JOHAN 1
1
Bie Ca Saapa Ta Aa Li
1A hruothu ta Bie a za aw, capa Bie ca Khazing hneta aw te, capa Bie ca Khazing ta a cuo. 2A hruothu baataata Bie ca Khazing hneta a za aw. 3Hmangting bangkhuo ca capa Bie thue cata sapa cuo te, sapa hmang suokhata hing hmuo ama li pata sapa aw vyi. 4Ama chunglie ca hringna aw te, capa hringna ca cawsaa bangkhuo cuota khena ta a cuo. 5Khena ca zingna lie kha khe te zingna ta te vyi.
6 #
Mat 3.1; Mar 1.4; Luk 3.1,2 Khazing ta a za pathliepa pakha aw te, a ming ca Johan ta a cuo. 7Ama thueta cawsaa bangkhuo ama zang diy riypata khena kaw kha tehte khuo riypata a vawpa pachangkhyituv ta a cuo. 8Ama pangphie ca khena cuo vyi, cuorasala khena kaw ri riypata a vawpa tana a cuo. 9Cawsaa bangkhuo a pakhe sapa khena hmisipa ca chuelyi luo kha aa vaw nguoluo tli.
10Ama ca chuelyi lie hing aw te ama thueta chuelyi hing sapa a cuo; cuorasala chuelyi ta ama kha za pachang vyi. 11Ama ca a khy a ruo ciepa luo kha aa vaw raalaa pata a cawsaa zaw ta cuhluo va yi. 12Cuorasala ama kha cuhluo te a ming a zangpa ca Khazing saata cuo khuna kha a pi yi. 13Iema ca chuelyi phung, cawsaa thiy hne saa ta sapa cuo va yi, Khazing ta a sapa tana ama cuo.
14Bie ca cawsaa ta a li te kiema hrawlie khy a sa, vihnyina hne biehmisipa ta a bipa rungnaana ca hmung pate, a paa sacapaa pakha dyipa rungnaana tana a cuo. 15(Johan ta ama kaw kha khuopuv ta u te tehte a khuopa ca, “Ama hing na kama ta i ripa, ‘Kama hnang ta a vaw te, kama laata a le viepa, tahematapakieca ama ca kama hluota a zaa aw tlipa tana a cuo,’ ica tapa yi khata a cuo,”) a ta. 16Ama a tluotlingna chungtaata kiema bangkhuo ca vihnyina suokha hnang suokha ta ima hmung. 17Phungbie ca Moses thueta malie pi te, vihnyina hne biehmisipa ca Zingsuv Khrih'a taa tana aa vaw. 18Ahungtahmuo Khazing kha hmung buo va yi. Sacapaa pakha dyipa, Paa pathiypalung hne aa ngieta tah a awpa khata a paluo sa tli.
Tiynawtuv Johan Tehtekhuona
(Mat 3.1-12; Mar 1.1-8; Luk 3.1-18)
19Judah uvthyi tie ta tluobyi tie hne Levi tie kha Jerusalem taata Johan'a luo pathlie yi te, “Ahungtama na cuo?” ta pata ama pahiehriy sa. 20Johan ta bie nu li pata, a luohuo hne a siesa pata, “Kama ca Messiah#1.20 Khrih ta cuo va ang,” a ta. 21#Mal 4.5; Pbp 18.15,18 “Caacuokieca ahungtama na cuo? Elijah ta na cuo ma?” ta pata ama hiehriy. Johan ta, “Cuo va ang,” a ta. “Profet ta na cuo ma?” ta pata ama hiehriy. “Cuo va ang,” ta pata a palie yi. 22“Cakhutaata iema ta ahungtama na cuo tapa kha malie chang tie. Malie a pathliepa tie'a luo bie ma chiykhyi na a hu. Caacuonakawta ahung tana i cuo naa ta ma?” ama ta.
23 #
Isa 40.3
Ama ta, profet Isaiah ta a ripa haa khata,
“Kama ca, ‘Abyipa luopuv kha
aa dangsa pata sa tie ung,'
ta pata ruocaapa lie
a upa ueryi kha tana i cuo,” a ta.
24Iema ca Farasi tie ta ama vya pathliepa tie tana ama cuo. 25Iema ca ta, “Nama ca Messiah acuolikie Elijah acuolikie Profet zaw na cuo tlung li kieca khaapanakawma tiy na naw yi?” ta pata ama hiehriy. 26Johan ta, “Kama ca tiy ta tiy i naw yi, cuorasala nama hrawlie nama pachang lipa pakha a aw. 27Ama ca kama hnangluo ta aa vaw nguoluo tli; cuorasala kama ca a phyipakaw riy pathluo riypata hmuo a tla va ang,” ta pata a palie yi. 28Hingpa hmang a cuonapa ca Johan ta tiy a nawnapa Jordan cavaa huesuoluo kuo lie a awpa Bethani khy lie tana a cuo.
Khazing Tuvtaata
29A mawluopa ta Johan ta Zingsuv ama'a luo aa vawle nguoluopa kha hmung te, “Chuelyi suena a sikhyituv Khazing Tuvtaata ca hingpa lie hingna a aw! 30Ama hing na kama ta i ripa, ‘Kama hnang ta a vaw te kama laata a le viepa cawsaa, tahematapakieca ama ca kama hluota a zaa aw tlipa tana a cuo, ica tapa yi khata a cuo,’ a ta. 31Kama hrahring ta ama kha za pachang va ang; cuorasala tiy ta tiynawna i pi hnuochuopa hing Israel ming hrawlie ama kha paluosapa a cuona riypa tana a cuo,” a ta. 32Johan ta, “Vuoruo taata Thlaapa ca thuvruv haata za cung te a cunglie a zaa cangpa kha i hmung. 33Kama hrahring ta ama kha za pachang va ang, cuorasala tiy ta tiynawna pi riypata naa pathlietuv ta, ‘Thlaapa za cung'a te a cunglie aa cangpa na hmungpa paa ca Thlaapa ta tiynawna a pituv riypa paa tana a cuo,’ ina ta. 34Cakhutaata kama pangphie ta hmung angte, ‘Khazing Sacapaa tana a cuo,’ ta pata tehte i khuo,” a ta.
Zingsuv Ziytuv Taapa Tie
35A mawluopa ta Johan ca a ziytuv tie pahning hneta amaa daahne nguoluo pata 36Zingsuv a vya cakuolepa kha a hmung ca, “Khazing Tuvtaata khiy mang tie ung,” ta pata a u. 37Capa bie a ripa ca a ziytuv tie pahning ta thyi yi te Zingsuv kha ama ziy. 38Zingsuv ta a hnangluo a pali te ama ziypa kha a hmung yi ca, “Khaapama nama huv?” a ta yi. Iema ta, “Rabbi, khaapaliema na aw?” ta pata ama palie. (Rabbi tapa ca Pacuvtuv tana ta a cuo). 39Iema kyihuo khata, “A vaw ung la vya mang tie ung,” a ta yi. Vaa yi te a awnapa kha ama va hmung, capa ning ca ama'a lieta ama aw. Capa cuo ca zuoluo siymaluo papaliy hraw ta a cuo. 40Capa cawsaa pahning lieta Johan bie ripa kha thyi te a ziypa ca Simon Piter a nuta Andru khata a cuo. 41A uvta Simon kha hmung taa te, “Messiah ca ma hmung tli,” a ta. (Messiah tapa ca Sathu pathuvpa#1.41 Khrih tana ta a cuo). 42Cakhutaata Simon ca Zingsuv'a luo kha a vaakhyi. Zingsuv ta ama ca mang te, “Nama ca Johan sacapaa Simon tana na cuo, Sefas ta pata kupa na cuo'a tli,” a ta. (Sefas tapa ca Piter#1.42 Alung tapa biesuo taata lapa cuo te Aramaic ta ( kepha ) ta pata cuo te, Grik ta ( petra ), ta pata a cuo tapa taata paliepa tana a cuo).
Zingsuv Ta Filip Hne Nathanael A U Yi
43A mawluopa ta Zingsuv ca Galilee luo si aa ting. Filip kha hmung te, “Na ziy tie,” a ta. 44Filip ca Andru hne Piter ama awnapa Bethsaida khy ming ta a cuo. 45Filip ta Nathanael kha hmung te, “Moses ta Phungbie caa-uv chunglie a kaw a capepa hne profet tie zaw ta a kaw ama za capepa paa kha ma hmung tli. Ama ca Nazareth taata Josef sacapaa Zingsuv, tana a cuo,” a ta. 46Nathanael ta, “Nazareth khy taata hmang phapa suokha chuo a pya the'a ma?” a ta. Filip ta, “A vaw la vya mang tie,” a ta. 47Zingsuv ta ama'a luo Nathanael a vawlepa kha a hmung tiyta, ama hne aa patuv pata, “Israel ming hmisipa, a chunglie hanghiena khaapahmuo a aw lipa hing mang tie ung!” a ta. 48Nathanael ta, “Tuokhaatama ina pachang ciy?” ta pata a hiehriy. Zingsuv ta, “Filip ta aca ku hluota thyikuv kung rawlie naa tu ning kha ica hmung tli,” a ta. 49Nathanael ta, “Saya, nama ca Khazing Sacapaa tana na cuo! Israel ming Siepahruo tana na cuo!” ta pata a palie. 50Zingsuv ta, “Thyikuv kung rawlie na aw ningta ica hmung tli, ica ta nakawta ma ina zang ciy? Hingpa zaw laa hingta a le viepa hmang na hmung viele kalie aa,” a ta. 51#Sah 28.12 Cakhutaata ama kha, “Biehmisipa na ica chang yi, Vuoruo kha a pahaw'a te, Khazing avuoming zaw kha Cawsaa Sacapaa cunglie ama za cungpa hne ama kiepa kha nama hmung aa,” a ta.
Currently Selected:
JOHAN 1: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
JOHAN 1
1
Bie Ca Saapa Ta Aa Li
1A hruothu ta Bie a za aw, capa Bie ca Khazing hneta aw te, capa Bie ca Khazing ta a cuo. 2A hruothu baataata Bie ca Khazing hneta a za aw. 3Hmangting bangkhuo ca capa Bie thue cata sapa cuo te, sapa hmang suokhata hing hmuo ama li pata sapa aw vyi. 4Ama chunglie ca hringna aw te, capa hringna ca cawsaa bangkhuo cuota khena ta a cuo. 5Khena ca zingna lie kha khe te zingna ta te vyi.
6 #
Mat 3.1; Mar 1.4; Luk 3.1,2 Khazing ta a za pathliepa pakha aw te, a ming ca Johan ta a cuo. 7Ama thueta cawsaa bangkhuo ama zang diy riypata khena kaw kha tehte khuo riypata a vawpa pachangkhyituv ta a cuo. 8Ama pangphie ca khena cuo vyi, cuorasala khena kaw ri riypata a vawpa tana a cuo. 9Cawsaa bangkhuo a pakhe sapa khena hmisipa ca chuelyi luo kha aa vaw nguoluo tli.
10Ama ca chuelyi lie hing aw te ama thueta chuelyi hing sapa a cuo; cuorasala chuelyi ta ama kha za pachang vyi. 11Ama ca a khy a ruo ciepa luo kha aa vaw raalaa pata a cawsaa zaw ta cuhluo va yi. 12Cuorasala ama kha cuhluo te a ming a zangpa ca Khazing saata cuo khuna kha a pi yi. 13Iema ca chuelyi phung, cawsaa thiy hne saa ta sapa cuo va yi, Khazing ta a sapa tana ama cuo.
14Bie ca cawsaa ta a li te kiema hrawlie khy a sa, vihnyina hne biehmisipa ta a bipa rungnaana ca hmung pate, a paa sacapaa pakha dyipa rungnaana tana a cuo. 15(Johan ta ama kaw kha khuopuv ta u te tehte a khuopa ca, “Ama hing na kama ta i ripa, ‘Kama hnang ta a vaw te, kama laata a le viepa, tahematapakieca ama ca kama hluota a zaa aw tlipa tana a cuo,’ ica tapa yi khata a cuo,”) a ta. 16Ama a tluotlingna chungtaata kiema bangkhuo ca vihnyina suokha hnang suokha ta ima hmung. 17Phungbie ca Moses thueta malie pi te, vihnyina hne biehmisipa ca Zingsuv Khrih'a taa tana aa vaw. 18Ahungtahmuo Khazing kha hmung buo va yi. Sacapaa pakha dyipa, Paa pathiypalung hne aa ngieta tah a awpa khata a paluo sa tli.
Tiynawtuv Johan Tehtekhuona
(Mat 3.1-12; Mar 1.1-8; Luk 3.1-18)
19Judah uvthyi tie ta tluobyi tie hne Levi tie kha Jerusalem taata Johan'a luo pathlie yi te, “Ahungtama na cuo?” ta pata ama pahiehriy sa. 20Johan ta bie nu li pata, a luohuo hne a siesa pata, “Kama ca Messiah#1.20 Khrih ta cuo va ang,” a ta. 21#Mal 4.5; Pbp 18.15,18 “Caacuokieca ahungtama na cuo? Elijah ta na cuo ma?” ta pata ama hiehriy. Johan ta, “Cuo va ang,” a ta. “Profet ta na cuo ma?” ta pata ama hiehriy. “Cuo va ang,” ta pata a palie yi. 22“Cakhutaata iema ta ahungtama na cuo tapa kha malie chang tie. Malie a pathliepa tie'a luo bie ma chiykhyi na a hu. Caacuonakawta ahung tana i cuo naa ta ma?” ama ta.
23 #
Isa 40.3
Ama ta, profet Isaiah ta a ripa haa khata,
“Kama ca, ‘Abyipa luopuv kha
aa dangsa pata sa tie ung,'
ta pata ruocaapa lie
a upa ueryi kha tana i cuo,” a ta.
24Iema ca Farasi tie ta ama vya pathliepa tie tana ama cuo. 25Iema ca ta, “Nama ca Messiah acuolikie Elijah acuolikie Profet zaw na cuo tlung li kieca khaapanakawma tiy na naw yi?” ta pata ama hiehriy. 26Johan ta, “Kama ca tiy ta tiy i naw yi, cuorasala nama hrawlie nama pachang lipa pakha a aw. 27Ama ca kama hnangluo ta aa vaw nguoluo tli; cuorasala kama ca a phyipakaw riy pathluo riypata hmuo a tla va ang,” ta pata a palie yi. 28Hingpa hmang a cuonapa ca Johan ta tiy a nawnapa Jordan cavaa huesuoluo kuo lie a awpa Bethani khy lie tana a cuo.
Khazing Tuvtaata
29A mawluopa ta Johan ta Zingsuv ama'a luo aa vawle nguoluopa kha hmung te, “Chuelyi suena a sikhyituv Khazing Tuvtaata ca hingpa lie hingna a aw! 30Ama hing na kama ta i ripa, ‘Kama hnang ta a vaw te kama laata a le viepa cawsaa, tahematapakieca ama ca kama hluota a zaa aw tlipa tana a cuo, ica tapa yi khata a cuo,’ a ta. 31Kama hrahring ta ama kha za pachang va ang; cuorasala tiy ta tiynawna i pi hnuochuopa hing Israel ming hrawlie ama kha paluosapa a cuona riypa tana a cuo,” a ta. 32Johan ta, “Vuoruo taata Thlaapa ca thuvruv haata za cung te a cunglie a zaa cangpa kha i hmung. 33Kama hrahring ta ama kha za pachang va ang, cuorasala tiy ta tiynawna pi riypata naa pathlietuv ta, ‘Thlaapa za cung'a te a cunglie aa cangpa na hmungpa paa ca Thlaapa ta tiynawna a pituv riypa paa tana a cuo,’ ina ta. 34Cakhutaata kama pangphie ta hmung angte, ‘Khazing Sacapaa tana a cuo,’ ta pata tehte i khuo,” a ta.
Zingsuv Ziytuv Taapa Tie
35A mawluopa ta Johan ca a ziytuv tie pahning hneta amaa daahne nguoluo pata 36Zingsuv a vya cakuolepa kha a hmung ca, “Khazing Tuvtaata khiy mang tie ung,” ta pata a u. 37Capa bie a ripa ca a ziytuv tie pahning ta thyi yi te Zingsuv kha ama ziy. 38Zingsuv ta a hnangluo a pali te ama ziypa kha a hmung yi ca, “Khaapama nama huv?” a ta yi. Iema ta, “Rabbi, khaapaliema na aw?” ta pata ama palie. (Rabbi tapa ca Pacuvtuv tana ta a cuo). 39Iema kyihuo khata, “A vaw ung la vya mang tie ung,” a ta yi. Vaa yi te a awnapa kha ama va hmung, capa ning ca ama'a lieta ama aw. Capa cuo ca zuoluo siymaluo papaliy hraw ta a cuo. 40Capa cawsaa pahning lieta Johan bie ripa kha thyi te a ziypa ca Simon Piter a nuta Andru khata a cuo. 41A uvta Simon kha hmung taa te, “Messiah ca ma hmung tli,” a ta. (Messiah tapa ca Sathu pathuvpa#1.41 Khrih tana ta a cuo). 42Cakhutaata Simon ca Zingsuv'a luo kha a vaakhyi. Zingsuv ta ama ca mang te, “Nama ca Johan sacapaa Simon tana na cuo, Sefas ta pata kupa na cuo'a tli,” a ta. (Sefas tapa ca Piter#1.42 Alung tapa biesuo taata lapa cuo te Aramaic ta ( kepha ) ta pata cuo te, Grik ta ( petra ), ta pata a cuo tapa taata paliepa tana a cuo).
Zingsuv Ta Filip Hne Nathanael A U Yi
43A mawluopa ta Zingsuv ca Galilee luo si aa ting. Filip kha hmung te, “Na ziy tie,” a ta. 44Filip ca Andru hne Piter ama awnapa Bethsaida khy ming ta a cuo. 45Filip ta Nathanael kha hmung te, “Moses ta Phungbie caa-uv chunglie a kaw a capepa hne profet tie zaw ta a kaw ama za capepa paa kha ma hmung tli. Ama ca Nazareth taata Josef sacapaa Zingsuv, tana a cuo,” a ta. 46Nathanael ta, “Nazareth khy taata hmang phapa suokha chuo a pya the'a ma?” a ta. Filip ta, “A vaw la vya mang tie,” a ta. 47Zingsuv ta ama'a luo Nathanael a vawlepa kha a hmung tiyta, ama hne aa patuv pata, “Israel ming hmisipa, a chunglie hanghiena khaapahmuo a aw lipa hing mang tie ung!” a ta. 48Nathanael ta, “Tuokhaatama ina pachang ciy?” ta pata a hiehriy. Zingsuv ta, “Filip ta aca ku hluota thyikuv kung rawlie naa tu ning kha ica hmung tli,” a ta. 49Nathanael ta, “Saya, nama ca Khazing Sacapaa tana na cuo! Israel ming Siepahruo tana na cuo!” ta pata a palie. 50Zingsuv ta, “Thyikuv kung rawlie na aw ningta ica hmung tli, ica ta nakawta ma ina zang ciy? Hingpa zaw laa hingta a le viepa hmang na hmung viele kalie aa,” a ta. 51#Sah 28.12 Cakhutaata ama kha, “Biehmisipa na ica chang yi, Vuoruo kha a pahaw'a te, Khazing avuoming zaw kha Cawsaa Sacapaa cunglie ama za cungpa hne ama kiepa kha nama hmung aa,” a ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.