لوقا 11

1وفي مرة وفي محل من المحلات بعد م يسوع خلّص صلا، قلُّه واحد من التلاميذ: يا رب علمنا نصلي مِتِل م علم يوحنا تلاميذُه. 2فقلهن يسوع لما بتصلو، قولو: يا بابا، خلي اسمك يتقدس ومملكتك تيجي 3اعطينا كل يوم خبز يكفينا لهداك اليوم 4وسامحنا ع خطايانا لأنُه إحنا كمان عم منسامح كل الغلطانين بحقنا. وتفوتناش في تجربة. 5وقلهن: إذا واحد فيكو بروح لعند صاحبو بنص الليل وبقلُّه: دَيِّني 3 ترغفة خبـز 6عشان في واحد صاحبي وِصل من السفر وفش عندي إشي أقدملو إياه. 7والزلمه اللي في البيت بجاوب وبقول: تغلبنيش، الباب صار مقفّل وانا وولادي صرنا في الفرشة. بقدرش أقوم اعطيك. 8بقولكو إذا بقُمش وبعطيه عَشنُه صاحبه رَح يقوم ويعطيه كل حاجتُه عَشنُه بِلّح عليه. 9وأنا بقولكو: اطلبو ورَح توخذو، دورو ورَح تلاقو دقو ورَح ينفتحلكو. 10لأنُه كل واحد بُطلب بوخذ واللي بدوّر رَح يلاقي واللي بدق رَح ينفتحلو. 11أَنُو أبو فيكو إذا بطلب ابنُه منُه سمكه بعطيه حيّة بدال السمكة؟ 12أو إذا بطلب بيضة بعطيه عقرب؟ 13إذا إنتو الأشرار بتعرفوا تعطو ولادكو هدايا منيحه طيب كيف مع الآب السماوي؟! رَح يعطي الروح القدس للي بِسألوه.

14وكان يسوع عم بُطرد روح شرير أخرس. ولما طلع الروح الشرير حكى الأخرس. وتعجبت الناس. 15بس في ناس صارت تقول: بُطرد الأرواح الشريرة عن طريق بعلزبول رئيس الشياطين. 16وفي ناس تانية عشان يمتحنوه صاروا يطلبوا دليل من السما. 17عرف يسوع نواياهن فقلهن: كل مملكة بتنقسم بتِخْرَب والبيت المنقسم بُوقع. 18فإذا كمان الشيطان انقسم ضد حاله كيف رَح تصمد مملكته؟ بحكي هيك عشانكو عم بتقولو إنُه أنا بطرد الشياطين بواسطة بعلزبول. 19بس إذا أنا بطلّع الشياطين بواسطة بعلزبول فكيف جماعتكو بطلعوهن؟ عشان هيك هنّي رَح يحكمو إنكو غلطانين. 20أما إذا أنا عم بَطَلِّع الشياطين بأصبع الله فهادا بْدِّل إنُه وصلت مملكة الله لعندكو. 21لما القوي اللي معه سلاح بُحرس داره بتكون ممتلكاته بأمان. 22بس أول م ييجي واحد أقوى منه بِغلبه وبوخد كل سلاحه اللي اعتمد عليه وبوزع غنايم بيته. 23اللي مش واقف معي واقف ضدي واللي بجمّعش معي بكون عم بفرق.

24ولما بطلع الروح النجس من إنسان بلفلف ع الـمحلات اللي فِهاش مي وبصير يدوّر ع الراحة بس لما بلاقيهاش بقول لحالو: خليني أرجع ع بيتي اللي طلعت منُه. 25فـبـرجع وبلاقيه مكنّس ومرتب. 26سيعتها بروح بجيب 7 أرواح أشر منُه وبفوتوا بسكنو في هداك البيت. وهيك بتصير عيشة هداك الإنسان أصعب من الأول.

27وقبل م يخلص يسوع كلامو في واحدة من الحاضرين حكت بصوت عالي وقالت: نيال البطن اللي حملك والصدر اللي رضّعك. 28فرد يسوع وقال: صح بس الأحسن أنُه نيالهن اللي بسمعوا كلمة الله وبطيعوها.

29وبعد م تجمعوا ناس كثير بدي يقول: هادا الجيل جيل شرير. عم بدورو ع آية ومش رح ينعطوا إلا آية يونان. 30مِتِل م كان يونان آية لأهل نينوى هيك كمان رَح يكون ابن الإنسان لهادا الجيل. 31ملكة الجنوب رَح تقوم يوم الحساب مع هادا الجيل وتشهد ضدكو لأنها أجت من آخر الدنيا عشان تسمع حكمة سليمان بس أنتو معكو واحد أعظم من سليمان. 32أهل نينوى رَح يقومو يوم الحساب مع هادا الجيل ويشهدو ضدكو لأنهن تابو من وعظ يونان بس أنتو معكو واحد أعظم من يونان.

33فش حدا بضوي النور وُبخبيه أو بحطُه تحت الطنجرة لازم يكون النور في محل عالي عشان الناس اللي بتفوت تشوف. 34عينك هي الضو اللي بنوّر حياتك. فلما عينك بتشوف الخير بتنوّر كل حياتك ولما فيها شر بتصير حياتك سواد. 35عشان هيك افحصوا منيح إنُه النور اللي في حياتكو مش ظلام. 36وإذا كانت حياتك منورة وفيهاش ولا نقطة ظلام ف رَح يكون النور كامل مثل الوقت اللي فيه نور المصباح بنوّر عليك.

37ولما خلّص يسوع حكيو قلُه واحد فريسي تفضل عندي ع الأكل. وُبعد م راح يسوع وقعد عشان يوكل 38تعجب الفريسي لما شاف أنه يسوع قعد بدون مَ يغسّل قبل الأكل. 39فقلُّه الرب: أنتو الفريسيين بتنضفو الكُباي والصحن من بره بس من جوه أنتو مليانين طمع وشر. 40فش عندكو عقل . . . مش اللي عمل اللي بره عمل كمان اللي جوه؟ 41تبرعو باللي معكو للفُقرا وكل اللي عندكو بصير طاهر. 42يا ويلكو يا فريسيين لأنكو بتعطوا عُشر كمية النعنع والزعتـر وعُشر البقوليات بس بتتجاهلو عدل الله ومحبتُه. التزمو بالعدل والمحبة بدون م تتجاهلو تقديم الأعشار. 43ويا ويلكو يا فريسيين لأنكو بتحبو تقعدوا ع أحسن كراسي في الكنيس وبتحبو السلامات في الِ سواق. 44يا ويلكو لأنكو متل القبور اللي مش مبينة، بتمشي الناس عليها بدون مَ تعرف.

45رد واحد من شيوخ التوراة وقال ليسوع: يا معلم لما بتحكي هيك إنت عم بتهينا إحنا كمان. 46فقال يسوع: وإنتو كمان يا شيوخ التوراة يا ويلكو لأنكو بِتْحَمْلُو الناس أحمال صعب تنحمل بس إنتو بتحركوش ولا حتى أصبع واحد عشان تحملو الأحمال. 47يا ويلكو . . . بتبنو قبور الأنبيا مع إنُه أجدادكو هنّي اللي قتلوهن. 48وهيك بتكونو شهود بتأيدوا أعمالهن. هني قتلوا الأنبيا وإنتو بتبنو قبورهن. 49وعشان هيك حكمة الله بتقول: رَح أبعتلهن أنبيا ورُسل بس رَح يضطهدو ويقتلو منهن. 50وهادا الجيل مُطَالبين بدم كل الأنبيا المقتولين من بداية الدنيا، 51من دم هابيل ولحد دم زكريا اللي انقتل بين المذبح والأقداس. وبأكدلكو إنُه دمهن رَح ينطلب من هادا الجيل. 52يا ويلكو يا شيوخ التوراة، بعّدتو مفتاح المعرفة، وإنتو مَفُتوش ومنعتو الناس تفوت. 53ولما كان عم بِطلع من بيت الفريسي بديو جماعة الكتبة والفريسيين يعادوه ع الآخر وصاروا يستدرجوه في مواضيع كتيـرة. 54وصاروا يتصيدوه عشان يمسكو عليه كلمة.

Currently Selected:

لوقا 11: CGB

Highlight

Copy