ကမ္ဘာႏစ 12
12
ဗွေႏဘုရာꩻလွိုက်ဟဲ့ꩻအာဗြံ
1 #
တ ၇:၂–၃၊ ဟေဗြဲ ၁၁:၈။ ထာဝရဘုရာꩻ မိန်းဖေႏအာဗြံ၊ “အွဉ်ႏကုဲင် နာꩻခမ်းထီ၊ နာꩻဖူးဝေးစွိုးခွိုꩻ၊ တွမ်ႏနာꩻဖါလမ်းတဲင် လွေꩻသွော့ ခွေကအီႏအွဉ်ႏနယ်နာꩻ ခမ်းထီသူꩻဟုဲင်း။ 2ခွေအီႏဖေႏအာနာꩻ ပိုလီꩻစွိုးခွိုꩻတဲင် ဝွေꩻသီးနဝ်ꩻ အီႏထွာလွဉ် လိုꩻမျိုꩻတန်သွူ။ ခွေအီႏဖေႏနာꩻ မင်္ဂလာႏတဲင် မာꩻမဉ်ꩻကျော်ႏ တန်မျတ်ဖေႏနာꩻ နဝ်ꩻမꩻ နာꩻအီႏစံႏစာꩻဗာႏ မင်္ဂလာႏသွူ။
3 # ဂလာ ၃:၈။ ပါꩻကဖေႏဒါႏနာꩻ မင်္ဂလာႏနဝ်ꩻ ခွေအီႏဖေႏဝွေꩻ မင်္ဂလာႏ၊
ကွဲတွော့ꩻ ပါꩻကစိန်ႏတရေႏဒါႏ နာꩻနဝ်ꩻ ခွေအီႏစိန်ႏတရေႏသွူ။
တွမ်ႏနာꩻနဝ်ꩻ ခွေအီႏဖေႏ လိုꩻမျိုꩻကားကအဝ်ႏ မင်္ဂလာႏသွူ။”
4နုဲင်းထာဝရဘုရာꩻ ကမိန်း ဖေႏဝွေꩻမာꩻအတွိုင်ꩻ အာဗြံသက် ထွိုင်ႏလꩻ ၇၅နေင်ႏချိန်ႏ အဝ်ႏဟာရန်ဝေင်ꩻနဝ်ꩻ ထန်ႏလွဉ်စစွဉ်ႏသွူ။ လောတတဲ့ꩻ လွေꩻလွဉ်ꩻ တွမ်ႏဝွေꩻသွူ။ 5အာဗြံဟဲ့ꩻလွေꩻပါ ဝွေꩻမာသာရဲ၊ ဝွေꩻဖူးခိုပို လောတ တွမ်ႏဥစ္စာႏပစ္စည်ꩻ တွမ်ႏသွဉ်းသဲႏ ဝွေꩻကလꩻလွဉ်ဒါႏ ဟာရန်ဝေင်ꩻနဝ်ꩻကိုတဲင် ဝွေꩻသီးထန်ႏလွေꩻစ ခါနန်ခမ်းသွူ။
ဝွေꩻသီး ထွိုင်ႏဖျော်တွိုႏ ခါနန်ခမ်းကို 6အာဗြံနွို့ကာႏလွေꩻ ခမ်းနဝ်ꩻတဲင် ဖျော်လွေꩻ ခင်ႏလမ်းကြောင်းစင် မောရေသေင်ႏမွူးမျတ်ထျꩻ သျေခိမ်အရပ်သွူ။ (အချိန်ႏနဝ်ꩻနဝ်ꩻ ခါနန်လိုꩻမျိုꩻဖုံႏ အဝ်ႏအုံက ခမ်းနဝ်ꩻကိုသွူ။) 7#တ ၇:၅၊ ဂလာ ၃:၁၆။ ထာဝရဘုရာꩻပေါႏနယ် ထင်ႏသျာꩻဖေႏ အာဗြံတဲင် မိန်းဖေႏဝွေꩻ “ခမ်းယိုနဝ်ꩻ ခွေအီႏဖေႏ နာꩻပိုလီꩻစွိုးခွိုꩻ” နုဲင်းနဝ်ꩻသွူ။ နဝ်ꩻထွူ ထာဝရဘုရာꩻ ကပေါႏဖေႏ ဝွေꩻတာႏနဝ်ꩻ အာဗြံတယ်ႏ ယဇ်ပလ္လင်ႏတဗာႏသွူ။ 8ဆုဲင်ꩻနဝ်ꩻ ဝွေꩻခြုဲင်းလွေꩻနဝ် ဗေသလဝေင်ꩻ ဆꩻကွဉ်ႏဖဲ့ꩻ ကောင်ခြာကိုတဲင် ဝွေꩻချပင် အုံဗေသလတွမ်ႏ အာဣဝေင်ꩻနဝ်ꩻ အခါႏသွူ။ ဆꩻတွို့ꩻဖဲ့ꩻနဝ်ꩻ ဗေသလဝေင်ꩻ အဝ်ႏတဲင် ဖဲ့ꩻကွဉ်ႏနဝ်ꩻ အာဣဝေင်ꩻ အဝ်ႏသွူ။ နဝ်ꩻကိုတဲ့ꩻ ဝွေꩻတယ်ႏ ယဇ်ပလ္လင်ႏ တဗာႏတဲင် ဝုဲင်ႏကိုꩻကွယ်ႏ ထာဝရဘုရာꩻသွူ။ 9နဝ်ꩻထွူ ဝွေꩻခြုဲင်းခင်ႏလမ်း တထွောင်းထွူ တထွောင်းတဲင် အတွိုႏလွေꩻစွဉ်ႏ ခါနန်ခမ်း အခဝ်နဝ်ကိုသွူ။
အာဗြံနွို့လွေꩻသော့ꩻအီဂျစ်ခမ်း
10ကွဲႏတွော့ꩻ ခါနန်ခမ်းကိုနဝ်ꩻ ထာꩻအံႏအွꩻ ခြောလွဉ်တဲင် အခေႏအနေႏ ဟုဲင်းငါႏနဝ်ꩻမꩻ အာဗြံလွေꩻနဝ် နွို့သော့ꩻစွဉ်ႏ အီဂျစ်ခမ်း ရေႏလွေꩻအုံယို့ꩻသော့ꩻ တဆင်ႏပေႏသွူ။ 11ဝွေꩻထွိုင်ႏ အီႏကာႏနွို့သော့ꩻ အီဂျစ်ခမ်းကူချိန်ႏ ဝွေꩻဒေါ့ꩻဖေႏအမာ သာရဲ၊ “နာꩻနဝ်ꩻထွာ လိုꩻမူႏ ယောင်ꩻရေꩻတဖြာꩻ 12အီဂျစ်လိုꩻမျိုꩻ မဉ်ႏထီႏနာꩻချိန်ႏနဝ်ꩻ ဝွေꩻသီးအီႏရိုꩻ နာꩻနဝ်ꩻထွာ ခွေမာ၊ ပွိုးနဝ်ꩻမꩻ ဝွေꩻသီး အီႏမာꩻသီထိုꩻခွေတဲင် အီႏအွဉ်ႏစွꩻလွစ် နာꩻအသက်သွူ။ 13#ကမ္ဘာႏ ၂၀:၂၊ ၂၆:၇။ နာꩻနဝ်ꩻ ထွာခွေဖူးမူႏဒျာႏကျောင်ꩻ ဒေါ့ꩻဖေႏသွော့ ဝွေꩻသီးနုဲင်းနဝ်ꩻ၊ မဉ်ႏဒေါ့ꩻနုဲင်းနဝ်ꩻမꩻ ကွပ်ပွိုးနာꩻတဲင် ဝွေꩻသီးအွဉ်ႏစွꩻလွစ် ခွေအသက်တွော့ꩻ အီႏကျိုႏဆွုမ်ႏ ဆွုပ်ဆံႏဟဝ်ခွေ” နုဲင်းနဝ်ꩻသွူ။ 14ဝွေꩻထွိုင်ႏ ဖျတ်ကာႏခမ်းကူ နွို့သော့ꩻ အီဂျစ်ခမ်းကိုချိန်ႏ ဝွေꩻမာနဝ်ꩻ ယောင်ꩻရေꩻငါႏကျောင်ꩻ အီဂျစ်လိုꩻမျိုꩻဖုံႏ ထီႏဗာႏသွူ။ 15ဟော်နန်ꩻမူꩻမတ် လိုꩻတန်ဖုံႏယင်းဟန်ႏ ထွိုင်ႏထီႏဗာႏ ပါꩻမူႏနဝ်ꩻ ယောင်ꩻရေꩻငါႏကျောင်ꩻ ဒေါ့ꩻနယ်ဖေႏစွဉ်ႏ အခွန်တန်သွူ။ ပွိုးနဝ်ꩻမꩻ ဝွေꩻမူႏနဝ်ꩻ ဝင်ꩻဟဲ့ꩻလွေꩻသော့ꩻစွဉ်ႏ ဟော်နန်ꩻလောင်းကီသွူ။ 16ကွပ်ပွိုး ဝွေꩻမူႏနဝ်ꩻမ ခွန်တန်နဝ်ꩻ ဆွုပ်ဆံႏဟဝ်မွေးစွဉ်ႏ အာဗြံတဲင် ဖေႏဝွေꩻဆု သွိုꩻဖုံႏ၊ ဖိုးဖုံႏ၊ ဗဲဖုံႏ၊ သေလာꩻဖုံႏ၊ သွဉ်းဖုံႏတွမ်ႏ ကလာအုတ်ဖုံႏသွူ။
17ကွဲႏတွော့ꩻ ကွပ်ပွိုး ခွန်တန် သိမ်ꩻထူႏထိုꩻ သာရဲနဝ်ꩻမꩻ ထာဝရဘုရာꩻ အွဉ်ႏစွꩻလွဉ်စွဉ်ႏ ဟဝ်ငမ်းခရာႏ ရောႏဂါႏ ခွန်တန်တွမ်ႏ လိုꩻဟော်နန်ꩻကိုသားဖုံႏ အလောင်းသွူ။ 18နဝ်ꩻထွူ ခွန်တန်မိန်းဟဲ့ꩻ အာဗြံတွော့ꩻ ရီဝွေꩻ၊ “နာꩻမာꩻခွေ နုဲင်းမုဲင်ꩻဟောင်း၊ ဝွေꩻမူႏယို နာꩻမာꩻဒျာႏနဝ်ꩻ ပွိုးတမုဲင်ꩻ နာꩻတဒေါ့ꩻနယ်တဝ်း ခွေဟောင်း၊ 19ဝွေꩻမူႏယို ဖေႏနေး ခွေကသိမ်ꩻထူႏ ဖေႏကထွာ ခွေမာနဝ်ꩻ ပွိုးတမုဲင်ꩻ နာꩻရိုꩻဗာႏတွိုႏ ဝွေꩻနဝ်ꩻထွာ နာꩻဖူးမူႏဒျာႏ နုဲင်းမုဲင်ꩻဟောင်း၊ ယိုနာꩻမာ ဟဲ့ꩻဝွေꩻတဲင် ထန်ႏထိုꩻခန်း” နုဲင်းနဝ်ꩻသွူ။ 20ခွန်တန် ဖေႏအမိန်း ထွဉ်ႏအလိုꩻဖုံႏတဲင် အလိုꩻဖုံႏနဝ်ꩻ ထွဉ်ႏအာဗြံ ဟဲ့ꩻဝွေꩻမာ ထူႏအထာꩻခြိုꩻ ဥစ္စာႏဖုံႏ ကားကအဝ်ႏနဝ်ꩻတဲင် အဝ်ႏခမ်းကိုနဝ်ꩻ အွဉ်ႏထန်ႏထိုꩻစွဉ်ႏသွူ။
Currently Selected:
ကမ္ဘာႏစ 12: PBCL
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
ကမ္ဘာႏစ 12
12
ဗွေႏဘုရာꩻလွိုက်ဟဲ့ꩻအာဗြံ
1 #
တ ၇:၂–၃၊ ဟေဗြဲ ၁၁:၈။ ထာဝရဘုရာꩻ မိန်းဖေႏအာဗြံ၊ “အွဉ်ႏကုဲင် နာꩻခမ်းထီ၊ နာꩻဖူးဝေးစွိုးခွိုꩻ၊ တွမ်ႏနာꩻဖါလမ်းတဲင် လွေꩻသွော့ ခွေကအီႏအွဉ်ႏနယ်နာꩻ ခမ်းထီသူꩻဟုဲင်း။ 2ခွေအီႏဖေႏအာနာꩻ ပိုလီꩻစွိုးခွိုꩻတဲင် ဝွေꩻသီးနဝ်ꩻ အီႏထွာလွဉ် လိုꩻမျိုꩻတန်သွူ။ ခွေအီႏဖေႏနာꩻ မင်္ဂလာႏတဲင် မာꩻမဉ်ꩻကျော်ႏ တန်မျတ်ဖေႏနာꩻ နဝ်ꩻမꩻ နာꩻအီႏစံႏစာꩻဗာႏ မင်္ဂလာႏသွူ။
3 # ဂလာ ၃:၈။ ပါꩻကဖေႏဒါႏနာꩻ မင်္ဂလာႏနဝ်ꩻ ခွေအီႏဖေႏဝွေꩻ မင်္ဂလာႏ၊
ကွဲတွော့ꩻ ပါꩻကစိန်ႏတရေႏဒါႏ နာꩻနဝ်ꩻ ခွေအီႏစိန်ႏတရေႏသွူ။
တွမ်ႏနာꩻနဝ်ꩻ ခွေအီႏဖေႏ လိုꩻမျိုꩻကားကအဝ်ႏ မင်္ဂလာႏသွူ။”
4နုဲင်းထာဝရဘုရာꩻ ကမိန်း ဖေႏဝွေꩻမာꩻအတွိုင်ꩻ အာဗြံသက် ထွိုင်ႏလꩻ ၇၅နေင်ႏချိန်ႏ အဝ်ႏဟာရန်ဝေင်ꩻနဝ်ꩻ ထန်ႏလွဉ်စစွဉ်ႏသွူ။ လောတတဲ့ꩻ လွေꩻလွဉ်ꩻ တွမ်ႏဝွေꩻသွူ။ 5အာဗြံဟဲ့ꩻလွေꩻပါ ဝွေꩻမာသာရဲ၊ ဝွေꩻဖူးခိုပို လောတ တွမ်ႏဥစ္စာႏပစ္စည်ꩻ တွမ်ႏသွဉ်းသဲႏ ဝွေꩻကလꩻလွဉ်ဒါႏ ဟာရန်ဝေင်ꩻနဝ်ꩻကိုတဲင် ဝွေꩻသီးထန်ႏလွေꩻစ ခါနန်ခမ်းသွူ။
ဝွေꩻသီး ထွိုင်ႏဖျော်တွိုႏ ခါနန်ခမ်းကို 6အာဗြံနွို့ကာႏလွေꩻ ခမ်းနဝ်ꩻတဲင် ဖျော်လွေꩻ ခင်ႏလမ်းကြောင်းစင် မောရေသေင်ႏမွူးမျတ်ထျꩻ သျေခိမ်အရပ်သွူ။ (အချိန်ႏနဝ်ꩻနဝ်ꩻ ခါနန်လိုꩻမျိုꩻဖုံႏ အဝ်ႏအုံက ခမ်းနဝ်ꩻကိုသွူ။) 7#တ ၇:၅၊ ဂလာ ၃:၁၆။ ထာဝရဘုရာꩻပေါႏနယ် ထင်ႏသျာꩻဖေႏ အာဗြံတဲင် မိန်းဖေႏဝွေꩻ “ခမ်းယိုနဝ်ꩻ ခွေအီႏဖေႏ နာꩻပိုလီꩻစွိုးခွိုꩻ” နုဲင်းနဝ်ꩻသွူ။ နဝ်ꩻထွူ ထာဝရဘုရာꩻ ကပေါႏဖေႏ ဝွေꩻတာႏနဝ်ꩻ အာဗြံတယ်ႏ ယဇ်ပလ္လင်ႏတဗာႏသွူ။ 8ဆုဲင်ꩻနဝ်ꩻ ဝွေꩻခြုဲင်းလွေꩻနဝ် ဗေသလဝေင်ꩻ ဆꩻကွဉ်ႏဖဲ့ꩻ ကောင်ခြာကိုတဲင် ဝွေꩻချပင် အုံဗေသလတွမ်ႏ အာဣဝေင်ꩻနဝ်ꩻ အခါႏသွူ။ ဆꩻတွို့ꩻဖဲ့ꩻနဝ်ꩻ ဗေသလဝေင်ꩻ အဝ်ႏတဲင် ဖဲ့ꩻကွဉ်ႏနဝ်ꩻ အာဣဝေင်ꩻ အဝ်ႏသွူ။ နဝ်ꩻကိုတဲ့ꩻ ဝွေꩻတယ်ႏ ယဇ်ပလ္လင်ႏ တဗာႏတဲင် ဝုဲင်ႏကိုꩻကွယ်ႏ ထာဝရဘုရာꩻသွူ။ 9နဝ်ꩻထွူ ဝွေꩻခြုဲင်းခင်ႏလမ်း တထွောင်းထွူ တထွောင်းတဲင် အတွိုႏလွေꩻစွဉ်ႏ ခါနန်ခမ်း အခဝ်နဝ်ကိုသွူ။
အာဗြံနွို့လွေꩻသော့ꩻအီဂျစ်ခမ်း
10ကွဲႏတွော့ꩻ ခါနန်ခမ်းကိုနဝ်ꩻ ထာꩻအံႏအွꩻ ခြောလွဉ်တဲင် အခေႏအနေႏ ဟုဲင်းငါႏနဝ်ꩻမꩻ အာဗြံလွေꩻနဝ် နွို့သော့ꩻစွဉ်ႏ အီဂျစ်ခမ်း ရေႏလွေꩻအုံယို့ꩻသော့ꩻ တဆင်ႏပေႏသွူ။ 11ဝွေꩻထွိုင်ႏ အီႏကာႏနွို့သော့ꩻ အီဂျစ်ခမ်းကူချိန်ႏ ဝွေꩻဒေါ့ꩻဖေႏအမာ သာရဲ၊ “နာꩻနဝ်ꩻထွာ လိုꩻမူႏ ယောင်ꩻရေꩻတဖြာꩻ 12အီဂျစ်လိုꩻမျိုꩻ မဉ်ႏထီႏနာꩻချိန်ႏနဝ်ꩻ ဝွေꩻသီးအီႏရိုꩻ နာꩻနဝ်ꩻထွာ ခွေမာ၊ ပွိုးနဝ်ꩻမꩻ ဝွေꩻသီး အီႏမာꩻသီထိုꩻခွေတဲင် အီႏအွဉ်ႏစွꩻလွစ် နာꩻအသက်သွူ။ 13#ကမ္ဘာႏ ၂၀:၂၊ ၂၆:၇။ နာꩻနဝ်ꩻ ထွာခွေဖူးမူႏဒျာႏကျောင်ꩻ ဒေါ့ꩻဖေႏသွော့ ဝွေꩻသီးနုဲင်းနဝ်ꩻ၊ မဉ်ႏဒေါ့ꩻနုဲင်းနဝ်ꩻမꩻ ကွပ်ပွိုးနာꩻတဲင် ဝွေꩻသီးအွဉ်ႏစွꩻလွစ် ခွေအသက်တွော့ꩻ အီႏကျိုႏဆွုမ်ႏ ဆွုပ်ဆံႏဟဝ်ခွေ” နုဲင်းနဝ်ꩻသွူ။ 14ဝွေꩻထွိုင်ႏ ဖျတ်ကာႏခမ်းကူ နွို့သော့ꩻ အီဂျစ်ခမ်းကိုချိန်ႏ ဝွေꩻမာနဝ်ꩻ ယောင်ꩻရေꩻငါႏကျောင်ꩻ အီဂျစ်လိုꩻမျိုꩻဖုံႏ ထီႏဗာႏသွူ။ 15ဟော်နန်ꩻမူꩻမတ် လိုꩻတန်ဖုံႏယင်းဟန်ႏ ထွိုင်ႏထီႏဗာႏ ပါꩻမူႏနဝ်ꩻ ယောင်ꩻရေꩻငါႏကျောင်ꩻ ဒေါ့ꩻနယ်ဖေႏစွဉ်ႏ အခွန်တန်သွူ။ ပွိုးနဝ်ꩻမꩻ ဝွေꩻမူႏနဝ်ꩻ ဝင်ꩻဟဲ့ꩻလွေꩻသော့ꩻစွဉ်ႏ ဟော်နန်ꩻလောင်းကီသွူ။ 16ကွပ်ပွိုး ဝွေꩻမူႏနဝ်ꩻမ ခွန်တန်နဝ်ꩻ ဆွုပ်ဆံႏဟဝ်မွေးစွဉ်ႏ အာဗြံတဲင် ဖေႏဝွေꩻဆု သွိုꩻဖုံႏ၊ ဖိုးဖုံႏ၊ ဗဲဖုံႏ၊ သေလာꩻဖုံႏ၊ သွဉ်းဖုံႏတွမ်ႏ ကလာအုတ်ဖုံႏသွူ။
17ကွဲႏတွော့ꩻ ကွပ်ပွိုး ခွန်တန် သိမ်ꩻထူႏထိုꩻ သာရဲနဝ်ꩻမꩻ ထာဝရဘုရာꩻ အွဉ်ႏစွꩻလွဉ်စွဉ်ႏ ဟဝ်ငမ်းခရာႏ ရောႏဂါႏ ခွန်တန်တွမ်ႏ လိုꩻဟော်နန်ꩻကိုသားဖုံႏ အလောင်းသွူ။ 18နဝ်ꩻထွူ ခွန်တန်မိန်းဟဲ့ꩻ အာဗြံတွော့ꩻ ရီဝွေꩻ၊ “နာꩻမာꩻခွေ နုဲင်းမုဲင်ꩻဟောင်း၊ ဝွေꩻမူႏယို နာꩻမာꩻဒျာႏနဝ်ꩻ ပွိုးတမုဲင်ꩻ နာꩻတဒေါ့ꩻနယ်တဝ်း ခွေဟောင်း၊ 19ဝွေꩻမူႏယို ဖေႏနေး ခွေကသိမ်ꩻထူႏ ဖေႏကထွာ ခွေမာနဝ်ꩻ ပွိုးတမုဲင်ꩻ နာꩻရိုꩻဗာႏတွိုႏ ဝွေꩻနဝ်ꩻထွာ နာꩻဖူးမူႏဒျာႏ နုဲင်းမုဲင်ꩻဟောင်း၊ ယိုနာꩻမာ ဟဲ့ꩻဝွေꩻတဲင် ထန်ႏထိုꩻခန်း” နုဲင်းနဝ်ꩻသွူ။ 20ခွန်တန် ဖေႏအမိန်း ထွဉ်ႏအလိုꩻဖုံႏတဲင် အလိုꩻဖုံႏနဝ်ꩻ ထွဉ်ႏအာဗြံ ဟဲ့ꩻဝွေꩻမာ ထူႏအထာꩻခြိုꩻ ဥစ္စာႏဖုံႏ ကားကအဝ်ႏနဝ်ꩻတဲင် အဝ်ႏခမ်းကိုနဝ်ꩻ အွဉ်ႏထန်ႏထိုꩻစွဉ်ႏသွူ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.