4Ampa sikonjo jimbala'na maeng laerang ngase'mu ansulukang, ia a'lingkai rioloanganna na sikonjo jimbala'na minahangi ri ia, saba' iyai laisse'i sa'ranna. 5Mingka tau bungasa injo mange tantumu gelena minahangi, mingka allari ngase'i battu ri tau injo, saba' sa'ranna tau maraeng injo gele laisseki.”
6Isa lapaui pakkalebarang inni mange ri iyai, mingka iyai gele lapahang apa battuanganna Ia appau appakonjo mange ri iyai.
7Kanara injomo Isa appaui pole, ”Sitoje'na Nakke appau ri kaui, Nakkemo babaang pamolongang risikuanna jimbala injo. 8Sikuanna tau rie' rigeleKupa rie', iamo palukka' na parampo', na jimbala injo gele lapilangngeri sa'rannai. 9Nakkemo babaang; inai jua antama' a'molong ri Nakke, ripasalama' na ia lansulu' antama'i surang lanrumpa'i parang ruku' pa'bikukkukang. 10Palukka' intu rie'i laa'lukka' na lamunoi surang laappakala'busui; Nakke rie', solanna iangase'na nguppa tallasa, na rilauppana rie'i lalang rikasungguang.
11Nakkemo pakalahaki toje'. Pakalahaki toje' intu lapassareangi nyahana mange risikonjo jimbala'na; 12mingka se're intu tau pasaha'-sahala gele pakalahaki, na gele todo' ia opuna jimbala, rihattu rie'na asu borong lajanjang, labokoi ngase' jimbala'na ampai allari, jari asu borong injo lajakkalai na lapasia'-siarai jimbala lohe injo. 13Ia allari saba' ia se're juai pasahala na gele lapariati sikonjo jimbala'na. 14Nakkemo pakalahaki toje' na Kuisse'i sikonjo jimbala'Ku na sikonjo jimbala'Ku ngisse'i ri Nakke 15#Mat. 11:27; Luk. 10:22; Yah. 3:35assimpole Amma ngisse'i ri Nakke na Nakke ngisse' ri Amma, na Nakke a'ra'i Kupassareang nyahaKu mange risikonjo jimbala'Ku. 16Mingka rie' todo' jimbala maraeng nugele battu ri bara inni; jimbala injo parallu todo'i Kuerang na iyai lapilangngeri todo'i sa'rangKu na iyai injo laa'jari se're bakkalang bakka' na se'rejua pakalahakinna. 17Amma ngamaseang ri Nakke, rikanara Nakke a'ra'i Kupa'bisonaang nyahaKu solanna Kutarimai muliang. 18Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”
19Jari ammumbamu pole passisala pahangang ritangngana tau Yahudi lohe injo rikanara pau injo. Lohe ri iyai appau, 20”Ia latamai setang na pongoro; ngura mupilangngeri?” 21Rie' pole tau maraeng appau, ”Injo gele pau tau latamai setang; makala akkulle setang inni appakanjanjang tau buta?”
Isa ritolla' ri tau Yahudi
10:22-39
22Gele sallo maenna injo larapi'mu hattunna allo passua'-suarang laappakatangkasa Sapo Allataala ri Yerusalem; rihattu injo dingingi. 23Isa a'lingka-lingkai mange ri Sapo Allataala, ri tambing Suleman. 24Jari lohemo tau Yahudi lapiappui Isa na appaui mange ri Ia, ”Sikurapa sallona Ditte tuli rilappasangkang tallasa lalang rikabata-bataang? Ampa Dittemo Almase, paui silambusu'na mae ri kambe.” 25Isa lapihalii pakkuta'nannai, ”Maemmu Kupau mange ri kaui, mingka geleko tappa'; jama-jamaang Kugeokang injo lalang arenNa AmmangKu, iamo injo assare passa'bi mae ri Nakke, 26mingka geleiko tappa', saba' geleimmu antama' ribakkalanna jimbala'Ku. 27Sikuanna jimbala'Ku lapilangngeri sa'rangKu na Kuisse' ngase'i na minahang ngase'i ri Nakke, 28na Nakkemo assare tallasa mannannungang mange ri iyai na iyai injo tantumu gelena lamate situlusu'na na manna se're tau gele rie' akkulle laalle battu ri limangKu. 29AmmangKu, lapassareang ngase'i mae ri Nakke, la'bi bakkakang battu ri inai jua, na manna se're tau gele rie' akkulle laalle battu ri limanNa Amma. 30Nakke na Amma nuse're.”
31Ngalleimu isse' batu tau Yahudi injo ampai labunduki Isa. 32Appaui Isa mange ri iyai, ”Lohe jama-jamaang baji' assala'na battu ri AmmangKu maeng Kupappijanjangang mange ri kaui; makala jama-jamaang anteeang kale rinuleho injo lapassabakiko a'ra' ambunduki batu mae ri Nakke?” 33#Im. 24:16Pappihalinna tau Yahudi injo, ”Gele kanara se're jama-jamaang baji' na a'ra'i tabundu'ko batu, passangadinna kanara Kau assalla ri Allataala na kanara Kau, tau samara jua, mingka mupassinrapangi kalemMu Allataala.” 34#Mzm. 82:6Lakuamo Isa mange ri iyai, ”Gelejua rie' ta'ukiri lalang ri kitta' Tora'mu: Nakke maeng appau: Kau intu tau-tau sombaang? 35Ampa iyai, mange ri nai pau injo ripabattu, riare' tau-tau sombaang – na Kitta' Tangkasa inni gele akkulle ripassala –, 36makala laappaui juapako mange ri Ia turitangkasi injo ri Amma na ri tumaeng lasuro injo antama' mae ri lino inni: Kau attua-tua ri Allataala! Kanara Nakke maeng appau: Nakke Ana' Allataala? 37Ampa Nakke gele anggeokang jama-jamaanna AmmangKu, akomo tappa' mae ri Nakke, 38mingka ampa Nakke anggeokang na geleiko a'ra' tappa' mae ri Nakke, tappa'moko rijama-jamaang injo, solanna akkulle muisse' na mupahang ma'nassana Amma lalang ri Nakke na Nakke lalang ri Amma.”
39Sikalipa pole iyai lasobai lajakkala Isa, mingka Ia lappasai battu ri limannai.
Isa riha'leanna Balang Yordan
10:40-42
40 #
Yah. 1:28
Maeng injo a'lampai pole Isa anta'leang Balang Yordan, mange ri tampa'na Yahya anrio tau riolo, na ammarii ri injo. 41Lohemo tau a'rurung-rurung battu mange ri Ia na appaui, ”Toje'i Yahya gele minang a'bua' tanra nugele samara manna se're, mingka sikuanna numaeng injo lapau Yahya ripassala'na tau inni nabai.” 42Jari tau lohe rie' ri injo tappa' ngase'i mange ri Isa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)