Luke 20
20
1တစိညင်ဖကျောက်အွေန်တိနိင်ထမ်းလားခေါင်တိပါးခွင်အေးအွေန့်ဟက်ခွမ်ကျူးပုရောဟိတ်ခွမ်ထောင်းလက်ဆလားးဟက်ခွမ်ဂျူးကေကောအေးဖျောင်းနန်း။ 2မိလာခေါင်လာနော်တိနိင်ထမ်အန်းတိုင်တိမွန်ဟက်ရော။မွန်ကာမီရောတနန်းထိုင်းထင်လာနော်။ 3ဟောဟက်ဖကျောက်လားအူးလားခါမာသပေး။ပေးဖြေဖြောင်းနေ။ 4ဆရာယောဟန်ဟန်ကျူးအိုးကာသပိုင်တိနယ်တွေအားဖိုင်တိမွန်။အမ်းအားမိုင်ဖကျောက်ဟာ။အမ်းအားဖိုင်မွန်တပိုင်ဟာ။ 5ခွမ်အေးကျူတိပိုဟက်လားတိပိုကာညိုကေလားအားမိုင်ဖကျောက်နယ်လားလနော်တိအေဆာဟွင်နဲ့လားတိအေးပေးမတ်ယိုးဆလာကျူးအိုယောဟန်ဟွင်၊ဟွင်လားလာလနော်မြောင်။ 6စိးကပ်လားဖြောင်ကေခွမ်တပိုင်လာနော်တိနယ်ခွမ်အေးလားယောဟန်ပဲန်ခွမ်အရိယတပိုင်ဟက်ယူတိနယ်ကေနယ်လာတွေစမူဟက်လားဗေ့အေးဂျေ့တိဆာ။ 7ဟောဟက်ကေနယ်ဆလားယောဟန်ကျူးအိုးတွေအားမိုင်တိမွန်ဟက်ကေညန်လပ်တိဆာ။ 8တနန်းဖကျောက်လားမနောအူးရောလနော်တွေအားမိုင်တိမွန်ပေးကောဖြေခါမာတိဆာ။ 9ခမ်ခီးအန်းဖကျောက်လားခေါ်တိပါးခွမ်အေခွမ်တပိုင်စေ့ပီးအာငူတိဆာ။ခမ်းခီးအန်းပိုင်ကေဟဲ့အွေန်လေးအော်တာတိဆာ။ 10အားငူအေးဟွင်နယ်ပွိုင်းခွမ်ကျိုင်တပိုင်လိအားဟွင်လားပိုပတ်အန်ကာဟွင်ဟိုင်းတွေ။အားကေပိုင်ထိုးအန်းကေထော်အားခွမ်ကျိုင်းအန်းရောဟွင်ဆူးဆူးဟဲ့ပွဲဟွင်လီဖြောင်။ 11ဟောဟက်တောဟိုးတောင်ပွဲခွမ်ကျိုင်းတိုးတပိုင်မြောင်။အာကေပိုင်ထိုးအန်းကောတော်ခွမ်ကျိုင်ဟွင်ဟဲ့တော်ဟွင်လာခါးဟက်ပွဲဟွင်အေးမြောင်။ 12ကျောင်းဆိုးပွဲခွမ်ကျိုင်ဟွင်လီနမ်ပတ်ဆမ်ဟက်ခွမ်ပိုင်ဆိုးအနိးကောရောဟွင်မွန်းခါအိုင်းပိုင်ဟက်ပွဲဟွင်အေးမြောင်။ 13ဟောဟက်ကျောင်းဆိုးလားအူပိုရောစိရော။အူပိုပွဲကွမ်အူးလီဟဲမီကပ်ခွမ်ပိုင်ထိုးအန်းညိုကွမ်အူးတိနယ်ကေလားနမ်တိညန်းတိုးဟွင်ခိမာလာနော်မွန်ဟဲ့ပွဲကွမ်ဟွင်ဟိုင်းနန်း။ 14ဟောဟက်ခွမ်ပိုင်ဆိုးအန်းညိုဟွင်ပဲန်းကျောင်းဆိုးကွမ်းဟွင်နယ်မားနိုင်ကျိုင်းကောတိုးပေါ်ဟွင်ကောပိုနဆိုးအန်းဂျေ။အားဟွင်လားပိုထုန်ပတ်ရောအန်းပန်းခါဆေဟက်အေးဟမ်းဟွင်လားအူးတိပိုလာနော့် 15ကေနယ်ကောကျောင်းဆိုးကွမ်းဟွင်အန်းလီခါနော့်ဟက်ဟမ်းဟွင်ဂျေ။ဟောဟက်ကျောင်းဆိုးနယ်လားရောခါမာတိကာ။ 16ကျောင်းဆိုးဟွင်အေးမွန်ဟက်ဟမ်းခွမ်ပိုင်အိုးဟွင်အန်ူ။ဟောဟက်ဆိုးအန်းကောလာအမ်ကာတီးသီးပိုင်လားတိကေလာနော်။အားကေပန်းလာနော်အန်းအမ်းတိကာပဲန်းအေးလာနော်ဂျေ့။ 17ဖကျောက်နကေပါးစပိုင်အားကေရောညာအန်ဟက်ယောက်စမူထောင်းပဲန်းအေးဟက်သဲန်းအွန်းတိနိင်ပတ်အန်းစိးလားခါမာဟာ။ 18အားကေတိုစအန်ကောတိကျန်အေးလာဗေအေခေး။စမူအန်တပိုင်ကျိုင်ကောတပိုင်ခူတိုကေကောတိုကေလားလျောင်ဟိုင်းအေ့တိဆာ။ 19ခွမ်ကျုးပုရောဟိတ်ဟက်ဆလားဟက်ဖကျောက်စိလားခါမာကေညန်နမ်အန်အေးစိဗေ့။ကျောင်းကောကေဟာတိပါခွမ်အေး။ 20ဟောဟက်ကေနယ်ကော်နဖကျောက်ဟက်စိဆာခါလီးဟက်စိးကားဖကျောက်လေတိသီးခွမ်ထောင်းဟက်ပွဲခွမ်တပိုင်လီကာဟွင်ပဲန်းခွမ်ညက်တိဆာ။ 21ခွမ်အန်းကောလားတိဖကျောက်၊ဖကျောက်ပဲန်းခွမ်ညက်ဟဲ့ပဲန်းခွမ်လာစိစိတမွန်ကောကာပိုဟဲ့ရောလေခါညက်ဟဲ့ခွမ်ခါညက်ခါးညိုအေးကောညန်ဂျေ့မာန။ 22ဟောဟက်ခွမ်ရောမဧကရာဇ်စေပတိအန်းနယ်ညက်ဟာနော့်အမ်းညက်ဟာလာတိအေးခေ။ 23ဖကျောက်ညန်းအားကျန်အားကျန်ကေ။ 24လားတိကေပြပတ်ဒဂ်ါးတတိုး။တနန်းကွေးမူမွန်ဟက်ကွေးမုမွန်တိုင်တိကေလာနော်ကေကောလားမြောင်ကွေးဖူရောမဧကရာဇ်ဟက်ကွေမု့ကေလားလနော်မြောင်။ 25ဟောဟက်ဖကျောက်လားအာကေမွန်မု့ဆိဇာတိနယ်ထိုင်တိဆီးဇာဆာ။အာကေမွန်ကျောင်းတိနယ်နမ့်တီးဟွင်ဆာ။ 26ကေကောတမ်းနားပါးခွမ်အေးရောဟွင်ဖကျောက်တာဟာအာဖိခါးနော်အန်းညိုဖကျောက်လားလနော်ဟက်ငမ်းဟက်အွေန့်လီလီဟက်အေးတိညာမြောင်။ 27ဂျေဟက်ဟိုးကေယွန်းမု့ဇဒ္ဒုကဲခွမ်တပိုင်အေးတိဖကျောက်။ 28ဆလားတိနိင်ပတ်မောရှေပဲန်းအွန်းခမယ်ဟဲဗေတပိုင်ကျန်ကွေကွမ်းစိးကပ်ခါမယ်ဂျေတိနယ်အားမွန်အန်းဟွင်ကောပိုခေးမွန်အန်းအာဟွင်ဂျေအန်းတိဆာ၊ကာနိုင်းပိုင်ပိုကွမ်းဂျေ့ဟိုင်းဟဲ့ကွမ်းဟွင်ကောငိုဆွမ်းအိအိုင်တိဆာပဲန်းကေအွန်။လာလနော်။ 29လာနော်ဟက်တွေအက်အန်းကျပ်ပိုင်အိအိုင်ထောင်လေးပိုင်ခေးတိနယ်ကျန်တွေးကွမ်ဟဲ့ဂျေ့ဟိုင်း။ 30နမ်ပတ်စော်ထောင်လေးပိုင်ဟွင်ကောခေးမွန်အိဗေ့တွေးခါမယ်ဟွင်ကောကျန်ကွေးကွမ်ဟဲ့ဂျေ့ဟိုင်းတိုး။ 31နမ်ပတ်ဆမ်းကောမွန်းလာနော်တိခေးဟဲ့အက်အန်းကျပ်ပိုင်ကေကောဂျေဟိုင်အေ့။ 32ဆွတ်တိုင်အီးဗေအန်ကောဟွင်ကောဂျေဟိုင်းမြောင်။ 33ဟောဟက်အီးဗေအန်ခေးမွန်အားလာမယ်အက်အန်းကျပ်ပိုင်ဖကျောက်အားကေဂျေဟက်ကောကာကေခိုကိုဖြောင်တိနယ်အီးဗေ့အန်မွန်လားပဲန်းခါမယ်ဟွင်ဟိုး၊တိကေလာနော်။ 34ဟောဟက်ဖကျောက်လားကာကေလိုတိလို့အန်းအားကော 35ဟက်နယ်ခမ်းနားအေးလာကွေးလာဇရုမြောင်ဆာကေပဲန်းခွမ်ညက်ဟဲအားပိုင်လာခေကော်ဟက်လားဂျေကောတိလားကွေတိဆာ။ 36ကေနယ်ဖိုးကျန်ပါဂျေဟက်မွန်းမု့နတ်ဒေဝါလာနော်တိဆာကေပိုကိုးမြောင်လာနော်ကောပဲန်းခွမ်းကွမ်းဖကျောက်တိဆာ။ 37ဂျေ့ဟက်ပြန်ကိုးမြောင်ဟက်ငိုမ်ဟားတိပါးလေ့ဟက်မု့မောရှေကောဖကျောက်နယ်မု့အာဗြဟံဟက်ဣဇက်ယာကုပ်ပဲန်းဖကျောက်ဟဲ့လာတိကေညက်ညက်။ 38ဖကျောင်းနယ်ကျိုင်ခွမ်ဂျေ့ဖကျောက်ဟာအားကေကွေးအားရုကွယ်ဟဲ့ဟွင်ပဲန်းဖကျောက်တိ။စိးလားတိနယ်ခွမ်အေးနမ်ဖကျောက်ကွယ်ဟဲ့အေးပိုတွေးအားရူးတိနယ်။ 39ဟောဟက်ဆာလာအားအော်ပိုင်ဟက်ပိုင်ကောလာခါလားဟ္င်တိနယ်ညက်သ။ 40ဖျောင်းမှနိုင်းဟိုင်းမိန်ကောလည်တိဖကျောက်တိလားတိုင်ခါမာတိဆာ။ 41ခမ်ခီးအန်းဖကျောက်လာတိကေအားကေကျန်ပေးအန်းမု့ဘုရင်ဒါဝိတ်ဟက်ပဲန်ဟွင်မာပေးလာလနော်။ 42သဲန်းအွန်းတိနိင်ပတ်ဆားလတိဆာမုဘုရင်ဒါဝိတ်ဟွင်ဖကျောက်နယ်ပဲန်းဖကျောက်အူး 43ကာကေပဲန်းခွမ်အူးကောတိခါတကျန်အူးဟက်လာဝါတိုဟာနန်းကောအူးခါဟဲ့ဂျေ့ဖတ်ခါတိငအူးကောငေါ်ချာလာလနော်အွန်း။ 44ဟောဟက်ဒါဝိတ်ဟွင်လားပဲန်းခွမ်ကွယ်တိနယ်ပဲန်းကျောက်အူးလားလနော်တိနယ်အားဟွင်ကွယ်နဒါဝိတ်ကွမ်ဟွင်ကျန်ပဲန်းဟာဟွင်တော့်လာလနော်။ 45ဖကျောကိခွမ်အားနမ်ကေလာညက်ခွမ်ကျိုင်ဟွင်လား 46အွန်းစတိညက်ညက်တိဆာလာကေကေနယ်လိလှေ့တိုခွမ်နွန်ဖော်လားဟက်မွမ်ခွမ်ဖန်းခါတိလာဖက်စိးကာကေလထိုင်တိကေဟက်ခွက်ကေအားလာနော်ကေနယ်။တိနယ်ဝပ်ကောတွေတငေါ်ခမ်းနားမိုင်ဟက်တိုစာပွဲကောစိငေါ်အွေန်းခေါ်ဟာအန်း။ 47အားကေကွေးခါမယ်တိညာကေခါးမယ်ခါမာကောလားကျန်တွေနပ်ပိုင်တင်းပါးတေခါကျူးဟက်ကွန်တင်ပါး။ဖကျောက်နယ်ကာအာဖိုင်ကောကျန်မာနက်ဟဲ့အာကေစေတိဆာ။
Currently Selected:
Luke 20: stpv-rv
Highlight
Share
Copy
Want to have your highlights saved across all your devices? Sign up or sign in
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
