LUKAS 22
22
Passamaturukang larihunoi Isa
22:1-2
(Mat. 26:1-5; Mark. 14:1-2; Yah. 11:45-53)
1 #
Kel. 12:1-27
Ri allo pasua'-suarang bakka' langanre roti gele injo risare bibi, seppa'mu, nuriare' injo Pa'lappasang. 2Sikonjo imang ponggaha na guru Tora' a'bojai patteteang anteekamua ta'ranna solanna akkulle lahuno Isa, saba' malla'i ri tau lohe.
Yudas a'bali'ballang ri Isa
22:3-6
(Mat. 26:14-16; Mark. 14:10-11)
3Maeng injo antama'mu Ibilisi ri Yudas, turiare' injo Iskariot, sala se'renna ri suro-suro sampulorua injo. 4Yudasmo a'lampa mange ri imang ponggaha na ri ponggahana pajaga Sapo Allataala na assibisarai ngase'i, anteekamua ia akkulle lapassareang Isa mange ri iyai. 5Sanna' rannuna na assamaturu' ngase'i laassare doe' mange ri ia. 6Ia laturuki, na pakaramulamu a'boja hattu baji' lalapassareangi Isa mange ri iyai nagele kaissekang ri tau lohe.
Pappasadiaang langanre Pa'lappasang
22:7-13
(Mat. 26:17-19; Mark. 14:12-16)
7Sungka'i larapi'mo allo passua'-suarang bakka' nganre injo roti gele risare bibi, iamo allo paralluna tau inni lanyumbele jimbala pa'lappasa. 8Jari Isa lasuroi Petrus na Yahya, lakua: ”A'lampaiko, appakasadia kanreang Pa'lappasang ri ditte solanna nganreki.” 9Lakuaimo mange ri Ia, ”Ri antee mae Mukaa'raki laripappasadiaang?” 10PappihalinNa, ”Ampa antamakiko ri kota, laassijanjangiko se're tau ngerang bengki rassi ere. Pinahangi antama' ri sapo lapantamaki injo, 11na paui mange ri opuna sapo injo: Guru akkuta'nang mange ri kau: Riantee mae tampa' laKupake surang suro-suroKu langanre ri Pa'lappasang? 12Jari tau injo lalapanjo'jokangiko tampa' luara ri loteng nusangka'mo, ri injomoko parallu appakapasadia.” 13Jari a'lampaimu na larumpa' toje'i assituru' ngase' nulapau injo Isa. Jari appakasadiamu kanreang Pa'lappasang.
Ritantuanna hattu panganre Pa'lappasang
22:14-23
(Mat. 26:20-29; Mark. 14:17-25; Yah. 13:21-30; 1 Kor. 11:23-25)
14Sungka'i larapi'mo hattunna, Isa attolongi nganre assurang-surang suro-suroNa. 15PauNa mange ri iyai, ”Nakke sanna' pakubojainna langanre ri Pa'lappasang inni surang kau ngase', rigeleKupa risissa. 16Saba' Nakke appau mange ri kaui: Gelemu laKukanre poleang sa'genna injo a'rupa lalang ri Pakkaraengang Allataala.” 17Maeng injo Ia ngalle se're galasi anggoro, masa barakka'i, ampai appau, ”Alle inni na paa'dahu-dahuangi ri kaui. 18Saba' Nakke appau ri kau: pakaramula rihattu inni Nakke gelema langinung poleang hassele ri poong anggoro sa'genna Pakkaraengang Allataala rie' mae.” 19Maeng injo Ia ngalle roti, masa barakka'i, ampai latu'be-tu'be na lapaa'dahu-dahuangi mange ri iyai, lakua pauNa: ”Iamo inni batangkalengKu nuripasareang injo mange ri kaui; geokangi inni laa'jari pangu'rangi ri Nakke.” 20#Yer. 31:31-34Lageokang appakonjo todo'i ri galasi anggoro injo rimaenginnamo nganre; lakua Isa, ”Galasi inni iamo passitallikang bau ri raraKu, nuripato'lo' mange ri kaui.
21 #
Mzm. 41:10
Mingka, janjangi, limanna tau lalapassareang injoa, rie'i assurangki ri mejang inni. 22Saba' Ana' Rupatau laa'lampai assituru' numaemmo ritantuang, mingka silakamu tulapassareang injo!” 23Maeng injo pakaramulamu labisarai, inai ri iyai laa'geo' appakonjo?
Pa'bisaraang rihattu panganre Pa'lappasang
22:24-38
(Mat. 26:31-35; Mark. 14:27-31; Yah. 13:36-38)
24 #
Mat. 18:1; Mark. 9:34; Luk. 9:46 A'jari tommo pa'beserang ri suro-surona Isa, inaimo akkulle rirapang lakaminang bakka' ri iyai. 25#Mat. 20:25-27; Mark. 10:42-44Appaui Isa mange ri iyai, ”Sikonjo karaeng ri lino inni laparentai jannanganna na tau rie' injo kahasana riare'i pallapi' barambanna. 26Andako appakonjo, mingka inai kaminang toa ri kaui parallui a'jari assimpole kaminang longko na ponggaha assimpole pajampangi. 27#Yah. 13:12-15Saba' inaimo la'bi bakkakang: tau attolong injo nganre, iyareka tau anjampangi injo? Tantu tau attolong injo nganre? Mingka Nakke rie' ritangnga-tangngamu assimpole pajampangi. 28Kaumo latulusu rie' surangang Nakke lalang risikonjo kamarasaiang laKuuppa injo. 29Nakkemo assare Pakkaraengang ri kau, assimpole AmmangKu maeng assare mae ri Nakke, 30#Mat. 19:28solanna sallo' kaui sipanganreang na sipanginungngaiko lalang ri PakkaraengangKu na laattolongiko rate kadera kakaraengang langadeli sampulorua pinangka' ri Israele. 31Simon, Simon, janjangi, Ibilisi assingaramu lalatapiko assimpole bae gandong, 32mingka Nakke maeng Kupangera dowaangangiko, solanna tappa'mu andai appinra. Na kau, ampa ngu'rangimoko, pakaterasai katappakanna urammu siana'.” 33Appihali Petrus, ”Karaeng, nakke sadia laritarungku na mate kanara ri Kau!” 34Mingka appaui Isa, ”Nakke appau mange ri kau, Petrus, allo inni gelei laakkongkoroa' jangang, rigelenapa ganna' pintallung musassalia.”
35 #
Mat. 10:9-10; Mark. 6:8-9; Luk. 9:3, 10:4 Maeng injo appaui Isa mange ri iyai, ”Rihattu Kusuroimmu a'lampa gele ngerang pamunaang doe', pamunaang bokong na sandala, apa geleiko kagannakang?” 36Pappihalinnai ngase', ”Gelekang manna siso'di'.” PauNa mange ri iyai, ”Mingka konni-konnina, inai rie' pamunaang doe'na parallui laerang, appakonjo todo'i turie' injo pamunaang bokonna; na inai gele rie' laampunnai parallui labalukang baju bakka'na ampai ammalli pa'dang. 37#Yes. 53:12Saba' nakke appau mange ri kaui ma'nassana pau ri Kitta' Tangkasa inni parallui laripa'rupa ri Nakke:
Ia laripassimpole risikonjo Tau appakajuja.
Saba' apa nuta'ukiri passala ri Nakke injo ripa'rupamu.” 38Lakuaimo, ”Karaeng, inni rie' rua pa'dang.” PappihalinNa mange ri iyai, ”Ganna'mu intu.”
Ri koko Getsemani
22:39-46
(Mat. 26:36-46; Mark. 14:32-42)
39Maeng injo a'lampai Isa ansulukang kota na anteekamua biasana Ia mangei ri Bonto Zaitun. Suro-suroNa minahang todo'i ri Ia. 40Sungka'i ambattumo ri tampa' injo appaui Isa mange ri suro-suroNa, ”Ngera dowaangiko solanna andako lamma lalang ri kamarasiang.” 41Maeng injo a'lampai Isa lasa'la' kalenna battu ri iyai larie'i barang sipambundukang batu derena, ampai akkolantu' na ngera dowaangi, 42”O AmmangKu, ampa Mukaa'raki, alle kasissaang inni battu ri a'rakangKu; mingka andamo a'ra'Ku, passangadinna a'ra'Mumo a'jari.” 43Jari rie'mo se're malaeka' battu ri langi' lapappijanjangang kalenna mange ri Isa laassare katerasang nyaha ri Ia. 44Sanna'i balisana Isa na pela' attoje'-toje'i ngera dowaang. Omasa'na a'jari assimpole rara ammatti'-matti' naung ri tana. 45Rimaenna injo ammentengi battu ripangera dowaanna na muliangi mange ri suro-suroNa, mingka Ia larapikangi tinro ngase' kanara pa'risi'na nyahanai. 46Lakua pauNa mange ri iyai, ”Ngura tinroiko? Ambaungiko na ngera dowaangiko solammu anda lamma lalang ri paso'ri.”
Rijakkalai Isa
22:47-53
(Mat. 26:47-56; Mark. 14:43-50; Yah. 18:1-11)
47Rihattu a'bisarana juapa Isa rie'mo tau sibakkalang bakka', na suro-suroNa turiare' injo Yudas, sala se'renna suro battu risampulorua injo, a'lingka ri a'rakanna. Yudas laseppaki Isa ampai lahau. 48Jari appaui Isa mange ri ia, ”Oe Yudas, lalang ripanghau mupassareangi Ana' Rupatau?” 49Rihattunna, tau assurang-surang injo Isa, lajanjang apa kajariang, appaui ngase'mu, ”Karaeng, paralluika tabaliang tau intu surangang pa'dang?” 50Jari rie'mo sitau battu ri iyai lalumpaki pagahena Imang Bakka' injo sa'genna tappu' toli kananna. 51Mingka appaui Isa, ”Ammono'ko.” Maeng injo Ia lakaraha tolinna tau injo na laapadakki'i muliang.
52Rimaenna injo akkuta'nangi Isa mange risikonjo imang ponggaha na risikonjo ponggaha pajaga ri Sapo Allataala surang ri tutoa-toa rie' injo lalajakkalai, ”Pa'ngare'mu Nakke inni palukka', jari riekiko mae ngerang pa'dang surang panrabung? 53#Luk. 19:47, 21:37Kusa'ring allo-allo juai Nakke rie' ritangnga-tangngamu ri Sapo Allataala, na gele kalea mujakkali. Mingka iamo inni hattummu, na iamo inni kahasana kalammang injo.”
Isa risassali ri Petrus
22:54-62
(Mat. 26:57-58, 69-75; Mark. 14:53-54, 66-72; Yah. 18:12-18, 25-27)
54Jari rijakkalai Isa na rierangi battu ri tampa' injo. Ia riparapa'i mange ri saponna Imang Bakka' injo. Rihattu injo Petrus minahang derei. 55Ritangnga-tangngana jurunna sapo injo apparukkuki api ampai attolong ngase' risiappuna. Petrus mange todo'i attolong ritangnga-tangnganai. 56Sikalinna rie'mo se're pagahe bahine lajanjangi Petrus attolong riampi' api; latili'-tilingi, ampai appau, ”Tau inni uranna todo'i.” 57Mingka assassalai Petrus, lakua, ”Nakke gele kuisse' tau intu!” 58Gele sallo maenna injo rie'mo pole se're tau maraeng lajanjangi Petrus ampai appau, ”Kau sala se'renna todo'ko battu ri iyai!” Mingka appihali Petrus, ”Gele, nakke!” 59Barang sijaang sallona maenna injo rie'mo isse' se're tau maraeng anggaratta, ”Toje'i, tau inni uranna todo'i Isa, saba' ia tau Galilea todo'i.” 60Mingka appaui Petrus, ”Nakke gelei kuisse' numupau intu.” Rihattu injomo, riappauna juapa, angkongkoroa'mu jangang. 61Jari a'gilingi Karaeng Isa latangarai Petrus. Sikalinna ngu'rangimu Petrus ma'nassana Karaeng Isa maengi lapau mange ri ia, ”Rigelenapa angkongkoroa' jangang ribangngi inni, kau pintallumma musassali.” 62Jari ia a'lampai ansulukang ampai apparau saba' pa'risi nyahana.
Isa ri a'rakang pangadelang Agama
22:63-71
(Mat. 26:63-68; Mark. 14:60-65; Yah. 18:19-24)
63Maeng injo tau lajakkala injo Isa, attua-tuai ri Ia na larabungii. 64Lalampangi matanNa ampai lakuta'nangi, ”Pausai mae inai pade' larabungKo?” 65Lohe juapa pole pau-pau daa lapaui mange ri Isa.
66Sungka'i tangnga allo asse'reimu la'rappung tutoa-toana bangsa injo surang sikonjo imang ponggaha na guru Tora' injo, ampai laparapaki Isa mange ri pangadelang Agamana, 67lakua, ”Ampa Kaumo intu Almase, pauwangkang mae.” Pappihalinna Isa, ”Manna injo Kupaui mange ri kau, gele juako latappa'; 68na manna injo Nakke rie' lakukuta'nang mange ri kau, gele juako lappihali. 69Pakaramula rikonni-konnina Ana' Rupatau attolommu risa'ri kananna Allataala Tukaminang kahasa injo.” 70Lakuai ngase'mo, ”Ampa appakonjo, Kau inni Ana' Allataala?” Appihali Isa, ”Kau to'jua appau ma'nassana Nakkemo Ana' Allataala.” 71Jari appau ngase'mu, ”Ngura parallu juapaki sa'bi? Dittemo rilangngere battu ri babaNa.”
Currently Selected:
LUKAS 22: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
LUKAS 22
22
Passamaturukang larihunoi Isa
22:1-2
(Mat. 26:1-5; Mark. 14:1-2; Yah. 11:45-53)
1 #
Kel. 12:1-27
Ri allo pasua'-suarang bakka' langanre roti gele injo risare bibi, seppa'mu, nuriare' injo Pa'lappasang. 2Sikonjo imang ponggaha na guru Tora' a'bojai patteteang anteekamua ta'ranna solanna akkulle lahuno Isa, saba' malla'i ri tau lohe.
Yudas a'bali'ballang ri Isa
22:3-6
(Mat. 26:14-16; Mark. 14:10-11)
3Maeng injo antama'mu Ibilisi ri Yudas, turiare' injo Iskariot, sala se'renna ri suro-suro sampulorua injo. 4Yudasmo a'lampa mange ri imang ponggaha na ri ponggahana pajaga Sapo Allataala na assibisarai ngase'i, anteekamua ia akkulle lapassareang Isa mange ri iyai. 5Sanna' rannuna na assamaturu' ngase'i laassare doe' mange ri ia. 6Ia laturuki, na pakaramulamu a'boja hattu baji' lalapassareangi Isa mange ri iyai nagele kaissekang ri tau lohe.
Pappasadiaang langanre Pa'lappasang
22:7-13
(Mat. 26:17-19; Mark. 14:12-16)
7Sungka'i larapi'mo allo passua'-suarang bakka' nganre injo roti gele risare bibi, iamo allo paralluna tau inni lanyumbele jimbala pa'lappasa. 8Jari Isa lasuroi Petrus na Yahya, lakua: ”A'lampaiko, appakasadia kanreang Pa'lappasang ri ditte solanna nganreki.” 9Lakuaimo mange ri Ia, ”Ri antee mae Mukaa'raki laripappasadiaang?” 10PappihalinNa, ”Ampa antamakiko ri kota, laassijanjangiko se're tau ngerang bengki rassi ere. Pinahangi antama' ri sapo lapantamaki injo, 11na paui mange ri opuna sapo injo: Guru akkuta'nang mange ri kau: Riantee mae tampa' laKupake surang suro-suroKu langanre ri Pa'lappasang? 12Jari tau injo lalapanjo'jokangiko tampa' luara ri loteng nusangka'mo, ri injomoko parallu appakapasadia.” 13Jari a'lampaimu na larumpa' toje'i assituru' ngase' nulapau injo Isa. Jari appakasadiamu kanreang Pa'lappasang.
Ritantuanna hattu panganre Pa'lappasang
22:14-23
(Mat. 26:20-29; Mark. 14:17-25; Yah. 13:21-30; 1 Kor. 11:23-25)
14Sungka'i larapi'mo hattunna, Isa attolongi nganre assurang-surang suro-suroNa. 15PauNa mange ri iyai, ”Nakke sanna' pakubojainna langanre ri Pa'lappasang inni surang kau ngase', rigeleKupa risissa. 16Saba' Nakke appau mange ri kaui: Gelemu laKukanre poleang sa'genna injo a'rupa lalang ri Pakkaraengang Allataala.” 17Maeng injo Ia ngalle se're galasi anggoro, masa barakka'i, ampai appau, ”Alle inni na paa'dahu-dahuangi ri kaui. 18Saba' Nakke appau ri kau: pakaramula rihattu inni Nakke gelema langinung poleang hassele ri poong anggoro sa'genna Pakkaraengang Allataala rie' mae.” 19Maeng injo Ia ngalle roti, masa barakka'i, ampai latu'be-tu'be na lapaa'dahu-dahuangi mange ri iyai, lakua pauNa: ”Iamo inni batangkalengKu nuripasareang injo mange ri kaui; geokangi inni laa'jari pangu'rangi ri Nakke.” 20#Yer. 31:31-34Lageokang appakonjo todo'i ri galasi anggoro injo rimaenginnamo nganre; lakua Isa, ”Galasi inni iamo passitallikang bau ri raraKu, nuripato'lo' mange ri kaui.
21 #
Mzm. 41:10
Mingka, janjangi, limanna tau lalapassareang injoa, rie'i assurangki ri mejang inni. 22Saba' Ana' Rupatau laa'lampai assituru' numaemmo ritantuang, mingka silakamu tulapassareang injo!” 23Maeng injo pakaramulamu labisarai, inai ri iyai laa'geo' appakonjo?
Pa'bisaraang rihattu panganre Pa'lappasang
22:24-38
(Mat. 26:31-35; Mark. 14:27-31; Yah. 13:36-38)
24 #
Mat. 18:1; Mark. 9:34; Luk. 9:46 A'jari tommo pa'beserang ri suro-surona Isa, inaimo akkulle rirapang lakaminang bakka' ri iyai. 25#Mat. 20:25-27; Mark. 10:42-44Appaui Isa mange ri iyai, ”Sikonjo karaeng ri lino inni laparentai jannanganna na tau rie' injo kahasana riare'i pallapi' barambanna. 26Andako appakonjo, mingka inai kaminang toa ri kaui parallui a'jari assimpole kaminang longko na ponggaha assimpole pajampangi. 27#Yah. 13:12-15Saba' inaimo la'bi bakkakang: tau attolong injo nganre, iyareka tau anjampangi injo? Tantu tau attolong injo nganre? Mingka Nakke rie' ritangnga-tangngamu assimpole pajampangi. 28Kaumo latulusu rie' surangang Nakke lalang risikonjo kamarasaiang laKuuppa injo. 29Nakkemo assare Pakkaraengang ri kau, assimpole AmmangKu maeng assare mae ri Nakke, 30#Mat. 19:28solanna sallo' kaui sipanganreang na sipanginungngaiko lalang ri PakkaraengangKu na laattolongiko rate kadera kakaraengang langadeli sampulorua pinangka' ri Israele. 31Simon, Simon, janjangi, Ibilisi assingaramu lalatapiko assimpole bae gandong, 32mingka Nakke maeng Kupangera dowaangangiko, solanna tappa'mu andai appinra. Na kau, ampa ngu'rangimoko, pakaterasai katappakanna urammu siana'.” 33Appihali Petrus, ”Karaeng, nakke sadia laritarungku na mate kanara ri Kau!” 34Mingka appaui Isa, ”Nakke appau mange ri kau, Petrus, allo inni gelei laakkongkoroa' jangang, rigelenapa ganna' pintallung musassalia.”
35 #
Mat. 10:9-10; Mark. 6:8-9; Luk. 9:3, 10:4 Maeng injo appaui Isa mange ri iyai, ”Rihattu Kusuroimmu a'lampa gele ngerang pamunaang doe', pamunaang bokong na sandala, apa geleiko kagannakang?” 36Pappihalinnai ngase', ”Gelekang manna siso'di'.” PauNa mange ri iyai, ”Mingka konni-konnina, inai rie' pamunaang doe'na parallui laerang, appakonjo todo'i turie' injo pamunaang bokonna; na inai gele rie' laampunnai parallui labalukang baju bakka'na ampai ammalli pa'dang. 37#Yes. 53:12Saba' nakke appau mange ri kaui ma'nassana pau ri Kitta' Tangkasa inni parallui laripa'rupa ri Nakke:
Ia laripassimpole risikonjo Tau appakajuja.
Saba' apa nuta'ukiri passala ri Nakke injo ripa'rupamu.” 38Lakuaimo, ”Karaeng, inni rie' rua pa'dang.” PappihalinNa mange ri iyai, ”Ganna'mu intu.”
Ri koko Getsemani
22:39-46
(Mat. 26:36-46; Mark. 14:32-42)
39Maeng injo a'lampai Isa ansulukang kota na anteekamua biasana Ia mangei ri Bonto Zaitun. Suro-suroNa minahang todo'i ri Ia. 40Sungka'i ambattumo ri tampa' injo appaui Isa mange ri suro-suroNa, ”Ngera dowaangiko solanna andako lamma lalang ri kamarasiang.” 41Maeng injo a'lampai Isa lasa'la' kalenna battu ri iyai larie'i barang sipambundukang batu derena, ampai akkolantu' na ngera dowaangi, 42”O AmmangKu, ampa Mukaa'raki, alle kasissaang inni battu ri a'rakangKu; mingka andamo a'ra'Ku, passangadinna a'ra'Mumo a'jari.” 43Jari rie'mo se're malaeka' battu ri langi' lapappijanjangang kalenna mange ri Isa laassare katerasang nyaha ri Ia. 44Sanna'i balisana Isa na pela' attoje'-toje'i ngera dowaang. Omasa'na a'jari assimpole rara ammatti'-matti' naung ri tana. 45Rimaenna injo ammentengi battu ripangera dowaanna na muliangi mange ri suro-suroNa, mingka Ia larapikangi tinro ngase' kanara pa'risi'na nyahanai. 46Lakua pauNa mange ri iyai, ”Ngura tinroiko? Ambaungiko na ngera dowaangiko solammu anda lamma lalang ri paso'ri.”
Rijakkalai Isa
22:47-53
(Mat. 26:47-56; Mark. 14:43-50; Yah. 18:1-11)
47Rihattu a'bisarana juapa Isa rie'mo tau sibakkalang bakka', na suro-suroNa turiare' injo Yudas, sala se'renna suro battu risampulorua injo, a'lingka ri a'rakanna. Yudas laseppaki Isa ampai lahau. 48Jari appaui Isa mange ri ia, ”Oe Yudas, lalang ripanghau mupassareangi Ana' Rupatau?” 49Rihattunna, tau assurang-surang injo Isa, lajanjang apa kajariang, appaui ngase'mu, ”Karaeng, paralluika tabaliang tau intu surangang pa'dang?” 50Jari rie'mo sitau battu ri iyai lalumpaki pagahena Imang Bakka' injo sa'genna tappu' toli kananna. 51Mingka appaui Isa, ”Ammono'ko.” Maeng injo Ia lakaraha tolinna tau injo na laapadakki'i muliang.
52Rimaenna injo akkuta'nangi Isa mange risikonjo imang ponggaha na risikonjo ponggaha pajaga ri Sapo Allataala surang ri tutoa-toa rie' injo lalajakkalai, ”Pa'ngare'mu Nakke inni palukka', jari riekiko mae ngerang pa'dang surang panrabung? 53#Luk. 19:47, 21:37Kusa'ring allo-allo juai Nakke rie' ritangnga-tangngamu ri Sapo Allataala, na gele kalea mujakkali. Mingka iamo inni hattummu, na iamo inni kahasana kalammang injo.”
Isa risassali ri Petrus
22:54-62
(Mat. 26:57-58, 69-75; Mark. 14:53-54, 66-72; Yah. 18:12-18, 25-27)
54Jari rijakkalai Isa na rierangi battu ri tampa' injo. Ia riparapa'i mange ri saponna Imang Bakka' injo. Rihattu injo Petrus minahang derei. 55Ritangnga-tangngana jurunna sapo injo apparukkuki api ampai attolong ngase' risiappuna. Petrus mange todo'i attolong ritangnga-tangnganai. 56Sikalinna rie'mo se're pagahe bahine lajanjangi Petrus attolong riampi' api; latili'-tilingi, ampai appau, ”Tau inni uranna todo'i.” 57Mingka assassalai Petrus, lakua, ”Nakke gele kuisse' tau intu!” 58Gele sallo maenna injo rie'mo pole se're tau maraeng lajanjangi Petrus ampai appau, ”Kau sala se'renna todo'ko battu ri iyai!” Mingka appihali Petrus, ”Gele, nakke!” 59Barang sijaang sallona maenna injo rie'mo isse' se're tau maraeng anggaratta, ”Toje'i, tau inni uranna todo'i Isa, saba' ia tau Galilea todo'i.” 60Mingka appaui Petrus, ”Nakke gelei kuisse' numupau intu.” Rihattu injomo, riappauna juapa, angkongkoroa'mu jangang. 61Jari a'gilingi Karaeng Isa latangarai Petrus. Sikalinna ngu'rangimu Petrus ma'nassana Karaeng Isa maengi lapau mange ri ia, ”Rigelenapa angkongkoroa' jangang ribangngi inni, kau pintallumma musassali.” 62Jari ia a'lampai ansulukang ampai apparau saba' pa'risi nyahana.
Isa ri a'rakang pangadelang Agama
22:63-71
(Mat. 26:63-68; Mark. 14:60-65; Yah. 18:19-24)
63Maeng injo tau lajakkala injo Isa, attua-tuai ri Ia na larabungii. 64Lalampangi matanNa ampai lakuta'nangi, ”Pausai mae inai pade' larabungKo?” 65Lohe juapa pole pau-pau daa lapaui mange ri Isa.
66Sungka'i tangnga allo asse'reimu la'rappung tutoa-toana bangsa injo surang sikonjo imang ponggaha na guru Tora' injo, ampai laparapaki Isa mange ri pangadelang Agamana, 67lakua, ”Ampa Kaumo intu Almase, pauwangkang mae.” Pappihalinna Isa, ”Manna injo Kupaui mange ri kau, gele juako latappa'; 68na manna injo Nakke rie' lakukuta'nang mange ri kau, gele juako lappihali. 69Pakaramula rikonni-konnina Ana' Rupatau attolommu risa'ri kananna Allataala Tukaminang kahasa injo.” 70Lakuai ngase'mo, ”Ampa appakonjo, Kau inni Ana' Allataala?” Appihali Isa, ”Kau to'jua appau ma'nassana Nakkemo Ana' Allataala.” 71Jari appau ngase'mu, ”Ngura parallu juapaki sa'bi? Dittemo rilangngere battu ri babaNa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)