Torah 11
11
Babelot usol gĂłr
1Hẽttiyaror din okkolot šara duniyair mainše šude ek zubanot hota hoito edde hitarar baša aššilde o ek ḍoilla. 2Bade hitara fuk mikka agguwai zaite zaite Sinear dešot ekkan fuwainna zaga faiye edde heṛe hitara bošoti loiye.
3Hitara ekzone ar ekzonore hodde, "Aiyo, ãra iṠbanai edde hinore furaidi doro gori!" Hen hoi hitara fattoror bodole iṠedde mosollar bodole duna bebar goijje. 4Hitara aro hodde, "Aiyo, ãra ekkan ãralla šohor banai ar en ekkan usol gór banai ziyanor tuliye asman suibo, toi zene ãrar nam mošuhor o, edde ãrattu šara duniyait šiṛašitta oizagoi no fore!"
5Tarfore manuš okkole ze šohor edde usol gór bainde, hiyan saibolla Mabud nise laimme, 6edde hodde, "So, itara beggun ek zati edde ek zubanot hota hoiya okkol, itara ei ham gora šuru goijje, bade zaiyore itara ze kissu goribolla ereda loibo, ošombob kissu no oibo. 7Hetolla aiyo, ãra nise zai hitarar zubanore gulmal goridigoi toi zene hitara ekzone ar oinno zonor hota buzi no fare."
8Tarfore Mabude he zagattu hitarare duniyair hár mikka šiṛašitta gori diye. Henot hitarar šohor banaibar ham bondo oi giyegoi. 9Etolla he zagar nam oiyede Babel, ziyanor mani gulmal, haron Mabude šomosto duniyair zubanot gulmal bazaidiye. Mabude manuš okkolore hentu duniyair hár mikka šiṛašitta gori diye.
Šemor bongšo
10In oilde Šemor bongšo okkolor kahani.
Tuwan zai dui bosor bade, Šemor boyoš ekšot bosor zẽtte oiye, hiba Arpákšador baf oiye. 11Ar Šem Arpákšador baf oi bade, hiba aro fãs šot bosor basi aššil edde aro bout futziyain okkol oiye.
12Arpákšad tiriš fãs bosor boyošot, hiba Šelar baf oiye. 13Šelar baf oi bade, Arpákšad aro sair šo tin bosor basi aššil edde aro bout futziyain okkol oiye.
14Šelah tiriš bosor boyošot, hiba Eberor baf oiye. 15Ar Eberor baf oi bade, Šelah aro sair šo tin bosor basi aššil edde aro bout futziyain okkol oiye.
16Eber tiriš sair bosor boyošot, hiba Felegor baf oiye. 17Ar Felegor baf oi bade, Eber aro sair šo tiriš bosor basi aššil edde aro bout futziyain okkol oiye.
18Feleg tiriš bosor boyošot, hiba Reuror baf oiye. 19Reuror baf oi bade, Feleg dui šo no bosor basi aššil edde aro bout futziyain okkol oiye.
20Reu tiriš dui bosor boyošot, Serugor baf oiye. 21Serugor baf oi bade, Reu aro dui šo hãt bosor basi aššil edde aro bout futziyain okkol oiye.
22Serug tiriš bosor boyošot, hiba Nahuror baf oiye. 23Nahuror baf oi bade, Serug aro dui šo bosor basi aššil edde aro bout futziyain okkol oiye.
24Nahur ek kuri no bosor boyošot, hiba Ṭerar baf oiye. 25Ṭerar baf oi bade, Nahur aro ekšo unnuš bosor basi aššil edde aro bout futziyain okkol oiye.
26Ṭerah hoittor bosor boyošot, hiba Ibraim, Nahur edde Haranor baf oiye.
Ṭerar bongšo
27In oilde Ṭerar bongšor kahani.
Ṭerah aššilde Ibraim, Nahur edde Haranor baf. Ar Haran Lutor baf oiye. 28Kintu Haran hibar baf Ṭerar sarme hibar zormostan, Kaldiyar Ur šohorot moron oiye. 29Ibraim edde Nahur dunizone biya goijjil; Ibraimor bouwor nam aššil Sarai, ar Nahuror bou aššilde Haranor zi Milka, ar Haran aššilde Milka edde Jiskar baf. 30Sarai bázá aššil, hibattu hono futziyain no o.
31Ṭeraye hibar fut Ibraim edde hibar nati mani Haranor fut Lut edde hibar futor bou mani Ibraimor bou Saraire fũwati loiye edde itara beggune Kenan dešot zaibolla Kaldiyar Ur šohorottu ruwana diye. Ar hitara Harran foijjonto aiyore heṛe bošoti loiye.
32Ṭerah dui šo fãs bosor baisse, edde Harranot Ṭerar moron oiye.
Currently Selected:
Torah 11: rhgB
Highlight
Share
Copy
Want to have your highlights saved across all your devices? Sign up or sign in
Wycliffe Norway
