လုကာ 17
17
အပဲစ်
(မတဲ ၁၈:၆–၇၊၂၁-၂၂။ မာကု ၉:၄၂)
1ဗွေႏယေသျု ဒေါ့ꩻဖေႏဝွေꩻဗွေႏ တပဲ့တောႏဖုံႏ၊ “ထာꩻကမာꩻထဲ့သော့ꩻဒါႏ လိုꩻဖုံႏအပဲစ်ကိုနဝ်ꩻ အဝ်ႏဗာႏဒျာႏရင်ꩻ၊ ကွဲႏတွော့ꩻ ပါꩻတဖြာꩻ ကမာꩻထွာလွဉ်ဒါႏ အပဲစ်နဝ်ꩻဖုံႏနဝ်ꩻ ဟဝ်ငမ်းသꩻ အမင်္ဂလာႏအဝ်ႏငါႏ ခွိုင်းကားမုဲင်ꩻ။ 2လိုꩻပေႏနုဲင်းနဝ်ꩻတဖြာꩻ ဖေႏကမာꩻထိုꩻ အပဲစ်နဝ်ꩻအတွက်၊ ဝွေꩻအတာႏ မဉ်ႏစွိုင် အငွဉ်ꩻ တွမ်ႏလွေလုံးတန်တွော့ꩻ လွဉ်းလင်ꩻ ပင်ႏလယ်ႏ ထီယော့ကိုနဝ်ꩻ ကယိန်းဟဝ် ကယ်ꩻသွူ။ 3#မ ၁၈:၁၅။ နဝ်ꩻမꩻ သီအဝ်ႏမာꩻတမုဲင်ꩻနဝ်ꩻ အွဉ်ႏသတိꩻသွော့။
“သီဖူးဝေးဖုံႏ မဉ်ႏမာꩻအပဲစ်ဖုံႏနဝ်ꩻ ခွန်းသွဉ်သင်ဝွေꩻတဲင် ဝွေꩻမဉ်ႏလꩻချာ ထာꩻကော့ꩻမာႏနဝ်ꩻ အွဉ်ႏစွꩻလွစ်ဖေႏသွော့ ဝွေꩻအပဲစ်။ 4တနီꩻကို ဝွေꩻမဉ်ႏပဲစ်မာႏ ဆန်ချာသီ နွတ်ꩻလဲင်ႏတဲင် စွုမ်ႏလဲင်ႏ ဝွေꩻလွဉ်ရိုꩻဖေႏသီ ‘ခွေလꩻလဲဉ်း ထာꩻကော့ꩻမာႏ’ နုဲင်းနဝ်ꩻနဝ်ꩻ သီအွဉ်ႏစွꩻလွစ်ဖေႏဗာႏ ဝွေꩻအပဲစ်နဝ်ꩻသွူ။
ထာꩻယွုမ်း
5တမန်ႏတောႏဖုံႏ လဝ်းထင်ႏ ဗွေႏဘုရာꩻ၊ “မာꩻတန်ဖေႏဗဲင်း နီထာꩻယွုမ်းမွိုင်” နုဲင်းနဝ်ꩻသွူ။
6ဗွေႏဘုရာꩻလဝ်းချာ၊ “သီထာꩻယွုမ်းမဉ်ႏတန် နုဲင်းဟန်ႏလွူးခူနဝ်ꩻ သီရိုꩻဖေႏနွောင်ꩻ မွဉ်ꩻမွူးယို၊ “ထွို့ꩻထန်ႏချာ နာꩻအရွီးတွော့ꩻ ဆို့ꩻသော့ꩻသွော့နာꩻနမ်း ပင်ႏလယ်ႏကိုဟုဲင်း’ နုဲင်းနဝ်ꩻတဲင် မွဉ်ꩻမွူးနဝ်ꩻ အီႏနာႏနာꩻငဝ်းသွူ။
သွဉ်းတဖြာꩻ၀တ္တရာꩻ
7“ရိုꩻခန်း သီအကို ပါꩻတဖြာꩻနဝ်ꩻ အသွဉ်းအဝ်ႏတဖြာꩻ၊ အဝ်ႏထုဲင်ခြံ မဉ်ႏတမွေးတဝ်း အဝ်ႏတီသွိုꩻသွူ။ အဝ်ႏခြံကို ဝွေꩻထွိုင်ႏဖျော်လွဉ် ချိန်ႏနဝ်ꩻ အွဉ်ႏဝွေꩻမာꩻ မွိုင်မွိုင်တွော့ꩻ အွဉ်ႏဝွေꩻအံႏ ထာꩻအံႏနဝ်ꩻ စောင်းမ သီဒေါ့ꩻဖေႏဝွေꩻ နုဲင်းနဝ်ꩻဟောင်း။ 8နုဲင်းနဝ်ꩻတမွေးတဝ်း၊ ကွပ်စွဉ်ႏ အီႏဒေါ့ꩻနုဲင်းနဝ်ꩻနဝ်ꩻ သီရိုꩻဖေႏဒျာႏဝွေꩻ၊ ‘ထွိုင်ႏတဲင် ဖျင်ရဲဉ်ꩻဖေႏခွေ ဒဲဉ်ဟာဟုဲင်း။ နဝ်ꩻထွူ စွိုင်ဟဝ်ဟဝ် နာꩻငင်းဒေင်စွိုင်တဲင် ခွေကအံႏအွꩻကျာꩻနဝ်ꩻ အုံပွေါးလွူးခွေဟုဲင်း။ နဝ်ꩻထွူမꩻ၊ နာꩻအံႏသွော့ နာꩻထာꩻအံႏ’ နုဲင်းနဝ်ꩻသွူ။ 9သွဉ်းနဝ်ꩻ ပွိုးလွောက်ꩻနာႏ ငဝ်းဖုံႏနဝ်ꩻအတွက် တအဝ်ႏလိုႏ ကေꩻဇူꩻတန်တင်ႏတဝ်းဝွေꩻ တမွေးတဝ်းဟောင်း။ 10သီနဝ်ꩻ ဗွိုန်နုဲင်းနဝ်ꩻနေနေ သီကအဝ်ႏဒေါ့ꩻဒါႏ သီအီႏမာꩻချိန်ႏ သီထွိုင်ႏမာꩻထွူလို့နဝ်ꩻ၊ အဝ်ႏရိုꩻဒျာႏ၊ ‘နီနဝ်ꩻထွာ သွဉ်းဖုံႏရိုꩻရိုꩻဒျာႏ။ နီအဝ်ႏမာꩻထွူဒျာႏ နီတာႏဝွန်ႏ ထာꩻမာꩻလွုမ်ꩻ’ နုဲင်းနဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻခိုတဆီဖြာꩻ
11နုဲင်းဗွေႏယေသျု ကအဝ်ႏထန်ႏလွေꩻတဖူꩻ ဝေင်ꩻယေရုသလမ်ႏနဝ်ꩻ ဝွေꩻဗွေႏ အဝ်ႏလောင်းလွေꩻ သျာမရိတွမ်ႏ ကာလိလဲခမ်းကူခါႏသွူ။ 12ဝွေꩻဗွေႏ ထွိုင်ႏနွို့လွေꩻသော့ꩻ ဒုံတဒုံကိုချိန်ႏ ဝွေꩻဗွေႏ မော့ꩻခွဲဆွုမ်ႏစွဉ်ႏ ပါꩻခို အဖြာꩻတဆီ ကခံႏစာꩻဗာႏ အတွတ်ꩻရောႏဂါႏ နဝ်ꩻသွူ။ ဝွေꩻသီး အုံထွိုင်ႏညာꩻနေးတဲင် 13ခြောဝ်သန်အငဝ်း၊ “ဗွေႏ၊ ဗွေႏယေသျု၊ သꩻညင်ꩻဗဲင်း နီသွဉ်းသီးမွိုင်” နုဲင်းနဝ်ꩻသွူ။
14 #
ဝိ ၁၄:၁–၃၂။ ဗွေႏယေသျုထီႏ ဝွေꩻသီးတဲင် ဒေါ့ꩻဖေႏဝွေꩻသီး၊ “လွေꩻတဲင် အွဉ်ႏသွော့ ယဇ်ပရောဟိတ်ဖုံႏ စဲစ်ဆေꩻထွားသီဟုဲင်း” နုဲင်းနဝ်ꩻသွူ။
အဝ်ႏလွေꩻ တဖူꩻလောင်းကျာꩻနဝ်ꩻ ဝွေꩻသီးထာꩻဆာဖုံႏ ကြောင်းစင်စွဉ်ႏသွူ။ 15ဝွေꩻသီးကိုတဖြာꩻ ထွိုင်ႏထီႏ ဝွေꩻထာꩻဆာ ဟဝ်ရေꩻလဲဉ်းနဝ်ꩻ ဝွေꩻသဲင်ꩻလွဉ်ချာတဲင် ခြောဝ်သန်အငဝ်း အုပ်ꩻထင်ႏ ဗွေႏဘုရာꩻ ဂွုဏ်ႏတောႏသွူ။ 16ဝွေꩻနမ်း အွပ်ꩻလင်ꩻစွဉ်ႏ ဟံႏလောင်း ဗွေႏယေသျု ခင်ႏထျꩻတဲင် ကေꩻဇူꩻတင်ႏစွဉ်ႏ ဝွေꩻဗွေႏသွူ။ ပါꩻခိုနဝ်ꩻထွာဒျာႏ သျာမရိ လိုꩻမျိုꩻတဖြာꩻသွူ။ 17ဗွေႏယေသျုဒေါ့ꩻ၊ “ထာꩻဆာ ကဟဝ်ရေꩻနဝ်ꩻ တဆီဖြာꩻသွူ။ အလင်ကွတ်ꩻဖြာꩻနဝ်ꩻ အဝ်ႏမုဲင်ꩻကိုဟောင်း။ 18ပွိုးတမုဲင်ꩻ ကသဲင်ꩻအုပ်ꩻချာဒါႏ ဗွေႏဘုရာꩻ ဂွုဏ်ႏကေꩻဇူꩻတောႏနဝ်ꩻ အဝ်ႏဒျာႏ ခမ်းလင်သား ယိုတဖြာꩻလွုမ်ꩻ နုဲင်းမုဲင်ꩻဟောင်း။” 19နုဲင်းနဝ်ꩻတဲင် ဗွေႏယေသျု ဒေါ့ꩻဖေႏဝွေꩻ၊ “ထွိုင်ႏတဲင်လွေꩻဟုဲင်း။ နာꩻထာꩻယွုမ်းနဝ်ꩻ မာꩻဟဝ်ရေꩻဖေႏလဲဉ်းနာꩻ” နုဲင်းနဝ်ꩻသွူ။
ဗွေႏဘုရာꩻခမ်းထီအဝ်ႏတယ်ႏလဲဉ်
(မတဲ ၂၄:၂၃–၂၈၊ ၃၇-၄၁)
20ဖါရိသဲဖုံႏ ယင်ဟန်ႏ ရီဗွေႏယေသျု ဗွေႏဘုရာꩻခမ်းထီ အီႏတယ်ႏ လွဉ်ချိန်ႏမုဲင်ꩻ နုဲင်းနဝ်ꩻသွူ။ ဝွေꩻဗွေႏလဝ်းချာ၊ “ဗွေႏဘုရာꩻ ခမ်းထီနဝ်ꩻ တတယ်ႏလွဉ်တဝ်း အနယ်ꩻ နုဲင်းကထီႏဗာႏ နေးစားနဝ်ꩻသွူ။ 21ပါꩻမုဲင်ꩻတဖြာꩻတဲ့ အီႏတရိုꩻတဝ်း၊ ‘ထွားဟုဲင်း၊ ဗွေႏဘုရာꩻ ခမ်းထီနဝ်ꩻ အဝ်ႏယိုကို၊ မဉ်ႏမွေးတဝ်း အဝ်ႏနဝ်ꩻကို’ နုဲင်းနဝ်ꩻသွူ။ ပွိုးတွော့ꩻ ဗွေႏဘုရာꩻ ခမ်းထီနဝ်ꩻ အဝ်ႏဒျာႏ သီအကို” နုဲင်းနဝ်ꩻသွူ။
22နဝ်ꩻထွူ ဝွေꩻဗွေႏဒေါ့ꩻဖေႏ အတပဲ့တောႏဖုံႏ၊ “သီကမဉ်ထီႏဒါႏ လိုꩻပိုခို မွူးနီꩻတနီꩻနဝ်ꩻ အချိန်ႏအီႏဖျော်လွဉ်၊ ကွဲႏတွော့ꩻ အနီꩻနဝ်ꩻနဝ်ꩻ သီအီႏတထီႏဗာႏတဝ်း။ 23နဝ်ꩻကိုနဝ်ꩻ လိုꩻဖုံႏအီႏရိုꩻဖေႏသီ၊ ‘ထွားဟုဲင်း၊ အဝ်ႏအွိုးနဝ်ꩻကို မဉ်ႏမွေးတဝ်း၊ ထွားဟုဲင်း၊ အဝ်ႏအွိုးယိုကိုဒျာႏ’ နုဲင်းနဝ်ꩻစွဉ်ႏတဲ့ နဝ်ꩻအတာႏ ထန်ႏလွေꩻ ထုမ်ႏထွားမွိုန်း။ 24နုဲင်းတျာႏလိက်ꩻ အရောင်ႏ ကဖျတ်လွဉ်ထာꩻ မို့ꩻလောင်းနဝ်ꩻ အဝ်ႏတဖဲ့ꩻ ဗꩻလွေꩻတဖဲ့ꩻအတွိုင်ꩻ ဗွိုန်နုဲင်းနဝ်ꩻနေနေ လိုꩻပိုခို ကအီႏကျွꩻလွဉ်ဒါႏ ဝွေꩻမွူးနီꩻနဝ်ꩻတဲ့ အီႏထွာလွဉ်သွူ။ 25ကွဲႏတွော့ꩻ အရီးသွတ်ꩻနဝ်ꩻ ဝွေꩻအီႏခံႏစာꩻ ဗာႏမွေးနေးစွဉ်ႏ ဝေႏဒနာႏ တွမ်ႏလိုꩻဟန်ႏနီꩻဖုံႏယို ပယ်ႏထိုꩻနဝ်ꩻသွူ။ 26#ကမ္ဘာႏ ၆:၅–၈။ နုဲင်းနောဧစိုး ကထွာလွဉ်လဲဉ်း အတွိုင်ꩻ လိုꩻပိုခို မွူးနီꩻနဝ်ꩻတဲ့ အီႏထွာလွဉ် နုဲင်းနဝ်ꩻသွူ။ 27#ကမ္ဘာႏ ၇:၆–၂၄။ ဗꩻတွိုႏလွေꩻအနီꩻ နောဧကနွို့သော့ꩻ သင်္ဘောꩻကိုတဲင် ထီလုမ်ႏသီထိုꩻလို့ ဝွေꩻသီး ကားကအဝ်ႏအတွိုင်ꩻ လိုꩻစွုမ်ႏဖြာꩻနဝ်ꩻ အဝ်ႏအံႏဒျာႏ အွꩻဒျာႏတဲင် လိုꩻခိုတွမ်ႏ လိုꩻမူႏနဝ်ꩻ အဝ်ႏတောႏလမ်း မင်္ဂလာႏဒျာႏသွူ။ 28#ကမ္ဘာႏ ၁၈:၂၀—၁၉:၂၅။ နဝ်ꩻနဝ်ꩻ အီႏထွာနုဲင်း လောတစိုးသွူ။ လိုꩻစွုမ်ႏဖြာꩻနဝ်ꩻ အဝ်ႏအံႏတဲင် အဝ်ႏအွꩻဒျာႏ၊ ဖြေꩻစာဒျာႏ၊ အဝ်ႏဆို့ꩻရုဲင်ဒျာႏတဲင် အဝ်ႏတယ်ႏမာꩻဒျာႏ လမ်းဖုံႏသွူ။ 29လောတထန်ႏထိုꩻနီꩻနဝ်ꩻ မေႏတွမ်ႏကန်ꩻ အဝ်ႏခမ်းထီမို့ꩻလောင်း လော့လင်ꩻတဲင် ခိုးသီထိုꩻလို့စွဉ်ႏ ဝွေꩻသီး ကားကအဝ်ႏနဝ်ꩻသွူ။။ 30လိုꩻပိုခို ကအီႏကျွꩻလွဉ် အနီꩻနဝ်ꩻတဲ့ အီႏထွာလွဉ် နုဲင်းနဝ်ꩻသွူ။
31 #
မ ၂၄:၁၇၊ ၁၈၊ မာ ၁၃:၁၅၊ ၁၆။ “အနီꩻနဝ်ꩻ လိုꩻယင်ဟန်ႏ ကအဝ်ႏဒါႏ လမ်းသꩻလောင်းကီနဝ်ꩻ တွမ်ႏလင်ꩻထူႏမွိုန်း ထာꩻခြိုꩻ လမ်းကိုဟုဲင်း။ ဗွိုန်နုဲင်းနဝ်ꩻနေနေ ပါꩻမုဲင်ꩻ ကထန်ႏလွေꩻဒါႏ ခြံတုံးကိုနဝ်ꩻ သဲင်ꩻချာမွိုန်းတဝ်းလမ်း။ 32#ကမ္ဘာႏ ၁၉:၂၆။ ယူႏလꩻချာသွော့ လောတမာနဝ်ꩻဟုဲင်း။ 33#မ ၁၀:၃၉၊ ၁၆:၂၅၊ မာ ၈:၃၅၊ လု ၉:၂၄၊ ယော ၁၂:၂၅။ လိုꩻကမဉ်ကျိုꩻစာꩻ ကယ်ႏချာဒါႏ ဝွေꩻသီးအသက်နဝ်ꩻ အသက် အီႏသွုမ်ꩻထိုꩻသွူ။ လိုꩻအသက် ကသွုမ်ꩻထိုꩻသားနဝ်ꩻ ဝွေꩻသီး အသက်အီႏလꩻ ထာꩻကယ်ႏတင်ႏသွူ။ 34ခွေဒေါ့ꩻဖေႏသီ၊ အနာꩻနဝ်ꩻ လိုꩻဝင်ꩻနီ အဝ်ႏဗေင်ႏသော့ꩻထာꩻ ခင်ႏလမ်းဗေင်ႏ တဗာႏချင်ႏ ကိုချိန်ႏ၊ တဖြာꩻနဝ်ꩻ အီႏဟဲ့ꩻညာꩻထိုꩻတဲင် အလင်တဖြာꩻနဝ်ꩻ အီႏအဝ်ႏကုဲင်ချာသွူ။ 35လိုꩻမူႏဝင်ꩻနီ အဝ်ႏခြွုတ်ငီꩻလို့ဝင်ꩻဗွူတဲင် တဖြာꩻနဝ်ꩻ အီႏဟဲ့ꩻလွေꩻညာꩻထိုꩻ၊ အလင်တဖြာꩻနဝ်ꩻ အီႏအဝ်ႏကုဲင်ချာထိုꩻသွူ။ 36လိုꩻခိုဝင်ꩻနီ အဝ်ႏမာꩻငီꩻဝင်ꩻထာꩻမာꩻ ခြံကိုနဝ်ꩻ တဖြာꩻနဝ်ꩻ အီႏဟဲ့ꩻလွေꩻညာꩻထိုꩻတဲင် အလင်တဖြာꩻနဝ်ꩻ အဝ်ႏကုဲင်ချာဒျာႏ” နုဲင်းနဝ်ꩻသွူ။
37တပဲ့တောႏဖုံႏရီ ဝွေꩻဗွေႏ၊ “အီႏထွာမုဲင်ꩻကိုဟောင်း၊ ဗွေႏဘုရာꩻ” နုဲင်းနဝ်ꩻသွူ။
ဗွေႏယေသျုလဝ်းချာ၊ “ရုပ်ခန္ဓာႏ အဝ်ႏမုဲင်ꩻကိုတဲ့၊ လင်ႏတဖုံႏ အီႏစုဗူႏ” နုဲင်းနဝ်ꩻသွူ။
Currently Selected:
လုကာ 17: PBCL
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
လုကာ 17
17
အပဲစ်
(မတဲ ၁၈:၆–၇၊၂၁-၂၂။ မာကု ၉:၄၂)
1ဗွေႏယေသျု ဒေါ့ꩻဖေႏဝွေꩻဗွေႏ တပဲ့တောႏဖုံႏ၊ “ထာꩻကမာꩻထဲ့သော့ꩻဒါႏ လိုꩻဖုံႏအပဲစ်ကိုနဝ်ꩻ အဝ်ႏဗာႏဒျာႏရင်ꩻ၊ ကွဲႏတွော့ꩻ ပါꩻတဖြာꩻ ကမာꩻထွာလွဉ်ဒါႏ အပဲစ်နဝ်ꩻဖုံႏနဝ်ꩻ ဟဝ်ငမ်းသꩻ အမင်္ဂလာႏအဝ်ႏငါႏ ခွိုင်းကားမုဲင်ꩻ။ 2လိုꩻပေႏနုဲင်းနဝ်ꩻတဖြာꩻ ဖေႏကမာꩻထိုꩻ အပဲစ်နဝ်ꩻအတွက်၊ ဝွေꩻအတာႏ မဉ်ႏစွိုင် အငွဉ်ꩻ တွမ်ႏလွေလုံးတန်တွော့ꩻ လွဉ်းလင်ꩻ ပင်ႏလယ်ႏ ထီယော့ကိုနဝ်ꩻ ကယိန်းဟဝ် ကယ်ꩻသွူ။ 3#မ ၁၈:၁၅။ နဝ်ꩻမꩻ သီအဝ်ႏမာꩻတမုဲင်ꩻနဝ်ꩻ အွဉ်ႏသတိꩻသွော့။
“သီဖူးဝေးဖုံႏ မဉ်ႏမာꩻအပဲစ်ဖုံႏနဝ်ꩻ ခွန်းသွဉ်သင်ဝွေꩻတဲင် ဝွေꩻမဉ်ႏလꩻချာ ထာꩻကော့ꩻမာႏနဝ်ꩻ အွဉ်ႏစွꩻလွစ်ဖေႏသွော့ ဝွေꩻအပဲစ်။ 4တနီꩻကို ဝွေꩻမဉ်ႏပဲစ်မာႏ ဆန်ချာသီ နွတ်ꩻလဲင်ႏတဲင် စွုမ်ႏလဲင်ႏ ဝွေꩻလွဉ်ရိုꩻဖေႏသီ ‘ခွေလꩻလဲဉ်း ထာꩻကော့ꩻမာႏ’ နုဲင်းနဝ်ꩻနဝ်ꩻ သီအွဉ်ႏစွꩻလွစ်ဖေႏဗာႏ ဝွေꩻအပဲစ်နဝ်ꩻသွူ။
ထာꩻယွုမ်း
5တမန်ႏတောႏဖုံႏ လဝ်းထင်ႏ ဗွေႏဘုရာꩻ၊ “မာꩻတန်ဖေႏဗဲင်း နီထာꩻယွုမ်းမွိုင်” နုဲင်းနဝ်ꩻသွူ။
6ဗွေႏဘုရာꩻလဝ်းချာ၊ “သီထာꩻယွုမ်းမဉ်ႏတန် နုဲင်းဟန်ႏလွူးခူနဝ်ꩻ သီရိုꩻဖေႏနွောင်ꩻ မွဉ်ꩻမွူးယို၊ “ထွို့ꩻထန်ႏချာ နာꩻအရွီးတွော့ꩻ ဆို့ꩻသော့ꩻသွော့နာꩻနမ်း ပင်ႏလယ်ႏကိုဟုဲင်း’ နုဲင်းနဝ်ꩻတဲင် မွဉ်ꩻမွူးနဝ်ꩻ အီႏနာႏနာꩻငဝ်းသွူ။
သွဉ်းတဖြာꩻ၀တ္တရာꩻ
7“ရိုꩻခန်း သီအကို ပါꩻတဖြာꩻနဝ်ꩻ အသွဉ်းအဝ်ႏတဖြာꩻ၊ အဝ်ႏထုဲင်ခြံ မဉ်ႏတမွေးတဝ်း အဝ်ႏတီသွိုꩻသွူ။ အဝ်ႏခြံကို ဝွေꩻထွိုင်ႏဖျော်လွဉ် ချိန်ႏနဝ်ꩻ အွဉ်ႏဝွေꩻမာꩻ မွိုင်မွိုင်တွော့ꩻ အွဉ်ႏဝွေꩻအံႏ ထာꩻအံႏနဝ်ꩻ စောင်းမ သီဒေါ့ꩻဖေႏဝွေꩻ နုဲင်းနဝ်ꩻဟောင်း။ 8နုဲင်းနဝ်ꩻတမွေးတဝ်း၊ ကွပ်စွဉ်ႏ အီႏဒေါ့ꩻနုဲင်းနဝ်ꩻနဝ်ꩻ သီရိုꩻဖေႏဒျာႏဝွေꩻ၊ ‘ထွိုင်ႏတဲင် ဖျင်ရဲဉ်ꩻဖေႏခွေ ဒဲဉ်ဟာဟုဲင်း။ နဝ်ꩻထွူ စွိုင်ဟဝ်ဟဝ် နာꩻငင်းဒေင်စွိုင်တဲင် ခွေကအံႏအွꩻကျာꩻနဝ်ꩻ အုံပွေါးလွူးခွေဟုဲင်း။ နဝ်ꩻထွူမꩻ၊ နာꩻအံႏသွော့ နာꩻထာꩻအံႏ’ နုဲင်းနဝ်ꩻသွူ။ 9သွဉ်းနဝ်ꩻ ပွိုးလွောက်ꩻနာႏ ငဝ်းဖုံႏနဝ်ꩻအတွက် တအဝ်ႏလိုႏ ကေꩻဇူꩻတန်တင်ႏတဝ်းဝွေꩻ တမွေးတဝ်းဟောင်း။ 10သီနဝ်ꩻ ဗွိုန်နုဲင်းနဝ်ꩻနေနေ သီကအဝ်ႏဒေါ့ꩻဒါႏ သီအီႏမာꩻချိန်ႏ သီထွိုင်ႏမာꩻထွူလို့နဝ်ꩻ၊ အဝ်ႏရိုꩻဒျာႏ၊ ‘နီနဝ်ꩻထွာ သွဉ်းဖုံႏရိုꩻရိုꩻဒျာႏ။ နီအဝ်ႏမာꩻထွူဒျာႏ နီတာႏဝွန်ႏ ထာꩻမာꩻလွုမ်ꩻ’ နုဲင်းနဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻခိုတဆီဖြာꩻ
11နုဲင်းဗွေႏယေသျု ကအဝ်ႏထန်ႏလွေꩻတဖူꩻ ဝေင်ꩻယေရုသလမ်ႏနဝ်ꩻ ဝွေꩻဗွေႏ အဝ်ႏလောင်းလွေꩻ သျာမရိတွမ်ႏ ကာလိလဲခမ်းကူခါႏသွူ။ 12ဝွေꩻဗွေႏ ထွိုင်ႏနွို့လွေꩻသော့ꩻ ဒုံတဒုံကိုချိန်ႏ ဝွေꩻဗွေႏ မော့ꩻခွဲဆွုမ်ႏစွဉ်ႏ ပါꩻခို အဖြာꩻတဆီ ကခံႏစာꩻဗာႏ အတွတ်ꩻရောႏဂါႏ နဝ်ꩻသွူ။ ဝွေꩻသီး အုံထွိုင်ႏညာꩻနေးတဲင် 13ခြောဝ်သန်အငဝ်း၊ “ဗွေႏ၊ ဗွေႏယေသျု၊ သꩻညင်ꩻဗဲင်း နီသွဉ်းသီးမွိုင်” နုဲင်းနဝ်ꩻသွူ။
14 #
ဝိ ၁၄:၁–၃၂။ ဗွေႏယေသျုထီႏ ဝွေꩻသီးတဲင် ဒေါ့ꩻဖေႏဝွေꩻသီး၊ “လွေꩻတဲင် အွဉ်ႏသွော့ ယဇ်ပရောဟိတ်ဖုံႏ စဲစ်ဆေꩻထွားသီဟုဲင်း” နုဲင်းနဝ်ꩻသွူ။
အဝ်ႏလွေꩻ တဖူꩻလောင်းကျာꩻနဝ်ꩻ ဝွေꩻသီးထာꩻဆာဖုံႏ ကြောင်းစင်စွဉ်ႏသွူ။ 15ဝွေꩻသီးကိုတဖြာꩻ ထွိုင်ႏထီႏ ဝွေꩻထာꩻဆာ ဟဝ်ရေꩻလဲဉ်းနဝ်ꩻ ဝွေꩻသဲင်ꩻလွဉ်ချာတဲင် ခြောဝ်သန်အငဝ်း အုပ်ꩻထင်ႏ ဗွေႏဘုရာꩻ ဂွုဏ်ႏတောႏသွူ။ 16ဝွေꩻနမ်း အွပ်ꩻလင်ꩻစွဉ်ႏ ဟံႏလောင်း ဗွေႏယေသျု ခင်ႏထျꩻတဲင် ကေꩻဇူꩻတင်ႏစွဉ်ႏ ဝွေꩻဗွေႏသွူ။ ပါꩻခိုနဝ်ꩻထွာဒျာႏ သျာမရိ လိုꩻမျိုꩻတဖြာꩻသွူ။ 17ဗွေႏယေသျုဒေါ့ꩻ၊ “ထာꩻဆာ ကဟဝ်ရေꩻနဝ်ꩻ တဆီဖြာꩻသွူ။ အလင်ကွတ်ꩻဖြာꩻနဝ်ꩻ အဝ်ႏမုဲင်ꩻကိုဟောင်း။ 18ပွိုးတမုဲင်ꩻ ကသဲင်ꩻအုပ်ꩻချာဒါႏ ဗွေႏဘုရာꩻ ဂွုဏ်ႏကေꩻဇူꩻတောႏနဝ်ꩻ အဝ်ႏဒျာႏ ခမ်းလင်သား ယိုတဖြာꩻလွုမ်ꩻ နုဲင်းမုဲင်ꩻဟောင်း။” 19နုဲင်းနဝ်ꩻတဲင် ဗွေႏယေသျု ဒေါ့ꩻဖေႏဝွေꩻ၊ “ထွိုင်ႏတဲင်လွေꩻဟုဲင်း။ နာꩻထာꩻယွုမ်းနဝ်ꩻ မာꩻဟဝ်ရေꩻဖေႏလဲဉ်းနာꩻ” နုဲင်းနဝ်ꩻသွူ။
ဗွေႏဘုရာꩻခမ်းထီအဝ်ႏတယ်ႏလဲဉ်
(မတဲ ၂၄:၂၃–၂၈၊ ၃၇-၄၁)
20ဖါရိသဲဖုံႏ ယင်ဟန်ႏ ရီဗွေႏယေသျု ဗွေႏဘုရာꩻခမ်းထီ အီႏတယ်ႏ လွဉ်ချိန်ႏမုဲင်ꩻ နုဲင်းနဝ်ꩻသွူ။ ဝွေꩻဗွေႏလဝ်းချာ၊ “ဗွေႏဘုရာꩻ ခမ်းထီနဝ်ꩻ တတယ်ႏလွဉ်တဝ်း အနယ်ꩻ နုဲင်းကထီႏဗာႏ နေးစားနဝ်ꩻသွူ။ 21ပါꩻမုဲင်ꩻတဖြာꩻတဲ့ အီႏတရိုꩻတဝ်း၊ ‘ထွားဟုဲင်း၊ ဗွေႏဘုရာꩻ ခမ်းထီနဝ်ꩻ အဝ်ႏယိုကို၊ မဉ်ႏမွေးတဝ်း အဝ်ႏနဝ်ꩻကို’ နုဲင်းနဝ်ꩻသွူ။ ပွိုးတွော့ꩻ ဗွေႏဘုရာꩻ ခမ်းထီနဝ်ꩻ အဝ်ႏဒျာႏ သီအကို” နုဲင်းနဝ်ꩻသွူ။
22နဝ်ꩻထွူ ဝွေꩻဗွေႏဒေါ့ꩻဖေႏ အတပဲ့တောႏဖုံႏ၊ “သီကမဉ်ထီႏဒါႏ လိုꩻပိုခို မွူးနီꩻတနီꩻနဝ်ꩻ အချိန်ႏအီႏဖျော်လွဉ်၊ ကွဲႏတွော့ꩻ အနီꩻနဝ်ꩻနဝ်ꩻ သီအီႏတထီႏဗာႏတဝ်း။ 23နဝ်ꩻကိုနဝ်ꩻ လိုꩻဖုံႏအီႏရိုꩻဖေႏသီ၊ ‘ထွားဟုဲင်း၊ အဝ်ႏအွိုးနဝ်ꩻကို မဉ်ႏမွေးတဝ်း၊ ထွားဟုဲင်း၊ အဝ်ႏအွိုးယိုကိုဒျာႏ’ နုဲင်းနဝ်ꩻစွဉ်ႏတဲ့ နဝ်ꩻအတာႏ ထန်ႏလွေꩻ ထုမ်ႏထွားမွိုန်း။ 24နုဲင်းတျာႏလိက်ꩻ အရောင်ႏ ကဖျတ်လွဉ်ထာꩻ မို့ꩻလောင်းနဝ်ꩻ အဝ်ႏတဖဲ့ꩻ ဗꩻလွေꩻတဖဲ့ꩻအတွိုင်ꩻ ဗွိုန်နုဲင်းနဝ်ꩻနေနေ လိုꩻပိုခို ကအီႏကျွꩻလွဉ်ဒါႏ ဝွေꩻမွူးနီꩻနဝ်ꩻတဲ့ အီႏထွာလွဉ်သွူ။ 25ကွဲႏတွော့ꩻ အရီးသွတ်ꩻနဝ်ꩻ ဝွေꩻအီႏခံႏစာꩻ ဗာႏမွေးနေးစွဉ်ႏ ဝေႏဒနာႏ တွမ်ႏလိုꩻဟန်ႏနီꩻဖုံႏယို ပယ်ႏထိုꩻနဝ်ꩻသွူ။ 26#ကမ္ဘာႏ ၆:၅–၈။ နုဲင်းနောဧစိုး ကထွာလွဉ်လဲဉ်း အတွိုင်ꩻ လိုꩻပိုခို မွူးနီꩻနဝ်ꩻတဲ့ အီႏထွာလွဉ် နုဲင်းနဝ်ꩻသွူ။ 27#ကမ္ဘာႏ ၇:၆–၂၄။ ဗꩻတွိုႏလွေꩻအနီꩻ နောဧကနွို့သော့ꩻ သင်္ဘောꩻကိုတဲင် ထီလုမ်ႏသီထိုꩻလို့ ဝွေꩻသီး ကားကအဝ်ႏအတွိုင်ꩻ လိုꩻစွုမ်ႏဖြာꩻနဝ်ꩻ အဝ်ႏအံႏဒျာႏ အွꩻဒျာႏတဲင် လိုꩻခိုတွမ်ႏ လိုꩻမူႏနဝ်ꩻ အဝ်ႏတောႏလမ်း မင်္ဂလာႏဒျာႏသွူ။ 28#ကမ္ဘာႏ ၁၈:၂၀—၁၉:၂၅။ နဝ်ꩻနဝ်ꩻ အီႏထွာနုဲင်း လောတစိုးသွူ။ လိုꩻစွုမ်ႏဖြာꩻနဝ်ꩻ အဝ်ႏအံႏတဲင် အဝ်ႏအွꩻဒျာႏ၊ ဖြေꩻစာဒျာႏ၊ အဝ်ႏဆို့ꩻရုဲင်ဒျာႏတဲင် အဝ်ႏတယ်ႏမာꩻဒျာႏ လမ်းဖုံႏသွူ။ 29လောတထန်ႏထိုꩻနီꩻနဝ်ꩻ မေႏတွမ်ႏကန်ꩻ အဝ်ႏခမ်းထီမို့ꩻလောင်း လော့လင်ꩻတဲင် ခိုးသီထိုꩻလို့စွဉ်ႏ ဝွေꩻသီး ကားကအဝ်ႏနဝ်ꩻသွူ။။ 30လိုꩻပိုခို ကအီႏကျွꩻလွဉ် အနီꩻနဝ်ꩻတဲ့ အီႏထွာလွဉ် နုဲင်းနဝ်ꩻသွူ။
31 #
မ ၂၄:၁၇၊ ၁၈၊ မာ ၁၃:၁၅၊ ၁၆။ “အနီꩻနဝ်ꩻ လိုꩻယင်ဟန်ႏ ကအဝ်ႏဒါႏ လမ်းသꩻလောင်းကီနဝ်ꩻ တွမ်ႏလင်ꩻထူႏမွိုန်း ထာꩻခြိုꩻ လမ်းကိုဟုဲင်း။ ဗွိုန်နုဲင်းနဝ်ꩻနေနေ ပါꩻမုဲင်ꩻ ကထန်ႏလွေꩻဒါႏ ခြံတုံးကိုနဝ်ꩻ သဲင်ꩻချာမွိုန်းတဝ်းလမ်း။ 32#ကမ္ဘာႏ ၁၉:၂၆။ ယူႏလꩻချာသွော့ လောတမာနဝ်ꩻဟုဲင်း။ 33#မ ၁၀:၃၉၊ ၁၆:၂၅၊ မာ ၈:၃၅၊ လု ၉:၂၄၊ ယော ၁၂:၂၅။ လိုꩻကမဉ်ကျိုꩻစာꩻ ကယ်ႏချာဒါႏ ဝွေꩻသီးအသက်နဝ်ꩻ အသက် အီႏသွုမ်ꩻထိုꩻသွူ။ လိုꩻအသက် ကသွုမ်ꩻထိုꩻသားနဝ်ꩻ ဝွေꩻသီး အသက်အီႏလꩻ ထာꩻကယ်ႏတင်ႏသွူ။ 34ခွေဒေါ့ꩻဖေႏသီ၊ အနာꩻနဝ်ꩻ လိုꩻဝင်ꩻနီ အဝ်ႏဗေင်ႏသော့ꩻထာꩻ ခင်ႏလမ်းဗေင်ႏ တဗာႏချင်ႏ ကိုချိန်ႏ၊ တဖြာꩻနဝ်ꩻ အီႏဟဲ့ꩻညာꩻထိုꩻတဲင် အလင်တဖြာꩻနဝ်ꩻ အီႏအဝ်ႏကုဲင်ချာသွူ။ 35လိုꩻမူႏဝင်ꩻနီ အဝ်ႏခြွုတ်ငီꩻလို့ဝင်ꩻဗွူတဲင် တဖြာꩻနဝ်ꩻ အီႏဟဲ့ꩻလွေꩻညာꩻထိုꩻ၊ အလင်တဖြာꩻနဝ်ꩻ အီႏအဝ်ႏကုဲင်ချာထိုꩻသွူ။ 36လိုꩻခိုဝင်ꩻနီ အဝ်ႏမာꩻငီꩻဝင်ꩻထာꩻမာꩻ ခြံကိုနဝ်ꩻ တဖြာꩻနဝ်ꩻ အီႏဟဲ့ꩻလွေꩻညာꩻထိုꩻတဲင် အလင်တဖြာꩻနဝ်ꩻ အဝ်ႏကုဲင်ချာဒျာႏ” နုဲင်းနဝ်ꩻသွူ။
37တပဲ့တောႏဖုံႏရီ ဝွေꩻဗွေႏ၊ “အီႏထွာမုဲင်ꩻကိုဟောင်း၊ ဗွေႏဘုရာꩻ” နုဲင်းနဝ်ꩻသွူ။
ဗွေႏယေသျုလဝ်းချာ၊ “ရုပ်ခန္ဓာႏ အဝ်ႏမုဲင်ꩻကိုတဲ့၊ လင်ႏတဖုံႏ အီႏစုဗူႏ” နုဲင်းနဝ်ꩻသွူ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.