انجیل لوقا 23
23
محاکمه پیلاتُس و هیرودیس پرانک
1اَدَمی شورا هَمبِلنه بهشتنده و عیسی شان بِبه پیلاتُس والی وَر 2و اَوِکِشان شکایت بکه، باتشانه: «اِم مردکمان وینده که چاما قومه گمراه کردر و آمانه واتر که امپراتوره مالیات آمدَیا و اِدعا کردر که مسیح موعود یانی پادشاه اِسه.» 3پس پیلاتُس عیسیکش آپرسس: «آیا تِه یهودیان پادشاهش؟» عیسی چَه جواوک باته: «تِه ایزه واتری!» 4پَس پیلاتُس سران کاهنان که معبده علما بنده و جماعتِنش اعلام بکه که: «هیچ تقصیری اِم مردکک نیویندمه.» 5امّا اَوان اصرارنه واتردشانه: «عیسی اِم سَر تا اَ سَر یهودیه مردمش اِشتن تعلیمان نه تحریک کرده تا آشوب بکرنده. جلیلِنَش شروع کرده و اِسا نی اِنگا آرِسَه.»
6وختی پیلاتُس اِمش بشنَوِس، رایش به بزانه آیا عیسی جلیلیه. 7وختی بِزانسشه که اَ ناحیه ای که هیرودیسه حکمه جیرکه، عیسیش بِخِرسانس هیرودیسه وَر، چون که اَدمی هیرودیس اِشتن اورشلیمک بِه. 8هیرودیس وختی عیسیش بیند، پِر شاد آبه، چون پِر وقت به گَوسَردشه عیسی بینه. چون عیسی دربار پر لاوَانش اَشنوسه به، اُمیدش داشته اَوِک معجزه ای بینه. 9پس پِرَه سوالانی عیسیکش آپرسس، امّا عیسی هیچ جواوش ندا. 10سران کاهنان و تورات معلمین که اَگارک بنده، پَش پران اَوشان تیمت زیرده. 11هیرودیس و چَه سربازِه نی عیسیشان بی‌حرمتی کردرده و اَوشان مسخره کردرده. چاوَش ایگله زرق و برق اَبایی عیسی شان دِکه و پیلاتُسه وَر آگاردِنسِشانه. 12اَ روجک هیرودیس و پیلاتُس هَندیگَرنه رفق آبنده، چون چَوه پران هَندیگرنه دشمن بِنده.
13پیلاتُس سران کاهنان و قوم پیله تران و مردمش داد بِکه 14و اَوانش باته: «شاما اِم مردکران چِمن وَر بوعرده و واتردرانه، مردمه راک برکردر تا شورش بکرنده. امّا از اِشتن شاما پرانک اَوکم بازجویی بکه. دیَسا هیچ دلیلی نیویندمه که شاما تُهمته راست بیبینده. 15هیرودیس نظرین زه هِمِه، چون اَوِش آگِاردِنسه چاما وَر. ایزه که ویندَرا، اَوه کاری کرده نی که مرگه مستحق بیبی. 16پس اَوه شلاق زَنم و آزاد کَرم.» 17هر عیدی کی، پیلاتس گَسِه ایگله زندانی ای آزاد آکره. 18امّا اَوان همبلنه دادشان بیزی: «اَوه بوکوش و بارْاَبّاسه چاما را آزاد بِکه!» 19بارْاَبّاس کسی به که شهرکش آشوب کرده به، و آدمه کوشی واسِنه، زندانک به. 20پیلاتُس که گَوسَردشه عیسی آزاد بکره، هَنی مردمنه لاوش بکه. 21امّا مردمه زَ جِره کَردرده که: «اَوه صلیبه سَرک بوکوش! اَوه صلیبه سَرک بوکوش!» 22پیلاتس سوّمین صَفَر اَوانش باته: «چیه را؟ چِه بدی ای شی کرده؟ از که هیچ تقصیری چَوه کوشتن را نیوینم. پس اَوه شلاق زَنم و آزاد کَرم.» 23امّا مردمه اصرارنه جِرَه کردرده و آخشتردشانه عیسی صلیبه سَرک بوکوشه. آخِرِه را چَوان جِره کردن زور بامه. 24و پیلاتُسه حکمشی بدا که اَوان گَوسَردشانه. 25پیلاتُس ایزه که اَوان آخاشترده اَ مَردکی که آشوب و آدم کوشی واسنه زندانک به، آزاد آکه و عیسیش دِرَسمارده اَوان تا هر کاری که گشانه اَوِنه بکرنده.
عیسی مردن صلیبه سرک
26وختی عیسی شان بَردرده اعدام بکرنده، ایگله مردکی که چَوه نام شَمعون به و قیرَوانه اهالیک به وَ مزرعک آگَرسرده شهر، بِکَتِشانه. و صلیب شانه چَوه دوشک اَنایا، اَوشان مجبور بِکَردِه که عیسی صلیبه چَه پشدنه بِبره. 27پره جماعتی مردمک، و ایسری زلّیانی که اِشتن سینه شان اَرکوسَرده و شیونشان کردرده، چَه پَشَدنه راه دِگِسنده. 28امّا عیسی آگَردس و اَوانش باته: «ای اورشَلیمه کیلیان، چِمن را مَبرما، شاما و شاما خوردناران را بِبرَما. 29چون اَ روجانی آیه که واجا: ”خَسّه ببا اَ زَلّیانی که سانسوزنده، خَسّه بِبا اَ مارانی که هرگز خوردنشان زَنده نی و اَ سینه‌ایی که هرگز شِتش دییه نیه!“ 30اَدمی، کوهانه واجِنده: ”چاما سَر اَربا!“ و تپه‌هان نه نی واجا که: ”آما دوکوشانا !“ 31چون اگم تَرَه چوعنه ایزه کرنده، دیسا خشک چوعه سر چِه آیه؟»
32دو گله مردکی که جنایتکار بنده نی، بردردشانه تا عیسی نه بوکوشنده. 33وختی ایگله یاگایی آرَسسنده که چَوه نام جمجمه بِه، عیسی شان اَ دو گِله جنایتکارنه صلیبه سرک میخه کوشان آکه، ایگله چَوه راسته طَرَف و اَدَرینه چَوه چَپَ طَرف. 34عیسی باته: «ای په، اِمان ببخش، چون نزانسرنده که چه کردرنده.» اَدَمی قرعه شان درنده تا چَوه خلوعان اِشتن میانک آبخشنده. 35مردم وندَرسه بنده و تماشاشان کردرده امّا قومه پیله تره نی ریشخننه واتردشانه: «خَلکش نجات بدا! اگم اِم مردک خدا مسیحه و خدا بَرگزیدیه، اِسا اِشتن نجات بدَیه.» 36سربازه نی عیسی شان مسخره بِکَرده. اَوه بامنده پَران و اَوشان تُرشسه شراب آدییرده 37و واتردشانه: «اگم ته یهودیان پادشاهش، اِشتن نجات بده.» 38چَوه کفاینه سرکشان بینیویشته «اِمه پادشاه یهود.»
39ایگله اَ دونفر جنایتکاری که صلیبه سرک بنده، طعنه نه عیسی نه باتشه: «مگم تِه مسیح موعود نییِش؟ پس آما و اِشتن نجات بده!» 40امّا اَدرینه چَوه را غیضش بکه و باتشه: «خداک نترسری؟ تِه نی زه اَ حکمه جیرکش! 41چاما مجازات حقِنیه، چون چاما اعمال سزا ویندرام. امّا اِم مردک هیچ تقصریری نداره.» 42چاوَش عیسی نه باتشه: «ای عیسی، وختی اِشته پادشاهی آرَسسش، من نی ویر بوعر.» 43عیسی جواو بدا: «حقیقتا، تنه واجم، ته اُوری مَنه بهشتک بی.»
عیسی مردن
44تَقریبا ساعت دونزه ناهار بِه که تاریکی تمام اَ سرزمینش بِکَت و تا ساعت سُه ناهار پَش همه یاگا تاریک به. 45چون اُفتوعه نور دَ نبه. اَدَمی، معبده پرده میاننه دو پاره بیبیا. 46اَدَمی عیسی بِلَنده صَصِنه جِرَش بِکه: «ای په، چِمَن روحه اِشته دسان درسمارم.» اِمش باته و آخرین نفسش بِکَشس. 47سربازان فرمانده اِم اتفاقه ویندننه، خداش شکر بکه و باتشه: «واقعا که اِم مردک بی‌گناه بِه.» 48مردمی که تماشا کردنه را بیدو آبییه بنده، وختی ماجراشان بینده، اِشتن سینه کوسن کوسن واردِنه آگردسنده اِشتن کییَه. 49امّا چَوه آشنایه همبلنه، اَ زلّیانی نه که جلیلنه چَوه پشدنه آمیه بنده، دورک بندرسنده، و اِم اتفاقان دییَشتردنده.
عیسی دخشاردن
50واره ایگله مردکی به چَه نام یوسف به که رامه اهالیک، ایگله یهودیه شهرانک به. اَو چاک و صالح به و خدا پادشاهی را چشم بِراه به. 51یوسف با اِم که یهودیان شورا اعضا به، شورا تصمیم و کارنه موافق نبه. 52اَ بشه پیلاتُسه وَر و عیسی جَنازَش آخاشته. 53پس عیسی جَنازش صلیبکش جیر بوعرده، و ایگله کتان کفنی کی اَپیچِسشه و ایگله مقبره‌ای که سِگک تاشسشان بیا و تا اِسا هیچکسشان چه دِله دینیَه نِبه، بِناشه. 54اَ روج، «یهودیان آماده بیینه روج» بِه. یهودیان آماده بیینه روج ای روج عیده پسخه پران به که یهودیان اِشتن عیده پسخه را آماده آکرده، و چی ای مانده نبه که یهودیان مقدس شنبه روجَه شروع بیبیه. 55زلیانی که جلیلنه عیسی پَشَدن آمییه بنده، یوسفه پشدنه راه دگسنده. اَوان هم چَوه مقبرَشانه بیندا، هم بیندشانه که عیسی جنازشان چنجوره اَگا بنا. 56چاوَش آگَردسنده کییه، اَدویه و عطریه روعَن شان حاضر بکه و شنبه روجک خدا فرمانه شوار، استراحت شان بکه.
Currently Selected:
انجیل لوقا 23: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 23
23
محاکمه پیلاتُس و هیرودیس پرانک
1اَدَمی شورا هَمبِلنه بهشتنده و عیسی شان بِبه پیلاتُس والی وَر 2و اَوِکِشان شکایت بکه، باتشانه: «اِم مردکمان وینده که چاما قومه گمراه کردر و آمانه واتر که امپراتوره مالیات آمدَیا و اِدعا کردر که مسیح موعود یانی پادشاه اِسه.» 3پس پیلاتُس عیسیکش آپرسس: «آیا تِه یهودیان پادشاهش؟» عیسی چَه جواوک باته: «تِه ایزه واتری!» 4پَس پیلاتُس سران کاهنان که معبده علما بنده و جماعتِنش اعلام بکه که: «هیچ تقصیری اِم مردکک نیویندمه.» 5امّا اَوان اصرارنه واتردشانه: «عیسی اِم سَر تا اَ سَر یهودیه مردمش اِشتن تعلیمان نه تحریک کرده تا آشوب بکرنده. جلیلِنَش شروع کرده و اِسا نی اِنگا آرِسَه.»
6وختی پیلاتُس اِمش بشنَوِس، رایش به بزانه آیا عیسی جلیلیه. 7وختی بِزانسشه که اَ ناحیه ای که هیرودیسه حکمه جیرکه، عیسیش بِخِرسانس هیرودیسه وَر، چون که اَدمی هیرودیس اِشتن اورشلیمک بِه. 8هیرودیس وختی عیسیش بیند، پِر شاد آبه، چون پِر وقت به گَوسَردشه عیسی بینه. چون عیسی دربار پر لاوَانش اَشنوسه به، اُمیدش داشته اَوِک معجزه ای بینه. 9پس پِرَه سوالانی عیسیکش آپرسس، امّا عیسی هیچ جواوش ندا. 10سران کاهنان و تورات معلمین که اَگارک بنده، پَش پران اَوشان تیمت زیرده. 11هیرودیس و چَه سربازِه نی عیسیشان بی‌حرمتی کردرده و اَوشان مسخره کردرده. چاوَش ایگله زرق و برق اَبایی عیسی شان دِکه و پیلاتُسه وَر آگاردِنسِشانه. 12اَ روجک هیرودیس و پیلاتُس هَندیگَرنه رفق آبنده، چون چَوه پران هَندیگرنه دشمن بِنده.
13پیلاتُس سران کاهنان و قوم پیله تران و مردمش داد بِکه 14و اَوانش باته: «شاما اِم مردکران چِمن وَر بوعرده و واتردرانه، مردمه راک برکردر تا شورش بکرنده. امّا از اِشتن شاما پرانک اَوکم بازجویی بکه. دیَسا هیچ دلیلی نیویندمه که شاما تُهمته راست بیبینده. 15هیرودیس نظرین زه هِمِه، چون اَوِش آگِاردِنسه چاما وَر. ایزه که ویندَرا، اَوه کاری کرده نی که مرگه مستحق بیبی. 16پس اَوه شلاق زَنم و آزاد کَرم.» 17هر عیدی کی، پیلاتس گَسِه ایگله زندانی ای آزاد آکره. 18امّا اَوان همبلنه دادشان بیزی: «اَوه بوکوش و بارْاَبّاسه چاما را آزاد بِکه!» 19بارْاَبّاس کسی به که شهرکش آشوب کرده به، و آدمه کوشی واسِنه، زندانک به. 20پیلاتُس که گَوسَردشه عیسی آزاد بکره، هَنی مردمنه لاوش بکه. 21امّا مردمه زَ جِره کَردرده که: «اَوه صلیبه سَرک بوکوش! اَوه صلیبه سَرک بوکوش!» 22پیلاتس سوّمین صَفَر اَوانش باته: «چیه را؟ چِه بدی ای شی کرده؟ از که هیچ تقصیری چَوه کوشتن را نیوینم. پس اَوه شلاق زَنم و آزاد کَرم.» 23امّا مردمه اصرارنه جِرَه کردرده و آخشتردشانه عیسی صلیبه سَرک بوکوشه. آخِرِه را چَوان جِره کردن زور بامه. 24و پیلاتُسه حکمشی بدا که اَوان گَوسَردشانه. 25پیلاتُس ایزه که اَوان آخاشترده اَ مَردکی که آشوب و آدم کوشی واسنه زندانک به، آزاد آکه و عیسیش دِرَسمارده اَوان تا هر کاری که گشانه اَوِنه بکرنده.
عیسی مردن صلیبه سرک
26وختی عیسی شان بَردرده اعدام بکرنده، ایگله مردکی که چَوه نام شَمعون به و قیرَوانه اهالیک به وَ مزرعک آگَرسرده شهر، بِکَتِشانه. و صلیب شانه چَوه دوشک اَنایا، اَوشان مجبور بِکَردِه که عیسی صلیبه چَه پشدنه بِبره. 27پره جماعتی مردمک، و ایسری زلّیانی که اِشتن سینه شان اَرکوسَرده و شیونشان کردرده، چَه پَشَدنه راه دِگِسنده. 28امّا عیسی آگَردس و اَوانش باته: «ای اورشَلیمه کیلیان، چِمن را مَبرما، شاما و شاما خوردناران را بِبرَما. 29چون اَ روجانی آیه که واجا: ”خَسّه ببا اَ زَلّیانی که سانسوزنده، خَسّه بِبا اَ مارانی که هرگز خوردنشان زَنده نی و اَ سینه‌ایی که هرگز شِتش دییه نیه!“ 30اَدمی، کوهانه واجِنده: ”چاما سَر اَربا!“ و تپه‌هان نه نی واجا که: ”آما دوکوشانا !“ 31چون اگم تَرَه چوعنه ایزه کرنده، دیسا خشک چوعه سر چِه آیه؟»
32دو گله مردکی که جنایتکار بنده نی، بردردشانه تا عیسی نه بوکوشنده. 33وختی ایگله یاگایی آرَسسنده که چَوه نام جمجمه بِه، عیسی شان اَ دو گِله جنایتکارنه صلیبه سرک میخه کوشان آکه، ایگله چَوه راسته طَرَف و اَدَرینه چَوه چَپَ طَرف. 34عیسی باته: «ای په، اِمان ببخش، چون نزانسرنده که چه کردرنده.» اَدَمی قرعه شان درنده تا چَوه خلوعان اِشتن میانک آبخشنده. 35مردم وندَرسه بنده و تماشاشان کردرده امّا قومه پیله تره نی ریشخننه واتردشانه: «خَلکش نجات بدا! اگم اِم مردک خدا مسیحه و خدا بَرگزیدیه، اِسا اِشتن نجات بدَیه.» 36سربازه نی عیسی شان مسخره بِکَرده. اَوه بامنده پَران و اَوشان تُرشسه شراب آدییرده 37و واتردشانه: «اگم ته یهودیان پادشاهش، اِشتن نجات بده.» 38چَوه کفاینه سرکشان بینیویشته «اِمه پادشاه یهود.»
39ایگله اَ دونفر جنایتکاری که صلیبه سرک بنده، طعنه نه عیسی نه باتشه: «مگم تِه مسیح موعود نییِش؟ پس آما و اِشتن نجات بده!» 40امّا اَدرینه چَوه را غیضش بکه و باتشه: «خداک نترسری؟ تِه نی زه اَ حکمه جیرکش! 41چاما مجازات حقِنیه، چون چاما اعمال سزا ویندرام. امّا اِم مردک هیچ تقصریری نداره.» 42چاوَش عیسی نه باتشه: «ای عیسی، وختی اِشته پادشاهی آرَسسش، من نی ویر بوعر.» 43عیسی جواو بدا: «حقیقتا، تنه واجم، ته اُوری مَنه بهشتک بی.»
عیسی مردن
44تَقریبا ساعت دونزه ناهار بِه که تاریکی تمام اَ سرزمینش بِکَت و تا ساعت سُه ناهار پَش همه یاگا تاریک به. 45چون اُفتوعه نور دَ نبه. اَدَمی، معبده پرده میاننه دو پاره بیبیا. 46اَدَمی عیسی بِلَنده صَصِنه جِرَش بِکه: «ای په، چِمَن روحه اِشته دسان درسمارم.» اِمش باته و آخرین نفسش بِکَشس. 47سربازان فرمانده اِم اتفاقه ویندننه، خداش شکر بکه و باتشه: «واقعا که اِم مردک بی‌گناه بِه.» 48مردمی که تماشا کردنه را بیدو آبییه بنده، وختی ماجراشان بینده، اِشتن سینه کوسن کوسن واردِنه آگردسنده اِشتن کییَه. 49امّا چَوه آشنایه همبلنه، اَ زلّیانی نه که جلیلنه چَوه پشدنه آمیه بنده، دورک بندرسنده، و اِم اتفاقان دییَشتردنده.
عیسی دخشاردن
50واره ایگله مردکی به چَه نام یوسف به که رامه اهالیک، ایگله یهودیه شهرانک به. اَو چاک و صالح به و خدا پادشاهی را چشم بِراه به. 51یوسف با اِم که یهودیان شورا اعضا به، شورا تصمیم و کارنه موافق نبه. 52اَ بشه پیلاتُسه وَر و عیسی جَنازَش آخاشته. 53پس عیسی جَنازش صلیبکش جیر بوعرده، و ایگله کتان کفنی کی اَپیچِسشه و ایگله مقبره‌ای که سِگک تاشسشان بیا و تا اِسا هیچکسشان چه دِله دینیَه نِبه، بِناشه. 54اَ روج، «یهودیان آماده بیینه روج» بِه. یهودیان آماده بیینه روج ای روج عیده پسخه پران به که یهودیان اِشتن عیده پسخه را آماده آکرده، و چی ای مانده نبه که یهودیان مقدس شنبه روجَه شروع بیبیه. 55زلیانی که جلیلنه عیسی پَشَدن آمییه بنده، یوسفه پشدنه راه دگسنده. اَوان هم چَوه مقبرَشانه بیندا، هم بیندشانه که عیسی جنازشان چنجوره اَگا بنا. 56چاوَش آگَردسنده کییه، اَدویه و عطریه روعَن شان حاضر بکه و شنبه روجک خدا فرمانه شوار، استراحت شان بکه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company