SAHRUOTHUNA 6
6
Cawsaa Pha Lina
1 #
Job 1.6; 2.1 Alyi lie cawsaa pungzaa yi te, sacanung zaw kha ama sa tiyta, 2Khazing sacapaa zaw ta ama puvthepa kha hmung yi te, ama khingpa kha a tlaw yi te napuv ta amaa tue. 3Cakhutaata Abyipa ta, “I thlaapa hing cawsaa zaw hrawlie chuozaa ta aw pathla'a vyi, tahematapakieca iema ca thiysaa tana ama cuo; ama kung ca kung 120 cuo se,” a ta. 4#Mlr 13.33 Capa cuo ning hne capa khutaa zaw ca ta Nefilim tie hing alyi lie za aw yi te, Khazing sacapaa zaw ta cawsaa sacanung zaw a hlaw yi te ama sapa saata zaw ta ama cuo. Iema ca a hluo ningta cawsaa riephapa hne mingpathuopa tie ta ama cuo.
5 #
Mat 24.37; Luk 17.26; 1Pit 3.20 Abyipa ta alyi lie cawsaa pha lina a lenazya hne ama pathiypalung lie ama ruepa hne ama pacuopa bangkhuo a pha lipa selaw ta a cuo paripa kha a hmung. 6Caacuonakawta Abyipa ta alyi lie cawsaa a sapa yi kha a ngiepachiy te a palung pha vyi. 7Caacuonakawta Abyipa ta, “I sapa cawsaa, saruopa, a pavaw ta a thiylepa hne thliy lie a zupa pavaa bangkhuo hing alyi taata i pahli diy'a yi; tahematapakieca iema i sapa yi hingna i ngiepachiy,” a ta. 8Cuorasala Noah ca Abyipa hmiekunglie kha hmiephaa a hmung.
Noah Ta Khazing Palung A Patluo
9 #
2Pit 2.5
Noah ciypathla ca hingpa zaw hingta ama cuo. Noah ca cawsaa aa dangpa hne a chuo lieta risie a aw lipa hne Khazing hneta a hringpa a cuo. 10Sacapaa pathung hnyi te, Shem, Ham, hne Jafeth ta ama cuo.
11Alyi ca Khazing hmungna lieta ra te tuechiena ta a bi. 12Khazing ta alyi ca a ra ta pata a hmung; tahematapakieca alyi lieta cawsaa bangkhuo ama cyicuo ta ama ra diy. 13Caacuonakawta Khazing ta Noah kha, “Cawsaa hing ama bangkhuo ta para diy riypa tana bie i chi tli, tahematapakieca iema nakawta alyi hing tuechiena tana a bi tli, caacuonakawta iema ca alyi hne hing tana i para pakhaw'a yi,” a ta. 14Saipres thing ta namata tah tiypalaw suokha sa la a khuo zaw kha tue la achung hne ale taa khata kattazaa thuv diy tie. 15Tuokhaatama na sa aa tapa kieca: a tung daw zathung, a haa daw sawngaa, hne a suona daw sawthung ta a cuo aa. 16A thlungkhuv tue la a thlungkhuv hne tlepie alalalie kha daw kha na pa-aw aa; a kuoluo ta ingchiypakaa na pa-aw aa; a raw duo, a lie duo, a cung duo ta pata duo thung ta na sa aa. 17Avuo rawlie a awpa a huv sung te a hringpa bangkhuo para diy riypata alyi cunglie tiypa-aa patlung sa'a angte, alyi cunglie a awpa bangkhuo ama thiy diy aa. 18Cuorasala nama hneta biekuona tue'a angte, na napuv, na sacapaa tie, na sacapaa tie napuv zaw kha tiypalaw chung luo ca naa ngiekhyi'a yi. 19A hringpa saruopa bangkhuo taata a canung hne a capaa kha a ba ta la'a cate nama hneta ama hring ra riypata tiypalaw chung luo ca naa ngiekhyi'a yi. 20Pavaa, saruopa, alyi lie a pavaw ta a valepa hne a thiylepa saruopa tie kha, ama phang cyicuo ta sahning kaluo, ama hringna riypata naa ngiekhyi'a yi. 21Niema hne saruopa ning riypata ning thepa sa bangkhuo kha a ngiekhyi la na pacung aa,” a ta. 22#Heb 11.7 Noah ca Khazing ta naw a pipa bangkhuo kha a tue diy.
Currently Selected:
SAHRUOTHUNA 6: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
SAHRUOTHUNA 6
6
Cawsaa Pha Lina
1 #
Job 1.6; 2.1 Alyi lie cawsaa pungzaa yi te, sacanung zaw kha ama sa tiyta, 2Khazing sacapaa zaw ta ama puvthepa kha hmung yi te, ama khingpa kha a tlaw yi te napuv ta amaa tue. 3Cakhutaata Abyipa ta, “I thlaapa hing cawsaa zaw hrawlie chuozaa ta aw pathla'a vyi, tahematapakieca iema ca thiysaa tana ama cuo; ama kung ca kung 120 cuo se,” a ta. 4#Mlr 13.33 Capa cuo ning hne capa khutaa zaw ca ta Nefilim tie hing alyi lie za aw yi te, Khazing sacapaa zaw ta cawsaa sacanung zaw a hlaw yi te ama sapa saata zaw ta ama cuo. Iema ca a hluo ningta cawsaa riephapa hne mingpathuopa tie ta ama cuo.
5 #
Mat 24.37; Luk 17.26; 1Pit 3.20 Abyipa ta alyi lie cawsaa pha lina a lenazya hne ama pathiypalung lie ama ruepa hne ama pacuopa bangkhuo a pha lipa selaw ta a cuo paripa kha a hmung. 6Caacuonakawta Abyipa ta alyi lie cawsaa a sapa yi kha a ngiepachiy te a palung pha vyi. 7Caacuonakawta Abyipa ta, “I sapa cawsaa, saruopa, a pavaw ta a thiylepa hne thliy lie a zupa pavaa bangkhuo hing alyi taata i pahli diy'a yi; tahematapakieca iema i sapa yi hingna i ngiepachiy,” a ta. 8Cuorasala Noah ca Abyipa hmiekunglie kha hmiephaa a hmung.
Noah Ta Khazing Palung A Patluo
9 #
2Pit 2.5
Noah ciypathla ca hingpa zaw hingta ama cuo. Noah ca cawsaa aa dangpa hne a chuo lieta risie a aw lipa hne Khazing hneta a hringpa a cuo. 10Sacapaa pathung hnyi te, Shem, Ham, hne Jafeth ta ama cuo.
11Alyi ca Khazing hmungna lieta ra te tuechiena ta a bi. 12Khazing ta alyi ca a ra ta pata a hmung; tahematapakieca alyi lieta cawsaa bangkhuo ama cyicuo ta ama ra diy. 13Caacuonakawta Khazing ta Noah kha, “Cawsaa hing ama bangkhuo ta para diy riypa tana bie i chi tli, tahematapakieca iema nakawta alyi hing tuechiena tana a bi tli, caacuonakawta iema ca alyi hne hing tana i para pakhaw'a yi,” a ta. 14Saipres thing ta namata tah tiypalaw suokha sa la a khuo zaw kha tue la achung hne ale taa khata kattazaa thuv diy tie. 15Tuokhaatama na sa aa tapa kieca: a tung daw zathung, a haa daw sawngaa, hne a suona daw sawthung ta a cuo aa. 16A thlungkhuv tue la a thlungkhuv hne tlepie alalalie kha daw kha na pa-aw aa; a kuoluo ta ingchiypakaa na pa-aw aa; a raw duo, a lie duo, a cung duo ta pata duo thung ta na sa aa. 17Avuo rawlie a awpa a huv sung te a hringpa bangkhuo para diy riypata alyi cunglie tiypa-aa patlung sa'a angte, alyi cunglie a awpa bangkhuo ama thiy diy aa. 18Cuorasala nama hneta biekuona tue'a angte, na napuv, na sacapaa tie, na sacapaa tie napuv zaw kha tiypalaw chung luo ca naa ngiekhyi'a yi. 19A hringpa saruopa bangkhuo taata a canung hne a capaa kha a ba ta la'a cate nama hneta ama hring ra riypata tiypalaw chung luo ca naa ngiekhyi'a yi. 20Pavaa, saruopa, alyi lie a pavaw ta a valepa hne a thiylepa saruopa tie kha, ama phang cyicuo ta sahning kaluo, ama hringna riypata naa ngiekhyi'a yi. 21Niema hne saruopa ning riypata ning thepa sa bangkhuo kha a ngiekhyi la na pacung aa,” a ta. 22#Heb 11.7 Noah ca Khazing ta naw a pipa bangkhuo kha a tue diy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.