متّانین رئوایت 16
16
فرئسئلر و صادوقئلر بئر علامت ائسته یئرلر
1فرئسئلر ائنن صادوقئلر یاخینلاشیب، عئسانی ائمتاحان اله‌مک اوچون اوندان ائسته‌دئلر کی، اولارا گؤیدن بئر علامت گؤرسدسئن. 2آمّا عئسا اولارا جاواب ورئب ددی: «آخشام اولاندا دیئرسئز کی، ”هاوا ائستی اولاجاق، چونکی گؤی قیزاریبدیر.“ 3سحر واختی دا دیئرسئز: ”بو گون کولک اولاجاق، چونکی گؤی قیزارمیش و توتقوندور.“ گؤی اوزونون حالینی تعبئر الئیه بئلئرسئز، آمّا زامانین علامتلرئنی تعبئر الئیه بئلمئرسئز؟! 4شرور و زئناکار نسئل بئر علامت ائسته‌یئرلر؛ آمّا اولارا یونوس پیغمبرئن علامتئندن باشقا هچ بئر علامت ورئلمه‌یه‌جک.» پس اولاری بوراخیب گتدی.
فرئسئلرئن و صادوقئلرئن خمئرمایاسی
5شاگئردلر گؤلون او تایینا کچنده، چؤرک گؤتورمه‌یی یاددان چیخارتمیشدیلار. 6عئسا اولارا ددی: «دئقّتلی اولون! اؤزوزی فرئسئلرئن و صادوقئلرئن خمئرمایاسیندان اوزاق ساخلایین.» 7شاگئردلر آرالاریندا بحث اله‌یئب دیئردئلر: «چؤرک گؤتورمه‌دئیئمئزه گؤره بله دیئر.» 8عئسا بونی باشا دوشوب اولارا ددی: «ای آز ائمانلی‌لار! نه اوچون چؤرک گؤتورمه‌دئیئز باره‌ده اؤز آرازدا بحث اله‌یئرسئز؟ 9حله آنلامیرسیز؟ بش‌مئن آدام اوچون بش چؤره‌یی و نچه سبد ییغدیغیزی خاطیرلامیرسیز؟ 10دؤرد مئن آدام اوچون یدّی چؤره‌یی و نچه زنبئل ییغدیغیزی دا خاطیرلامیرسیز؟ 11نجه آنلامیرسیز کی، من سئزه فرئسئلرئن و صادوقئلرئن خمئرمایاسیندان اؤزوزی اوزاق ساخلایین دئینده، چؤره‌یی نظرده توتمامیشدیم؟» 12او زامان شاگئردلر آنلادیلار کی، عئسا چؤرک مایاسیندان یوخ، فرئسئلرئن و صادوقئلرئن تعلئمئندن اوزاق قالماقلارینی نظرده توتموشدی.
پطروسون مسئحی تانیماسی
13عئسا فئلئپ قیصرئیّه‌سی طرفلرئنه گلدئیی زامان، اؤز شاگئردلرئندن سوروشدی: «خالق دیئر ائنسان اوغلی کئمدئر؟» 14اولار جاواب وردئلر: «بعضئلری دیئرلر تعمئد ورن یحیا، بعضئلری دیئرلر ائلیا پیغمبر، بعضئلری ده دیئرلر اِرِمیا و یا پیغمبرلردن بئرئسی.» 15عئسا اولارا ددی: «سئز نه دیئرسئز؟ سئز دیئرسئز من کئمَم؟» 16شمعون پطروس جاواب ورئب ددی: «سن دئری تارینین اوغلی وعده ورئلن مسئحسن.» 17عئسا اونا ددی: «خوش سنئن حالینا، ای یونا اوغلی شمعون! چونکی بونی سنه جئسم و قان یوخ، بلکی گؤیده اولان آتام بئلدئردی. 18من ده سنه دیئرم کی، سن پطروس‌سان و من کئلئسامی بو داش اوستونده بئنا اِلئیه‌جه‌یم و اؤلولر دئیارینین قاپیلاری اونا قالئب گله بئلمه‌یه‌جکلر. 19گؤیون پادشاهلیغینین آچارلارینی سنه وره‌جه‌یم؛ یِر اوزونده باغلادیغین هر شی، گؤیده باغلانمیش اولاجاق و یِر اوزونده آچدیغین هر شی، گؤیده آچیلمیش اولاجاق.» 20او واخت عئسا شاگئردلرئنی چوخ جئدّی قدغن اله‌دی کی، اونون مسئح اولدوغونی هچ کسه دمه‌سئنلر.
عئسانین اؤلوب دئرئلمه‌سئنئن خبری
21او زاماندان عئسا باشلاییب شاگئردلرئنه خبر وردی کی، لازیمدیر اورشلئم شهرئنه گتسئن و آغساقّاللار، معبدئن باش کاهئنلری و تؤورات موعلّئملرئنئن طرفئندن چوخ عذاب چکئب، اؤلدورولسون و اوچونجی گونده دئرئلسئن. 22پطروس اونی بئر یانا چکدی و اعتئراض اله‌یئب ددی: «جانیندان ائراق آغا! سنئن باشینا بله بئر شی هچ واخت گلمز!» 23آمّا عئسا دؤنوب پطروسا ددی: «مندن اوزاق اول شیطان! سن منی بودره‌دن داشسان، چونکی سنئن فئکئرلرئن تارینین فئکئرلری دیئل، ائنسانین فئکئرلری‌دئر.»
24او زامان عئسا شاگئردلرئنه ددی: «هر کئم ائسته‌سه منئم دالیمجا گله، گرک اؤزونی ائنکار اِلئیه و چارمیخینی گؤتوروب، منئم دالیمجا گله. 25چونکی هر کئم جانینی قورتارماق ائسته‌سه، اونی اَلدَن وره‌جک. آمّا هر کئم منئم اوچون اؤز جانیندان کِچسه، اونی قازاناجاق. 26چونکی آدام اوچون نه فایداسی وار کی، بوتون دونیانی اَله گتئره، آمّا اؤز جانینی اَلدَن وره؟ ائنسان اؤز جانی عوضئنه نه وره‌بئلر؟
27چونکی ائنسان اوغلی آتاسینین جلالیندا اؤز ملکلری ائنن گله‌جک و او زامان هر کسه اؤز عملئنه گؤره عوض وره‌جک. 28دوغروسونی سئزه دیئرم کی، بوردا دورانلاردان بعضئسی وار کی، ائنسان اوغلونون اؤز پادشاهلیغیندا گلمه‌سئنی گؤرمه‌یئنجه اؤلومی دادمایاجاقلار.»
Currently Selected:
متّانین رئوایت 16: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّانین رئوایت 16
16
فرئسئلر و صادوقئلر بئر علامت ائسته یئرلر
1فرئسئلر ائنن صادوقئلر یاخینلاشیب، عئسانی ائمتاحان اله‌مک اوچون اوندان ائسته‌دئلر کی، اولارا گؤیدن بئر علامت گؤرسدسئن. 2آمّا عئسا اولارا جاواب ورئب ددی: «آخشام اولاندا دیئرسئز کی، ”هاوا ائستی اولاجاق، چونکی گؤی قیزاریبدیر.“ 3سحر واختی دا دیئرسئز: ”بو گون کولک اولاجاق، چونکی گؤی قیزارمیش و توتقوندور.“ گؤی اوزونون حالینی تعبئر الئیه بئلئرسئز، آمّا زامانین علامتلرئنی تعبئر الئیه بئلمئرسئز؟! 4شرور و زئناکار نسئل بئر علامت ائسته‌یئرلر؛ آمّا اولارا یونوس پیغمبرئن علامتئندن باشقا هچ بئر علامت ورئلمه‌یه‌جک.» پس اولاری بوراخیب گتدی.
فرئسئلرئن و صادوقئلرئن خمئرمایاسی
5شاگئردلر گؤلون او تایینا کچنده، چؤرک گؤتورمه‌یی یاددان چیخارتمیشدیلار. 6عئسا اولارا ددی: «دئقّتلی اولون! اؤزوزی فرئسئلرئن و صادوقئلرئن خمئرمایاسیندان اوزاق ساخلایین.» 7شاگئردلر آرالاریندا بحث اله‌یئب دیئردئلر: «چؤرک گؤتورمه‌دئیئمئزه گؤره بله دیئر.» 8عئسا بونی باشا دوشوب اولارا ددی: «ای آز ائمانلی‌لار! نه اوچون چؤرک گؤتورمه‌دئیئز باره‌ده اؤز آرازدا بحث اله‌یئرسئز؟ 9حله آنلامیرسیز؟ بش‌مئن آدام اوچون بش چؤره‌یی و نچه سبد ییغدیغیزی خاطیرلامیرسیز؟ 10دؤرد مئن آدام اوچون یدّی چؤره‌یی و نچه زنبئل ییغدیغیزی دا خاطیرلامیرسیز؟ 11نجه آنلامیرسیز کی، من سئزه فرئسئلرئن و صادوقئلرئن خمئرمایاسیندان اؤزوزی اوزاق ساخلایین دئینده، چؤره‌یی نظرده توتمامیشدیم؟» 12او زامان شاگئردلر آنلادیلار کی، عئسا چؤرک مایاسیندان یوخ، فرئسئلرئن و صادوقئلرئن تعلئمئندن اوزاق قالماقلارینی نظرده توتموشدی.
پطروسون مسئحی تانیماسی
13عئسا فئلئپ قیصرئیّه‌سی طرفلرئنه گلدئیی زامان، اؤز شاگئردلرئندن سوروشدی: «خالق دیئر ائنسان اوغلی کئمدئر؟» 14اولار جاواب وردئلر: «بعضئلری دیئرلر تعمئد ورن یحیا، بعضئلری دیئرلر ائلیا پیغمبر، بعضئلری ده دیئرلر اِرِمیا و یا پیغمبرلردن بئرئسی.» 15عئسا اولارا ددی: «سئز نه دیئرسئز؟ سئز دیئرسئز من کئمَم؟» 16شمعون پطروس جاواب ورئب ددی: «سن دئری تارینین اوغلی وعده ورئلن مسئحسن.» 17عئسا اونا ددی: «خوش سنئن حالینا، ای یونا اوغلی شمعون! چونکی بونی سنه جئسم و قان یوخ، بلکی گؤیده اولان آتام بئلدئردی. 18من ده سنه دیئرم کی، سن پطروس‌سان و من کئلئسامی بو داش اوستونده بئنا اِلئیه‌جه‌یم و اؤلولر دئیارینین قاپیلاری اونا قالئب گله بئلمه‌یه‌جکلر. 19گؤیون پادشاهلیغینین آچارلارینی سنه وره‌جه‌یم؛ یِر اوزونده باغلادیغین هر شی، گؤیده باغلانمیش اولاجاق و یِر اوزونده آچدیغین هر شی، گؤیده آچیلمیش اولاجاق.» 20او واخت عئسا شاگئردلرئنی چوخ جئدّی قدغن اله‌دی کی، اونون مسئح اولدوغونی هچ کسه دمه‌سئنلر.
عئسانین اؤلوب دئرئلمه‌سئنئن خبری
21او زاماندان عئسا باشلاییب شاگئردلرئنه خبر وردی کی، لازیمدیر اورشلئم شهرئنه گتسئن و آغساقّاللار، معبدئن باش کاهئنلری و تؤورات موعلّئملرئنئن طرفئندن چوخ عذاب چکئب، اؤلدورولسون و اوچونجی گونده دئرئلسئن. 22پطروس اونی بئر یانا چکدی و اعتئراض اله‌یئب ددی: «جانیندان ائراق آغا! سنئن باشینا بله بئر شی هچ واخت گلمز!» 23آمّا عئسا دؤنوب پطروسا ددی: «مندن اوزاق اول شیطان! سن منی بودره‌دن داشسان، چونکی سنئن فئکئرلرئن تارینین فئکئرلری دیئل، ائنسانین فئکئرلری‌دئر.»
24او زامان عئسا شاگئردلرئنه ددی: «هر کئم ائسته‌سه منئم دالیمجا گله، گرک اؤزونی ائنکار اِلئیه و چارمیخینی گؤتوروب، منئم دالیمجا گله. 25چونکی هر کئم جانینی قورتارماق ائسته‌سه، اونی اَلدَن وره‌جک. آمّا هر کئم منئم اوچون اؤز جانیندان کِچسه، اونی قازاناجاق. 26چونکی آدام اوچون نه فایداسی وار کی، بوتون دونیانی اَله گتئره، آمّا اؤز جانینی اَلدَن وره؟ ائنسان اؤز جانی عوضئنه نه وره‌بئلر؟
27چونکی ائنسان اوغلی آتاسینین جلالیندا اؤز ملکلری ائنن گله‌جک و او زامان هر کسه اؤز عملئنه گؤره عوض وره‌جک. 28دوغروسونی سئزه دیئرم کی، بوردا دورانلاردان بعضئسی وار کی، ائنسان اوغلونون اؤز پادشاهلیغیندا گلمه‌سئنی گؤرمه‌یئنجه اؤلومی دادمایاجاقلار.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company