Luke 6
6
1မငြီးဆောက်တေငြီးအငြီးကူ့ ကိုယ်တော်ယေရှု ဒေါင် အာတပည့်ဖုန်း ဖြတ်လေကာ ဂျုံဖားခါ့ အာတပည့်ဖုန်းအွယ့် ပလူ့လိုကာဂျုံသာထွို့ ချီချော့ထန်ကေ့ဂျုံကုံ့ နောင်အာကာကျွော်ယားထွို့မဲ့ အမ်းလိုကားဂျုံကွော။ 2ဖာရိရှဲဖုန်းအွယ့် "မငြီးဆောက်တေးငြီးကူ့ ဘာဟနာ နားက့မိုးလိုကာတာ လိညီးဟနောင် စည်းကမ်းဖုန်း" ဒေါင့်လိုကားကိုယ်တော်ယေရှုနိန်းအွယ့်။ 3ကိုယ်တော်ယေရှု ဖရေချာဒါ့ဖာရိရှဲဖုန်းအွယ့် "ခွမ်ဒါဝိဒ်နောင် အာတပည့်ဖုန်း ဘာတဝီတာခါ့ အာမိုးတဟနာ နားကားဖတ်ကားဖိုးတိုမာတဝ်။ 4အာနျူးကျိန်း ဓမ္မရုံးကုထွို့ အာသျွှော်အန်းတကိုးဖုန်း ပလားကပ်ခို့စေကန်းဒါ ပရောဟိတ်တာ လိကာဟ အာအန်လွူပါးတုဲင်းထိုင် အာတပည့်ဖုန်း" ဒေါင့်နိန်းအွယ့်ထွို့ 5ထွို့မဲ့ ကပျန့်ဒါဖုခု ငါးဒွို့ ပျန့်ထိုင်မငြီးဆောက်တေးငြီးဗွယ်" အာမိန့်ဆျက်ဒါ့ နိန်းအွယ့်။ 6မငြီးဆောက်တေးတာ ဒါအငြီးကူ့ ကိုယ်တော်အိုစွမ့်တာဓမ္မာရုံကုတွင် ပလူးကျွော့်ပန်ချို့ဒိုင့်လီခိုဟအိုအပလား။ 7ဒေါင့်မာလဲ့ ဖာရိရှဲဒေါင် မောရှေဥပဒေဆရာဖုန်းအွယ့် မငြီးဆောက်တေငြီ့ကူ့ ကိုယ်တော်ယေရှု မေကုဖီးပလူးအပလားပလားအွယ့် အီကြွယ်တရာတာ အိုပိုင်းဟွိုင့်စေးကမ်းကာ။ 8ဒေါင့်မာလဲ့ အာကာအိုယူနိန်းမာအွယ့် ကိုယ်တော် သိစေးထွို့လိမဲ့ "အိုထွိုင်တာ ပလူးကားကအိုစာမေငါ့လုဲင်" မိန့်ပလူးကျွော့်လိဒါဟအွယ့်ပလားထွို့ အွယ့်ပလားလဲ့ အိုထွိုင်ထန်းတာအွယ့်ကူ့။ 9ထွို့မဲ့ကိုယ်တော်အွယ့် "ငါးအီ တစီ့နားက့ဒွို့။မငြီးဆောက်တေငြီးကူ့ မိုးတခိုဒွို ညီတိုဒေါင်စည်းကမ်းနောဝ်။ မေဟလဲ့ မိုးနေဘာ တာလိခိုဟဖုန်းနောဝ်။ မေဟလဲ့ ကယ်ဗား ပလူးအပလားလားနောဝ်။ မေဟလဲ့ ယားကေဗာပလူးအပလားပလားနောဝ်'' တစီ့လေးအာကာနိန်းအွယ့်။ထွို့မဲ့ကိုယ်တော်အွယ့် "ငါးအီ တစီ့နားက့ဒွို့။မငြီးဆောက်တေငြီးကူ့ မိုးတခိုဒွို ညီတိုဒေါင်စည်းကမ်းနောဝ်။ မေဟလဲ့ မိုးနေဘာ တာလိခိုဟဖုန်းနောဝ်။ မေဟလဲ့ ကယ်ဗား ပလူးအပလားလားနောဝ်။ မေဟလဲ့ ယားကေဗာပလူးအပလားပလားနောဝ်'' တစီ့လေးအာကာနိန်းအွယ့်။ 10ထွို့မဲ့ "ယောင်ထန်းနားကျွော့်လုဲင်" ထွိုင့်ဒေါင့်ထန်ပလူးကျွော့်ပန်ချို့ဒိုင့်လိဒါဟစာအွယ့်ပလားထွို့ အွယ့်ပလားလဲ့ ထွိုင်းယောင်ထန်ကျွော့်နောင်ကဒေါင့်ခိန်း ကျွော့်အွယ့် ခိုချာတွို့နောင်ပကတိ။ 11ထွို့မဲ့ ဖာစာရေပဒူဖုန်းအွယ့် ဟွိုန်လိုလေကာမေငါးနောင်ဒေါသထွို့ အာကာချင်ချင် တင်ပင်လိုကာ အီမိုဘာယေရှုနိန်းမာ။ 12အငြီးကူ့ ကိုယ်တော်ယေရှုအွယ့် ဘသာဆုတောင်တာ ဗွယ်ဖရာဆောင့်ထွို့ အာထန်းဆုတောင်တာ ခေါင့်လောင်အတောင်ကူ့ထွို့ အွယ့်အဟာ့အာ့ အာအိုဘို့ခေါင့်လောင်ကူ့ဟို့။ 13မွိုင်ထွိုင်းလိထွို့ အာစုအာတပည့်ဖုန်းထွို့ ပလူးအာကားကူ့ အာရွေးထန်းအစီ့ငြီးပလားဖီးပျန့်သာဝက နောင်ဖီးနေစေးကန်းခမ်လာကူ့စာဒွို။ 14အွယ့်ကုအွယ့် ရှိမုန်ကိုယ်တော်ကဖီစေးကန်းဒါနျန်း ပေတရုနောင် အာပွော်ခု အန္ဒြေ၊ ယာကုပ်၊ယောဟန်၊ ဖိလိပ္ပု၊ဗာသောလမဲ၊ 15မဿဲ၊သောမ၊အာလဖဲဖုခု ယာကုပ်၊ ကဟောင်ဒါ ပလူးရက်ခွို ရှိမုန်၊ 16ယာကုပ်ဖုခုယုဒ နောင် ငါ့လိုင်းဒွိုအီပျန့် ပလူးဖောက်ကိုယ်တော်ယေရှုသစ္စာ ယုဒရှကာရုတ် ကာဟနေ။ 17ကိုယ်တော်အွယ့်နောင်အာသာဝကဖုန်း အိုးခေါင်အွယ့်ဘားလောင်ထွို့ လင်းလင်ကာ ဟန်းဒွမ့်ကူ။ ခမ်းလန်အွယ့်ကူအွယ့် ဒေါင်အာတပည့်ဖုန်းထွို့ လူထုဖုန်းကအိုးဒါ ဝိန်းယုဒကန်၊ ဂျေရုဆလင်၊ ဇိဒုန်ဒေါင် တုရုဒေသ တရွှဲး အဘောင့်လောင်စာအွယ့် တွိုလေးလိထွို့အွယ့်ကုပါ။ 18အာကာအွယ့် အီနားလိုကားကိုယ်တော်ယေရှု တဟိုတစွမ်းဖုန်းနောင် ဘားတအန်းချန့်ကုဖီးလိုကာ ရောဂါးစာဖုန်းတာဟနေ။ ပလူးတလိခိုဟပူးစာဖုန်းလဲ့ ပြန်ခိုချာဒါနောင်းပကတိ။ 19ကိုယ်တော်ကူ့ကအိုဒါး မိုးတမာဖီးဒါ နာရောဂါတန်ခိုတော်ထွိုင်းထန်ထွို့ ကုဖီးအာကာလူးလူး ဖီးရောဂါကတမာအွယ့်မဲ့ ပလူးစွမ်ပလားပလား ကြိုစာခင်းကာ ကိုယ်တော်ယေရှု။ 20ထွို့မဲ့ကိုယ်တော်အွယ့် ခွယ်လေးမေငါး တပည့်ဖုန်းဆောင့်ထွို့ " ဗွယ်ဖရားသာသနာဒွို ပျန့်တို ဆင်ရဲစာတာအွယ့်မဲ့ နားက့ပျော်ကာချန်းလုဲင်။ 21ဒွို့ခါ့ကောကအိုဝီဘားတာစာ နားက့ဖုန်းလဲ့ အီဖီအန်ကွို့တို အွယ့်မဲ့ ဟွမ်ခိုကာချန်းလုဲင်။ ဒွို့ခါ့ ကောကအိုငွိုကာတာ နားက့ဖုန်းလဲ့ အီတငါ့ဘာတာအွယ့်ကြားမဲ့ ပျော်စွင်ကာချန်းလုဲင်။ 22ကွက်ဖရာဖုခု ပလူးလငါ့ဖုန်း မေလွသျှီနားက့ ယောဝ်း၊ ခံဘာပလားပယ်ယောဝ်း၊ ခံဘာပလာနှိပ်စက်ထွို့ ခံဘာပလားဒေါင့် ရိုန်ကျိုန်ယောဝ်း ပျော်စွင်ကာလုဲင်။ 23အွယ့်ကြားမဲ့ မေပျန့်နိန်းအွယ့်ခါ့ ဟွမ်ခိုအားရကျူးကာတာလုဲင်။ မေဒေါင့်ဘာ ကွက်တဟာနာအွယ့် ဝိန်းခမ်းကူ့ကအိုဒါ နားဆုဒီ ဒူမြတ်ယွမ်းတွို့မဲ့ဟနေ။ ထျက်အကီခါ့ကာ အာကာမွိုပလာဖပလာဖုန်းလဲ့ အရိယာဆူတော်ကောင်ဖုန်းမိုးနောင်းနိန်းအွယ့်အွယ့်။ 24ဒေါင်မားလဲ့ ပလူးသဌေဖုန်း၊ နားကာဒွို အိုဘာဖဝယူ့စာယာကူ့အွယ့်မဲ့ နားက့တာဒွို့ အီခုဲင်းယွမ်တွို့။ 25ဒွို့ခါ ပလူးကအန်ဘာကွို့စာဖုန်းဒီ အီကြုံဘာ တအိုဝီ။ ဒွို့ခါ့ ပလူးကအိုသငါးစာဖုန်းဒီ အီငွိုကာဘာနောင် တာသပီ တာတလွိုး။ 26ပလူးဖုန်း မေဒေါင့်အန်ဖရာနားက့တခိုးခရားဒွို နားကားအီကြုံဘာတခုဲင်း။ ကွက်တာဟနာမေဒေါင့်အွယ့် အာကာမွိုပလာ ဖပလာဖုန်းဒီလဲ့ ဒေါင့်ကာ အရိယာဆူတော်ကောင်ယောင်ဆောင်စာဖုန်း နိန်းအွယ့်အွယ့်။ 27ဒေါင့်မာလဲ့ ငါးအီဒေါင့် နားက့ အပလားပလားကြား။ဖီဒင်းကာ မေတ္တာရန်ဆူလောင်လုဲင်။မိုးဖီတခို ပလူးအိုလွှသျှီကာ့လောင်လုဲင်။ 28ဆုတောင်ဖီးပလူးကာဒေါင့်ကင်နားစာဖုန်း ဖီဗွယ်ဖရာဖီးအာကာတခို။ ပလူးကနှိပ်စက်ဒါနားဖုန်းတာလဲ့ ဆူးတောင်ဖီပါလုဲင်။ 29ပလူးအပလားပလား မေပလင်နားမေငါ့အဒိုင့်လဲ့ ဖီးပလင်ပါးဒါ့ ဒါ့အဒိုင့်လုဲင်း။ ပလူးအပလားပလားမေကျွူ့ နားကန်ကျိန်းခူနောင့်လဲ့ ဖီးပါး ကန်ကျိန်းကုန်ကူ့လုဲင်း။ 30ဖီးလေးကေ့ ပလူးကကျွူတာတစွို့စွို့နားဆောင့်စာဖုန်းလုဲင်။ ပလူးအပလားပလား ချွော့်စေးကန်းဒါတာနားဆောင့်ဖုန်းလဲ့ ကျန်းကျွူ့ချာဒါမား။ 31နောင်နားဘာတခံ ပလားဆက်ဆံ အတွိုင် ဆက်ဆံဖီပလားလောင်နိန်းအွယ့်လုဲင်း။ 32မေရက်ဘို့ ပလူးဒင်မေတ္တာက့လောင်းဟို့အွယ့် ဗွယ်ဖရားဒွို အီအန်းဖရားဒါးနားနိန်းမာ။အပျက်စာဖုန်းဟို့ အာကာရက်ချာဒါ့ ပလူးရက်အာကာ။ 33နားမေမိုးခိုချာဘို့ ပလူးကခိုနားလောင်အွယ့် ကျန်းဘသာလမာ ဆုဗွယ်ဖရာဆောင့်မာ။အပျက်စာဖုန်းဟို့ မိုးဒါနိန်းအွယ့်။ 34နားမေဖီးငှာဘို့ ပလူးဆပ်ချာဒါ့နားစာဟို့အွယ့် မိုးတဟနာ နားအီလထွိုက် တခိုမင်္ဂလာ။ အပျက်စာဖုန်းဟို ဖီငှာလိုလေကာ ဖီးပြန်လာ့ချာဒါ့နောင် အပွမ်အတွိုင်။ 35ခရားမိုးနိန်းအွယ့် ရက်ဘို့နားက့ရန်ဆူးဖုန်းထွို့ မိုးဖီး တခိုဖုန်း အာကာလောင်လုဲင်။ ဖီးငှာအာကားဒေါင် တလိအိုမောင်းဟ အီပျန်လချား တစွိုစွိုလုဲင်း။ မေမိုးနိန်းအွယ့် နားက့အီလဘာ ဆုလက်ဆောင်ဒီ ဒူထွို့ အီပျန့်ဘာ ဗွယ်ဖရာအမြတ်စွက်ဖုဖုန်း။ ဘာတဟနာမေဒေါင့်အွယ့် ဗွယ်ဖရာဒွို ပလူးလိသိဟကေဇူစာဖုန်းနောင် ပလူးလိခိုဟစာဖုန်းလဲ့ အာရက်ရက်။ 36ဗွမ့်နောင် နားဖာ့ ဗွယ်ဖရာအန်ဒင် တသညင်ဂရုဏာနားလောင် အန်ဒင်ချာဒါ တသညင်ဂရုဏာ ပလားလငါ့လောင်လုဲင်။ 37ထွို့ဒါ့ ချန်ကွင်းမာပလားလငါ့ အပျက်ဖုန်းမာ အွယ်မဲ့ ဗွယ်ဖရာလဲ့ ကွင်းဟနားအပျက်။ကျန်မိုးခုဲင်းမာ ပလားလငါ့မား အွယ်မဲ့ ဗွယ်ဖရာလဲ့ အီးမိုးခုဲင်းဟနား။ နားမေခွင့်လွှတ်ဖီ ပလားလငါ့ ဗွယ်ဖရားလဲ့ အီးခွင်လွှတ်ဖီးနား။ 38နားမေ ဖီးပလားလငါ့အွယ့် နားအီခံဘာဒါ့ ပလားဖီ။ အီစူဖီ နားက့ တောင်ပွို့ကူ့။ နားကဖီးဒါပလားအတွိုင် ဗွယ်ဖရာလဲ့ အီဖီနား" မိန့်နိန်းအွယ့်။ 39ထွို့မဲ့ကိုယ်တော်အွယ့် ဟိုနေဖီးပလားအွယ့်ဟို့ဒေါင် တတိုက်တွိုင့်အဘား။ "ပလူးမေးသျှီးအပလားအွယ့် အီးအွမ့်နေ့ဒါးနဲ့ ပလူးမေးသျှီးဒါ့ အပလား ကလေ။ အာကားအန်းတငြီ့ လူးအွယ့် လင်တေးဒါစုံ့ကူ့ မေးဟနောဝ်။ 40တပည့် ဒါလွိုထိုင် ဆရာလိအိုဟ။ ဒေါင့်မားလဲ့ မေလေ့ကင့်ဖီစွမ်းစွမ်းအာကာအွယ့် အာကာလဲ့ အီဗွမ့်နောင် အာကာဆရာ။ 41နားနုဲင်း သျှီးဒါးတတီတို့ နားဖောဝ်မေ့ကူ့ ။ ဒေါင့်မားလဲ့ နားဒင်သတိတိဟ တတီတို့တျားတွိုင်းကလုံးအိုနားမေးကူ့။ 42နားသျှီဟ တတီတို့ တျာတွိုင်ကလုံအိုနားမေးကုထွို့ "ပွော်ဝေ၊ ငါးအီချီ့ဖီးတတီတို့ အိုနားမေးကု"အီဒေါင့်ဒါနိန်းမာ။အယောင်ဆောင်စာဖုန်း၊ ချီ့ထန်းကီကေ့ တတီတို့ တျာတွိုင်းကလုံ အိုနားမေ့ကူ့လုဲင်။ နိန်းအွယ့်မဲ့ အီးသိဘာ အီးချီ့ထန်ဖီး တတီတို့ အိုနားပွော်ဝေမေးကူ့ နိန်းမာ။" 43တွိုင်မွိုင်ခိုဒိ့လီသားဟာအသားလီခိုးဟဟာ။တွိုင်မွိုင်ညံးလဲ့လီသားဒါးဟာအသားခိုဟာ အွယ့် ပလူးဖုန်းအိုသိကာတို။ 44ဟွိုင့်အသား ထွို့ ဒေါင့်ဒါလိအမွိုင်ခရာ။ ဗွမ့်နောင်နားက လိဒေ့ဒါဟ တယွု့သား တဟွော်ကျုံးကူ့ ထွို့ လီဒေ့ဒါဟာ စပျစ်သာ တွိုင်ကျူံးကူ့။ 45ပလူးခိုဒွို နေ့ဒါဘို့ တခိုဖုန်း အိုအာသကူ့ဟို့။ ပလူးလီခိုဟလဲ့ နေဒါဘို့တလီခိုဟဖုန်းအိုအာကာသားကုဖုန်းဟို့။ နားကငိုဖုန်းနုဲင့်နေထန်နားက့သ။ 46"နားကနုဲင့်ဟိုး လီနာကာဟ ငါးငိုထွို့ ဘာဟနာ နားကဟောင့်ကား ငါး 'ဗွယ်၊' 'ဗွယ်'။ 47လေးငါးဆောင့်ထွို့ နားငါးငိုထွို့မဲ့ နာခံစာကားကအိုဒွို့ ဗွမ့်နောင်လာမာ ငါးအီဒေါင့်နေဒွို။ 48ပလူးအွယ့်ပလားဒီ ဗွမ်းနောင်းပလူးဆုယွမ် ခွော်ယိုးယိုးဟန်ထွို့မဲ့ ချအုတ်မြစ်ဒေါင်လုံဖုန်း။ သျှီမေဒူခါ့ ယွမ်းအွယ့်မာအွယ့် တေးခင့်ခင့်စေးကန်းအွယ်ကြားမဲ့ အာစိစွိုဟ ထွို့ အိုခံဒါတို။ 49ဒေါင့်မာလဲ့ ပလူးနားငါးတရာထွို့လီလွိုက်နားဟစာဒီ ဗွမ့်နောင် ပလူးစုယွမ်းဟန်လောင်လီချဟအုတ်မြစ်။ ကန်ဆျိုထွို့ သျှီ့မေဒူခါ့ ယွမ်းအွယ့်မာအွယ့် အီလင်ပလုဲင်းစွူတွို့ထွို့ အီကြုံဘာနောင် တကေ့ဒူးဖုန်း" မိန်းလေနိန်းအွယ့်။
Currently Selected:
Luke 6: ltpv-rv
Highlight
Share
Copy
Want to have your highlights saved across all your devices? Sign up or sign in
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
