Luke 6
6
1ဥပုသ်နေ့တနေ့မောင် ကွိုယ်တော်ယေရှုနောင့် ဆပယ့်တိုမျောဟော် ဂျုန်ခန်းမျောကွို ဖှဂ်ဆိုးကျော့ရယ့်အခှိင်မောင် ဆပယ့်တိုမျောခေါ့ ဂျုန်စယ့်မျောကွို ခူးယူပွီး အခွံမျောကွိုလဂ်နောင့် ပွဂ်ပွီးယန် အခွံကွိုဖာလောဂ်ပွီး ဂျုန်စယ့်မျောကွို စောကျော့လေရယ်။ 2ဟော်ပေမယ့် ဖာရိရှဲတခှို့ခေါ့ ကွိုယ်တော်ကွို “နန်တွို့ဟော် ဥပုသ်နေ့မောင် ပှုခွမ့်မဆိရယ့်အယော်ရယ်ကွို စော်ကျွောင့်ပှုလုတ်ကျော့ယော့သလော” လွို့ဆွိုကျော့ရယ်။ 3ကွိုယ်တော်ယေရှုခေါ့ “ချယ့်အယန်ခေါ့ ဘရန်ဒါဝိဒ်နောင့် ဆူ့ယယ့်နွောဂ်လောဂ်ရယ် မွဂ်လော်ရယ့်အခေါ် ဆူစော်လုတ်ခယ့်ရယ်ဆွိုတော်ကွို ကျောင်းစော်ထားမောင် နန်တွို့မဖတ်ကျော့သလော။ 4ဆူဟော် ဖရောဆန်ယယ့် အိင်တိုနောင်းကွိုဝမ်ပွီး ပုရောဟိတ်မျောပယ်းစောခွမ့်ဆိရယ့် သန့်ပွီးမှဂ်ရယ့်မွိတခှို့ကွိုယူပွီး စောရယ်။ အယ်းအပှန် ဆူ့ယယ့်အပွောင်းအဖိုတွို့ကွိုလယ်း ပေးခယ့်ရယ်” လွို့မိင့်တိုမူပွီးနွောဂ် ဆဂ်လဂ်ပွီးကွိုယ်တော်ခေါ့ 5“လူဆောတိုဖှဂ်ရယ့်ငေါ်ဟော် ဥပုသ်နေ့ယယ့်အဆန်သခန်ဖှဂ်ရယ်” လွို့ မိင့်လေရယ်။ 6တချောဥပုသ်နေ့မောင် ကွိုယ်တော်ဟော် ဓမ္မာရုန်မောင် ဟိုးကျောဆုန်းမော့နေခှိင် ညော်ဖဂ်လဂ်ဆေနေဆူတယွောဂ်ဆိနေလေရယ်။ 7အယ်းနေယော်မောင်ဆိနေကျော့ရယ့် ဖာရိရှဲနောင့် ကျောင်းတတ်ဆရော်တခှို့ဟော် ဥပုသ်နေ့မောင် လဂ်ရယ်ချေရယ်ဆေနေရယ့် လူတယွောဂ်ကွို ကုပေးပေါ်ကော့ စွပ်စွားစရော်အကျွောင်းပျော့ချဂ် ချော်တွိနောင်ဖွို့ အနီးကောဂ်စွောင့်ကျေ့နေကျော့ရယ်။ 8ဟော်ပေမယ့် အယ်းလူရယ် စလွိုမျွိုး တွယ်းတိုးကျောင်စည်နေကျော့ရယ်ဆွိုတော်ကွို ကွောင်းကွောင်းဆိဆလွို့ ကွိုယ်တော်ခေါ့ ဟော်ညော်ဖဂ်လဂ် ဆေနေဆူကွို “ထော့ပွီး လူအောလုန်းယယ့်ချယ့်မောင် မတ်ပေါ်” လွို့ မိင့်တိုမူရယ့်အခေါ် အယ်းလူဟော် ထော့ပွီး မတ်လေရယ်။ 9အယ်းနွောဂ်မောင် ကွိုယ်တော်ယေရှုခေါ့ “ငေါ်တွို့ယယ့်ပညောဂ်တရောတိုဟော် ဥပုသ်နေ့မောင် စော်အယော်တွို့ကွို ငေါ်တွို့ကွိုလုတ်ခွမ့်ပှုသလော။ ကွောင်းမုကွို လုတ်ဆန့်သလော မကွောင်းမုကွိုလုတ်ဆန့်သလော။ အယ်းလွိုမောင့်မဟွိ လူ့အဆဂ်ကွို ကာဆန့်သလော ဆတ်ဆန့်သလော” လွို့မေးတိုမူလေရယ်။ 10ဘေးပတ်ဝန်းကျန်မောင်ဆိရယ့်လူတွို့ကွို ခှယ့်ကျေ့လောဂ်ပွီး ညော်ဖဂ်လဂ်ဆေနေဆူကွို “နန့်ယယ့်လဂ်ကွို ဆန့်ထွိလောဂ်ပေါ်” လွို့မိင့်ဆွိုယော် အယ်းလူဟော်လယ်း လဂ်ကွိုဆန့်လောဂ်ပွီး ဆူ့ယယ့်လဂ်မောင် ပကတိအကွောင်းအတောင်း ဖှဂ်ဆိုးလေရယ်။ 11အယ်းအခေါ် ဖာရိရှဲမျောနောင့် ကျောင်းတတ်ဆရော်မျောဟော် တိုးဆော့အမှဂ်ထွပွီး ကွိုယ်တော်ယေရှုကွို စလွိုမျွိုးပှုယော့မယ်ဆွိုတော်ကွို အခှန်းခှန်းတောင်ပန်ကျော့လေရယ်။ 12အယ်းအခှိင်မောင် ကွိုယ်တော်ယေရှုဟော် ဝဂ်ပှုဆုတွောင်းဖွို့ တွောင်ပိုနောင်းတဂ်ဆိုးပွီး ဖရောဆန်နောင်းမောင်တညော့လုန်းဆု တွောင်းပွီး တညော့တော်အခှိင်ကွို ကွိင်ဆုန်းစေတိုမူရယ်။ 13မွိုးလန်းရယ့်အခေါ် ဆပယ့်တိုမျောကွိုa ဆူ့နောင်းကွို ခိုယူစုဝီးစေပွီး ဟော်ဆူတွို့ထားခေါ့မောင့် ဆာ့နေဦးကွို အထူးဆပယ့်တိုမျော အဖှဂ် ယွီးထွိတိုမူရယ်။ 14ဆူတွို့ထားမောင် ပေတရုလွို့ ကွိုယ်တော်ယေရှုနောင်မယ်ပေးခယ့်ရယ့် ရှိမုန်နောင့် ဆူ့ယယ့်တေဖှဂ်ဆူ အန္ဒြေ၊ ယာကုပ်၊ ယောဟန်၊ ဖိလိပ္ပု၊ ဗာသောလမဲ၊ 15မဿဲ၊ သောမ၊ အာလဖဲယယ့်ဆော ယာကုပ်၊ မျွိုးခှဂ်ပုဂ္ဂိုလ်လွို့ခိုကျော့ရယ့် ရှိမုန်၊ 16ယာကုပ်ယယ့်ဆော ယုဒနောင့် နွောင်အခေါ်မောင် ကွိုယ်တော်ယေရှုကွိုဆဂ်စော်ဖွောဂ်မယ့်ဆူ ယုဒရှကာရုတ်bတွို့ဖှဂ်ကျော့ရယ်။ 17အယ်းအခေါ်မောင် ကွိုယ်တော်ဟော် ဆူတွို့နောင့်အတူ တွောင်ပိုခေါ့နေ ကျို့ဆန်းလော်ပွီး မှေပျောင့်အရောဂ်မောင် မတ်တိုမူလေရယ်။ အယ်းနေယော်မောင် ဆပယ့်တိုမျောနောင့်အတူ ယုဒပှယ်၊ ဂျေရုဆလင်မွှို့၊ တုရုနောင့်ဇိဒုန်မွှို့ ကောင်းနောင်းတရွှောဂ်လုန်းမောင်ဆိရယ့် မွှို့အမျောတွို့ခေါ့နေ လူထုပရိတ်ဆတ်မျောတွို့ဟော်လယ်း ယွောဂ်ဆိနေကျော့ရယ်။ 18ဆူတွို့ဟော် ကွိုယ်တော်ယယ့်ဟိုးကျောသွန်သင်ချဂ်မျောကွို နော်ယူဖွို့နောင့် မိမိတွို့ယယ့် အနော်ရိုးကော်မျော ပျွောဂ်ကန်းစေခှန်းကွိုခေါင်ယူဖွို့ လော်ယွောဂ်ခှန်းဖှဂ်ရယ်။ မကွောင်းဆွိုးဝါး ပူးကောဂ်ခေါင်နေယော့ဆူမျောဟော်လယ်း အကွောင်းပကတိအတောင်း ဖှဂ်ကျော့လေရယ်။ 19ကွိုယ်တော်နောင်းခေါ့ ထွလော်ရယ့်တခွိုးတိုတွို့ဟော် ဆူတွို့ကွိုကျောင်းမောင်စေရယ့်အတွကျွောင့် လူထုပရိတ်ဆတ်အပွောင်းတွို့ဟော် ကွိုယ်တော်ယေရှုကွိုတွို့ထိဖွို့ ကျွိုးစောကျော့လေရယ်။ 20အယ်းနွောဂ်မောင် ကွိုယ်တော်ဟော် ဆူ့ဆပယ့်တိုတွို့ဖဂ်ကွို မျဂ်နော်မူပွီး ဆူတွို့ကွို “ဖရောဆန်ဟော် ဆားရားရယ့်လူမျောကွို ကွောင်းကျွိုးချောင်းဆော်အဖျော်ဖျော်ကွို ယော့ဆိစေမယ်။ ဖရောဆန်ယယ့် ဆော်ဆနော်တိုဟော်လယ်း ဟော်လူတွို့အတွဖှဂ်ရယ်။ 21ဖရောဆန်ဟော် ငတ်မွဂ်နေဆူမျောကွို စောဆွောဂ်စရော်အစုန်နောင့် ပှယ့်ဝို့ စေလောဂ်မယ်။ ဖရောဆန်ဟော် ငွိုကျွယ်းနေဆူမျောကွို ယာမိုးစေမယ်။ 22လူတွို့ဟော် လူဆောတိုcကျွောင့် နန်တွို့ကွို ငွိုးကျော့ရယ့်အခေါ်၊ ဆွောင်ကျော့ရယ့်အခေါ်၊ စိုကောဟိုးဆွိုရယ့်အခေါ်နောင့် နန့်နောင်မယ်ကွို ဆရယ်ဖျဂ်ဟိုးဆွိုကျော့ရယ့်အခေါ် နန်တွို့ဟော်မန်ဂလော်ဆိကျော့ရယ်။ 23အယ်းလွိုဖှဂ်ပေါ်ကော့ ဝုန်းဆော်အောယော့ ကော့ခွိင်ကျော့ပေါ်။ စော်ကျွောင့်လောဟန် ဆွယ်မွှို့တိုမောင် နန်တွို့ယော့ဆိမယ့်ဆုဟော် ကျွီးမောရယ်။ ချယ့်အယန်ခေါ့ခယန်း ဟော်ဆူတွို့ယယ့်ဖွိုးပွောင်တွို့ဟော်လယ်း ပရောဖက်တွို့ကွို အယ်းနည်းအတောင်းပယ်း ပှုမူခယ့်လွို့ဖှဂ်ရယ်” လွို့ မိင့်တိုမူရယ်။ 24ဟော်ပေမယ့် ချောင်းဆော်ရယ့်နန်တွို့ဟော် ကျွီးမောရယ့် ဒုက်ခေါ့ဆားရားနောင့် ကျုန်တွိကျော့ယော့လောဂ်မယ်။ အကျွောင်းမောင်ကော နန်တွို့ ယော့ဆိမယ့် ကွောင်းရယ့်အယော်အောလုန်းတွို့ကွို ခုဖဝို့မောင် ခေါင်စောယော့ခယ့်ပီအတွကျွောင့်ဖှဂ်ရယ်။ 25အခု ဝို့ဝို့လန်လန် စောဆွောဂ်ယော့ရယ့်နန်တွို့ဟော် ဒုက်ခေါ့ဆားရားနောင့် ကျုန်တွိယော့လောဂ်မယ်။ စော်ကျွောင့်လောဟန်ကော နန်တွို့ဟော် ငတ်မွဂ်ယော့ မယ့်အခှိင်ယွောဂ်လော်မောင်ဖှဂ်ရယ့် အတွကျွောင့်ဖှဂ်ရယ်။ အခု ယာမိုးနေရယ့်နန်တွို့ဟော် ဒုက်ခေါ့ဆားရားနောင့် ကျုန်တွိယော့လောဂ်မယ်။ စော်ကျွောင့်လောဟန်ကော နန်တွို့ဟော် ဝုန်းနယ်းပူဆွီးပွီး ငွိုကျော့ယော့မောင်ဖှဂ်ရယ့် အတွကျွောင့်ဖှဂ်ရယ်။ 26လူတွို့ဟော် နန်တွို့အကျွောင်းကွို ခှီးမွမ်းဟိုးဆွိုကျော့ ရယ့်အခေါ် နန်တွို့ဟော် ကျွီးမောရယ့်ဒုက်ခေါ့ဆားရားနောင့်ကျုန် တွိယော့လောဂ်မယ်။ စော်ကျွောင့်လောဟန်ကော အယ်းဆူတွို့ယယ့်ဖွိုးပွောင်တွို့ဟော်လယ်း အယ်းလွိုမျွိုးပယ်း အယွောင်ဆွောင်ထောရယ့်ပရောဖက်မျောကွို ခှီးမွမ်းခယ့် ကျော့လွို့ဖှဂ်ရယ်။ 27“ဟော်ပေမယ့် ကွိုယ်တော်ခေါ့ အခု နောထွောင်နေရယ့်နန်တွို့ကွို ငေါ်ဟိုးမယ်။ ရန်ဆူအပို မေတ္တော် ထောကျော့ပေါ်။ ကွိုယ့်ကွို ငွိုးနေရယ့်ဆူရယ်အပိုမောင် လယ်း ကွောင်းကွောင်းမွမ်မွမ် ဆဂ်ဆန်ကျော့ပေါ်။ 28နန်တွို့ကွို ကှိင်ဆားရယ့်ဆူကွိုလယ်း ကွောင်းကျွိုးရယ်ယော့စေဖွို့ ဖရောဆန်နောင်းမောင် ဆုတွောင်းပေးကျော့ပေါ်။ နန်တွို့ကွို ကာ့ရရယ့်ဆူအပွေါင်းတွို့ကွိုလယ်း ဆုတွောင်းပေးကျော့ပေါ်။ 29တစုန်တဦးခေါ့ နန့်ပေါတဖဂ်ကွိုရောဂ်ယန် နွောဂ်ပေါတဖဂ်ကွိုပေါ် ရောဂ်စေပေါ်။ တစုန်တဦးခေါ့ နန့်အပိုအန်းကှီကွို တွောင်းယန် နန့်ယယ့်အတွမ်းခေါင်အန်းကှီကွိုပေါ် ပေးလောဂ်ပေါ်။ 30နန့်နောင်းခေါ့ တစုန်တခုတွောင်းခေါင်လော် ဆူအပွေါင်းတွို့ကွိုလယ်း ပေးကောင်းကျော့ပေါ်။ တစုန်တယွောဂ်ခေါ့ နန့်ယယ့်ပစ္စည်းတွို့ကွို ယူထောပေါ်ကော့ အယ်းလူနောင်းခေါ့ပှန်ပွီး မတွောင်းကျော့နောင့်။ 31ကွိုယ့်ကွို ပှုမူဆဂ်ဆန်စေလွိုရယ့်အတောင်း ဆူတပေါအပိုမောင် ပှုမူဆဂ်ဆန်ပေးကျော့ပေါ်။ 32ကွိုယ့်ကွိုမေတ္တော်ထောဆူကွိုပယ်း ခှဂ်ခန်နေယန် ဖရောဆန်ခေါ့ နန့်ကွို စလွိုလုတ်ခှီးမွမ်းနောင်မလော။ စော်ကျွောင့်လောဟန်ကော အပှဂ်ဒုစရောက်ဆမောမျောခေါ့တအွောင် ဆူတွို့ကွို မေတ္တော်ထောရယ့်ဆူမျောကွို ပှန်ပွီးခှဂ်ခန်ကျော့ရယ်။ 33နန့်အပို ကွောင်းရယ့်ဆူမျောကွိုပယ်း နန်ဟော် ပှန်ကွောင်းနောင်ယန် ဖရောဆန်နောင်းခေါ့ ဆုလာဘ်ကွိုယော့ဆိဖွို့ မမျိုလန့်ကျော့နောင့်။ စော်ကျွောင့်လောဟန်ကော အပှဂ်ဒုစရောက်ဆမောမျောတအွောင် အယ်းလွိုမျွိုး လုတ်နောင်ကျော့ရယ်။ 34အယ်းအပှင် နန်တွို့ပှန်လည်ယော့ဆိမယ်လွို့ မျိုလန့်ပွီး ဆူတပေါကွို ခှေးငေါယန် ဖရောဆန်ဟော် နန်တွို့ကွို ခှီးမွမ်းမယ်လွို့ ထန်နေကျော့သလော။ အပှဂ်ဒုစရောဂ်ဆမောမျောတအွောင် ပေးရယ့်ပမောင်နောင့်အတောင်း ပှန်ယော့ဆိဖွို့ ဆူတွို့အခှန်းခှန်း ခှေးငေါတတ်ကျော့ရယ်။ 35ဟော်ပေမယ့် နန်တွို့ယယ့်ရန်ဆူကွိုခှဂ်ပေါ်။ ကွောင်းရယ့်အမုတွို့ကွိုပှုလုတ်ပေးပေါ်၊ ပှန်ယော့ယူလွိုစိနောင့် ခှေးငေါခှန်းမပှုကျော့နောင့်။ အယ်းလွိုပှုခှန်းကျွောင့် ဖရောဆန်ဟော် ကျွီးမောရယ့်ဆုလာဘ်ကွိုပေးဆနောတိုမူလောဂ်မယ်။ အယ်းအပှန် အမှင့်မှဂ်ဆုန်းဖှဂ်ရယ့်ဖရောဆန်ဟော် ကျယ်းဇူးကန်းတတ်ရယ့်ဆူမျောနောင့် မတရောရယ့်ဆူမျောကွိုတအွောင် ဆနောဂရုနော်ထောတိုမူရယ့်အတွကျွောင့် နန်တွို့ဟော် ဖရောဆန်ယယ့်ဆောဆမီးမျောအနေနောင့် သတ်မတ်ခေါင်ယော့လောဂ်မယ်။ 36နန်တွို့ယယ့်ဖော့ဖရောဆန်ဟော် နန်တွို့အပို ကျွီးမောရယ့် မေတ္တော်ဂရုနော်တိုနောင့်ပှယ့်စုန်သလွိုမျွိုး နန်တွို့ဟော်လယ်း အချောဆူမျောအပိုမောင်မေတ္တော် ဂရုနော်နောင့်ပှယ့်စုန်ကျော့ပေါ်” လွို့ မိင့်လေရယ်။ 37“အယ်းအပှင် ဆူတပေါကွို စီယန်ခှန်းမပှုကျော့နောင့်၊ အယ်းလွိုမောင့် ဖရောဆန်ယယ့်စီယန်ခှန်းကွိုလယ်း နန်တွို့ခေါင်ယော့မောင်မဟွိ။ ဆူတပေါကွို ခွမ့်ခွှဂ်ကျော့ပေါ်၊ အယ်းလွိုမောင့် နန်တွို့ဟော်လယ်း ခွမ့်ခွှဂ်ခှန်းခေါင်ယော့လောဂ်မယ်။ 38ဆူတပေါကွို ပေးကောင်းကျော့ပေါ်။ အယ်းလွိုလုတ်ယန် နန်တွို့ကွိုလယ်း ပေးကောင်းကျော့လောဂ်မယ်။ နန်တွို့ယယ့် တွောင်းထားကွို ပွိုပွီးဝမ်စေဖွို့ ဖိထည့်ပွီး ဘေးနောင်းဖိင့်စန်ကှော့ရယ့်အထိ မျောပနန်းရယ့်ပမောနော့ကွို ထည့်ပေးကျော့လောဂ်မယ်။ နန်တွို့ ခှိင်ပေးရယ့် ပမော်နော့အတောင်း နန်တွို့ကွို တောင်းတော်ခှိင်တွာဖွို့ ပေးကျော့လောဂ်မယ်” လွို့ မိင့်တိုမူရယ်။ 39အယ်းနွောဂ်မောင် ကွိုယ်တော်ဟော် ဆူတွို့ကွို ပုန်ဥဖမော်တခုနောင့် မိင့်တိုမူခှန်းခေါ့ “မျဂ်မမျိုတယွောဂ်ခေါ့ အချောမျဂ်မမျိုဆူတယွောဂ်ကွို ဦးဆွောင်လောင်းပျော့နောင်ပေါ့မ လော။ နေယွောဂ်စလုန်း တွားထားကွို ပွှိကှော့ဆိုးနောင်ရယ် မဟွိပေါ်လော။ 40ဆပယ့်ဟော် ဆရောထဂ် ပွိုပွီးဆော်တော်မဆိ။ ဟော်ပေမယ့်လယ်း ဆပယ့်ကွို အပှယ့်အဝို့လေ့ကှင့်ပေးယန် ဆူဟော် ဆူ့ယယ့်ဆရော်လွိုမျွိုး ဖှဂ်လော်လောဂ်မယ်။ 41နန်ဟော် နန့်မိင့်ဆွေယယ့် ဖွီမွိလွောဂ်ပယ့်ဆိရယ့် ဆေးငါရယ့်အမောတစုန်တခုကွို ဆတိမူပွီး နန့်ယယ့်မျဂ်လုန်းထားခေါ့ ဆဂ်တုန်းလွောဂ်ဆိရယ့် နန့်ယယ့် ကျွီးမောရယ့်အမောကွို ဆတိမထောဝါးနောင့် မနေဆန့်ပေါ်။ 42နန့်ယယ့်ကျွီးမောရယ့် အမောမျောကွို မဖှေဆန်းဆေးဝါးနောင့် နန့်ယယ့်မိင့်ဆွေကွို ‘မိင့်ဆွေ၊ နန့်ယယ့်ဆေးငါရယ့်အမောမျောကွို ငေါ်ပှန်ပေးပယော့စေ’ လွို့ဟိုးခှန်းဟော်မောရယ်။ အယ်းလွိုလုတ်ယန် နန်ဟော် ဆူတိုကွောင်းယွောင်ဆွောင်ရယ့်ဆူဖှဂ်လောဂ်မယ်။ ဦးဆုန်းပထမော့ နန့်ယယ့်အမောမျောကွို ပှန်ဆန်ဖွို့လွိုရယ်။ အယ်းယော်ပွီးမောင့်ပယ်း နန့်မိင့်ဆွေယယ့်ဆေးငါရယ့်အမောမျောကွို ပှန်ဆန်ဖွို့ နန်ကူညီပေးနောင်လောဂ်မောင် ဖှဂ်ရယ်” လွို့ မိင့်တိုမူရယ်။ 43တဖန် ကွိုယ်တော်ခေါ့ “ကွောင်းရယ့်အပန်ဟော် မကွောင်းရယ့်အဆီးကွို မဆီးနောင်သလွို မကွောင်းရယ့်အပန်ဟော်လယ်း ကွောင်းရယ့်အဆီးကွို ဆီးနောင်မောင်မဟွိဘူး။ 44အဆီးကွိုကျေ့ပွီး အပန်ယယ့်အကျွောင်းကွို ဆိဆနောင်ရယ်။ အကျွောင်းမောင်ကော ဆူးပန်ခေါ့နေ သဖန်းဆီးကွို မဆွဂ်နောင်သလွို ချုန်ပုတ်ခေါ့နေလယ်း စပျစ်ဆီးကွို ဆွဂ်လွို့ယော့မောင်မဟွိဘူး။ 45အယ်းလွိုမျွိုးပယ်း ကွောင်းရယ့်ဆူဟော် ဆူ့ယယ့်စိနလုန်းထားခေါ့ ကွောင်းရယ့်အယော်ကွိုပယ်း ထွိဖိုတတ်ရယ်။ မကွောင်းရယ့်ဆူဟော် ဆူ့ယယ့်စိနလုန်းထားခေါ့ မကွောင်းရယ့်အယော်ကွိုပယ်း ထွိဖိုတတ်ရယ်” လွို့ မိင့်တိုမူရယ်။ 46ကွိုယ်တော်ခေါ့ ဆဂ်ပွီး “နန်တွို့ဟော် ငေါ့စကောကွို နောမထွောင်ဝါးနောင့် စော်ကျွောင့်ငေါ့ကွို ‘ကွိုယ်တော်၊ ကွိုယ်တော်’ လွို့ခိုနေကျော့သလော။ 47ငေါ့နောင်းလော်ပွီး ငေါ့တရောတိုရယ်ကွိုကျောနော်ပွီး လောဂ်နော်ကျော့ရယ့်ဆူဟော် စလွိုလူနောင့်တူရယ့်အကျွောင်း နန်တွို့ကွို ငေါ်ဟိုးပျော့မယ်။ 48အယ်းလူဟော် ကွှောဂ်ခေါင်မှေပိုမောင် မှေကွိုနဂ်နဂ်တူးပွီး အိင်ဆွောဂ်ဆမောနောင့်တူရယ်။ အယ်းနွောဂ်မောင် ယေဖုန်းလွမ်းပွီး လှိုင်းလုန်းမျောရောဂ်ခေါဂ်ပေမယ့်လယ်း အယ်းအိင်ဟော် ကွောင်းကွောင်းအွိမှဂ်ခှော့ထောရယ့်အတွ လယ်းပွှိုခှန်းမဆိဝါးနောင့် ကျောင့်ကျောင့်ခေါင်နောင်ရယ်။ 49ဟော်ပေမယ့် ငေါ့ယယ့်တရောတိုရယ်ကွို ကျောနော်ပေမယ့်လယ်း မလောဂ်နော်ရယ့်ဆူမောင်ကော အွိမှဂ်မခှော့ဝါးနောင့် မှေပိုမောင် အိင်ဆွောဂ်ရယ့်ဆူနောင့်တူရယ်။ မှဂ်ယေဖုန်းလွမ်းပွီး အယ်းအိင်ကွိုရောဂ်ခေါဂ်ရယ့်အခေါ် ခှခှန်းပွှိုလယ်းပွီး အကွိင်အစန်ပျဂ်စီးဆိုးလေရယ်” လွို့မိင့်တိုမူလေရယ်။
Currently Selected:
Luke 6: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 6
6
1ဥပုသ်နေ့တနေ့မောင် ကွိုယ်တော်ယေရှုနောင့် ဆပယ့်တိုမျောဟော် ဂျုန်ခန်းမျောကွို ဖှဂ်ဆိုးကျော့ရယ့်အခှိင်မောင် ဆပယ့်တိုမျောခေါ့ ဂျုန်စယ့်မျောကွို ခူးယူပွီး အခွံမျောကွိုလဂ်နောင့် ပွဂ်ပွီးယန် အခွံကွိုဖာလောဂ်ပွီး ဂျုန်စယ့်မျောကွို စောကျော့လေရယ်။ 2ဟော်ပေမယ့် ဖာရိရှဲတခှို့ခေါ့ ကွိုယ်တော်ကွို “နန်တွို့ဟော် ဥပုသ်နေ့မောင် ပှုခွမ့်မဆိရယ့်အယော်ရယ်ကွို စော်ကျွောင့်ပှုလုတ်ကျော့ယော့သလော” လွို့ဆွိုကျော့ရယ်။ 3ကွိုယ်တော်ယေရှုခေါ့ “ချယ့်အယန်ခေါ့ ဘရန်ဒါဝိဒ်နောင့် ဆူ့ယယ့်နွောဂ်လောဂ်ရယ် မွဂ်လော်ရယ့်အခေါ် ဆူစော်လုတ်ခယ့်ရယ်ဆွိုတော်ကွို ကျောင်းစော်ထားမောင် နန်တွို့မဖတ်ကျော့သလော။ 4ဆူဟော် ဖရောဆန်ယယ့် အိင်တိုနောင်းကွိုဝမ်ပွီး ပုရောဟိတ်မျောပယ်းစောခွမ့်ဆိရယ့် သန့်ပွီးမှဂ်ရယ့်မွိတခှို့ကွိုယူပွီး စောရယ်။ အယ်းအပှန် ဆူ့ယယ့်အပွောင်းအဖိုတွို့ကွိုလယ်း ပေးခယ့်ရယ်” လွို့မိင့်တိုမူပွီးနွောဂ် ဆဂ်လဂ်ပွီးကွိုယ်တော်ခေါ့ 5“လူဆောတိုဖှဂ်ရယ့်ငေါ်ဟော် ဥပုသ်နေ့ယယ့်အဆန်သခန်ဖှဂ်ရယ်” လွို့ မိင့်လေရယ်။ 6တချောဥပုသ်နေ့မောင် ကွိုယ်တော်ဟော် ဓမ္မာရုန်မောင် ဟိုးကျောဆုန်းမော့နေခှိင် ညော်ဖဂ်လဂ်ဆေနေဆူတယွောဂ်ဆိနေလေရယ်။ 7အယ်းနေယော်မောင်ဆိနေကျော့ရယ့် ဖာရိရှဲနောင့် ကျောင်းတတ်ဆရော်တခှို့ဟော် ဥပုသ်နေ့မောင် လဂ်ရယ်ချေရယ်ဆေနေရယ့် လူတယွောဂ်ကွို ကုပေးပေါ်ကော့ စွပ်စွားစရော်အကျွောင်းပျော့ချဂ် ချော်တွိနောင်ဖွို့ အနီးကောဂ်စွောင့်ကျေ့နေကျော့ရယ်။ 8ဟော်ပေမယ့် အယ်းလူရယ် စလွိုမျွိုး တွယ်းတိုးကျောင်စည်နေကျော့ရယ်ဆွိုတော်ကွို ကွောင်းကွောင်းဆိဆလွို့ ကွိုယ်တော်ခေါ့ ဟော်ညော်ဖဂ်လဂ် ဆေနေဆူကွို “ထော့ပွီး လူအောလုန်းယယ့်ချယ့်မောင် မတ်ပေါ်” လွို့ မိင့်တိုမူရယ့်အခေါ် အယ်းလူဟော် ထော့ပွီး မတ်လေရယ်။ 9အယ်းနွောဂ်မောင် ကွိုယ်တော်ယေရှုခေါ့ “ငေါ်တွို့ယယ့်ပညောဂ်တရောတိုဟော် ဥပုသ်နေ့မောင် စော်အယော်တွို့ကွို ငေါ်တွို့ကွိုလုတ်ခွမ့်ပှုသလော။ ကွောင်းမုကွို လုတ်ဆန့်သလော မကွောင်းမုကွိုလုတ်ဆန့်သလော။ အယ်းလွိုမောင့်မဟွိ လူ့အဆဂ်ကွို ကာဆန့်သလော ဆတ်ဆန့်သလော” လွို့မေးတိုမူလေရယ်။ 10ဘေးပတ်ဝန်းကျန်မောင်ဆိရယ့်လူတွို့ကွို ခှယ့်ကျေ့လောဂ်ပွီး ညော်ဖဂ်လဂ်ဆေနေဆူကွို “နန့်ယယ့်လဂ်ကွို ဆန့်ထွိလောဂ်ပေါ်” လွို့မိင့်ဆွိုယော် အယ်းလူဟော်လယ်း လဂ်ကွိုဆန့်လောဂ်ပွီး ဆူ့ယယ့်လဂ်မောင် ပကတိအကွောင်းအတောင်း ဖှဂ်ဆိုးလေရယ်။ 11အယ်းအခေါ် ဖာရိရှဲမျောနောင့် ကျောင်းတတ်ဆရော်မျောဟော် တိုးဆော့အမှဂ်ထွပွီး ကွိုယ်တော်ယေရှုကွို စလွိုမျွိုးပှုယော့မယ်ဆွိုတော်ကွို အခှန်းခှန်းတောင်ပန်ကျော့လေရယ်။ 12အယ်းအခှိင်မောင် ကွိုယ်တော်ယေရှုဟော် ဝဂ်ပှုဆုတွောင်းဖွို့ တွောင်ပိုနောင်းတဂ်ဆိုးပွီး ဖရောဆန်နောင်းမောင်တညော့လုန်းဆု တွောင်းပွီး တညော့တော်အခှိင်ကွို ကွိင်ဆုန်းစေတိုမူရယ်။ 13မွိုးလန်းရယ့်အခေါ် ဆပယ့်တိုမျောကွိုa ဆူ့နောင်းကွို ခိုယူစုဝီးစေပွီး ဟော်ဆူတွို့ထားခေါ့မောင့် ဆာ့နေဦးကွို အထူးဆပယ့်တိုမျော အဖှဂ် ယွီးထွိတိုမူရယ်။ 14ဆူတွို့ထားမောင် ပေတရုလွို့ ကွိုယ်တော်ယေရှုနောင်မယ်ပေးခယ့်ရယ့် ရှိမုန်နောင့် ဆူ့ယယ့်တေဖှဂ်ဆူ အန္ဒြေ၊ ယာကုပ်၊ ယောဟန်၊ ဖိလိပ္ပု၊ ဗာသောလမဲ၊ 15မဿဲ၊ သောမ၊ အာလဖဲယယ့်ဆော ယာကုပ်၊ မျွိုးခှဂ်ပုဂ္ဂိုလ်လွို့ခိုကျော့ရယ့် ရှိမုန်၊ 16ယာကုပ်ယယ့်ဆော ယုဒနောင့် နွောင်အခေါ်မောင် ကွိုယ်တော်ယေရှုကွိုဆဂ်စော်ဖွောဂ်မယ့်ဆူ ယုဒရှကာရုတ်bတွို့ဖှဂ်ကျော့ရယ်။ 17အယ်းအခေါ်မောင် ကွိုယ်တော်ဟော် ဆူတွို့နောင့်အတူ တွောင်ပိုခေါ့နေ ကျို့ဆန်းလော်ပွီး မှေပျောင့်အရောဂ်မောင် မတ်တိုမူလေရယ်။ အယ်းနေယော်မောင် ဆပယ့်တိုမျောနောင့်အတူ ယုဒပှယ်၊ ဂျေရုဆလင်မွှို့၊ တုရုနောင့်ဇိဒုန်မွှို့ ကောင်းနောင်းတရွှောဂ်လုန်းမောင်ဆိရယ့် မွှို့အမျောတွို့ခေါ့နေ လူထုပရိတ်ဆတ်မျောတွို့ဟော်လယ်း ယွောဂ်ဆိနေကျော့ရယ်။ 18ဆူတွို့ဟော် ကွိုယ်တော်ယယ့်ဟိုးကျောသွန်သင်ချဂ်မျောကွို နော်ယူဖွို့နောင့် မိမိတွို့ယယ့် အနော်ရိုးကော်မျော ပျွောဂ်ကန်းစေခှန်းကွိုခေါင်ယူဖွို့ လော်ယွောဂ်ခှန်းဖှဂ်ရယ်။ မကွောင်းဆွိုးဝါး ပူးကောဂ်ခေါင်နေယော့ဆူမျောဟော်လယ်း အကွောင်းပကတိအတောင်း ဖှဂ်ကျော့လေရယ်။ 19ကွိုယ်တော်နောင်းခေါ့ ထွလော်ရယ့်တခွိုးတိုတွို့ဟော် ဆူတွို့ကွိုကျောင်းမောင်စေရယ့်အတွကျွောင့် လူထုပရိတ်ဆတ်အပွောင်းတွို့ဟော် ကွိုယ်တော်ယေရှုကွိုတွို့ထိဖွို့ ကျွိုးစောကျော့လေရယ်။ 20အယ်းနွောဂ်မောင် ကွိုယ်တော်ဟော် ဆူ့ဆပယ့်တိုတွို့ဖဂ်ကွို မျဂ်နော်မူပွီး ဆူတွို့ကွို “ဖရောဆန်ဟော် ဆားရားရယ့်လူမျောကွို ကွောင်းကျွိုးချောင်းဆော်အဖျော်ဖျော်ကွို ယော့ဆိစေမယ်။ ဖရောဆန်ယယ့် ဆော်ဆနော်တိုဟော်လယ်း ဟော်လူတွို့အတွဖှဂ်ရယ်။ 21ဖရောဆန်ဟော် ငတ်မွဂ်နေဆူမျောကွို စောဆွောဂ်စရော်အစုန်နောင့် ပှယ့်ဝို့ စေလောဂ်မယ်။ ဖရောဆန်ဟော် ငွိုကျွယ်းနေဆူမျောကွို ယာမိုးစေမယ်။ 22လူတွို့ဟော် လူဆောတိုcကျွောင့် နန်တွို့ကွို ငွိုးကျော့ရယ့်အခေါ်၊ ဆွောင်ကျော့ရယ့်အခေါ်၊ စိုကောဟိုးဆွိုရယ့်အခေါ်နောင့် နန့်နောင်မယ်ကွို ဆရယ်ဖျဂ်ဟိုးဆွိုကျော့ရယ့်အခေါ် နန်တွို့ဟော်မန်ဂလော်ဆိကျော့ရယ်။ 23အယ်းလွိုဖှဂ်ပေါ်ကော့ ဝုန်းဆော်အောယော့ ကော့ခွိင်ကျော့ပေါ်။ စော်ကျွောင့်လောဟန် ဆွယ်မွှို့တိုမောင် နန်တွို့ယော့ဆိမယ့်ဆုဟော် ကျွီးမောရယ်။ ချယ့်အယန်ခေါ့ခယန်း ဟော်ဆူတွို့ယယ့်ဖွိုးပွောင်တွို့ဟော်လယ်း ပရောဖက်တွို့ကွို အယ်းနည်းအတောင်းပယ်း ပှုမူခယ့်လွို့ဖှဂ်ရယ်” လွို့ မိင့်တိုမူရယ်။ 24ဟော်ပေမယ့် ချောင်းဆော်ရယ့်နန်တွို့ဟော် ကျွီးမောရယ့် ဒုက်ခေါ့ဆားရားနောင့် ကျုန်တွိကျော့ယော့လောဂ်မယ်။ အကျွောင်းမောင်ကော နန်တွို့ ယော့ဆိမယ့် ကွောင်းရယ့်အယော်အောလုန်းတွို့ကွို ခုဖဝို့မောင် ခေါင်စောယော့ခယ့်ပီအတွကျွောင့်ဖှဂ်ရယ်။ 25အခု ဝို့ဝို့လန်လန် စောဆွောဂ်ယော့ရယ့်နန်တွို့ဟော် ဒုက်ခေါ့ဆားရားနောင့် ကျုန်တွိယော့လောဂ်မယ်။ စော်ကျွောင့်လောဟန်ကော နန်တွို့ဟော် ငတ်မွဂ်ယော့ မယ့်အခှိင်ယွောဂ်လော်မောင်ဖှဂ်ရယ့် အတွကျွောင့်ဖှဂ်ရယ်။ အခု ယာမိုးနေရယ့်နန်တွို့ဟော် ဒုက်ခေါ့ဆားရားနောင့် ကျုန်တွိယော့လောဂ်မယ်။ စော်ကျွောင့်လောဟန်ကော နန်တွို့ဟော် ဝုန်းနယ်းပူဆွီးပွီး ငွိုကျော့ယော့မောင်ဖှဂ်ရယ့် အတွကျွောင့်ဖှဂ်ရယ်။ 26လူတွို့ဟော် နန်တွို့အကျွောင်းကွို ခှီးမွမ်းဟိုးဆွိုကျော့ ရယ့်အခေါ် နန်တွို့ဟော် ကျွီးမောရယ့်ဒုက်ခေါ့ဆားရားနောင့်ကျုန် တွိယော့လောဂ်မယ်။ စော်ကျွောင့်လောဟန်ကော အယ်းဆူတွို့ယယ့်ဖွိုးပွောင်တွို့ဟော်လယ်း အယ်းလွိုမျွိုးပယ်း အယွောင်ဆွောင်ထောရယ့်ပရောဖက်မျောကွို ခှီးမွမ်းခယ့် ကျော့လွို့ဖှဂ်ရယ်။ 27“ဟော်ပေမယ့် ကွိုယ်တော်ခေါ့ အခု နောထွောင်နေရယ့်နန်တွို့ကွို ငေါ်ဟိုးမယ်။ ရန်ဆူအပို မေတ္တော် ထောကျော့ပေါ်။ ကွိုယ့်ကွို ငွိုးနေရယ့်ဆူရယ်အပိုမောင် လယ်း ကွောင်းကွောင်းမွမ်မွမ် ဆဂ်ဆန်ကျော့ပေါ်။ 28နန်တွို့ကွို ကှိင်ဆားရယ့်ဆူကွိုလယ်း ကွောင်းကျွိုးရယ်ယော့စေဖွို့ ဖရောဆန်နောင်းမောင် ဆုတွောင်းပေးကျော့ပေါ်။ နန်တွို့ကွို ကာ့ရရယ့်ဆူအပွေါင်းတွို့ကွိုလယ်း ဆုတွောင်းပေးကျော့ပေါ်။ 29တစုန်တဦးခေါ့ နန့်ပေါတဖဂ်ကွိုရောဂ်ယန် နွောဂ်ပေါတဖဂ်ကွိုပေါ် ရောဂ်စေပေါ်။ တစုန်တဦးခေါ့ နန့်အပိုအန်းကှီကွို တွောင်းယန် နန့်ယယ့်အတွမ်းခေါင်အန်းကှီကွိုပေါ် ပေးလောဂ်ပေါ်။ 30နန့်နောင်းခေါ့ တစုန်တခုတွောင်းခေါင်လော် ဆူအပွေါင်းတွို့ကွိုလယ်း ပေးကောင်းကျော့ပေါ်။ တစုန်တယွောဂ်ခေါ့ နန့်ယယ့်ပစ္စည်းတွို့ကွို ယူထောပေါ်ကော့ အယ်းလူနောင်းခေါ့ပှန်ပွီး မတွောင်းကျော့နောင့်။ 31ကွိုယ့်ကွို ပှုမူဆဂ်ဆန်စေလွိုရယ့်အတောင်း ဆူတပေါအပိုမောင် ပှုမူဆဂ်ဆန်ပေးကျော့ပေါ်။ 32ကွိုယ့်ကွိုမေတ္တော်ထောဆူကွိုပယ်း ခှဂ်ခန်နေယန် ဖရောဆန်ခေါ့ နန့်ကွို စလွိုလုတ်ခှီးမွမ်းနောင်မလော။ စော်ကျွောင့်လောဟန်ကော အပှဂ်ဒုစရောက်ဆမောမျောခေါ့တအွောင် ဆူတွို့ကွို မေတ္တော်ထောရယ့်ဆူမျောကွို ပှန်ပွီးခှဂ်ခန်ကျော့ရယ်။ 33နန့်အပို ကွောင်းရယ့်ဆူမျောကွိုပယ်း နန်ဟော် ပှန်ကွောင်းနောင်ယန် ဖရောဆန်နောင်းခေါ့ ဆုလာဘ်ကွိုယော့ဆိဖွို့ မမျိုလန့်ကျော့နောင့်။ စော်ကျွောင့်လောဟန်ကော အပှဂ်ဒုစရောက်ဆမောမျောတအွောင် အယ်းလွိုမျွိုး လုတ်နောင်ကျော့ရယ်။ 34အယ်းအပှင် နန်တွို့ပှန်လည်ယော့ဆိမယ်လွို့ မျိုလန့်ပွီး ဆူတပေါကွို ခှေးငေါယန် ဖရောဆန်ဟော် နန်တွို့ကွို ခှီးမွမ်းမယ်လွို့ ထန်နေကျော့သလော။ အပှဂ်ဒုစရောဂ်ဆမောမျောတအွောင် ပေးရယ့်ပမောင်နောင့်အတောင်း ပှန်ယော့ဆိဖွို့ ဆူတွို့အခှန်းခှန်း ခှေးငေါတတ်ကျော့ရယ်။ 35ဟော်ပေမယ့် နန်တွို့ယယ့်ရန်ဆူကွိုခှဂ်ပေါ်။ ကွောင်းရယ့်အမုတွို့ကွိုပှုလုတ်ပေးပေါ်၊ ပှန်ယော့ယူလွိုစိနောင့် ခှေးငေါခှန်းမပှုကျော့နောင့်။ အယ်းလွိုပှုခှန်းကျွောင့် ဖရောဆန်ဟော် ကျွီးမောရယ့်ဆုလာဘ်ကွိုပေးဆနောတိုမူလောဂ်မယ်။ အယ်းအပှန် အမှင့်မှဂ်ဆုန်းဖှဂ်ရယ့်ဖရောဆန်ဟော် ကျယ်းဇူးကန်းတတ်ရယ့်ဆူမျောနောင့် မတရောရယ့်ဆူမျောကွိုတအွောင် ဆနောဂရုနော်ထောတိုမူရယ့်အတွကျွောင့် နန်တွို့ဟော် ဖရောဆန်ယယ့်ဆောဆမီးမျောအနေနောင့် သတ်မတ်ခေါင်ယော့လောဂ်မယ်။ 36နန်တွို့ယယ့်ဖော့ဖရောဆန်ဟော် နန်တွို့အပို ကျွီးမောရယ့် မေတ္တော်ဂရုနော်တိုနောင့်ပှယ့်စုန်သလွိုမျွိုး နန်တွို့ဟော်လယ်း အချောဆူမျောအပိုမောင်မေတ္တော် ဂရုနော်နောင့်ပှယ့်စုန်ကျော့ပေါ်” လွို့ မိင့်လေရယ်။ 37“အယ်းအပှင် ဆူတပေါကွို စီယန်ခှန်းမပှုကျော့နောင့်၊ အယ်းလွိုမောင့် ဖရောဆန်ယယ့်စီယန်ခှန်းကွိုလယ်း နန်တွို့ခေါင်ယော့မောင်မဟွိ။ ဆူတပေါကွို ခွမ့်ခွှဂ်ကျော့ပေါ်၊ အယ်းလွိုမောင့် နန်တွို့ဟော်လယ်း ခွမ့်ခွှဂ်ခှန်းခေါင်ယော့လောဂ်မယ်။ 38ဆူတပေါကွို ပေးကောင်းကျော့ပေါ်။ အယ်းလွိုလုတ်ယန် နန်တွို့ကွိုလယ်း ပေးကောင်းကျော့လောဂ်မယ်။ နန်တွို့ယယ့် တွောင်းထားကွို ပွိုပွီးဝမ်စေဖွို့ ဖိထည့်ပွီး ဘေးနောင်းဖိင့်စန်ကှော့ရယ့်အထိ မျောပနန်းရယ့်ပမောနော့ကွို ထည့်ပေးကျော့လောဂ်မယ်။ နန်တွို့ ခှိင်ပေးရယ့် ပမော်နော့အတောင်း နန်တွို့ကွို တောင်းတော်ခှိင်တွာဖွို့ ပေးကျော့လောဂ်မယ်” လွို့ မိင့်တိုမူရယ်။ 39အယ်းနွောဂ်မောင် ကွိုယ်တော်ဟော် ဆူတွို့ကွို ပုန်ဥဖမော်တခုနောင့် မိင့်တိုမူခှန်းခေါ့ “မျဂ်မမျိုတယွောဂ်ခေါ့ အချောမျဂ်မမျိုဆူတယွောဂ်ကွို ဦးဆွောင်လောင်းပျော့နောင်ပေါ့မ လော။ နေယွောဂ်စလုန်း တွားထားကွို ပွှိကှော့ဆိုးနောင်ရယ် မဟွိပေါ်လော။ 40ဆပယ့်ဟော် ဆရောထဂ် ပွိုပွီးဆော်တော်မဆိ။ ဟော်ပေမယ့်လယ်း ဆပယ့်ကွို အပှယ့်အဝို့လေ့ကှင့်ပေးယန် ဆူဟော် ဆူ့ယယ့်ဆရော်လွိုမျွိုး ဖှဂ်လော်လောဂ်မယ်။ 41နန်ဟော် နန့်မိင့်ဆွေယယ့် ဖွီမွိလွောဂ်ပယ့်ဆိရယ့် ဆေးငါရယ့်အမောတစုန်တခုကွို ဆတိမူပွီး နန့်ယယ့်မျဂ်လုန်းထားခေါ့ ဆဂ်တုန်းလွောဂ်ဆိရယ့် နန့်ယယ့် ကျွီးမောရယ့်အမောကွို ဆတိမထောဝါးနောင့် မနေဆန့်ပေါ်။ 42နန့်ယယ့်ကျွီးမောရယ့် အမောမျောကွို မဖှေဆန်းဆေးဝါးနောင့် နန့်ယယ့်မိင့်ဆွေကွို ‘မိင့်ဆွေ၊ နန့်ယယ့်ဆေးငါရယ့်အမောမျောကွို ငေါ်ပှန်ပေးပယော့စေ’ လွို့ဟိုးခှန်းဟော်မောရယ်။ အယ်းလွိုလုတ်ယန် နန်ဟော် ဆူတိုကွောင်းယွောင်ဆွောင်ရယ့်ဆူဖှဂ်လောဂ်မယ်။ ဦးဆုန်းပထမော့ နန့်ယယ့်အမောမျောကွို ပှန်ဆန်ဖွို့လွိုရယ်။ အယ်းယော်ပွီးမောင့်ပယ်း နန့်မိင့်ဆွေယယ့်ဆေးငါရယ့်အမောမျောကွို ပှန်ဆန်ဖွို့ နန်ကူညီပေးနောင်လောဂ်မောင် ဖှဂ်ရယ်” လွို့ မိင့်တိုမူရယ်။ 43တဖန် ကွိုယ်တော်ခေါ့ “ကွောင်းရယ့်အပန်ဟော် မကွောင်းရယ့်အဆီးကွို မဆီးနောင်သလွို မကွောင်းရယ့်အပန်ဟော်လယ်း ကွောင်းရယ့်အဆီးကွို ဆီးနောင်မောင်မဟွိဘူး။ 44အဆီးကွိုကျေ့ပွီး အပန်ယယ့်အကျွောင်းကွို ဆိဆနောင်ရယ်။ အကျွောင်းမောင်ကော ဆူးပန်ခေါ့နေ သဖန်းဆီးကွို မဆွဂ်နောင်သလွို ချုန်ပုတ်ခေါ့နေလယ်း စပျစ်ဆီးကွို ဆွဂ်လွို့ယော့မောင်မဟွိဘူး။ 45အယ်းလွိုမျွိုးပယ်း ကွောင်းရယ့်ဆူဟော် ဆူ့ယယ့်စိနလုန်းထားခေါ့ ကွောင်းရယ့်အယော်ကွိုပယ်း ထွိဖိုတတ်ရယ်။ မကွောင်းရယ့်ဆူဟော် ဆူ့ယယ့်စိနလုန်းထားခေါ့ မကွောင်းရယ့်အယော်ကွိုပယ်း ထွိဖိုတတ်ရယ်” လွို့ မိင့်တိုမူရယ်။ 46ကွိုယ်တော်ခေါ့ ဆဂ်ပွီး “နန်တွို့ဟော် ငေါ့စကောကွို နောမထွောင်ဝါးနောင့် စော်ကျွောင့်ငေါ့ကွို ‘ကွိုယ်တော်၊ ကွိုယ်တော်’ လွို့ခိုနေကျော့သလော။ 47ငေါ့နောင်းလော်ပွီး ငေါ့တရောတိုရယ်ကွိုကျောနော်ပွီး လောဂ်နော်ကျော့ရယ့်ဆူဟော် စလွိုလူနောင့်တူရယ့်အကျွောင်း နန်တွို့ကွို ငေါ်ဟိုးပျော့မယ်။ 48အယ်းလူဟော် ကွှောဂ်ခေါင်မှေပိုမောင် မှေကွိုနဂ်နဂ်တူးပွီး အိင်ဆွောဂ်ဆမောနောင့်တူရယ်။ အယ်းနွောဂ်မောင် ယေဖုန်းလွမ်းပွီး လှိုင်းလုန်းမျောရောဂ်ခေါဂ်ပေမယ့်လယ်း အယ်းအိင်ဟော် ကွောင်းကွောင်းအွိမှဂ်ခှော့ထောရယ့်အတွ လယ်းပွှိုခှန်းမဆိဝါးနောင့် ကျောင့်ကျောင့်ခေါင်နောင်ရယ်။ 49ဟော်ပေမယ့် ငေါ့ယယ့်တရောတိုရယ်ကွို ကျောနော်ပေမယ့်လယ်း မလောဂ်နော်ရယ့်ဆူမောင်ကော အွိမှဂ်မခှော့ဝါးနောင့် မှေပိုမောင် အိင်ဆွောဂ်ရယ့်ဆူနောင့်တူရယ်။ မှဂ်ယေဖုန်းလွမ်းပွီး အယ်းအိင်ကွိုရောဂ်ခေါဂ်ရယ့်အခေါ် ခှခှန်းပွှိုလယ်းပွီး အကွိင်အစန်ပျဂ်စီးဆိုးလေရယ်” လွို့မိင့်တိုမူလေရယ်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.