نامَه وَ کِلیسِی روم 15
15
1ایما که قُویَت داریم، وَ نامونِه ضَعفَلِ آیَمَلِ ضعیفَه تحمل کِنیم وُ وَ دینِ رضایتِ خِمون نَبِیم. 2هَر کویَکی وَ ایما بایِس دَرموردِ هر چییِ خوبی که وَ هُمساش ایبینِه وَش تعریف کِنِه، تا باعثِ تقویتِ ایمونِش وابو. 3سییِکِه مسیح هَم وَ دینِ خَشیِ خُوش نَبی، بَلکَم هَموطو که مِنِه کتابِ زبورِ داوود نوشتَه وابییِه: «بیحُرمتیِ اونگَلی که بیحُرمتِت ایکِنِن، اُفتایِه وَ ری مو.» 4سییِکِه هر چیئی که وَ روزَلِ نَهاتَر نوشتَه وابییِه، سی تعلیمِ ایما بییِه تا وَ خاطرِ پاوَرجایی وِ دِلگرمی که نوشتهیَلِ مقدّس وَمون اییِه، امید داشتَه بِیم.
5ایطو بو که، خِدایی که پاوَرجایی وِ دلگرمی اییِه، یِنَه وَتون عطا کِنِه تا طوری بِی یَک هُمفکر بِیت که بِی خواسِ مسیح عیسی جورِه، 6تا بِی یَک یِهدل وِ یِه زُوون، خدا وِ بُو خداوندِ ایما عیسی مسیحَ ستایِش کِنیت.
7پَ هَموطو که مسیح ایشا نَه وَ گرمی قبول کِه، ایشا هَم یَکَه وَ گرمی قبول کِنیت تا خدا جلال بِجورِه. 8سییِکِه وَ ایشا ایگُم که مسیح خادمِ خَتنَه وابییِهیَل وابی تا راسیِ خدا نَه نشون بییِه، تا وَعدهیَلی که خدا وَ اجدادِ ایما دایَه بی، تأیید کِنِه، 9وِ تا قومَلِ غیرِیهودی، خدا نَه وَ خاطرِ رحمتش ستایش کِنِن. هَموطو که مِنِه نوشتهیَلِ مقدس نوشتَه وابییِه:
« پَ، تِنَه مابینِ قومَلِ غیریهودی ستایش ایکِنُم،
وِ سی نومِ تِ سِرو ایخونُم.»
10اُمبِلا ایگُ:
«ای قومَل بِی قومِ وِّ شایی کِنیت!»
11وِ هَم ایگُ:
«ای تَمومِ قومَل، خداوندَ ستایش کِنیت!
وِ تمومیِ مردمِ دنیا، جلالِش بییِن!»
12وِ اُمبلا اِشعیایِ پیغمبر ایگُ:
«ریشۀ خاندانِ یَسا ایایِه،
هَم وِّ که ایوَریسِه تا وَ ری قومَل حکومت کِنِه؛
وِ امیدِ تَمومِ غیرِیهودییَل وَ وِّنِه.»
13طوری بو که، خِدایی که سرچشمۀ امیدِه، ایشا نَه بِی تَمومِ شایی وِ صلحوُسلامتی که وَ ایمونِه پُر کِنِه، طوری که بِی قدرتِ روحالقدس، سرریز بِیت وَ امید.
پولُس خادمِ غیریَهودییَل
14ای کَکایَلُم، مِ خُوم وَتون خاطرجَمُم، که ایشا خِتون پُرتاپِریت وَ خوبی وِ پُرتاپِریت وَ تَمومیِ شناخت وِ ایتَریت وَ یَک یای بِئیت. 15امّا زَلَه کِردُم، درموردِ بعضی چییَل سیتون نِوِشتِمِه، تا اونگَلَه وَ حوشِتون بیارُم، سییِکِه خدا ای فیضَه وَ مِ دایِه 16که خادمِ مسیح عیسی بوم سی غیرِیَهودییَل وُ وَ عنوانِ کاهن، انجیلِ خدا نَه خذمت کِنُم، تا غیرِیَهودییَل پیشکِشی بابِدل وَ درگاهِ خدا بون که وَ وسیلۀ روحالقدس تقدیس وابییِه.
17پَ مِ وَ حق، مِنِه مسیح عیسی وَ خذمتِ خُوم وَ خدا ایبالُم. 18سییِکِه زَلَه نیکِنُم وَ چیئی گَپ بِزَنُم، غیرَ اوچیئی که مسیح وَ طریقِ مِ کِردِه تا غیرِیَهودییَلَه مطیعِ ایمون کِنُم، بِی گَپَلُم وِ کارَلُم، 19بِی قدرتِ نِشونهیَل وِ معجزهیَل، بِی قدرتِ روحِ خدا- طوری که وَ اورشلیم وِ تَمومِ رَیَلِ او دورِبال تا «ایلیریکوم» خذمتِ انجیلِ مسیحَ کامل، انجوم دامِه؛ 20وِ اُرزوم یِه بییِه که انجیلَه جِیئی موعظَه کِنُم که نَهاتَر، نومِ مسیحَ نَشنُفتَه بون، نَکِنِه وَ پییِهای که یِکیدَه نَهایِه، بنا نَهایَه بوم، 21بلکم هَموطو که مِنِه کتابِ اِشعیایِ پیغمبر نوشتَه وابییِه:
«اونگَلی که وَش بیخَوَر بییِن، وِّ نَه ایبینِن،
وِ اونگَلی که وَتَه وَش نَشنُفتَه بییِن، ایفَمِن.»
22سی هَمیو، چندین دَفَه که خواسُم بیام طِیتون نَوابییِه.
برنامۀ پولُس سی دییَنِ روم
23امّا ایسو، سییِکِه مِنِه ای منطقهیَل، دَ جِیئی سی کارِ مِ نَوِیسایِه، وُ وَ وُچِه که یِکِلی سالِه اُرزو دارُم بیام طِیتون، 24امیدُم وَ یِنِه که موقِی رَتَن وَ اسپانیا سَرِ رَم ایشا نَه بِوینُم، وِ بعدَ یِکِه ایشا نَه دییُم، مِنِه سفرُم کِمَکُم کِنیت. 25امّا ایسِه ایخوام بِرَم وَ اورشلیم تا سی ایموندارَلِ وُچِه کِمَک مالی بویَرُم. 26سییِکِه کلیسایَلِ مقدونیَه وِ اَخائیَه دِلِشون ایخواس که سی ایموندارَلِ فقیرِ اورشلیم کِمَکی بِسی کِنِن. 27سییِکِه اونگَل خِشون وَ ای کار رغبت داشتِن؛ وُ وَراسی زِرِ دِین اونگَل بییِن. سییِکِه اَر غیرِیَهودییَل مِنِه برکتَلِ روحانیِ یَهودییَل شریک بییِن، اونگَل هَم بایِس مِنِه بَرکَتَلِ مالی، خذمتِشون کِنِن. 28پَ، وختی ای کارَ کِردُم وِ چییَلی که جَم وابییِه رَسُندُم وَ دَسِشون، مِ وَ رَه ایشا رایی اسپانیا ایابوم. 29مِ دونُم که وختی بیام طِیتون، بِی برکتِ کاملِ مسیح ایام.
30ایسو، ای کَکایَل، وَ خاطرِ خداوند ایما عیسی مسیح وِ محبتِ روحالقدس، وَ ایشا تمنا دارُم که بِی یَک مِنِه دعایَلتون وَ دَرگاهِ خدا سی مو، بام پاوَرجا وِیسیت، 31تا وَ دَسِ بیایمونَلِ یهودیَه جونِ سالم وَدَر بُویَرِم وِ خِذمَتُم سی اورشلیم بابِدلِ ایموندارَل بو. 32تا وَ خواسِ خدا بِی شایی بیام طِیتون، وِ طِی ایشا قویَتی تازَه بِگِرُم. 33خِدِی صلحوُسلامتی بِی تَمومِ ایشا بو. آمین.
Currently Selected:
نامَه وَ کِلیسِی روم 15: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ کِلیسِی روم 15
15
1ایما که قُویَت داریم، وَ نامونِه ضَعفَلِ آیَمَلِ ضعیفَه تحمل کِنیم وُ وَ دینِ رضایتِ خِمون نَبِیم. 2هَر کویَکی وَ ایما بایِس دَرموردِ هر چییِ خوبی که وَ هُمساش ایبینِه وَش تعریف کِنِه، تا باعثِ تقویتِ ایمونِش وابو. 3سییِکِه مسیح هَم وَ دینِ خَشیِ خُوش نَبی، بَلکَم هَموطو که مِنِه کتابِ زبورِ داوود نوشتَه وابییِه: «بیحُرمتیِ اونگَلی که بیحُرمتِت ایکِنِن، اُفتایِه وَ ری مو.» 4سییِکِه هر چیئی که وَ روزَلِ نَهاتَر نوشتَه وابییِه، سی تعلیمِ ایما بییِه تا وَ خاطرِ پاوَرجایی وِ دِلگرمی که نوشتهیَلِ مقدّس وَمون اییِه، امید داشتَه بِیم.
5ایطو بو که، خِدایی که پاوَرجایی وِ دلگرمی اییِه، یِنَه وَتون عطا کِنِه تا طوری بِی یَک هُمفکر بِیت که بِی خواسِ مسیح عیسی جورِه، 6تا بِی یَک یِهدل وِ یِه زُوون، خدا وِ بُو خداوندِ ایما عیسی مسیحَ ستایِش کِنیت.
7پَ هَموطو که مسیح ایشا نَه وَ گرمی قبول کِه، ایشا هَم یَکَه وَ گرمی قبول کِنیت تا خدا جلال بِجورِه. 8سییِکِه وَ ایشا ایگُم که مسیح خادمِ خَتنَه وابییِهیَل وابی تا راسیِ خدا نَه نشون بییِه، تا وَعدهیَلی که خدا وَ اجدادِ ایما دایَه بی، تأیید کِنِه، 9وِ تا قومَلِ غیرِیهودی، خدا نَه وَ خاطرِ رحمتش ستایش کِنِن. هَموطو که مِنِه نوشتهیَلِ مقدس نوشتَه وابییِه:
« پَ، تِنَه مابینِ قومَلِ غیریهودی ستایش ایکِنُم،
وِ سی نومِ تِ سِرو ایخونُم.»
10اُمبِلا ایگُ:
«ای قومَل بِی قومِ وِّ شایی کِنیت!»
11وِ هَم ایگُ:
«ای تَمومِ قومَل، خداوندَ ستایش کِنیت!
وِ تمومیِ مردمِ دنیا، جلالِش بییِن!»
12وِ اُمبلا اِشعیایِ پیغمبر ایگُ:
«ریشۀ خاندانِ یَسا ایایِه،
هَم وِّ که ایوَریسِه تا وَ ری قومَل حکومت کِنِه؛
وِ امیدِ تَمومِ غیرِیهودییَل وَ وِّنِه.»
13طوری بو که، خِدایی که سرچشمۀ امیدِه، ایشا نَه بِی تَمومِ شایی وِ صلحوُسلامتی که وَ ایمونِه پُر کِنِه، طوری که بِی قدرتِ روحالقدس، سرریز بِیت وَ امید.
پولُس خادمِ غیریَهودییَل
14ای کَکایَلُم، مِ خُوم وَتون خاطرجَمُم، که ایشا خِتون پُرتاپِریت وَ خوبی وِ پُرتاپِریت وَ تَمومیِ شناخت وِ ایتَریت وَ یَک یای بِئیت. 15امّا زَلَه کِردُم، درموردِ بعضی چییَل سیتون نِوِشتِمِه، تا اونگَلَه وَ حوشِتون بیارُم، سییِکِه خدا ای فیضَه وَ مِ دایِه 16که خادمِ مسیح عیسی بوم سی غیرِیَهودییَل وُ وَ عنوانِ کاهن، انجیلِ خدا نَه خذمت کِنُم، تا غیرِیَهودییَل پیشکِشی بابِدل وَ درگاهِ خدا بون که وَ وسیلۀ روحالقدس تقدیس وابییِه.
17پَ مِ وَ حق، مِنِه مسیح عیسی وَ خذمتِ خُوم وَ خدا ایبالُم. 18سییِکِه زَلَه نیکِنُم وَ چیئی گَپ بِزَنُم، غیرَ اوچیئی که مسیح وَ طریقِ مِ کِردِه تا غیرِیَهودییَلَه مطیعِ ایمون کِنُم، بِی گَپَلُم وِ کارَلُم، 19بِی قدرتِ نِشونهیَل وِ معجزهیَل، بِی قدرتِ روحِ خدا- طوری که وَ اورشلیم وِ تَمومِ رَیَلِ او دورِبال تا «ایلیریکوم» خذمتِ انجیلِ مسیحَ کامل، انجوم دامِه؛ 20وِ اُرزوم یِه بییِه که انجیلَه جِیئی موعظَه کِنُم که نَهاتَر، نومِ مسیحَ نَشنُفتَه بون، نَکِنِه وَ پییِهای که یِکیدَه نَهایِه، بنا نَهایَه بوم، 21بلکم هَموطو که مِنِه کتابِ اِشعیایِ پیغمبر نوشتَه وابییِه:
«اونگَلی که وَش بیخَوَر بییِن، وِّ نَه ایبینِن،
وِ اونگَلی که وَتَه وَش نَشنُفتَه بییِن، ایفَمِن.»
22سی هَمیو، چندین دَفَه که خواسُم بیام طِیتون نَوابییِه.
برنامۀ پولُس سی دییَنِ روم
23امّا ایسو، سییِکِه مِنِه ای منطقهیَل، دَ جِیئی سی کارِ مِ نَوِیسایِه، وُ وَ وُچِه که یِکِلی سالِه اُرزو دارُم بیام طِیتون، 24امیدُم وَ یِنِه که موقِی رَتَن وَ اسپانیا سَرِ رَم ایشا نَه بِوینُم، وِ بعدَ یِکِه ایشا نَه دییُم، مِنِه سفرُم کِمَکُم کِنیت. 25امّا ایسِه ایخوام بِرَم وَ اورشلیم تا سی ایموندارَلِ وُچِه کِمَک مالی بویَرُم. 26سییِکِه کلیسایَلِ مقدونیَه وِ اَخائیَه دِلِشون ایخواس که سی ایموندارَلِ فقیرِ اورشلیم کِمَکی بِسی کِنِن. 27سییِکِه اونگَل خِشون وَ ای کار رغبت داشتِن؛ وُ وَراسی زِرِ دِین اونگَل بییِن. سییِکِه اَر غیرِیَهودییَل مِنِه برکتَلِ روحانیِ یَهودییَل شریک بییِن، اونگَل هَم بایِس مِنِه بَرکَتَلِ مالی، خذمتِشون کِنِن. 28پَ، وختی ای کارَ کِردُم وِ چییَلی که جَم وابییِه رَسُندُم وَ دَسِشون، مِ وَ رَه ایشا رایی اسپانیا ایابوم. 29مِ دونُم که وختی بیام طِیتون، بِی برکتِ کاملِ مسیح ایام.
30ایسو، ای کَکایَل، وَ خاطرِ خداوند ایما عیسی مسیح وِ محبتِ روحالقدس، وَ ایشا تمنا دارُم که بِی یَک مِنِه دعایَلتون وَ دَرگاهِ خدا سی مو، بام پاوَرجا وِیسیت، 31تا وَ دَسِ بیایمونَلِ یهودیَه جونِ سالم وَدَر بُویَرِم وِ خِذمَتُم سی اورشلیم بابِدلِ ایموندارَل بو. 32تا وَ خواسِ خدا بِی شایی بیام طِیتون، وِ طِی ایشا قویَتی تازَه بِگِرُم. 33خِدِی صلحوُسلامتی بِی تَمومِ ایشا بو. آمین.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company