Ubwandilo 12
12
U Chala akumwitizya u Abulamu
1 #
Imbo. 7.2-3; Heb. 11.8 U Mwene akamubuzya u Abulamu akati, “Fumamo muchisu chako. Ubaleke abakamu bako, nakaya aka ghuso, nukubuka kuchisu chicho nkwiza pakukulanjizya.
2Nkwiza pakukupa abaluko abinji nkani,
sona nkwiza pakubapela pakuba luko ulwamaka nkani.
Nkwiza pakukusaya nukukupela pakuba muntu umumanyikwe,
ukwiza pakuba we lusayo ulwa bantu abanji.
3 #
Gal. 3.8
Nkwiza pakubasaya bosi babo bakukusaya.
Loli bosi babo bakukughuna
nane nkwiza pakubaghuna.
Inko zyosi pachisu ichapasi
nkwiza pakuzisaya ukwendela mumwako.”
4Po u Abulamu akepamo ukuyana namumo u Mwene akamulamulila sona u Loti akabuka nawe. U Abulamu akaba namaka 75 bo akwepamo muchisu icha Halani. 5U Abulamu akamusenda umuchi wache u Salayi nu Loti umwana uwa muzuna wache. Akasenda ni chuma chache chosi, na bambombo babo akikalagha nabo muchisu icha Halani. Bakanyamuka ubulendo ubwakubuka ku Kenani.
Bo bafika mu Kenani, 6u Abulamu akendela ichisu chosi mupaka mukaya aka Shekemu, mupaka nukufika pikwi ilya mupandapanda mu Mole. Pakabalilo kalakala, aba Kenani bakikalagha muchisu chilachila. 7#Imbo. 7.5; Gal. 3.16U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.
8Pisinda pache akakwela kuchisu icha maghamba kubufumilo bwizuba ubwa Beteli nukuzenga ivisakasa vyache pakasi pa Beteli kubwinjililo bwizuba nu Ayi kubufumilo bwizuba. Kulakula akazenga sona ichighemo nukumwiputa u Mwene. 9Po u Abulamu akendelela nu bulendo bwache ubwakwimakwima ukwikila ku Negebu muchigaba icha kuntende.
U Abulamu muchisu icha Ijiputi
10Loli muchisu icha Kenani mukawa izala inkulu nkani. Pachifukwa icha zala yilayila u Abulamu akabukagha kuntende mupaka akafika muchisu icha Ijiputi nukwikala kulakula akabalilo akanandi bulo. 11Bo u Abulamu ali papipi pakuloboka impaka iya chisu icha Ijiputi, akamubuzya umuchi wache u Salayi akati, “Weya we, inzimenye ukuti we mukolo uwakuboneka akiza nkani. 12Nanti aba Ijiputi bakwennya bakwiza pakunena ukuti, ‘Uyu muchi wache.’ Po bakwiza pakungogha nukukuleka awe mumi. 13#Ubw. 20.2, 26.7Nalamba ubabuzye ukuti, ‘Ane ne muyemba wache.’ Pakubomba bunubu bakwiza pakunsunga nubumi nukunsungilila akiza pachifukwa icha wewe.”
14Bo u Abulamu aloboka impaka nukufika muchisu icha Ijiputi, abantu aba mulamula bakennya ukuti umuchi wache u Salayi naloli akaba mukolo uwakuboneka akiza nkani. 15Bo amakambala agha Falabo ghamwennya, ghakamubuzya u Falabo ukuti umukolo yula akabonekagha akiza nkani. Po ghakamusendela kunyumba iya bumwene. 16U Falabo akamusungilila akiza nkani u Abulamu pachifukwa icha Salayi. Akamupa ing'ozi, ni mbuzi, ni ng'ombe, ni mpunda, na bazya, sona ni ngamila.
17Pachifukwa icha Salayi, umuchi uwa Abulamu, u Mwene akamutumila u Falabo poka na bamunyumba yache ububine ubupalapala. 18Po u Falabo akamwitizya u Abulamu nukumulalusya ukuti, “Nkimba cho choni chicho wambombela? Nkimba choni chicho utakambuzya ukuti muchi wako? 19Nkimba choni chicho ukatinji muyemba wako? Ennya nkamusenda pakuba muchi wane. Umuchi wako uyu, musende ubukaye.” 20Po u Falabo akabalamula abantu bache, bakamwefyamo muchisu chila u Abulamu nu muchi wache, poka nu katundu wache wesi.
Currently Selected:
Ubwandilo 12: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Ubwandilo 12
12
U Chala akumwitizya u Abulamu
1 #
Imbo. 7.2-3; Heb. 11.8 U Mwene akamubuzya u Abulamu akati, “Fumamo muchisu chako. Ubaleke abakamu bako, nakaya aka ghuso, nukubuka kuchisu chicho nkwiza pakukulanjizya.
2Nkwiza pakukupa abaluko abinji nkani,
sona nkwiza pakubapela pakuba luko ulwamaka nkani.
Nkwiza pakukusaya nukukupela pakuba muntu umumanyikwe,
ukwiza pakuba we lusayo ulwa bantu abanji.
3 #
Gal. 3.8
Nkwiza pakubasaya bosi babo bakukusaya.
Loli bosi babo bakukughuna
nane nkwiza pakubaghuna.
Inko zyosi pachisu ichapasi
nkwiza pakuzisaya ukwendela mumwako.”
4Po u Abulamu akepamo ukuyana namumo u Mwene akamulamulila sona u Loti akabuka nawe. U Abulamu akaba namaka 75 bo akwepamo muchisu icha Halani. 5U Abulamu akamusenda umuchi wache u Salayi nu Loti umwana uwa muzuna wache. Akasenda ni chuma chache chosi, na bambombo babo akikalagha nabo muchisu icha Halani. Bakanyamuka ubulendo ubwakubuka ku Kenani.
Bo bafika mu Kenani, 6u Abulamu akendela ichisu chosi mupaka mukaya aka Shekemu, mupaka nukufika pikwi ilya mupandapanda mu Mole. Pakabalilo kalakala, aba Kenani bakikalagha muchisu chilachila. 7#Imbo. 7.5; Gal. 3.16U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.
8Pisinda pache akakwela kuchisu icha maghamba kubufumilo bwizuba ubwa Beteli nukuzenga ivisakasa vyache pakasi pa Beteli kubwinjililo bwizuba nu Ayi kubufumilo bwizuba. Kulakula akazenga sona ichighemo nukumwiputa u Mwene. 9Po u Abulamu akendelela nu bulendo bwache ubwakwimakwima ukwikila ku Negebu muchigaba icha kuntende.
U Abulamu muchisu icha Ijiputi
10Loli muchisu icha Kenani mukawa izala inkulu nkani. Pachifukwa icha zala yilayila u Abulamu akabukagha kuntende mupaka akafika muchisu icha Ijiputi nukwikala kulakula akabalilo akanandi bulo. 11Bo u Abulamu ali papipi pakuloboka impaka iya chisu icha Ijiputi, akamubuzya umuchi wache u Salayi akati, “Weya we, inzimenye ukuti we mukolo uwakuboneka akiza nkani. 12Nanti aba Ijiputi bakwennya bakwiza pakunena ukuti, ‘Uyu muchi wache.’ Po bakwiza pakungogha nukukuleka awe mumi. 13#Ubw. 20.2, 26.7Nalamba ubabuzye ukuti, ‘Ane ne muyemba wache.’ Pakubomba bunubu bakwiza pakunsunga nubumi nukunsungilila akiza pachifukwa icha wewe.”
14Bo u Abulamu aloboka impaka nukufika muchisu icha Ijiputi, abantu aba mulamula bakennya ukuti umuchi wache u Salayi naloli akaba mukolo uwakuboneka akiza nkani. 15Bo amakambala agha Falabo ghamwennya, ghakamubuzya u Falabo ukuti umukolo yula akabonekagha akiza nkani. Po ghakamusendela kunyumba iya bumwene. 16U Falabo akamusungilila akiza nkani u Abulamu pachifukwa icha Salayi. Akamupa ing'ozi, ni mbuzi, ni ng'ombe, ni mpunda, na bazya, sona ni ngamila.
17Pachifukwa icha Salayi, umuchi uwa Abulamu, u Mwene akamutumila u Falabo poka na bamunyumba yache ububine ubupalapala. 18Po u Falabo akamwitizya u Abulamu nukumulalusya ukuti, “Nkimba cho choni chicho wambombela? Nkimba choni chicho utakambuzya ukuti muchi wako? 19Nkimba choni chicho ukatinji muyemba wako? Ennya nkamusenda pakuba muchi wane. Umuchi wako uyu, musende ubukaye.” 20Po u Falabo akabalamula abantu bache, bakamwefyamo muchisu chila u Abulamu nu muchi wache, poka nu katundu wache wesi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.