متّای انجیل 8
8
جذامی مردکاکه شفا
1وختی عیسی کوهَ جی جیر بومَه، خیلی جمعّیت اونه دومبالسر راه دکتن. 2هی میئنه یکته جذامی مردکای اونه ورجه بومَه و اونه پِا جیر بکته و بوته: «آقا، اگه بخوأی تینی مه شفا بدی.» 3عیسی خوشِ دستِ درازه گوده، اونه سر، دست بکشه و بوته: «خوانم، شفا بگیر!» هو دم اونه جزام پَکه بو. 4بازین عیسی اونه بفرماسته: «واخوب ببو که، ایی قضیه هیشکسِ به نوگوی، اما بشو تَه کاهین نیشؤن بدی و پیشکشی که موسی بوته، تقدیم بکون تا اوشونه بِه گوائی ببی.»
یکته ارتشی رومی ایمون
5وختی عیسی کفرناحوم دیرون بوشو، یکته ارتشی رومی اونه ورجه بومَه و التماس اَمره 6اونه بوته: «آقا، می خدمتکار فلجِ و خونه میئن خوته و خیلی درد کشِئدره.» 7عیسی بوته: «مو هنم و اونه شفا دِئنم.» 8ارتشی جواب بده: «آقا، مو قابیل نییَم که تو می خونه بأی. فقط یه چی بگو که می خدمتکار شفا هگینه. 9چونکه مو خودمم مرداکی ایسّم فرمونبر. سربازؤنییم می دست جیر دئنم. یکتَه بوگؤم، ”بشو،“ شنه و اویکته بوگؤم، ”بیأ “ هنه. می غلؤم بوگؤم، ”ایی کار بکون،“ کوئنه.» 10عیسی وختی اونه گبؤنِ بشتؤسه، ماتَ بو و اوشؤنی که اونه دومبالسر أمَئدبوئن، بوته: «راست راستِ شمره گونم که، ایجور ایمؤن حتّی اسرائیلِ میئنم ندِئم. 11و شمره گونم که خیلی‌أن شرق و غربای هنن و آسمؤنِ پادشاهی میئن، ابراهیم واسحاق و یعقوبِ اَمره یکته سفره‌سر نیشَنن، 12ولی اوشونی که آسمون پادشاهی شی ایسّن، بیرون، تاریکی میئن باگده بنن، اوره که ونگ زئنین و گازِ گازِ سر سوئنین!» 13بازین او ارتشی رومیِ بوته:«بشو! عین تی ایمؤن تَه هَدأ بنه.» هو دم اونه خدمتکار شفا هیته.
عیسی خیلی‌أنِ شفا دئنه
14وختی عیسی پطرسِ خونه بوشو، اونه زومئرِ بدِه که خیلی تب بُودهبو و جا مِئن خوته بو. 15عیسی اونه دست بزه و اونه تب قطعه بوُ. پس او ویریسا و عیسی جی پذیرائی بُوده.
16غروب دَمی خیلی از دیوبزه کوئنه اونه ورجه بأردن و او خوشِ کلامِ اَمره، ارواحِ اوشأناجی بیرونَ گوده و هَمّه دنه ناخوشونِ شفا بده. 17ایطو بوکه، اِشعیای پیغمبر پیشگوئی حقیقت پیدا گوده که:
«او امه دردؤنه ویته
و امه ناخوشی أنِ ببرده.»
عیسی دومبالَ گودن بها
18وختی عیسی بدِه که مردوم اونهورجه جومَه بوئن، اَمر بوده: «اوطرف دریا بشیم.» 19هووخت یکته توراتِ معلم، اونه ورجه بومَه و بوته: «ای اوستاد، هر جا بشی، تی دومبالسر هنم.» 20عیسی جواب بده: «شالؤن خوشؤنِ لونه دَئنن و آسمون پرنده أن فک، امّا انسون ریکه جا ندَئنه خوشِ سرِ بنای.» 21یکته شاگردِ دیگه عیسی بوته: «آقا، اوّل اجازه بدی تا بوشُوئم و می پئره بمورده پس گلَ کونم و بَئم.» 22امّا عیسی اونه بوته: «مه دومبالَ کون و بنی مردهأن، خوشؤنِ مُردهأنِ گلَ کونن.»
کولاکِ آرؤمَ گودن
23بازین عیسی نوئه سواره بوُ و اونه شاگردؤن اونه دومبالسر بوشُوئن. 24یدفاری یکته پیله کولاک اوشونه بِیته، جوری که نزدیک بو کولاک نوئه دکوشؤنی. امّا عیسی خوته بو. 25پس شاگردؤن بومئن و عیسی ویریسونِئن و بوُتن: «آقا، چیزی نومؤنسه دمیریم؛ اَمره نجات بدی!» 26عیسی جواب بده: «ای کم ایمؤنؤن، چرِء ایطؤ بترسین؟» بازین ویریسا و باد و کولاکِ تشر بزه و کولاکِ بخوسؤنه. 27اوشون حیرونَ بؤ همدیگرای بپورسِئن: «ایی چی جور آدمیایسه؟ حتّی باد و کولاکم اونای فرمون بِئنن!»
دوته دیو بزه مرداکِ شفا
28وختی عیسی جَدریان منطقه که، او طرفِ دریا هنه بو، برسه، دوته دیو بزه مرداک که قبرستؤنای بیرون شوئودبون، اونه بدِئن. او دوته اینقدر وحشی بؤئن که هیشکس منیس او راهَ جی ردّ بی. 29اوشؤن فریاد بزِئن: «تو امه اَمره چی کار دئنی، ای عیسی، خدای متعال ریکای؟ بومای پیشتر از وختی که باء عذاب بکشیم، اَمره عذاب بدی؟» 30اَنی اوشأنای اوشتر یکته پیله گله خوک غذا خورده دبون. 31دیوؤن، عیسی منت گودن و گوتن: «اگه اَمره بیرونَ کادری، خوکؤنِ گلّه میِئن سرادی.» 32عیسی اوشونه بوته: «بشین!» دیوؤن بیرون بومَئن و خوکونِ میئن بوشوُن و تمؤمِ گلّه، فوتولَ بوئن و پشته جورای دریا میئن دکتن و دموردَن. 33خوکبونؤن فرار بودَن و شهر سو بوشوئن و تموم ایی اتفاق و اوچیزی که دیوبزِئنه بِه اتفاق دکته بو، تعریف بودَن. 34بازین تمومِ شهرِ مردوم، عیسی دِئَنه بِه بیرون بومئن و وختی اونه بدئن، اونه منت بودَن که اوشونه منطقه جی بشی.
Currently Selected:
متّای انجیل 8: EGB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّای انجیل 8
8
جذامی مردکاکه شفا
1وختی عیسی کوهَ جی جیر بومَه، خیلی جمعّیت اونه دومبالسر راه دکتن. 2هی میئنه یکته جذامی مردکای اونه ورجه بومَه و اونه پِا جیر بکته و بوته: «آقا، اگه بخوأی تینی مه شفا بدی.» 3عیسی خوشِ دستِ درازه گوده، اونه سر، دست بکشه و بوته: «خوانم، شفا بگیر!» هو دم اونه جزام پَکه بو. 4بازین عیسی اونه بفرماسته: «واخوب ببو که، ایی قضیه هیشکسِ به نوگوی، اما بشو تَه کاهین نیشؤن بدی و پیشکشی که موسی بوته، تقدیم بکون تا اوشونه بِه گوائی ببی.»
یکته ارتشی رومی ایمون
5وختی عیسی کفرناحوم دیرون بوشو، یکته ارتشی رومی اونه ورجه بومَه و التماس اَمره 6اونه بوته: «آقا، می خدمتکار فلجِ و خونه میئن خوته و خیلی درد کشِئدره.» 7عیسی بوته: «مو هنم و اونه شفا دِئنم.» 8ارتشی جواب بده: «آقا، مو قابیل نییَم که تو می خونه بأی. فقط یه چی بگو که می خدمتکار شفا هگینه. 9چونکه مو خودمم مرداکی ایسّم فرمونبر. سربازؤنییم می دست جیر دئنم. یکتَه بوگؤم، ”بشو،“ شنه و اویکته بوگؤم، ”بیأ “ هنه. می غلؤم بوگؤم، ”ایی کار بکون،“ کوئنه.» 10عیسی وختی اونه گبؤنِ بشتؤسه، ماتَ بو و اوشؤنی که اونه دومبالسر أمَئدبوئن، بوته: «راست راستِ شمره گونم که، ایجور ایمؤن حتّی اسرائیلِ میئنم ندِئم. 11و شمره گونم که خیلی‌أن شرق و غربای هنن و آسمؤنِ پادشاهی میئن، ابراهیم واسحاق و یعقوبِ اَمره یکته سفره‌سر نیشَنن، 12ولی اوشونی که آسمون پادشاهی شی ایسّن، بیرون، تاریکی میئن باگده بنن، اوره که ونگ زئنین و گازِ گازِ سر سوئنین!» 13بازین او ارتشی رومیِ بوته:«بشو! عین تی ایمؤن تَه هَدأ بنه.» هو دم اونه خدمتکار شفا هیته.
عیسی خیلی‌أنِ شفا دئنه
14وختی عیسی پطرسِ خونه بوشو، اونه زومئرِ بدِه که خیلی تب بُودهبو و جا مِئن خوته بو. 15عیسی اونه دست بزه و اونه تب قطعه بوُ. پس او ویریسا و عیسی جی پذیرائی بُوده.
16غروب دَمی خیلی از دیوبزه کوئنه اونه ورجه بأردن و او خوشِ کلامِ اَمره، ارواحِ اوشأناجی بیرونَ گوده و هَمّه دنه ناخوشونِ شفا بده. 17ایطو بوکه، اِشعیای پیغمبر پیشگوئی حقیقت پیدا گوده که:
«او امه دردؤنه ویته
و امه ناخوشی أنِ ببرده.»
عیسی دومبالَ گودن بها
18وختی عیسی بدِه که مردوم اونهورجه جومَه بوئن، اَمر بوده: «اوطرف دریا بشیم.» 19هووخت یکته توراتِ معلم، اونه ورجه بومَه و بوته: «ای اوستاد، هر جا بشی، تی دومبالسر هنم.» 20عیسی جواب بده: «شالؤن خوشؤنِ لونه دَئنن و آسمون پرنده أن فک، امّا انسون ریکه جا ندَئنه خوشِ سرِ بنای.» 21یکته شاگردِ دیگه عیسی بوته: «آقا، اوّل اجازه بدی تا بوشُوئم و می پئره بمورده پس گلَ کونم و بَئم.» 22امّا عیسی اونه بوته: «مه دومبالَ کون و بنی مردهأن، خوشؤنِ مُردهأنِ گلَ کونن.»
کولاکِ آرؤمَ گودن
23بازین عیسی نوئه سواره بوُ و اونه شاگردؤن اونه دومبالسر بوشُوئن. 24یدفاری یکته پیله کولاک اوشونه بِیته، جوری که نزدیک بو کولاک نوئه دکوشؤنی. امّا عیسی خوته بو. 25پس شاگردؤن بومئن و عیسی ویریسونِئن و بوُتن: «آقا، چیزی نومؤنسه دمیریم؛ اَمره نجات بدی!» 26عیسی جواب بده: «ای کم ایمؤنؤن، چرِء ایطؤ بترسین؟» بازین ویریسا و باد و کولاکِ تشر بزه و کولاکِ بخوسؤنه. 27اوشون حیرونَ بؤ همدیگرای بپورسِئن: «ایی چی جور آدمیایسه؟ حتّی باد و کولاکم اونای فرمون بِئنن!»
دوته دیو بزه مرداکِ شفا
28وختی عیسی جَدریان منطقه که، او طرفِ دریا هنه بو، برسه، دوته دیو بزه مرداک که قبرستؤنای بیرون شوئودبون، اونه بدِئن. او دوته اینقدر وحشی بؤئن که هیشکس منیس او راهَ جی ردّ بی. 29اوشؤن فریاد بزِئن: «تو امه اَمره چی کار دئنی، ای عیسی، خدای متعال ریکای؟ بومای پیشتر از وختی که باء عذاب بکشیم، اَمره عذاب بدی؟» 30اَنی اوشأنای اوشتر یکته پیله گله خوک غذا خورده دبون. 31دیوؤن، عیسی منت گودن و گوتن: «اگه اَمره بیرونَ کادری، خوکؤنِ گلّه میِئن سرادی.» 32عیسی اوشونه بوته: «بشین!» دیوؤن بیرون بومَئن و خوکونِ میئن بوشوُن و تمؤمِ گلّه، فوتولَ بوئن و پشته جورای دریا میئن دکتن و دموردَن. 33خوکبونؤن فرار بودَن و شهر سو بوشوئن و تموم ایی اتفاق و اوچیزی که دیوبزِئنه بِه اتفاق دکته بو، تعریف بودَن. 34بازین تمومِ شهرِ مردوم، عیسی دِئَنه بِه بیرون بومئن و وختی اونه بدئن، اونه منت بودَن که اوشونه منطقه جی بشی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company