کارَلِ رسولَل 20
20
پولُس مِنِه مقدونیَه وِ یونان
1وختی خَلَقی خُوسی، پولُس شاگردلَه صیا کِه وِ بعدَ تشویق کِردَنِشون، باشون خدافِظی کِه وِ عازمِ مقدونیَه وابی. 2وِّ سَرِ رَش وَ او منطقهیَل که رَی ایابی، وَ ایموندارَل بِی گَپَلِش مَهلی دلگرمی ایدا، تا رَسی وَ یونان. 3سه ماه وُچِه وِیسا. موقِی که ایخواس بِی کشتی بِرَه وَ سوریَه، یَهودییَل وَ ضِدِش نَخشَه کَشییِن. پَ تصمیم گِرُت وَ رَه مقدونیَه وَرگَردِه. 4هُمرَیَلِش اینگَل بییِن، سوپاتِر کِرِ پیرروس وَ مَردِمونِ بیریَه، آریستارخوس وُ سِکوندوس وَ مَردِمونِ تِسالونیک، گایوس وُ تیموتائوس وَ مَردِمونِ دِربَه، تیخیکوس وُ تروفیموس وَ مَردِمونِ منطقۀ آسیا. 5اونگَل نِهِی ایما رَتِن وِ مِنِه تروآس بَندیرِمون وابییِن. 6امّا ایما بعدَ عیدِ فطیر، بِی کشتی وَ فیلیپی رُونَه وابیئیم وِ بَعدَ پنج رو، مِنِه تروآس رَسییم وَشون وِ هَفت رو وُچِه وِیسِیم.
زِندَه وابییَنِ اِفتیخوس
7مِنِه روزِ اَوَلِ هفتَه، سی شومِ خداوند جَم وابیئیم. پولُس بِی مردم صُبت ایکِه، وِ سییِکِه ایخواس صَباش وَ وُچِه بِرَه، گَپَلِش تا نِصفه شُو طول کَشی. 8مِنِه بالاحونهای که جَم وابییَه بیئیم، مَهلی چراغ روشن بی. 9هَمیطو که پولُس هنی داشت گَپ ایزَه، جَوونی وَ نومِ اِفتیخوس که نِشَسَه بی طِی پَنجِرَه، یواش یواش وَ خو سنگینی رَت وِ یِه دَفَه وَ طبقۀ سوم اُفتا دومِن وُ وِّ نَه مُردَه وَگِرُتِن. 10پولُس رَت دومِن، خَل وابی وَ ری مِردِ جوون وُ وِّ نَه گِرُت مِنِه بغل وِ گُت: «زَلَتون مَرَه، هَنی جون دارِه!» 11اوسِه رَت وَ بالا وِ نونَه تِکَه کِه وِ خَه. وِّ تا شَفَق باشون صُبت کِه، وِ اوسِه وَ وُچِه رَت. 12مردم او جَوونَه زندَه بُردِن وَ حونَه وِ یِکِلی دلگرمی گِرُتِن.
13امّا ایما نِهِی وِّ سُوارِ کشتی وابیئیم، رُونۀ آسوس وابیم تا وُچِه طبقِ قرارِ پولُس، وِّ نَه بیاریم مِنِه کشتی، سییِکِه خواسَه بی وَ رَه خشکی بِرَه تا وُچو. 14پَ وختی پولُسَ مِنِه آسوس دیئیم، وِّ نَه آوُردیم مِنِه کشتی وِ رَتیم وَ میتیلینی. 15وَ وُچِه بِی کشتی رُونَه وابیئیم وِ صَباش رَسییم وَ جِلو جزیرۀ خیوس. صَبِی او روز رَتیم وَ ساموس وِ صَباش، رَسییم وَ میلیتوس. 16پولُس ایخواس وَ رَه دریا وَ هیبِی اَفِسُس رَی وابو تا وختِشَه مِنِه منطقۀ آسیا تَلَف نَکِنِه، سییِکِه هولَکی بی که اَر وابو، عیدِ پنتیکاست مِنِه اورشلیم بو.
17وِّ وَ شهرِ میلیتوس پِیومی بِسی کِه وَ اَفِسُس وِ شیخَلِ کلیسا نَه خواس طِی خُوش. 18وختی اونگَل اومَن، وَشون گُت: «ایشا دونیت که وَ هَمو روزِ اَوَل که پامَه نَهام مِنِه منطقۀ آسیا، چطو تَمومِ وَختِمَه باتون سَر کِردِمِه. 19چطو بِی کوچِکنظمی وِ بِی خَرس رِتَن خداوندَ خذمت کِردِمِه، چطو سختییَلی نَه که وَ خاطرِ نَخشهیَلِ یَهودییَل وَ سَرُم رَتِه، تحمل کِردِمِه. 20ایشا دونیت که چطو وَ هر چیئی که وَ نفعِتون بی، دریغ نَکِردِمِه، بلکم پِیومَه سی ایشا اعلام کِردِمِه، چه مِنِه جَمع وِ چه مِنِه حونهیَل، تعلیمتون دامِه. 21هَم وَ یَهودییَل وِ هَم وَ یونانییَل هر دتاشون، شهادت دامِه که باید بِی توبَه وَرگَردِن وَ طرفِ خدا وِ ایمون بیارِن وَ خداوندِ ایما عیسی مسیح.»
22«وِ ایسِه، بِی الزامِ روحالقدس ایرَم وَ اورشلیم وِ نونُم وُچِه چِه وَ سَرِم ایا؛ 23غیرَ یِکِه مِنِه هر شهر روحالقدس هشتار اییِه که زندان وِ سختی وَ نَهامِه. 24امّا حتی جونِمَه سی خُوم بیارزش دونُم، تِنا اَر بِتَرُم دورِ خِمَه تَموم کِنُم وِ خذمتی نَه که خداوند عیسی وَ دَسِ مِ دایِه، وَ خوبی اَنجوم بییُم، او خذمتی که هَمو شهادتِ اِنجیلِ فیضِ خدایَه.»
25«ایسِه دَ دونُم هیچ کویَکی وَ ایشا که مِ مابینتون بییِمِه وِ خَوَرِ خَشِ پادشاییِ خدا نَه وَتون اعلام کِردِمِه، دَ ری مِنَه نیبینیت. 26پَ اُمرو وَتون شهادت اییُم که خینِ هیشکَه وَ نِی مِ نی، 27سییِکِه مِ تَمومِ کلامِ خدا نَه بیکمِ کاست وَتون اعلام کِردِمِه. 28حَواسِتون خوب وَ خِتون وِ تمومِ گَلهای بو که روحالقدس ایشا نَه ناظِرَلِ وِه کِردِه، تا کلیسِی خداوندَ که وِه نَه بِی خینِ خِش اِسَیِه، چِپونی کِنیت. 29مِ دونُم بعدَ رَتَنُم، گُرگَلِ دَرَندَه ایان مِلاتون که وَ گَلَه رحم نیکِنِن. 30حتی وَ مِلِی خِتون کَسَلی ایوَریسِن وِ حقیقتَه واری ایکِنِن تا شاگردَلَه بِی پیروی وَ خِشون وَ رَه وِل کِنِن. 31پَ هوشیار بِیت وُ وَ حوشِتون بیاریت که مِ سه سالِ تموم، شُو وِ رو، یِهدَقَه وَ هشتار دایَن بِی خَرسَلُم وَ هر کویَکی وَ ایشا، دَس نَکَشییِمِه.»
32«ایسِه ایشا نَه اییُم وَ دَسِ خدا وِ کلامِ فیضِ وُّ که ایتَرِه ایشا نَه بنا کِنِه وِ مابینِ تَمومِ کَسَلی که تقدیس وابییِنِه، میراث بُویَخشِه. 33وَ پیل وُ طِلا وِ یا جومۀ کسی تییَه نَیاشتِمِه. 34خِتون دونیت که بِی دَسِ خُوم، اِتیاجَلِ خُوم وِ هُمرَیَلِمَه آمایَه کِردِمِه. 35وَ هر نظر وَتون نشون دامِه که ایما باید ایطو سخت کار کنیم تا بِتَریم دَسِ فقیرَلَه بِگِریم، وِ گَپَلِ خداوند عیسی خِشَه وَ یای داشتَه بِیم که فرمایش کِه: "دایَن وَ اِسَیَن مبارَکتَرِه."»
36وختی پولُس ای چییَلَه گُت، باشون زونی زَه وِ دعا کِه. 37هَمَه مَهلی گِریوِسِن وِ دَس بِسِن وَ ناش وِ بوسِش کِردِن. 38اوچیئی که بیشتَرَ هَمَه غم وَبارِشون ایکِه، ای گَپِش بی که گُت: «دَ ری مِنَه نیبینیت.» اوسِه تا کشتی وِّ نَه بَرَقَه کِردِن.
Currently Selected:
کارَلِ رسولَل 20: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
کارَلِ رسولَل 20
20
پولُس مِنِه مقدونیَه وِ یونان
1وختی خَلَقی خُوسی، پولُس شاگردلَه صیا کِه وِ بعدَ تشویق کِردَنِشون، باشون خدافِظی کِه وِ عازمِ مقدونیَه وابی. 2وِّ سَرِ رَش وَ او منطقهیَل که رَی ایابی، وَ ایموندارَل بِی گَپَلِش مَهلی دلگرمی ایدا، تا رَسی وَ یونان. 3سه ماه وُچِه وِیسا. موقِی که ایخواس بِی کشتی بِرَه وَ سوریَه، یَهودییَل وَ ضِدِش نَخشَه کَشییِن. پَ تصمیم گِرُت وَ رَه مقدونیَه وَرگَردِه. 4هُمرَیَلِش اینگَل بییِن، سوپاتِر کِرِ پیرروس وَ مَردِمونِ بیریَه، آریستارخوس وُ سِکوندوس وَ مَردِمونِ تِسالونیک، گایوس وُ تیموتائوس وَ مَردِمونِ دِربَه، تیخیکوس وُ تروفیموس وَ مَردِمونِ منطقۀ آسیا. 5اونگَل نِهِی ایما رَتِن وِ مِنِه تروآس بَندیرِمون وابییِن. 6امّا ایما بعدَ عیدِ فطیر، بِی کشتی وَ فیلیپی رُونَه وابیئیم وِ بَعدَ پنج رو، مِنِه تروآس رَسییم وَشون وِ هَفت رو وُچِه وِیسِیم.
زِندَه وابییَنِ اِفتیخوس
7مِنِه روزِ اَوَلِ هفتَه، سی شومِ خداوند جَم وابیئیم. پولُس بِی مردم صُبت ایکِه، وِ سییِکِه ایخواس صَباش وَ وُچِه بِرَه، گَپَلِش تا نِصفه شُو طول کَشی. 8مِنِه بالاحونهای که جَم وابییَه بیئیم، مَهلی چراغ روشن بی. 9هَمیطو که پولُس هنی داشت گَپ ایزَه، جَوونی وَ نومِ اِفتیخوس که نِشَسَه بی طِی پَنجِرَه، یواش یواش وَ خو سنگینی رَت وِ یِه دَفَه وَ طبقۀ سوم اُفتا دومِن وُ وِّ نَه مُردَه وَگِرُتِن. 10پولُس رَت دومِن، خَل وابی وَ ری مِردِ جوون وُ وِّ نَه گِرُت مِنِه بغل وِ گُت: «زَلَتون مَرَه، هَنی جون دارِه!» 11اوسِه رَت وَ بالا وِ نونَه تِکَه کِه وِ خَه. وِّ تا شَفَق باشون صُبت کِه، وِ اوسِه وَ وُچِه رَت. 12مردم او جَوونَه زندَه بُردِن وَ حونَه وِ یِکِلی دلگرمی گِرُتِن.
13امّا ایما نِهِی وِّ سُوارِ کشتی وابیئیم، رُونۀ آسوس وابیم تا وُچِه طبقِ قرارِ پولُس، وِّ نَه بیاریم مِنِه کشتی، سییِکِه خواسَه بی وَ رَه خشکی بِرَه تا وُچو. 14پَ وختی پولُسَ مِنِه آسوس دیئیم، وِّ نَه آوُردیم مِنِه کشتی وِ رَتیم وَ میتیلینی. 15وَ وُچِه بِی کشتی رُونَه وابیئیم وِ صَباش رَسییم وَ جِلو جزیرۀ خیوس. صَبِی او روز رَتیم وَ ساموس وِ صَباش، رَسییم وَ میلیتوس. 16پولُس ایخواس وَ رَه دریا وَ هیبِی اَفِسُس رَی وابو تا وختِشَه مِنِه منطقۀ آسیا تَلَف نَکِنِه، سییِکِه هولَکی بی که اَر وابو، عیدِ پنتیکاست مِنِه اورشلیم بو.
17وِّ وَ شهرِ میلیتوس پِیومی بِسی کِه وَ اَفِسُس وِ شیخَلِ کلیسا نَه خواس طِی خُوش. 18وختی اونگَل اومَن، وَشون گُت: «ایشا دونیت که وَ هَمو روزِ اَوَل که پامَه نَهام مِنِه منطقۀ آسیا، چطو تَمومِ وَختِمَه باتون سَر کِردِمِه. 19چطو بِی کوچِکنظمی وِ بِی خَرس رِتَن خداوندَ خذمت کِردِمِه، چطو سختییَلی نَه که وَ خاطرِ نَخشهیَلِ یَهودییَل وَ سَرُم رَتِه، تحمل کِردِمِه. 20ایشا دونیت که چطو وَ هر چیئی که وَ نفعِتون بی، دریغ نَکِردِمِه، بلکم پِیومَه سی ایشا اعلام کِردِمِه، چه مِنِه جَمع وِ چه مِنِه حونهیَل، تعلیمتون دامِه. 21هَم وَ یَهودییَل وِ هَم وَ یونانییَل هر دتاشون، شهادت دامِه که باید بِی توبَه وَرگَردِن وَ طرفِ خدا وِ ایمون بیارِن وَ خداوندِ ایما عیسی مسیح.»
22«وِ ایسِه، بِی الزامِ روحالقدس ایرَم وَ اورشلیم وِ نونُم وُچِه چِه وَ سَرِم ایا؛ 23غیرَ یِکِه مِنِه هر شهر روحالقدس هشتار اییِه که زندان وِ سختی وَ نَهامِه. 24امّا حتی جونِمَه سی خُوم بیارزش دونُم، تِنا اَر بِتَرُم دورِ خِمَه تَموم کِنُم وِ خذمتی نَه که خداوند عیسی وَ دَسِ مِ دایِه، وَ خوبی اَنجوم بییُم، او خذمتی که هَمو شهادتِ اِنجیلِ فیضِ خدایَه.»
25«ایسِه دَ دونُم هیچ کویَکی وَ ایشا که مِ مابینتون بییِمِه وِ خَوَرِ خَشِ پادشاییِ خدا نَه وَتون اعلام کِردِمِه، دَ ری مِنَه نیبینیت. 26پَ اُمرو وَتون شهادت اییُم که خینِ هیشکَه وَ نِی مِ نی، 27سییِکِه مِ تَمومِ کلامِ خدا نَه بیکمِ کاست وَتون اعلام کِردِمِه. 28حَواسِتون خوب وَ خِتون وِ تمومِ گَلهای بو که روحالقدس ایشا نَه ناظِرَلِ وِه کِردِه، تا کلیسِی خداوندَ که وِه نَه بِی خینِ خِش اِسَیِه، چِپونی کِنیت. 29مِ دونُم بعدَ رَتَنُم، گُرگَلِ دَرَندَه ایان مِلاتون که وَ گَلَه رحم نیکِنِن. 30حتی وَ مِلِی خِتون کَسَلی ایوَریسِن وِ حقیقتَه واری ایکِنِن تا شاگردَلَه بِی پیروی وَ خِشون وَ رَه وِل کِنِن. 31پَ هوشیار بِیت وُ وَ حوشِتون بیاریت که مِ سه سالِ تموم، شُو وِ رو، یِهدَقَه وَ هشتار دایَن بِی خَرسَلُم وَ هر کویَکی وَ ایشا، دَس نَکَشییِمِه.»
32«ایسِه ایشا نَه اییُم وَ دَسِ خدا وِ کلامِ فیضِ وُّ که ایتَرِه ایشا نَه بنا کِنِه وِ مابینِ تَمومِ کَسَلی که تقدیس وابییِنِه، میراث بُویَخشِه. 33وَ پیل وُ طِلا وِ یا جومۀ کسی تییَه نَیاشتِمِه. 34خِتون دونیت که بِی دَسِ خُوم، اِتیاجَلِ خُوم وِ هُمرَیَلِمَه آمایَه کِردِمِه. 35وَ هر نظر وَتون نشون دامِه که ایما باید ایطو سخت کار کنیم تا بِتَریم دَسِ فقیرَلَه بِگِریم، وِ گَپَلِ خداوند عیسی خِشَه وَ یای داشتَه بِیم که فرمایش کِه: "دایَن وَ اِسَیَن مبارَکتَرِه."»
36وختی پولُس ای چییَلَه گُت، باشون زونی زَه وِ دعا کِه. 37هَمَه مَهلی گِریوِسِن وِ دَس بِسِن وَ ناش وِ بوسِش کِردِن. 38اوچیئی که بیشتَرَ هَمَه غم وَبارِشون ایکِه، ای گَپِش بی که گُت: «دَ ری مِنَه نیبینیت.» اوسِه تا کشتی وِّ نَه بَرَقَه کِردِن.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company