یوحنا 2
2
تؤیداکی مُعجزه
1ایکّی گؤن اوندان سورا، جَلیل ولایتی‌نینگ قانا کَندینده بیر تؤی مَجلسی ایدی و عیسانینگ آناسی، اؤردا ایدی. 2عیسا ده شاگردلَری اینَن تؤیا دعوت ایدی. 3شراب تؤکَنَنده، عیسانینگ آناسی، عیسایا دئدی: «داها شراب یوخلاری.» 4عیسا، آناسینا دئدی: «ای آرواد! من بو ایشده نه ایشیم وار؟ منیم وختیم حَلی ائتیشمه‌میش.» 5عیسانینگ آناسی نوکرلَره دئدی: «هَرنه کی بئلَینزه دئییر، ائدینز.» 6اؤردا آلتی دانا خمره وار ایدی کی داش‌دان دؤزه‌لمیشدی. یهود مَذهَبی‌نینگ رَسمینه گؤره، او خُمره‌لر ایچینه سو تؤکورلَرمیش و او سو اینن، هَر‌نه‌یی کی نَجس ایمیش، طاهر ائدیرلَرمیش. او خُمره‌لرینگ هر بیری تقریبا یوز لیتر توتیردی. 7عیسا نوکرلَره دئدی: «خُمره‌لَری سودان دؤلدورینز.» اوللار دا خُمره‌لَری لَب‌بر‌لَب دؤلدوردولار. 8عیسا اوللارا دئدی: «ایندی بیر آز خمره ایچینده‌کیندَن چَکینز و مَجلسی گَزدیرن یانینا آپارینز.» اوللار دا آپاردیلار. 9اوندا کی مَجلسی گَزدیرن آدام، سویو کی ایندی شرابا دؤنموشدو دادّی، بیلمئیردی کی بو شراب هاردان گلمیش، هر‌چند کی سویو چَکن نوکرلَر بیلیرلَردی. پس مَجلسی گَزدیرن، کوره‌کنی چاغیردی 10و بئلَسینه دئدی: «واری‌کَس خوب شرابی اَوّل گتیریر، خَلخ توخ ایچَندن سورا، اوندا ضعیف شرابی گتیریر. آما سن خوب شرابی ایندی‌یانچاز ساخلامیشانگ!»
11بو، عیسانینگ اَوّلکی مُعجزه‌لی نیشاناسی ایدی. عیسا بو ایشی جَلیل ولایتی‌نینگ قانا کَندینده ائدی و اؤز شوکتینی آشکار ائدی و شاگردلَری اؤنا ایمان گتیردیلَر. 12اوندان سورا عیسا، آناسی و کاکالاری و شاگردلَری اینَن، کَفَرناحوم شَهرینه گئتدی، و اوللار بیر نئچه گؤن اؤردا قالدیلار.
عیسا معامله‌گرلری مَعبددَن یازّیا سالدی
13یهودی‌لارینگ پِسَخ عیدی یاخین ایدی و عیسا اورشلیم شَهرینه گئتدی. 14او گؤردو کی سِقیر ساتان‌لار، قویون ساتان‌لار و گؤی‌اَرچین ساتان‌لار مَعبدده کاسبلیگ ائدیرلَر و صَرّاف‌لاری دا گؤردو کی اوتورموشلاردی و اؤردا معامله ائدیرلَردی. 15عیسا ایپ اینن بیر شلّاق دؤزَتدی و اوللارینگ واریسینی، قویون‌لار و سِقیرلَر اینَن، مَعبددَن یازّیا سالدی. صَرّاف‌لارینگ دا سِکّه‌لَرینی یئره سؤوردو و میزلَرینی کوپ ائدی. 16و گؤی‌اَرچین ساتان‌لارا دئدی: «بوللاری بوردان یازّیا آپارینز؛ منیم گؤیده‌کی بووآم ائوینی معامله ائوی ائدمَینز!» 17عیسانینگ شاگردلَری یادا گتیردیلر کی مُقدّس یازیلی‌لاردا یازیلمیش کی: «او غیرت کی سَنینگ ائوینگ ایچی واریم، منی یاندیرار، کؤل ائده‌ر.»
18او زامان یهودی‌لار عیسایا دئدیلر: «بیزه نه مُعجزه‌لی نیشانا ائدیرَینگ تا بئلَمیزه ثابت اولا کی بو ایشلَرینگ گؤرمَکی حَقّینی وارینگ؟» 19عیسا اوللارا جواب وئردی: «بو مَعبدی یومورینز، من اؤچ گؤنه اؤنو گئنه برپا ائده‌رَم.» 20یهودی‌لارینگ باشی بویوک‌لَری دئدیلر: «بو مَعبدینگ دؤزَتمَکی قیرخ آلتی ایل اولدو، ایندی سن اؤچ گؤنه، گئنه اؤنو برپا ائده‌رَینگ؟» 21آما عیسانینگ مَنظورو مَعبد‌دن، اؤز بَدنی ایدی. 22اوندا کی عیسا اؤلولَردن دئرّیلدی، شاگردلَری یادا گتیردیلَر کی عیسا بونو دئمیشدی و مُقدّس یازیلدا یازیلان سؤزه و او سؤزه کی عیسا دئمیش ایدی ایمان گتیردیلَر.
23اوندا کی عیسا پِسَخ عیدی ایچی اورشلیم شَهرینده ایدی، چوخ آداملار او ائدَن مُعجزه‌لی نیشانالاری گؤردولَر و اؤنونگ آدینا ایمان گتیردیلر. 24آما عیسا اوللارا اعتبار ائدمئیردی، بو سَبریه کی واری خَلخی تانییردی 25و سئمَزدی کی بیری، بَشر باره‌سینده اؤنا گواهلیگ وئره، بو سَبریه کی اؤنونگ اؤزو بیلیردی کی بَشرینگ اؤره‌کینده نه گچیر.
Currently Selected:
یوحنا 2: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
یوحنا 2
2
تؤیداکی مُعجزه
1ایکّی گؤن اوندان سورا، جَلیل ولایتی‌نینگ قانا کَندینده بیر تؤی مَجلسی ایدی و عیسانینگ آناسی، اؤردا ایدی. 2عیسا ده شاگردلَری اینَن تؤیا دعوت ایدی. 3شراب تؤکَنَنده، عیسانینگ آناسی، عیسایا دئدی: «داها شراب یوخلاری.» 4عیسا، آناسینا دئدی: «ای آرواد! من بو ایشده نه ایشیم وار؟ منیم وختیم حَلی ائتیشمه‌میش.» 5عیسانینگ آناسی نوکرلَره دئدی: «هَرنه کی بئلَینزه دئییر، ائدینز.» 6اؤردا آلتی دانا خمره وار ایدی کی داش‌دان دؤزه‌لمیشدی. یهود مَذهَبی‌نینگ رَسمینه گؤره، او خُمره‌لر ایچینه سو تؤکورلَرمیش و او سو اینن، هَر‌نه‌یی کی نَجس ایمیش، طاهر ائدیرلَرمیش. او خُمره‌لرینگ هر بیری تقریبا یوز لیتر توتیردی. 7عیسا نوکرلَره دئدی: «خُمره‌لَری سودان دؤلدورینز.» اوللار دا خُمره‌لَری لَب‌بر‌لَب دؤلدوردولار. 8عیسا اوللارا دئدی: «ایندی بیر آز خمره ایچینده‌کیندَن چَکینز و مَجلسی گَزدیرن یانینا آپارینز.» اوللار دا آپاردیلار. 9اوندا کی مَجلسی گَزدیرن آدام، سویو کی ایندی شرابا دؤنموشدو دادّی، بیلمئیردی کی بو شراب هاردان گلمیش، هر‌چند کی سویو چَکن نوکرلَر بیلیرلَردی. پس مَجلسی گَزدیرن، کوره‌کنی چاغیردی 10و بئلَسینه دئدی: «واری‌کَس خوب شرابی اَوّل گتیریر، خَلخ توخ ایچَندن سورا، اوندا ضعیف شرابی گتیریر. آما سن خوب شرابی ایندی‌یانچاز ساخلامیشانگ!»
11بو، عیسانینگ اَوّلکی مُعجزه‌لی نیشاناسی ایدی. عیسا بو ایشی جَلیل ولایتی‌نینگ قانا کَندینده ائدی و اؤز شوکتینی آشکار ائدی و شاگردلَری اؤنا ایمان گتیردیلَر. 12اوندان سورا عیسا، آناسی و کاکالاری و شاگردلَری اینَن، کَفَرناحوم شَهرینه گئتدی، و اوللار بیر نئچه گؤن اؤردا قالدیلار.
عیسا معامله‌گرلری مَعبددَن یازّیا سالدی
13یهودی‌لارینگ پِسَخ عیدی یاخین ایدی و عیسا اورشلیم شَهرینه گئتدی. 14او گؤردو کی سِقیر ساتان‌لار، قویون ساتان‌لار و گؤی‌اَرچین ساتان‌لار مَعبدده کاسبلیگ ائدیرلَر و صَرّاف‌لاری دا گؤردو کی اوتورموشلاردی و اؤردا معامله ائدیرلَردی. 15عیسا ایپ اینن بیر شلّاق دؤزَتدی و اوللارینگ واریسینی، قویون‌لار و سِقیرلَر اینَن، مَعبددَن یازّیا سالدی. صَرّاف‌لارینگ دا سِکّه‌لَرینی یئره سؤوردو و میزلَرینی کوپ ائدی. 16و گؤی‌اَرچین ساتان‌لارا دئدی: «بوللاری بوردان یازّیا آپارینز؛ منیم گؤیده‌کی بووآم ائوینی معامله ائوی ائدمَینز!» 17عیسانینگ شاگردلَری یادا گتیردیلر کی مُقدّس یازیلی‌لاردا یازیلمیش کی: «او غیرت کی سَنینگ ائوینگ ایچی واریم، منی یاندیرار، کؤل ائده‌ر.»
18او زامان یهودی‌لار عیسایا دئدیلر: «بیزه نه مُعجزه‌لی نیشانا ائدیرَینگ تا بئلَمیزه ثابت اولا کی بو ایشلَرینگ گؤرمَکی حَقّینی وارینگ؟» 19عیسا اوللارا جواب وئردی: «بو مَعبدی یومورینز، من اؤچ گؤنه اؤنو گئنه برپا ائده‌رَم.» 20یهودی‌لارینگ باشی بویوک‌لَری دئدیلر: «بو مَعبدینگ دؤزَتمَکی قیرخ آلتی ایل اولدو، ایندی سن اؤچ گؤنه، گئنه اؤنو برپا ائده‌رَینگ؟» 21آما عیسانینگ مَنظورو مَعبد‌دن، اؤز بَدنی ایدی. 22اوندا کی عیسا اؤلولَردن دئرّیلدی، شاگردلَری یادا گتیردیلَر کی عیسا بونو دئمیشدی و مُقدّس یازیلدا یازیلان سؤزه و او سؤزه کی عیسا دئمیش ایدی ایمان گتیردیلَر.
23اوندا کی عیسا پِسَخ عیدی ایچی اورشلیم شَهرینده ایدی، چوخ آداملار او ائدَن مُعجزه‌لی نیشانالاری گؤردولَر و اؤنونگ آدینا ایمان گتیردیلر. 24آما عیسا اوللارا اعتبار ائدمئیردی، بو سَبریه کی واری خَلخی تانییردی 25و سئمَزدی کی بیری، بَشر باره‌سینده اؤنا گواهلیگ وئره، بو سَبریه کی اؤنونگ اؤزو بیلیردی کی بَشرینگ اؤره‌کینده نه گچیر.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company