Luke 23
23
1တာသဘားအခူအနာ့တဟယ်နူ သုန်လေဘွေယေရှုဒုန်း ပိလတ်စဟွာအော်နူလော်။ 2"ပရာယိုးပရာမယ် မကိုက်ဒေါ် တာဖီတာယုန်းဒုန်းအဘာစာ့ဒေါ် ဆူးဂက်အခူအနာ့နူခူးနူ အဇာ့လိုကိုး အဝေနဲကနူလော်။ ဇာ့ကာ့ခူ အနဲလောင်အနဲဒုန်းစဟွာမေရှိယနူလော်။"တာသဘားခူနာ့တကူးတိုင်အယ်စဟွာပိလတ်နူလော်။ 3စဟွာပိလတ် လွိုက်ဇိန်ဘွေယေရှုနူ"နာယိုးနူမယ် ယုဒအစဟွာနူဧါ"လွိုက်ကနူဒေါ်။"တာပရွီးဒုန်းနာနဲတကူးမယ်နတာပရွီးလော်"ဘွေနဲဇိန်ဆူမူးနူလော်။ 4ပိလအုတ်ဇိန် တာသဘါး အခူအနာ့တဟယ်ဒေါ်ပယာဆူးဖေါ့ဂက်ဖေါ့တဟယ်ဘုန်ခေးအုတ်ဆူဒုန်း အဝေတာကမာဆိန့်အော်ကိုး နူလော် "အဝေနဲကနူလော်။ 5အဝေသုးလောနူ တဟယ်နူ ဆိန့်မွန်းအဝေးယိုးနူ အော်ဒုန်းဂါလိလဲဆူးဂက်ဒေါ် လေမွန်းယုဒဂက်ဒေါ် ဆွားဒေါထွန်လောင်တာဘုန်အမာပရွန်ပရှိဆူးဖော့ဂက်ဖော့က်တဟယ် လော်အဝေသုး ဆိတ်ထောင်မွန်းကနူလော်။ 6အဝေသုးနဲကနူဘုန်ဒေါ် စဟွာပိလနာဟူးဒေါ် ပရာယိုးတပရာ အအော်ဒုန်းဂါလိလဲ အဂက်အလေဧါ။ 7ဂါလိလဲနူ ဘာစာ့ဒေါ်စဟွာဟေရုဒ် အုတ်ဟော့ဘာဂက်နူလော် ကနူအခူစားဒေါ် သုံဇိန်ဘလှယ် မွန်းဘွေယေရှုဒုန်းးဟေရုဒ် အော်ယေရုရှလင်ဝိန်နူလော်။ 8အဝေနူနာဟူးဘွေ ယေရှုအရီအကေးဒေါ် ထွားတောင်အဝေနခုး တာတမွတ်တမောင်း နူလော်စဟွားဟေရုဒ်နူ သနူးအုတ်ဆူဘွေ ယေရှုနူမယ် အော်လိန်းဟုန်းနူလော် ခါးယိုးအဝေအုတ်ဆူဒေါ် အဝေသနောက်သဆူးယု့နူလော်။ 9ဟေရုဒ်လွိုက်မွန်း ဘွေယေရှုတာပရွီးအမုနူဒေါ် ဘွေယေရှုဇာ့ဆိန့်ကာ ဇိန်တမီကိုး။ 10ဘုန်ဒေါ်တာသဘါး အခူအနာ့ ဒေါ်ပရာဒါမောရှေလိုင်ဇောင့် တဟယ်နူ မာမူးမာရားဘွေယေရှု အမုမုနူလော်။ 11စဟွာဟေရုဒ်ဒေါ် အဝေငေါ်ပဇာ့တဘယ့်နူ မာနွားဘွေယေရှုဒေါ် ငါ့ဒေါ့ဟော့အဝေလော် ဟော့နူ့မွန်းဘွေ စဒုံးဒုန်းအဖုတ်အော်ဘုန်သုန်လေမူးဒုန်းစဟွာပိလတ်အော်နူလော်။ 12ငှားနူနူစဟွာဟေဂုဒ်ဒေါ် စဟွာပိလနူ အဝေသူးစာ့ဘာလောရောက်ကိုးလောင်ဒုတ်လောင် ယာ့ရောက် နူလော်နဲမယ်ခါးယိုးနူအဝေသူး မာမကိုက်ဒေါ်အငေါ် သူငေါ်ခလိုက်နူဒေါ် လေဗလုံရောက်မွန်းနူလော်။ 13ပိလစဟွာနူ မှာလေမွန်းယုဒပရာသဘါးတာ အခူအနာ့တဟယ် ဒေါ်ယုဒပခူး အဆွီးအလောင်းတဟယ် ဒေါ်ဆူးဖေါ့ဂက်ဖေါ့လော နူးတဟယ်နူလော်။ 14ဘုန်ဒေါ်စဟွာပိလနဲ့ မွန်းဝေသူးပရာယိုး ပရာနူအဝေ ဆွားမာထောင်မျာတာတာ သုးဆိန့်ကနူလော် ဒေါ်သူးကာ့လေ အဝေဒုန်းးခေး အော်နူလော်နဲ့မယ် ခါးယိုသူးလမှောက်နူ ခေးထုတ်ခေးလွိုက် အဝေတာကမာ တမီးဇာ့အုတ်ဆူကိုး။ 15စဟွာဟေရုဒ်နူ အဝေးကွားတာကမာ ယိုးတဟယ်နူဝေဇာ့ အုတ်ဆူကိုးဒေါ်အဝေသုန်ဇိန်ဘလှယ်မွန်းဒုန်း ခေးအော်ယိုးပရာယိုးတပရာနူ အတာကမာဇာ့အော်ဒုန်းအာကဘာတာမာသူးနခူးကိုး။ 16အခူစားအဝေနူ 17ဖလိမ်းဝေဘုန်ဘာလိုင်လွတ်အဝေလော်။" 18နဲမယ်ဆူဖေါ့ဂက်ဖေါ့ တဟယ်နူ မာသူးကေး ပရာယိုးပရာယိုး ဘာလိုင်လွတ်ကေး ဗရဗ္ဗအဝေသူးကာ့ကရီး မွန်းကနူးလော် 19ပရာမာသူးတာဒေါ်ပရာမာတာခေါ်ဝယ်ဒူ'ဗာရဗ္ဗ'နူခါးယိုးအလောင်ဘာထော်နူလော်။ 20စဟွာပိလနူ အဝေသနူးဘလိုင်ကေး ဘွေယေရှုဒေါ် အဝေလွိုက်ထောင်သားမွန်း ပရာလောနူတဟယ် အတာပရွီးနူလော်။ 21နဲမယ်ဆူဖေါ့ဂက်ဖေါ့ တဟယ်နူ "လားထောင်ဝေဒုန်းကရူဆူလော်ဒေါ်မာသူးကာ"အဝေသူးကွီးထိုက်သားမွန်းကနူလော်။ 22ဘုန်နူဒေါ်စဟွာပိလနူ" အဝေနူအမာကမာဘာတာကမာသရားမီ" အဝေလွိုက်သားမွန်းသု့ဘလှယ်တဘာလှယ်နူလော်။" အဝေနူတာကမာဒုန်းအကာဘာတာမာသူးနခူးကွားမယ်ဇာ့အုတ်ဆူအတာကမာ။ခေးကဖလိန်းအဝေဘုန် ခေးကဘာလိုင်ကေး အဝေနူလော။"အဝေနဲအနူလော်။ 23ဆူးဖေါ့ဂက်ဖေါ့ တဟယ်နူသနူ့ဒုန်တားကမာသူးဘွေယေရှုနူလော်ဒေါ် ကာ့ကရီးသကာ့လောနူလော်။ 24အာကာဒွန်နူ စဟွာပိလနူမယ် အဝေဘလိုင်ကေးဘာအစဓိန်းနူလော်။ 25အဝေနူ ဘာလိုင်လွတ်ကေးဘာ ပရာတာခေါ်ဝယ်ဒူ' ဗာရဗ္ဗ' နူလော် ။ဘာသရားနူမယ် ဆူးဖေါ့ဂက်ဖေါ့တဟယ် သနူးဘာလိုင်လွတ်ကေးဘာနူလော်။စဟွာပိလတ်နူမကိုက်ခူနာ့တဟယ်အတာသနု့ဒုန်းဘွေယေရှုကဘာတာမာသူးနခူးနူအဝေဘလိုင်လောင်မွန်းဒုန်ပရာကူးရူစဓိန်းကူးဒုန်းအကမာတာယိုးတဟယ်နူလော်။ 26ကန့်ဆွားကေးဘွေယေရှု အခိန်နူ ပရာရှိုက်တာဖေါ့တဟယ် ကန့်နူးမွန်းပရာကုရေနေ ဒုံးဖေါ့အမည်မယ်ရှိမုန်ဘုန်မုန်ဝေဒုန်းအကယောင်းကူရူဆူနူလော်။အဝေနူအော်ဒုန်းရှုတ်တုန်ကူးဒေါ်ဇိန်နူလော်။နဲမယ်အဘာယောင်းကူရူဆူဒေါ်အဘာလေဇွတ်ဘွေကချုန်းနူလော်။ 27ပရာတဟယ်လေဇု့လောမွန်းအကာချုန်းနူလော်။ ပမွန်တဟယ်နူ ငူးမွန်းဒုန်းဘွေယေရှုနခူးနူလော်။ 28ဘွေယေရှုနဲမွန်း ပမွန်တဟယ်" ယေရုရှလေဖေါ့ မွန်တဟယ်ငူ့ မာခေးနူခုးမာ ။ငူးဒုန်းသူးနခူးဒေါ်သူးဖော့နခူးကာ။ 29တနူတသားနူ" အဖေါအယူဇာ့အော်မွန် ပမွန်တဟယ်နူ အကာကရီ မွန်း" အဝေနဲကနူလော်။ 30ဘုန်နူအခိန်နူ ပရာပူတဟယ်နူ ခေါဒူကလောင်ဖါ့ဘုန်ဘုန်၊ ခေါနားနူကအော်ဘု့ဝေသူးနူလော်အကနဲမွန်းကနူလော်။ 31သုန်မုန်းတဟယ်ကလွန် ထောင်မွန်းခိန် ယိုးမယ်အထွားထောင် ကယိုးနူမယ်သုန်မုန်းတဟယ်မွက်ထောင်ရှိန်းခိန်နူအကာထွားထောင်ကမားနူသူးနသု့ဆော့ကာ။"အဝေနဲမွန်းကနူလော်။ 32ကာ့လေမွန်းပရာတာကမာဒူသာ့နု့ဒုန်းအကဘာတာမာသူးဘလုန်ဒေါ်ဘွေနခူးနူလော်။ 33တူးလေဒုန်းခေါကာကော့ဖိုင့် နားနူ လါ့ထောင်မွန်းဘွေ ယေရှုဒုန်းကရူဆူလော် ဒေါ်ဒိန့်ရာ့မွန်းဒေါ်ထာလာ့နူလော်။ 34"ဖါးဘွေဒူဘာလိုင် လွတ်ဆော့ပရာယိုးတဟယ်ကာ။ အဝေသူးတဟယ် နူအဝေသူးမာသရားနူမယ်အာဇာ့သိုက်တဟယ်ကိုး" ဘွေယေရှု သဘါးထောင်ကနူလော်။ 35ပရာရှိုက်တာဖော့တဟယ်နူ ဖိတ်ဘွေစဒုံးဒေါ်ကလှယ်ယု့ဘွေစဒုံးဒေါ်တာဖင်ဟော့ပါ့ရောက်နူလော် ယူနူလော်။ အခူအနာ့တဟယ်မယ်" ပရာယိုး တရာယိုးနူ အဝေမာကွားပရာ အားပရာဒါနူလော် အဝေနူမယ်ပရာတုန်းဖါးဘွေဒူကာ့ထောင်ဝေဒုန်းအမွက်' မေရှိယ' ာနူဒေါ်ကမာပူးဘလွတ်ဇိန်အနက်ကဒါလော် နဲမွန်းကနူလော်။ 36ပရာရှိုက်တာဖေါ့တဟယ် မာဒေါ့မာလောင်ဘွေဘုန်အော်ခွိုင်းရိမ်ဘွေယေရှု နူလော်။ 37"နာကမွက်ယွန်းယုဒ အစဟွာနူဒေါ် မာဘလွတ်လောင်ဇိန်တောင်းနာနက်"ကာအဝေသူးနဲကနူလော်။ 38'ယုဒစဟွာ'ရီလောင် လိုင်ဖလုံတုန်း သုန်ပိုင်လော်ဒေါ် ထောင်ကလပ်ကလုန် မွန်းဒုန်းဘွေ ယေရှုကောကော့ ခူနူလော်။ 39ပရာအော်ဘွေကဒီ ပရာတာကမာ ဒူတပရာနူနဲဝေ" နာနူကမွက်' မေရှိယ' နူဒေါ် မာဘလွတ်ထောင်ဇိန်ရှော့နနက်ဆော့။မာဘလွတ်ဇု့ခေးပါအာပရွီးတပွန်စခွက်ဘွေနူလော်။ 40ဒေါ်ပရာတာကမာဒူကူးရူတပရာမယ် "နာခေါင်ဘာဟုန်းတာစရောင်မကိုက်ပရာယိုးပရာနဲမယ်နာတာသဘိုက်ဘွေဇာ့အော်ကိုးမာရား" အဝေလွိုက်ဇိန်မူးအငေါ်ကနူလော်။ 41"ဟောတာယိုးနူ ဟောမာတာကမာတာာဒေါ် ဟောခေါင်ဘာတာ စရောင်အကုံဘား။ နဲမယ်ဝေနူအတာကမာတမီဇာ့အော်ကိုး "ဝေနဲမွန်းအငေါ်ပရာ မာတာကေးတာကာဒါ့ဟားနူပရာကနူလော်။ 42ဘုန်ဒေါ် အဝေနဲထိုက်သားမွန်း "နာနူနာဇိန်အုတ်ကရူဟော့တာဒေါ်နာတာပရော်တာပရောက်ခိန်နူနသု့နူးခေးကာ"အဝေကွီးထောင်မူးကနူလော်။ 43ဘုန်နူဒေါ်ဘွေယေရှုနဲမွန်းအဝေ" ယိုးနူယိုးနာကတု့ဇု့ခေးဒုန်းမော့ခူ'ပရဒိသု'နူလော်" ဘွေယေရှု ဖင်လောင်မူးဝေတာအုန်းလောင်နူလော်။ 44မုန်းထုန်ခိန် တူးဒုန်းမုန်းဟာ့လောင်နူ မောခူတဒေးဘာဒူခု့လောနူလော်။ 45မုန့်နူတဘာနူအတာရခါးဇာ့လုန်းထောင်။တာယားဒူဒုန်းစရားကူးနူတဖာ့မူးနု့ခွန်းနူလော်။ 46“ဒုန်းဖားဘွေစ ဓိန်းကူးနူဖော့ခူးဖင် လောင်နဲနူလော်။” ယေရှုအငေါ့ပရီ သာကာ့ဒူနူလော်။ 47တာငေါ့ပရီအော်ရောင်ဘုန်တဘလယ် ထိုက်နူဘွေအသာ့ဆွားထောင်းနူလော်။ ရောမခူနက်ဒုန်းအအုတ်ဆူဘာတာမာနက်ယိုးဒေါ်၊ အထော်ထောင်ဇိန်မူးတာနူလော်။ ဘွေယေရှုမယ်ပရာဆောင်းဆူး အမွေးယူးနူလော်အဝေသူးနဲရောက်ကနူလော်။ 48ပရာတပူနူမယ် မကိုက်ကအုတ်ဆူဘာဘွေတာကုန်းဘာယောင်းဘာနူဒေါ်ဆား ဒူဝေနူနဲခူးအတူးလေနူလော်။ ဘုန်မယ်အဝေသူးအုတ် ဆူဘာဘွေခေါင်ဘာတာဒေါ်အသာ့ဇာ့ရောက်တူး ဒေါ်အသာ့ကပုန်းဖာ့နူဘုန် ဇိန်မွန်းအသင်လော်။ 49ပရာလောနူးတဟယ်ဒုန်းမွေး ဘွေယေရှုခီးပရာ၊ ရွီးငေါ်၊ ပရာအော်ဒုန်းဂါလိလဲဒေါ် အလေဇု့ပွန်မွန် တဟယ်နူ အအော်ဒုန်းကလဲယုန်ဒေါ် အုတ်နူလော်။ 50ယုဒဂက်အရိမသဲကလဲ ယောဟန်ပရာနူမွေးပရာရူးပရာရောင့်ဒေါ် မွေးပရာယုဒတာဘားခူနာ့ကားအပရာ တပရာနူလော်။ 51ဇာ့ကာ့နူအသာနူးဘွေအတာဖိတ်တာမာပအော်ဒုန်းဟယ်ခူယိုးတပရာနူလော်။ တာဖင်လောင်ငေါ့ ဒုန်းကမာသူးဘွေ ခိန်မယ်အဝေမယ် ပရာစာ့အင်ဒေါ်သာ့စာ့အော်တပရာလော်။ 52ပရာယိုးနူအာကဘူးလောင် ဘွေအနဲခူးအကွီး စဟွာပိလတ်အော်နူလော်။ 53တာဖိတ်လောင်ဇိန်ဘွေဒုန်းကရူဆူလော်ဘုန်ဘီးဘု့ဝေဒေါ်တာယာ့ဒုန်းအာရောက်နူလော်။ လားမူဘွေဒုန်းလုန်းဒူတမာကူးတာပရာင်ရောက်လွန်းခူအသားကူးနူတာဘူးလောင်ရောက်မူးအလွန်းနူလော်။ 54မုန်းငှားနူမယ်မုန်းငိုင်းနူဘုန်မယ်ခိန်ဒုန်းအာပထိတ်ဒေါ်မုန်းစဒဲနူလော်။ 55ပရာပွန်မွန်အော်တုန်း ဂါလိလဲဒေါ် အဆွားဇု့းဘွေတဟယ်နူအအုတ်ဆူဘာ ယောင်းဘူးလောင်ဘွေလွန်းခူ၊ ဒေါ်ယောင်းလားလွန်းနူ ကမားနူအဝေသူး အုတ်ဆူဘာလောလော်။ 56ဘုန်နူအဝေသူး ဇိန်ဒုန်းအသင်ကူးဘုန်အာမာယောင်းယာတာနူဝီနူပရုန်းဒုန်းဘွေအာနခူးနူလော်။ နဲမယ်အဝေသူးတဟယ်နူ မကိုက်မောရှေတာမာလောင်ကူး နူအဝေသူးအော်ရောင်ဒုန်းမုန်းစဒဲနူလော်။
Currently Selected:
Luke 23: ktpv-rv
Highlight
Share
Copy

Want to have your highlights saved across all your devices? Sign up or sign in
This translation of the Karen, Geko Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 23
23
1တာသဘားအခူအနာ့တဟယ်နူ သုန်လေဘွေယေရှုဒုန်း ပိလတ်စဟွာအော်နူလော်။ 2"ပရာယိုးပရာမယ် မကိုက်ဒေါ် တာဖီတာယုန်းဒုန်းအဘာစာ့ဒေါ် ဆူးဂက်အခူအနာ့နူခူးနူ အဇာ့လိုကိုး အဝေနဲကနူလော်။ ဇာ့ကာ့ခူ အနဲလောင်အနဲဒုန်းစဟွာမေရှိယနူလော်။"တာသဘားခူနာ့တကူးတိုင်အယ်စဟွာပိလတ်နူလော်။ 3စဟွာပိလတ် လွိုက်ဇိန်ဘွေယေရှုနူ"နာယိုးနူမယ် ယုဒအစဟွာနူဧါ"လွိုက်ကနူဒေါ်။"တာပရွီးဒုန်းနာနဲတကူးမယ်နတာပရွီးလော်"ဘွေနဲဇိန်ဆူမူးနူလော်။ 4ပိလအုတ်ဇိန် တာသဘါး အခူအနာ့တဟယ်ဒေါ်ပယာဆူးဖေါ့ဂက်ဖေါ့တဟယ်ဘုန်ခေးအုတ်ဆူဒုန်း အဝေတာကမာဆိန့်အော်ကိုး နူလော် "အဝေနဲကနူလော်။ 5အဝေသုးလောနူ တဟယ်နူ ဆိန့်မွန်းအဝေးယိုးနူ အော်ဒုန်းဂါလိလဲဆူးဂက်ဒေါ် လေမွန်းယုဒဂက်ဒေါ် ဆွားဒေါထွန်လောင်တာဘုန်အမာပရွန်ပရှိဆူးဖော့ဂက်ဖော့က်တဟယ် လော်အဝေသုး ဆိတ်ထောင်မွန်းကနူလော်။ 6အဝေသုးနဲကနူဘုန်ဒေါ် စဟွာပိလနာဟူးဒေါ် ပရာယိုးတပရာ အအော်ဒုန်းဂါလိလဲ အဂက်အလေဧါ။ 7ဂါလိလဲနူ ဘာစာ့ဒေါ်စဟွာဟေရုဒ် အုတ်ဟော့ဘာဂက်နူလော် ကနူအခူစားဒေါ် သုံဇိန်ဘလှယ် မွန်းဘွေယေရှုဒုန်းးဟေရုဒ် အော်ယေရုရှလင်ဝိန်နူလော်။ 8အဝေနူနာဟူးဘွေ ယေရှုအရီအကေးဒေါ် ထွားတောင်အဝေနခုး တာတမွတ်တမောင်း နူလော်စဟွားဟေရုဒ်နူ သနူးအုတ်ဆူဘွေ ယေရှုနူမယ် အော်လိန်းဟုန်းနူလော် ခါးယိုးအဝေအုတ်ဆူဒေါ် အဝေသနောက်သဆူးယု့နူလော်။ 9ဟေရုဒ်လွိုက်မွန်း ဘွေယေရှုတာပရွီးအမုနူဒေါ် ဘွေယေရှုဇာ့ဆိန့်ကာ ဇိန်တမီကိုး။ 10ဘုန်ဒေါ်တာသဘါး အခူအနာ့ ဒေါ်ပရာဒါမောရှေလိုင်ဇောင့် တဟယ်နူ မာမူးမာရားဘွေယေရှု အမုမုနူလော်။ 11စဟွာဟေရုဒ်ဒေါ် အဝေငေါ်ပဇာ့တဘယ့်နူ မာနွားဘွေယေရှုဒေါ် ငါ့ဒေါ့ဟော့အဝေလော် ဟော့နူ့မွန်းဘွေ စဒုံးဒုန်းအဖုတ်အော်ဘုန်သုန်လေမူးဒုန်းစဟွာပိလတ်အော်နူလော်။ 12ငှားနူနူစဟွာဟေဂုဒ်ဒေါ် စဟွာပိလနူ အဝေသူးစာ့ဘာလောရောက်ကိုးလောင်ဒုတ်လောင် ယာ့ရောက် နူလော်နဲမယ်ခါးယိုးနူအဝေသူး မာမကိုက်ဒေါ်အငေါ် သူငေါ်ခလိုက်နူဒေါ် လေဗလုံရောက်မွန်းနူလော်။ 13ပိလစဟွာနူ မှာလေမွန်းယုဒပရာသဘါးတာ အခူအနာ့တဟယ် ဒေါ်ယုဒပခူး အဆွီးအလောင်းတဟယ် ဒေါ်ဆူးဖေါ့ဂက်ဖေါ့လော နူးတဟယ်နူလော်။ 14ဘုန်ဒေါ်စဟွာပိလနဲ့ မွန်းဝေသူးပရာယိုး ပရာနူအဝေ ဆွားမာထောင်မျာတာတာ သုးဆိန့်ကနူလော် ဒေါ်သူးကာ့လေ အဝေဒုန်းးခေး အော်နူလော်နဲ့မယ် ခါးယိုသူးလမှောက်နူ ခေးထုတ်ခေးလွိုက် အဝေတာကမာ တမီးဇာ့အုတ်ဆူကိုး။ 15စဟွာဟေရုဒ်နူ အဝေးကွားတာကမာ ယိုးတဟယ်နူဝေဇာ့ အုတ်ဆူကိုးဒေါ်အဝေသုန်ဇိန်ဘလှယ်မွန်းဒုန်း ခေးအော်ယိုးပရာယိုးတပရာနူ အတာကမာဇာ့အော်ဒုန်းအာကဘာတာမာသူးနခူးကိုး။ 16အခူစားအဝေနူ 17ဖလိမ်းဝေဘုန်ဘာလိုင်လွတ်အဝေလော်။" 18နဲမယ်ဆူဖေါ့ဂက်ဖေါ့ တဟယ်နူ မာသူးကေး ပရာယိုးပရာယိုး ဘာလိုင်လွတ်ကေး ဗရဗ္ဗအဝေသူးကာ့ကရီး မွန်းကနူးလော် 19ပရာမာသူးတာဒေါ်ပရာမာတာခေါ်ဝယ်ဒူ'ဗာရဗ္ဗ'နူခါးယိုးအလောင်ဘာထော်နူလော်။ 20စဟွာပိလနူ အဝေသနူးဘလိုင်ကေး ဘွေယေရှုဒေါ် အဝေလွိုက်ထောင်သားမွန်း ပရာလောနူတဟယ် အတာပရွီးနူလော်။ 21နဲမယ်ဆူဖေါ့ဂက်ဖေါ့ တဟယ်နူ "လားထောင်ဝေဒုန်းကရူဆူလော်ဒေါ်မာသူးကာ"အဝေသူးကွီးထိုက်သားမွန်းကနူလော်။ 22ဘုန်နူဒေါ်စဟွာပိလနူ" အဝေနူအမာကမာဘာတာကမာသရားမီ" အဝေလွိုက်သားမွန်းသု့ဘလှယ်တဘာလှယ်နူလော်။" အဝေနူတာကမာဒုန်းအကာဘာတာမာသူးနခူးကွားမယ်ဇာ့အုတ်ဆူအတာကမာ။ခေးကဖလိန်းအဝေဘုန် ခေးကဘာလိုင်ကေး အဝေနူလော။"အဝေနဲအနူလော်။ 23ဆူးဖေါ့ဂက်ဖေါ့ တဟယ်နူသနူ့ဒုန်တားကမာသူးဘွေယေရှုနူလော်ဒေါ် ကာ့ကရီးသကာ့လောနူလော်။ 24အာကာဒွန်နူ စဟွာပိလနူမယ် အဝေဘလိုင်ကေးဘာအစဓိန်းနူလော်။ 25အဝေနူ ဘာလိုင်လွတ်ကေးဘာ ပရာတာခေါ်ဝယ်ဒူ' ဗာရဗ္ဗ' နူလော် ။ဘာသရားနူမယ် ဆူးဖေါ့ဂက်ဖေါ့တဟယ် သနူးဘာလိုင်လွတ်ကေးဘာနူလော်။စဟွာပိလတ်နူမကိုက်ခူနာ့တဟယ်အတာသနု့ဒုန်းဘွေယေရှုကဘာတာမာသူးနခူးနူအဝေဘလိုင်လောင်မွန်းဒုန်ပရာကူးရူစဓိန်းကူးဒုန်းအကမာတာယိုးတဟယ်နူလော်။ 26ကန့်ဆွားကေးဘွေယေရှု အခိန်နူ ပရာရှိုက်တာဖေါ့တဟယ် ကန့်နူးမွန်းပရာကုရေနေ ဒုံးဖေါ့အမည်မယ်ရှိမုန်ဘုန်မုန်ဝေဒုန်းအကယောင်းကူရူဆူနူလော်။အဝေနူအော်ဒုန်းရှုတ်တုန်ကူးဒေါ်ဇိန်နူလော်။နဲမယ်အဘာယောင်းကူရူဆူဒေါ်အဘာလေဇွတ်ဘွေကချုန်းနူလော်။ 27ပရာတဟယ်လေဇု့လောမွန်းအကာချုန်းနူလော်။ ပမွန်တဟယ်နူ ငူးမွန်းဒုန်းဘွေယေရှုနခူးနူလော်။ 28ဘွေယေရှုနဲမွန်း ပမွန်တဟယ်" ယေရုရှလေဖေါ့ မွန်တဟယ်ငူ့ မာခေးနူခုးမာ ။ငူးဒုန်းသူးနခူးဒေါ်သူးဖော့နခူးကာ။ 29တနူတသားနူ" အဖေါအယူဇာ့အော်မွန် ပမွန်တဟယ်နူ အကာကရီ မွန်း" အဝေနဲကနူလော်။ 30ဘုန်နူအခိန်နူ ပရာပူတဟယ်နူ ခေါဒူကလောင်ဖါ့ဘုန်ဘုန်၊ ခေါနားနူကအော်ဘု့ဝေသူးနူလော်အကနဲမွန်းကနူလော်။ 31သုန်မုန်းတဟယ်ကလွန် ထောင်မွန်းခိန် ယိုးမယ်အထွားထောင် ကယိုးနူမယ်သုန်မုန်းတဟယ်မွက်ထောင်ရှိန်းခိန်နူအကာထွားထောင်ကမားနူသူးနသု့ဆော့ကာ။"အဝေနဲမွန်းကနူလော်။ 32ကာ့လေမွန်းပရာတာကမာဒူသာ့နု့ဒုန်းအကဘာတာမာသူးဘလုန်ဒေါ်ဘွေနခူးနူလော်။ 33တူးလေဒုန်းခေါကာကော့ဖိုင့် နားနူ လါ့ထောင်မွန်းဘွေ ယေရှုဒုန်းကရူဆူလော် ဒေါ်ဒိန့်ရာ့မွန်းဒေါ်ထာလာ့နူလော်။ 34"ဖါးဘွေဒူဘာလိုင် လွတ်ဆော့ပရာယိုးတဟယ်ကာ။ အဝေသူးတဟယ် နူအဝေသူးမာသရားနူမယ်အာဇာ့သိုက်တဟယ်ကိုး" ဘွေယေရှု သဘါးထောင်ကနူလော်။ 35ပရာရှိုက်တာဖော့တဟယ်နူ ဖိတ်ဘွေစဒုံးဒေါ်ကလှယ်ယု့ဘွေစဒုံးဒေါ်တာဖင်ဟော့ပါ့ရောက်နူလော် ယူနူလော်။ အခူအနာ့တဟယ်မယ်" ပရာယိုး တရာယိုးနူ အဝေမာကွားပရာ အားပရာဒါနူလော် အဝေနူမယ်ပရာတုန်းဖါးဘွေဒူကာ့ထောင်ဝေဒုန်းအမွက်' မေရှိယ' ာနူဒေါ်ကမာပူးဘလွတ်ဇိန်အနက်ကဒါလော် နဲမွန်းကနူလော်။ 36ပရာရှိုက်တာဖေါ့တဟယ် မာဒေါ့မာလောင်ဘွေဘုန်အော်ခွိုင်းရိမ်ဘွေယေရှု နူလော်။ 37"နာကမွက်ယွန်းယုဒ အစဟွာနူဒေါ် မာဘလွတ်လောင်ဇိန်တောင်းနာနက်"ကာအဝေသူးနဲကနူလော်။ 38'ယုဒစဟွာ'ရီလောင် လိုင်ဖလုံတုန်း သုန်ပိုင်လော်ဒေါ် ထောင်ကလပ်ကလုန် မွန်းဒုန်းဘွေ ယေရှုကောကော့ ခူနူလော်။ 39ပရာအော်ဘွေကဒီ ပရာတာကမာ ဒူတပရာနူနဲဝေ" နာနူကမွက်' မေရှိယ' နူဒေါ် မာဘလွတ်ထောင်ဇိန်ရှော့နနက်ဆော့။မာဘလွတ်ဇု့ခေးပါအာပရွီးတပွန်စခွက်ဘွေနူလော်။ 40ဒေါ်ပရာတာကမာဒူကူးရူတပရာမယ် "နာခေါင်ဘာဟုန်းတာစရောင်မကိုက်ပရာယိုးပရာနဲမယ်နာတာသဘိုက်ဘွေဇာ့အော်ကိုးမာရား" အဝေလွိုက်ဇိန်မူးအငေါ်ကနူလော်။ 41"ဟောတာယိုးနူ ဟောမာတာကမာတာာဒေါ် ဟောခေါင်ဘာတာ စရောင်အကုံဘား။ နဲမယ်ဝေနူအတာကမာတမီဇာ့အော်ကိုး "ဝေနဲမွန်းအငေါ်ပရာ မာတာကေးတာကာဒါ့ဟားနူပရာကနူလော်။ 42ဘုန်ဒေါ် အဝေနဲထိုက်သားမွန်း "နာနူနာဇိန်အုတ်ကရူဟော့တာဒေါ်နာတာပရော်တာပရောက်ခိန်နူနသု့နူးခေးကာ"အဝေကွီးထောင်မူးကနူလော်။ 43ဘုန်နူဒေါ်ဘွေယေရှုနဲမွန်းအဝေ" ယိုးနူယိုးနာကတု့ဇု့ခေးဒုန်းမော့ခူ'ပရဒိသု'နူလော်" ဘွေယေရှု ဖင်လောင်မူးဝေတာအုန်းလောင်နူလော်။ 44မုန်းထုန်ခိန် တူးဒုန်းမုန်းဟာ့လောင်နူ မောခူတဒေးဘာဒူခု့လောနူလော်။ 45မုန့်နူတဘာနူအတာရခါးဇာ့လုန်းထောင်။တာယားဒူဒုန်းစရားကူးနူတဖာ့မူးနု့ခွန်းနူလော်။ 46“ဒုန်းဖားဘွေစ ဓိန်းကူးနူဖော့ခူးဖင် လောင်နဲနူလော်။” ယေရှုအငေါ့ပရီ သာကာ့ဒူနူလော်။ 47တာငေါ့ပရီအော်ရောင်ဘုန်တဘလယ် ထိုက်နူဘွေအသာ့ဆွားထောင်းနူလော်။ ရောမခူနက်ဒုန်းအအုတ်ဆူဘာတာမာနက်ယိုးဒေါ်၊ အထော်ထောင်ဇိန်မူးတာနူလော်။ ဘွေယေရှုမယ်ပရာဆောင်းဆူး အမွေးယူးနူလော်အဝေသူးနဲရောက်ကနူလော်။ 48ပရာတပူနူမယ် မကိုက်ကအုတ်ဆူဘာဘွေတာကုန်းဘာယောင်းဘာနူဒေါ်ဆား ဒူဝေနူနဲခူးအတူးလေနူလော်။ ဘုန်မယ်အဝေသူးအုတ် ဆူဘာဘွေခေါင်ဘာတာဒေါ်အသာ့ဇာ့ရောက်တူး ဒေါ်အသာ့ကပုန်းဖာ့နူဘုန် ဇိန်မွန်းအသင်လော်။ 49ပရာလောနူးတဟယ်ဒုန်းမွေး ဘွေယေရှုခီးပရာ၊ ရွီးငေါ်၊ ပရာအော်ဒုန်းဂါလိလဲဒေါ် အလေဇု့ပွန်မွန် တဟယ်နူ အအော်ဒုန်းကလဲယုန်ဒေါ် အုတ်နူလော်။ 50ယုဒဂက်အရိမသဲကလဲ ယောဟန်ပရာနူမွေးပရာရူးပရာရောင့်ဒေါ် မွေးပရာယုဒတာဘားခူနာ့ကားအပရာ တပရာနူလော်။ 51ဇာ့ကာ့နူအသာနူးဘွေအတာဖိတ်တာမာပအော်ဒုန်းဟယ်ခူယိုးတပရာနူလော်။ တာဖင်လောင်ငေါ့ ဒုန်းကမာသူးဘွေ ခိန်မယ်အဝေမယ် ပရာစာ့အင်ဒေါ်သာ့စာ့အော်တပရာလော်။ 52ပရာယိုးနူအာကဘူးလောင် ဘွေအနဲခူးအကွီး စဟွာပိလတ်အော်နူလော်။ 53တာဖိတ်လောင်ဇိန်ဘွေဒုန်းကရူဆူလော်ဘုန်ဘီးဘု့ဝေဒေါ်တာယာ့ဒုန်းအာရောက်နူလော်။ လားမူဘွေဒုန်းလုန်းဒူတမာကူးတာပရာင်ရောက်လွန်းခူအသားကူးနူတာဘူးလောင်ရောက်မူးအလွန်းနူလော်။ 54မုန်းငှားနူမယ်မုန်းငိုင်းနူဘုန်မယ်ခိန်ဒုန်းအာပထိတ်ဒေါ်မုန်းစဒဲနူလော်။ 55ပရာပွန်မွန်အော်တုန်း ဂါလိလဲဒေါ် အဆွားဇု့းဘွေတဟယ်နူအအုတ်ဆူဘာ ယောင်းဘူးလောင်ဘွေလွန်းခူ၊ ဒေါ်ယောင်းလားလွန်းနူ ကမားနူအဝေသူး အုတ်ဆူဘာလောလော်။ 56ဘုန်နူအဝေသူး ဇိန်ဒုန်းအသင်ကူးဘုန်အာမာယောင်းယာတာနူဝီနူပရုန်းဒုန်းဘွေအာနခူးနူလော်။ နဲမယ်အဝေသူးတဟယ်နူ မကိုက်မောရှေတာမာလောင်ကူး နူအဝေသူးအော်ရောင်ဒုန်းမုန်းစဒဲနူလော်။
Currently Selected:
:
Highlight
Share
Copy

Want to have your highlights saved across all your devices? Sign up or sign in
This translation of the Karen, Geko Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.