Ubwandilo 17
17
Ukusilimula cho chimanyilo icha lufingo
1Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu. 2Nkwiza pakufinga nawe ulufingo nukukupa abaluko abinji.”
3U Abulamu akafughama, po u Chala akamubuzya akati, 4“Ulufingo lulo indi pakufingana nawe lo ulu: Nkukulayizya ukuti ukwiza pakuba we munyenya uwa inko inyinji nkani. 5#Lom. 4.17Itabwa lyako lite likabe sona we Abulamu, loli we Abulahamu,#17.5 Abulahamu: Itabwa ili likwivwika ngati ilya mu Chihebeli kokuti, Umunyenya uwa inko inyinji nkani. pakuti indi pakukupela pakuba munyenya uwa inko inyinji nkani. 6Nkwiza pakukupa abaluko abinji nkani, sona abanji bakwiza pakuba bamwene. Ukwiza pakuba na baluko abinji nkani umwakuti bakwiza pakuba inko inyinji nkani. 7#Luk. 1.55Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako. 8#Imbo. 7.5Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”
9U Chala akamubuzya sona u Abulahamu akati, “Nawe bulo ukumbukaye pakusunga ulufingo lwane lulo nkafingana nawe poka na baluko lwako babo bakwiza muntazi. 10#Imbo. 7.8; Lom. 4.11Awe poka na baluko lwako ulusungaye ulufingo ulu ulwakuti: Umwanavuli wesi pakasi papinyu asilimuliwanje. 11Ukwanda ilelo umwana wesi umwanavuli asilimuliwanje. Ichi chikwiza pakuba chimanyilo icha lufingo lulo luli pakasi papane namwe. 12Umwana wesi umwanavuli asilimuliwanje, bo ghachilapo amasiku eyiti. Umwanavuli wesi munkulilo yinyu, manyi mwana yuyo apapiwa mo munyumba yako, pamo umuzya yuyo aghuliwa pakasi pa bayeni. 13Umwanavuli wesi asilimuliwanje, sona chinichi chikwiza pakuba chimanyilo ichakubombiwa pamabili ghinyu pakulanjizya ukuti ulufingo lulo luli pakasi papane namwe lwa bwila na bwila. 14Umwanavuli wesi yuyo atasilimuliwe akwiza pakwefiwapo pakasi pabantu abaluko lwache, pachifukwa ichakuti atasungite ulufingo lulo nkafingana nawe.”
15U Chala akamubuzya Abulahamu akati, “Ukwanda ilelo utakamwitizyanjepo sona umuchi wako itabwa ilya Salayi, loli umwitizyanje ukuti we Sala.#17.15 Sala: Itabwa ili mu Chihebeli kokuti, Umwana umulindu uwa mwene. 16Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”
17Po u Abulahamu akafughama, akaseka nukuti, “Mwebaya mwee, nkimba chingabombiwa ukuti umwanavuli yuyo ali na maka 100, apape umwana? Nkimba u Sala yuyo ali na maka 90 angapapa umwana?” 18U Abulahamu akamulalusya u Chala akati, “Nkimba choni chicho utakumuleka u Ishimayeli pakuba wampyana yane?”
19Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki.#17.19 Yisaki: Itabwa ili mu Chihebeli kokuti, Akuseka. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila. 20Pakunena nizya Ishimayeli, nkwiza pakumusaya nukumupa abana abinji, sona na baluko abinji. Akwiza pakuba we tata uwa bamwene 12, sona abaluko lwache bakwiza pakuba luko ulukulu nkani. 21Loli nkwiza pakusunga ulufingo lwane lulo nkafinga nu mwana wako u Yisaki, yuyo u Sala akwiza pakukupapila mumwaka uwa ndabi pakabalilo ngati kanaka.” 22Bo u Chala amala pakunena nu Abulahamu akabuka nukumuleka palapala.
23Pisiku lilalila u Abulahamu akakumbuka zizyo u Chala akamubuzya, po akamusilimula umwana wache u Ishimayeli, poka na banavuli bosi, sona na bazya bosi babo bakapapiliwa munyumba yache, sona na bosi babo bakaghuliwa. 24U Abulahamu akasilimuliwa bo ali na maka 99, 25sona umwana wache u Ishimayeli akaba na maka 13. 26U Abulahamu nu mwana wache u Ishimayeli bakasilimuliwa poka pisiku lilalila, 27poka na banavuli bosi babo bakapapiliwa munyumba yache, sona na bosi babo akabaghula. Bosi banaba bakasilimuliwa poka nawe.
Currently Selected:
Ubwandilo 17: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Ubwandilo 17
17
Ukusilimula cho chimanyilo icha lufingo
1Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu. 2Nkwiza pakufinga nawe ulufingo nukukupa abaluko abinji.”
3U Abulamu akafughama, po u Chala akamubuzya akati, 4“Ulufingo lulo indi pakufingana nawe lo ulu: Nkukulayizya ukuti ukwiza pakuba we munyenya uwa inko inyinji nkani. 5#Lom. 4.17Itabwa lyako lite likabe sona we Abulamu, loli we Abulahamu,#17.5 Abulahamu: Itabwa ili likwivwika ngati ilya mu Chihebeli kokuti, Umunyenya uwa inko inyinji nkani. pakuti indi pakukupela pakuba munyenya uwa inko inyinji nkani. 6Nkwiza pakukupa abaluko abinji nkani, sona abanji bakwiza pakuba bamwene. Ukwiza pakuba na baluko abinji nkani umwakuti bakwiza pakuba inko inyinji nkani. 7#Luk. 1.55Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako. 8#Imbo. 7.5Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”
9U Chala akamubuzya sona u Abulahamu akati, “Nawe bulo ukumbukaye pakusunga ulufingo lwane lulo nkafingana nawe poka na baluko lwako babo bakwiza muntazi. 10#Imbo. 7.8; Lom. 4.11Awe poka na baluko lwako ulusungaye ulufingo ulu ulwakuti: Umwanavuli wesi pakasi papinyu asilimuliwanje. 11Ukwanda ilelo umwana wesi umwanavuli asilimuliwanje. Ichi chikwiza pakuba chimanyilo icha lufingo lulo luli pakasi papane namwe. 12Umwana wesi umwanavuli asilimuliwanje, bo ghachilapo amasiku eyiti. Umwanavuli wesi munkulilo yinyu, manyi mwana yuyo apapiwa mo munyumba yako, pamo umuzya yuyo aghuliwa pakasi pa bayeni. 13Umwanavuli wesi asilimuliwanje, sona chinichi chikwiza pakuba chimanyilo ichakubombiwa pamabili ghinyu pakulanjizya ukuti ulufingo lulo luli pakasi papane namwe lwa bwila na bwila. 14Umwanavuli wesi yuyo atasilimuliwe akwiza pakwefiwapo pakasi pabantu abaluko lwache, pachifukwa ichakuti atasungite ulufingo lulo nkafingana nawe.”
15U Chala akamubuzya Abulahamu akati, “Ukwanda ilelo utakamwitizyanjepo sona umuchi wako itabwa ilya Salayi, loli umwitizyanje ukuti we Sala.#17.15 Sala: Itabwa ili mu Chihebeli kokuti, Umwana umulindu uwa mwene. 16Nkwiza pakumusaya, sona akwiza pakukupapila umwana umulumendo. Nkwiza pakumusaya umwakuti akwiza pakuba we mayi uwa baluko abinji. Pakasi pa baluko lwache bakwiza pakufumamo abamwene.”
17Po u Abulahamu akafughama, akaseka nukuti, “Mwebaya mwee, nkimba chingabombiwa ukuti umwanavuli yuyo ali na maka 100, apape umwana? Nkimba u Sala yuyo ali na maka 90 angapapa umwana?” 18U Abulahamu akamulalusya u Chala akati, “Nkimba choni chicho utakumuleka u Ishimayeli pakuba wampyana yane?”
19Loli u Chala akamwamula akati, “Awe, umuchi wako u Sala weyuyo akwiza pakukupapila umwana umulumendo, po ukwiza pakumwita ukuti we Yisaki.#17.19 Yisaki: Itabwa ili mu Chihebeli kokuti, Akuseka. Nkwiza pakusunga ulufingo lwane nawe, sona na baluko lwache. Ulufingo lunulu ulwa bwila na bwila. 20Pakunena nizya Ishimayeli, nkwiza pakumusaya nukumupa abana abinji, sona na baluko abinji. Akwiza pakuba we tata uwa bamwene 12, sona abaluko lwache bakwiza pakuba luko ulukulu nkani. 21Loli nkwiza pakusunga ulufingo lwane lulo nkafinga nu mwana wako u Yisaki, yuyo u Sala akwiza pakukupapila mumwaka uwa ndabi pakabalilo ngati kanaka.” 22Bo u Chala amala pakunena nu Abulahamu akabuka nukumuleka palapala.
23Pisiku lilalila u Abulahamu akakumbuka zizyo u Chala akamubuzya, po akamusilimula umwana wache u Ishimayeli, poka na banavuli bosi, sona na bazya bosi babo bakapapiliwa munyumba yache, sona na bosi babo bakaghuliwa. 24U Abulahamu akasilimuliwa bo ali na maka 99, 25sona umwana wache u Ishimayeli akaba na maka 13. 26U Abulahamu nu mwana wache u Ishimayeli bakasilimuliwa poka pisiku lilalila, 27poka na banavuli bosi babo bakapapiliwa munyumba yache, sona na bosi babo akabaghula. Bosi banaba bakasilimuliwa poka nawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.