متّانین رئوایت 8
8
عئسا جوذاملی بئر آداما شفا ورئر
1عئسا داغدان اِندئیی واخت، دالیسیجا بؤیوک بئر جاماعات گتدی. 2بو آرادا بئر جوذاملی گلدی و اونون قاباغیندا سجده اله‌یئب ددی: «یارب، اگر ائستیه‌سن، منی شفا وره‌بئلرسن.» 3عئسا اَلئنی اوزاتدی و اونون اوستونه قویوب ددی: «ائسته‌یئرم، شفا تاپ.» او آندا، جوذاملی آدام جوذامدان تمئزلندی. 4عئسا اونا ددی: «باخ، هچ کسه بئر سؤز دمه، آنجاق گت، اؤزونی معبدئن کاهئنئنه گؤرسد و موسانین بویوردوغی قوربانی تقدئم اِله کی، اولارا شهادت اولسون.»
روملی افسرئن ائمانی
5عئسا کفرناحوم شهرئنه گئرن واخت، بئر روملی اَفسر اونا یاخینلاشیب یالواردی: 6«یارب، نؤکرئم فلج اولوب، اِوده یاتیر و چوخ عذاب چکئر.» 7عئسا اونا ددی: «گلئب اونی شفا وره‌رم.» 8افسر جاواب ورئب ددی: «یارب، من لایئق دِیئلم، منئم دامیمین آلتینا گله‌سن. آمّا سن بئر کلمه دِه کی، قولوم صاغالسین. 9چونکی من اؤزوم ده، بئرئنئن اَلئنئن آلتیندا اولان مأمورام، اَلئمئن آلتیندا دا سربازلار وار. بئرئنه دیئرم ”گِت“ گِدئر، او بئرئنَه دیئرم ”گَل“ گلئر و قولوما دا دیئرم”بونی اِله“ او دا اله‌یئر.» 10عئسا بونی اِشئدن واخت، حیران قالدی و دالیسیجا گلن جاماعاتا ددی: «دوغروسونی سئزه دِیئرم کی حتّا، ائسرایئل خالقینین آراسیندا دا، بله بئر ائمانا راست گلمه‌مئشم.» 11سئزه دیئرم کی، شَرقدن و قَربدن چوخ آداملار گلئب، گؤیون پادشاهلیغیندا ائبراهئم پیغمبر، ائسحاق پیغمبر و یعقوب پیغمبر ائنن بئرلئکده سوفره باشیندا اوتوراجاقلار، 12آمّا بو پادشاهلیغین اوغوللاری چؤل قارانلیغینا آتیلاجاق؛ اوردا آغلاشما و دئش قیجیرتماسی اولاجاق.» 13سورا عئسا روملی افسره ددی: «گت، ائناندیغین کئمی اولسون.» نؤکر او آندا یاخشیلاشدی.
عئسا چوخ آداما شفا ورئر
14عئسا پطروسون اِوئنه گئرئب، گؤردی کی، اونون قایناناسی قیزدیرما ائچئنده یاتیب. 15اونون الئندن توتدی و آروادین قیزدیرماسی کسئلدی. او دا قالخیب اولارا خئدمت اله‌دی.
16گون باتان واختدا، ائبلئس روحا اسئر اولموش بئر چوخ آداملاری عئسانین یانینا گتئردئلر. او دا بئر سؤز ائنن روحلاری قوودی و ناخوشلارین هامیسینا شفا وردی، 17بو ائشلر اولدی کی اِشَعیا پیغمبرئن واسئطه‌سی ائنن دِیئلن سؤز یِرئنه یتئشسئن:
«او بئزئم ضعئفلئکلرئمئزی گؤتوردی،
و مَرضلرئمئزی داشیدی.»
عئسایا پِیرَو اولماغین باهاسی
18عئسا اطرافیندا بؤیوک بئر جاماعاتی گؤرن واخت، بویوردی: «گلئن گؤلون او تایینا کِچک.» 19بو زامان بئر تؤورات موعلّئمی گلئب، اونا ددی: «هارا گِده‌سن، من سنئن دالینجا گَله‌رَم.» 20عئسا اونا ددی: «تولکولرئن یوواسی، گؤی قوشلارینین دا یوواسی وار؛ آمّا ائنسان اوغلونون باشینی دایاماغا دا بئر یِری یوخدور.» 21آیری بئر شاگئرد عئسایا ددی: «آغا، قوی اوّل گدئم، آتام اؤلَنده اونی باسدیریم سورا گلئم.» 22آمّا عئسا اونا ددی: «سن منئم دالیمجا گل. قوی اؤلولر، اؤز اؤلولرئنی باسدیرسینلار.»
عئسا کوله یی یاتیردیر
23عئسا قاییغا مئندئیی زامان، شاگئردلری ده اونون دالیسیجا گتدئلر. 24بئردن‌بئره گؤلده بؤیوک بئر کولک باشلادی، اله کی، قاییق شپه‌لر ائنن اؤرتولدی. آمّا عئسا یاتمیشدی. 25شاگئردلر یاخینلاشدیلار و عئسانی اویادیب ددئلر: «بئزی نئجات ور یارب، آز قالیب آرادان گِدک!» 26عئسا اولارا ددی: «ای آز ائمانلی‌لار! نه اوچون قورخورسوز؟» سورا دوروب، یِله و سویا آجیقلاندی و بؤیوک بئر آراملیق دوشدی. 27آداملار مات قالیب بئربئرلرئنه دیئردئلر: «بو، کئمدئر کی، حتّا یِل و گؤل ده اوندان ائطاعت اله‌یئرلر؟»
ائبلئس روحا توتولموش ائکی آدام
28عئسا، گؤلون او تاییندا اولان «جده‌رئلرئن» منطقه‌سئه گلدئیی زامان، ائبلئس روحا توتولموش ائکی کئشئیه راست گلدی کی، قبئرئستاندان چیخیردیلار. اولار چوخ دلی ائدئلر و هچ کئم او یولدان کِچه بئلمزدی. 29بئردن باغیریب ددئلر: «ای تارینین اوغلی، بئز ائنن نه ائشئن وار؟ مگر بورا گلئبسن کی، واختیندان قاباق بئزه عذاب وره‌سن؟» 30اولاردان اوزاقدا بؤیوک بئر دونوز سوروسی یمک یِیئردئلر. 31او ائبلئس روحلار عئسایا یالواریب ددئلر: «اگر بئزی قوواجاقسان، بو دونوز سوروسونون ائچئنه یوللا.» 32عئسا اولارا ددی: «گئرئن.» اولار دا چیخیب، دونوزلارین ائچئنه گئردئلر. دونوز سوروسی ده، داغی اوزی آشاغی قاچدیلار و گؤله آتیلیب سودا بوغولدولار. 33دونوز چوبانلاری قاچدیلار و شهره گئرن واخت، بولارین هامیسینی و ائبلئس روحا توتولموشلارین باشینا گلن ائشلری خبر وردئلر. 34بونا گؤره، شهرئن بوتون خالقی عئسانین پئشوازینا چیخدیلار و اونی گؤرن زامان یالواردیلار کی، اولارین منطقه‌سئندن گتسئن.
Currently Selected:
متّانین رئوایت 8: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّانین رئوایت 8
8
عئسا جوذاملی بئر آداما شفا ورئر
1عئسا داغدان اِندئیی واخت، دالیسیجا بؤیوک بئر جاماعات گتدی. 2بو آرادا بئر جوذاملی گلدی و اونون قاباغیندا سجده اله‌یئب ددی: «یارب، اگر ائستیه‌سن، منی شفا وره‌بئلرسن.» 3عئسا اَلئنی اوزاتدی و اونون اوستونه قویوب ددی: «ائسته‌یئرم، شفا تاپ.» او آندا، جوذاملی آدام جوذامدان تمئزلندی. 4عئسا اونا ددی: «باخ، هچ کسه بئر سؤز دمه، آنجاق گت، اؤزونی معبدئن کاهئنئنه گؤرسد و موسانین بویوردوغی قوربانی تقدئم اِله کی، اولارا شهادت اولسون.»
روملی افسرئن ائمانی
5عئسا کفرناحوم شهرئنه گئرن واخت، بئر روملی اَفسر اونا یاخینلاشیب یالواردی: 6«یارب، نؤکرئم فلج اولوب، اِوده یاتیر و چوخ عذاب چکئر.» 7عئسا اونا ددی: «گلئب اونی شفا وره‌رم.» 8افسر جاواب ورئب ددی: «یارب، من لایئق دِیئلم، منئم دامیمین آلتینا گله‌سن. آمّا سن بئر کلمه دِه کی، قولوم صاغالسین. 9چونکی من اؤزوم ده، بئرئنئن اَلئنئن آلتیندا اولان مأمورام، اَلئمئن آلتیندا دا سربازلار وار. بئرئنه دیئرم ”گِت“ گِدئر، او بئرئنَه دیئرم ”گَل“ گلئر و قولوما دا دیئرم”بونی اِله“ او دا اله‌یئر.» 10عئسا بونی اِشئدن واخت، حیران قالدی و دالیسیجا گلن جاماعاتا ددی: «دوغروسونی سئزه دِیئرم کی حتّا، ائسرایئل خالقینین آراسیندا دا، بله بئر ائمانا راست گلمه‌مئشم.» 11سئزه دیئرم کی، شَرقدن و قَربدن چوخ آداملار گلئب، گؤیون پادشاهلیغیندا ائبراهئم پیغمبر، ائسحاق پیغمبر و یعقوب پیغمبر ائنن بئرلئکده سوفره باشیندا اوتوراجاقلار، 12آمّا بو پادشاهلیغین اوغوللاری چؤل قارانلیغینا آتیلاجاق؛ اوردا آغلاشما و دئش قیجیرتماسی اولاجاق.» 13سورا عئسا روملی افسره ددی: «گت، ائناندیغین کئمی اولسون.» نؤکر او آندا یاخشیلاشدی.
عئسا چوخ آداما شفا ورئر
14عئسا پطروسون اِوئنه گئرئب، گؤردی کی، اونون قایناناسی قیزدیرما ائچئنده یاتیب. 15اونون الئندن توتدی و آروادین قیزدیرماسی کسئلدی. او دا قالخیب اولارا خئدمت اله‌دی.
16گون باتان واختدا، ائبلئس روحا اسئر اولموش بئر چوخ آداملاری عئسانین یانینا گتئردئلر. او دا بئر سؤز ائنن روحلاری قوودی و ناخوشلارین هامیسینا شفا وردی، 17بو ائشلر اولدی کی اِشَعیا پیغمبرئن واسئطه‌سی ائنن دِیئلن سؤز یِرئنه یتئشسئن:
«او بئزئم ضعئفلئکلرئمئزی گؤتوردی،
و مَرضلرئمئزی داشیدی.»
عئسایا پِیرَو اولماغین باهاسی
18عئسا اطرافیندا بؤیوک بئر جاماعاتی گؤرن واخت، بویوردی: «گلئن گؤلون او تایینا کِچک.» 19بو زامان بئر تؤورات موعلّئمی گلئب، اونا ددی: «هارا گِده‌سن، من سنئن دالینجا گَله‌رَم.» 20عئسا اونا ددی: «تولکولرئن یوواسی، گؤی قوشلارینین دا یوواسی وار؛ آمّا ائنسان اوغلونون باشینی دایاماغا دا بئر یِری یوخدور.» 21آیری بئر شاگئرد عئسایا ددی: «آغا، قوی اوّل گدئم، آتام اؤلَنده اونی باسدیریم سورا گلئم.» 22آمّا عئسا اونا ددی: «سن منئم دالیمجا گل. قوی اؤلولر، اؤز اؤلولرئنی باسدیرسینلار.»
عئسا کوله یی یاتیردیر
23عئسا قاییغا مئندئیی زامان، شاگئردلری ده اونون دالیسیجا گتدئلر. 24بئردن‌بئره گؤلده بؤیوک بئر کولک باشلادی، اله کی، قاییق شپه‌لر ائنن اؤرتولدی. آمّا عئسا یاتمیشدی. 25شاگئردلر یاخینلاشدیلار و عئسانی اویادیب ددئلر: «بئزی نئجات ور یارب، آز قالیب آرادان گِدک!» 26عئسا اولارا ددی: «ای آز ائمانلی‌لار! نه اوچون قورخورسوز؟» سورا دوروب، یِله و سویا آجیقلاندی و بؤیوک بئر آراملیق دوشدی. 27آداملار مات قالیب بئربئرلرئنه دیئردئلر: «بو، کئمدئر کی، حتّا یِل و گؤل ده اوندان ائطاعت اله‌یئرلر؟»
ائبلئس روحا توتولموش ائکی آدام
28عئسا، گؤلون او تاییندا اولان «جده‌رئلرئن» منطقه‌سئه گلدئیی زامان، ائبلئس روحا توتولموش ائکی کئشئیه راست گلدی کی، قبئرئستاندان چیخیردیلار. اولار چوخ دلی ائدئلر و هچ کئم او یولدان کِچه بئلمزدی. 29بئردن باغیریب ددئلر: «ای تارینین اوغلی، بئز ائنن نه ائشئن وار؟ مگر بورا گلئبسن کی، واختیندان قاباق بئزه عذاب وره‌سن؟» 30اولاردان اوزاقدا بؤیوک بئر دونوز سوروسی یمک یِیئردئلر. 31او ائبلئس روحلار عئسایا یالواریب ددئلر: «اگر بئزی قوواجاقسان، بو دونوز سوروسونون ائچئنه یوللا.» 32عئسا اولارا ددی: «گئرئن.» اولار دا چیخیب، دونوزلارین ائچئنه گئردئلر. دونوز سوروسی ده، داغی اوزی آشاغی قاچدیلار و گؤله آتیلیب سودا بوغولدولار. 33دونوز چوبانلاری قاچدیلار و شهره گئرن واخت، بولارین هامیسینی و ائبلئس روحا توتولموشلارین باشینا گلن ائشلری خبر وردئلر. 34بونا گؤره، شهرئن بوتون خالقی عئسانین پئشوازینا چیخدیلار و اونی گؤرن زامان یالواردیلار کی، اولارین منطقه‌سئندن گتسئن.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company