SAHRUOTHUNA 13
13
Abram Hne Lot Amaa Che
1Caacuonakawta Abram ca a napuvnung hne a hnyipa bangkhuo hne khata Izipt taata Negeb luo a sithaw.
2Abram ca sahring cuose, siy hne ngu cuose a hluvsa a hnyi. 3Negeb taa khata suv kha hnang suv kha ta sile te Bethel te, capa taa cata a hruothu ningta thluodaa a za sanapa Bethel hne Ai alala te kha a kya chiy. 4Capa lie ca bienatluophie kha sa te Abyipa kha aa bie. 5Abram hneta a si pakhawlepa Lot zaw ca tuv hne mie, cue hne, cawsaa 6a hluvsa a hnyi ra. Ama hnyipa kha a hluv tuv nakawta aw pakhaw riypa kha luruo ta a zu the va tli yi. 7Abram sahring a khietuv hne Lot sahring a khietuv tie alalalie kha ahruna a aw lawmaw. Capa cuo ning ca Kanaan ming hne Periz ming kha capa ruo lie ca ama aw.
8Caacuonakawta Abram ta Lot kha, “Kiema ca tieriy ta ma cuo; caacuonakawta kama hne nama cuose, na sahring a khiepa hne i sahring a khiepa zaw a hru pata pha vyi. 9Na hmiekunglie ruo kupuv a aw cuo va ma? Kama'a taa hingta a che tie. Nama cavyiluo naa tlaw kie kama cacuoluo i si aa; nama cacuoluo naa tlaw kie kama cavyiluo i si aa,” a ta. 10#Sah 2.10 Lot ca ruo kha suo te, Jordan bawphie ca Zoar khy te ta tiy rungsa te, Abyipa diedung haata hne Izipt ruo haata a tapa kha a hmung. Capa ca Abyipata Sodom hne Gomorrah a para hluota a cuo. 11Caacuonakawta Lot ca Jordan bawphie kha a tlaw te ningchiyluo ta a si. Cahaacata Abram hne Lot ca amaa che. 12Abram ca Kanaan ruo lie kha khy a sa. Lot ca bawphie ruo khypuv zaw lie kha awle te Sodom lie kha khy a sa. 13Sodom khy ming ca cawsaa pha lipa cuo yi te, Abyipa hmiekunglie khuopuv ta a suepa ama cuo.
14Lot ama'a taata aa che khutaata Abyipa ta Abram kyihuo khata, “Na awnapa hmang taa khata chaluo hne sungluo hne ningchiy ningtla kha ta suo tie; 15#Lct 7.5 na hmungpa ruo bangkhuo kha nama hne na samingsahlaa na chuozaa ta ica pi'a yi. 16Na samingsahlaa ca alyi lie buvcing zaa hing pa ta sa'a yi angte, buvcing ca ahungtahmuo ama ri khu lipa haata na samingsahlaa ca ahungtahmuo ri khu'a va yi. 17Thu la ruo a ku a baa hingta a khie tie, a bangkhuo ta nama na ica pi aa,” a ta. 18Caacuonakawta Abram ca a thluodaa kha hnyi te Hebron khy mathliy diy a awna lie kha a va aw; capa hmang lie ca Abyipa huota bienatluophie kha a sa.
Currently Selected:
SAHRUOTHUNA 13: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
SAHRUOTHUNA 13
13
Abram Hne Lot Amaa Che
1Caacuonakawta Abram ca a napuvnung hne a hnyipa bangkhuo hne khata Izipt taata Negeb luo a sithaw.
2Abram ca sahring cuose, siy hne ngu cuose a hluvsa a hnyi. 3Negeb taa khata suv kha hnang suv kha ta sile te Bethel te, capa taa cata a hruothu ningta thluodaa a za sanapa Bethel hne Ai alala te kha a kya chiy. 4Capa lie ca bienatluophie kha sa te Abyipa kha aa bie. 5Abram hneta a si pakhawlepa Lot zaw ca tuv hne mie, cue hne, cawsaa 6a hluvsa a hnyi ra. Ama hnyipa kha a hluv tuv nakawta aw pakhaw riypa kha luruo ta a zu the va tli yi. 7Abram sahring a khietuv hne Lot sahring a khietuv tie alalalie kha ahruna a aw lawmaw. Capa cuo ning ca Kanaan ming hne Periz ming kha capa ruo lie ca ama aw.
8Caacuonakawta Abram ta Lot kha, “Kiema ca tieriy ta ma cuo; caacuonakawta kama hne nama cuose, na sahring a khiepa hne i sahring a khiepa zaw a hru pata pha vyi. 9Na hmiekunglie ruo kupuv a aw cuo va ma? Kama'a taa hingta a che tie. Nama cavyiluo naa tlaw kie kama cacuoluo i si aa; nama cacuoluo naa tlaw kie kama cavyiluo i si aa,” a ta. 10#Sah 2.10 Lot ca ruo kha suo te, Jordan bawphie ca Zoar khy te ta tiy rungsa te, Abyipa diedung haata hne Izipt ruo haata a tapa kha a hmung. Capa ca Abyipata Sodom hne Gomorrah a para hluota a cuo. 11Caacuonakawta Lot ca Jordan bawphie kha a tlaw te ningchiyluo ta a si. Cahaacata Abram hne Lot ca amaa che. 12Abram ca Kanaan ruo lie kha khy a sa. Lot ca bawphie ruo khypuv zaw lie kha awle te Sodom lie kha khy a sa. 13Sodom khy ming ca cawsaa pha lipa cuo yi te, Abyipa hmiekunglie khuopuv ta a suepa ama cuo.
14Lot ama'a taata aa che khutaata Abyipa ta Abram kyihuo khata, “Na awnapa hmang taa khata chaluo hne sungluo hne ningchiy ningtla kha ta suo tie; 15#Lct 7.5 na hmungpa ruo bangkhuo kha nama hne na samingsahlaa na chuozaa ta ica pi'a yi. 16Na samingsahlaa ca alyi lie buvcing zaa hing pa ta sa'a yi angte, buvcing ca ahungtahmuo ama ri khu lipa haata na samingsahlaa ca ahungtahmuo ri khu'a va yi. 17Thu la ruo a ku a baa hingta a khie tie, a bangkhuo ta nama na ica pi aa,” a ta. 18Caacuonakawta Abram ca a thluodaa kha hnyi te Hebron khy mathliy diy a awna lie kha a va aw; capa hmang lie ca Abyipa huota bienatluophie kha a sa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.